Protokoll frå styremøte i Helse Førde HF

Transkript

1 Protokoll frå styremøte i Helse Førde HF Tid: , kl. 09:30 12:00 Møtestad: Scandic Sunnfjord hotell, Førde Styremøtet var ope for publikum og presse Deltakarar frå styret Jorunn Ringstad Agnes Landstad Helge E. Bryne Atle Hamar Harry Mowatt Geir Berge Øverland Randi Aven Berit J. Hornnes Elin Lysne Forfall frå styret Liv Stave Wenche Kristin Røkenes Styreleiar Nestleiar Varamedlem Deltakarar frå administrasjonen Jon Bolstad, administrerande direktør Vidar Vie, viseadministrerande direktør Hans Johan Breidablik, fagdirektør Halfdan Brandtzæg, økonomidirektør Anne Kristin Kleiven, utviklingsdirektør Terje Ulvedal, kommunikasjonssjef Vidar Roseth, samhandlingssjef/referent Andre deltakarar Tom Guldhav, avdelingssjef Kjell Inge Solhaug, prosjektleiar Terje Olav Øen, beredskapssjef Protokoll frå styremøte i Helse Førde HF

2 Sakliste 065/2015 A Godkjenning av innkalling og dagsorden 066/2015 A Protokoll frå styremøte i Helse Førde HF /2015 O Administrerande direktør si orientering 068/2015 A Rapportering frå verksemda per oktober /2015 O Etiske retningslinjer implementering i Helse Førde 070/2015 O Løypemelding prosjekt i Helse Førde 071/2015 A Konseptfase Arealplan Førde sentralsjukehus 072/2015 Eventuelt Skriv og meldingar Styreleiar Jorunn Ringstad ønskte velkomen til styremøte ved Scandic Sunnfjord Hotel. Fagleg orientering: Avdelingssjef Tom Guldhav ved Kvinneklinikken orienterte om arbeidet med det regionale prosjektet Trygg fødsel. Ved å gå gjennom fødslar som har resultert i alvorleg skade (NPE-saker) over fleire år, er det identifisert nokre fellesnemnarar på system- og personnivå. Ut frå desse risikofaktorane vert det gjennomført eit systematisk kvalitetsutviklingsarbeid. Overordna mål er m.a. å redusere førekomsten av alvorlege fosterskader og fosterdød med 50 % og betre pasienttryggleiken til mor og barn. I prosjektet vert det arbeidd med målretta bruk av riestimulerande medisin (sjekkliste), standardisere vakuum-/tang-forløysingar (sjekkliste) og tolking av fosterovervaking (e-læring med eksamen). Det vert nytta ein prosjektmetodikk der endringar vert prøvd ut, implementert og overvaka undervegs i prosjektet. Resultata vert kontinuerleg målt og analysert ved statistiske metodar. Resultat så langt er m.a. at bruk av riestimulerande middel har gått ned med 19 % frå 2014 til 2015 utan at det er påvist uheldige konsekvensar. Det er innført systematisk bruk av tavle med oversyn over ansvarlege og situasjon/funn. Det er og utarbeidd ei sjekkliste for bruk av operativ vaginal forløysing. Styret kommenterte at prosjektet er interessant og at prosjektmetodikken synest god. På spørsmål frå styret vart følgjande opplyst: - Internasjonalt finst det institusjonar som har arbeidd på denne måten lenge. I Norge har dette starta som eit nasjonalt program og Helse Førde er tidleg ute. - Dei nasjonale faglege rettleiarane har ikkje vore tydlege nok på definisjonar i samband med fødselsstart og iverksetting av tiltak. WHO har utvikla tydelegare definisjonar som no vert tekne i bruk i Norge. - Helse Førde har hatt ein høvesvis høg del elektive keisarsnitt. Denne delen har gått ned, og er no på nivå med landsgjennomsnittet. - I høve til Apgar-skår er det så langt vanskeleg å påvise endring på grunn av få tilfelle med låg skår kvart år. - For dette området vert det brukt eit eige program (Natus) som har mykje av dei same eigenskapane som elektronisk kurve. Det vert ei vurdering om elektronisk kurve skal implementerast her. Protokoll frå styremøte i Helse Førde HF

