Gloppen kommune. Møteinnkalling. Utval: Helse- og omsorgsutvalet Møtestad: Formannskapssalen Dato: Tid: Kl. 09:00

Transkript

1 Møteinnkalling Utval: Helse- og omsorgsutvalet Møtestad: Formannskapssalen Dato: Tid: Kl. 09:00 Den som har lovleg forfall eller er ugild i nokon av sakene, må melde frå så snart råd er til tlf eller til servicetorget@gloppen.kommune.no slik at varamedlem kan bli kalla inn. Varamedlem møter etter nærare innkalling. Sakliste Sak nr. Sakstittel 016/19 Godkjenning av møtebok, innkalling og sakliste 017/19 Referat og orienteringssaker 018/19 Prosjekt Gloppen-modellen - ei orientering 019/19 Ny selskapsavtale for Alarmsentralen - målsetting for responssenteret 020/19 Revisjon av retningslinjene for kommunale startlån og bustadtilskot 021/19 Revisjon av retningslinjene for tildeling av kommunal bustad i Sandane, 28. mai 2019 Arnfinn Jørgen Brekke utvalsleiar Gunhild Gimmestad helse- og omsorgssjef

2 Arkiv: FE-033 JournalpostID: 19/6722 Saksbehandlar: Anvor Hauge Saksnr. Utval Møtedato 016/19 Helse- og omsorgsutvalet Godkjenning av møtebok, innkalling og sakliste Vedlegg i saka: Protokoll - Helse- og omsorgsutvalet Utvalsleiar si tilråding: 1. Helse- og omsorgsutvalet godkjenner møteboka frå sitt møte den 10. april Helse- og omsorgsutvalet godkjenner innkallinga og saklista til møtet den 5. juni Møteboka frå siste møtet blir lagt fram til godkjenning. Samstundes ber utvalsleiar om godkjenning av innkallinga og saklista til dette møtet.

3 Arkiv: FE-033 JournalpostID: 19/7830 Saksbehandlar: Jan Kåre Fure Saksnr. Utval Møtedato 017/19 Helse- og omsorgsutvalet Referat og orienteringssaker Referatsaker Tittel Referat frå partnarskapsmøte i Gloppen 24. april 2019 Avsendar/mottakar NAV Vestland Orienteringssaker: Helse- og omsorgssjefen om: - Arbeidsgruppe i frivillig arbeid - Nytt omsorgsbygg - Testamentet etter Petter Eide - Kva skjer? Ordet fritt...

4 Arkiv: FA-F00 JournalpostID: 19/7594 Saksbehandlar: Anita Lothe Saksnr. Utval Møtedato 018/19 Helse- og omsorgsutvalet Prosjekt Gloppen-modellen - ei orientering Rådmannen si tilråding Helse- og omsorgutvalet tek saka til orientering. Saksutgreiing Prosjektilskot til "Gloppen-modellen" - ein utdanningsmodell for framtida har motteke 1,2 million kroner i tilskot frå IMDI (integrerings- og mangfoldsdirektoratet) til prosjekt "Gloppen-modellen" - ein utdanningsmodell for framtida. Hausten 2013 vart det starta opp eit samarbeidsprosjektet om utdanning som helsefagarbeidar for minoritetsspråklege i på Firda vidaregåande skule. Samarbeidspartane var NAV Sogn og Fjordane, Sogn og Fjordane fylkeskommune og. Bakgrunnen for prosjektet var at mange vaksne minoritetsspråklege i kommunen ynskte seg utdanning som helsefagarbeidar, samt at behovet for framtidig arbeidskraft innan fagfeltet vil bli stor. Erfaringane er svært positive og det har starta nye klassar kvart år med unntak av Fleire kommunar i Nordfjord har no med elevar. I utarbeidinga av "Gloppen-modellen" har vi allereie utfordra ulike regelverk, samarbeidsrelasjonar og tradisjonell fagutdanning. Vi har bidrege til å sette behovet for fagutdanning på dagsorden, og vår modell har fått stor nasjonal interesse. Dette har ført til at vi har brukt mykje tid på å formidle vår utdanningsmodell til andre. Etter nokre års erfaring, treng vi no å få uhilda forskarar til å vurdere resultata av "Gloppenmodellen». I tillegg treng modellen å utviklast vidare og bli mindre "personavhengig". Målet er å få utarbeidd ein standardisert fagutdanningsmodell for minoritetsspråklege som kan overførast til alle deler av landet. Vi meiner at resultata frå prosjektet vil ha stor overføringsverdi og IMDI har innvilga tilskot. er prosjekt-eigar. Fylkeskommunen og Nav er samarbeidspartar i prosjektet. Forskningsinstituttet NORCE vil følgje prosjektet. Styringsgruppe og prosjektgruppe er etablert. Prosjektleiar er tilsett. Måla med prosjektet er: 1. Effektane av "Gloppenmodellen" er dokumentert gjennom forsking 2. Det er utarbeidd ein modell for fagutdanning som eit tilbod for heile regionen 3. Det er utarbeidd eigen veiledar for den nye utdanningsmodellen 4. Fagutdanning er integrert i introduksjonsprogrammet Det skal lagast ein forskingsrapport og handlingsrettleiar for utdanningsmodellen. Handlingsrettleiaren skal innehalde rollebeskrivingar og tilrådingar. Dette vil bidra til betre

