Kvam herad TENESTEUTVALET. Møteinnkalling

Transkript

1 Kvam herad TENESTEUTVALET Møteinnkalling Møtedato: Møtestad: Kvam Rådhus Møtetid: Kl. 09:00 Open time: Kl. 09:00 10:00 Varamedlemmer møter etter nærare innkalling. Forfall skal meldast til fellessekretariatet, tlf eller epost Sakliste Sak nr. Arkivsak Sakstittel 001/11 11/152 Godkjenning av møteprotokoll 002/11 08/231 Re-godkjenning som Trygt lokalsamfunn 003/11 08/253 Fornying av partnarskapsavtale for folkehelse 004/11 08/2120 Søknad om ekstra statlege midlar til barnevernstenesta, - Godkjenning 005/11 08/407 Mangel på barnehageplassar- dispensasjon frå Vedtekter for kommunale barnehagar i Kvam

2 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Tenesteutvalet /11 JDME Avgjerd av: Dette utvalet Saksh.: Jorunn Drægni Mæland Godkjenning av møteprotokoll Arkiv: N- Objekt: Arkivsaknr 11/152 Framlegg til vedtak: 1. Protokollen frå møtet vert godkjent. 2. Innkallinga og saklista til dagens møte vert godkjent.

3 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Kvam heradsstyre REIKJU Tenesteutvalet /11 REIKJU Avgjerd av: Saksh.: Reidun Braut Kjosås Arkiv: N-400 Objekt: Arkivsaknr 08/231 Re-godkjenning som Trygt lokalsamfunn Samandrag I 2005 vart Kvam godkjent som Trygt lokalsamfunn i regi av WHO sitt konsept Safe Community. Bakgrunnen var prosjektet Tryggleik vårt ansvar - eit skadeførebyggande prosjekt som vart gjennomført i Ålvik i perioden Rådmannen tilrår nå at kommunen søkjer om re-godkjenning som trygt lokalsamfunn i tråd med krava frå WHO. Arbeidet med trygge lokalsamfunn i Kvam har i hovudsak vore eit tverrfagleg, langsiktig og systematisk arbeid med førebygging av skadar, dokumentasjon av skadefrekvens og årsaksmønster med forankring i kommunen sitt planverk. Ei re-godkjenning inneber at kommunen forpliktar seg til vidare langsiktig arbeid med skadeførebygging og å delta i nettverk for trygge lokalsamfunn. Dette er i tråd med mellom anna den nye Samhandlingsreforma og dei to nye lovene som er ute på høyring (Folkehelselov og helse- og omsorgslov). Alle godkjente Trygge lokalsamfunn deltek både i eit nasjonalt og eit internasjonalt nettverk for skadeførebyggande arbeid. Kostnader i samband med trygge lokalsamfunn finn vi igjen under driftsutgifter til fleire tenestestader. Det er ingen direkte kostnad knytt til re-godkjenningsprosessen eller sjølve godkjenninga. Godkjenninga gjeld for 5 år. Rådmannen sitt framlegg til vedtak: Kvam heradstyre tilrår at Kvam herad søkjer om re-godkjenning som trygt lokalsamfunn for 5 nye år perioden

4 Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar 04/ Søknad om godkjenning som Trygt Lokalsamfunn WHO For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket.

5 Saksopplysningar Etter at heradstyret (HST 009/05) vedtok å senda søknad om godkjenning av Kvam herad som trygt lokalsamfunn vart Kvam godkjent i 2005 for perioden Godkjenninga krev at kommunen arbeider etter desse 6 kriteria: 1. Ein infrastruktur basert på fellesskap og samarbeid, styrt av ei tverrsektoriell gruppe som er ansvarleg for å fremja tryggleik i sine lokalsamfunn 2. Langsiktige, berekraftige program som omfattar begge kjønn og alle aldrar, miljø og situasjonar 3. Program som er retta inn mot høgrisiko grupper og -miljø og program som fremjar tryggleiken til utsette grupper 4. Program som dokumenterer frekvens og årsaker til skader 5. Evalueringstiltak for å vurdera eigne program, prosessar og effekten av endringar 6. Kontinuerleg deltaking i nasjonalt og internasjonalt nettverk av Trygge lokalsamfunn Alle godkjente Trygge lokalsamfunn deltek både i eit nasjonalt og eit internasjonalt nettverk for skadeførebyggande arbeid. I 2010 var Kvam herad representert i den internasjonale komiteen for ein europeisk konferansen om skadeførebyggande arbeid som vart arrangert på Island. Det er nå tid for fornying av godkjenninga. Organisering og tiltak Trygge lokalsamfunn sitt arbeide i Kvam vert planlagt og styrt av ei tverrsektoriellgruppe samansett av: folkehelsekoordinator (leiar), kommunalsjef, lensmann, koordinerande sjukepleiar ved legevakta, teknisk sjef, skulesjef, kommuneoverlege, leiande helsesøster, Informasjon- og IT- medarbeidar, Grannehjelpa, fysioterapeut ved Bjølvefossen, natteramnane og helse Bergen (ambulanse tenesta lokalt). Gruppa har fire møter kvart år. Det er utarbeidd årsplan for kvart år og skrive årsmelding. Referat frå møter, årsmelding og årsplan er tilgjengelege på nettsida: TL-arbeidet har vore gjennomført i tråd med dei 6 kriteria og døme på tiltak er: - Skadestatistikk frå legevakta - Tryggleiksmarkeringar (MC-klubben, Russen, Båtfestivalen) - Utdeling av refleksvestar (i samarbeid med lokalt næringsliv). - Skadefri førebygging av idrettsskader - Sykkeldag for 5. klasse - Ungdom og refleks - Trafikksikringsdag for vidaregåande skule - Helsestasjon for spe- og småbarn samt helsestasjon for ungdom - Fallførebygging og fallregistrering i PLO - Utdeling av strøsand (Tafix) i samarbeid med Lions og Grannehjelpa - Infobrosjyre til heimebuande eldre - Siktrydding (sommar og vinter) - Oppfølging farlege forhold (nettbasert løysing) - Feiar sine heimebesøk - Informasjon om brannvern i barnehage og skule - Open brannstasjon - Natteramn-ordninga

