Kommune- og fylkestingsvalet 2019 VÅRE SAKER!

Transkript

1 Kommune- og fylkestingsvalet 2019 VÅRE SAKER!

2 FOTO: FELLESFORBUNDET

3 Kommune- og fylkestingsvalet 2019 Fellesforbundet driv eit aktivt fagleg politisk arbeid. I 2019 er det val til kommunestyre og fylkesting. Dette er folkevalde organ som behandlar og gjer vedtak i mange viktige saker med stor betydning for innbyggjarane. Her skal vi vera med å påverke. Det gjer vi blant anna ved å fremme forslag på saker i programma til partia og å fremme kandidatar til å stå på partia sine vallister. Kommune- og fylkespartia er i gang med å utarbeide partiprogramma sine som dei skal gå til val på. I den fasen er partia mottakelege for innspel frå ulike aktørar i samfunnet, inkludert fagrørsla. Vi har no ei god muligheit til å få partia til å forplikte seg til politikk som vil kome våre medlemer til gode. Dette heftet inneheld tips til saker som kan vera relevante for avdelingane å spele inn til partia sine partiprogram for kommune- og fylkestingsvalet i Men det kan også vere andre saker som er aktuelle, og tilpassa dei lokale utfordringane. Vi tilrår å ta kontakt med kommunepartia og gi meld ing om at de har saker som de vil fremme. De kan sende forslag skriftleg eller be om møte for å presentere sakene. Som regel finn de kontaktpersonar og -adresser på nettsidene til partia. Samtidig med at partia utarbeider valprogram skal dei også nominere sine kandidatar til kommune- og fylkestingsvallistene. Fellesforbundet er opptatt av at vi får nominert kandidatar som også er medlemer av Fellesforbundet, og som kjenner arbeidslivet godt. Det er viktig både for å få sterkare innverknad i politikken, men også fordi alle grupper av folket bør vere representerte i valde demokratiske organ. Finn derfor fram til kandidatar som de vil føreslå for partia. Kandidatane må sjølvsagt ønske det, og for å bli nominert er det nærast ein føresetnad at ein også er medlem av det aktuelle partiet. Lykke til! Med vennlig hilsen Jørn Eggum Leiar Fellesforbundet 3

4 Krav til det offentlege som oppdragsgjevar og innkjøpar. Faste tilsettingar og lærlingar. I Norge er det offentlege den klart største bestillaren av oppdrag og ein stor innkjøpar. Samtidig er særleg kommunane dårlege til å stille krav om bruk av lærlingar i oppdraga sine og innkjøp. Fleire av Fellesforbundet sine avdelingar har til dømes avdekka at mange kommunale byggeprosjekt ikkje har ein einaste lærling på byggeplassen. FOTO: ISELIN PAULSEN Useriøse aktørar fører til at kvaliteten på arbeidet blir dårlegare, at skatte middel blir drege unna fellesskapet og ikkje minst at arbeidarar blir utsette for uverdig og tidvis ulovleg behandling. Kommunar og fylkeskommunar kan gjere meir for å skape eit meir seriøst arbeidsliv ved å krevje anstendige løns- og arbeidsvilkår hos leverandørar og eventuelle underleverandørar. Seriøse leverandørar løner seg også økonomisk. Det blir mindre byggefeil og levetida på det som blir bygd blir lengre. Vi veit også at det er mykje kriminalitet blant underleverandørar som er langt nede i kontraktkjeda. Dersom det offentlege stiller krav som 4

