Møtebok. Forfall/møtte ikkje Frå Følgjande varamedlem møtte Frå Anniken Rygg H Roar Henden H

Transkript

1 Gloppen kommune Utval Helse- og omsorgsutvalet Møtestad Formannskapssalen Dato Tid Kl. 09:00-12:00 Møtebok Følgjande medlemar møtte Arnfinn Jørgen Brekke Olaf Sigurd Gundersen Marit Straume Vidar Sandal Per Ståle Husevåg Liv Petra Holme Frå KRF SP SP SP KRF AP Forfall/møtte ikkje Frå Følgjande varamedlem møtte Frå Anniken Rygg H Roar Henden H Andre som møtte Gunhild Gimmestad, helse- og omsorgssjef Møteleiar: Arnfinn Jørgen Brekke Underskrift: Arnfinn Brekke Sakliste Sak nr. Sakstittel 010/19 Godkjenning av møtebok, innkalling og sakliste 011/19 Referat og orienteringssaker 012/19 Faste vikarar - ei tilbakemelding for helse og omsorg 013/19 Dagtilbod til heimebuande personar med demens 014/19 Tildeling av midlar frå August Christian Mohrs legar for /19 Politisk organisering for valperioden

2 Gloppen kommune Arkiv: FE-033 JournalpostID: 19/4653 Saksbehandlar: Anvor Hauge Saksnr. Utval Møtedato 010/19 Helse- og omsorgsutvalet Godkjenning av møtebok, innkalling og sakliste Vedlegg i saka: Protokoll - Helse- og omsorgsutvalet Utvalsleiar si tilråding: 1. Helse- og omsorgsutvalet godkjenner møteboka frå sitt møte den 21. mars Helse- og omsorgsutvalet godkjenner innkallinga og saklista til møtet den 10. april Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet. Helse- og omsorgsutvalet HOU- 010/19 Vedtak 1. Helse- og omsorgsutvalet godkjenner møteboka frå sitt møte den 21. mars Helse- og omsorgsutvalet godkjenner innkallinga og saklista til møtet den 10. april Vedtaket var samrøystes. Side 2

3 Gloppen kommune Arkiv: FE-033 JournalpostID: 19/5296 Saksbehandlar: Jan Kåre Fure Saksnr. Utval Møtedato 011/19 Helse- og omsorgsutvalet Referat og orienteringssaker Rådmannen legg ikkje fram tilråding i saka. Orienteringssaker: - Kva skjer i helse og omsorg? - Økonomisk status per mars Ordet fritt... Helse- og omsorgsutvalet Helse- og omsorgssjefen tok ein gjennomgang av sjukefråværet i sektoren, overligg på sjukehuset og kor mange som står på venteliste til heildøgns omsorgsplass. Presentasjonen "kva skjer i helse og omsorg" vart tatt opp på storskjerm og det vart ein gjennomgang av økonomisk status samt oversikt over korleis ein jobbar med meirkostnadane i sektoren. Samla tilbakemelding frå politikarane var at dette var ein nyttig gjennomgang og forståeleg oppsett. Olaf Sigurd Gundersen (Sp) ønskte Kostra-statestikk for å samanlikne driftsutgifter med andre kommunar i kostragruppe til samanlikning. HOU- 011/19 Vedtak Helse- og omsorgsutvalet tek saka til orientering. Vedtaket var samrøystes. Side 3

