Grip sjansen! Grip sjansen! Søknadsfrist: 15.mai Ta eit skuleår på Orknøyane Gratis opphald og reise Eit tilbod til deg som er elev på vg1 ved dei vidaregåande skulane i Hordaland. Skuleåret 2009/10 får to elevar frå Hordaland tilbod om eit skuleår på Orknøyane! Eit tilbod til elevane på vg 1 ved dei vidaregåande skulane i Hordaland. Skuleåret 2009/10 får to elevar frå Hordaland tilbod om eit skuleår på Orknøyane Kontakt rådgjevaren ved skulen din og få meir detaljerte www.hordaland.no
Vennskapssamband Hordaland - Orknøyane Vennskapssamband Hordaland - Orknøyane I 1983 skreiv Hordaland fylkeskommune og Orkney Islands Council under ein venskapsavtale og knytte såleis formelle og faste band seg imellom. Opptaket til venskapsavtalen vart i si tid gjort av Venskapsforeninga Norge - Orknøyane. Venskapsforeninga har saman med søsterorganisasjonen på Orknøyane, Orkney-Norway Friendship Association, stått for samkvem og samarbeid over Nordsjøen sidan 1978. Samkvemet har rot i dei historiske banda mellom Noreg og Orknøyane, som i norrøn tid var ein del av Noregsveldet. Venskapsavtalen har ført til auka kontakt over Nordsjøen, med særleg vekt på kultur- og utdanningsfeltet, m.a. ved årleg elevutveksling. Tekst: informasjonssjef Stanley Hauge Design: Kristin Myren Trykk: Trykkeriet, Hordaland fylkeskommune Ver obs på dette: Opphald og skulegang på Orknøyane er gratis. (Orkney Islands Council dekkar dette.) Reise tur/retur Hordaland - Orknøyane er gratis. (Hordaland fylkeskommune dekkar dette.) Du kan søkja om tilskot til heimreise til jul, men evt. andre heimreiser i skuleåret og lommepengar må du dekka sjølv.
Ynskjer to elevar frå Hordaland Ynskjer to elevar frå Hordaland Orknøyane - Hordaland sitt venskapsfylke - stiller også komande skuleår to elevplassar til disposisjon for ungdom frå Hordaland. Dei to elevane vil få plass ved den eine av dei to vidaregåande skulane på Orknøyane. FRITT OPPHALD OG FRI REISE Dei to hordalendingane som vert uttekne, vil få fritt opphald og skulegang på Orknøyane og fri reise tur/retur Hordaland. Men obs, du må sjølv halda deg med lommepengar, og dekkja evt. heimreiser i skuleåret. Godkjenning av utdanninga frå Orknøyane som likeverdig med eit skuleår i Noreg. Elevar som fullfører og består eit skuleår ved Kirkwall Grammer School eller Stromness Academy kan etter nærare retningsliner frå departementet søkja skulen om å få utdanning frå Orknøyane godkjend som del av vidaregåande opplæring i Noreg. Informasjonsmøte Dei to elevane som vert tekne ut, vil saman med føresette verta inviterte til eit informasjonsmøte i juni. Der vil dei m.a. få møta dei to utvekslingselevane som har vore på Orknøyane det noverande skuleåret. Søknadsprosedyre, frist m.m. - sjå siste side. Elevutveksling Utveksling av elevar er ein del av venskapssambandet mellom Hordaland og Orknøyane. Sidan skuleåret 1991/92 har det kvart år vore utvekslingselevar frå Hordaland på Orknøyane. Kvart år får to elevar frå Orknøyane tilbod om plass i Hordaland, og to hordalendingar får dra til Orknøyane. På Orknøyane er det sterkt ynskje at det også komande skuleår må koma elevar frå Hordaland. Så ta imot utfordringa, hordalendingar! Vi kan lova dykk eit interessant og lærerikt år i eit samfunn som er svært gjestfritt - ikkje minst overfor hordalendingar.