5 5

6 bestillar kan det føre til at heile bransjar kan bli meir seriøse. For ingen større aktørar har råd til å velgje bort det offentlege som kunde. Blir dei tvinga til å satse på lærlingar og eigne tilsette fordi det offentlege stiller krav om det kan dette få ringverknader for heile bransjen. Då kan trenden med at det er dei useriøse som set standarden bli snudd. Det offentlege må bli ein tydelegare og meir ansvarleg innkjøpar som også tar ansvar for å utdanne fagarbeidarar gjennom byggeprosjekta sine. Fleire kommunar har innført strenge reglar for offentlege anbod og innkjøp. I boksen på denne sida finn de krav som Oslo kommune set i sine anbod. Her er konkrete krav om fagarbeidarar, faste tilsette, lærlingar m.m. på det enkelte prosjekt. I dag (juni 2018) er det rundt 160 kommunar og fylke som har ein eller annan modell for å styrke seriøsiteten på eigne byggeprosjekt. Også store byggherrar som OBOS og Statsbygg brukar modellar for å fremme seriøsitet. Målet må vere at alle kommunar, fylke og statlege etatar/bedrifter har slike krav. Mogelege innspel til partiprogramma kan vera: Kommunen/fylkeskommunen må gjennom anbod og innkjøp vedta omfattande reglar for å motverke sosial dumping og styrke fagopplæringa. 6

7 Krava i Oslomodellen Krav om bruk av fast tilsette. Krav om tariffløn mellom oppdrag i dei tilfella innleigd arbeidskraft blir brukt. Krav om at 50 prosent av arbeidande timar innanfor bygg- og anleggsfaga skal utførast av fagarbeidarar eller personell med dokumentert fagopplæring. Krav om at minimum 10 prosent lærlingar på kontraktar på område med behov for lærlingar. Krav om berre eitt ledd i underentreprenørkjeda. Nøkkelpersonar i prosjektet skal forstå og gjera seg godt forstått på norsk. Krav om at alle registrerer seg i det elektroniske registreringssystemet HMSREG (SELMA) frå første dag på oppdraget. Krav om innsyn i alle forhold hos leverandøren av betydning for kontrakten. Krav om løns- og arbeidsvilkår på same eller høgre nivå enn allmenngjorde, landsdekkande eller lokale tariffavtaler. Krav om sporbar betaling til arbeidaren sin bankkonto, og forbod mot kontant betaling. 7

8 Arbeidsplassar og næringsutvikling Kommunen og fylkeskommunen bestemmer kor og korleis vegar, kommunale bygg, næringseigedomar og bustader skal byggjast og driftast. Korleis kommunen gjer dette er ofte avgjerande for å sikre trygge arbeidsplassar og skape nye. Blant anna eig fylka 49 prosent av Innovasjon Norge og har på den måten stor innverknad på korleis statlege middel til næringsutvikling og innovasjon blir prioritert. Mogelege innspel til partiprogramma kan vera: Leggje til rette næringsareal og plassere desse på område som har tilknyting til gode transportårer. Ha næringsavdeling i kommunen/fylkeskommunen som kan gje hjelp og service overfor eksisterande og nye bedrifter. Fylkeskommunen er underlagt lov om omstilling. Det betyr at fylkeskommunen skal hjelpe til i situasjonar der produksjon må trappast betydeleg ned eller leggjast ned. Fylkeskommunen må ha tilstrekkeleg kompetanse og kapasitet til å følgje opp ansvaret sitt i tråd med omstillingslova. Kommunar og fylke har betydeleg eigarskap i attføringsbedrifter og bedrifter for varig tilrettelagt arbeid (VTA). Kommunane og fylka må bruke denne eigarskapen aktivt for å utvikle bedriftene ut frå føremålet om å skape attføringsplassar og plassar for dei som treng varig tilrettelagt arbeid. 8

9 9

10 10

11 Serveringsnæringa Kommunen har som oppgåve å gje og kontrollere serverings- og skjenkeløyvingar. Det er viktig å ha ein serveringsbransje med seriøse aktørar. Arbeidslivskriminalitet, svart arbeid og skatteunndragingar må motarbeidast også av kommunane. Samtidig som det er viktig at skjenkebestemmingar tar omsyn til dei potensielle sosiale konsekvensane som eit usunt alkoholforbruk kan medføre, er det viktig for næringa at dei har gode og føreseielege vilkår. Mogelege innspel til partiprogramma kan vera: Alle kommunar skal utarbeide ein alkoholpolitisk plan der løyvingspolitikken legg rammer og vilkår som tar omsyn både til dei overordna sosialpolitiske forholda og til næringspolitiske utfordringar. Det må etablerast eit samarbeid over kommunegrensene for å utarbeide like rutinar i løyvingspolitikken og gjennomføring av samordna kontrollar. Stoppe overetablering av skjenkestadar ved å bruke det kommunale planverket for å regulere etableringar. 11