6 - Arbeid med prosjektet Av-og-til (samarbeid med rusførebyggjande gruppe) Resultat av TL-arbeidet Førebygging nyttar, men det er vanskeleg å måle og det tek tid å få resultat. Forsking syner at systematisk arbeid over lang tid vil gi resultat. Kvam har vore godkjent som TL-kommune i 5 år. I eit førebyggingsperspektiv er dette ein kort periode. Harstad kommune har vore godkjent som trygt lokalsamfunn sidan 1994 og har jobba systematisk med skadeførebyggande arbeid sidan. Harstad har målt resultata sine og har mellom anna oppnådd: - Trafikkulukker: 27 % nedgang for alle aldersgrupper - Fallbrotsskadar i heimen: 26 % nedgang for eldre over 65 år - Forbrenningsskadar for barn under 5 år: 53 % nedgang. Ein norsk analyse av eit heimebasert treningsprogram for å førebygga fall, viser at dette tiltaket er kostnadseffektivt. Berekningar syner at eit oppfølgingsprogram reduserer risikoen for fall med over 50 % på eitt år. Kvam er nå i gang med fallregistrering og fallførebyggande tiltak i PLO, men kan førebels ikkje dokumentera resultat. Skader og ulukker i Noreg Ulukker som fører til personskader, er ei stor utfordring for folkehelsa. For personar under 45 år er ulukker den største dødsårsaka i Noreg. Ulukker er årsaka til 28 % prosent av alle dødsfall blant norske born. Kvart år vert omkring nordmenn behandla av lege som følgje av ulukker. I Kvam handsamar legevakta årleg 455 skader (gjennomsnitt i perioden ). Dette syner likevel ikkje heile skadebilete frå Kvam. Skadar som skjer på dagtid vert teke hand om av fastlegane og kjem derfor ikkje fram i denne statistikken. Det vert arbeidd med å utbetra statistikkgrunnlaget for kommunen vår. Gjennomsnittleg er det 20 lårhalsbrot per år i Kvam (perioden ). Dette medfører personlege lidingar, kostnader og tap for samfunnet. Behandlinga av eit lårhalsbrot kostar om lag det fyrste året. I tillegg kjem ein stor del av dei som får eit hoftebrot på sjukeheim i etterkant av brotet. Ein plass i sjukeheim kostar om lag kroner pr år. I oktober 2009 la regjeringa fram ein ny nasjonal strategi; Ulykker i Norge, nasjonal strategi for forebygging av ulykker som medfører personskade Eit av hovudmåla med strategien er å betra den tverrsektorielle skade- og ulukkesførebyggande innsatsen. Strategien held fram at arbeid i lokalsamfunn, frivilligsektor og næringsliv er viktige for å få til ei effektiv ulukkesførebygging. Denne type tenking er i tråd med trygge lokalsamfunn og folkehelsearbeidet som er kome godt i gang i Kvam. Trafikk Tal frå Statistisk sentralbyrå (SSB) viser at menneske er skadde eller har omkome i trafikken sidan Sjølv om det store fleirtalet vart lettare skadde (563 døde og 1910 hardt