4 Gloppen kommune Arkiv: JournalpostID: 19/86 Saksbehandlar: Gunhild Gimmestad Saksnr. Utval Møtedato 012/19 Helse- og omsorgsutvalet /19 Eldrerådet Faste vikarar - ei tilbakemelding for helse og omsorg Rådmannen si tilråding Helse- og omsorgsutvalet tar saka til orientering. Saksutgreiing Bakgrunn for saka er kommunsestyresak 51/17 frå møtet den 2. oktober Som ei prøveordning vart det innan helse og omsorg i 2015 vedteke å starte eit prosjekt med tilsetting av faste sjukepleievikarar i heimetenestene Sandane, Breim og Hyen. Bakgrunn for prosjektet var å sikre stabilitet, kontinuitet og fagleg kompetanse i einingane. Det var også eit viktig tiltak for å lette arbeidspress, redusere sjukefråvær og gjere det enklare for dei tilsette å stå lengre i stillingane sine. Stillingane vart finansierte ved omdisponering av vikarbudsjettet. Tilbakemeldingane frå prosjektet i helse og omsorg har vore udelt positive. Leiarane har fått ein betre kvardag, det har vorte mindre belastning på andre faste tilsette, og det har i større grad sikra tilstrekkeleg fagleg kompetanse. Leiarane har kunne tilsette i faste stillingar i staden for vikariat. Prosjektet har ikkje medført auka kostnader totalt sett for kommunen. Kommunestyret vedtok den 2. oktober 2017 at det også skulle etablerast ei ordning med faste vikarar innanfor faggruppene helsefagarbeidarar, barne- og ungdomsarbeidarar, lærarar og barnehagelærarar, samt sjukepleiarar i øvrige einingar som ikkje var med i prøveordninga. Kommunestyret ba om få tilbake ei sak om sjølve opprettinga av stillingane. Dette er ei tilbakemelding for helse og omsorg. Behovet Sektorleiarane har vurdert behovet, og har bede om godkjenning av følgjande ramme for faste vikarstillingar: Sjukepleiarar: Inntil 6 stillingar, herav 3,8 stillingar tidlegare godkjent Helsefagarbeidarar: Inntil 5 stillingar Lærarar: Inntil 4 stillingar Barnehagelærarar: Inntil 2,5 stillingar Barne- og ungdomsarbeidarar: Inntil 1 stilling. Ein del av ramma (så langt råd er) vil bli brukt til å auke opp stillingar til deltidstilsette, gjennom avtale om frie timar til vikarbruk. Dette vil bidra til å skape meir heiltid i kommunen. Resten av ramma vil bli dekka opp gjennom nytilsetting, hovudsakleg i 100 %-stillingar. Faste vikarstillingar vil bli finansierte gjennom omdisponering av vikarbudsjetta, slik at det totalt sett ikkje skal medføre ekstra kostnader for kommunen. Side 4

5 Status for helse og omsorg så langt Sjukepleiarar: 7,5 stillingar Helsefagarbeidarar: 2,8 stillingar Per i dag er det oppretta vikarstillingar for sjukepleiarar i 7,5 stillingar og helsefagarbeidarar i 2,8 stillingar. Totalt 10,3 stillingar. Vi har då 0,65 stilling som ikkje er dekt. Med bakgrunn i medisinfaglege utfordringar i tenestene er det vurdert behov for auke i sjukepleiarkompetansen. Derfor er det brukt 1,5 stilling meir på sjukepleiarar enn opprinnelige ramme. Erfaring knytt til bruk av faste vikarar: Tanken med faste vikarar var å lette arbeidspresset, redusere sjukefråvær og gjere det lettare for dei tilsette å stå lengre i stillingane sine og å gje forutsigbarheit for brukarane. Dei fyrste to åra fungerte ordninga etter intensjonen ved at dei gjekk inn i ein del korttidsfråvær og permisjonar. Talet på oppgåver og pasienttilvisningar har auka og konsekvensen er at dei har gått inn i stillingar i den auka grunnbemanninga som det har vore behov for i Sandane heimeteneste den seinare tid. Auken i bemanninga er: frå 8 til 9 tilsette på dagvakt fem dager i veka, frå 2 til 3 tilsette på kveldsvakt sju dagar i veka og nokre timar på nattevakt sju gongar i veka. Det har og gått inn i stillingar på grunn av permisjoner og anna fråvær. Ordninga har bidrege med stabilitet for brukara og tilsette. Erfaringa er også at dei fleste vikarane ønskjer tilhørigheit til arbeidplassen og forutsigbarheit. Økonomisk konsekvens Tilsetting av faste vikarar er ikkje årsaka til auka utgifter sektoren. Vikarstillingane er finansierte ved å omdisponere vikarbudsjettet og refusjonar. Auken i utgiftene i helse- og omsorgsektoren skuldast fleire pasientar og oppgåver siste åra som har. Fleire oppgåver frå sjukehuset betyr og fleire oppgåver og dårlegare pasientar som kommunen skal ta seg av. Samarbeid om faste vikarar mellom einingane Vikarane blir til ei viss grad nytta fleksibelt på tvers av einingane. Spesielt i heimetenseta er fungerer dette godt. I nokre einingar er oppgåvene så spesialiserte at det er utfordrande å nytte vikarane fleksibelt. Rådmannen si oppsummering Tiltaket med å tilsette faste vikarar, spesielt sjukepleierar trur vi har vore avgjerande for å rekruttere tilsette med kompetanse til sektoren. Vi har forholdsvis høg grad av tilsette med formell kompetanse, noko som er avgjerande for kvaliteten i tenestene. Eldrerådet Helse- og omsorgssjef Gunhild Gimmestad orienterte om sektoren si erfaring med faste vikarar. ELD- 006/19 Vedtak Eldrerådet tar saka til orientering. Helse- og omsorgsutvalet HOU- 012/19 Vedtak Helse- og omsorgsutvalet tek saka til orientering. Side 5

