5/2016 Politiattest ved tilsetjing i barnehage Kven skal levera politiattest?

Transkript

1 BERGEN KOMMUNE Byrådsavdeling for barnehage, skole og idrett Rundskriv Rundskriv nr.: 5/2016 Dato: 6. januar 2016 Saksnr.: Saksbehandlar: OLHG Emnekode: ESARK-20 Til barnehagestyrarane! Politiattest ved tilsetjing i barnehage Med verknad frå 1. desember 2015 har Kunnskapsdepartementet fastsett ny forskrift om politiattest i barnehagar. Lovheimelen for forskrifta er barnehagelova 19, som sist vart endra i Dette rundskrivet erstattar rundskriv 30/2013. Vi gir her ei orientering om dei krava som no gjeld om politiattest ved tilsetjing, om retningslinjene for korleis politiattesten skal handterast, og om følgjene ved merknader i politiattesten. Eit eige avsnitt handlar om korleis dette må tilpassast ved tilsetjing i dei svært kortvarige vikariata (ringjevikariata). Forskrifta omtalar også kva for krav til politiattest som gjeld i samband med godkjenning av barnehage, og kva for krav kommunen som barnehagemyndigheit kan setja til private barnehageeigarar. Men det fell utanfor rammene for rundskrivet å gå nærare inn på dette. Kven skal levera politiattest? Alle som skal tilsetjast i barnehage, må leggja fram politiattest. Dette er fastsett i barnehagelova 19. Føremålet er å unngå tilsetjingar som påfører barna fare for overgrep eller skadeleg påverknad. Barnehageloven: 19 Politiattest Den som skal ansettes fast eller midlertidig i barnehage skal legge frem politiattest som nevnt i politiregisterloven 39 første ledd. Barnehageeier og kommunen som barnehagemyndighet kan kreve politiattest som nevnt i første ledd for andre personer som regelmessig oppholder seg i barnehagen eller har vesentlig innflytelse på barnehagens drift. Personer som er dømt for seksuelle overgrep mot mindreårige er utelukket fra fast eller midlertidig ansettelse i barnehager. I andre tilfeller må konsekvensene av merknader på politiattesten vurderes i det enkelte tilfellet. Departementet gir nærmere forskrifter om gjennomføring av denne paragrafen.

2 Barnehagelova sin bestemmelse om politiattest vart i 2013 harmonisert med politiregisterlova sine overordna rammer for barneomsorgsattestar. Frå 2013 er det derfor ikkje berre merknader om seksuelle overgrep mot barn som skal gå fram, men også eventuelle lovbrot på ei rekkje andre område. Politiattest skal krevjast frå alle som skal tilsetjast i barnehage også dei som blir tilsett i kortvarige vikariat. Kva stilling vedkomande har i barnehagen, er utan betydning så lenge barnehagen er vedkomande sin arbeidsplass. Kravet om politiattest gjeld derimot ikkje for dei som regelmessig oppheld seg i barnehagen, men som ikkje kan reknast som tilsette i barnehagen. For at det skal krevjast politiattest av desse, må kommunen som barnehageeigar bestemma det. Pr. dato krev Bergen kommune politiattest frå spesialpedagogar, støttepedagogar, men ikkje av andre som regelmessig oppheld seg i barnehagen, eller som har vesentleg innverknad på barnehagedrifta. Det går fram av merknad gitt i Prop.120 L ( ) at kravet om politiattest gjeld sivilarbeidarar. Innhaldet i politiattesten I politiregisterlova er omgrepet vandelskontroll eit fellesnamn for dei ulike kontrolltypane som kan brukast for å sjå om straffbare forhold gjer ein kandidat ueigna til ei bestemt stilling, eller stilling ved ein bestemt type arbeidsplass. Ein slik kontrolltype er politiattest. For stillingar som inneber, eller kan innebera kontakt med barn, er omgrepet barneomsorgsattest innført. Kva slags brot på straffelova som kan takast med i ein politiattest som skal tena som barneomsorgsattest, er gitt i politiregisterlova 39. Etter barnehagelova 19 skal det krevjast politiattest med slikt innhald som går fram av politiregisterlova 39 fyrste ledd. Politiregisterloven 39 Politiattest for personer som skal ha omsorg for eller oppgaver knyttet til mindreårige (barneomsorgsattest). Vi gjengir fyrste ledd: På politiattest som er begrunnet i formål som nevnt i 37 første ledd nr. 4 skal det anmerkes om personen er siktet, tiltalt, har vedtatt forelegg eller er dømt for overtredelse av lov 22. mai 1902 nr. 10 Almindelig borgerlig Straffelov 162, 192, 193, 194, 195, 196, 197, 199, 200 annet ledd, 201 første ledd bokstav c, 201 a, 203, 204 a, 219, 224, 229 annet og tredje straffalternativ, 231, 233 og 268 jf. 267 og straffeloven 231, 232, 257, 258, 274, 275, 282, 283, 291, 293, 294, 295, 296, 299, 301, 302, 303, 304, 305, 306, 309, 310, 311, 312, 314, 327 og 328. Overtredelse av lov 22. mai 1902 nr. 10 Almindelig borgerlig Straffelov 192, 193, 194, 195, 196, 197, 199, 200 annet ledd, 201 første ledd bokstav c, 201 a, 204 a og 233 og straffeloven 275, 291, 293, 294, 295, 296, 299, 301, 302, 303, 304, 305, 306, 310, 311, 312 og 314 skal anmerkes i samsvar med 41 nr. 1. Overtredelse av lov 22. mai 1902 nr. 10 Almindelig borgerlig Straffelov 162, 203, 219, 224, 229 annet og tredje straffalternativ, 231 og 268 jf. 267 og straffeloven 231, 232, 257, 258, 274, 282, 283, 309, 327 og 328 skal anmerkes i samsvar med 40. Det fører for langt å gå inn på kvar av straffelov-paragrafane det er vist til, men kort samanfatta gjeld det ulike former for seksual-, valds-, rans- og narkotikabrotsverk. Merk at det ikkje berre er det ein er dømd for, som skal gå fram av politiattesten, men også det ein på utskrivingstidspunktet for attesten er sikta for, tiltalt for, eller har vedtatt førelegg for. Derimot vil det ikkje gå fram om ein på eit tidlegare tidspunkt har vore sikta eller tiltalt, 2 av 6

