Politiattest ved tilsetjing i skule, SFO eller leksehjelp-ordning

Transkript

1 BBSI - Fellesadministrasjon Rundskriv nr. 31/2018 Vår referanse: 2018/ Saksbehandlar: Olav Haga Dato: 29. oktober 2018 Gyldig til: Politiattest ved tilsetjing i skule, SFO eller leksehjelp-ordning I dette rundskrivet gir vi ei orientering om kravet til politiattest ved tilsetjing, om retningslinjene for korleis politiattesten skal handterast, og om følgjene ved merknader på politiattesten. Rundskrivet erstattar rundskriv 22/2013. Einaste materielle endringa er pålegg om ei strengare praktisering når det gjeld politiattest frå tilkallingsvikarar. I tillegg er det gjort mindre språklege endringar. 1. Kven skal levera politiattest? Alle som skal tilsetjast i grunnskulen, i SFO eller for å gi leksehjelp, må leggja fram politiattest. Dette er fastsett i opplæringslova Føremålet er å unngå tilsetjingar som påfører elevane fare for overgrep eller skadeleg påverknad. Opplæringslova: 10-9 Politiattest Den som skal tilsetjast fast eller mellombels i grunnskolen eller i vidaregåande skole, i musikk- og kulturskolen etter 13-6, i skolefritidsordninga etter 13-7 eller for å gi leksehjelp etter 13-7 a, må leggje fram politiattest med tilsvarande innhald som er nemnd i politiregisterlova 39 første ledd. Kravet gjeld også for personar som skal tilsetjast fast eller mellombels i skoleliknande aktivitetstilbod. Skoleliknande aktivitetstilbod vil seie aktivitetstilbod i regi av skoleeigaren med tilknyting til skolen, og som har karakter av opplæring. Skoleeigaren kan også krevje politiattest som nemnd i politiregisterlova 39 første ledd av andre personar som regelmessig oppheld seg i grunnskolen, i vidaregåande skole eller i tilbod som nemnd i første ledd. Personar som er dømde for seksuelle overgrep mot mindreårige, kan ikkje tilsetjast fast eller mellombels i grunnskolen eller i musikk- og kulturskolen, i skolefritidsordninga, for å gi leksehjelp eller i skoleliknande aktivitetstilbod som nemnd i første ledd. I andre tilfelle må konsekvensane av merknader på politiattesten vurderast konkret. Departementet gir nærmare forskrifter. Rettskjeldene er klare på at kravet om politiattest gjeld for alle stillingsgrupper så lenge den tilsette skal ha sitt arbeid i skulebygningen eller skulen sitt uteområde. Vi viser her til to av desse rettskjeldene:

2 Gyldendals rettsdata: Krav om framleggelse av politiattest gjelder alle som skal ansettes fast eller midlertidig i skolen, uavhengig av stillingskategori. 1 Geir Helgeland si kommentarutgåve av opplæringslova: Kravet om politiattest og yrkesforbudet gjelder for alle typer stillinger ved den enkelte grunnskole, både undervisningsstillinger, lederstillinger og kontor- og vaktmesterstillinger og både faste og midlertidige stillinger. Kravet gjelder også kortvarige vikariater. 2 Kravet om politiattest gjeld derimot ikkje utan vidare for dei som regelmessig skal opphalda seg på skuleområdet, men som ikkje har skulen som sin faste arbeidsstad. For at det skal krevjast politiattest av desse, må skuleeigaren bestemma det. Pr. dato har ikkje Bergen kommune bestemt noko slikt. 2. Innhaldet i politiattesten I opplæringslova er det vist til politiregisterlova 39 fyrste ledd når det gjeld innhaldet i politiattesten. Paragrafen omhandlar politiattest for personar skal ha omsorg eller oppgåver knytt til mindreårige. Vandelen til den som skal tilsetjast, skal kontrollerast mot ei heil rekkje paragrafar i straffelova. Kort samanfatta gjeld dette «( ) straffbare forhold som blir sedde som relevante med sikte på å verne barn og unge, fortrinnsvis seksual-, valds-, rans- og narkotikabrotsverk». 3 I politiattesten skal det gå fram om vedkomande er dømd eller har vedtatt førelegg etter ein eller fleire av dei paragrafane som er lista opp i politiregisterlova 39 fyrste ledd. I tillegg skal det gå fram om vedkomande på utskrivingstidspunktet av politiattesten er sikta eller tiltalt etter nokon av desse paragrafane. Derimot skal ikkje tidlegare siktingar eller tiltalar gå fram dersom desse vart fråfalne, eller dersom vedkomande ikkje vart dømd. 3. Retningslinjer om framgangsmåte, behandling og teieplikt Kravet om politiattest er nærare omtalt i kapittel 15 i Forskrift til opplæringslova: 15-1.Framgangsmåte Arbeidsgivaren innhentar politiattest i samsvar med reglane i opplæringslova 10-9, 13-6, 13-7 og 13-7a. Politiattesten skal ikkje vere eldre enn tre månader. Arbeidsgivaren skal i utlysingsteksten gjere søkjarar merksame på at det vil bli kravd politiattest ved tilsetjing, men at slik attest ikkje skal leggjast ved søknaden. Attest skal berre krevjast av den søkjaren som får tilbod om stillinga. Det skal i tilbodet takast atterhald om at merknadar på politiattesten kan føre til endring i tilbodet om stilling. Politiattest skal liggje føre før arbeidstakaren blir tilsett i stillinga. 1 Gyldendals rettsdata. Opplæringslova. Note 245, hovudrevidert Geir Helgeland: Opplæringslova. Kommentarutgave (2017) side Prop. 96 L ( ), punkt 3.2