5 avklaringar rundt finnansiering, rekruttering og oppfølging undervegs, og ikkje minst sikre at utdanningsmodellen står seg betre inn i framtida. Vi har søkt om støtte til eit 3-årig prosjekt. I fyrste omgang er vi tildelt midlar i eit år, men har god tru på finansiering frå IMDI også dei neste 3 åra --- Det er sett opp slikt prosjektbudsjett for 2019, under ansvar 3000 (helse- og omsorgssjefen), teneste (introduksjonsordninga). Lønn og sos.utgifter kr Driftsutgifter/kjøp av tenester " Refusjon frå staten (statstilskotet) "

6 Arkiv: FE-026 JournalpostID: 19/7663 Saksbehandlar: Jan Kåre Fure Saksnr. Utval Møtedato 019/19 Helse- og omsorgsutvalet Kommunestyret Ny selskapsavtale for Alarmsentralen - målsetting for responssenteret Vedlegg i saka: Ny selskapsavtale Alarmsentralen Kostnadsfordeling fordelt pr kommune - sak om responssenter Tilrådingar om målsettingar i rapporten om responssenter for velferdsteknologi Kort samandrag av saka Dette er første og fremst ei sak om ny selskapsavtale for Alarmsentralen i Sogn og Fjordane. Ny avtale er nødvendig m.a. på grunn av endringane i kommunestrukturen og fordi 110-funksjonen ved sentralen blir flytta til Bergen. Med dei opplysningane som ligg føre, er det ikkje grunn til å tru at den nye avtalen vil få store konsekvensar verken for kommunen eller brukarane av tryggleiksalarmane. Rådmannen si tilråding styre godkjenner for sin del den nye samarbeidsavtalen for Alarmsentralen slik denne ligg føre som vedlegg i saka. Kommunestyret sluttar seg til arbeidsgruppa sin rapport og vedtek målsettingane på sidene i rapporten som grunnlag for samarbeidet mellom Alarmsentralen og kommunane. Saksutgreiing Denne sakutgreiinga, med unnatak av avsnitta «økonomiske konsekvensar for kommunen» og «rådmannen si vurdering» er bygt på ein fells mal frå Alarmsentralen og KS Sogn og Fjordane. Bakgrunn for saka Alarmsentralen Sogn og Fjordane IKS (ALSF) er i dag responssenter for tryggleiksalarmar for om lag brukarar. Selskapet er eit interkommunalt selskap etter lov om interkommunale selskaper. Alarmsentralen har 16 tilsette og yter responstenester for fleire sensorar og alarmtypar innan velferdsteknologi. Alarmsentralen er mottakar og formidlar av nødmeldeteneste for brann (110 tenesta). Denne tenesta skal i framtida samlokaliserast i Vestland sin nye 110 sentral i Bergen. Selskapsavtalen for Alarmsentralen Sogn og Fjordane IKS er no revidert og klar for godkjenning. Fakta i saka Det er fleire årsaker til at ny selskapsavtale må inngåast: Direktoratet for sivilt beredskap (DSB) har vedteke å endre 110-regionane i Noreg Nokre av kommunane i regionen til Alarmsentralen slår seg saman Det blir endringar av oppgåvene som Alarmsentralen utøver for eigarkommunane Representantskapet i ALSF og KS sitt rådmannsutval har bede kommunane vedta ny selskapsavtale og godkjenne planen for responsfunksjon for velferdsteknologi. Representantskapet har hatt ansvar

