til generalforsamling i Voss Veksel- og Landmandsbank ASA Park Hotel Vossevangen onsdag 20. april 2016 kl

Innkalling til generalforsamling i Voss Veksel- og Landmandsbank ASA Park Hotel Vossevangen onsdag 20. april 2016 kl. 17.30 Registrering og enkel servering frå kl. 16.30 SAKLISTE: 1. Registrering 2. Val av møtestyrar 3. Orientering om årsrekneskapen for 2015 4. Godkjenning av årsrekneskapen og årsmeldinga, medrekna utdeling av utbytte 5. Val i samsvar med vedtektene 8 4 6. Fornying av fullmakt til kjøp av eigne aksjar 7. Fornying av fullmakt til vedlikehald av ansvarleg lånekapital 8. Nye vedtekter i samsvar med ny Finansføretakslov 9. Nye retningslinjer for valnemnd i samsvar med nye vedtekter 10. Val av ny valnemnd i samsvar med nye vedtekter Etter at den formelle generalforsamlinga er over vil konsernsjef i Eika, Hege Toft Karlsen, halda foredrag om lokalbankar sin strategi som «menneskeorientert bank». Formann i representantskapet, Ingjerd Skogseid, leiar møtet fram til det er vald møtestyrar. Med atterhald om godkjenning frå generalforsamlinga vil utbytte for 2015, kr 3,50 pr. aksje, verta sendt til dei som er aksjeeigarar pr. 20.04.16. Banken sine aksjar vert notert ex-utbytte pr. 21.04.16. Antal uteståande aksjar i banken pr. 26.02.16, er: 1.893.534 aksjar til pålydande kr 5,-. Forventa utbetalingsdato for utbytte er 29.04.16. Banken sine vedtekter 2 2, 3. ledd har fylgjande reglar om maksimal eigarandel: «Ingen kan eiga meir enn 10 % av aksjekapitalen i banken». I tillegg har banken sine vedtekter 8 6 fylgjande reglar om røysterett: «På generalforsamlinga kan ingen røysta for meir enn ein tidel av alle aksjar med røysterett eller gje fleire røyster enn ein femdel av dei røystene som er representerte på generalforsamlinga. Likt med aksjeeigarane sine eigne aksjar skal ein rekna aksjar som er eigde av personar, selskap eller andre som står i eit slikt forhold til aksjeeigaren som nemnt i finansieringsvirksomhetslova 2 6. I tillegg er røysteretten i generalforsamlinga avgrensa slik: 1 200 aksjar gjev 1 røyst 201 400 aksjar gjev 2 røyster 401 800 aksjar gjev 3 røyster 801 2 000 aksjar gjev 4 røyster Fleire enn 2 000 aksjar gjev 5 røyster som er det høgste røystetal nokon kan ha.» Aksjonærar som ynskjer å møta i generalforsamlinga må seinast fredag 15.04.16 melda seg til banken. Bruk vedlagde påmeldingsskjema/fullmaktsblankett. Voss, 30. mars 2016 Ingjerd Skogseid Formann i representantskapet

SAK 5: Val i samsvar med vedtektene 8 4 VAL AV 6 MEDLEMER TIL REPRESENTANTSKAPET: På val står: Ole Erik Almenningen, Aud Eide, Kathrine Løno Lahlum, Egil Mørkve, Guro Sofie Gjelland og Magne Røynstrand. Magne Røynstrand kan etter 12-årsregelen ikkje attveljast. Valnemnda sitt framlegg: Attval på: Ingeniør Ole Erik Almenningen. Fødd 1956. Busett på Voss. Arbeidsplass Jernbaneverket. Fyrste gong innvald i 2008. Butikksjef Aud Eide. Fødd 1964. Busett på Voss. Arbeidsplass TeBe Interiør AS. Fyrste gong innvald 2010. Driftssjef Egil Mørkve. Fødd 1951. Busett på Voss. Arbeidsplass Voss Apartment. Fyrste gong innvald 2010. Gardbrukar Guro Sofie Gjelland. Fødd 1961. Busett på Voss. Arbeidsplass Gjelland gard. Fyrste gong innvald 2014. Og som nye medlemer: Marknadskonsulent Aud Almenningen. Fødd 1965. Busett i Modalen. Arbeidsplass