6 Vedtaket var samrøystes. Side 6

7 Gloppen kommune Arkiv: FA-F05, FA-G20 JournalpostID: 19/5233 Saksbehandlar: Gunhild Gimmestad Saksnr. Utval Møtedato 013/19 Helse- og omsorgsutvalet /19 Eldrerådet Dagtilbod til heimebuande personar med demens Rådmannen si tilråding Helse- og omsorgsutvalet tek saka til orientering. Saksutgreiing Bakgrunn for saka Dagtilbodet «Inn på tunet» er bestemt nedlagt. Det har vore ei prioritert sak for arbeidsgruppa i demens å planlegge eit førebels tilbod til dei som nytta «Inn på tunet» i dag. Frå 1. januar 2020 er det lovpålagt at kommunane skal kunne tilby dagtilbod til heimebuande personar med demens. Tildeling og tilbod blir gjeve etter indivuduelle vurderingar. Saka gjeld Ved oppstart er det eit tilbod med mindre omfang enn «Inn på tunet», men sektoren vil arbeide for å auke tilbodet. Arbeidsgruppa samarbeider med Frivillegsentralen for å knyte til seg frivillig innsats for å sjå på moglegheit for å vidareutvikle tilbodet. Dagens tilbod blir gjennomført på felleshuset ved Gotatoppen og har plass til seks brukarar. For å kunne gje individuell oppfølging og aktivitetar i gruppe er det ikkje plass til fleire. Dette krev at brukarane har om lag same funksjonsnivå og felles interesser. Dette vert vurdert når vi tar inn nye brukarar. Tilbodet blir ope ein dag i veka, på torsdagar frå 10:00 til 14:00 og er stengd i feriar og høgtider. I samarbeid med Frivillegsentralen er det rekruttert frivillige som ønskjer å vere med på å gjennomføre dagtilbodet. Dei har vore med på rettleiing og opplæring om demens. Innhaldet i dagtilbodet blir turar, trim, avislesing og andre aktivitetar. Det blir laga til kaffimat og kaffi, samt servert middag frå kommunen sitt kjøkken. Vi reknar på kva eigenandelen for tilbodet skal vere. I eigenandelen ligg middag, kaffimat, transport og utstyr til aktivitetar. Det er rettleiande satser vi skal ta utgangspunkt i. Når tilbodet skal evaluerast over sommaren, er det planlagd å invitere brukarar og pårørande med for å sjå på utforming og utvikling av tilbodet. Eldrerådet Helse- og omsorgssjef Gunhild Gimmestad orienterte om saka. ELD- 005/19 Vedtak Eldrerådet tek saka til orientering. Side 7

8 Helse- og omsorgsutvalet Forslag frå KrF, framlegg frå Arnfinn Jørgen Brekke, Kristeleg Folkeparti Helse- og omsorgsutvalet tek saka til orientering og ber samstundes om å ei ny orientering hausten 2019 om korleis lovpålagt dagtilbod for heimebuande med demens er planlagt gjennomført frå Framlegget frå Arnfinn Brekke vart samrøystes vedteke. HOU- 013/19 Vedtak Helse- og omsorgsutvalet tek saka til orientering og ber samstundes om å ei ny orientering hausten 2019 om korleis lovpålagt dagtilbod for heimebuande med demens er planlagt gjennomført frå Vetaket vart samrøystes. Side 8

