VERKSEMDSPLAN

Transkript

1 VERKSEMDSPLAN

2 2

3 INNHALD 1 Forankring Innleiing Stiftinga sitt føremål og virkefelt Økonomiske rammevilkår Struktur, fundament og retningslinjer Verdigrunnlag og etikk Fagleg plattform Sjølvhjelp Brukarmedverknad Brukergruppen Våre tilbod Hovudsatsingsmål for planperioden Mål og tiltaksplan

4 1 FORANKRING Planen for verksemda er forankra i Vedtekter for senter mot incest og seksuelle overgrep Sogn og Fjordane (sist vedtatt ). Det er og tatt utgangspunkt i føringar frå Barne-, likestillings- og inkluderingsdepartementet (BLD), Fellesskap mot seksuelle overgrep (FMSO) og St.meld. nr 13 ( ). Om incestsentra - tilbod, finansiering og forvaltning. Vidare er Nasjonal plan for sjølvhjelp (SHD 10/2004) lagt til grunn, samt oppsummering frå konferanse for sjølvhjelpsprosjekter finansiert av SHD INNLEIING Planperioden er frå januar 2013 til januar I denne planen går vi først inn på nokre hovudtrekk i vår organisasjon: Som føremål, virkefelt, økonomi, struktur, verdigrunnlaget og etikken til senteret, den faglege plattforma som senteret har med sjølvhjelp og brukarmedverknad. I arbeidet med denne verksemdsplanen har vi utarbeida fire hovudmål, kvart hovudmål har fleire delmål som igjen fører til ulike tiltak. Til planen er det nokre vedlegg: Q 22 Retningslinjer for drift av incestsentrene, vedtekter for senter mot incest og seksuelle overgrep Sogn og Fjordane, fagleg plattform og årshjulet for Smiso SF. Vedlegga er web basert, Sogn og Fjordane har lenge vore det einaste fylke som ikkje har hatt eit senter mot incest og seksuelle overgrep. Det har vore prøvd to gonger tidlegare å etablere eit slikt senter i Sogn og Fjordane, utan og lukkast. Sentera i Hordaland og Møre og Romsdal opplevde stor pågang av brukarar frå Sogn og Fjordane og såg behovet for eit eige senter i fylket. Hausten 2011 vart det etablert ein prosjektgruppe samansett av tilsette ved sentera i Hordaland og Møre og Romsdal. Denne gongen lukkast det med å få midlane på plass. Dagleg leiar vart tilsett i slutten av mai, og to faglege rådgjevarar vart tilsett 1.august oktober 2012 kunne vi opne dørene ved Senter mot incest og seksuelle overgrep Sogn og Fjordane (Smiso SF). Smiso SF held til i Hornnesvegen 1, og har Førde kommune som vertskommune. Vi er ein privat stifting med eige styre som er senteret sitt øvste organ. Smiso SF er tilslutta FMSO, Fellesskap mot seksuelle overgrep. Sogn og Fjordane er eit vidt geografisk fylke og vi er opptekne av å nå ut til alle. I tillegg til å ha senteret opent for brukarar ønskjer vi i denne planperioden å bruke tid på å reise rundt i fylket og marknadsføre senteret. Vårt motto er incest skal talast i hel ikkje teiast i hel... Smiso SF er eit lågterskeltilbod og ein plass der: Der den enkelte kan kjenne seg trygg og møter forståing og varme. Med eit fellesskap der overgrepsutsette kan sette ord på sin fortid, møte likesinna og dele erfaringar. Der den enkelte kan styrke sin eigen indre verdi og sin sjølvrespekt. 4