Uni Micro AS. Innvald som vara fyrste gong 2006. Rådgjevar Kjell Arne Lid. Fødd 1944. Busett på Voss. Pensjonert lærar og bonde. Innvald som vara fyrste gong i 1998. VAL AV 4 VARAMEDLEMER TIL REPRESENTANTSKAPET: (Valnemnda gjer ikkje framlegg på fleire enn 4 varamedlemer, då representantskapet i samsvar med nye vedtekter og ny Finansføretakslov vert avvikla i løpet av 2016.) På val står: Aud Almenningen, Torgunn Hegland, Kjell Arne Lid, Perline Dugstad, Sigbjørn Ohnstad og Rudolf Johan Altenau. Valnemnda sitt framlegg i prioritert rekkjefylgje: Dagleg leiar Torgunn Hegland. Fødd 1964. Busett på Voss. Sjølvstendig næringsdrivande. Innvald som vara i 2014. Avdelingsleiar Perline Dugstad Vivås. Fødd 1973. Busett på Voss. Arbeidsplass Dataform AS. Innvald som vara i 2014. Sivilingeniør Sigbjørn Ohnstad. Fødd 1957. Busett i Bergen. Arbeidsplass Statoil ASA. Innvald som vara i 2013. Øyelege Rudolf Johan Altenau. Fødd 1958. Busett på Voss. Arbeidsplass Øyelege Altenau AS. Innvald som vara i 2015 VAL AV 3 MEDLEMER TIL KONTROLLNEMNDA: På val står: Kari Sætren Bondevik, Steinar Tveit og Hildegunn Reime. Valnemnda sitt framlegg: Attval på: Jurist Kari Sætren Bondevik. Fødd 1955. Busett på Voss. Arbeidsplass Voss Lensmannsdistrikt førstekonsulent. Innvald frå 2010, og tidlegare medlem 2005 2006. Autorisert rekneskapsførar Steinar Tveit. Fødd 1957. Busett på Voss. Arbeidsplass Økonomikontoret Voss AS. Fyrste gong innvald 2012. Og som nytt medlem: Jurist Nils Arve Tveit. Fødd 1958. Busett på Voss. Arbeidsplass Eni Norge AS direktør personal og organisasjon. Innvald som vara fyrste gong i 2014 VAL AV 1 VARAMEDLEM TIL KONTROLLNEMNDA: (Valnemnda gjer ikkje framlegg på fleire enn 1 varamedlem, då kontrollnemnda i samsvar med nye vedtekter og ny Finansføretakslov vert avvikla i løpet av 2016.) På val står: Nils Arve Tveit og Eli Herheid Bjørke Valnemnda sitt framlegg: Apotekar Eli Herheid Bjørke. Fødd 1957. Busett på Voss/Bergen pendlaradresse. Arbeidsplass Apotek 1 Galleriet Bergen. Innvald som vara i kontrollnemnda i 2014. Val av ny valnemnd til generalforsamlinga i 2017 kjem som ny sak 10 etter at framlegg om nye vedtekter er handsama. SAK 6: Fornying av fullmakt til kjøp av eigne aksjar. Etter møte 02.03.16 ber representantskapet i Voss Veksel- og Landmandsbank ASA om at generalforsamlinga fattar fylgjande vedtak: «Generalforsamlinga i Voss Veksel- og Landmandsbank ASA fornyar hermed styret si fullmakt til å kjøpa eigne aksjar i Voss Vekselog Landmandsbank ASA med pålydande inntil kr 95.000,- fordelt på 19.000 aksjar, tilsvarande 1 % av aksjekapitalen. Det lægste og høgste beløp som kan betalast for aksjane skal vera høvesvis kr 90,- og kr 175,-. Styret i Voss Veksel- og Landmandsbank ASA står fritt innanfor denne fullmakta til å kjøpa og selja aksjar på den måten styret finn best. Fullmakta er gyldig fram til neste ordinære generalforsamling.» 2

