ÅRSMELDING LUSTER ELDRERÅD 2007.

Transkript

1 Servicetorget ÅRSMELDING LUSTER ELDRERÅD Medlemer: Kjartan Kvien, Skjolden Ellen Susanna Haugen, Gaupne Per L. Kvam, Hafslo Gunhild Brun, Jostedal Erling Vigdal, Gaupne Elen Johanne Øygard, Hafslo Johan Solheim, Skjolden Personlege varamedlemer: Gyda Bolstad, Skjolden Hans Lavoll, Luster Gudveig Melheim, Marifjøra Leif Fåberg, Jostedal Anders Bolstad, Skjolden Borgny Urne Tangen, Luster Eva Solstad, Gaupne Leiar: Kjartan Kvien Nestleiar: Ellen Susanna Haugen Luster eldreråd er eit partipolitisk uavhengig, rådgjevande organ for det kommunale politiske styringsverk, og skal ha framlagt for seg alle saker av særleg interesse for dei eldre i kommunen. Framlegg til årsbudsjett, langtidsbudsjett og kommunedelplanar skal leggast fram før formannskapet og kommunestyret vedtek desse. Vidare kan eldrerådet på eige initiativ ta opp saker som vedkjem dei eldre i kommunen. Dette er avhengig av engasjement frå den einskilde medlem i rådet. Luster eldreråd har i 2007 hatt 5 møte, og handsama 32 saker. Sekretær gjennom året har vore Liv Helen Nystuen. På møtet den 26. mars diskuterte eldrerådet kva saker dei ønskte å arbeide med i året 2007, og kom fram til fylgjande handlingsplan: Vintervedlikehald/strøing - oppfølgjing. Kurset Bilførar 65+. Omsorgsbustader/pleieavd. Markering av Eldredagen oktober Arrangere SeniorSurf-dagen 11. oktober 2007.

2 Side 2 Rådet har fått fylgjande saker til uttale/orientering: Utbyggingsplan for fritidsbustader på Heggmyrane i Luster kommune. Melding om politisk vedtak oppstart av planarbeid reguleringsplan for deler av Hafslo sentrum. Reguleringsframlegg for rassikring i Røslebakkane i Gaupne. Kommunedelplanen , generell del. Forslag til utvidelse av pasientombodordninga. Ijnn på tunet. Melding om oppstart av planarbeid, endring av reguleringsplan, gangveg langssrv 55, Sentrum Sandvik sør, Gaupne. Reguleringsplan hyttefelt Hamragåta. Forslag til sterkare rettighetsfesting av rdninga med brukerstyrt personlig assistanse (BPA). Melding om politisk vedtak Budsjett 2008, økonomiplan , planleggingsprogram Rådet har fått orientering og gitt uttale i fylgjande sak: Budsjett 2008, økonomiplan , planleggingsprogram Luster eldreråd hadde saka føre på møte den 14. november og vedtok fylgjande uttale: Investeringspost Sentrumsopprusting Gaupne. Luster eldreråd vil som 1. prioritet setja opp Øyagata, då denne ligg nær omsorgssenteret og blir mykje brukt av eldre og uføre. Budsjettpost Eldrerådet bør aukast til kr då det er lagt opp til innføringskurs for nytt eldreråd, og truleg større møteverksemd p.g.a. evaluering av eldreomsorga. I budsjettpost Prosjektretta kulturtiltak veit me at den kulturelle skulesekken ligg inne. Luster eldreråd meiner her at kulturarbeid for eldre (den kulturelle spaserstokk) må innarbeidast i framtidig budsjett. Luster eldreråd ser positivt på at det blir planlagt bygd nye omsorgsbustader i Gaupne og på Hafslo. Rådet har gitt uttale om fylgjande saker: Forslag til utviding av pasientombodordninga. Luster eldreråd hadde saka føre på møte den 24. mai og vedtok fylgjande uttale: Luster eldreråd støttar fullt ut det føreslege forslag til utviding av pasientombodsordninga. Vi meiner også at helse- og sosialombod er eit godt namn, og dekkar det ombodet skal ta seg av. Inn på tunet. Luster eldreråd hadde saka føre på møte den 24. mai og vedtok fylgjande uttale: Luster eldreråd ser svært positivt på rådmannen si tilråding om oppretting av 50% prosjektstilling i tilknyting til ordninga Inn på tunet.