7 skadde), set dette arbeidet med trafikktryggleik i perspektiv. Hardast ramma er dei unge. Dei står for berre 7% av den totale trafikken, men utgjer 27% av alle omkomne og hardt skadde. Også i Kvam er det unge menn (16 29 år) som er mest utsette for ulukker. Statistikken for Kvam viser at vi har for mange trafikkulukker. I åra som kjem bør det arbeidast målrett med utfordringar knytta til trafikktryggleik. Trygge lokalsamfunn har allereie fleire tiltak retta mot barn og unge, men dette arbeidet krev meir tid for å gje synlege resultat. Årleg vert det norske samfunnet påført store kostnader som følgje av skadar og ulukker. Det er rekna ut at dødsulukker i trafikken aleine vil ha ein samfunnsmessig kostnad på 26 mrd. kr i året. Økonomi Kostnader i samband med trygge lokalsamfunn finn vi igjen under fleire tenestestader, til dømes førebyggjande helsearbeid, trafikktryggleik og førebyggjande brannvern. Det er ingen direkte kostnader knytt til re-godkjenningsprosessen eller sjølve godkjenninga. Det vil likevel vera nokre kostnadar knytt til oppfølging av dei 6 kriteria som tidligare er nemnt. Kostnader o reiser i forbindelse med nasjonale samlingar og konferansar, (jf kriterie 6) o Reiser i forbindelse med internasjonale konferansar (jf kriterie 6). Dette skjer ikkje kvart år. Trygge lokalsamfunn sentralt i Noreg har begynt å gi reisestøtte til enkelte nasjonale samlingar og konferansar. Dette vil følgjeleg redusera Kvam herad sine reisekostnader. Inntekter Det vert kvart år utarbeida ulike søknader om økonomisk støtte til skadeførebyggande tiltak. I 2010 fekk Kvam tilsegn på 2 søknader ein om Trafikksikringsdag for elevar i vidaregåande skule (16 500,-) og eit tiltak retta mot ungdom og refleks (16 250,-). Trygge lokalsamfunn har samarbeida med Lions Norheimsund. Heradet bidrog med å skriva søknad til Gjensidigestiftelsen om støtte til Tafix håndstrøere. Søknaden vart sendt i Lions sitt namn og vart innvilga med kr Vurdering I samhandlingsreforma er førebyggande helsearbeid eit hovudtema. Systematisk tverrsektorielt arbeid over tid vert trekt fram som eit satsingsområde. Det er på høyring eige forslag til ny folkehelselov. I lovforslaget er skade- og ulukkesførebyggande arbeid teke med i lovteksten (jf 5 og 6). Internasjonalt er det omfattande forsking på helsefremmande og førebyggande arbeid, mellom anna ulukkesførebygging. I nasjonal og internasjonal samanheng er ulukker ei aukande folkehelseutfordring. Kvam er godt i gang med systematisk folkehelsearbeid. Vidare arbeid med kriteria som ligg til grunn for TL-arbeidet er med på å legge til rette for iverksetjing av den nye folkehelselova og helse- og omsorgslova som begge nå er ute på høyring.

8 Rådmannen tilrår at Kvam herad søkjer om re-godkjenning som trygt lokalsamfunn for dei neste 5 åra.

9 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Tenesteutvalet /11 ARAK Kvam eldreråd ARAK Kvam heradsstyre REIKJU Avgjerd av: Saksh.: Reidun Braut Kjosås Arkiv: N-400 Objekt: Arkivsaknr 08/253 Fornying av partnarskapsavtale for folkehelse Samandrag: Folkehelse er og vert eit sentralt satsingområde i tida som kjem. Regjeringa har gjort dette tydeleg gjennom forslag til ny folkehelselov som kom på høyring hausten Føremålet med ei ny folkehelselov er å medverke til ei samfunnsutvikling som fremmar folkehelse og arbeider mot sosial ulikskap i helse. Samanlikna med dagens regeleverk legg det nye lovforslaget i større grad opp til langsiktig og systematisk innsats og integrering av helseomsyn i heile kommunen si verksemd. Heradstyret vedtok i 2008 (HST 006/08) ein partnarskapsavtale for folkehelse med Hordaland fylkeskommune. Denne avtalen går nå ut og Kvam må avgjere om dei ønskjer å inngå ein ny avtale. Den nye avtalen som eventuelt skal underteiknast vil vera ein avtale som gjeld frå den datoen den vart underteikna og fram til ein av partane seier opp avtalen. For å i møtekomma det nye lovverket og endringar som er i ferd med å skje i regionen vil det vera formålstenleg framleis å ha ein partnarskapsavtale med Hordaland fylkeskommune. Avtalen vil sikra fagleg kompetanse og økonomisk støtte til det vidare folkehelsearbeidet. Pr i dag mottek Kvam eit årleg tilskot på kr til folkehelsekoordinatorstillinga. Det er erin føresetnad om at kommunen yter ein tilsvarande innsats. Rådmannen sitt framlegg til vedtak: Kvam heradstyre tilrår at Kvam herad inngår ny partnarskapsavtale for folkehelse med Hordaland fylkeskommune.

10 Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar 07/ Avtale om partnerskap for Hordaland fylkeskommune Folkehelse Mal Partnerskapsavtale for folkehelse Hordaland fylkeskommune For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket.

