/2427/FMMRSOBE/432.4 Saksbehandlar, innvalstelefon Dykkar dato Dykkar ref. rådgivar Solveig Silset Berg,

Transkript

1 /2427/FMMRSOBE/432.4 Saksbehandlar, innvalstelefon Dykkar dato Dykkar ref. rådgivar Solveig Silset Berg, Vår dato Vår ref. Sunnmøre friluftsråd Kongshaugstranda EIDSNES Måslia naturreservat - Ørskog og Vestnes kommunar - Delvis dispensasjon til å gjennomføre tiltak i forbindelse med restaurering av Den Trondhjemske postveg Vi viser til søknad datert frå Sunnmøre friluftsråd. Det søkast om dispensasjon til å restaurere strekket av den Trondhjemske postvegen som går gjennom Måslia naturreservat. Om søknaden Strekninga som vert prosjektert i Måslia naturreservat er på om lag ein km. Kort summert gjeld søknaden følgande: Grøfting av om lag heile nordsida av vegen samt mindre parti på sørsida Etablering av nye stikkrenner eller eventuell bruk av gamle Fjerning av skog og kratt Planering av trasé Nytt grusdekke/naturgrus (legging av vegduk for å lette drifta/hindre rask attgroing) Bru over bekk mot Måslisetervegen Vi viser til søknaden for øvrige detaljer. Om den Trondhjemske postveg Vegtraseen blei fastlagt ved kongeleg resolusjon i 1785 og blei ferdigstilt i Vegen er bygd etter det «franske prinsipp» som betyr at traseen er lagt etter ei rett linje mellom viktige målepunkter (den korteste vegen). Som offisiell postveg blei den nedlagt i Traseen som går gjennom Ørskog og Vestnes kommunar er verna gjennom Nasjonal verneplan for veger, bruer og vegrealterte kulturminne. Søknaden er vurdert i henhold til: Forskrift om vern av Måslia naturreservat Naturmangfaldlova (nml) Fylkesmannen i Møre og Romsdal Postboks 2520, 6404 MOLDE fmmrpostmottak@fylkesmannen.no Organisasjonsnr:

2 side 2 av 6 Verneformål og forskrift Måslia blei freda som naturreservat ved kgl.res. av 13. desember Formålet med fredinga er å ta vare på eit sjeldan stort og urørt myrområde med verdi som nasjonalt typeområde. For reservatet gjeld følgjande reglar, jf. pkt. IV i forskrifta: 1. All vegetasjon, også døde buskar og tre, er freda mot ei kvar form for skade og øydelegging. Nye planteartar må ikkje innførast, og det må ikkje fjernast planter eller plantedelar frå reservatet. 2. Det må ikkje iverksettast tiltak som kan endre dei naturgjevne tilhøva, som til dømes oppføring av bygningar, anlegg og faste innretningar, hensetjing av campingvogn o.l., framføring av nye luftleidningar, jordkablar og kloakk- og vassleidningar, bygging av vegar, drenering og anna form for tørrleggjing, uttak, oppfylling, planering og lagring av masse, utslepp av kloakk eller andre konsentrerte forureiningstilførslar, dumping av avfall, gjødsling eller bruk av kjemiske plantevernmiddel. Opplistinga er ikkje fullstendig. 3. Motorisert ferdsel på barmark er forbode. Det er ikkje heimel i forskrifta til å gje dispensasjon til tiltaket. Forvaltningsmyndigheita kan likevel gjere unntak frå eit vernevedtak dersom det ikkje strir mot vernevedtakets formål og ikkje kan påverke verneverdiane nemneverdig, jf. 48 i nml. Fylkesmannen si vurdering Fylkesmannen var på synfaring saman med søkar, Ørskog historielag, Møre og Romsdal Fylkeskommune, Statens vegvesen region midt og Statens naturoppsyn (SNO) Heile tiltaksområdet vart synfart. Fylkesmannen er sjølvsagt klar over at postvegen vart etablert før vernet, men naturreservat er den strengaste form for vern vi har og ein skal være særskilt forsiktig med fleire inngrep her. Slik det er beskrive i søknaden, er føremålet å restaurere og oppruste vegen. Strekket har ei rekke stikkrenner som er kollapsa og dei tidlegare grøftene er i sterk gjengroing. Skal dei på ny fungere må dei gravast fram og reinskast for vegetasjon. Stikkrenner må opnast for å lede vatnet bort. Ei opning av stikkrennene vil nok i seg sjølv ikkje gå utover verneverdiane, men grøftinga i samband med dette vil kunne føre til at dei hydrologiske forholda vert endra betrakteleg i tiltaksområdet. Grøftinga kan óg ha effektar vidare ut i myra. Fylkesmannen meiner at ei gjennomføring av desse tiltaka vil vere i strid med verneformålet og kan ikkje gjennomførast. Vegen har i dag eit vegetasjonsdekke beståande av jord, gras og torv. Dette bidrar til meir fuktigheit i vegkroppen. Dette er ein naturleg prosess når vegen har gått ut av bruk og den

