EID KOMMUNE Driftsutvalet HOVUDUTSKRIFT

EID KOMMUNE Driftsutvalet HOVUDUTSKRIFT Møtedato: 24.09.2015 Møtetid: Kl. 14:00 Møtestad: Formannskapssalen Saksnr.: 057/15-060/15 Forfall meldt frå følgjande medl. Parti Følgjande varamedl. møtte Parti Jostein Huneide, H Grethe Dahl Sandven V Jon-Reidar Eikås V Sissel Ommedal KRF Åse Liv Lote SP Ikkje møtt Webjørn Moa Parti Ugilde Sak Følgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Anne Britt Andersen Harald Sivertsen og Marianne Salveson Skriv frå Vernepleietenesta, Eid kommune Underskrifter: Sonja Edvardsen Anne Britt Andersen Ståle Sandal

Sakliste Sak nr. Saktittel 057/15 Godkjenning av innkalling og saksliste 058/15 Godkjenning av møteprotokoll 059/15 Referatsaker 060/15 Søknad om skjenkeløyve - Øyvind Bjørlo AS

EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 24.09.2015 057/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/1614 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste 24.09.2015 vert godkjent. 24.09.2015 DRIFTSUTVALET DFU-057/15 VEDTAK: Innkallinga og sakliste til møtet den 24.09.2015 vert godkjent, samrøystes.

EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 24.09.2015 058/15 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 15/1615 GODKJENNING AV MØTEPROTOKOLL RÅDMANNEN SI TILRÅDING: Møteprotokollen frå møte 27.08.2015 vert godkjent. 24.09.2015 DRIFTSUTVALET DFU-058/15 VEDTAK: Møteprotokollen frå møtet den 27.08.2015 vart godkjent, samrøystes.

EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 24.09.2015 059/15 JEA Avgjerd av: Saksansv.: Janne Endal Andersson REFERATSAKER Arkiv: Namn-, Namn- Objekt: Arkivsaknr 15/1613 Nr Dok.ID T Dok.dato Avsendar/Mottakar Tittel 1 15/9999 U 27.08.2015 China Restaurant AS China Restaurant Chen AS 2 15/10820 I 14.09.2015 Arbeids- og sosialdepartementet Høyring om endringar i reglane om rett til pleiepengar ved sjuke barn RÅDMANNEN SI TILRÅDING: Refererte saker vert tekne til etterretning slik dei ligg føre. 24.09.2015 DRIFTSUTVALET DFU-059/15 VEDTAK: Refererte saker vert tekne til etterretning slik dei låg føre, samrøystes.

EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Driftsutvalet 24.09.2015 060/15 KDA Avgjerd av: Saksbehandler: Kristine Dahl Arkiv: Objekt: U63 Arkivsaknr 15/1525 Søknad om skjenkeløyve - Øyvind Bjørlo AS Prenta vedlegg: 1. Søknad om skjenkeløyve frå Øyvind Bjørlo AS Aktuelle lover, forskrifter, avtalar m.m.: Alkohollova. Rusmiddelpolitisk handlingsplan 2012-2016. Kva saka gjeld: Handsaming av søknad om skjenkeløyve frå Øyvind Bjørlo AS for alkoholhaldig drikk i gruppe 1, 2 og 3 i Kulturhuset i Gamlebanken i Eidsgata. Bakgrunn for saka: Føretaket Øyvind Bjørlo AS har overteke serveringsdrifta i Kulturhuset Gamlebanken i Eidsgata og søkjer no om løyve til å skjenke alkoholhaldig drikk i gruppe 1, 2 og 3 i lokalet. Øyvind Bjørlo AS søkjer også om serveringsløyve, men denne søknaden vert handsama administrativt i samsvar med delegeringsreglementet. Bankpuben AS har dei siste åra har hatt skjenkeløyve for øl og vin, altså alkoholgruppe 1 og 2, i Kulturhuset Gamlebanken. Natt til laurdag og natt til søn- og helligdag har Bankupuben AS hatt skjenkeløyve til kl 24.00. Den nye drivaren søkjer no å utvide skjenketilbodet og søkjer difor om løyve til servering også av brennevin, alkoholhaldig drikk gruppe 3. I tillegg vert det søkt om løyve til å skjenke alkohol, også brennevin, fram til kl. 02.00. Det vert søkt om løyve til å skjenke i heile bygget og på uteserveringa.