5 Der ein kan sjå og forstå samanhengen mellom seinskader\verknader og overgrep, og på den måten få moglegheit til og gjere noko sjølv for å betre eiga livssituasjon. 3 STIFTINGA SITT FØREMÅL OG VIRKEFELT 2 Senter mot Incest og Seksuelle overgrep Sogn og Fjordane har følgjande føremål og virkefelt: 2.1 Gje hjelp til sjølvhjelp støtte og råd til barn og vaksne som har vert utsett for incest og seksuelle overgrep, deira familiar og private og offentlege nettverk. 2.2 Skal kjempe mot og førebyggje seksuelle overgrep ved å synliggjere og motarbeide forhold i samfunnet som legitimerer, underbyggjer og opprettheld overgrep. 2.3 Skal arbeide for å spreie kunnskap om incest og seksuelle overgrep og incest/ overgrepsutsette sin situasjon ved informasjon og kunnskapsformidling. 2.4 Skal vere eit lågterskeltilbod utan krav til tilvising. 2.5 Skal samarbeide med offentlege hjelpeapparat og andre aktører som arbeider med overgrepsproblematikken. 2.6 Skal i sitt arbeid vere partipolitisk nøytrale og ikkje vere tilknytt bestemte organisasjonar eller trussamfunn. 3.1 Økonomiske rammevilkår Hovudmål er å sikre senteret ei forutsigbar drift. Vi er eit ikkje lovpålagt tilbod. Dei økonomiske tilskota frå kommunar, helseføretak og fylket dannar grunnlag for statlege tilskot med ein fordelingsnøkkel på 4 gonger statstilskot for desse. I etableringsåret 2012 var 21 av 26 kommunar i Sogn og Fjordane med å gje driftsmidlar til Smiso SF. Målsetjinga for planperioden er å få alle kommunar i fyket til å bidra med sin del (minimum kr. 4,- pr innbyggjar) og samstundes inngå langsiktige avtalar med alle kommunane. Dette inneber at senteret sin økonomi\drift i mindre grad enn no vil variere frå år til år. I søknaden om statstilskot for 2013 vil det også vere med ein særleg søknad om varig økonomisk støtte til å drive med undervisning og førebyggjande arbeid i grunnskulen. Ein føresetnad for å ta imot statstilskot er at senteret nyttar godkjende registreringsskjema, og følgjer rutinar og fristar for registrering og innrapportering til Sentio Research A\S, på oppdrag frå Buf-dir.

6 Vi er gjennom sentrale retningslinjer(q22) pålagd føring av rekneskap etter Norsk Standard og årsrevisjon av autorisert revisor. Investeringar og vedlikehald Då senteret er nystarta i 2012 har vi føretatt dei største og mest naudsynte investeringane i forbinding med oppstart. Vi har fått på plass naudsynt teknisk utstyr, inventar og anna materiell. Vidare er også de ulike krav til tilgjengelegheit for ulike typar funksjonshemmingar og arbeidsmiljø ivaretatt gjennom dei bygningsmessige endringane som er føretatt ved oppstart. 3.2 Struktur, fundament og retningslinjer Smiso SF er organisert som ein privat stifting, med eit styre som er senteret sin arbeidsgjevar og øvste organ. Senteret vert leia av ein dagleg leiar, som står ansvarleg ovanfor styret. Dagleg leiar skal sjå til at senteret fungerer forsvarleg, og sjå til at dei vedtak styret fattar blir satt ut i drift. Sentrale retningslinjer gjennom Q 22 er ein viktig del av rammeverket for senteret. Smiso SF ønskjer å vere ein dynamisk organisasjon. Dvs. at senteret heile tida skal ha evna til og vere under utvikling ut frå samfunnsmessige krav, ny forsking innan incest/overgrepsproblematikk og traumeterapi. Tilpasse hjelpetilbod til senterets målgrupper ut frå målgruppa sine behov og forventningar. Senteret er eit lågterskeltilbod og opent for alle. Dette inneber at det ikkje er behov for tilvising frå lege eller anna offentleg hjelpeapparat for å ta kontakt med oss. Personer utsett for incest og seksuelle overgrep, deira pårørande og offentlege etatar står fritt til å kontakte kva senter i landet dei ønskjer. Smiso SF er eit supplement til det offentlege hjelpeapparatet og overtar derfor ikkje for dei offentlege tenestane. Tilbodet er gratis og vi har ingen journalføring. Det er også eit viktig fundament for senteret at alle lover, reglar og retningslinjer i det norske samfunn følgjast. 3.3 Verdigrunnlag og etikk Smiso SF sitt verdigrunnlag byggjer på eit humanistisk menneskesyn med ein tverrfagleg tilnærming. Senteret arbeider utifrå ein ressurs- og heilskapstenking i forhold til menneske utsett for incest og seksuelle overgrep. Vi søker å arbeide i eit nært samarbeid med den enkelte sitt nettverk (privat og offentleg). Den enkelte må sjølv ta ansvar for eige liv, - finne sin veg der vi kan bidra med innspel, hjelp og støtte undervegs. Grunntanken er at kvart menneske oppfattar, forstår og tolkar sin egen situasjon. Ut frå denne forståinga og innsikta avgjer den enkelte korleis vedkommande skal handle. 6