7 for at planen for responsteneste har vorte utarbeidd. Planen har denne våren vore på høyring i kommunane. Ei arbeidsgruppe har sett på korleis betre handtere alarmar og sensorar etter kvart som bruk av velferdsteknologi vert bygd ut. Arbeidsgruppa var samansett med ressurspersonar frå Utviklingssenter for sjukeheimar og heimetenester i Sogn og Fjordane, kommunane, ALSF og Helse Førde. ALSF er i nasjonal målestokk ein stor sentral innan velferdsteknologi. Mange kommunar i landet jobbar med å samle seg og etablere slike tenester som 24 kommunar i Sogn og Fjordane har bygd opp. Felles løysingar gjev effektiv utnytting av ressursane. ALSF mottek og formidlar alarmar frå dei fleste sensorar og alarmtypar som kommunane nyttar. Kva skal vi ta stilling til? Bruk av velferdsteknologi kan bidra til auka tryggleik og gje betre tenester for brukarar og pårørande. I Sogn og Fjordane må dagens responssenter oppgraderast slik at vi tilfredstiller tilrådingane frå Helsedirektoratet. Direktoratet har gjeve tilråding til organisering av denne tenesta. ALSF oppfyller dei fleste krav som vert stilte, men det er viktig å forankre den vidare utvikling i kommunane. Tilrådingane frå Helsedirektoratet: 1. Minst ein person på vakt med relevant utdanning på bachelornivå (helse) 2. Gode eigenskapar i munnleg dialog og menneskeforståing 3. Skrive og snakke flytande norsk og beherske engelsk munnleg 4. Minst to personar på vakt samstundes av omsyn til forsvarlege tenester 5. Utnytte stordriftsfordelar i samband med innkjøp av utstyr og drift av alarmmottak 6. Tekniske responsløysingar som kan handtere ulike variantar av tenesteoppsett, for eksempel ulike måtar å styre alarmar til pårørande, responssenter, sjukeheimar, open omsorg med meir 7. Responsen skal alltid vere tilgjengeleg, 95% av alle varsel skal svarast på innan 60 sekund 8. Responstenesta skal bli handtert av personell som kan gjennomføre rett vurdering og bidra til ein heilskapleg og forsvarleg helse- og omsorgsteneste 9. Tilpassing til kommunen sin tildelingspraksis for tjenester i helse- og omsorgsektoren 10. Avklaringsgrad ved mottak av alarmar og varslar i responssenteret 11. Digitalt alarmmottak som kan integrerast med PLO sine journalsystem. ALSF har tilsette med helsefagleg utdanning på dag og kveld, men manglar dette på natt. ALSF må også investere i digital responssenterløysing som kan kommunisere med kommunane sine journalsystem (pasient-datasystem) og utvikle løysingar som oppfyller krav til datatryggleik. Det er også viktig å standardisere utstyr og oppnå stordriftsfordelar på innkjøp. Kommunane skal også sjølve utvikle seg innan velferdsteknologi for å kunne møte brukarane sine behov, men det vil vere fornuftig med retningslinjer for standardisering slik at datatryggleiks- og datautvekslingskrav kan møtast. Helsedirektoratet tilrår at responssenter for velferdsteknologi vert skilt frå legevaktsentralane. Legevaktsentralane er ein del av den akuttmedisinske kjede og må ha tilstrekkeleg kapasitet til akutte hendingar. Arbeidsgruppa la opp til fylgjande (s i rapporten) for å fylgje opp tilrådingane: Høg kvalitet: Levere kvalitetsmessig gode tenester som oppfyller krava frå Helsedirektoratet. Vi set som krav at teknologien som vert teken i bruk er utprøvd og kvalitetssikra. God samhandling: God samhandling med eigarkommunane innan områda innkjøp, digitale kommunikasjonsløysingar, opplæring og standardisering av prosessar. Gode løysingar for brukarar: Ta i bruk velferdsteknologi på ein måte som vert opplevd som nyttige for brukarar, pårørande og kommunane, samstundes som ein hentar vinstar og sparer ressursane.

