ÅRSMELDING FOR KOMMUNALT RÅD FOR FUNKSJONSHEMMA 2008.

Transkript

1 Servicetorget ÅRSMELDING FOR KOMMUNALT RÅD FOR FUNKSJONSHEMMA Rådet for valperioden : Medlemmer: Representantar for brukarorganisasjonane: Ella Teigen, LHL Luster Berit Heltne, Luster revmatikerforening Representantar for kommunestyret: Hildegunn Øygard Hansen Hermund Alme Representanten for dei tilsette: Odd Atle Stegegjerdet Personlege varamedlemer: Olav Moe, NFU Luster lokallag Marit Johanne Nyhus, Luster, Sogndal og Leikanger lokallag av høyrselshemma Kari Beheim Karlsen Geir Paulsen Nils Einar Thune Leiar: Hermund Alme Nesteleiar: Hildegunn Øygard Hansen Kommunalt råd for funksjonshemma har i 2008 hatt 8 møte, og handsama 55 saker. Sekretær gjennom året har vore Liv Helen Nystuen. Rådet skal vera eit samarbeids- og rådgjevande organ for kommunen i saker som vedkjem dei funksjonshemma sine behov og interesser. Rådet skal arbeida for størst mogeleg grad av integrering av funksjonshemma på alle område, og for full likestilling for dei funksjonshemma i Luster kommune. På møtet den 31. januar diskuterte rådet kva saker dei ønskte å arbeide med i året 2008, og kom fram til fylgjande handlingsplan: Revisjon av Vedtekter for råd for funksjonshemma i Luster kommune. HC-parkering ved Rådhuset. Oppfølgjing trafikkale forhold v/pyramiden. Kryssing av RV 55. Invitere brukarorganisasjonar og andre gjester til å snakke om ulike tema.

2 Side 2 Rådet har fått fylgjande saker til orientering/uttale: Reguleringsplan for Solsida hyttefelt på gnr. 153/2 ved Heggmyrane. Utkast til rikspolitiske retningsliner for universell utforming. Reguleringsframlegg for Heggmyrane hytteområde. Framlegg til revidert arealdel av kommuneplanen. Ny handlingsplan for universell utforming innspel frå kommunar og fylkeskommunar til arbeidet med ny handlingsplan. Utkast til Ruspolitisk handlingsplan for Luster kommune for perioden Reguleringsplan for Skjolden Brygger og cruisebåtkai. Reguleringsframlegg Bukti i Gaupne. Reguleringsendring Hestnes. Trafikkanlegg, busshaldeplass. Arealdelen i Kommuneplanen framlegg til revidert plan 2. gongs offentleg ettersyn. Budsjett 2009, økonomiplan , Planleggingsprogram Rådet har fått orientering og gitt uttale til følgjande saker: Omsorgsplassar i omsorgssone 2 Luster. Rådet for funksjonshemma hadde saka føre på møte den 10. juni, og vedtok å støtte administrasjonen sitt forslag om oppbygging av fleire omsorgsplassar, men meiner ein må gå varsamt fram når ein no vil fjerna overbelegget. Budsjett 2009, økonomiplan , Planleggingsprogram Rådet for funksjonshemma hadde saka føre på møte den 13. november, og vedtok fylgjande uttale: HELSETENESTER 241 Ergoterapi (side 27) Rådet viser til tidlegare uttale (i 2002) og meiner fortsatt det er meir behov enn kva ei ergoterapeutstilling kan dekke. Rådet vil spesielt peike på kor viktig det er med tilstrekkeleg personale slik at alle som har behov for hjelp får det. PLEIE OG OMSORG Investeringar (side 38) Rådet krev at dei 12 nye omsorgsbustadane vert planlagt etter konseptet universell utforming, slik at alle menneske kan bruke dei same løysingane i så stor grad som mogeleg, anten det er bygningar eller uteareal. TEKNISKE TENESTER 338/339 Førebygging mot brann og ulukker / Beredskap mot brann/ulukker (side 42). Ein bør finne ei god ordning med branntilsyn og kontroll av røykvarslar for eldre og funksjonshemma. Rådet har gitt uttale til følgjande saker: Reguleringsplan for Solsida hyttefelt på gnr. 153/2 ved Heggmyrane. Reguleringsframlegg for Heggmyrane hytteområde. Rådet hadde sakene føre på møte h.h.v. den 31. januar og 28. februar der det vart vedteke å gje ei tandard uttale som rådet har utarbeidd i samband med høyring på reguleringsplanar:

3 Side 3 Utdrag frå vedtektene 2: Sitat: Rådet for funksjonshemma er eit samarbeids- og rådgjevande organ for kommunen i saker som vedkjem dei funksjonshemma sine behov og interesser. Rådet skal arbeida for størst mogeleg grad av integrering av funksjonshemma på alle område. Rådet skal arbeida for full likestilling for dei funksjonshemma i Luster kommune. Sitat slutt. Rådet for funksjonshemma vil påpeike viktigheita av Tilgjenge for alle og at dette må bli ivareteken i plansaker/føresegner, spesielt med tanke på tilkomst (sti/gangveg) til / i friområde for å sikre barn, vaksne og funksjonshemma like vilkår for tilgjenge til rekreasjonsareal. Vidare vil rådet påpeike at stiar/gangvegar ikkje bør vera brattare enn 1:10, og må ha fast og plant underlag som ein med lettheit kan gå evt. køyra med rullestol på. Utkast til rikspolitiske retningsliner for universell utforming. Rådet hadde saka føre på møte den 28. februar, og vedtok å sende kommentar til utkaster på pkt. om krav til den kommunale prosessen og krav til fysisk utforming. Utkast til Ruspolitisk handlingsplan for Luster kommune for perioden Rådet hadde saka føre på møte den 24. april, og vedtok å ta innstillinga frå mellombels komitè til orientering. Byggesteg 2 ATS. Rådet hadde saka føre på møte den 24. april, og tok rådmannen til tilråding til etterretning. Reguleringsplan for Skjolden Brygger og cruisebåtkai. Rådet hadde saka føre på møte den 10. juni der det vart vedteke følgjande uttale: Rådet henstiller om at det blir tilrettelagt for tilkomst for rørslehemma/rullestolbrukarar slik at dei kan koma seg til/frå sjøen i båt. Vidare vil rådet oppmode om at det blir tilrettelagt med HCparkeringsplassar og HV-toalett i anlegget. Reguleringsframlegg Bukti i Gaupne. Rådet hadde saka føre på møte den 10. juni der det vart vedteke følgjande uttale: Rådet ser det som positivt at vetlevegen vert opna for gangtrafikk, og ber om at den blir tilrettelagt for rørslehemma/rullestolbrukarar. Arealdelen i Kommuneplanen. Rådet gav følgjande uttale: Rådet for funksjonshemma vil peika på at det er avgjerande viktig å tilretteleggja for sentrumsnære bustadtomtar i alle bygder. Trafikale løysingar må tilretteleggjast for størst mogeleg tryggleik for alle innbyggjarar. Gang og sykkelvegar må vera laga med tanke på tilgjenge for alle. I ei heilskapleg arealplanlegging er det også viktig å tilretteleggja for tilgjenge til natur- og friluftsområde i umiddelbar nærleik til bustadområda. Det er viktig at arealplanen legg til rette for alle innbyggarane i bygdene uavhengig av livsfase og funksjonsnivå til den enkelte. Dette vil vera framtidsretta, og med på å bygga opp under ei god og livskraftig utvikling i kommunen vår. Saker rådet har teke opp / arbeidd med på eige initiativ: Kampanjen Ingen hindring og skoletest Er kommunens skoler tilgjengelig for alle. Rådet sendte i januar brev til skulane i Luster med oppmoding om å teste skulen sin. Tilgjenge for alle Universell utforming.