SAK 7 Fornying av fullmakt til vedlikehald av ansvarleg lånekapital Etter møte 02.03.16 ber representantskapet i Voss Veksel- og Landmandsbank ASA om at generalforsamlinga fattar fylgjande vedtak: «Generalforsamlinga i Voss Veksel- og Landmandsbank ASA fornyar hermed styret si fullmakt til nyteikning, utviding av eksisterande eller innfriing og/eller tilbakekjøp av ansvarleg lånekapital og/eller fondsobligasjonar i banken. Samla beløp på ansvarleg lånekapital og fondsobligasjonar i banken vert i denne fullmakta sett til maksimum 50 % av banken sin eigenkapital, noko som pr. 31.12.15 er 180 mill. kr. Ved eventuell fornying, utviding eller reduksjon av ansvarleg lånekapital eller fondsobligasjonar, skal ordninga godkjennast av Finanstilsynet. Styret i banken får fullmakt til å vedta vilkår for låna, og skal syta for at låna vert godkjend av Finanstilsynet som teljande ansvarleg kapital. Fullmakta er gjeldande fram til neste ordinære generalforsamling.» SAK 8: Nye vedtekter i samsvar med ny Finansføretakslov Stortinget vedtok 10.04.15 «Lov om Finansforetak og Finanskonsern», Finansføretakslova. Denne vart sett i verk frå 01.01.16 med overgangsperiode på maksimum eitt år for å oppfylla krava i lova for dei som fell inn under den. Konsekvensen av lovendringa er at banken sine vedtekter må reviderast. Vekselbanken, som er eit allmennaksjeselskap, må tufta nye vedtekter på Allmennaksjelova (ASAL) og Finansføretakslova (FFL). Generelt kan ein seia at om ikkje anna er sagt i Finansføretakslova så gjeld reglane i Allmennaksjelova. Finansføretakslova inneheld mellom anna organisatoriske spesialreglar for finansføretak. Konkret betyr dette i fylgje lova at både representantskapet og kontrollnemnda fell vekk. Det er generalforsamlinga, i kraft av å vera det øvste organet, som vel styremedlemer. Etter møte 02.03.16 ber representantskapet i Voss Veksel- og Landmandsbank ASA generalforsamlinga vedta vedlagde forslag til nye vedtekter for banken sjå vedlegg 1. SAK 9: Nye retningslinjer for valnemnd i samsvar med nye vedtekter Etter ny lov av 10.04.15 om «Finansforetak og Finanskonsern» og nye reviderte vedtekter for banken er det generalforsamlinga som skal velja styret i banken. Valet skal i fylgje 4 2 i dei nye vedtektene førebuast av ei valnemnd vald av generalforsamlinga. 3 3 pkt. 7 seier at generalforsamlinga skal fastsetje retningslinjer for valnemnda. Etter møte 02.03.16 ber representantskapet i Voss Veksel- og Landmandsbank ASA generalforsamlinga vedta vedlagde forslag til nye retningslinjer for valnemnd i banken sjå vedlegg 2. SAK 10: Val av ny valnemnd til generalforsamlinga i 2017 i samsvar med nye vedtekter VAL AV VALNEMND TIL GENERALFORSAMLINGA I 2017: Valnemnda til generalforsamlinga i 2016 har vore: Anders Ullestad (formann), Olav Loven og Hilde Magnusson. I samsvar med nye vedtekter skal det veljast ei ny valnemnd til generalforsamlinga i 2017 på ein leiar, to medlemer og eitt varamedlem. Valnemnda sitt framlegg på ny valnemnd: Bokhandlar / tidlegare varaformann i styret i VVL Anders Ullestad, som leiar. Driftssjef / nestformann i representantskapet i VVL Egil Mørkve, som medlem. Advokat / Hilde Magnusson, som medlem. Dr. scient / representantskapsformann i VVL Ingjerd Skogseid, som fast møtande varamedlem Etter at den formelle generalforsamlinga er over, omlag kl. 19.00, vil konsernsjef i Eika, Hege Toft Karlsen, halda eit timelangt foredrag om lokalbankar sin strategi som «menneskeorientert bank». 3