3 side 3 av 6 ikkje lengre vert vedlikehalde. Dette er slik vi vurderer det ein del av den historiske utviklinga. Fylkesmannen meiner at å planere traseen og legge nytt grusdekke vil verte store inngrep og i strid med verneformålet og kan difor ikkje gjennomførast. Vi meiner at nokre av tiltaka kan gjennomførast utan å påverke verneverdiane nemneverdig. Under synfaringa såg vi fleire våte område i vegtraseen, sjå figur 1. Vi ser behovet for å gjere noko i desse områda for å kanalisere turgåarane og såleis minimalisere slitasjeskadar i terrenget. Vi meiner at ein med enkle innretningar, som trekloppar kan unngå problematikken. Det mest skånsame for vegetasjonen og myra vil vere at det blir slått pålar ned i myra. Det kan ikkje leggast plank direkte på bakken og det kan ikkje brukast trevirke som er impregnert med kreosot. Motorferdsel på barmark er forbode. All transport av materiale må skje på snødekt mark. Figur 1. Markering av dei våte områda der det vert behov for tilrettelegging.. Vi vurderer og at fjerning av kratt og tre i traseen heller ikkje vil stride i mot verneformålet og gå utover verneverdiane nemneverdig. Når det fjernes tre og kratt, vil det skyte opp store mengder nye skot frå stubbar og rotsystem. For å unngå å ende opp med enda større krattoppslag enn det var i utgangspunktet må dette difor følgjast opp av slått med til eksempel handheldt slåmaskin. Når tre tas ned oppstår det lett kratt av nye rotskot fordi rota til treet framleis lever. Slikt vil ofte krevje skjøtsel i årevis. Trea må fjernast frå området. Vi kan heller ikkje sjå at etablering av ei lita steinbru eller trebru over bekken ved Måsliseterveien skulle gå utover nokre av verneverdiane. Ein kan framleis sjå steinfundamenta frå den gamle brua her. Det er viktig at desse ikkje blir øydelagde eller

4 side 4 av 6 flytta på. Eit alternativ her er å etablere ei bru som ikkje rører ved fundamenta, og la dei ligge som kulturminne. Detaljteikningar av ei eventuell bru må sendast inn til Fylkesmannen for gjennomsyn. Prinsippa i nml 8-12 om berekraftig bruk, jf. 7 skal bli lagt til grunn ved utøving av offentleg myndigheit. 8 - kunnskapsgrunnlaget I Miljødirektoratet sin Naturbase er heile det aktuelle området registrert som kystmyr med verdien B, viktig. Området er verdsett til B p.g.a. at det er eit større myrområde, men med små areal av prioriterte naturtypar som rikmyr og terrengdekkjande myr. Mest interessant er mindre flekkar med førekomst av orkideen engmarihand. Engmarihand er ein art som trivst i kalkrik myr. I 1974 vart det funne solblom ved Måslielva nær kommunegrensa mellom Ørskog og Vestnes. Solblom er ein trua og sjeldan art og er registrert i Norsk raudliste som sårbar (VU). Kor dei nøyaktige funna av solblom og engmarihand er, er ikkje registrert. Fylkesmannen meiner at tiltaket, slik det er søkt om vil ha store negative konsekvensar for den registrerte naturtypen. Kunnskapsgrunnlaget er tilstrekkeleg til å kunne fatte vedtak i saka. Figur 2. Grønn skravur markerer naturtypen, kystmyr, raud skarvur markerer naturreservatet. Den grå prikken er registrering av gauk, gråsisik og heipiplerke.