3 Side 3 Forslag til sterkare rettighetsfesting av ordninga med brukarstyrt personleg assistanse (BPA). Luster eldreråd hadde saka føre på møte den 10. oktober og vedtok fylgjande uttale: Luster eldreråd ser positivt på ei ordning som gir større kommunal likskap med omsyn til kven som får BPA, og at målsettinga om større valfridom og brukarmedverknad vert oppnådd. Luster eldreråd vel å kommentere dei tre spørsmåla i innleiinga. 1. Når denne ordninga vert betre kjend meiner eldrerådet det vil føre til fleire brukarar, særleg frå yngre. Totalt vil jo dette føre til noko større utgifter. 2. Eldrerådet meiner kommunen bør ha arbeidsgjevaransvaret, og brukaren bør i størst mogeleg grad bestemme kven som skal vera assistent. 3. Dersom brukaren sjølv ikkje er i stand til å ivareta arbeidsleiaransvaret meiner eldrerådet at kommunen bør ha hovudansvaret, men då i nært samarbeid med pårørande. Saker rådet har teke opp /arbeidd med på eige initiativ: Middag som blir levert ut frå open omsorg til heimebuande. I møte den 26. mars fekk eldrerådet sine medlemar servert middag frå Gaupne omsorgssenter, slik det blir levert ut frå open omsorg til heimebuande i kommunen. Luster eldreråd hadde saka om vurdering av middagen som vert levert dei eldre føre i møte den 25. mai og gav fylgjande vurdering: Eldrerådet meiner det var rikeleg med mat. Smaken var god. Noko ulik meining om temperatur på maten. Pakning var hygienisk og tiltalande, men vanskeleg og opna. Den internasjonale eldredagen 1. oktober. På grunn av stor påmelding (ca. 75) måtte arrangementet flyttast frå den vanlege tilhalds-staden (kantina i Rådhuset) til Banksalen. Tilstellinga vart flytta til Banksaken og det var om lag 75 personar til stades. Ordførar Torodd Urnes var også denne til stades med oppmuntrande ord til dei eldre. Johan heltne deltok som fleire gonger før med trekkspelmusikk og historiar. Johan Solheim hadde med eit par dikt. Noko var delvis sjølvlaga. Hovudposten var foredraget til hafslobygdingen Sylfest Lomheim, som held eit interessant og fengjande foredrag om språket både i fortid, notid og framtid. Til slutt var det ei koseleg sosial stund med servering av kaffi og heimelaga platekaker. Det var eldrerådet som stod for serveringa. Senior-Surf-dagen tysdag 17. oktober. Det var heile fjorten deltakarar som deltok på seniorsurfen i år. Interessa blant seniorane i kommunen for å lære om internett er difor stor. Som tradisjon er informerte Luster sparebank om nettbank. Elevar ved Luster ungdomsskule og biblioteksjefen stod for anna opplæring.

