Kviknes Hotel i Balestrand - Unike opplevingar ved Sognefjorden Aktivitetar 2017/18 - Vi skreddarsyr til dine behov!
Opplev fjordane og norsk natur på sitt beste Kviknes Hotel ønskjer å vere ein tilbydar av unike opplevingar. Produktet vårt kan ein skreddarsy til både individuelle og storeog små grupper. Hotellet består av 190 rom, og har bankett- og møtefasilitetar for opp til 400 personar. Hotellet ligg i Balestrand, som er den perfekte base for å oppleve Sognefjorden og nokre av Noregs mest kjende og spektakulære attraksjonar. I tillegg er bygda omringa av norsk natur på sitt vakraste. Sjå oversikt over aktivitetar og opplevingar frå side 3. Nye attraksjonar i Balestrand! Norsk Reiselivsmuseum (http://www.reiselivsmuseum.no) Norsk reiselivsmuseum fokuserer på historien til norsk reiseliv frå tidlig 1800-talet fram til i dag. Museumet ligg i antikvariske bygningar på kaien i Balestrand, og er det første som møter deg når du kjem med ekspressbåten frå Bergen/Flåm, buss eller bil. Husa er i forskjellige stilartar og blei bygd i perioden frå 1880 til 1920. I dag er dei brukt til å spre kultur. Utsiktspunktet på Nasjonal Turistveg Gaularfjellet (http://www.nasjonaleturistveger.no/no/turistvegene/gaularfjellet) Når du kikkar over kanten på betongsnippen, som er støypt ut i løyse lufta, ser du 700 meter rett ned i dalen! Utsikten har alltid vore der, på toppen av svingane opp Gaularfjellet frå Balestrand. Du ser utover Vetlefjorden med høge fjell på 1500 meter i bakgrunnen. Men den vesle plattingen som pleidde å vere der, er bytta ut med spenstig arkitektur. Ei utsiktsplattform som verkeleg skal sette sommarfuglane i gong. 2
Oversikt over aktivitetar levert av Kviknes Hotel: Alle prisar er frå-prisar (med forebehald om endring i pris. Avhengig av antall personar) Ciderhuset i Balestrand (http://www.ciderhuset.no/) Den lokale produsenten av juice og sider, Balholm, har i forbindelse med produksjonen sin etablert eigen restaurant og opplevelseshus. Her kan ein ta med grupper til smaking og middag/ lunsj, samt ha teambuilding aktivitetar. Besøk på Ciderhuset kan ein kombinere med ei kulturvandring i Balestrand, som blir avslutta her. Dette er ei oppleving de seint vil gløyme....med kulturvandring i Balestrand Balestrand er full av historie, kunst, arkitektur og kultur. I denne vandringa med eigen guide blir ein teken med på ei reise i bygda, kor ein får sjå noko av det mest unike bygda har å by på. Ciderhuset står for denne vandringa, og turen endar der og kan kombinerast med smaking. Fjordcruise og fjordrafting med Chartecruise (http://www.chartercruise.no/) Mange seier at den beste måten å oppleve Sognefjorden på er frå fjorden. Frå båt får ein verkeleg sjå kor mektige fjella er og kor unike dei små bygdene langs fjorden er. I Balestrand ligg det fleire flotte villaer og andre serverdigheiter langs fjorden. Kryssar ein fjorden kan ein sjå Kvinnefossen, Keisar Wilhelm-statuen på Vangsnes med meir. Søkjer ein adrenalin kan ein gjere dette til ein litt meir actionfylt opplevelse med «fjordrafting». Chartercruise tilbyr og utleige og transport med Yacht (frå eksempelvis Bergen). Guida tur i bil / Bilutleige Me samarbeider med Balholm bilutleige som gir gunstige prisar på leigebil med og utan sjåfør. Fine bilturar frå Balestrand er Gaularfjellet, Kvamsøy, Fjærland (bremuseum og verdast største bokby). Ta kontakt direkte for tilbod og informasjon: 41 24 82 53/booking@leigebil.no 3
Fisketurar i Sognefjorden Me tilbyr utleige av motorisert båt og fiskeutstyr. Her kan ein og få med lokal guide om ønskjeleg. Sognefjorden er det næraste og beste matlageret me har. Finden Gard & Restaurant Ha ein heil fjord for deg sjøl! Det er kanskje vanskeleg å få det meir unikt enn dette. Finden Gard har eigen ny restaurant nede ved fjorden i Finnabotn. Familien er einaste buande i fjorden, og som gjest får du heile fjorden for deg sjøl! Restauranten har så lokal og heimelaga mat som overhovudet mogleg. 4