12 Bustadpolitikk Det meste av bustadpolitikken er lokal. Kommunane har stor innverknad på kor det blir bygd bustader. Det er viktig at det blir ført ein bustadpolitikk som sikrar jamn og høg bustadbygging og som sikrar at alle, også førstegangskjøparar, har høve til å kjøpe seg ein stad å bu. Blant anna prøver OBOS å nå ut med eit tilbod til bustadkjøparar som reduserer inngangsbilletten med opptil 15 prosent mot at eit eventuelt seinare sal blir regulert. På denne måten blir prisen på inngangsbilletten til ny bustad lågare. Mogelege innspel til partiprogramma kan vera: Kommunen må leggje til rette for at det blir bygd fleire bustader. Kommunen må leggje til rette for byggeklare tomter til ein pris som er overkommeleg for folk med normale inntekter. Kommunen må sørgje for rimelege utleigebustader for studentar. Kommunen må også auke talet på kommunale bustader. Kommunen må vera ein aktiv formidlar av Startlån slik at folk, særleg unge, kan få økonomisk hjelp til å kjøpe sin første bustad. Startlån må kunne brukast som del av eigenkapitalen ved bustadkjøp. Kommunane må i samarbeid med bustadkooperasjonen setje i gang prosjekt med mål om å redusere prisen på inngangsbilletten til bustadmarknaden. 12

13 13

14 Skule og utdanning Kommunar og fylke har ansvaret for grunnskule, vidaregåande skule og yrkesopplæringa. At skulen fungerer godt er ein føresetnad for at alle skal ha like muligheiter og ein god oppvekst. I dag er det alt for mange ungdomar som ikkje fullfører vidaregåande utdanning og som ikkje får læreplass. Overgangen mellom ungdomsskule og vidare gåande skule er ofte vanskeleg for mange. Samarbeidet mellom kommunane og fylka må derfor styrkjast. Mange vaksne jobbar i dag som ufaglærde. Det bør vera eit mål at desse får tilbod om å ta fagutdanning. Mogelege innspel til partiprogramma kan vera: Dei vidaregåande skulane og bedriftene må samarbeide betre for å få ei meir praktisk retta yrkesfagleg utdanning. Skulane må sikrast tilstrekkeleg og arbeidslivsrelevant utstyr for å kunne gje god opplæring i yrkesfaga. Vaksne sin rett til og muligheit til å ta relevant fagutdanning må styrkjast. 14

15 15

16 Barnehagar og skulefritidsordning (SFO) Ein god barnehage og skulefritidsordning er viktig for at barn skal få ein god og trygg oppvekst og for å medverke til eit godt grunnlag for vidare utvikling. Språk og sosiale ferdigheiter er viktige eigenskapar som blir lært i denne tidlege fasen. Samtidig gir barnehagar og SFO muligheita for foreldra si deltaking i arbeidslivet. Det er derfor viktig at tilbodet er tilgjengeleg for alle, både at det finst eit tilbod i nærleiken av der folk bur og at det er til ein overkommeleg i pris. Mogelege innspel til partiprogramma kan vera: Det må byggjast gode barnehagar og skulefritidsordningar. Kommunen bør stille krav til utbyggjar om levedyktige og miljø- og energivenlege bygningar. Kommunen må sørge for tilbod om gratis kjernetilbod for alle fireog femåringar i kommunen, at foreldrebetalinga blir halden låg og at ordninga med søskenmoderasjon blir gjort gjeldande både for barnehage og SFO. 16