11 Saksopplysningar: Folkehelse har i fleire år vore eit prioritert satsingsområde både nasjonalt, regionalt og lokalt. Som grunnlag for Samhandlingsreforma (St. meld nr ) ligg mellom anna St. melding nr 16 ( ) Resept for et sunnere Norge, St. meld nr 20 ( ) Nasjonal strategi for å utjevne sosiale forskjeller og NOU 2005: 03, Frå stykkevis til helt en sammenhengende helsetjeneste (Wissløff-utvalget). Hovudmåla med Samhandlingsreforma er: - Auka livskvalitet og redusert press på helsetenesta gjennom satsing på helsefremmande og førebyggande arbeid. - Dempa vekst i bruk av sjukehustenester. - Meir heilskaplege og koordinerte tenester til pasientar og brukarar gjennom forpliktande samarbeidsavtalar og avtale om behandlingsløp. I regjeringa sitt arbeid med oppfølginga av Samhandlingsreforma var det i haust lagt ut to nye lovforslag til høyring; forslag til ny folkehelselov og forslag til ny helse- og omsorgslov. Føremålet med ei ny folkehelselov er å medverke til ei samfunnsutvikling som fremmar folkehelse og arbeider mot sosial ulikskap i helse. Samanlikna med dagens regeleverk legg det nye lovforslaget i større grad opp til langsiktig og systematisk innsats og integrering av helseomsyn i heile kommunen si verksemd. Partnarskap for folkehelse vart lansert i St. meld nr 16 ( ). Alle fylker har ansvar for å koordinere regionale partnarskap for folkehelse i sitt fylke. I Hordaland starta dette arbeidet i Kvam herad underskreiv avtale om partnarskap for folkehelse i 2008 (HST 006/08). Avtaleperioden har gått ut og heradstyret må derfor avgjere om Kvam skal inngå ein ny avtale. Kvam var i 2008 den andre kommunen i Hordaland som skreiv under partnarskapsavtale for folkehelse. Nå har 10 kommunar (i vår region Kvam, Odda og Ullensvang), fleire frivillige organisasjonar og helse Bergen underskreve partnarskapsavtale med Hordaland fylkeskommune. Fleire kommunar har fatta vedtak og vil om kort tid skrive under avtalen. Dette gjeld mellom anna Voss og Jondal. Den nye avtalen som eventuelt skal underteiknast vil vera ein avtale som gjeld frå den datoen den vart underteikna og fram til ein av partane seier opp avtalen. Avtalen kan seiast opp av ein av partane med seks månaders varsel (sjå vedlagt avtale). Innhaldet i avtalen Hordaland fylkeskommune har utarbeida ein mal på partnarskapsavtalen for folkehelse (sjå vedlegg). I avtalen er det lista opp tre satsingsområde - Sosial ulikskap - Levekår (faktorar som har innverknad på folk si helse) - Levevanar (til dømes fysisk aktivitet, kosthald og rusmiddel) Avtalen seier og noko om kva som vart forventa av dei to partnarane som inngår avtalen. Kvam herad skal: Forankre partnarskapen politisk og i leiinga, og fremje folkehelse i kommunen.

12 Tilsette ein folkehelsekoordinator i kommunen i minst 40% stilling. Fastsetje mål for det lokale folkehelsearbeidet, og lage ein årleg handlingsplan. Lage ein oversikt over folkehelsetilboda i kommunen og samordne arbeidet. Initiere partnarskapstema og bidra med eigen kompetanse og kunnskap til alle i partnarskapen. Ivareta, utvikle og samordne gode kommunale tilbod, leggje til rette for universell utforming, og skape tilbod til brukarar som ein i dag ikkje klarer å møte for å jamne ut ulikskapar i helse. Hordaland fylkeskommune skal: Saman med Fylkesmannen stille fagleg kompetanse til rådvelde. Oppfordre, skape og leggje til rette for partnarskap. Spreie informasjon og erfaringsutveksling, særleg på Gi årlege økonomiske tilskot, med føresetnad om at kommunar yter ein tilsvarande innsats. Folkehelsearbeidet i Kvam Kvam har arbeidd systematisk i fleire år med å fremja det breie folkehelsearbeidet. Dette arbeidet vart ytterlegare styrkja i 2008 med tilsetting av ein folkehelsekoordinator i 50% stilling. Kvam herad har i dag tilsett folkehelsekoordinator i 100% stilling. I dag oppfylgjer Kvam herad dei oppgåvene som det er stilt krav om i det nye avtaleutkastet. Døme på tiltak som er gjennomført på bakgrunn av folkehelsearbeidet: - Trygge lokalsamfunn o Trafikksikringsdag for elevar i vidaregåande skule o Strøsand (TAFIX) i samarbeid med Lions Norheimsund og Grannehjelpa o Skaderegistrering (Frå Kvam legevakt og politiet) o Fallførebyggande tiltak i PLO o Skadefri prosjekt retta mot idretten o Tryggleiksmarkeringar (til dømes båtfestivalen) o Livbøyer til båt og badeplassar Helseveke ved vaksenopplæringa (samarbeid med tannhelsetenesta) Fysisk aktivitet i skulen Aktivitetshefte Hoppetaukonkurranse/Petter Puls (et konsept frå Nasjonalforeningen for folkehelse) Samarbeid med Voss sjukehus (lærings og mestringssenteret) Livsstilsendringskurs (desentralisert kurs i Kvam) Diabeteskurs (desentralisert kurs i Kvam) Merking av turvegar i samarbeid med grendautvala Aktivitet for eldre Aktivitet og middagsservering i Strandebarm Verdens aktivitetsdag Sittedans Lavterskeltrening Motivasjonsseminar for eldre i samarbeid med Grannehjelpa Temakveldar om fysisk aktivitet og eldre Vinteraktivitetsdag for funksjonshemma Idèkurs for instruktørar på lavterskeltrening tilbod Diverse kurs, foredrag og temakveldar