5 side 5 av 6 9 føre-var-prinsippet Prinsippet skal nyttast i tilfelle der det kan vere tvil om konsekvensane for miljøet og verneverdiane. Under føresetnad av at ein under utføringa av tiltaka tek omsyn til vilkåra i dispensasjonen, vil tiltaket ha liten påverking på verneverdiane. 10 økosystemtilnærming og samla belastning Fylkesmannen vurderer at slik dispensasjonen blir gitt, vil ikkje tiltaka auke den samla belastninga til økosystemet eller på inngrepsfronten. 11 kostnadene ved forringing av miljø skal bærast av tiltakshavar Søkar er heilt og fullt ansvarleg for alle kostnader med arbeidet i tillegg til kostnader ved ei oppretting etter eventuelle skader på miljø. 12 miljøforsvarlege teknikkar Ved å unngå grøfting og graving i myra, ingen tilførsel av grus eller legging av duk og at alt materiale blir køyrt inn vinterstid er paragrafen oppfylt. Vidare er søkar ansvarleg for å utføre tiltaket med dei vilkåra som er satt i dispensasjonen. Vedtak Fylkesmannen gjev avslag på gjenopning av grøfter, utskifting/reparasjon av stikkrenner, planering og leggje grusdekke i Måslia naturreservat, jf. verneforskrifta pkt. IV 2. Fylkesmannen gjev dispensasjon til klopplegging i dei våte partia, fjerning av kratt og tre samt å etablere ei steinbru/trebru med heimel i naturmangfaldlova 48. Dispensasjon gis på følgande vilkår: Tiltaka skal gjennomførast så skånsamt som mogleg og ta omsyn til naturverdiane Legging av trekloppar i våte parti. Aktuelle parti avklarast i felt med SNO/Fylkesmann. Det kan ikkje brukast trevirke som er impregnert med kreosot Fjerning av kratt og tre i, og i umiddelbar nærleik til traseen. For å unngå å ende opp med enda større krattoppslag enn det var i utgangspunktet, må dette følgjast opp av slått med handheldt slåmaskin eller liknande Etablering av steinbru/trebru over bekken ved Måslisetervegen må ikkje øydelegge, eller flytte på, dei gamle steinfundamenta Om ein behøver transport av materiale skal det skje på snødekt mark Forvaltningsmynde skal varslast (enkel e-post) ved ferdigstilling av arbeidet Enkel detaljplan over korleis ein tenker seg å utføre klopplegging og utforming av bru må sendast Fylkesmannen til gjennomsyn. Fjerning av kratt og tre kan starte med ein gong. SNO v/kjell Hansen vil følgje opp arbeidet i felt og skal varslast på telefon før arbeidet tek til.

6 side 6 av 6 Klage Vedtaket kan påklagast til Miljødirektoratet. Klagen skal sendast via Fylkesmannen. Fristen for å klage er 3 veker frå det tidspunkt underretning om vedtaket er kome fram til vedkommande part, jf. forvaltningslova 29. Med helsing Ola Betten (e.f.) fagansvarleg Solveig Silset Berg Dokumentet er elektronisk godkjent og har ingen signatur. Kopi: Statens vegvesen Region midt v/izabela Postboks MOLDE Agnieszka Chlewicka Ørskog kommune 6240 ØRSKOG Ørskog Historielag v/ragnar Bakken Eggevegen ØRSKOG Statens naturoppsyn v/kjell Hansen Postboks 5672 Sluppen 7485 TRONDHEIM Møre og Romsdal Fylkeskommune Fylkeshuset 6404 MOLDE