7 Eit viktig arbeid er å støtte den enkelte til å auke sin tryggleiksfølelse og sin sjølvrespekt, slik at vedkommande i større grad skal kunne sjå og nyttiggjere seg av eigne ressursar. Sjølv om senteret er eit lågterskeltilbod der den enkelte kan ta kontakt anonymt og vere trygg for at teieplikta vert overheldt, har også senteret ein sjølvpålagt meldeplikt i h.h.t. Lov om barneverntenester og ein meldeplikt og avvergeplikt i h.h.t. Straffeloven. Senteret utarbeider retningslinjer for korleis slike tilfelle skal handteras. Dette gjerast også i samarbeid med det aktuelle offentlege hjelpeapparat. Smiso SF forventar ein bevisst etisk haldning og praksis som igjen speglar sentrets vedtekter, verdigrunnlag og ideologi blant tilsette og styret. FMSO har også vedtatt etiske retningslinjer som vi etterlever. 3.4 Fagleg plattform Smiso SF inngjekk i styrevedtak saksnr 15\12 ein intensjonsavtale med FMSO om å vere fagleg forankra i den felles faglege plattforma. Formålet med den faglege plattforma er at FMSO og medlemssentra skal ha eit felles fagleg ståsted basert på profesjonalitet og eit godt kvalitetstilbod for brukarane. Ved å kvalitetssikre vil vi tydeleggjere den positive effekten sjølvhjelp og brukarmedverknad har for auka livskvalitet hos personar utsett for seksuelle overgrep Sjølvhjelp Hjelp til sjølvhjelp er eit et overordna prinsipp for oss på senteret. Sjølvhjelp er å ta tak i eigne moglegheiter, finne fram eigne ressursar, ta ansvar for livet sitt og sjølv styre det i den retning ein ønskjer. Sjølvhjelp er å setje i gang ein prosess, frå passiv mottakar til aktiv deltakar i ege liv. Alle sentra mot incest og seksuelle overgrep byggjer på sjølvhjelpsideologien. Hjelp til sjølvhjelp baserer seg på eit menneskesyn som understrekar vår medfødde evne til psykisk reparasjon og vekst. Sjølvhjelp dreier seg ikkje om brukar og hjelpar, men om mennesket. Sjølvhjelp tar utgangspunkt i det sunne og naturlege, ikkje tillærte roller og mønstre. Eit stort tal menneske bærer på vonde opplevingar som handlar om seksuelle overgrep. Seinverknadane av seksuelle overgrep kan for eksempel vere depresjon, angst, oppleving av å vere utan verdi, skam, skuldfølelse, manglande tillit til andre, vanskar med å hevde seg, sette grenser, gå inn i nære relasjonar og slite med sjølvmordstankar. Muskelspenningar, dårlig forhold til kroppen, problem med berøring og seksuelle vanskar er også vanlige følgjer av overgrep. Seinverknader kan gi fysiske plager og alvorlige problem som rusmisbruk, sjølvskading og\eller ete vanskar.