13 FAU, lærarar, helsepersonell, brukarar, pensjonistar, politikarar, frivillige mm Framtidig folkehelsearbeid i Hardanger På bakgrunn av Samhandlingsreforma sette Hardangerrådet i gang eit forprosjekt for å overvake utviklinga i Samhandlingsreforma og oppdatere kvart kommunestyre om utviklinga, og om kva verknader reforma kan få for det lokale helsetilbodet i kommunane. Forprosjektet er avslutta og ein er i gang med å utforma ein plan for hovudprosjektet. Det er under planlegging eit delprosjekt som skal ha særleg fokus på interkommunalt folkehelsearbeid. For å i møtekomma det nye lovverket og endringar som er i ferd med å skje i regionen vil det vera formålsteneleg å fortsett ha ein partnarskapsavtale med Hordaland fylkeskommune. Avtalen vil sikra fagleg kompetanse og økonomisk støtte til det vidare folkehelsearbeidet. Økonomi Sidan 2007 har Kvam herad fått eit årleg tilskot på kr til folkehelsekoordinatorstillingen. Utan partnarskapsavtalen mister Kvam herad dette tilskottet. Ein føresetnad for å få tilskotet er at kommunen yter ein tilsvarande innsats. I utkastet til partnarskapsavtale om folkehelse er ikkje tilskotet talfesta. Tilskotet frå fylket vil vera avhengig av statlege overføringar og fylket sine eigne prioriteringar av midlar til folkehelse. Det årlege tilskotet kommunane får pr i dag er ikkje endra sidan Partnarskapskommunane vert og prioritert ved tildeling (etter søknad) av ordinære folkehelsemidlar som vert lyst ut frå fylkeskommunen. Kvam har i fleire år fått tilsegn på ein stor del av desse pengane samanlikna med andre kommunar. Vurdering: Folkehelse er eit sentralt satsingområde i tida som kjem. Dette er tydeleggjort gjennom forslag til ny folkehelselov som kom på høyring hausten Kommunane vil i framtida få eit større ansvar når det gjeld førebyggande og helsefremmande oppgåve. For å koma dei ny oppgåvene i møte har Hardangerrådet satt i gang eit forprosjekt omkring samahandlingsreforma. Forprosjektet er avslutta og hovudprosjektet er under planlegging. Eit delprosjekt i denne satsinga vil omhandle interkommunalt arbeid med folkehelse. Kvam, Odda og Ullensvang har i dag partnarskapsavtalar. Jondal og Voss har og gjort heradstyrevedtak på at dei skal inngå partnerskapsavtale med HFK. Kvam har halde på lengst med eit systematisk folkehelsearbeid i Hardanger og spiller ei sentral rolle i det interkommunale arbeidet som er i gang. Ein ny partnarskapsavtale vil sikra eit økonomisk tilskot til eit arbeid som må gjerast enten kommunen har ein avtale eller ei. Avtalen sikrar og eit systematisk fagleg samarbeid med andre kommunar, fylkeskommunen og med sentrale frivillige organisasjonar (td Hordaland idrettskrets, Nasjonal forreningen for folkehelse og Bergen turlag). Rådmannen tilrår at Kvam herad inngår ny partnarskapsavle for folkehelse med Hordaland fylkeskommune.

14

15 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Tenesteutvalet /11 ASSO Kvam eldreråd ASSO Kvam heradsstyre MGAK Avgjerd av: Heradsstyret Saksh.: Mali Grete N. Aksnes Arkiv: N-360 Objekt: Arkivsaknr 08/2120 Søknad om ekstra statlege midlar til barnevernstenesta, - Godkjenning Samandrag: I statsbudsjettet for 2011 vart det avsett ei barnevernspakke på 390 millionar der 240 millionar skal nyttast til å opprette fleire stillingar i det kommunale barnevernet. I tillegg kan det søkjast om utviklingsmidlar. Hordaland får ca 22 millionar til vidarefordeling. Denne summen skal administrerast av Fylkesmannen og fordelast etter søknad frå kommunane. Søknaden skal vera politisk behandla i kommunestyret. Dette er ingen lovnad om midlar, men eit høve til å vere med i vurderinga om å få del i dei ekstra midlane. Departementet har som mål at nye ekstramidlar skal vidareførast ut over Barnevernstenesta i Kvam har arbeidd med søknaden, vurdert behov og søkt om to aktuelle innsatsfelt nedfelt i to punkt: 1) Ei ekstra sakshandsamar/fagstilling og 2)Opplæring og implementering av tiltaksmetodar innan barnevernet. Kopi av søknaden ligg ved saka. Rådmannen sitt framlegg til vedtak: Kvam heradsstyre godkjenner vedlagt søknad, sendt , frå barnevernstenesta i Kvam til Fylkesmannen i Hordaland om ekstramidlar tildelt barnevernstenesta i kommunane for Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar 11/ Søknadsskjema - Satsing Kvam herad kommunalt barnevern &versjon=1&variant=P&ct=RA-PDF For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket.

