DEN NORSKE KYRKJA Fjaler sokneråd Tilbydarar på kyrkjegards-/gravplassgraving FJALER SOKN Dale 20.7.2015 Kyrkjegards-/gravplassgraving - tilbodsgrunnlag Omfang: Gravinga omfattar graving av graver på alle gravplassane i Fjaler kommune. Kommunen har 4 gravplassar, Dale, Guddal, Hellevik og Folkestad. Gjennomsnittleg gravtal på dei siste 10 åra: 33,2 stk. (27 40) Fordelt omlag slik: Dale 21,2 pr. år (15 30) Guddal 3,7 pr. år (2 7) Hellevik 2,5 pr. år (0 5) Folkestad 5,8 pr. år (2 9) UTSTYR: Fjaler sokneråd har følgjande utstyr: Fast stasjonert i Dale reiskapshus: 1 stk kryssfinerflake 2 stk jordkassar 2 stk plastduk (ha under jordkasse) 1 stk overtrekksteppe for jorda i jordkassen 2 stk stemplingskasse i ulik lengde 2 sett gravrammer i ulik lengde 1 set tau til senking ved brei kiste 1 stk dobbeltspade til urnegrav 1 stk Tineapparat (kasse) 1 stk Tinematte 1 sett isolasjonsmatte (rundt og over jordkassa ved frost) 1 stk lensepumpe med slange 1 stk «trillevogn» for kiste til bruk ved gravferd 1 stk 4 hjuls vogn for flytting av utstyr i Dale. 1 stk motortrillebår fast stasjonert i Dale (ikkje flyttast) Ved dei fire gravplassane: Senkeapparat Jordpåkastings»bøtte» med spade Trillebår, spett, slegge, spade, krapse, stige (2,5 m) GRUNNTILHØVE: Grunntilhøva varierer jordmasse: Dale: Varierande. Kan variere frå ganske bra til mykje utrasing av masse Må stemple. Berre areal der det har vore graver tidlegare. Guddal: Auremasse. Ca. 20 graver på nytt areal. Resten er areal som har vore nytta og her må det stemplast.
Hellevik: Leirgrus nytt areal der ein normalt slepp å stemple hittil ikkje gjenbruk av grav. Folkestad: Varierer frå felt til felt men må stemple, også på det nye gravfeltet. ARBEIDET: Kyrkjeverje ved kyrkjekontoret fastset dag og klokkeslett for gravferda, og gir melding til gravar straks tidspunktet er fastsett, seinast 2 dagar før gravferda. Gravararbeidet skal prioriterast framfor anna gravearbeid som gravaren måtte ta på seg. Gravararbeidet omfattar alle oppgåver på gravplassen i samband med gjennomføring av gravferd med unnatak av senking av kista. Aktsemd: Gravferd er forbunde med sterke kjensler hjå pårørande. Gravearbeidet er i denne samanheng forbunde med relativt høge krav til aktsemd. Opphald, ferdsel, arbeid og andre handlingar på gravplassen skal skje på sømeleg og minst mogleg støyande måte, og slik at det ikkje verkar støytande på nokon. Fargen på kleda til gravaren må vere nøytral. Tilrettelegging: Merking av grav: Gravaren får tilsendt / tildelt gravkart som syner kvar grava skal vere og har såleis ansvaret med utmålinga. Opplæring vert gjeve. Gravmål storleiken på gravene: Gravmåla varierer frå gravplass til gravplass, og dei ulike felta på same gravplassen kan òg ha ulike gravmål. Gravmålet varierer frå 1,2 m x 2,4 m opp til 1,5 m x 3,0 m. Kart / oversikt over dei ulike felta med gravmål heng i reiskapshusa på gravplassane. Gravstorleik Ei kistegrav skal vere 2,15 m ev 2,35 m (lang) x 0,92 m (breid) x 1,30 m (der det er flatt ) (djupne), og skal gravast med maskin (eller for hand). Ei urnegrav skal vere sirkelforma og ca. 50 cm. i diameter, og ca. 80 cm. djup. Urnegraving må i dag utførast for hand. Vi har «dobbelspade». Barnegraver kan vere av ymse lengde, bredde og djupne. Det må vurderast i kvart tilfelle, om ein bør bruke maskin eller handgraving. Framkøyring/plassering av utstyr Utstyr er fast lagra i reiskapshuset i Dale. Graving: Grava skal normalt bli greven dagen før gravferda. Opninga skal sikrast forsvarleg. Kryssfinerflaken er fast lagra på 4 hjulsvogna i Dale og skal nyttast under gravemaskina ved graving ved alle gravplassane. Gravearbeidet skal utførast i dagslys. I vinterhalvåret kan ein, ved unnatak, søkje soknerådet om løyve til å grave med arbeidslys frå maskina eller lys frå lamper. Jordmassen skal plasserast på presenningar (eventuelt forskalingsplater), i jordkasse, fortrinnsvis ved sida av gravopninga. Stempling av grava med stemplingsramme er oftast påkrevd på grunn av fare for utrasing. Arbeidet skal utførast skånsamt og omsynsfullt, ogso slik at skade ikkje oppstår på omkringliggjande graver. Skade er gravar sitt ansvar og må erstattast. Eventuell skade på gravminne må straks meldast til kyrkjeverje, som syter for nødvendig informasjon til pårørande. På gravfelt med små graver kan gravminne i nærleiken måtte flyttast for å få plass til jordkassa, i Dale også av og til på grunn av utrasing av jordmassar. Gravar er ansvarleg for å sette gravminna tilbake på plass.