3 065/2015 A Godkjenning av innkalling og dagsorden Styreleiar Ringstad orienterte om: Dagsorden. Det vart informert om dialogmøte med politisk leiing i kommunane/fylkeskommunen etter styremøtet. Dokument utsendt til styret: 6 dokument var utsendt som «skriv og meldingar» Dokument utdelt i møtet: Protokoll frå drøftingsmøte med vernetenesta og hovudtillitsvalde om rapport frå konseptfase «Arealplan Førde sentralsjukehus» Det var ingen merknader til innkalling og dagsorden. 066/2015 A Protokoll frå styremøte i Helse Førde HF Styret godkjende og underteikna protokollen frå styremøte /2015 O Administrerande direktør si orientering 1: Alle møter Viseadm. direktør Vidar Vie orienterte om: Ventetidssituasjonen. Etter målretta innsats er denne no historisk god i helseføretaket. Årsplanlegging av fråvær vert innført frå Dette er ein viktig føresetnad for å kunne tildele direkte time. Utviklinga i tildeling av direkte time. Dei aller fleste nytilviste får no direkte time (i all hovudsak med namn på behandlar) og det same gjeld stadig fleire som skal inn til kontroll. Dette er ei vesentleg betring. 52 % av alle pasientar har no fastsett time. Styret ga tilbakemelding om at utviklinga er svært positiv og at det må arbeidast vidare med implementering på alle avdelingar. Det vart lagt til grunn at det også skal vere ein forsvarleg kapasitet sett av til akuttbehandling. 2: Oppfølging av verksemdsmessig utviklingsplan Utviklingsdirektør Anne Kristin Kleiven orienterte om vegkart for oppfølging av verksemdsmessig utviklingsplan. Arbeidet har fire hovudelement: Definere rammer for arbeidet mandat i 2015 Aktivitetar ein skal halde på med heile tida Kartlegge, definere og endre arbeidsprosessar Planlegge og gjennomføre byggeprosessane Styret ga tilbakemelding om god systematikk i eit viktig utviklingsarbeid og understreka særskilt betydninga av forankringsinnsatsen. Protokoll frå styremøte i Helse Førde HF

4 3: Flyktningsituasjonen status for organisering av tenester til flyktningar Beredskapssjef Terje Olav Øen orienterte. Aktuelle oppgåver for Helse Førde er m.a. vanleg helsehjelp, røntgen-/tuberkuloseundersøking, blodprøver til screening og eventuelt støtte til psykososial oppfølging. Det er etablert eit utval for asylantar og flyktningar som skal ha ein rådgjevande og koordinerande funksjon. Utvalet skal og syte for naudsynt samhandling med andre instansar og aktuell rapportering. Situasjonen er i dag noko uoversiktleg og uføreseieleg, m.a. fordi ein ikkje veit kor det kan kome flyktningmottak. 4: Telemedisin nye tilbod Adm. direktør Jon Bolstad orienterte. Telemedisinsk utstyr er teke i bruk i kommunikasjonen mellom dialyseeiningane ved sjukehusa. Nyrespesialistar ved sentralsjukehuset kan gi rettleiing og bidra til betre oppfølging av pasientane lokalt. Ved dette oppnår ein betre utnytting av fagressursar og arbeidstid og unngår i mange tilfelle at pasientar må reise til sentralsjukehuset. Det vil og bli vurdert eit prosjekt knytt til heimedialyse. Innanfor hudområdet er det avtale med hudspesialist som har pasientkonsultasjonar via telemedisinsk løysing frå Audnedal på Sørlandet. 5: Orientering frå møte Adm. Bolstad orienterte om - Deltaking på nasjonal konferanse arrangert av Helse- og omsorgsdepartementet og Norsk sykehus- og helsetjenesteforening (NHS) den : ««20 år med diskusjoner hvordan skal vi utvikle sykehusene for fremtiden?» - Helse- og omsorgsministeren sitt besøk i Sogn og Fjordane den Møte med Helse- og omsorgsdepartementet om investeringsprosjektet den saman med Helse Vest. Styreleiar Ringstad orienterte om: - Styreseminar i Helse Vest. Det vart på seminaret klargjort at det vert ein strammare økonomisk situasjon framover, m.a. fordi fleire oppgåver vert lagt til helseføretaka. Helse Vest har samla sett store investeringsplanar, og det er spenning knytt til departementet si vurdering av dette. 6: Plan for kommunale funksjonar lokalisert til Førde sentralsjukehus frå 2016 Samhandlingssjef Vidar Roseth orienterte om planar for kommunale funksjonar lokalisert til Førde sentralsjukehus frå januar 2016: Legevaktsentral for 13 kommunar Legevakt for 9 kommunar Øyeblikkeleg hjelp døgntilbod for 11 kommunar (i starten fire senger) Mogeleg tilbod i høve vald i nære relasjonar/overgrepsmottak for heile fylket Tilbod knytt til seksuelle overgrep vil frå igjen vere eit ansvar for spesialisthelsetenesta, men eit samarbeid om å vidareføre det etablerte kommunale mottaket er aktuelt. Ei mellombels løysing ved bruk av areal i eksisterande sjukehusbygg er avklara. Det vert samarbeidd om permanent arealløysing i nytt Bygg aust frå sommaren Protokoll frå styremøte i Helse Førde HF

