Sogndal kommune Møteinnkalling Utval: FORMANNSKAPET Møtestad: Formannskapssalen Møtedato: 24.06.2010 Tid: 09.00 Eventuelt forfall skal meldast til telefon 57 62 96 00 - Varamedlemmar møter etter nærare avtale. Sakliste Saksnr. Arkivsaksnr. Tittel 58/10 10/86-13 Formannskapet 24.06.2010 - Opning, orienteringar og drøftingar 59/10 10/65-77 Kulturmidlar 2010 60/10 10/1675-3 Val av kommunekomitè for TV-aksjonen 2010 - Flyktninghjelpen 61/10 10/1727-7 Nytt gatenamn på Bjørkafeltet, Kaupanger Sakene er offentleg utlagde i Tenestetorget, Sogndal bibliotek og busenteret i Fjærland. Informasjon på vår heimeside: www.sogndal.kommune.no Sogndal, 18.06.2010 Jarle Aarvoll -ordførar- Gerd Kleiven formannskapssekretær
Sogndal kommune Sak 58/10 Formannskapet Saksh.: Gerd Kleiven Arkiv: 033 Arkivsak: 10/86 Saksnr.: Utval Møtedato 40/10 Formannskapet 03.06.2010 58/10 Formannskapet 24.06.2010 Sak 58/10 Formannskapet 24.06.2010 - Opning, orienteringar og drøftingar Pkt. 1. OPNING: A. Konstituering av møtet: Møtet lovleg sett med følgjande til stades: Ordførar Jarle Aarvoll, varaordførar Heidi-Kathrin Osland, Christen Knagenhjelm, Rita Navarsete, Kjetil Ertesvåg, Astrid Hove, Karen Marie Hjelmeseter, K. Endre Timberlid, Helge Torstad. Frå administrasjonen møter rådmann Jostein Aanestad. Innkalling og sakliste Godkjenning. Møteleiar: Ordførar Jarle Aarvoll. Ope møte. B. Protokoll frå møtet 03.06. 2010 - godkjenning. Pkt. 2 ORIENTERINGAR OG DRØFTINGAR A. Orientering frå ordførar: 1. Uravstemming lønsoppgjeret. 2. Besøk frå Litauen 07.06. 3. Diverse generalforsamlingar 4. Sogn Regionråd 11.06. 5. Møte med Enova 15.06. 6. Dialogmøte Helse Førde 21.06. 7. Tilsynsutvalget Jostedalsbreen nasjonalpark 21. og 22.06. B. Orientering frå utval: 1. Sogndal kyrkjelege fellesråd: Referat frå møte 25.05.2010. (j.nr.:10/116) C. Innspel frå medlemane: D. Orientering frå rådmann: 1. Næringsareal på Kaupanger. 2. Søknader INU-midlar. 3. Høyringsuttale Helsedirektoratet jf. vedlegg. 4. Hending Trudvang. E. Drøftingar: Pkt. 3 SKRIV OG MELDINGAR. A. Skatt på formue og inntekt pr. 31.05.2010. Oversikt datert 14.06.2010 frå ER. Side 2 av 9
Sak 58/10 Vedlegg: Pkt. 2.B, 2.D.3. og 3 Sogndal, 18.06.2010 Gerd Kleiven -F.sekr.- Side 3 av 9
Sogndal kommune Sak 59/10 Formannskapet Saksh.: Maryan Georgsdotter Mundal Arkiv: 223 C10 Arkivsak: 10/65 Saksnr.: Utval Møtedato 59/10 Formannskapet 24.06.2010 Sak 59/10 Kulturmidlar 2010 Tilråding: Kulturmidlane for 2010 vert fordelt slik: 1. Tiltak som er retta mot barn og unge kr. 98 500 Andre tiltak og retta mot barn og unge kr. 12 000 Drift av lokale kr. 3 000 Arrangement og eingongstiltak kr. 6 000 = kr. 119 500 2. Prosjekt Dans utan grenser får eit tilskot på kr. 5 000 Samla sum på kr. 124 500 vert å dekke over budsjettpost 14700.385.100 kulturmidlar. Det vert sett av 7 500 kroner til resttildelinga i desember. Prenta vedlegg: 1. Framlegg til fordeling 2. Retningsliner for tildeling av kulturmidlar. Uprenta vedlegg: 1. Søknadene. Saksutgreiing Bakgrunn Tildeling av kulturmidlar vart kunngjort i Sogn Avis og på kommunen si nettside med søknadsfrist 01.04.10. I utlysingsteksten vart det informert om at kommunen kvart år deler ut kulturmidlar til lag og organisasjonar som skipar kulturtilbod for barn og ungdom. I følgje retningslinene har kommunen følgjande prioriteringar: Tiltak for barn og unge er prioriterte I tillegg vil ein kunne prioritere tiltak som gjev eit kulturtilbod for folk i kommunen som konsertar og andre framsyningar og drift av forsamlingslokale Lokale tiltak skal prioriterast framfor tiltak på region/fylkesplan Ein del av midlane skal kunne nyttast til eit samarbeid med lag og organisasjonar for å få gjennomført vedtekne tiltak t.d. i friluftsplan og miljøplan. Det er motteke 47 søknader til hovudtildeling av kulturmidlane jf. vedlegg 1. Side 4 av 9