8 Gradvis utvikle tenestene: Responssenteret skal satse på å vidareutvikle tenester knytt til tryggleiksog sikkerheitsteknologi. Velferdsteknologi gjev store gevinstar i form av spart tid, unngåtte kostnaear og auka kvalitet på tenesta for tenestemottakar, pårørande og kommunane. Ein mindre del av innsparingane vil då gå til å dekkje kostnader med alarm mottak og utstyr. Kommunane sin medverknad i høve plan for responsfunksjonen ved ALSF I februar 2019 arrangerte KS, Alarmsentralen og Utviklingssenter for sjukeheimar og heimetenester i Sogn og Fjordane fagdag om responssenterfunksjonar der blant anna rapporten frå Alarmsentralen blei presentert og drøfta. Møtet konkluderte med at det var semje om å halde fram med ordninga med felles responssenter. Våren 2019 har det vore gjennomført møte for å forankre rapporten og drøfte vidare framdrift med regionane. Under møta kom det fram at tenester som ALSF yter er nødvendige for kommunane. Det er viktig at det vert etablert gode møtearenaer mellom kommunane og Alarmsentralen, og at tenesta vert organisert effektivt. Med bakgrunn i forventingar til auka bruk av velferdsteknologi er det viktig at det vert etablert eit digitalt responssenter som handterer mottak og formidling av alarmar. Selskapsavtalen Selskapsavtalen er bygd opp med utgangspunkt i lov om interkommunale selskaper. Representantskapet er høgste organ og kommunane vel kva sin representant. Representantskapet set saman styret. Kommunane sin fag- og ressurspersonar innan helse- og omsorg kan oppnemnast i eit fagråd. Medverknad og deltaking i utvikling av selskapet sine tenester er viktig. Kommunane har etterspurt eit slikt organ. Kommunane heftar for selskapet sine plikter og låneopptak. Dette er eit viktig prinsipp slik at investering og driftskostnader vert fordelte mellom deltakarane og brukarane av tenester. Kostnadsfordeling I dag har ALSF kostnader på 20,4 mill. kr. Desse kostnadene vert dekka med brukarbetaling for tryggleiksalarmar og utgifter fordelt etter folketal. Ved å skilje ut 110-kostnadane frå Alarmsentralen vert kostnadene reduserte til 16,7 mill. kr (færre tilsette og mindre utgifter til drift av 110-systema). Alarmsentralen skal i framtida vere tryggleikssenter og responssenter for sine eigar kommunar. Framtidige kostnader vil vere fordelte mellom desse tenestene. Rapporten frå arbeidsgruppa gjer framlegg om at delar av kostnadene ved drift av responssenter kan kommunane få refusjon for gjennom brukarbetaling på tryggleiksalarm. Kostnadsfordeling for ytingar som ikkje er brukarbetalte er baserte på at kommunen betaler ein fast del og ein del etter folketal (10% fast/ 90% etter folketal). Det er teke utgangspunkt i at kommunane i Sogn og Fjordane ikkje skal få vesentleg auke i kostnader som fylgje av overføring av 110-tenesta til Vestland sin nye 110-sentral i Bergen. Overgangskostnader som kan kome i tillegg ein periode kan vere knytte til: Utprøving av 110 Vestland sin nye 110-sentral i Bergen som arbeidsplass For mange tilsette i ein kort periode Interopplæring av tilsette, både eksisterande og nye. Alarmsentralen ynskjer at nye kommunar kan slutte seg til selskapet og at vi i framtida kan utvide til å handtere fleire og andre tenester kommunane måtte ha behov for. Økonomiske konsekvensar for kommunen