3 dersom ein seinare er frifunnen, eller siktelsen/ tiltalen er fråfallen. Retningslinjer om framgangsmåte, behandling og teieplikt Kravet til politiattest og retningslinjer for behandling av politiattest er nærare omtalt i forskrift om politiattest i barnehagar. Den gjeldande forskrifta er som nemnd ny, og ho erstattar den tidlegare forskrifta frå Ordlyden i den nye forskrifta er slik: Forskrift om politiattest i barnehager: 1. Virkeområde Forskriften gjelder alle godkjente og godkjenningspliktige barnehager. 2. Krav om politiattest Kravet om å legge fram politiattest etter barnehageloven 19 første ledd gjelder før personen begynner å arbeide i barnehage. I vurderingen av om det skal innhentes politiattest for personer som nevnt i barnehageloven 19 andre ledd, skal barnehageeier og kommunen som barnehagemyndighet legge vekt på om oppholdet eller innflytelsen gir vedkommende mulighet til å være i direkte kontakt med barna. 3. Krav til attesten Politiattesten skal ikke være eldre enn tre måneder når den leveres til mottaker. 4. Framgangsmåte ved ansettelse Arbeidsgiver skal i utlysningsteksten gjøre søkere oppmerksom på at det vil bli krevd politiattest ved ansettelse, men at denne ikke skal legges ved søknaden. Attest skal kun kreves av den søkeren som får tilbud om stillingen. Det skal i tilbudet tas forbehold om at anmerkninger på politiattesten kan føre til endring i tilbudet om stilling. Politiattest skal foreligge før søkeren ansettes. Det skal framgå av saksdokumentene at søker som ansettes har levert politiattest til arbeidsgiver. 5. Yrkesforbud og egnethet Personer som ikke legger fram politiattest eller legger fram politiattest som viser dom for overtredelse av straffeloven 299, 301, 302, 303, 304, 305, 306, 310 eller 311, eller lov 22. mai 1902 nr. 10 Almindelig borgerlig Straffelov 195, 196, 200 andre ledd, 201 første ledd bokstav c, 201a eller 204a, er utelukket fra fast eller midlertidig ansettelse i barnehage. Hvis en politiattest viser andre anmerkninger, må barnehageeier vurdere om anmerkningen gjør personen uegnet til å arbeide i barnehagen. 6. Godkjenning av barnehage Kommunen skal ved godkjenning av barnehagen innhente politiattest fra eier av barnehagen, eier av barnehagens lokaler og deres familiemedlemmer, hvis vedkommende har mulighet til å være i direkte kontakt med barna i barnehagen. Kommunen skal vurdere om anmerkninger på en attest fører til avslag på søknad om godkjenning av barnehage eller ikke. Kommunen skal ikke godkjenne en barnehage dersom attest er krevd, men ikke levert. Kommunen skal heller ikke godkjenne en 3 av 6