Sak 59/10 Av desse vart 11 motekne etter søknadsfristen, og vi har vald å handsame desse i samband med tildeling av kulturmidlar. Midlar til disposisjon På budsjettet er det sett av kr. 167 000 til kulturmidlar. Desse er fordelt slik: Hovudtildeling kr. 132 000 Leikeplassar kr. 25 000 Nyttårskonsert kr. 10 000 (eige vedtak). I følgje retningslinene bør ein del av midlane haldast av til fordeling i desember. Tilskotet til leikeplassar er øyremerka utbygginga på Kvåle nærmiljøanlegg jf. økonomiplanen. Framlegg til fordeling går fram av vedlegg 1. Prioriteringar Det er ikkje gjort framlegg om store endringar i høve til fordelinga til lag og organisasjonar som vart gjort i fjor. I framlegg til vedtak er lokale lag og organisasjonar der hovudtyngda av medlemane er barn og ungdom prioriterte. Dette er i samsvar med punkt 1 i retningslinene. I fordelinga mellom organisasjonane er det lagt vekt på medlemstal. Det er i samsvar med tidlegare praksis ikkje tilrådd tilskot til undergrupper i eit idrettslag. Ved arrangement og enkelttiltak er òg aktivitetar til for barn og unge prioriterte: Indre Sogn Kystlag får tilskot til ro- og seglingsopplæring for barn og ungdom Amlabukti grendalag får tilskot til Olsokfeiring (familiearrangement). Rundballefestivalen i Fjærland får tilskot til rundballerock og seminar Når det gjeld tilbod til vaksne (punkt 2 i retningslinene), har vi gjennom tidlegare vedtak prioritert nyttårskonserten. Det er ikkje funne rom til å prioritere fleire vaksenarrangement. Nattuglene søkjer om eit generelt driftstilskot. Kommunen gjev indirekte støtte til Nattuglene i samband med utsending av vaktlister med meir gjennom Frivilligsentralen. Avslag Rådmannen vil rå til at følgjande søknader vert avslegne: 1. SOFORK Sogn og Fjordane Symfoniorkester 2. Sogn og Fjordane fylkeslag ADHD Norge 3. Nattuglene v/frivilligsentralen 4. Sogndal Pensjonistlag. 5. Norsk Bremuseum Fjærland 6. Ungdomspolitiske dagar 7. Dyrevernlaget Indre Sogn 8. Sogndal Husflidslag 9. Sogndal og Leikanger revmatikarforening 10. Lærdomssetet Tormod Torfæus Sogndal kommune prioriter å støtte lokale lag og organisasjonar som gjev eit tilbod til barn og ungdom. Side 5 av 9
Sak 59/10 Sogndal, 10.06.10 Jostein Aanestad rådmann Side 6 av 9
Sogndal kommune Sak 60/10 Formannskapet Saksh.: Jorunn Liheim Arkiv: X03 Arkivsak: 10/1675 Saksnr.: Utval Møtedato 60/10 Formannskapet 24.06.2010 Sak 60/10 Val av kommunekomitè for TV-aksjonen 2010 - Flyktninghjelpen Tilråding: 1. Kommunekomitèen for TV-aksjonen 2010 i Sogndal vert leia av ordførar. Varaordførar vert nestleiar. Komitèsekretær: Merethe Relling 2. Ordførar får fullmakt til å supplere komitèen med fleire personar. Vedlegg: Brev datert 11.05.2010 frå fylkeskomitèen v/aksjonsleiar Kristin Sandal. Saksutgreiing: Som det går fram av vedlagt brev er det Flyktninghjelpen som har fått tildelt årets TV-aksjon og skal gå til dei som har alle odds mot seg. Om lag 42 millionar menneske er i dag på