9 Gloppen kommune Arkiv: FE-241, HIST-15/436 JournalpostID: 19/5070 Saksbehandlar: Gunhild Gimmestad Saksnr. Utval Møtedato 014/19 Helse- og omsorgsutvalet /19 Eldrerådet /19 Rådet for menneske med nedsett funksjonsevne Tildeling av midlar frå August Christian Mohrs legar for 2019 Kort samandrag av saka Helse- og omsorgsutvalet er styre for August Christian Mohrs legat. Etter vedtak i legatstyret den 12. juni 2012 er det no berre ein søknadsfrist kvart år for legatet. Søknadsfrist for 2019 var 1. april. Då søknadsfristen gjekk ut, var det kome inn sju søknader, med samla søknadssum på meir enn kr ,-. Ein av søknadane har ikkje oppgitt beløp. Rådmannen si tilråding Rådmannen legg ikkje fram tilråding i saka. Saksutgreiing Bakgrunn for saka August Chr. Mohrs legat har slike statuttar: 1 August Christian Mohrs legat til beste for beborene på det hjem for eldre som skal bygges på Sandane, er opprettet ved August Christian Mohrs testament av 13. juli Kapitalen er etter foreløpig utlodding kr ,-. Til kapitalen skal legges det beløp som fremkommer etter den endelige utlodding. 2 Legatet skal styres av styret for det hjem som skal bygges for eldre i Sandane. Inntil dette styret er valgt, fungerer Gloppen formannskap som legatstyre. 3 Rentene av legatkapitalen, og også kapitalen dersom styret finner det formålstjenlig, skal benyttes til ekstraforpleining av beborene på hjemmet for eldre på Sandane. Pengene skal ikke nyttes til formål som vanligvis dekkes av offentlige institusjoner. 4 Regnskap avlegges hvert år og revideres av kommunerevisjonen i Gloppen. Helse- og omsorgsutvalet vedtok i møte den 12. juni 2012 å endre presiseringane til statuttane til: 1. Tildelinga av midlane skjer ein gong i året, med søknadsfrist 1. april kvart år 2. Årleg tildeling frå legatet skal maksimalt vere årleg avkasting på legatmidlane, pluss kr ,- 3. Legatstyret vil også vurdere søknader som kjem frå/vedkjem dei som bur i kommunen sine aldersbustader og bufellesskap 4. I møtet den vedtok helse- og omsorgsutvalet å oppheve presiseringane til statuttane som var gjort i helse- og omsorgsutvalet i møte den 12. juni Begrensingane som vart vedtekne i 2012 var til hinder for viktige tiltak som kan bidra til gode opplevingar for brukarar i fleire einingar. Enkle tiltak utanom bustadane har gjerne kostnader som er høgre ein nokre få tusen. Dette betydde då i prinsippet at svært få kunne motta støtte kvart år, eller Side 9