3 15-2.Behandling av politiattest Politiattesten skal oppbevarast utilgjengeleg for uvedkomande, og skal makulerast straks etter at attesten har vore nytta i tilsetjingssaka eller til det formålet attesten er innhenta med heimel i opplæringslova 10-9, 13-6, 13-7 og 13-7a Teieplikt Den som får kjennskap til opplysningar gjennom ein politiattest, pliktar å hindre at uvedkomande får tilgjenge eller kjennskap til opplysningane, jf. forvaltningslova 13 13e og politiregisterlova 47. Brot kan straffast etter straffelova 121. Ut frå dette skal følgjande punkt vera standard prosedyre ved kvar tilsetjing: Utlysingsteksten Av utlysingsteksten om ledig stilling må det gå fram at tilfredsstillande politiattest er eit krav for å få stillinga, men at han ikkje skal leggjast ved søknaden. Brevet/meldinga med tilbod om tilsetjing Det er berre den som får tilbod om stillinga, som skal levera politiattest. Den best kvalifiserte søkjaren vil til vanleg få eit brev eller ei melding med tilbod om stillinga, og med ein fastsett svarfrist. Av brevet/meldinga må det gå fram at tilbodet om stillinga gjeld med atterhald om at tilfredsstillande politiattest blir lagt fram. Vi føreslår følgjande formulering: Tilsetjinga føreset at politiattest blir levert så snart som muleg, og at han ikkje inneheld merknader som gjer det nødvendig å trekkja tilbodet om stilling tilbake jf. opplæringslova Notat til personalmappa I forskrift til opplæringslova går det fram at politiattesten skal makulerast straks han har vore brukt i samband med tilsetjinga. Det ligg personvernomsyn bak dette. Men for arbeidsgjevar er det nødvendig å ha dokumentert at politiattest er etterspurd, kontrollert og funne i orden. Vedlagt ligg eit tekstforslag som kan kopierast over på skulen sitt eige brevpapir. Den som blir tilsett må få kopi av notatet, slik at vedkomande får bekrefta at tilbodet om stilling står ved lag. Vi føreslår følgjande formulering: Politiattest er framvist, kontrollert og funnen tilfredsstillande [Namn] er [dato] tilsett i stilling som [stillingstype] ved [namnet på skulen] med atterhald om at det blir framlagt politiattest jf. opplæringslova Politiattest [dateringsdato] med slikt innhald som følgjer av politiregisterloven 39 fyrste ledd, er framlagt [dato]. Han inneheld ikkje opplysningar som gir grunnlag for å trekkja tilsetjingsvedtaket tilbake. [Rektor si underskrift] 4. Konsekvensar dersom det er merknader på politiattesten Etter opplæringslova 10-9 er det forbod mot å tilsetja personar som er dømde for seksuelle overgrep mot mindreårige. Mindreårig er i denne samanhengen personar som ikkje er fylt 16 år. Dersom den som har fått tilbod om ei stilling, legg fram politiattest som viser at vedkomande er domfelt for seksuelt overgrep mot mindreårig, må tilbodet om tilsetjing straks trekkjast attende. Dette må gjerast skriftleg i eige brev.