flukt grunna krig og konflikt og dei treng hjelp og beskyttelse. Pengane som vert samla inn skal gå til mat og husly, drift av flyktningeleirar, utdanning og fri rettshjelp i dei 7 hardast ramma landa i verden. Desse er Colombia, Den demokratiske republikken Kongo, Sudan, Somalia, Det okkuperte palestinske området, Afghanistan og Pakistan. Behovet for humanitær hjelp endra seg raskt og Flyktninghjelpen er difor klar til å starta opp hjelpearbeid i nye land der menneske vert drive på flukt, eller knytt til konfliktar der det er store udekka behov. I 2010 vert det vurdert oppstart i Irak, Iran, Jemen, Zimbabwe og Fillipinene. Nærare informasjon vert gjeve etter kvart som aksjonsdagen 24. oktober nærmar seg. Som tidlegare år må vi aktivisere mange personar til å vere bøsseberarar. Arbeidet i forkant kan til tider vera utfordrande, difor kan det vere nyttig å velje fleire personar som komitèmedlemmar i tillegg til ordførar, varaordførar og sekretær. Sogndal 15.06.2010 Jarle Aarvoll -ordførar- Side 7 av 9
Sogndal kommune Sak 61/10 Formannskapet Saksh.: Marie Pettersson Arkiv: L32 Arkivsak: 10/1727 Saksnr.: Utval Møtedato 61/10 Formannskapet 24.06.2010 Sak 61/10 Nytt gatenamn på Bjørkafeltet, Kaupanger Tilråding: Ny veg på Bjørkafeltet, jf vedlagd kart får namnet Blåbærvegen. Vedtaket er gjort med atterhald om at Namnekonsulenttenesta ikkje har merknader til skrivemåten. Vedlegg: Kart over Bjørkafeltet, med avmerka veg som skal namnesetjast. Saksutgreiing: I samband med utbygging av Bjørkafeltet på Kaupanger har oppmålingsavdelinga bedt om at det vert fastsett namn på ny veg. I følgje Lov om stadnamn er det kommunen som fastset namn på kommunale vegar. Før handsaming i kommunen skal Namnekonsulenttenesta gje fråsegn til skrivemåten. I tillegg skal dei som soknar til vegen ha høve til å kome med merknader. Vi har gjennom annonse i Sogn Avis, heimesida og brev til grunneigarar bedt om framlegg til namn på ny veg, og har fått to innspel, begge Blåbærstien. Vi har hatt som praksis å nytte lokale stadnamn som vegnamn, men tilgrensa gater har namn etter planter som veks i området. Innspel frå brannvesenet er at vi bør halde fram med botaniske-/ plantenamn på denne sida av feltet for å gjere det enklare å finne fram. Blåbær veks mange stader i og rundt Kaupanger, og vil vere ein naturleg plante å bruke i namnsetjinga. Mange av vegane i området har plantenamn + veg, men Lyngrabben, Tistelteigen og Røsslyngteigen er og vegar i området. Stien er den formen som vert brukt i daglegtale no til dags, men rettskriftleg er stigen riktig form på nynorsk. Framlegg på Blåbærstigen er oversendt stadnamntenesta på Vestlandet. Dei har ikkje merknader til føreslegne skrivemåten. Framlegget er og oversendt dei som soknar / kjem til å sokne til vegen med frist til 22.6.2010 med å kome med moglege merknader. Per dags dato er det kome inn to merknader, Tore Hovland, Skogen eigedom as og Malene Kvigne Bøe. Begge ønskjer at det vert skrive Blåbærstien, slik som i talemåte. Anna alternativ er å endre namnet til Blåbærvegen. Andre merknader som ev. kjem inn innan fristen vert lagt fram i møte. Med bakgrunn i merknader frå dei som soknar til vegen tilrår rådmannen at namn på ny veg er Blåbærvegen. Endringa må sendast til namnekonsulenten for merknader til skrivemåten før endeleg fastsetjing. Side 8 av 9
Sak 61/10 Sogndal. 15 juni 2010 Jostein Aanestad rådmann Side 9 av 9