Saksutgreiing: Alkohollova kapittel 1 inneheld alminnelege føresegner for omsetting av alkoholhaldig drikk. Alle som vil bli godkjent som dagleg leiar/styrar ved stadar som har, eller skal søkje om, skjenkeløyve må ha avlagt og bestått etablererprøven, jf. alkohollova 1-7c. Det er oppgjeve i søknaden at Øyvind Bjørlo skal vere skjenestyrar og at Kari Hjelmeland skal vere stadfortredar. Begge har eksamen i alkohollova og serveringslova. Det følgjer vidare av alkohollova 1-7 at før kommunen avgjer søknaden, «skal det innhentes uttalelse frå sosialtjenesten og politi». Politiet har ikkje merknader til søknaden. Sosialtenesta er også informert om søknaden og har ikkje funne grunnlag til å motsetje seg denne. Økonomiske konsekvensar: Saka har ingen direkte økonomiske konsekvensar for kommunen. Vurdering: I alkohollova 1-7a er det gjeve føringar for kommunen si skjønsutøving ved avgjerd av spørsmålet om skjenkeløyve skal gjevast. I 1-7a står det følgjande: Ved vurderingen av om bevilling bør gis, kan kommunen blant annet legge vekt på antallet salgs- og skjenkesteder, stedets karakter, beliggenhet, målgruppe, trafikk- og ordensmessige forhold, næringspolitiske hensyn og hensynet til lokalmiljøet for øvrig. Det kan også legges vekt på om bevillingssøker og personer som nevnt i 1-7b første ledd er egnet til å ha bevilling. Føresegna må tolkast og praktiserast i samsvar med kommunen sine retningsliner i Rusmiddelpolitisk handlingsplan 2012-2016. Under punkt 5.2.3 er det gjeve kommunale retningsliner for tildeling av skjenkeløyve 2012-2016. Utgangspunktet her er at «Eid kommune vil vere positive til søknader om skjenkeløyve som fyller dei formelle krava i alkohollova og som er i tråd med retningslinene i rusmiddelpolitisk plan». I punkt. 5.2.3. bokstav C er det vidare sagt at det ikkje vert tildelt skjenkeløyve til stader der det ut frå ålmenne omsyn ikkje bør vere slike tilbod. Punktet kan gjerne sjåast i samanheng med bokstav F, som seier at det ikkje vert gjeve ordinært løyve knytt til skular, idrettshall, kulturhus eller andre lokale der hovudføremålet er idrett eller undervisningsverksemd. Hovudføremålet til Kulturhuset Gamlebanken er ikkje undervisningsverksemd, men spørsmålet vert om det ut frå ålmenne omsyn ikkje bør vere eit skjenketilbod som omsøkt i Gamlebanken, jf. retningslinene punkt 5.2.3. Det følgjer då av retningslinene punkt 5.2.3 bokstav D at ein skal leggje vekt på «målgruppe, trafikk- og ordensmessige omsyn og lokalmiljøet elles». Kulturhuset Gamlebanken er eit bygg som tenar fleire funksjonar for menneske i alle aldrar. Bygget vert nytta til formidling/sal av kultur, med kunstutstillingar og konsertar. Sommarhalvåret finn ein også kommunen sin turistinformasjon i bygget. Spørsmålet om det kan gjevast skjenkeløyve i dette fleirbruksbygget er tidlegare vurdert ved handsaming av skjenkeløyve for Bankpuben AS, der rådmannen gjorde følgjande vurdering:

«Stiftinga Gamlebanken har formidling/sal av kultur som hovudføremål. Stiftinga har fram til no også drive enkel servering som grunnlag for drifta av Gamlebanken. Det er no etablert eit selskap vil no utvide denne serveringa til også å omfatte skjenking av øl og vin på fredag og laurdag på dag og tidleg kveld. Drifta vert utført på dugnad og inntektene skal gje auka grunnlag for drift av stiftinga. I tillegg vil ein prøve å tilby eit konsept som har vore etterspurd av publikum i Eid. Administrasjonen vurdere dette slik at det ikkje er direkte i strid med punkt E, men skjenking i lokale som har kulturformidling/sal av ulike arbeid som hovudformål, kan kome inn under punkt E. Særleg arealet i 2 etg kan kome i konflikt med formuleringane i punkt E. Der er hovudaktiviteten utstillingar og av kunst. Spørsmålet er om dette skal kombinerast med pub verksemd. Tolking av dette punktet bør vurderast politisk. Skjenking ute og i kjellar vil ikkje i same grad gå inn i utstillingar og sal av kunst. Administrasjon meiner ein bør avgrense løyve til areal ute og i kjellar». På bakgrunn av ovannemnde vurdering gav driftsutvalet i møte den 29. august 2012, sak 062/12, skjenkeløyve «inne i kjellar i gamlebanken, samt ute på inngjerda område nord og vest for inngang». Bankpuben AS søkte deretter om utvida skjenkeløyve, for skjenking i 2. etasje i bygget. Søknaden vart handsama av driftsutvalet i møte den 22. november, sak 070/12, som gjorde følgjande vedtak: «Nytt punkt 2 i sak 62/12: 2.Løyvet gjeld inne i kjellar i gamlebanken, samt ute på inngjerda område nord og vest for inngang. Etter k. 18.00 kan 2 etg nyttast til skjenking, men ikkje kombinert med salsaktivitet». Bankpuben AS har med dette hatt skjenkeløyve i kjellar og etter kl. 18.00 i 2. etasje, samt ute på inngjerda område nord og vest for inngang. Ved tildeling av skjenkeløyve for Bankpuben AS vart det gjeven ein aksept for at kulturaktiviteten i Kulturhuset Gamlebanken kunne kombinerast med pubverksemd. Føretaket Øyvind Bjørlo AS har som hovudføremål å drive restaurant og kafedrift og tildeling av skjenkeløyve til dette føretaket er åleine ikkje i strid med retningsline punkt. 5.2.3 bokstav E som seier at det ikkje vert «gjeve skjenkeløyve til kiosk, bensinstasjon, gatekjøken eller kafeteria i opne butikklokale (må ha eigen inngang.), butikkar eller andre verksemder som har andre hovudmål for verksemda». Rådmannen kan ikkje sjå at er grunnlag for å vurdere handsaming av søknaden om skjenkeløyve frå Øyvind Bjørlo AS annleis enn tidlegare søknad frå Bankpuben AS. Vurderinga vert såleis at det kan gjevast løyve til vidare skjenking i Kulturhuset Gamlebanken. Spørsmålet vert då vidare om det også kan skjenkast brennevin og om det kan skjenkast utover tidlegare fastlagde skjenketider i bygget. Søknaden frå Øyvind Bjørlo AS skil seg frå tidlegare søknader om skjenking i Kulturhuset Gamlebanken ved at det vert søkt om skjenking av brennevin og skjenking i alle etasjar. Det er ikkje fastsett eigne retningsliner for tildeling av skjenkeløyve for brennevin. Også her må det gjerast ei konkret vurdering ut frå reglane i alkohollova og dei kommunale retningslinene.