5 Styret tek saka til orientering. 068/2015 A Rapportering frå verksemda per oktober 2015 Oppsummering: Fagdirektør Breidablik orienterte om langtidsventande, liggedøgn for utskrivingsklare pasientar, fristbrot, stryking av planlagde operasjonar, epikrisetider, korridorpasientar, og indikatorar for trygg pleie. Det er ein viss auke i tal fristbrot siste månad. Det er gode tal for epikrisetider, men andelen epikrisar innan ein dag i Psykisk helsevern må betrast. Det er framleis nokre korridorpasientar, men talet har gått ned. Helseføretaket har kome i gang med systematisk risikovurdering av pasientar i høve fall, ernæring og trykksår (prosjekt Trygg pleie). Økonomdirektør Halfdan Brandtzæg orienterte om aktivitet, økonomi og medarbeidarar. Det er framleis god aktivitet og produksjon samanlikna med fjoråret og i høve budsjett. Perioderesultatet i september vart 1,6 mill kr og resultatet ved utgangen av oktober er på 17,1 mill kr. Prognosen for året er 15,0 mill kr. Auken i varekost skuldast dels høgare aktivitet og høgare medikamentkostnader. Sjukefråveret i juli var framleis lågt, 5,9 prosent. Brutto månadsverk ligg noko høgare enn på same tid i fjor. På spørsmål frå styret vart det opplyst at reduksjonen i tal heildøgnsopphald for ruspasientar vert vurdert til å vere ein tilfeldig variasjon. Innanfor psykisk helse er ein nedgang i tal døgnopphald generelt ønskjeleg, og samhandlinga med kommunane er viktig for å kunne få det til vidare. Det er ikkje planlagt med fleire stillingar i helseføretaket i 2015 enn i Styret ga tilbakemelding om at sjukefråverssituasjonen er svært tilfredsstillande og at dette kan tyde på godt arbeid i organisasjonen. Rapportering frå verksemda per oktober 2015 vert teken til vitande. 069/2015 O Etiske retningslinjer implementering i Helse Førde Oppsummering: Styret i Helse Førde HF godkjende i styremøte at dei vedtekne etiske retningslinene for føretaksgruppa i Helse Vest også skulle implementerast i Helse Førde. Helse Vest RHF føreset årleg handsaming av retningslinene i helseføretaka. Det er i saka gjort greie for tiltak for oppfølging og implementering. Det vart stilt spørsmål om det var gjort vurderingar av behov for å justere retningslinene. Administrasjonen svarte at sjølve retningslinene er av overordna art og såleis vert vurdert å kunne stå seg over tid. Det vart elles vist til at retningslinene kan verte gjenstand for internrevisjon. Protokoll frå styremøte i Helse Førde HF