Vedlegg 1 Nye vedtekter for Vekselbanken: Vedtekter for Voss Vekselog Landmandsbank ASA KAP. 1. FIRMA. KONTORKOMMUNE. FORMÅL. 1 1 Voss Veksel- og Landmandsbank ASA er skipa den 1. mars 1899 og har forretningskontor (hovudkontor) på Voss. Banken er eit allmennaksjeselskap. Banken kan i samsvar med dei til ei kvar tid gjeldane lover og reglar utføra alle forretningar og tenester som det er vanleg eller naturleg at bankar utfører. KAP. 2. AKSJEKAPITAL. ANSVARLEG KAPITAL. AKSJAR. 2 1 Aksjekapitalen i banken er kr 9.500.000,- oppdelt på 1.900.000 aksjar à kr 5,- fullt innbetalte. I samsvar med dei til ei kvar tid gjeldane lover og reglar kan generalforsamlinga vedta å ta opp ansvarleg lånekapital og annan framandkapital, opp til ein samla sum som svarar til 100 % av den bokførte eigenkapitalen i banken. 2 2 Aksjar i Voss Veksel- og Landmandsbank ASA skal vera registrerte i Verdipapir-sentralen. Alle overdragingar av aksjar skal meldast av den tidlegare eigaren eller den som har fullmakt på vegne av den tidligare eigaren til Verdipapirsentralen innan ein månad. Overdraging må godkjennast av styret i banken. Samtykke til overdraging kan berre nektast når det er sakleg grunn til det. Nekting av samtykke kan krevjast grunngjeve skriftleg. Ingen kan eiga meir enn 10 % av aksjekapitalen i banken. Retten til å delta og stemma på generalforsamlinga kan berre nyttast når ervervet er innført i aksjeregisteret den femte virkedagen før generalforsamlinga (registreringsdatoen). Elles kan den som får overdrege ein aksje, ikkje nytta dei rettar som tilkjem ein aksjeeigar med mindre han er registrert i Verdipapirsentralen sitt aksjeeigarregister, eller han har meldt og godtgjort aksjeoverdraginga si. KAP. 3. GENERALFORSAMLINGA. 3 1 Ordinær generalforsamling skal haldast kvart år innan utgangen av april månad. For ekstraordinær generalforsamling gjeld føresegnene i allmennaksjelova 5 7. Generalforsamlinga skal innkallast av styret. Innkallinga skal kunngjerast i eigna medium/kanalar med mindre ein sender innkalling til alle aksjeeigarar med kjend opphaldsstad. I innkallinga kan det krevjast at aksjeeigarar som vil møta, må ha meldt dette til hovudkontoret seinast fem dagar føreåt. Innkallinga må sendast ut seinast 21 dagar før ordinær generalforsamling. Når dokument som gjeld saker som skal handsamast på generalforsamlinga er gjort tilgjengelege for aksjeeigarane på banken sine internettsider, gjeld ikkje krav i lova om at dokumenta skal sendast til aksjeeigarane. Dette gjeld også dokument som etter lov skal takast med eller leggjast ved innkallinga til generalforsamlinga. Ein aksjeeigar kan likevel krevja å få tilsendt dokument som gjeld saker som skal handsamast på generalforsamlinga. Medlemene av styret og revisor skal innkallast til generalforsamlingsmøta. Dersom generalforsamlinga for det einskilde tilfelle ikkje avgjer noko anna, har styret sine medlemer rett til å vera tilstades og til å uttala seg på møte i generalforsamlinga. Styreleiar og administrerande direktør har plikt og rett til å vera til stades med mindre dette er openbert uturvande eller det føreligg gyldig forfall. 3 2 Styreleiar eller den styreleiar utpeikar, opnar generalforsamlinga og styrer møtet. 3 3 Gjennom generalforsamlinga utøver aksjeeigarane den øvste myndigheita i banken. På generalforsamlinga er røysteretten avgrensa i samsvar med 3 6. Alle avgjerder skal treffast med vanleg fleirtal, med mindre anna fylgjer av lov eller vedtekter. Den ordinære generalforsamling skal: 1. Velja styremedlemer med varamedlemer i samsvar med 4 1. 