4 Side 4 Medlemar i Luster eldreråd har delteke på fylgjande samlingar/møte/kurs/ arbeidsgrupper: Styringsgruppe for Trygge eldre. Kjartan Kvien møtte den 5. februar som eldrerådet sin representant i styringsgruppa. Her vart det lagt fram status for prosjektet og drøfta vegen vidare. Regionmøte for eldreråda i midtre og indre Sogn i Balestrand den 24. april. Utsendingar var Kjartan Kvien, Ellen S. Haugen, Gunhild Brun, Elen J. Øygard, Johan Solheim, Per L. Kvam og sekretær. Møtet vart halde på Kvikne hotell. Leiar for eldrerådet Jan Andersen ønskte gjestane velkomne. Deretter leste Sigrun Ytrefjord dikt før allsongen Lerka vart sungen. Ordførar Erland Fagermoen helsa frå kommunen og gav ein fin presentasjon av kva som er av ulike aktivitetar innan forskjellige områder. Han sa òg at dei eldre i Balestrand stort sett hadde gode levekår. Etter dette var det eit kulturelt innslag med song av Anders Thue og Atle Ytrefjord, som hadde med Marit Lavik som spela piano. Leiar i fylkeseldrerådet Einar Eithun orienterte kort om oppgåvene til fylkeseldrerådet som kan vere mange. Hovudmålet er å handsame saker som gjeld dei eldre sine levekår. Leiar i Pensjonistforbundet i Sogn og Fjordane Alf R. Johannessen informerte om at det i dag var 4500 medlemmer og at pensjonistforbundet talte på vegne av alle pensjonistane. Mellom anna var oppstart av eldreråd deira ektefødde barn. Sogn var einaste region som hadde regionmøte, dette burde førast vidare til andre regionar. Etter ei pause gjekk alle inn i Høyvik-salen der eigar av hotellet Sigurd Kvikne heldt eit interessant og levande foredrag om kunstnarbygda Balestrand og historia til Kvikne hotell. Sekretær for fylkesrådet Britt Marie Norheim held innlegg om diverse aktuelle saker som opptok dei eldre i samfunnet og som dei fleste eldreråd hadde drøfta. Mellom anna tok ho opp sjukeheimplassar som vert omgjort til omsorgsbustader, bemanning ved sjukeheimar, tannhelde hjå bebuarane på institusjon og trygge eldre. Til drøfting på regionmøtet var fylgjande saker melde inn (Luster eldreråd hadde ikkje saker som dei ønskja å ta opp til drøfting på regionmøtet): Sjukeheimsplassar omgjort til omsorgsbustader Tale- og forslagsrett i kommunestyret for leiar av eldreråda Eins pris på tryggleiksalarmar Teleslynge i opphaldsrom i offentlege bygg Offentleg tannhelse for pensjonistar Regionsmøte 2008 Møtedeltakarane var ivrige i drøftingane og det kom inn fleire synspunkt. M.a. vart det konkludert med å senda brev frå regionsmøte til Norsk pensjonistforbund og Statens seniorråd vedkomande saka om at sjukeheimsplassar vert omgjort til omsorgsbustader, og at det rettmessige i samband med overføring må sikrast. Vidare vart det konkludert med å sende brev frå regionsmøte til Norsk pensjonistforbund, Statens seniorråd og kommunane kor ein ber om at det vert innført tale- og forslagsrett i kommunestyret for leiarar av eldreråda.

5 Side 5 Etter matøkta takka leiaren for eldrerådet for frammøte før ein avslutta regionsmøte med ein omvisning hjå Bjørg Bjøberg på Det gyldne hus. Årdal eldreråd sa seg viljug til å arrangere regionsmøte Luster nærmiljøsenter. Kjartan Kvien møtte den 15. november som observatør for eldrerådet i representantskapsmøte for Luster Nærmiljøsenter. Sluttkommentar: Når ein ser tilbake på året som gjekk, syner det seg at det i løpet av eit år er mange saker oppe til handsaming i kommunen som er av stor interesse for dei eldre. Eldrerådet har ei kjensle av at administrasjonen no passar betre på å senda aktuelle saker over til eldrerådet. Det som likevel er ein minusfaktor, er at eldrerådet i for stor grad ikkje vert teke med i førebuingane fram til politisk handsaming i saker som vedkjem dei eldre. Dette for å ha noko betre høve til å påverke/verte kjend med sakene. Eldrerådet vil freista ha fokus på dette i det komande året. I næraste framtid vil eldre bli ein større del av innbyggjartalet. Eldrerådet vil såleis truleg få ein enno viktigare funksjon enn før. Eldrerådet ser fram til eit godt samarbeid med dei avgjerande politiske organa og den kommunale administrasjonen på ulike nivå.