9 Så langt rådmannen har oversikt, vil endringane som følgjer av ny selskapsavtale ikkje gje vesentlege økonomiske utslag for kommunen. Skilnaden mellom ordninga i dag med fordeling etter folketal og ny ordning med 10 % fast og 90 % etter folketal er for vårt sitt vedkomande ca kroner i auka utgift. Eit alternativ som er vist tabellen med 15 % fast og 85 % etter folketal, ville spart oss for ca kroner. Etter rapporten er kostnadene med ny felles 110-sentral med Hordaland rekna til ein stad mellom 5 og 6,5 mill. for kommunane i Sogn og Fjordane. Skiljet mellom drifta av dagens Alarmsentral og ein alarmsentral utan 110-funksjonen er i rapporten rekna til kr Det betyr at endringane samla sett blir ein del dyrare for kommunane. Kor mykje er uråd å seie, men i rapporten er det sagt ein stad mellom kr og kr Er dette rett, vil sine kostnader samla sett auke med ytterlegare kroner. Rådmannen si vurdering Rådmannen tilrår den nye avtalen og målsetningane for responssenteret. Rådmannen tillet seg likevel å stille eit prinsipielt spørsmål til kostnadsfordelinga. I kjølvatnet av endringane i kommune- og fylkesstruktur blir det no laga nye fordelingsnøklar på mange interkommunale samarbeid. Vi diskuterer kor mykje som skal fordelast likt på kvar kommune og kor mykje som skal følgje folketalet. Unntaksvis diskuterer vi om vertskommunen skal bidra litt ekstra for å betale for den fordelen det er å ha arbeidsplassane i samarbeidet. Etter rådmannen sitt syn er dette eit spørsmål som alltid bør vurderast i samarbeid med mange tilsette. Strukturendringane fører til at vertskommunane som ofte er dei same blir forfordelte når det gjeld arbeidsplassar og stillingar. Dette er kommunar som også på andre måtar blir til godesette med offentelege stillingar og funksjonar. Rådmannen meiner at det i alle fall må vurderast om vertskommunane i større grad enn no skal betale litt ekstra i samarbeida. Dette bør vi spele inn til KS og i dei aktuelle foruma vi er representerte, utan at vi gjer noko vedtak om det i denne saka.

10 Arkiv: FE-252, FE-223, TI-&00 JournalpostID: 19/6869 Saksbehandlar: Geir Liavåg Strand Saksnr. Utval Møtedato 020/19 Helse- og omsorgsutvalet Kommunestyret 008/19 Rådet for menneske med nedsett funksjonsevne /19 Eldrerådet Revisjon av retningslinjene for kommunale startlån og bustadtilskot Vedlegg i saka: Retningslinjer for tildeling av bustadtilskot i Gloppen Gjeldande retningslinjer for tildeling av bustadtilskot Retningslinjer for kommunale startlån i Gloppen Gjeldande retningslinjer for kommunale startlån Rådmannen si tilråding 1. Kommunestyret godkjenner dei reviderte retningslinjene for kommunale startlån og bustadtilskot slik dei ligg føre 2. Dei nye retningslinjene gjeld frå vedtaksdato 3. Retningslinjene for kommunale startlån, vedtekne av kommunestyret 3. november 2014, vert oppheva 4. Retningslinjene for tildeling av bustadtilskot, vedtekne av kommunestyret 18. juni 2007, vert oppheva. Saksutgreiing Bakgrunn for saka sine reglar for tildeling av bustadtilskot og kommunale startlån må reviderast grunna endringar i Husbanken sine prioriteringar. Fakta i saka Gjennom Husbanken tilbyr kommunane startlån og bustadtilskot. Tildelingsreglane er hovudsakleg fastesette av Husbanken, men kommunane har utfyllande regelverk. Husbanken endrar reglane med ujamne mellomrom og kommunen må tilpasse sine reglar tilsvarande. Etter at dei gjeldande kommunale retningslinjene for startlån vart vedtekne i 2014, har Husbanken bestemt at unge i etableringsfasen ikkje lenger skal vere i målgruppa for denne ordninga. Vidare er det no slik at bankane ikkje godkjenner startlån som eigenkapital. Forslaget til nye retningslinjer er endra tilsvarande. Retningslinjene for bustadtilskot vert også endra som følgje av endringar i Husbanken sine reglar. I tillegg er kommunen omorganisert slik at det no er bustadgruppa, ikkje servicetorget, som avgjer søknadane. Forslaget til nye retningslinjer er endra tilsvarande. Økonomiske konsekvensar for kommunen