6 Styret tek saka til vitande. 070/2015 O Løypemelding prosjekt i Helse Førde Oppsummering: Oversikt over status i viktige prosjekt låg føre i samsvar med fastsett årsplan. Det er høg aktivitet knytt til ein del prosjekt, med fokus på auka pasienttryggleik, kvalitet og samhandling. Styret ga tilbakemelding om at framstillinga er oversiktleg. Det vart stilt spørsmål om ressursbruk knytt til prosjekt. Det vart vidare bedt om nærare informasjon om samhandlingsprogrammet og nye utprøvingsområde innan telemedisin. Administrasjonen opplyste at oversikt over ressursbruk vil bli forsøkt utvikla i samband med innføring av nytt prosjektverktøy. I samhandlingsprogrammet er det utfordringar knytt til framdrift i høve til plan, m.a. fordi det er mange partar som skal samarbeide. Prosjektet Samhandlingsbarometeret inngår i dette, og her har også prosjektet hatt manglande kapasitet og i ein periode ikkje klart å følgje opp planlagt oppdatering og utvikling. Det vart vist til dialogmøte med kommunane for informasjon om nye utprøvingsområde innan telemedisin. Løypemelding prosjekt i Helse Førde vert teken til orientering. 071/2015 A Konseptfase Arealplan Førde sentralsjukehus Oppsummering: I samsvar med mandat frå idéfasen er det utgreidd 3 alternativ for arealplan for Førde sentralsjukehus: Alternativ 1: «Arealplan FSS» Alternativ 2: «0 alternativ» Alternativ 3: «Nytt sjukehus» Konseptfaserapporten konkluderer med at alternativ 1 «Arealplan FSS» vert tilrådd vidareført i forprosjektfase. Rapporten frå kvalitetssikringa av konseptfasen (KSK) støttar denne konklusjonen. Alternativ 1 skal vidareførast i forprosjekt når finansiering er klar, men førebuande arbeid mot forprosjektet tek til i Prosjektet er kostnadsrekna til 1,52 milliardar kr ekskl. byggelånsrenter, og det vert søkt om finansiering på grunnlag av denne kalkylen. Prosjektmålet er at utbygginga skal gjennomførast innanfor ei kostnadsramme på 1,45 milliardar kr. Protokoll frå styremøte i Helse Førde HF

7 Prosjektleiar Kjell Inge Solhaug orienterte om rapporten. Styret ga tilbakemelding om at det har vore arbeidd godt med ei viktig sak. Administrasjonen ga tilleggsinformasjon og gjorde nokre presiseringar ut frå spørsmål frå styret. 1. Styret i Helse Førde godkjenner konseptfaserapport og start av forprosjekt. 2. Alternativ 1 «Arealplan FSS» skal leggast til grunn for vidare arbeid. 3. Prosjektet er kalkulert til 1,52 milliardar kroner. Vi legg til grunn eit styringsmål om å gjennomføre prosjektet innanfor ei kostnadsramme på 1,45 milliardar. 4. Styret legg til grunn at tilhøve som er påpeika i kvalitetssikringa av konseptfasen vert teke med i det vidare arbeidet. 5. Saka vert oversend Helse Vest for vidare handsaming. 072/2015 Eventuelt Det var ingen saker under eventuelt. Skriv og meldingar Følgjande skriv og meldingar var sendt ut til styret: Samhandlingsnytt, november 2015 «Regional plan for habilitering og rehabilitering», styresak Helse Vest RHF 101/15 «Variasjon i ventetider og fristbrot», styresak Helse Vest RHF 107/15 «Styring av dei regionale helseføretaka sine felles eigde selskap», styresak Helse Vest RHF 103/15 «Innspel til statsbudsjettet 2017», styresak Helse Vest RHF 104/15 Brev til Helse- og omsorgsdep. Innspel til statsbudsjettet for 2017, (vedlegg 1 til styresak 104/15) Følgjande skriv og meldingar vart utdelt i møtet: Protokoll frå drøftingsmøte med vernetenesta og hovudtillitsvalde om rapport frå konseptfase «Arealplan Førde sentralsjukehus» Protokoll frå styremøte i Helse Førde HF

8 Ref. Vidar Roseth Jorunn Ringstad Styreleiar Agnes Landstad Nestleiar Helge E. Bryne Harry Mowatt Liv Stave (sett) Atle Hamar Randi Aven Geir Berge Øverland Berit J. Hornnes Elin Lysne Varamedlem Protokoll frå styremøte i Helse Førde HF