4 Side 4 Ergoterapeut Kari Ødegård var invitert til møte i rådet den 31. januar for å forklare kva som meinast med Universell utforming Tilgjenge for alle og snakke om kva arbeidsoppgåver ein ergoterapeut har. Registrering av skranke- og teleslynge i offentlege bygg i kommunen. I samband med spørsmål frå Lokallaget for høyrselshemma om hjelp til slik registrering sendte rådet brev til offentlege bygg i Luster i januar der ein ba om tilbakemelding på om bygningane var tilrettelagt for høyrselshemma og kor mange og kva type rom som hadde innlagt skranke- og teleslynge. Ved gjennomgang av tilbakemeldingane kan det tyde å at det er noe uklart kva løysingar det er i noen av bygningane. Tilgjenge for høyrselshemma. Luster, Sogndal og Leikanger lokallag for høyrselshemma var invitert til møte i rådet den 28. februar for å orientere om lokallaget og det dei arbeider med og for å vera med å diskutere ulike problem for høyrselshemma. Per Edvard Alme og Reinert Vigdal representerte lokallaget. Vedtekter for Råd for funksjonshemma i Luster revidering. Rådet hadde saka føre i møte den 24. april, og det vart tilrådd endring av reglementet. Til grunn for endring av reglementet vart det vist til sak 117/07 i kommunestyret den 22. november 2007, der det vart vedteke å halde fast på ordninga med eit eige Råd for funksjonshemma. Synfaring HC-parkeringsplassane i Gaupne sentrum I møtet den 24. april vart det gjennomført synfaring av HC-parkeringsplassane ved Helsesenteret, Pyramide II, Nesgården, Pyramiden (framsida) og Prix. Rådet merka seg at det ved Nesgården kunne vært tydelegare markert på skilt at det var reservert for to HC-parkeringsplassar. På dei øvrige plassane fant rådet det svært tilfredsstillande. Synfaring av område for eigen HC-parkeringsplass ved Rådhuset. I møte den 24. april vart det gjennomført synfaring av område på austsida av rådhusbygningen for ev. å finne plass for eigen HC-parkering ved rådhuset. > Rådet har i brev datert 4. juli fått følgjande tilbakemelding frå Eigedom: Etter nærare vurdering finn me at det ligg godt til rette for å plassere ein ev. to HC-parkeringsplassar på austsida av rådhuset på hjørnet mot banken. Tilgjenge for funksjonshemma til Solvorn kyrkje. Rådet hadde saka føre i møte den 24. april, etter innspel om at det var dårleg tilgjenge for funksjonshemma til Solvorn kyrkje. Rådet vedtok å sende skriv til Luster kyrkjeleg fellesråd med oppmoding om å setja i gang tiltak som må til for at kyrkje får tilgjenge for alle. > Rådet har i brev datert 29. mai fått tilbakemelding frå Kyrkjeverja der han m.a. skriv: Forholdi ved Solvorn kyrkje er vanskeleg, og det vil bli eit svært kostnadskrevjande prosjekt med å få bygt HC-inngang til denne kyrka. Det er likevel fellesrådet si målsetjing å få bygt HC-inngang til kyrkja i Solvorn. Me vonar å få utarbeidd planar for dette prosjektet ikøpet av 2009, men må ha klar finansieringi av prosjektet før tiltaket kan utførast. Nye kommunale utleigebustader tilrettelegging for rørslehemma/ rullestolbrukarar. Rådet hadde saka føre i møte den 10. juni, etter innspel om at nye kommunale bustader er bygde utan tilrettelegging for rørslehemma/rullestolbrukarar. Rådet var sterkt kritisk til det som hadde skjedd, og vedtok å sende skriv til rådmannen der dei ber om å få tilsendt planar for alle nye bygningar / ombyggingar til uttale.