8 Når ein incestutsett/overgrepsutsett begynner å ta fram den gamle bortgøymde smerten, er dette starten på en tung og strevsom prosess. Mange kjensler kjem fram smerte, sinne og sorg. I denne prosessen er det nødvendig å ha nokon å støtte seg til det er for tungt å bære alene. Denne støtta er det Smiso SF tilbyr Brukarmedverknad I praksis byggjer brukarmedverknad på likeverd, respekt og kunnskap, samt at man har ein tru på at brukarane sjølv innehar ressursar til å kunne sjå sin situasjon, sine moglegheiter og ressursar. Brukarmedverknad kan difor i seg sjølv ha ein terapeutisk effekt. Ved Smiso SF søker vi å ivareta brukarmedverknadsperspektivet på alle nivå. Brukarane har sin eigen representant i styret. Brukarrepresentanten har forslag- og stemmerett på lik linje med dei andre medlemmane i styret. Brukarane har også eit fast punkt på kvart styremøte, der dei kan ta opp sine saker. Dette er med på å gjere det enklare for brukarrepresentanten å ta opp spesifikke saker som vedkjem brukargruppa Brukargruppa Smiso SF er eit tilbod til: Alle menn og kvinner som har opplevd incest eller seksuelle overgrep. Partnarar og pårørande til overgrepsutsette. Offentleg hjelpeapparat, skule og andre som har behov for rådgjeving og informasjon om seksuelle overgrep. 4 VÅRE TILBOD Fellesskap På senteret skal brukarane ha ei oppleving av fellesskap gjennom å utveksle erfaringar og møte andre i same situasjon, dette skapar tryggleik og positiv sjølvkjensle. Innomstikk/Opent hus Eit lågterskeltilbod der alle som ønskjer det kan stikke innom senteret. Innomstikk er besøk utan faste avtalar, her kan brukarane møte andre i same situasjon, og senteret er ein arena for sosial læring der samhald og nye relasjonar kan skapast. Senteret er opent for innomstikk tre dagar i veka, måndag, tysdag og fredag frå kl.10 kl. 15. Einesamtalar Dei som ønskjer det kan få tilbod om einesamtaler med ein av dei tilsette. Einesamtaler vert gitt utifrå den enkeltes behov. Dette må avtales med den enkelte rådgjevar. I einesamtalane kan vi tilby bruk av samtaleverktøyet KOR klient og resultatstyrt praksis, dette er meint å kvalitetssikre samtaletilbodet, samt sikre brukarmedverknad på individnivå. 8

9 Nettverkssamtalar Vi gjev tilbod om nettverkssamtalar, det kan vere samtaler saman med partnar og/eller familie- /vennenettverk, og hjelp til å samtale med andre hjelpeinstansar. Vår hovudtanke med tilbodet om nettverksamtaler er å hjelpe brukaren til større openheit der brukaren sjølv har kontroll og ønskje om det overfor den enkelte sine viktige og nære personar. Telefonkontakt Vi gjev tilbod om rettleiing, hjelp og støtte på telefon til alle som har vore utsett for incest og seksuelle overgrep. Vi gjev og dette tilbodet til pårørande, nettverk og fagpersonar. Alle som ønskjer det, kan ta kontakt anonymt, og ingen treng tilvising for å kontakte oss. Telefonen er open alle kvardagar mellom kl kl Det er også mogleg å ringje mobiltelefon og leggje igjen ein melding på mobiltelefonen til senteret. Ut over dette er det den Landsdekkjande døgnopne telefonen for incestutsette og seksuelt misbrukte som har tlf nr som kan kontaktast. Sjølvhjelpsgrupper Sjølvhjelpsgrupper er ein arena der utsette eller pårørande møter andre i same situasjon, og finn støtte i korleis dei opplever situasjonen og handterer utfordringar og problem. Gruppene skal støtte kvarandre i den rolla dei har fått, og auke deira evne til å ta vare på seg sjølv. Gruppene byggjer på gjensidig respekt, likeverd og toleranse, og på ein aktiv deltakarrolle. Sjølvhjelpsgruppene på senteret skal ha ein eigen igangsetjar for å setje rammer og struktur i gruppa. Temakveldar Vi vil arrangere temakveldar, der tema vert bestemt i samråd med våre brukarar. Temakveldane er opne for brukarar, pårørande til utsette barn og vaksne, offentleg hjelpeapparat og andre interesserte. På nokre av temakveldane har vi innleiing av ein fagperson på området. Det er ikkje naudsynt å melde seg på til temakveldane. Aktivitetstilbod Vi gjev tilbod om ulike aktivitetar til brukarane av senteret, som til dømes trening, turar, baking, formingsaktivitetar. Informasjon om aktivitetane som føregår på senteret vil bli lagt ut på nettsida. I planperioden ønskjer vi å få til eit sanserom på senteret der brukarane kan få ein plass for å gje rom for det sanselege og kunne nå inn til seg sjølv, søke motivasjon og avslapping i trygge omgjevnader.