2. Velja ei valnemnd i samsvar med 4 2. 3. Godkjenna årsrekneskapen og årsmeldinga, herunder utdeling av utbytte. 4. Handsama andre saker som etter lov eller vedtekter høyrer inn under generalforsamlinga. 5. Velja revisor eller revisjonsfirma. 6. Fastsetja godtgjersla til banken sine tillitsvalde og revisor. 7. Fastsetje retningslinjer for valnemnda. 3 4 Når generalforsamlinga er opna, skal møtestyraren setja opp liste over møtande aksjeeigarar og representantar for aksjeeigarar med oppgåve over kor mange aksjar og røyster kvar av dei representerer. Denne lista skal nyttast til ho måtte verta endra av generalforsamlinga. 4

3 5 Det skal røystast skriftleg dersom ikkje alle som møter samtykkjer i røysting på annan måte. 3 6 På generalforsamlinga kan ingen røysta for meir enn ein tidel av alle aksjar med røysterett eller gje fleire røyster enn ein femdel av dei røystene som er representerte på generalforsamlinga. Likt med aksjeeigarane sine eigne aksjar skal ein rekna aksjar som er eigde av personar, selskap eller andre som står i eit slikt forhold til aksjeeigaren som nemnt i finansføretakslova 6 5. I tillegg er røysteretten i generalforsamlinga avgrensa slik: 1 200 aksjar gjev ei røyst 201 400 aksjar gjev to røyster 401 800 aksjar gjev tre røyster 801 2 000 aksjar gjev fire røyster Fleire enn 2 000 aksjar gjev fem røyster som er det høgste røystetal nokon kan ha. 3 7 Møtestyraren skal syta for at det vert ført protokoll over generalforsamlinga. Protokollen skal underskrivast av møtestyraren og minst ein annan person som vert vald av generalforsamlinga mellom dei som er til stades. KAP. 4. STYRET. 4 1 Styret er på fem medlemer, der fire er valde av generalforsamlinga og eitt er vald av og blant dei tilsette. Administrerande direktør og minst halvdelen av medlemene i styret må vera busett i riket og ha budd her i dei to siste åra, eller vera statsborgarar i stat som er part i EØS-avtalen og busett i ein slik stat. For styremedlemer valde av generalforsamlinga skal det veljast to varamedlemer i prioritert rekkjefylgje med møterett i styret. For tilsetterepresentanten skal det veljast eitt personleg varamedlem med møterett i styret. Styreleiaren og nestleiaren skal veljast særskilt for to år annakvart år. Medlemer vert valde for to år, der halvparten skal stå på val annakvart år. Varamedlemer vert valde for eitt år. Eit styremedlem kan som hovudregel ikkje attveljast etter 12 års samla tenestetid. I staden for styremedlem som går ut før valperioden er ute, skal det ved første høve veljast ny medlem for resten av perioden. 4 2 Valet av styremedlemer skal førebuast av ei valnemnd. Nemnda skal bestå av ein leiar, to medlemer og ein varamedlem valde av generalforsamlinga. Valnemnda har møteplikt og talerett på generalforsamlinga. For at valnemnda skal kunne vurdere krava til kompetanse og om foreslegne kandidatar er skikka og kan veljast i samsvar med dei til ei kvar tid gjeldane lover, reglar og retningslinjer, må framlegg på styremedlemer vera valnemnda i hende seinast 1. februar det året ordinær generalforsamling skal haldast. Ved ekstraordinær generalforsamling, skal frist for innmelding av kandidatar kunngjerast i innkallinga. 