10 så vart tildelte summar så små at aktiviteten vart svært begrensa. Når det gjeld årleg tildeling ein gong per år, er dette praktisk å forholde seg til for alle partar og rådmannen har også lagt til grunn at einingar utanom omsorgssenteret fortsatt kan søke til legatet. Fakta i saka Dei innkomne søknadene er: 1. Frå Oreteigen og 1. etasje ved Gloppen omsorgssenter, kr Felles jonsokfeiring for pasientane på omsorgssenteret og bebuarane i omsorgsbustadene og tuna rundt omsorgssenteret. Midlane er tenkt til mat (rømmegraut og kaffimat) underhaldning og ekstra personell. Dette har vore eit årleg og populært arrangement. 2. Frå Furubu, kr Dei ønskjer å bruke pengane på eit veggteppe som pynter opp ein kvit, trist gong med mykje uønska akustikk. Tre lengre turar i løpet av året: Ein til Bremanger og Kalvåg med middag, ein tur til Bryggja og hjortesenteret med middag, og ein tur til Olden med middag. Dei søkjer og om å dekke julemiddag på julebord. 3. Frå Oreteigen, kr ,- til trivselstiltak for dei eldre på Oreteigen. Dei tilsette ynskjer å ta med dei eldre ut på turar i nærområdet. Dei vil leige minibuss slik at dei fleste kan vere med, kjøpe kaffimat og underhaldning. Erfaringa er at slike små utflukter er store augeblikk for dei eldre. 4. Frå Gotatoppen, kr ,- til trivselstiltak for dei eldre på Gotatoppen. Det er planlagt underholdning, tur til gapahuken på Myra og til Busperstova. 5. Frå Heimetenesta på Breim, dei tar imot det dei kan få. Har ønskje om å ta med 18 bebuara på Reedtunet og Byrkjelotunet ut i verda forå ete god mat og sjå seg omkring. Eller kanskje invitere til mat og underhalding der dei bur. 6. Frå Gruppe 4, Gloppen omsorgssenter, totalt kr ,-. Dei ønskjer å gje bebuarane livsglede i nuet med å planlegge to sommarturar og eit førjulstreff. Det er planlagt tur til Nordfjord Folkemuseum på Sandane og ein tur til Veslevatnet i sommar og eit førjulstreff med gjestar, god mat og underhaldning. 7. Frå Gloppen Omsorgssenter (fagsjukepleiar), kr Fotterapi er ikkje ei lovpålagd kommunal oppgåve, men vi erfarer det som svært positivt å tilby fotterapi nær brukarane. Det er positivt både for den einskilde, men og samfunnsøkonomisk gunstig med tanke på å førebyggje kostnadstunge lidingar, som f.eks sår og amputasjon. Vi har i dag eit lokale til fotterapi. Fotterapi er eit viktig tilbod for å førebyggje og behandle ulike fotproblem, som til dømes ved diabetes og kreft. Førebyggjing og tidleg behandling, kan utsette og hindre unødvendig liding og kostnad. I tillegg til å vere ein viktig del av helsetenesta, er godt fotstell forbunde med velvære. Fotterapitilbodet ved omsorgssenteret blir pr. idag ivareteke av ein privatpraktiserande fotterapeut. Ho har autorisasjon som fotterapeut med vidareutdanning, og er såleis velkvalifisert til å behandle fotproblem av ulik alvorsgrad. Ho stiller med forbruksmateriell, arbeidsbord, arbeidslampe og elles utstyr som ho treng. Kommunen har bidrege til å pusse opp lokalet og har investert i fast inventar. Utfordringa med dette tilbodet, er at vi dessverre har ein gammal, utgått fotterapistol som ikkje lenger er funksjonell. Han er ikkje lenger tilpassa dagens standard, han kan ikkje flyttast og stillast inn til beste for verken dei som sit i stolen eller til dei som behandlar. Fotterapiklinikken er først og fremst eit tilbod til dei som bur fast eller har korttidsopphald på Gloppen omsorgssenter og for dei som bur i kommunale omsorgsbustadar i kommunen. Vi søkjer med dette støtte til å kjøpe ein fotterapistol. For å kunne bruke den til andre formål som også kan komme bebuarane til gode, ynskjer vi ein fotterapistol som også kan brukast som behandlingsbenk. Då kan terapeuter innan for eksempel massaje og aromaterapi tilby velværebehandlingar. Dette og fotterapi vil vere eit tilbod om «ekstraforpleining» av bebuarane ved Gloppen Omsorgssenter og andre som bur i Side 10

11 komunen sine alderbustader og bufellesskap. Fristen for å søkje har til liks med tidlegare vore kunngjort på kommunen sitt intranett. Mohrs legat har no ein saldo på kr ,55. Økonomiske konsekvensar for kommunen Ingen, sidan dette er eit legat med eigen økonomi. Rådmannen si vurdering Rådmannen vurderer dei innkomne søknadene som svært positive tiltak og som det er ynskjeleg å få sette i verk og støtte. Eldrerådet Helse- og omsorgssjef Gunhild Gimmestad orienterte om saka, og etterspurde om eldrerådet hadde eit forslag til prioritering. ELD- 007/19 Vedtak Eldrerådet tilrår at søknader som legg opp til sosiale turar og arrangement vert prioritert. Rådet for menneske med nedsett funksjonsevne RAD- 003/19 Vedtak Rådet for menneske med nedsett funksjonsevne støtter eldrerådet sine innspel i saka. Vedtaket var samrøystes. Helse- og omsorgsutvalet Forslag frå KrF, framlegg frå Arnfinn Jørgen Brekke, Kristeleg Folkeparti Helse- og omsorgsutvalet, som er styre for August Christian Mohrs legat, syner til dei nummererte søknadane i saksutgreiinga og vedtar følgjande tildeling: 1. Kr ,- 2. Kr ,- 3. Kr ,- 4. Kr ,- 5. Kr ,- 6. Kr ,- Det vart ikkje røysta over framlegget frå Arnfinn Brekke. HOU- 014/19 Vedtak Helse- og omsorgsutvalet, som er styre for August Christian Mohrs Legat, syner til dei nummererte søknadane i saksutgreiinga og vedtek følgjande tildeling: Søknad 1 og 3, til saman kr ,- Søknad 2, 4, 5 og 6 får kvar tildelt kr 7.500,-. For seinare tildelingar ber helse- og omorgsutvalet om at brukarutvalet får uttale seg om saka før den Side 11