4 barnehage der en person nevnt i 6 første ledd skal ha et ansettelsesforhold i barnehagen og leverer attest med anmerkninger som nevnt i 5 første ledd. Det skal framgå av kommunens saksdokumenter at politiattest er levert. 7. Behandling av politiattest og taushetsplikt Politiattesten skal oppbevares utilgjengelig for uvedkommende. Den skal makuleres straks etter at den har vært brukt til det formålet den er innhentet for, jf. politiregisterforskriften Den som får kjennskap til opplysninger i en politiattest, skal hindre at uvedkommende får adgang eller kjennskap til opplysningene, jf. politiregisterloven Fornyet vandelskontroll Fornyet vandelskontroll kan foretas i samsvar med politiregisterloven Ikrafttredelse Forskriften trer i kraft 1. desember Fra samme tidspunkt oppheves forskrift 16. desember 2005 nr om politiattest i henhold til barnehageloven, fastsatt med hjemmel i lov 17. juni 2005 nr. 64 om barnehager (barnehageloven) 19 fjerde ledd. Ut frå dette må følgjande punkt bli standard prosedyre ved kvar utlysing og tilsetjing: Utlysingsteksten Av utlysingsteksten om ledig stilling må det gå fram at tilfredsstillande politiattest er eit av krava for å få stillinga, men at politiattest ikkje skal leggjast ved søknaden. Brevet med tilbod om tilsetjing Det er berre den som får tilbod om stillinga, som skal levera politiattest. Den best kvalifiserte søkjaren vil til vanleg få eit brev med tilbod om stillinga, og ein svarfrist. Av dette brevet må det gå fram at tilbodet om stillinga gjeld med atterhald om at tilfredsstillande politiattest blir lagt fram. Vi føreslår følgjande formulering: «Tilsetjinga føreset at politiattest blir levert så snart som muleg, og at han ikkje inneheld merknader som gjer det nødvendig å trekkja tilbodet om stilling tilbake jf. barnehagelova 19 og forskrift om politiattest i barnehagar.» Notat til personalmappa Av 7 i forskrifta går det fram at politiattesten skal makulerast straks han har vore brukt i samband med tilsetjinga. Det ligg personvernomsyn bak dette. Men for arbeidsgjevar er det nødvendig å ha dokumentert at politiattest er etterspurt, kontrollert og funne i orden. Vedlagt ligg eit tekstforslag som kan kopierast over på barnehagen sitt eige brevpapir. Den som blir tilsett, må få kopi av notatet, slik at vedkomande får bekrefta at tilbodet om stilling står ved lag. Konsekvensar dersom det er merknader på politiattesten Det er lovforbod mot å tilsetja personar som er dømde for seksuelle overgrep mot mindreårige, eller som er dømde for ulike former for befatning med barnepornografi. 4 av 6

5 Mindreårig er i dei fleste samanhengar rekna som barn og unge som ikkje er fylt 16 år, men når det gjeld barnepornografi er aldersgrensa sett til 18 år. Dersom den som har fått tilbod om ei stilling, legg fram politiattest som viser at vedkomande er domfelt for seksuelle overgrep mot mindreårige eller befatning med barnepornografi, må tilbodet om tilsetjing straks trekkjast attende. Dette må gjerast skriftleg i eige brev. Det er ikkje forbode å tilsetja kandidatar som har andre merknader på politiattesten sin, men merknadane må takast med i den samla vurderinga av kor skikka eller eigna vedkomande er til den aktuelle stillinga. Tilseier opplysningane at vedkomande ikkje er skikka eller eigna til å ha stilling i ein barnehage, må tilbodet om stilling trekkjast attende. Dersom den som får tilbod om stilling, ikkje leverer politiattest innan rimeleg tid, må tilbodet om stillinga skriftleg trekkjast tilbake. Her må det takast omsyn til at saksbehandlingstida for utskriving av politiattest for tida er på fleire veker. Kva med svært kortvarige vikariat? Kravet om politiattest gjeld heilt og fullt også for dei kortvarige vikariata, t.d. ringjevikariat. Det vil derfor vera brot på barnehageloven å ta inn ein ringjevikar som ikkje kan visa fram gyldig politiattest, og som heller ikkje har gjort det i løpet av dei siste tre åra. At akkurat tre år er vald, er tilrådd av politiet. Kommunen har sett som krav at vikarbyråa skal krevja og kontrollera politiattest for vikarar som blir leigde ut til barnehagane. Hentar ein inn vikar frå eit vikarbyrå, er det ikkje nødvendig at vikaren viser politiattest til barnehagestyrar. Dersom barnehagen har si eiga liste med aktuelle ringjevikarar, må dei som melder seg som ringjevikarar bli bedne om å skaffe seg politiattest før dei kan få oppdrag. Sidan vår erfaring er at politiet ikkje vil skriva ut politiattest utan at det ligg ved ein bekreftelse frå arbeidsgjevar om behovet, bør barnehagestyrar skriva ein bekreftelse til dei aktuelle ringjevikarane om at dei står på ringjevikarlista og derfor har bruk for politiattest. Slik bekreftelse skal leverast den potensielle ringjevikaren, som sjølv må leggja han fram for politiet. Når barnehagen tar inn vikar frå si eiga ringjevikarliste og får politiattest førelagt, må han på ordinær måte kontrollerast og dokumenterast gjennom notat i personalmappa. Men vi tilrår at politiattesten ikkje blir makulert, men levert attende til ringjevikaren sjølv. Vi kan vanskeleg sjå at det bryt med det omsynet til personvern som ligg bak 7 i forskrifta om behandling av politiattesten, at den som personopplysningane gjeld, sjølv får hand om dokumentet for seinare bruk. Kravet til makulering gjeld når politiattesten har vore brukt til det føremålet han er innhenta for, og for ringjevikarar kan føremålet strekkja seg lenger enn berre eit enkelt vikaroppdrag i den eine av kommunen sine barnehagar. Sidan politiattestar nyare enn tre månadar skal godtakast, vil det også vera i ringjevikaren si interesse å sleppa å gå til politiet oftare enn nødvendig for å be om ny politiattest. Når ringjevikaren har levert politiattest, kan denne leggjast til grunn for alle tilkallingsvikariat vedkomande får over ein periode på tre år. Trass det som ovanfor er tilrådd, kan det tenkjast at ein potensiell ringjevikar hevdar at gyldig politiattest allereie er levert til styrar i ein annan kommunal barnehage (eller rektor ved ein av kommunen sine skular), utan at politiattesten vart levert tilbake. I så fall må ein be om lov til å få dette stadfesta frå vedkomande tenestestad. I eit slikt tilfelle lagar ein eit notat til personalmappa som beskrive ovanfor, men teksten må justertast slik at det går fram at opplysningane er henta inn i telefonsamtale med namngitt styrar eller rektor ved namngitt tenestestad. 5 av 6