4 3 Styreleiaren kallar saman styret som skal ha møte så ofte verksemda i banken tilseier det, eller når eitt styremedlem krev det. Styret er vedtaksført når meir enn halvparten av styremedlemene er til stades. Styret kan likevel ikkje ta avgjerd med mindre alle medlemer av styret så langt råd er har fått høve til å vera med på førehaving av saka. Som styrevedtak gjeld det som fleirtalet av dei møtande har røysta for, eller står røystene likt, det som møteleiaren har røysta for. Dei som røystar for eit vedtak, må alltid vera minst halvparten av alle styremedlemene. 4 4 Styret skal syta for forsvarleg organisering av føretaket, sjå til at krava til organisering av verksemda og etablering av forsvarlege styrings- og kontrollsystem vert etterlevd, og elles fylgja dei til ei kvar tid gjeldande lover, reglar og retningslinjer. Styret skal mellom anna fastsetja planar, budsjett og retningslinjer for bankverksemda, samt reglar om teieplikt for opplysningar om føretaket og banken si verksemd. Styret kan delegera fullmakter til administrasjonen og vedta i kva utstrekning desse kan gje kredittar og elles gjera vedtak på vegne av banken, og i kva utstrekning saker skal rapporterast til styret. 4 5 Styret tilset administrerande direktør, og fastset godtgjersla/løn. Administrerande direktør har rett og plikt til å delta i styret si handsaming av saker og til å uttale seg, med mindre anna fylgjer av reglane om inhabilitet i 9-5 i finansføretakslova eller er bestemt av styret i den enkelte sak. Administrerande direktør kan krevja at styret handsamar ei bestemt sak. 4 6 Styreleiaren og administrerande direktør teiknar kvar for seg firmaet til banken. To valde styremedlemer kan òg gjere det i lag. Styret kan gje særleg nemnde tilsette rett til å teikna bankens firma. Styret kan dessutan gje prokura og spesialfullmakter. 4 7 Administrerande direktør har den daglege leiinga av bankverksemda i samsvar med dei til ei kvart tid gjeldande lover og reglar, instruksar fastsette av styret, og retningslinjer samt pålegg styret har gjeve. 5

KAP. 5. KONTROLLORGAN. 5 1 Revisor gjev sine merknader og meldingar gjennom styret til generalforsamlinga. Revisjonsmeldinga skal avgjevast minst seks veker før den ordinære generalforsamlinga der rekneskapen skal førehavast. 5 2 Eit samla styre kan fungera som banken sitt risiko- og revisjonsutval. 5 3 Styret bestemmer om det skal opprettast internrevisjon. KAP. 6. ALDERSGRENSE. TENESTETID. 6 1 Høgste aldersgrense for fast tilsette er 70 år. KAP. 7. VEDTEKTSENDRINGAR. 7 1 Endringar i vedtektene vert avgjort av generalforsamlinga. Vedtak krev tilslutnad av minst to tredjedelar av dei gjevne røyster og av den aksjekapital som er representert på generalforsamlinga. Framlegg til endringar i vedtektene må vera innsendt til leiaren i styret seinast fire veker før den generalforsamlinga der framlegget skal førehavast. KAP. 8. IVERKSETJING. 8 1 Vedtektene tek til å gjelda når dei er godkjende i samsvar med finansføretakslova 7 10. Frå same tid fell bankens tidlegare vedtekter bort. ETTERSKRIFT. Vedtekter godkjend på generalforsamlinga 20. april 2016 tek til å gjelda 1. januar 2017, men slik at val på valnemnd til årsmøte i generalforsamlinga 2017 skjer etter nye vedtekter samt evt. andre naudsynte tilpassingar i overgangsperioden. 6