16

17 Saksopplysningar: I statsbudsjettet for 2011 vart det avsett ei barnevernspakke på 390 millionar der 240 millionar skal nyttast til å opprette fleire stillingar i det kommunale barnevernet. I tillegg kan det søkjast om utviklingsmidlar. Hordaland får ca 22 millionar til vidarefordeling. Denne summen skal administrerast av Fylkesmannen og fordelast etter søknad frå kommunane som skal vere politisk behandla i kommunestyret. Fordeling skal skje etter ei samla vurdering med ulike kriterier. Fristen for å søkja er Det er gjeve klarsignal om at politisk godkjenning kan ettersendast. Dette er ingen lovnad om midlar, men eit høve til å vere med i vurderinga om å få del i dei ekstra midlane. Departementet har som mål at ekstramidlane skal vidareførast. Talet på barn og unge som får hjelp av barnevernet har auka mykje dei siste åra. I år 2000 var det 21,8 barn pr barn som fekk hjelp, i 2009 hadde dette talet auka til 29,5. Vi ser same tendensen i Kvam. Sakene er og meir kompliserte, og ein spesiell merkbar auke er det i vanskelege barnefordelingssaker der barnevernstenesta blir kobla inn fordi situasjonen i stor grad går ut over omsorga for borna. Det å ha tilstrekkeleg tal tilsette er viktig for kvalitetetn på arbeidet, vert det hevda i skrivet frå departementet. Det andre feltet departementet nemner særskilt er kompetansestyrkande tiltak. Det er ei viktig målsetjing for departementet at barnevernet skal ha eit likeverdig barnevern over heile landet, og at barnevernet skal vera det dei kallar kunnskapsbasert. Tilsette treng nødvendig og oppdatert fagkompetanse. Det har til alle tider vore diskusjonar om kva som er rett barnevernshandsaming, og det å bli opplært i metodar som har vist seg å gje positive verknader, er svært viktig. Barnevernstenesta i Kvam har arbeidd med søknaden, vurdert behov og søkt om to aktuelle innsatsfelt nedfelt i desse punkta: 1. Det vert søkt om ei ekstra sakshandsamar/fagstilling. Det vert i søknaden vist til at det med dagens bemanning er vanskeleg å oppfylla krava i Lov om barnevernstenester. Det går på å halda tidsfristar, utarbeida tiltaksplanar til rett tid og ofte mangel på evaluering i rett tid om dei tiltaka ein har sett i verk er tenlege. I tillegg til lovpålagde krav har dei tilsette i dag alt for liten kapasitet til andre oppgåver som er nødvendige for at borna skal få god nok hjelp, t.d. rettleiing av støttekontaktar og besøksheimar. Det er for lite tid til kvalitetssikring av internkontroll. Dei siste åra har det vore stor pågang av svært kompliserte og vanskelege saker som er tidkrevjande og utfordrar tenesta på ein ny måte. 2. Barnevernstenesta må heile tida jobba med kva metodar dei skal nytta. Dei tilsette har vore på kurs og nytta kontormøte til å implementera ein ny metode. No blir det søkt om midlar for å vidareføra ein arbeidsmetode frå å gjelda utredning til og å gjelda tiltaksfronten. Her er det først og fremst familiesenteret som skal spesialisera seg på dette. Målet er å sikra faktisk kvalitativ endring i familiar som slit, i staden for berre å setja inn kompenserande tiltak. Barnevernstenesta i Kvam ynskjer å få til ei endring som stikk djupare enn andre metodar som har vore nytta til no. Tenesta har kontakt med fagfolk med lang erfaring og som kan vera med i eit slikt nybrottsarbeid. Dersom dei 390 millionane ikkje er brukt opp etter første tildelingsrunde opnar departementet opp for ny søknadsrunde med frist 1.september Vurdering: Det er positivt at departementet ser behovet for auka satsing i barnevernstenesta. Rådmannen er einig i at både tal tilsette og kompetanse om metodar i barnevernsarbeidet er viktig. Rådmannen støttar søknaden og innstiller på at Kvam heradstyre godkjenner søknaden.