6 Kan vi be om politiattest for personar som allereie er tilsett? I politiregisterlova 36 går det mellom anna fram at: Vandelskontroll kan bare foretas når den har hjemmel i lov eller i forskrift gitt i medhold av lov. Sidan det verken i barnehagelova eller forskrift om politiattest i barnehagar er heimel for å be om politiattest anna enn ved tilsetjing, kan det ikkje lagast ordningar der tilsette regelmessig skal visa fornya politiattest. Av forarbeida til politiregisterlova går det fram at det såkalla politiregisterutvalet ville gi anledning til å be om fornya politiattest på visse vilkår. Men verken Justisdepartementet i Ot.prp. nr. 108 ( ) eller Justiskomiteen i Stortinget i Innst. 139 L ( ) støtta dette, og det vart heller ikkje tatt inn i den endelege lovteksten. Derimot kan ein be politiet om å få utlevert nye eller oppdaterte opplysningar, men berre for tilsette som tidlegare har vist fram politiattest ved tilsetjing. Det er den tidlegare mottakaren av politiattest altså arbeidsgjevar i vår samanheng som sjølv skal be politiet om dette, og ikkje overlata det til den tilsette. Dette går fram av politiregisterlova 43 Politiregisterloven: 43 - Utlevering av nye eller oppdaterte opplysninger etter at politiattest er utstedt. Brukeren av tidligere utstedt politiattest kan få utlevert nye opplysninger av betydning, dersom vilkårene for utstedelse av politiattest fortsatt er til stede. Det kan ikke utleveres andre opplysninger enn de som fremgår av hjemmelsgrunnlaget for utstedelse av den opprinnelige attesten. Når det gjeld terskelen for å be om ny eller oppdatert politiattest, viser Kunnskapsdepartementet i Prop. 120 L ( ) til forarbeida til politiregisterlova: I forarbeidene til politiregisterloven er det presisert at bestemmelsen omhandler de tilfellene der politiattest tidligere er utstedt, men hvor eksempelvis barnehageeieren i ettertid har fått tilgang til informasjon som gir grunnlag til å tro at det foreligger nye opplysninger av betydning. Kari Øvrebø - administrasjonssjef Anne Marit Presterud - kommunaldirektør Dette dokumentet er godkjent elektronisk. Vedlegg: Notat til personalmappa tekstforslag 6 av 6

7 Politiattest er framvist, kontrollert og funnen tilfredsstillande NN er den dato tilsett i stilling som stillingstype ved X barnehage med atterhald om at det blir framlagt politiattest jf. barnehageloven 19 og forskrift om politiattest i barnehager. Politiattest med slikt innhald som følgjer av politiregisterloven 39 første ledd, er framlagt den dato. Han inneheld ikkje opplysningar som gir grunnlag for å trekkja tilsetjingsvedtaket tilbake. Underskrift/ namn Barnehagestyrar