Vedlegg 2 Nye retningslinjer for valnemnd: Retningslinjer for valnemnd til generalforsamling i Voss Veksel- og Landmandsbank ASA INNLEIING Voss Veksel- og Landmandsbank ASA er ein børsnotert forretningsbank med hovudkontor på Voss. Banken sin strategi er å vera ein sjølvstendig bank med spreidd eigarskap og sterk lokal forankring i tråd med tradisjonane i meir enn 115 år. I samsvar med banken sine vedtekter skal valnemnd for generalforsamlinga gjera framlegg om styreleiar og nestleiar samt medlemer og varamedlemer til banken sitt styre. Dei tilsette sine representantar i styret skal veljast av og blant dei tilsette, og er ikkje ein del av valnemnda si oppgåve. Vidare skal nemnda kome med framlegg på ny valnemnd. Valnemnda skal ved framlegg på kandidatar til ulike verv leggja særleg vekt på at kandidatane har god forståing for oppgåvene, at kandidatane er kvalifiserte og at dei ynskjer å halda fast på Vekselbanken sin eigenart og strategi. 1. SAKSHANDSAMINGSREGLAR FOR NEMNDA 1.1. Administrasjonen kallar valnemnda inn til eit oppstartmøte innan 15. januar kvart år for å setja nemnda i arbeid, og gje melding om når nemnda si innstilling må vera klar. 1.2. Varamedlem er fast møtande med tale- og forslagsrett i valnemnda. 1.3. Administrasjonen peiker ut sekretær for valnemnda. 1.4. For at valnemnda skal kunne vurdere krava til kompetanse og om foreslegne kandidatar er skikka og kan veljast i samsvar med lover, føresegner og retningslinjer, må framlegg frå aksjonærane på styremedlemer vera valnemnda i hende seinast 1. februar det året ordinær generalforsamling skal haldast. 1.5. Valnemnda skal utføra sine oppgåver i tråd med «Norsk anbefaling om selskapsstyring og selskapsledelse (NEUS)» samt relevante lov- og forskriftsreglar. 1.6. Andre møte i valnemnda vert haldne etter innkalling frå nemnda sin leiar. Kvart enkelt medlem av valnemnda kan krevja at det vert innkalla til møte med handsaming av konkrete saker oppgjeve ved innkalling. 1.7. Innkallinga til møte skal innehalda tid og stad. Medlemer som ikkje kan møta, skal straks gje leiar i nemnda melding om dette. 1.8. Leiar i valnemnda vurderer om det skal haldast fysisk møte, eller om møte kan haldast på anna måte, til dømes som telefonmøte. Om eit av medlemene i valnemnda krev det, skal det haldast fysisk møte. 1.9. I sitt arbeid kan valnemnda kontakta styret sine medlemer, banken sin administrasjon og/eller andre etter eige ynskje/behov. Styreleiar og banksjef skal, utan røysterett, innkallast til minst eit møte i valnemnda før valnemnda gjev si endelege innstilling. 1.10. Det skal førast protokoll frå møta i valnemnda, som skal underskrivast av dei som var til stades. Protokollen skal førast av oppnemnd sekretær for nemnda. 1.11. Ved utarbeiding av framlegg, skal heile valnemnda skriva under innstillinga. 1.12. Innstilte kandidatar skal vera førespurd om dei er viljuge til å ta på seg slikt verv, og at dei har tid til vervet. Kandidatar som vert førespurd skal kontrollerast opp mot reglane i banken sin instruks for «egnethet», og skal informerast om omfang og ansvar samt rettar og plikter ved vervet. 