18 Kvam herad Sakspapir SAKSGANG Styre, utval, komite m.m. Møtedato Saksnr Sakshands. Tenesteutvalet /11 MGAK Kvam heradsstyre MGAK Avgjerd av: heradsstyret Saksh.: Mali Grete N. Aksnes Arkiv: N-211 Objekt: Arkivsaknr 08/407 Mangel på barnehageplassar- dispensasjon frå Vedtekter for kommunale barnehagar i Kvam Samandrag: Kvam heradstyre er kjent med at det er kome spørsmål til kommunen om det er mogleg å oppretta fleire barnehageplassar for vårhalvåret Kommunen imøtekjem søknadene frå foreldre som har lovfesta rett til barnehageplass, men det er mange søkjarar som står utan plass for borna sine når dei skal tilbake i arbeid etter avslutta fødselspermisjon. Lovfesta rett har berre dei som søkjer ved fellesopptaket i mars og der borna fyller eitt år ved utgangen av august det året dei søkjer. Det er få utan rett som får plass utover våren. Av økonomiske grunnar er ikkje barnehagane dimensjonerte slik at dei har plassar ledige over lenger tid, bortsett frå enkeltdagar og i korte periodar. Det er lett å forstå at foreldra ynskjer at det skal vera barnehageplassar tilgjengeleg når dei treng det i løpet av barnehageåret. Det er fleire måtar å opna opp for fleire born i barnehagane. Det kan opprettast nye avdelingar, eller avdelingar med nok areal kan tilsetja fleire vaksne for å opna opp for fleire born. I vedtektene for barnehagane i Kvam er det i punkt 10 sagt at frå den månaden barnet fyller 3 år er det å rekna som ei eining, barn under 3 år svarar til 2 einingar. I merknadane til forskrift om pedagogisk bemanning i barnehagelova står det slik: Et barn anses for å være tre år det året det fyller tre år. Det betyr at tidspunktet for å rekna eit barn som 3 år kan gjelda frå 1.januar, sjølv om barnet ikkje er 3 år før i desember. Det er ikkje vanleg praksis å rekna slik. Det har ikkje vore ynskjeleg å la så små born måtta flyttast til stor avdeling med mykje mindre vaksenkontakt og meir krevjande opplegg generelt. For likevel å greia å gje fleire barn plass i barnehagane er det kommunar og barnehagar som definerer 2- åringar som 3 år dersom dei er fødde innan utgangen av juli for vårhalvåret og innan utgangen av desember for hausthalvåret. Slik situasjonen er i Kvam, vil rådmannen tilrå at det vert gjort endringar i vedtektene slik at ei slik tolking kan prøvast ut i For eventuell fast endring i vedtektene vil det måtta vurderast når foreldreråd og samarbeidsutval har fått handsama saka etter ei prøvetid. Rådmannen sitt framlegg til vedtak: 1. Kvam heradsstyre vedtek at det skal gjevast dispensasjon frå punkt 10 i Vedtekter for kommunale barnehagar i Kvam slik at: 2-åringar som er fødde innan utgangen av juli for vårhalvåret og innan utgangen av

19 desember for hausthalvåret blir rekna som 3 år frå barnehagen startar i januar og august. 2. Om dette skal bli ei varig ordning må det handsamast etter at foreldreråd og samarbeidsutval har fått uttala seg etter ein prøveperiode i For inneverande barnehageår skal endringa gjelda frå 1.mars. Lista inneheld sentrale dokument som det er referert til eller sitert frå i saksframstillinga: JournalID Journaldato Tittel Avsendar For å opne dokument det er referert til i tabellen må du klikke på lenka under her. Skriv så inn JournalID i søkefeltet DokumentID og utfør søket.

20 Saksopplysningar: Kvam heradstyre er kjent med at det er kome spørsmål til kommunen om det er mogleg å oppretta fleire barnehageplassar for vårhalvåret Dimensjoneringa av barnehagane våre er lagt opp for å imøtekoma dei som søkjer innan den fastsette fristen. Lovfesta rett har berre dei som søkjer ved fellesopptaket i mars og der borna fyller eitt år ved utgangen av august det året dei søkjer. Dei som fyller eitt år etter 1.september har dermed ingen lovfesta rett til barnehageplass før neste barnehageår. Av økonomiske grunnar har det ikkje vore lagt opp til å ha plassar ledige over lenger tid, bortsett frå enkeltdagar og i korte periodar. Det er grunnen til at kommunen har mange søkjarar som ikkje får plass, spesielt siste halvåret før nytt barnehageår. Det er lett å vera einig i at alle born burde fått barnehageplass når foreldra har behov for det. Det er ein vanskeleg situasjon for foreldre som er ferdige med permisjonstida og som skal ut i arbeid igjen når dei ikkje får barnehageplass. Desse må gjerne ta uløna permisjon. For mange er ikkje det enkelt av økonomiske omsyn. Det er ofte heller ikkje ynskjeleg sett frå arbeidsgjevar sin ståstad. Det er eit politisk val korleis Kvam vil framstå i møte med unge innbyggjarar, om ein skal leggja seg på minimumskravet som er å gje barnehageplass til dei med lovfesta rett, eller om det skal vera tilnærma reell full barnehagedekning, d.v.s. at kommunen kan gje tilbod til alle som ynskjer barnehageplass. For å oppretthalda folketalet og auka interessa for Kvam herad som etableringsstad ser mange på dette med reell full barnehagedekking som eit viktig tiltak. Status for tal born på venteliste pr. 11. januar ser slik ut: Barnehage januar februar mars april mai Sjydnahaugen Øystese Tolomarka Norheimsund Tørvikbygd Ålvik Fykse Sandven FUS 2 TOTALT Oversikten viser at det er 29 born som har søkt om barnehageplass våren 2011, men berre nokre få vil få plass. Kor stort det reelle talet er, veit vi ikkje. Erfaringsmessig er det mange i vårhalvåret som søkjer for sikkerheits skuld, men som ikkje takkar ja når dei får tilbod. Ein del foreldre ynskjer å utvida permisjonstida til etter sommaren. Det vil og kunne vera foreldre som flyttar i løpet av eit halvår eller vil redusera tal dagar, noko som gjev opning for at fleire får plass. Det er fleire måtar å opna opp for fleire born i barnehagane. 1. Det kan opprettast mellombelse avdelingar for vårhalvåret. Som barnehageeigar vil kommunen måtte sjå etter aktuelle lokale og lysa ut etter fleire tilsette. 2. Dersom det er areal nok i dei avdelingane vi har til å utvida tal born, er det og ei løysing som kan nyttast viss vi kan tilsetja fleire vaksne. Det er enklare og billegare enn å oppretta nye avdelingar. 3. I vedtektene for kommunale barnehagar i Kvam er det nedfelt at frå den månaden barnet fyller 3 år er barnet å rekna som ei eining, d.v.s. fylla ein plass, medan born under 3 år svarar til to einingar/plassar. Styrar i samråd med barnehagesjef og