Kort om Orknøyane Kort om Orknøyane Orknøyane er ein del av Storbritannia. Øyane ligg omlag to mil nord for Skottland. 67 øyar, 100 om vi tek med holmar og skjer, utgjer øygruppa Orknøyane. Det bur folk på 16 av øyane. Øygruppa vert gjerne delt i tre, The Northern Isles - nordøyane, the Southern Isles - sørøyane og Mainland - hovudøya. Samla flatevidde for heile øygruppa er 975 km2. Folketalet er kring 20 900, av dei bur omlag 6 800 i hovudstaden Kirkwall. Den nest største byen er Stromness med ca. 2 300 innbyggjarar. To tredjedelar av folket bur på Mainland. Hovudinntrykket av Orknøyane er at det er eit mjukt og bølgjande landsskap som minner mykje om Danmark. Men øyane har også høge og steile klipper ut mot Atlanterhavet. Samband til Orknøyane Frå Bergen til Orknøyane er det flysamband via Skottland (Aberdeen) og båtsamband via Shetland i sommarsesongen. FYLKESBIBLIOTEKET HAR MEIR INFORMASJON Hordaland fylkesbibliotek, 5020 Bergen - tlf. 55 23 93 76, Agnes Mowinckels gt. 5 - har tilgjengeleg meir materiell om Orknøyane. Så dersom du ynskjer å vita meir om Orknøyane enn det som går fram av det materiellet skulen din har tilgjengeleg, så kontakt fylkesbiblioteket direkte. Nyttige nettstader: www.orkney.gov.uk www.visitorkney.com/ www.orcadian.co.uk/ www.orkney.org/ www.orknet.co.uk/ www.orkneytoday.co.uk www.kgs.orkney.sch.uk/ www.stromsnessacademy.orkney.sch.uk
Utdanningstilbod på Orknøyane Utdanningstilbod på Orknøyane På Orknøyane vert utdanning som tilsvarar vår vidaregåande skule, hovudsakleg gjeven ved to skular - Kirkwall Grammar School og Stromness Academy - som begge ligg på Mainland, hovudøya i øygruppa. Desse to skulane står for utdanninga for aldersgruppa 12-18 år, og til ein viss grad også for eldre elevar. Men utdanning til aldersgruppa 12-16 år vert også gjeven på skular på fire andre øyar. Ved Kirkwall Grammar School er det 800 elevar i alderen 12-18 år og ved Stromness Academy 400. Ved begge skulane er det i tillegg ein del vaksne som studerer. KVAR LIGG SKULANE? Kirkwall Grammar School ligg i hovudstaden Kirkwall (6 800 innbyggjarar) nordaust på Mainland. Stromness Academy ligg i Stromness (2 300 innbyggjarar) på sørvestsida av Mainland. Elevar frå landområda på Mainland vert frakta til og frå skulen med buss. Elevar som er frå dei kringliggjande øyane, bur på hyblar. Ved Kirkwall Grammar School er det internat, Papdale Halls of Residence, like ved skulen. SOLID STANDARD Det skotske skulesystemet gjeld på Orknøyane, med lokale tilpasningar. Lokal styresmakt på Orknøyane er Orkney Islands Council (OIC), som har ansvaret både for grunnskule og vidaregåande utdanning. Kirkwall Grammar School og Stromness Academy har begge studietilbod både i studiespesialiserande og yrkesfaglege studieretningar. Begge skulane har ord på seg for solid fagleg standard.
Fagtilbod Fagtilbod ved Kirkwall Grammar School og Stromness Academy Elevar som går nest siste året ved Kirkwall Grammar School og Stromness Academy, kan normalt velja mellom desse faga: engelsk matematikk fransk kosthaldslære tresløyd metallsløyd husflid og formgjeving historie geografi økonomi og administrasjon samfunnslære kjemi grafisk kommunikasjon teknisk teikning fysikk praktisk kontorarbeid biologi kunst sjøfartsfag musikk tysk (berre ved Stromness Academy) I staden for desse faga, eller i tillegg til dei, er det mogleg å velja mellom ei rekkje andre kurs. I staden for eller i tillegg til dei nemnde faga kan elevane ta kurs som er lista opp for dei som går nest siste året, eller dei kan ta byrjarkurs i: Tysk, latin, spansk, italiensk, rekneskapslære, statistikk, tresløyd, metallsløyd, historie, samfunnslære, ingeniørfag, kunst, musikk, geografi, økonomi, praktisk kontorfag. Som denne korte opplistinga viser, er det mange alternativ å velja mellom. I samarbeid med skulen du får plass ved på Orknøyane vil du kunna setja saman eit fagutval som høver for deg. SKULEÅRET Skuleåret startar ca. 20. august og varer til slutten av juni, i alt 190 skuledagar.
ved Kirkwall GrammarSchool og Stromness Academy MANGE UTANOMFAGLEGE TILBOD Ved skulane på Orknøyane vert det kvart år gjennomført ei rekkje aktivitetar som ikkje er knytta direkte til skulefaga. Kirkwall Grammar School og Stromness Academy har m.a. desse tilboda: friidrett turn symjing sigling kano kor ekskursjonar på Orknøyane til Storbritannia til utlandet ekstratimar i skulefag orkester skuleavis data sjakk debattar bibelgruppe skuleteater hobbyaktivitetar ulike innandørs og utandørs aktivitetar SPORTSAKTIVITETAR Idrettsaktivitetar er det rikt høve til å driva ved begge skulane: Tilbod ved Kirkwall Grammar School: fotball rugby basketball badminton volleyball hockey innandørs hockey kano friidrett innandørs fotball symjing golf livberging tennis trampoline bordtennis squash handball undervasshockey Ved Stromness Academy: symjing vasspolo kano basketball volleyball badminton hockey fotball rugby turn dans bordtennis terrengløp og gateløp squash friidrett vektløfting cricket sigling golf tennis pilkast
Slik søkjer du: Slik søkjer du: Søknadsfrist: 15. mai 2009 Kven kan søkja? Alle som dette skuleåret (2008/09) er elev på vg1 ved dei vidaregåande skulane i Hordaland, kan søkja. Elevar som avsluttar tre- eller fireårig utdanning, kan ikkje søkja. Kva skal søknaden innehalda? Skriv ein grunngjeven søknad om kvifor du kan tenkja deg å ta eit skuleår på Orknøyane. Ver nøye med å få med: namn adresse (også heimeadresse dersom du bur på hybel) kva skule du går på kva utdanning du har utover ungdomsskulen fødselsdato/år underskrift OBS: Vedlagt søknaden må det vera fråsegn frå skulen din. Dersom du er under 18 år må foreldre/føresette også skriva under på søknaden. Kvar skal søknaden sendast? Søknaden skal stilast og sendast til: Hordaland fylkeskommune Opplæringsavdelinga Postboks 7900 5020 BERGEN Når skjer uttaket av dei to elevane? Opplæringsavdelinga tek ut dei to elevane. Uttaket skjer i byrjinga av juni. Kontaktperson for fleire opplysningar: Opplæringsavdelinga Borgny Lilleøren/Tormod Valaker tormod.valaker@post.hfk.no borgny.lilleoren@post.hfk.no tlf. 55 23 92 30