12 går til avgjerd i legatstyret. Vedtaket vart samrøystes. Side 12

13 Gloppen kommune Arkiv: FA-C83, TI-&20 JournalpostID: 19/4054 Saksbehandlar: Jan Kåre Fure Saksnr. Utval Møtedato 015/19 Helse- og omsorgsutvalet MULTEK-utvalet Oppvekstutvalet Administrasjonsutvalet Formannskapet Politisk organisering for valperioden Vedlegg i saka: Vedtak om politisk organisering for perioden Vedtak om politisk organisering for perioden Vedtak om politisk organisering for perioden Vedtak om politisk organisering for perioden Rådmannen si tilråding Rådmannen legg ikkje fram tilråding i saka. Saksutgreiing Bakgrunn for saka Den politiske modellen vi har i dag vart vedteken av det førre kommunestyret den 15. juni 2015, i sak 44/15. Det vart den gong ikkje sagt noko om evaluering av modellen, men det er naturleg å gjere dette når vi no går mot slutten av valperioden. Tradisjonelt har det vore sitjande kommunestyre som vedtek modellen for neste periode, først og fremst fordi det er dagens folkevalde som har erfaringa. Det er også eit poeng å raskt få på plass det poliktiske apparatet etter valet. Det nye kommunestyret står sjølvsagt fritt til å gjere om vedtaket om organisering. Denne saka er ei drøftingssak om eventuelle endringar i de politiske modellen. Etter drøftinga må det lagast ei sak der modellen for neste valperiode blir vedteken. Kva handlingsrom har vi? Kommunestyret står nesten fritt i spørsmålet om politisk organisering. Den nye kommunelova, som vil gjelde f.o.m. konstitueringa av kommunestyret, endrar ikkje på denne fridomen. Lova er likevel meir tydleg på kva slags type folkevalde og administrative organ det skal vere i kvar kommune. Dette må vi rette oss inn etter: I alle kommunar skal det vere - eit formannskap på minst fem medlemmer* - eitt eller fleire partssamansette utval** - eit kontrollutval*** på minst fem medlemmer, der minst ein skal sitje i kommunestyret * Gjeld ikkje for dei som har innført parlamentarisk styreform ** Kan fråvikast viss ¾ av dei tilsette ønskjer eller godtar ei anna ordning *** Leiaren skal ikkje vere medlem av same parti eller tilhøyre same gruppe som ordføraren. I tillegg til dette kjem dei lovpålagde råda (eldreråd, råd for menneske med nedsett funksjonsevne og Side 13