21 verneombod avgjer om det i periodar kan vera fleire born enn norma tilseier. Dette blir av og til praktisert i Kvam. 4. I merknadane til forskrift om pedagogisk bemanning i barnehagelova står det slik: Et barn anses for å være tre år det året det fyller tre år. Det betyr at tidspunktet for å rekna eit barn som 3 år kan gjelda frå 1.januar, sjølv om barnet ikkje er 3 år før i desember. Dette vil kunna gje plass til fleire born i barnehagane i Kvam. 5. Det er kommunar og barnehagar som har laga ei mellomløysing for å definera 3- åringane, ikkje fødselsdato, som er den mest vanlege tolkinga, og heller ikkje slik barnehagelova tillet barnehage-eigar å tolka lova, jmf. punkt 4. Ved ei mellomløysing blir 2-åringar definert som 3 år dersom dei er fødde innan utgangen av juli for vårhalvåret og innan utgangen av desember for hausthalvåret. Dette vil gje rom for fleire born frå 1.januar og 1.august. Til punkt 1 og 2 vil kvar ekstra tilsett pr. månad kosta om lag kr ,-. I fire månader vil det kosta ,- minus pårekna inntekter med ca. kr ,- i foreldrebetaling pr.mnd. pr. barn, nettoutgifter ca ,- pr. tilsett. Slik situasjonen er i Kvam vil rådmannen tilrå at det vert gjort endringar i vedtektene slik at ei slik tolking vist i punkt 5 kan prøvast ut i Eventuell fast endring i vedtektene må vurderast når foreldreråd og samarbeidsutval har handsama saka. Forslag til dispensasjon frå vedtektene har vore lagt fram for Utdanningsforbundet og Fagforbundet. Organisasjonane var sterkt imot å gå for alternativ 4 som ei fast ordning. Ei omlegging av vedtektene vil uansett svekka kvaliteten på tilbodet til borna og auka presset på dei tilsette. Kvam har mange gamle og lite tenlege lokale til barnehagedrift. Derfor er arbeidspresset allereie høgt. Foreldreråd og samarbeidsutval har ikkje hatt høve til å uttala seg om ei slik omleggjing. I barnehagelova står: Barnehageeieren skal sørge for at saker av viktighet forelegges foreldrerådet og samarbeidsutvalget. Det må gjerast før eventuell ny fast ordning. Vurdering: Venteliste-oversikten viser at det er mange born som ikkje får barnehageplass slik foreldra har søkt om. Sjølv om borna ikkje har lovfesta rett til barnehageplass, hadde det vore ynskjeleg å gje tilbod til dei som treng plass. Barnehagesektoren vil kunne greia å organisera utvida tilbod, men det er samstundes viktig å understreka at kvaliteten på tilbodet må vurderast som fagleg forsvarleg av styrarane. Kommunen har mange gamle og lite tenlege lokale til barnehagedrift i dag. For at borna skal ha eit godt barnehagetilbod må borna oppleva nok meistring og at tilsette har nok tid og nok omsorg for kvart enkelt barn. Av økonomiske grunnar vil ikkje rådmannen tilrå å starta opp nye avdelingar, men heller utnytta avdelingar som har nok areal etter lova. Kvam heradsstyre har fleire val for å imøtekoma behovet for at fleire skal få barnehageplass i vårhalvåret. Fagleg beste løysinga er å gje barnehagane høve til å tilsetja ekstra personale for å ta imot fleire born i avdelingar der det er areal til fleire. Det vert da behov for ekstra tilsette slik at tal vaksne er i tråd med regelverket. Vaksentettleiken skal vera 1 på 6 born over 3 år, 1 på 3 born under 3 år. Utan å bryta lova kan vedtektene endrast til å rekna alle born som 3- åringar det året dei fyller 3 år. Det er kommunar og barnehagar som nyttar ei mellom-løysing. Da blir 2-åringar definert som 3 år når dei er fødde innan utgangen av juli for vårhalvåret og innan utgangen av desember for hausthalvåret. Dette vil gje rom for fleire born frå 1.januar og 1.august. Slik situasjonen er i Kvam vil rådmannen tilrå at det vert gjort endringar i vedtektene slik at ei slik tolking kan prøvast ut i For eventuell fast endring i vedtektene vil det måtta vurderast når foreldreråd og samarbeidsutval har fått handsama saka etter ei prøvetid.

22 Side 1 av22