4 For personar som har andre merknader enn dette på politiattesten sin, skal desse takast med i den samla vurderinga av kor skikka eller eigna vedkomande er til stillinga. Finn ein opplysningane urovekkande, bør tilbodet om stilling trekkjast attende. I Gyldendals rettsdata er dette kommentert slik: Bestemmelsen innebærer et forbud mot å ansette personer i grunnskolen som er dømt for seksuelle overgrep mot mindreårige. Det samme forbudet gjelder for tilsetting i skolefritidsordningen, musikkskolen mv. Det er kun domfelte personer som ikke kan ansettes, slik at opplysninger i politiattester om siktelser eller tiltaler for seksuelle overgrep ikke automatisk medfører yrkesforbud. En politiattest med hjemmel i politiregisterloven 39 vil også gi informasjon om andre typer lovbrudd. I situasjoner hvor politiattesten gir opplysninger om andre forhold enn domfellelse for seksuelle overgrep mot barn under 16 år, er det overlatt til tilsettingsmyndigheten å vurdere hvilke konsekvenser denne type lovbrudd skal få Kva med kortvarige tilkallingsvikariat? Kravet om politiattest gjeld også for dei kortvarige tilkallingsvikariata. I den innkjøpskontrakten som er inngått mellom Bergen kommune og vikarbyråa, er det frå kommunen si side sett som vilkår at vikarbyråa skal innhenta og kontrollera politiattest for dei vikarane som blir leigde ut til skulane. Skulane treng derfor ikkje sjølve kontrollera politiattestar frå vikarar som er leigde inn frå dei vikarbyråa kommunen har innkjøpsavtale med. Men ein del skular har si eiga liste med aktuelle tilkallingsvikarar som vert brukte ved behov. Med desse kan det inngåast ein rammeavtale til erstatning for ordinær arbeidsavtale. Slik rammeavtale skal ikkje inngåast før politiattest er innhenta, kontrollert og funnen tilfredsstillande. Og før rammeavtale er på plass, skal vedkomande ikkje gjevast vikaroppdrag. Av og til melder studentar eller andre seg direkte til skular med interesse for å bli registrerte som tilkallingsvikarar. Desse må bli gjort merksame på kravet om politiattest, og oppmodast om å leggja fram dette før dei kan bli vurderte som aktuelle eller ikkje. Nokre ønskjer å inngå rammeavtale som tilkallingsvikar ved fleire skular samstundes. Det kan då oppstå spørsmål om dei må skaffa seg fleire politiattestar; altså ein eigen politiattest for kvar skule. Etter Forskrift til opplæringslova 15-2 skal den mottatte politiattesten makulerast etter å ha blitt kontrollert. For dei som ønskjer å stå som tilkallingsvikar ved fleire skular, er dette lite hensiktsmessig. Derfor kan tilkallingsvikarane få tilbod om å få politiattesten levert tilbake i staden for at han blir makulert. Føremålet med 15-2 i forskrifta er at å hindra at dei personopplysningane som går fram av politiattesten, ikkje blir oppbevarte og arkiverte ved skulen lenger enn behovet tilseier. Og behovet er slutt i det politiattesten er kontrollert. Forskrifta sitt føremål blir like godt ivaretatt ved å levera politiattesten tilbake til den personen som attesten gjeld. Men av andre personvernomsyn må det brukast ein forsvarleg måte å returnera politiattesten på. E-post bør ikkje brukast. Sidan politiattestar nyare enn tre månadar skal godtakast, vil ei slik praktisering gje ein gevinst for tilkallingsvikarar som ønskjer oppdrag ved fleire skular, sidan dei innanfor ein tremånaders-periode slepp å venda seg fleire gonger til politiet for å be om ny politiattest. 4 Gyldendals rettsdata. Opplæringslova. Note 246, hovudrevidert

5 6. Kan vi be om ny politiattest for personar som allereie er tilsett? I politiregisterlova 36 går det mellom anna fram at: Vandelskontroll kan bare foretas når den har hjemmel i lov eller i forskrift gitt i medhold av lov. Av forarbeida til politiregisterlova går det fram at det såkalla politiregisterutvalet ville gi anledning til å be om fornya politiattest kvart tredje år. Men verken Justisdepartementet i Ot.prp. nr. 108 ( ) eller Justiskomiteen i Stortinget i Innst. 139 L ( ) støtta dette, og det vart heller ikkje tatt inn i den endelege lovteksten. Derimot vart det gjennom 43 i politiregisterlova likevel gitt opning til å få utlevert nye opplysningar, men på visse vilkår. Politiregisterlova: 43 - Utlevering av nye eller oppdaterte opplysninger etter at politiattest er utstedt. Brukeren av tidligere utstedt politiattest kan få utlevert nye opplysninger av betydning, dersom vilkårene for utstedelse av politiattest fortsatt er til stede. Det kan ikke utleveres andre opplysninger enn de som fremgår av hjemmelsgrunnlaget for utstedelse av den opprinnelige attesten. Det er brukaren av den opphavleg utskrivne politiattesten altså rektor som må be om politiet om å få utlevert nye opplysningar. Og rektor må ha grunn til å tru at opplysningar av betydning for tilsetjingsforholdet finst. Trine J. Samuelsberg kommunaldirektør Kari Øvrebø administrasjonssjef Dokumentet er godkjend elektronisk.