1.13. Valnemnda si innstilling skal grunngjevast, og skal innehalda relevant informasjon om kandidatane. Relevant informasjon er blant anna: namn, alder, adresse, formell kompetanse/realkompetanse, opplysningar om eventuell tilknyting til banken og andre vesentlege tillitsverv. Valnemnda i banken skal informera dei føreslegne kandidatane om at tillitsvervet er eit personleg verv med personleg ansvar. 1.14. Er valnemnda ikkje samd, skal eventuelle dissensar gå fram av innstillinga. Dersom mindretalet i valnemnda ynskjer å føreslå eigne kandidatar, skal dette gå fram av innstillinga. 2. GODTGJERSLE 2.1. Generalforsamlinga i banken fastset godtgjersle til medlemene i valnemnda etter innstilling frå styret i banken. Påkomne kostnader for valnemnda vert betalt av banken. 3. VALNEMNDA SINE OPPGÅVER 3.1. Valnemnda skal førebu og fremje forslag til dei vala som går fram av banken sine vedtekter 4-1 og 4-2. 3.2. Ved framlegg på kandidatar til banken sitt styre skal valnemnda sjå til at styret får ei samansetjing som gjer dei i stand til å styra banken på ein god og «hensiktsmessig» måte. Styret skal ha ei samansetning slik at dei samla oppfyller krava til kompetanse i tråd med Finansføretakslova, Allmennaksjelova og forskriftene til desse. Vidare skal styret ha ei samansetning som oppfyller krava til balanse mellom kjønna i tråd med Allmennaksjelova 6-11a, og vera uavhengige i forhold til banken sin administrasjon. Valde styremedlemmer skal oppfylla krava til «skikketheit» i tråd med instruks 7

for «Egnethetsvurdering» av tilsette/tillitsvalde i Vekselbanken. 3.3. Valnemnda skal syta for utfylte skjema med personopplysningar saman med opplysningar om formell og real kompetanse på føreslegne kandidatar. Skjema vert oppbevarte i banken. 4. HANDSAMING AV VALNEMNDA SI INNSTILLING 4.1. Valnemnda si innstilling skal sendast ut eller offentleggjerast saman med innkalling til generalforsamlinga. 4.2. Leiar i valnemnda, eller den som valnemnda peiker ut, skal på generalforsamlinga presentera valnemnda si innstilling saman med oversyn over valnemnda sitt arbeid og grunngjeving for innstillinga. 5. REGLAR FOR INNSTILLING TIL STYRE. 5.1. Styret sin leiar og nestleiar skal veljast separat. Valnemnda skal difor fremja forslag på desse før resten av kandidatane til styret vert fremja. 5.2. Innstilling på varamedlemer skal vera i prioritert rekkefylgje. 5.3. Valnemnda er kjend med lovreglane om at styre i allmennaksjeselskap skal ha ei styresamansetjing som gjer at begge kjønn er representert med minimum 40 %, og gje si innstilling i tråd med desse reglane. 5.4. Valnemnda er kjend med reglane i lover og forskrifter om revisjons- og risikoutval, og reglane der som presiserar kva slags kompetanse desse utvala må ha. 6. REGLAR FOR INNSTILLING TIL NY VALNEMND FOR GENERALFORSAMLINGA. 6.1. Valnemnda for generalforsamlinga skal koma med framlegg på leiar, to medlemer og eitt fast møtande varamedlem til ny valnemnd. 6.2. Valnemnd vert vald for 1 år om gongen. 6.3. Medlemer i valnemnda kan som hovudregel ikkje attveljast etter 8 år. Det er likevel viktig at kontinuiteten i valnemnda vert ivareteken. 6.4. For å sikra at intensjonen om å oppretthalda Vekselbanken sin eigenart og sjølvstende i tråd med banken sin strategi og formål skal valnemnda ved framlegg på kandidatar til ny valnemnd leggja vekt på å gjera framlegg på kandidatar som kjenner banken og vil oppretthalda banken sin strategi om å vera ein sjølvstendig bank. 8