Vinsmaking og Historieforteljing på Kviknes Hotel Populært på hotellet er historieforteljing og vinsmaking med hotelldirektøren vår. Familien har eigd og dreve hotellet sidan 1877, og gjennom åra har det blitt ei unik forteljing med utrulege hendingar. Hotelldirektøren vår er vinkjennar og har bygd opp ein annerkjent vinkjellar, og tar gjerne med grupper ned på omvisning og smaking. Ved større grupper kan ein gjennomføre dette i vår spisesal. Nasjonal Turistveg Gaularfjellet I 2016 åpna det nye spektakulære utsiktspunktet på Gaularfjellet. Utforminga gir panoramautsikt til den storslegne og vakre naturen der riksveg 13 slyngjer seg oppover lia. I kombinasjon med Åmot Operagard - ei oppleving du seint gløymer... Ein kan kombinere tur til Gaularfjellet med operaforestilling og middag/lunsj på Åmot Operagard, ei historisk perle i Bygstad. Dette er ein opplevelse der alle sansar blir ivaretatt. Fantastisk vestlandsnatur, akkompagnert av gode historiar, vakre tonar og smakfull gastronomi. For den spreke: Sykkeltur til utsiktspunktet og Likeholefossen, som avsluttar i Sande eller Vadheim. Organisert henting derfrå. 5
Kunst i Balestrand Balestrand blir kalla kunstbygda, og det er ikkje utan grunn. Fleire lokale og tilflytta kunstnarar har åpne verkstader og utstillingar. Besøk til desse kan være ein del av ei kulturvandring, eller ein kan organisere eigne besøk. Dette kan vere til dømes Emaljeverkstaden, keramikk- og alumimumskunst på Kvamsøy eller taggekurs hjå Elisabeth Knap. Naturen i Balestrand Guida fjellturar I Balestrand er vi bortskjemt med unik og vakker natur. Bygda er omringa av høge fjelltoppar, og på alle er det godt tilrettelagt for turar og opplevingar. Raudmelen er kanskje den mest populære toppen (972 MOH), og i 2015 blei det for første gang arrangert motbakkeløp til denne toppen (Balestrand Opp). Her kan ein organisere eigne «Balestrand Opp» for grupper og bedrifter. Ein kan og organisera guida turar til andre toppar. Guida kajakktur Vi samarbeider med Gone Paddling som tilbyr guida kajakktur for grupper og bedrifter. Kven vil vel ikkje skryte av å ha «kryssa ein fjord?». Sykkelutleige Bike & Hike Balestrand tilbyr sykkelutleige. Du vil få råd om ting ein kan sjå og gjere i Balestrand og i området rundt om det skulle vera av interesse. Meir info og prisar på forespurnad. Brevandring Brevandring på Jostedalsbreen og i Jotunheimen. Å gå i taulag på isbreen er ei unik spennande oppleving, som alle over 6 år kan vere med på! http://www.bre.museum.no/brevandring-jostedalsbreen/ Guida trugetur Unn deg noko unikt og prøv denne introduksjonen til ein omtrent utdødd kunnskap som forfedrene våre benytta seg av. 1-2 timar med teori på hotellet før ein byrjar på turen og 6
Attraksjonar i Balestrand St. Olafs kyrkja Kyrkja i Balestrand blei bygd etter ynskje frå Knut Kvikne, ein aktiv og stille mann som saman med broren dreiv Kviknes Hotel. Ei så sjarmerande lita kyrkje, at sjølv Disney-teamet har latt seg imponera. Då dei skulle finne inspirasjon til den Oscar-vinnande filmen Frost. drog dei på synfaring i Balestrand i fleire dagar. Dei fekk sjå kyrkja og blei begeistra. Sognefjord Akvarium (http://www.kringsja.no/eakvarium.html) Alt du treng vite om Sognefjorden! Sognefjord Akvarium har eit innvendig areal på 700 m2. Her finn ein 24 ulike akvarium, planktonutstilling, modell av Esefjorden, filmsal og Galleri Munken. 50 tavler med treskurd der fjordhistoria til Balestrand vert fortalt. Norsk Reiselivsmuseum (http://www.reiselivsmuseum.no/) Nytt museum i Balestrand som representerer historia til reiselivet i Noreg. Nytt i 2016. Årlege arrangement Balejazz, 5. - 7. mai (www.balejazz.no) Motbakkeløpet Balestrand Opp, 16. september (http://www.balestrandopp.no/) Attraksjonar i nærområdet Flåmsbana Kanskje Noregs mest populære attraksjon. Unik togreise til Myrdal. https://www.visitflam.com/flamsbana/ Stegastein i Flåm Unikt utsiktspunkt i Flåm. https://www.visitflam.com/se-og-gjore1/aktiviteter/stegastein-rundtur/ Fjærland Ei lita bygd med store attraksjonar. Isbrear, Norsk Isbremuseum og verdast største bokby. www.fjaerland.org/ www.bokbyen.no/ www.bre.museum.no/ Astruptunet (http://www.sfk.museum.no/at.htm) Museum i heimen til kunstnaren Nikolai Astrup (1881-1928). I dag er Astruptunet ikkje berre ein kunstnarheim, men og ein viktig del av kunstnaren sitt livsverk. Stavkyrkjer I Noreg er det 28 stavkyrkjer som har overlevd frå mellomalderen. Fleire av desse kan ein oppleve på dagsturar frå Balestrand. Urnes Stavkyrkje. 1,5 timar med bil Borgund. 1,5 timar med bil Hopperstad. 45 minutt med bil Undredal. 2 timar med bil Kaupanger. 1 time med bil 7