14 ungdomsråd). Desse råda er ikkje tema i denne saka. Det er for seint å endre talet på medlemmer i kommunestyret. Vedtak om dette må gjerast før årsskiftet året for valåret. Det betyr at kommunestyret held fram med 27 medlemmer som i dag. Minimum etter kommunelova er 19 medlemmer for vårt sitt vedkomande (kommunar mellom og innbyggarar). Kva er alternativa til dagens modell? Så langt tilbake som det har noko føre seg å gå, har Gloppen kommune vore styrt etter hovudutvalsmodellen. Fleire ulike hovudutval har vore prøvde ut innanfor denne modellen. Heile tida har formannskapet jamt over hatt noko lunde dei same oppgåvene. Sidan kommunen står nesten heilt fritt, er det ikkje så lett å omtale alle alternativ til hovudutvalsmodellen. Dei fleste alternativa vil vere ein annan hovudutvalsmodell. Det klaraste alternativet er ein modell utan hovudutval, med berre dei lovpålagde organa: kommunestyre, formannskap, kontrollutval og administrasjonsutval, eller anna form for samarbeidsorgan med dei tilsette. På våre kantar har Bremanger kommune ein slik modell. Framfor kvar valperioden har kommunestyret drøfta spørsmålet om å endre organiseringa. Rådmannen legg til grunn at dei fleste alternativa på ein eller annan måte har vore omtala i desse drøftingane. Eg legg derfor ved saksutgreiingane frå dei fire siste behandlingane, der organiseringa for valperiodane , , og vart vedtekne. Som det går fram av desse sakene, har kommunestyret alltid enda opp med ein hovudutvalsmodell. Det betyr sjølvsagt at det er mange positive sider ved denne modellen, ikkje minst for det politiske engasjementet. Vi må ikkje gløyme dette. Å vere ein demokratisk aktør, er ein av dei fire grunnleggande oppgåvene til kommunen. (Dei tre andre er: Å yte offentlege tenester, å drive lokal samfunnsutvikling og å utøve styringsmakt.) Det næraste vi har vore ein alternativ modell er denne fleirtalsinnstillinga i formannskapet i sak 73/03 (som du finn i vedlegget om organiseringa for valperioden ): Kommunestyret vedtek denne utvalsmodellen gjeldande frå komande kommunevalperiode: 1. Det blir oppretta to hovudutval, kvar med 9 medlemmer: - Eit brukar- og aktivitetsutval, som har til arbeidsoppgåve dei kommunale tenestene kommunen yter til innbyggarane. Utvalet tar i hovudsak over oppgåvene som i dag ligg til oppvekstutvalet og helse- og omsorgsutvalet - Eit miljø- og utviklingsutval, som har til arbeidsoppgåve å tilrettelegge for Gloppen som lokalsamfunn. Utvalet tar i hovudsak over oppgåvene som i dag ligg til næring- og kulturutvalet, pluss areal- og næringssakene som i dag ligg til formannskapet 2. Ordføraren kan vere leiar av miljø- og utviklingsutvalet og varaordføraren kan vere leiar av brukarog aktivitetsutvalet 3. Formannskapet skal ha 9 medlemmer og vere kommunen sitt økonomiutval og behandle saker som har økonomiske og/eller organisatoriske konsekvensar for kommunen. Alle plansaker som skal til kommunestyret skal først behandlast av formannskapet 4. Kontrollutvalet skal ha 3 medlemmer. To av desse, inkludert leiaren, skal vere medlem av kommunestyret 5. Kommunestyret ønskjer å vurdere ordningane med administrasjonsutval og arbeidsmiljøutval, og ber rådmannen legge fram eiga sak om dette 6. Kommunestyret ber rådmannen legge fram forslag til namn på utvala i punkt 1 og framlegg til reglement, der utvala og formannskapet sine ansvars- og arbeidsområde bli endeleg fastsett Innstillinga vart ikkje vedteken av kommunestyret. Side 14

