ÅRSMELDING FOR VALLE JUNIORKLUBB OG UNGDOMSKLUBB 2017

Transkript

1 ÅRSMELDING FOR VALLE JUNIORKLUBB OG UNGDOMSKLUBB 2017 Velkomne inn i Valle juniorklubb og Valle ungdomsklubb! Vedlagt finn du årsmeldinga vår for Det har vore eit spennande år med mykje aktivitet. Vi har ikkje tatt med alle aktivitetar i årsmeldinga, men den skal gi innsyn i verksemda vår, og nokre konkrete døme på korleis vi jobbar i Valle juniorklubb og Valle ungdomsklubb. Juniorklubben er for 5.-7.klasse, ein til to onsdagskveldar per månad, medan ungdomsklubben er frå 8.klasse og oppover, dei resterande onsdagane. Vi er stolte av klubben vår, og ikkje minst av alle dei gode og snille ungdomane som er med. Vi er heldige! Samtidig er vi medvitne at vi, saman med foreldre og lokalmiljø, har både stort ansvar for og ei unik mogelegheit til å vere med på å byggje eit godt oppvekstmiljø i Valle kommune. I klubben legg vi derfor vekt på inkludering og medverknad, og på at alle vaksne som er involverte i klubben skal vere gode rollemodellar. Vi har fokus på folkehelse, og det er alltid tilbod om fysisk aktivitet på klubbkveldane. Vi vil også gi ungdomane kunnskap om og erfaring med sunn mat som smakar godt. Derfor lagar ungdomsarbeidar mykje av varmmaten til klubbkveldane sjølv - ofte saman med nokre av ungdomane. Vi opplever at junior- og fritidsklubben er ein svært viktig arena for barn og ungdom i Valle. Klubben skal vere ein god, trygg og inkluderande stad å vere. Det er nulltoleranse for mobbing og hærverk. Den store utforfdringa med drifta av klubben er økonomien. Det er vanskeleg å arrangere aktivitetar når vi ikkje har eigne midlar til dette. Vi er heilt avhengige av gåver og sponsorstøtte. Søknader krev mykje arbeid, og det er ein uføreseieleg måte å drifte eit kommunalt fritidstilbod på. Trass i utfordrande økonomiske vilkår gjennomførte vi alle planlagde aktivitetar og arrangement i Det er eit mål for oss at aktivitetar og arrangement i regi av Kultur og fritid ikkje skal koste mykje å delta på, så vi har derfor ikkje høve til å tene store summar på inngongspengar og deltakaravgift på det vi arrangerer. Vi takkar for eit kjempefint år i Valle ungdomsklubb, og for støtte frå næringsliv, foreldre og andre, og ikkje minst vår faste klubbmedarbeidar Liv Åkre Trydal. Spesielt vil vi takke Valle sparebank for støtta som gjer det mogeleg for oss å arrangere flotte aktivitetshelger nokre gong i året! April 2018, Eliezer Ivan M. Contreras Ungdomsarbeidar Torunn Charlotte Nyberg Leiar kultur og fritid

2 Januar Superbra start på ungdomsklubben etter juleferie - mange ungdomar møtte og hadde moro med forskjellige aktivitetar. Mange nye medlemar på første Juniorklubbkveld. Vi startar med gode aktivitetar, mellom anna i idrettshallen, for å bli kjende med kvarandre.

3 Februar Vi held fram med sunn og fersk mat! Ungdomane var med på å hjelpe å lage mat! Godt og bra resultat på pizza. Vi har vore aktive med fotball, basketball og kino!

4 Mars Denne månaden har vi hatt kinokveld og forskjellige aktivitetar! Vi har også vore medarrangørar på UKM - Ung kultur møtast - for Valle og Bykle Det er framleis eit godt antal ungdomar som møter i klubben med stor glede! Fotball, basketball og frisbee.

5 April Det er moro med kinokveld på det fine filmromet vårt! Mange juniorar var med på kino og på disko dans! Dei er flinke til å vere med på alle slags aktiviteter. Ungdomane har vore aktive i idrettshallen. Dei kosar seg saman! :-)

6 Mai Ungdomsklubb: Har vi hatt sjansen til å øve oss litt i volleyball Juniorklubb: Har hatt limbodans, fotball og godt mat!

7 Juni Flotte klubbkveldar i ungdomsklubben i juni! Trass i at mange har det travelt med andre ting, kjem dei på klubb. :-) Etter mange morosame kveldar, avsluttar vi denne sesongen med grillfest ute, med musikk og fotball!

8 August August starta vi litt roleg, med frie aktivitetar i idrettshallen. Det er alltid moro å møte nye klubbmedlamar på hausten, med nye 5.klassingar i juniorklubben og ny 8.klasse i ungdomsskulen. Dette blir eit bra år!

9 September September er ein fin månad for kino når det regnar mykje! Meny: litt variasjon med grønt og ferskvarer! Aktivitetar: basketball, fotball og kino

10 Oktober I oktober hadde vi mange forskjellige aktivi- tetar. I tillegg til vanlege klubbkveldar arrangerte vi temaveke i dans og kunst i samarbeid med Valle og Hylestad skular. Alle elevar i 5.10.klasse fekk dansekurs med Salomé i skuletida, og så kunne dei som ville lære meir gå på kveldskurs i klubben tillegg. Temaveka vart avslutta med open dag i Valle kultursenter, der vi hadde mange morosame aktivtitetar med Sirkus Taraxacum, kunstkurs for dei yngste med Kirsti Tiedje, og dans med herlege Salomé. Både for store og små! Det var ein topp dag, og heile Kultur og fritid i Valle kommune var involvert! I oktober fekk vi også invitasjon frå Sølvgarden hotell til ungdomsdisco, og det måtte vi sjølvsagt takke ja til! Vi hadde også ein minkonsert med Kjetil Rike Lund i slutten av månaden, i Kulturveka. Wow - for ein flott oktober!!

11 November I november og desember hadde vi reduserte opningstider i klubben, ettersom ungdomsarbeidar Eliezer var blitt pappa og skulle ha permisjon. I november testa vi oss med litt kunnskapsquiz i forskjellige område. Naturen, matematikk, dyr og mykje meir, 5 forskjellige grupper, godt samarbeid og godt resultat for kvar einaste gruppe.

12 Desember Vi inviterte ungdomsklubbane i Bygland og Bykle på juleball, og dei kom og hadde det moro saman med oss! Band frå Valle kulturskule spelte, og vi hadde kjemepgod mat levert frå KK Thai. Fint pynta ungdomar koste seg saman, og det var mange fantastiske opplevingar! Ungdomsarbeidar Eliezer: «Jeg blir så varm i kroppen når jeg tenker på julen! Det gjør liksom ingenting at jeg blir rød i kinnene og at det er frost på bakken. I dag skal vi på julesamling med hele gjengen i ungdomsklubben, pynte pepperkaker og garantert svinge oss til kul julemusikk! Stor glede å dele gode minner med vennene. Jeg takker alle gode ungdommene og hele kulturavdelinga for i år! Takk for en super innsats alle sammen!» Mvh Eliezer Mendez og Liv Åkre