10 Felleslunch En gang pr. veke arrangerer brukarane og tilsette i samarbeid felleslunch der senteret står for maten. Alle er velkommen til å være med å lage mat saman med oss. Samarbeid med hjelpeapparatet Senteret har fleire henvendingar frå det offentlege hjelpeapparat omkring ulike problemstillingar og spørsmål i forhold til seksuelle overgrep. Vi ønskjer å utvikle eit tett samarbeid med hjelpeapparatet i heile fylket og vi vil delta og bidra i samband med fagdagar og andre samarbeidsfora. Informasjons-/undervisnings- og føredragsverksemd Vi tek på oss ulike informasjons-/undervisnings og føredragsverksemd. Dette er viktig for å arbeide førebyggjande og auke kompetansen rundt incest og seksuelle overgrep. 10

11 5 HOVUDSATSINGSMÅL FOR PLANPERIODEN Satsingsmål 1 Smiso SF skal vere eit senter med høg fagleg kvalitet, tillit, pålitelegheit og tilgjengelegheit, slik at personar utsatt for incest og seksuelle overgrep får eit kvalitativt godt tilbod om hjelp og støtte, og opplever nye moglegheiter til å leve med sin historie. Satsingsmål 2 Smiso SF skal drive med førebyggjande arbeid, slik at kunnskap om seksuelle overgrep vert auka, tal på overgrep reduserast, pågåande overgrep vert stoppa og tal på overgripere vert redusert. 6 MÅL OG TILTAKSPLAN Målsettingar for planperioden Hovudmål 1 Vi skal drifte og gjere Smiso SF kjend i fylket, slik at vi når ut til og kan tilby høg fagleg kvalitet til brukarane og ulike hjelpeinstansar. Smiso SF er eit nytt senter, etablert i Det vert viktig for oss og synleggjere arbeidet vårt. Vi vil bidra til at menneske som har vert utsett for incest og seksuelle overgrep opplever nye moglegheiter til å leve med sin historie. Vidare vil vi bidra til utvikling og formidling av kunnskap for å kjempe mot og førebyggje incest og seksuelle overgrep i fylket vårt. Delmål 1.1 Vi skal få på plass alt skriftleg materiale som krevjast for å drifte senteret på ein god og forsvarleg måte. 1.2 Marknadsføre senteret i heile Sogn og Fjordane, slik at vi når ut til brukarane og til ulike hjelpeinstansar med vårt tilbod. 1.3 Vi skal jobbe aktivt for å opprette eit godt samarbeid med ulike hjelpeinstansar i fylket. 1.4 Vi skal ha eit nært samarbeid med RVTS, slik at jobben vi gjer vert kvalitetssikra. 1.5 Vi skal jobbe aktivt for og synleggjere vårt arbeid mot incest og seksuelle overgrep. Tiltak Vi skal utarbeide rutinar. Vi skal utarbeide prosedyrar. Vi skal utarbeide HMS-perm. Vi skal utarbeide personalhandbok. Vi skal ha fagleg rettleiing til dei tilsette.