Sjølve grava skal ta seg pent ut. Steinar over ca 25 cm i diameter må køyrast vekk. Grava skal ha vinkelrette hjørne, loddrette vegger og flat botn. Dette inneber at grastorva og gravveggene må stikkast /reinskast med spade. Graving med maskin set ekstra krav til aktsemd, både overfor pårørande og kyrkjegarden sine plenar og plantingar. Opprydding før gravferda: Det skal vere rydding og fint rundt gravopninga.. Gravemaskina og anna utstyr skal plasserast i god avstand frå grava. Gravramme i stål / aluminium (ev. oppbygd med treplankar) skal plasserast langs med kanten av grava til å gå på. Gravferdsdagen: Ettersyn med grava på gravferdsdagen må skje i so god tid at eventuelt sig/rasing av masse ned i grava kan rettast opp att før gravferda tek til. Alt arbeidet skal vere avslutta i god tid og seinast 1 time før gravferda tek til. Pålegging av senkeapparat og plassering av «bøtte» og moldskuff til jordpåkasting kan skje seinare, men seinast 20 min etter at gravferda har starta. Attpåkasting: Attpåkasting tek ikkje til før alle i gravfylgjet har forlate gravplassen, men skal utførast umiddelbart etterpå. Attpåkasting av jord, - herunder nødvendig trakking/stamping for minst mogleg sig seinare, men ikkje så hardt at det er fare for knusing av kista. Kista skal plasserast slik at den har minst 0,8 meter jordoverdekking,. Den skal vere omslutta av jord på alle sider. (Bruk spade til å jamne rundt kista) Det øvste laget skal vere ca. 10 cm. lausmassar (jord). Bortkøyring / tilkøyring av masse: Overskotsmasse og eventuelt stein skal køyrast vekk til utpeikt fyllplass. Kvar gravplass har eit lite lager med jord som kan nyttast på toppen dersom det er lite eller dårleg masse. Opprydding etter gravferda: Opprydding rundt grava, og plassering av kransar/blomar på grava: Dekorasjonar som er tapa fast på kista føl kista ned i grava og blir verande der. Alle sløyfer på blomane skal gravast ned i lag med kista, fordi dette lett kan bli frakta rundt omkring av vinden. Alt utstyr som er brukt skal setjast tilbake på plass. Det skal vere ryddig og fint rundt grava, dersom det blir jord på plenen skal dette rakast vekk. Når det ikkje er tele i jorda skal grava gå plant med grasbakken rundt. Omsyn til andre graver: Det skal takast omsyn til omkringliggjande graver under utføringa av arbeidet. Dersom beplanting eller gravminner på omkringliggjande graver kan bli øydelagde under arbeidet, skal dette flyttast og setjast på plass att etter at gravferda har funne stad. Gravsteinar som skal setjast opp att, men som må fjernast frå gravstaden i samband med ei gravferd, (ved gjenbruk eventuelt også ved dobbeltgrav) skal lagrast forsvarleg fram til dei vert sette opp att. Lagrast på anvist plass inn mot steingard / gjerde med skrifta inn. Det må gå ca 6 månader frå gravlegging og fram til gravsteinen kan setjast opp att.