5 Side 5 Koordinerande eining og individuell plan i Luster. Leiande fysioterapeut Kari Ingeborg Bukve og konsulent for funksjonshemma Einar Thune var invitert til møte den 28. august for å informere om Koordinerande eining i Luster og kva Individuell plan (IP) er og målet med utarbeiding av ein slik plan. Tilgjenge for alle, Universell utforming og andre begrep. Planleggjar Inger Handegård var invitert til møte den 13. november for å gje medlemane ei forståing av ulike begrep som blir brukt i offentlege dokument og planlegging. Konklusjonen vart at Universell utforming og Tilgjenge for alle betyr det same. Rådet vart oppmoda om å sjå spesielt på om interessane for funksjonshemma blir ivareteken i plan- og bygningssaker. Brannsikkerheit for bebuarar med ulike funksjonshemmingar. Brannsjef Agnar Kjell Kveane og Gjensidige forsikring var inviterte til møte den 11. desember. Brannsjefen skulle snakke om branntekniske utformingar av bygningar i samsvar med lover og forskrifter, og plikter som gardeigarar og bebuarar har når det gjeld brannførebygging og sikkerheit. Brannsjefen måtte diverre melde avbod og blir invitert til nytt møte på nyåret. Gjensidige v/geir Henning Høyheim orientere om ulike branntryggingstiltak og produkt som er å få kjøpt på markedet. Saker rådet har teke opp etter initiativ frå brukarorganisasjonane: LHL Luster har sendt brev til Rådet om det svært dårlege busstilbodet på Indre Hafslo om sommaren. Rådet hadde saka føre på møte den 13. november, og vedtok å sende brevet frå LHL Luster over til rådmannen og ber Luster kommune påverke til å finne ei løysing der bussrutene kan gå gamlevegen. Vidare ber rådet om at Luster kommune tek ein gjennomgang av det totale kollektivtilbodet i kommunen, t.d. i det pågåande arbeidet med miljøplanen. > Rådet har i brev datert 9. desember fått tilbakemelding frå Landbruk og naturforvaltning om at dei tek brevet frå rådet til etterretning, og oppmoder samstundes rådet til å delta vidare med å påverke miljøplanarbeidet i retning av eit betre kollektivtilbod for alle. Oppnemning av representantar frå Rådet for funksjonshemma: Arbeidsgruppe for Kommunedelplan for trafikktryggleik Hildegunn Øygard Hansen er rådet sin representant i trafikktryggingsgruppa i valperioden Brukarutval for NAV. Hermund Alme er rådet sin representant i Brukarutval for NAV. Utviklingsprosjekt Pleie- og omsorg. Hermund Alme er med i prosjektgruppa som skal arbeide med utviklingsprosjekt pleie- og omsorg (UPO).

6 Side 6 Medlemar i Rådet for funksjonshemma har delteke på følgjande samlingar/ møte/kurs: Brukarforum/dialogmøte i Førde 12. mars. Utsendingar frå rådet var Berit Heltne og Olav Moe. Konferanse for kommunale råd for funksjonshemma i Førde 15. april. Utsendingar frå rådet var Hildegunn Ø. Hansen, Odd Atle Stegegjerdet, Berit Heltne, Olav Moe og sekretær. Kommunalt råd i Luster var òg invitert til konferansen for å fortelja litt om det arbeidet som rådet i Luster driv med. Odd Atle hadde ein fin presentasjon av erfaring frå arbeid i kommunalt råd vegen vidare. Organisasjonssamling på Kvikne hotell i Balestrand juni. Utsendingar frå rådet var Berit Heltne og Olav Moe. Rådet understrekar at det er ei investering at medlemane deltek på ulike samlingar. På den måten kan dei samle nyttig og relevant informasjon om kva som skjer i andre kommunar, og ta erfaringane sine med inn i det vidare arbeidet i rådet. Oppsummering: Rådet har i 2008 satsa på opplæring av sine medlemar. Dersom me skal gjera ein god jobb for integrering og likestilling av dei funksjonshemma, treng ein god kompetanse på mange felt i rådet. Dette har me satsa på ved å ha ulike tema på møta våre, der me har invitert ulike personar og organisasjonar til å snakka om sitt felt og sine utfordringar. Tema har vore: Universiell utforming tilgjenge for alle ved Ergoterapeut Kari Ødegård. Høyselshemma sine kvardagsutfordringar ved representantar frå lokallaga i Luster,Sogndal og Leikanger. Koordinerande eining og individuell plan ved Kari Ingeborg Bukve og Einar Thune Forståing av ulike begrep nytta i offentlege dokument og planlegging ved Inger Handegård Informasjon om ulike branntryggingstiltak og produkt ved Geir Henning Høyheim frå Gjensidige. Dette har vore lærerikt for medlemane, og det har gjort oss betre i stand til å jobba godt med sakene i rådet. Dette vil me jobba vidare med. Me vil og jobba for å få ein enno tettare dialog med dei ulike brukarorganisasjonane.