Utgangspunktet er som nemnt at Eid kommune vil vere positive til søknader om skjenkeløyve som fyller dei formelle krava i alkohollova og som er i tråd med retningslinene i rusmiddelpolitisk plan. Basert retningslinene og på det konseptet som drivar skal ha i Kulturhuset Gamlebanken, finn rådmannen ikkje grunnlag for å gje avslag på søknad om skjenking av brennevin. Spørsmålet vert deretter om det er grunnlag for å setje avgrensingar i skjenketidene i heile eller delar av bygget. Under punkt 5.2.4 i retningslinene til Rusmiddelpolitisk handlingsplan er følgjande skjenketider fastsett: Søndag til torsdag: Brennevin kl 13 00 til 24 00 Øl og vin kl 08 00 til 01 00 Det vert gjort unntak for 2, 3, 4, 5 og 6. juledag, nyttårssafta, onsdag før skjærtorsdag, skjærtorsdag, 1. påskedag, onsdag før Kr. himmelfartsdag og 1. pinsedag. I dei tilfella desse dagane fell på dagane søndag til torsdag, kan det skjenkast brennevin til kl 01.00 og øl og vin til kl 02.00. Fredag og laurdag: Brennevin kl 13 00 til 01 00 (natt til laurd og sønd) Øl og vin kl 08.00 til 02 00 Skjenketider for slutta selskap: Søndag til torsdag: Brennevin kl 13 00 til 01 00 Øl og vin kl 08 00 til 02 00 Fredag og laurdag: Brennevin kl 13 00 til 02 00 (natt til laurd og sønd) Øl og vin kl 08.00 til 03 00 Det kan gjevast dispensasjon frå skjenketidene med inntil 1 time i samband med særleg store arrangement som er viktige i forhold til marknadsføring av Eid kommune. Søknad om slik dispensasjon vert å sende rådmann for avgjerd.(jmf 5.2.5.) Opningstida for skjenkestadene er 30 minuttar lengre enn skjenketida. Konsum av utskjenka alkohol må avsluttast seinast 30 minuttar etter skjenketida. I tidlegare utvida skjenkeløyve for Bankpuben AS vart skjenketid for 2. etasje sett til etter kl. 18.00. Av omsyn til ivaretaking av Kulturhuset Gamlebanken som kulturstad for ålmenta, finn rådmannen det naudsynt å avgrense skjenketida for hovud- og loftsetasje i bygget slik at løyve til skjenking i dei to øvste etasjane vert sett frå kl. 18.00. Utover dette bør dei generelle skjenke- og opningstidene gjelde. RÅDMANNEN SI TILRÅDING: 1. Med heimel i alkohollova 1-7 og retningslinene i vedteken Rusmiddelpolitisk Handlingsplan får Øyvind Bjørlo AS løyve til skjenking i alkoholgruppe 1, 2 og 3. 2. Løyvet gjeld inne i Kulturhuset Gamlebanken, alle etasjar, samt ute på inngjerda område nord og vest for inngang. 3. Det kan ikkje skjenkast i hovudetasje og loftsetasje i tida før kl. 18.00.

4. Det vert stilt krav om at det er tilgjengeleg alkoholfrie alternativ for publikum og at planar for serveringa er godkjent av mattilsynet. 5. Øyvind Bjørlo er ansvarleg for løyvet. 6. Det skal betalast ei årleg avgift for skjenkeløyve på kr. 3 500. Eigar skal årleg sende Eid kommune statistikk på utskjenka vareliter alkohol. 7. Det vert sett som vilkår for løyvet at det ikkje er plassert speleautomatar i godkjent 8. Vesentlege endringar i eigarforhold, styrar /stadfortredar eller driftskonsept skal meldast skriftleg til Eid kommune. 24.09.2015 DRIFTSUTVALET DFU-060/15 VEDTAK: Som rådmannen si tilråding, samrøystes. 1. Med heimel i alkohollova 1-7 og retningslinene i vedteken Rusmiddelpolitisk Handlingsplan får Øyvind Bjørlo AS løyve til skjenking i alkoholgruppe 1, 2 og 3. 2. Løyvet gjeld inne i Kulturhuset Gamlebanken, alle etasjar, samt ute på inngjerda område nord og vest for inngang. 3. Det kan ikkje skjenkast i hovudetasje og loftsetasje i tida før kl. 18.00. 4. Det vert stilt krav om at det er tilgjengeleg alkoholfrie alternativ for publikum og at planar for serveringa er godkjent av mattilsynet. 5. Øyvind Bjørlo er ansvarleg for løyvet. 6. Det skal betalast ei årleg avgift for skjenkeløyve på kr. 3 500. Eigar skal årleg sende Eid kommune statistikk på utskjenka vareliter alkohol. 7. Det vert sett som vilkår for løyvet at det ikkje er plassert speleautomatar i godkjent lokale. 8. Vesentlege endringar i eigarforhold, styrar /stadfortredar eller driftskonsept skal meldast skriftleg til Eid kommune. Åslaug Krogsæter

-rådmann-