Tining:Ved vintergraving og tele i jorda skal tineapparat nyttast. Dette er plassert i reiskapshuset i Dale. Gravar har sjølv ansvar for å setje på og slå av tineapparatet, samt henting og bringing dersom gravferda skal skje på annan kyrkjegard enn Dale. Tineapparatet skal setjast tilbake på plass etter bruk. Tineapparatet tiner ca 20 cm pr. døgn. Ved minimal tele kan tinematta nyttast. Oppgjer pr. gang etter medgått tid. Snørydding: Det er sjeldan ein har store snømengder ved kyrkjegardane i Fjaler. Rydding av snø i samband med graving og rydding av snø for plass til gravfølgjet er gravaren sitt ansvar og vert betalt ekstra etter medgått tid. Stein i grava/meisling: Ved svært sjeldne tilfelle (ein gong pr 10 år) kan ein treffe på stein av ein slik storleik at skyting/meisling kan bli aktuelt. Nødvendig hjelp/utstyr til dette må då kanskje hentast utanfrå. Utgiftene ved bruk av slik hjelp skal betalast av Fjaler sokneråd. Dersom slike problem oppstår skal ein difor ta kontakt med kyrkjeverja snarast råd. Fleire gravferder samtidig: Ved sjeldne høve kan det vere gravferd ved to ulike gravplassar same dagen, sjølv om ein prøver at slikt ikkje skal skje. Dersom gravaren åleine ikkje kan rekke over gravarbeidet, er det gravaren sitt ansvar å ha tilgang på arbeidshjelp. UTSTYR OG DIVERSE Maskinutstyr: Tilbydar som ynskjer å nytte gravemaskin ber alle utgiftene til drift av denne sjølv. Maskinutstyret skal godkjennast i kvart enkelt tilfelle. Maksimums vekt er sett til 1700 kg. (1800kg?), bør ha lågt støynivå og i minst mogeleg grad gjere skade på plenen. Hjulgåande mini-traktor med plendekk eller beltegåande minimaskin med gummibelte kan påreknast godkjenning. Andre maskintypar må vurderast særskilt. Transport: All transport til og frå kyrkjegardane skal inngå i tilbodsprisen, og tilbydaren syter for transportmiddel. Administrativ ordning/ samarbeidstilhøve: Kyrkjeverja er nærmaste overordna. Alle spørsmål eller uklårheiter vedrørande arbeidet og aktuelle forhold knytt til kvar einskild grav/gravferd skal takast opp med kyrkjeverje Skrifteleg tilbod: Tilbydar på arbeidet som gravplassgravar vert å sende skrifteleg på ovannemnde grunnlag med tilbodspris på: pr. kistegrav, pr. urnegrav, pr. barnegrav, pr. time for ekstraarbeid - der slikt er påkravd. Søkjar må gje ei beskriving av maskinutstyret. Opplysningar om søkjaren sin alder, eventuelt utdanning, tidlegare praksis og erfaring skal fylgja tilbodet. Tilbodet skal gjelde for 3 år med høve til forlenging med 1 + 1 år, og ei gjensidig oppseiingstid på 6 mnd. Ved mislighald av kontrakt gjeld gjensidig oppseiingstid på 3 mnd.
Forsikring Før eventuell kontraktinngåing må tilbydar dokumentere forsikring på seg sjølv og gravemaskina (utstyret). Tenesteytar pliktar og å ha ansvarsforsikring som er dekkande i høve skadar som kan oppstå på utstyr og gravminne då tenesteytar pliktar å svare erstatning for skadar som oppstår. GRAVPLASSGRAVING I FJALER ER LEDIG. TEKST EINING Kr. eks mva Kr. inkl. mva Kistegrav Urnegrav Barnegrav Med gravemaskin Utan gravemaskin Pr. time Pr. time Vedståelsesfrist: 90 dagar TILBODSMERKING Tilbodet skal merkast: Kyrkjegards-/gravplassgraving TILBODSFRIST Tilbodet skal vere levert Fjaler kyrkjekontor kome oss i hende INNAN 4. april 2016 Dagen etter fristen vert det lukka tilbodsopning. Kriterium for val: Det som er mest praktisk og økonomisk fordelaktig. Fjaler sokneråd forbeheld seg retten til å forkaste innkomne tilbod. Adr: Fjaler sokn v/ kyrkjeverje, Boks 18 6961 Dale i Sunnfjord Beste helsing Irene Fløde Kyrkjeverje 57739771 / 992 38 420