11 Endring av desse retninglinjene vil i utgangspunktet ikkje få økonomiske konsekvensar for kommunen. Tildelingane er allereie tilpassa Husbanken sine nye reglar. Rådmannen si vurdering Så lenge bankane ikkje godtek startlån som eigenkapital, vurderer rådmannen at punktet om formue over 1G bør fjernast. Dei som ikkje har noko oppsparte midlar slit med å få lån i ein vanleg bank så lenge startlån ikkje vert godkjent som eigenkapital. Eit alternativ er at kommunen i enkelte tilfelle kan tildele tilskot til etablering eller fullfinansiere bustadkjøp ved hjelp av startlån. Rådmannen foreslår vidare å fjerne formue-avgrensinga på ½ G for bustadtilskot.

12 Arkiv: FA-F17, TI-&11 JournalpostID: 19/6891 Saksbehandlar: Geir Liavåg Strand Saksnr. Utval Møtedato 021/19 Helse- og omsorgsutvalet Kommunestyret Revisjon av retningslinjene for tildeling av kommunal bustad i Gloppen kommune Vedlegg i saka: Retningslinjer for tildeling av kommunal bustad i Gloppen Gjeldande forskrift om tildeling av kommunal bustad i Rådmannen si tilråding 1. Kommunestyret godkjenner dei reviderte retningslinjene for tildeling av kommunal bustad slik desse ligg føre 2. Dei nye retningslinjene gjeld frå vedtaksdato 3. Forskrift for tildeling av kommunal bustad, vedteken av kommunestyret , vert oppheva. Saksutgreiing Bakgrunn for saka Rådmannen ønskjer å gjere mindre endringar i retningslinjene (forskrifta) basert på dei erfaringane som kommunen har gjort seg dei seks åra desse har fungert. I tillegg vil rådmannen endre forskrifta til å bli retningslinjer fordi lovheimelen til forskrifta er uklar. Kommunelova er ei lov om kommunal styring og organisering, ikkje ei lov som heimlar kommunale tenester. Etter dagens regelverk er helse- og omsorgsutvalet klageorgan i vedtak gjort etter forskrifta. Det var greitt den gong regelverket vart vedteke sidan utvalet då berre hadde fem medlemmer. No har utvalet sju medlemmer, og bør derfor ikkje behandle saker som vedkjem enkeltpersonar. Eit nytt klageorgan bør derfor veljast. Fakta i saka Det er foreslått endringar i 6 og i 8. Forslaget til endringar i 6 vert fremja for å auke muligheita til skjønsvurdering. I 8 vert det foreslått eit tilleggspunkt om at søkjar må sjølv ha prøvd alle mogelegheiter for å skaffe seg ein bustad på eiga hand. I tillegg må altså 17 endrast slik at klageorganet ikkje er i strid med prinsippet i sosialtenestelova om behandling av saker som gjeld enkeltpersonar i folkevalde organ. Etter 46 kan eit folkevald organ som behandlar saker etter denne lova, ikkje ha fleire enn fem medlemmer. Økonomiske konsekvensar for kommunen Ingen. Rådmannen si vurdering Rådmannen vurderer at opning for skjøn i 6 og skjerpring av kravet i 8 er viktige og tilrår at

13 kommunestyret gjer desse endringane i det som no bør bli retningslinjene. Sjølv om forskriftene eller retningslinjene som vi no må bør kalle regelverket ikkje er heimla i sosialtenestelova, bør vi halde på prinsippet om at saker som gjeld enkelpersonar, der desse er brukarar, klientar eller paisentar m.m. ikkje skal behandlast politiske i utval som har meir enn fem personar. Rådmannen gjer derfor framlegg om å legge klagekompetansen til vedtaksnemnda. Dette er eit administrativt organ som tildeler kommunale tenester. Vedtak om tildeling av bustader (utan medfølgjande kommunale tenester) blir gjort av bustadnemnda, som også er eit administrativt organ. Etter rådmannen sitt syn vil det vere logisk å la vedtaksnemnda vere klageorgan på bustadnemnda sine vedtak. Vi er då godt innanfor det personvernomsynet som er bakgrunnen for 46 i sosialtenestlova (lov om sosialetenester i arbeids- og verferdsforvaltningen).