15 Kva er erfaringane frå siste valperiode? Dette er først og fremst eit spørsmål de som folkevalde må svare på. Eg tillet meg likevel å peike på nokre utfordringar, slik rådmannen ser det: - Dagens modell er lite eigna til overordna prioriteringar og samla styring - Det er ei veldig skeiv arbeidsfordeling mellom hovudutvala - Dagens arbeidsfordeling i plansaker mellom MULTEK-utvalet og formannskapet er ulogisk - Dagens modell er arbeidskrevjande for administrasjonen. Dei fleste av desse utfordringane har vore tema i sakene som er lagde ved, og problemstillingane er mykje dei same. Rådmannen vil likevel legge til: Behov for sterkare økonomistyring Kommunen sine oppgåver, både når det gjeld å levere tenester og å utvikle lokalsamfunnet vårt, er store og dei aukar, utan at økonomien vår følgjer med. I tillegg har vi auka lånegjelda mykje og meir skal det bli noko som også forutset sterk styring og tydlege prioriteringar. Rådmannen meiner at ein tradisjonell hovudutvalsmodell som forsterkar den sektortenkinga dei fleste er opptekna av, kanskje ikkje er ein modell som eignar seg i dagens situasjon. Skeiv arbeidsfordeling Dette treng ikkje forklarast noko nærare. MULTEK-utvalet har åleine fleire saker enn alle dei andre hovudutvala til saman. Det blir endå skeivare når vi tar med at MULTEK-utvalet hovudsakleg har vedtakssaker, medan dei to andre store hovudutvala har veldig mange orienteringssaker. Ordinga med administrasjonsutval er veldig vanskeleg å få til å fungere. Det er rett og slett ikkje saker nok til eit slikt utval. Plansaker Plansakene etter plan- og bygningslova er i dag delte mellom formannskapet og MULTEK-utvalet. Formannskapet er kommunen sitt planorgan og behandlar saker som vedkjem kommuneplanen, medan MULTEK-utvalet er planorgan i reguleringssaker. Delinga er ulogisk og uheldig etter rådmannen sitt syn. Formannskapet er oppdragsgjevar i reguleringssaker, men er elles ikkje involvert i reguleringsarbeidet, og behandlar ikkje planar som formannskapet sjølv har bestilt. Det er vanskeleg å forstå i alle fall for rådmannen at t.d. reguleringa av kommunesenteret ikkje er ei sak for kommunen sitt planutval, medan ein dispensasjon for eit tilbygg på eit sel i LNF-området er det. Arbeidskrevjande Rådmannen meiner at dagens modell er arbeidskrevjande for administrasjonen, med mange møte, mange saker og mange «bestillarar». Vi har ikkje administrasjon til ein så stor folkevald organisasjon som vi har i dag. Nok fokus på satsingsområda? Dette er eit spørsmål vi bør stille oss. T.d. er kultur og utvikling hovudsatsingsområde i kommuneplanen sin samfunnsdel, og vi omtalar oss som kulturkommune med stor K. Slik rådmannen opplever det, har kultur ikkje hatt særleg politisk fokus i denne valperioden. Rådmannen er også litt usikker på om vi får fram det sterke politiske fokuset vi har på utviklingsarbeid i dagens modell. Kom gjerne med synspunkt på det. --- Som sagt innleiingsvis legg rådmannen i første omgang opp til ei drøfting i utvala og formannskapet Side 15

16 om den politiske organiseringa. Etter dette må ei sak om eventuelt ny modell skrivast slik at dette kan kommunestyrebehandlast, helst før sommarferien. Det er også eit alternativ å ha saka føre på siste kommunestyremøtet i denne valperioden (den 28. august i år). Rådmannen sitt framlegg til framdriftsplan er drøfting i utvala og formannskapet i april og mai, slik at vedtakssaka kan leggast fram for formannskapet den 12. juni med kommunestyrebehandling 19. juni. Helse- og omsorgsutvalet Følgjande innspel til vidare drøfting kom fram i møtet: - Sjå på fordeling av saksområde mellom MULTEK-utvalet og formannskapet - Vurdere flytting av kultursakene til oppvekst - Vurdere flytting av helsestasjonen til helse og omsorg - Ønskjer å behalde utvalsmodell - Bekymra for at felles utval for oppvekst og helse og omsorg (90 % av driftskostnadane) blir eit for stort fagfelt å halde oversikt og engasjement på - Utvalsmodellen ivaretek den demokratiske sida med brei politisk involvering - Ikkje nødvendigvis utvalsmodellen som er utfordringa for økonomien, men den løpande økonomistyringa - Kan utvala styrkast med fleire enn dei som er med i kommunestyret eller fagkompetanse utanfrå? - 5 medlemmer i utvala er for lite - må vere minst 7 som i dag. Viktig for å ivareta meiningsmangfaldet ved handsaming av saker. HOU- 015/19 Vedtak Helse- og omsorgsutvalet gjer desse innspela til vidare drøfting: Sjå på fordeling av saksområde mellom MULTEK-utvalet og formannskapet Vurdere flytting av kultursakene til oppvekst Vurdere flytting av helsestasjonen til helse og omsorg Ønskjer å behalde utvalsmodell Bekymra for at felles utval for oppvekst og helse og omsorg (90 % av driftskostnadane) blir eit for stort fagfelt å halde oversikt og engasjement på Utvalsmodellen ivaretek den demokratiske sida med brei politisk involvering Ikkje nødvendigvis utvalsmodellen som er utfordringa for økonomien, men den løpande økonomistyringa Kan utvala styrkast med fleire enn dei som er med i kommunestyret eller fagkompetanse utanfrå? 5 medlemmer i utvala er for lite - må vere minst 7 som i dag. Viktig for å ivareta meiningsmangfaldet ved handsaming av saker. Vedtaket var samrøystes. Side 16