12 Vi skal stå på stand på ulike arenaer i Sogn og Fjordane. Vi skal halde foredrag og undervise om incest og seksuelle overgrep. Vi skal distribuere brosjyrar og informasjon om senteret. Vi skal bruke media aktivt. Vi skal invitere ulike samarbeidspartar til senteret. Vi skal arrangere fagdagar for hjelpeinstansar i Sogn og Fjordane. Hovudmål 2 Gje hjelp til sjølvhjelp, støtte og råd til alle som har vert utsett for incest og seksuelle overgrep, til deira familiar og nettverk, slik at dei utsette skal få ein betre livskvalitet. Delmål 2.1 Brukarane og dei pårørande skal verte kjend med å få kunnskap om prinsippa for hjelp til sjølvhjelp. 2.2 Få i gang ein endringsprosess hos brukarar av senteret slik at kvar enkelt kan finne sin eigen veg. 2.3 Senteret skal vere ein møteplass der dei utsette opplev fellesskap og forståing. Tiltak Vi skal opprette sjølvhjelpsgrupper for utsette og pårørande. Vi skal gje støtte og råd til utsette og pårørande gjennom einesamtalar. Vi skal støtte og rådgje brukarane i kontakt med andre hjelpeinstansar ved behov. Vi skal støtte og rådgje brukarane i kontakt med deira nettverk ved behov. Vi skal tilby brukarar av senteret turar og trening. Vi skal tilby ulike aktiviteter på og utanfor senteret. Vi skal tilby temakveldar der det vert orientert/førelese om ulike tema. Vi skal gje tilbod om bruk av samtaleverktøyet KOR (klient og resultatstyrt praksis). Hovudmål 3 Førebyggje seksuelle overgrep mot barn, slik at fleire overgrep vert avdekka og færre barn vert utsett for overgrep. Delmål 3.1 Vi skal tileigne oss kunnskap for å undervise om seksuelle overgrep til barn. 3.2 Undervise i skulane i Sogn og Fjordane og komme i dialog med barn på 6.klasse trinnet. 3.3 Nå ut til flest mogleg barn i Sogn og Fjordane med informasjon om incest og seksuelle overgrep slik at barn i fylket får kunnskapen om kven som kan hjelpe. 3.4 Inngå samarbeidsrutinar og auke kompetansen til faggrupper som arbeider med barn slik at dei har handlingskompetanse ved mistanke om at barn vert utsett for seksuelle overgrep. Tiltak Hospitere ved andre senter som driv med undervisning til barn. Søkje om midlar til å drive med undervisning i grunnskulen. Vidareutvikle undervisningspakken til 6.klasse og gjere den om til nynorsk. Utarbeide informasjonsmateriell til skular, hjelpeapparat og føresette. Ta kontakt med skuleleiinga i Sogn og Fjordane og informere om undervisningsopplegget og få godkjenning til å drive med undervisning i grunnskulen. Ta kontakt med skulehelsetenesta å informere om undervisningsopplegget. 12

13 Hovudmål 4 Vi skal ha ei personalgruppe som opplev fagleg vekst og trivsel, slik at brukarane, hjelpeapparat og ulike instansar opplev at vi er ein ressurs med spisskompetanse i arbeidet mot incest og seksuelle overgrep. Delmål 4.1 Vi skal til ein kvar tid vere oppdatert og tileigne oss nødvendig fagleg kunnskap. 4.2 Vi skal ha eit arbeidsmiljø der vi lyttar til kvarandre, viser kvarandre respekt og tillit, og spiller på lag slik at heile teamet lukkast. 4.3 Utarbeida skriftleg materiell skal følgjast og tryggje personalgruppa i deira arbeid. Tiltak Vi skal delta og bidra på fagdagar og i ulike fora både internt og eksternt. Vi skal lese og oppdatere oss på aktuell litteratur. Vi skal sjå aktuelle filmar. Vi skal ha medarbeidarsamtalar minst ein gong i året. Vi skal ha ekstern rettleiing. Vi skal ha intern rettleiing kontinuerleg gjennom dagleg pre- og debriefing. Vi skal ha personalmøte ein gong i månaden. Dei tilsette kan trene ein klokketime pr veke i arbeidstida. Det skriftlege materiellet som utarbeidast skal implementerast og evaluerast. Førde, 18. desember 2012 Chatrine Elholm Daglig leder Trude Merete Lundekvam Tilsett representant