17 17

18 18

19 Eldreomsorg Det må vere eit mål for eitkvart samfunn å gje dei eldre ein verdig og god alderdom. Eldreomsorga er ei av hovudoppgåvene til kommunen. Vi lever stadig lenger og det blir endå fleire eldre i samfunnet. Dette er grunnleggande positivt, men kan også føre til at fleire blir pleietrengande. Utfordringa er å lage eit tilbod som både tar ekstra vare på dei som treng det, og som legg til rette for aktivitet blant dei som treng det. Velferdsteknologiske løysningar kan vera med på å avlaste tilsette og bidra til at dei får meir tid til den enkelte. Fellesforbundet ønskjer eit sterkt og godt offentleg tilbod. Det skal ikkje vera lommeboka som avgjer om den enkelte får gode tenester. Mogelege innspel til partiprogramma kan vera: Eldreomsorga og helsetenestene skal vera det offentlege sitt ansvar og det offentlege må også i hovudsak produsere tenestene. Kommunane må leggje til rette for at det blir bygd nok sjukeheimsplassar og omsorgsbustader. Kommunane må også opprette aktivitetssentra for å forhindre eit passiv tilvære blant dei eldre. Heimetenesta bør styrkjast slik at folk kan bu heime så lenge det er helsemessig forsvarleg. Det tilsette må ha god tid til kvar enkelt. Tenesta bør vera basert på fast tilsett personell. Velferdsteknologiske løysningar må takast i bruk der dei kan føre til at dei som treng det får eit meir aktivt og sjølvstendig liv. Kommunen må prioritere god og næringsrik mat og aktivitet. 19

20 Miljø og klima, transport og samferdsel Verda står i dag overfor store miljø- og klimautfordringar. Mange av utfordringane krev store nasjonale og internasjonale tiltak, men mange av løysningane finst også lokalt. Det offentlege kan stille miljøkrav når dei set tenester ut på anbod. Mykje av dagens klimagassutslepp skjer i transportsektoren. Dette er samtidig ein sektor der kommunane og fylkeskommunane har stor innverknad på korleis tilbodet blir utforma og kva for løysingar som blir valde. Miljø- og klimakrav bør vera avgjerande for val av løysingar. Kommunen og fylkeskommunen bør leggje til rette for løysingar som gir mindre utslepp og som gjer det billeg og enkelt å bruke klimavenlege løysingar. Mogelege innspel til partiprogramma kan vera: Stille krav i kommunale anbod og innkjøp om miljø og klima. Kommunen skal ha som mål at alle nybygg og renoveringar av kommunale bygg skal minst vera passivhus-standard. Stille krav om utsleppsnivå for leverandørar av transporttenester. Kommunane og fylka må sørgje for nødvendige investeringar i miljøvenleg transportnettverk og kollektivtilbod. Kollektivtransporttilbodet skal vera godt og det må etablerast elevog studentrabattar, eller eventuelt må desse forbetrast. 20

21 21

22 Integrering Arbeidslivet er den beste arenaen for integrering. På arbeidsplassen skal alle arbeidstakarar behandlast likt uavhengig av sosial bakgrunn, etnisitet eller religion. Nokre fell utanfor arbeidslivet, mens andre har flykta frå krig og konflikt. Kommunar og fylkeskommunar har ikkje innverknad på kor mange som kjem til Norge, men dei er heilt avgjerande for å få til god integrering av dei som kjem, både i samfunnet og i arbeidslivet. Mogelege innspel til partiprogramma kan vera: Kommunar og fylkeskommunar må aktivt jobbe for at arbeidsplassen skal bli ein god integreringsarena. NAV, skulen, vaksenopplæringa, kommunen og næringslivet må samarbeide for å finne riktige tiltak for den enkelte. Ikkje satse på låge lønningar som strategi og verkemiddel for å integrere folk i arbeidslivet. 22

23 23

24 Produksjon/trykk: LO Media Bilder som ikke er kreditert i heftet er hentet fra Colourbox.com Besøksadresse: Lilletorget 1, 0184 OSLO Postadresse: Postboks 9199 Grønland, 0134 OSLO Telefon: E-post: post@fellesforbundet.no Internett: Facebook: