SKODJE KOMMUNE Møteprotokoll Utval: KOMMUNESTYRET Møtestad: Rådhuset Møtedato: 24.09.2013 Tid: 17.00 Økonomisjefen orienterte om budsjettarbeid/budsjettprosess. Desse møtte: Fremskrittspartiet: Ordførar Terje Vadset, Kjell Arve Reiakvam, Frode Reiakvam (vararepr. for Terje Sortehaug), Jon Arne Torset (vararepr. for John Ola Røstad), Rune Misund (vararepr. for Erling Ostnes) Arbeiderpartiet: Renate Grande Skodje, Kjell Haukeberg, Tone Fylling, Bjørn André Stavset Senterpartiet: Modolf Hareide, Inge Øye (vararepr. for Elise Stette), Ragnhild Stette (vararepr. for Johan Honningdal), Linda Stavset Kristeleg Folkeparti: Gunnar Hauge, Reidun Holm Aure Venstre: Kari Grindvik, Ole Stokke (vararepr. for Rolf Stavset) Høgre: Torbjørn Skodjereite, Per Egil Håhjem (vararepr. for Torunn Mølsæter), Lidvar Giskeødegård, Leif Glomset 21 voterande. Til stades var òg rådmannen, ass. rådmann, økonomisjef, teknisk sjef, kommunalsjef helse og omsorg, kontor- og personalsjef og politisk sekretær, sistnemnde førte møteboka. Ingen hadde merknader til innkalling eller sakliste. Kjell Haukeberg og Reidun Holm Aure vart samrøystes valde til å skrive under møteprotokollen.
Grunngjevne spørsmål til ordføraren frå Gunnar Hauge (Kristeleg Folkeparti) Eg viser til referat frå drøftingsmøte 11.10.2011 mellom representantar frå Statens vegvesen og Skodje kommune. På saklista stod drøftingar om vegprosjekt i Skodje, der 3. sak var fv 656 Valle Glomset. I følgje referatet bed Skodje kommune om at Statens vegvesen tek stilling til strakstiltak frå Valle til Glomset, og viser til at kommunen har arbeidd for tiltak på vegen i mange år, men ikkje har lukkast med å få Statens vegvesen inn på konkrete trafikktryggingstiltak. Her er Glomsetbygda spesielt nemnt, og aktuelle tiltak som er tekne fram, er nedsett fartsgrense, skilting/skiltplan, lengdeavgrensing på lastebil og betre vedlikehald/strøing på den nedprioriterte fv 656. Eg viser også til brev av 22.12.2011 frå Skodje kommune til Vegvesenet. I brev av 20.02.2013 svarar Statens vegvesen, Region midt med å gjere greie for realistiske tiltak. Skodje kommune sine framlegg til tiltak blir ikkje komne i møte. Det einaste som kan tenkjast, er å endre skiltinga ved ferjekaia på Magerholm og ved krysset med E 39/E 136 på Valle med tanke på å vise gjennomgåande tungtrafikk til fv 60 og E 39. Til i dag er ingenting gjort frå Vegvesenet si side. Spørsmål: 1. Kva vil Skodje kommune no gjere på kort sikt for å oppnå ein trygg nok trafikksituasjon langs fylkesveg 656 gjennom Glomsetbygda? 2. Kva for sikringstiltak reknar kommunen med vil vere nødvendige? 3. Når reknar kommunen med at tiltak kan bli gjennomførte? Svar frå ordføraren på grunngjeve spørsmål frå Gunnar Hauge Viser til 3 spørsmål frå Gunnar Hauge vedr. dei trafikale forholda på strekninga Valle Glomset. Som kjent har ein i lang tid opplevd den nemnde strekninga som ei strekning med dårleg sikkerheit, og ein har såleis forsøkt og finne løysingar som i vesentleg grad kan auke sikkerheita, då spesielt med tanke på mjuke trafikantar. Spørsmål 1. På kort sikt kan eg som ordførar ikkje sjå for meg større utbetringa på vegen, slik at standarden her vert heva til eit høgare nivå. Eitt tiltak som eg som ordførar har teke opp med Statens vegvesen, er og stenge heile strekninga til Magerholm for gjennomgangstrafikk for vogntog. Dette ved og gjere noko så enkelt som og skilte vegen med redusert lengde, for eksempel 13,m meter som er maks busslengde. Dette har ikkje lukkast, men ein vil forsøkje med skilting. Sjå vedlagt brev frå Statens vegvesen Som ordførar har eg også teke dette opp med politiet, der dei kan vere ein medspelar i forhold til tiltak.. 2
Spørsmål 2. Slik eg ser det, vert denne strekninga ikkje fullgod for alle slags trafikantar, før vegen vert utbetra i vanleg breidde og med gangveg ved sida av. Spørsmål 3. I tidlegare møter med Statens vegvesen, har vi fått vite at der ikkje er avsett midlar til tiltak på heile strekninga, og dermed arbeider vegvesenet heller ikkje med detaljplanar. Det einaste tiltaket som er i sikte, er bygging av kullvert ved skulen på Valle, slik at kryssinga av vegen skal kunne skje utan risiko. For øvrig er det avtalt eit møte med Statens vegvesen den 5. november, og eg vil etter møtet orientere kva som generelt er på planstadiet i heile kommunen. SAKLISTE Sak nr. Arkivsak 35/13 13/586 GODKJENNING AV PROTOKOLL FRÅ MØTE I KOMMUNESTYRET 03.09.2013 36/13 13/9 TOTAL DRIFTSGJENNOMGANG 2013 37/13 13/539 TILDELINGSKONTOR OG RETNINGSLINER FOR TILDELING AV TENESTER INNAN HELSE OG OMSORG 38/13 07/257 MANDAT OG NY SAMANSETJING AV STYRINGSGRUPPA FOR FOLKEHELSE 39/13 12/265 ÅRIM - FORSKRIFT OM HUSHALDSAVFALL OG SLAM I ÅLESUNDSREGIONEN 40/13 12/555 GNR. 24 BNR. BNR. 117 - FRAMTIDIG BRUK AV SKODJE PRESTEGARD 41/13 07/203 INTERNASJONALT ARBEID I SKODJE KOMMUNE 3
Sak 35/13 GODKJENNING AV PROTOKOLL FRÅ MØTE I KOMMUNESTYRET 03.09.2013 Protokollen frå møte 03.09.2013 vert samrøystes godkjent. Sak 36/13 TOTAL DRIFTSGJENNOMGANG 2013 Desse hadde ordet i saka: Kari Grindvik, Modolf Hareide, Kjell Haukeberg, rådmannen. Rådmannens innstilling til vedtak vart vedteke med 19 mot 2 røyster. Kommunestyret ber rådmannen om å arbeide vidare med tiltaka i budsjettprosessen 2014 Målet er å levere eit realistisk budsjett med flest mogeleg av tiltaka innarbeidd. Sak 37/13 TILDELINGSKONTOR OG RETNINGSLINER FOR TILDELING AV TENESTER INNAN HELSE OG OMSORG Desse hadde ordet i saka: Gunnar Hauge, Terje Vadset. Gunnar Hauge sette fram framlegg om Ronald Longva som politisk medlem i arbeidsgruppa. Terje Vadset sette fram framlegg om Modolf Hareide som politisk medlem og leiar av arbeidsgruppa. Det vart røysta samla over dei to framlegga til medlemmer av arbeidsgruppa. Framlegga vart samrøystes vedtekne. Formannskapets innstilling, med tillegg av dei to vedtekne tilleggsframlegga, vart samrøystes vedteken. 1. Det vert i Skodje kommune oppretta koordinerande eining med tildelingsansvar og retningslinjer for tildeling av tenester innan helse- og omsorg. 2. Mandatet til dette arbeidet vert gitt til ei arbeidsgruppe beståande av: Modolf Hareide (politikar), leiar for arbeidsgruppa Ronald Longva (politikar) 4
Kommunalsjef helse- og omsorg, sekretær for arbeidsgruppa Einingsleiar for SOMS og HBO Einingsleiar for prestemarka Einingsleiar for helsetenester Tillitsvald Leiar for rådet for funksjonshemma 3. Mandatet til arbeidsgruppa: Koordinerande eining (KE) med tildelingsansvar Utgrei innhald av tenester, struktur, organisatorisk tilknyting, lokalisering og evt. utgifter til investering, og kva for bemanning og kompetanse som skal ligge i koordinerande eining. Utgrei eventuelle svakheiter ved slik organisering og korleis ein kan løyse desse. Retningslinjer for tildeling av tenester innan helse- og omsorg Utgrei retningslinjer for tildeling av tenester innan helse- og omsorg, og forslag til avtale mellom tenesteytar og tenestemottakar. Det skal takast spesielt omsyn til følgjande punkt: Lovkrav og kommunens utfordring i høve økonomi og eit framtidig helse- og omsorgstilbod. Utgrei eventuelle svakheiter ved slike retningslinjer og avtale, og korleis ein kan løyse desse. 4. Arbeidet vert lagt fram for politisk handsaming Sak 38/13 MANDAT OG NY SAMANSETJING AV STYRINGSGRUPPA FOR FOLKEHELSE Formannskapets innstilling til vedak vart samrøystes vedteke. Skodje kommunestyre vedtek å utvide Styringsgruppa for folkehelse med fleire representantar frå kommunen og frivilleg sektor. Mandatet er å følgje opp kommunen sitt folkehelsearbeid i tråd med God Helse-partnarskaps-avtalen. Gruppa skal vere eit bindeledd mellom administrasjon, politikk og frivillege lag, og skal fungere fram til 2016. Målet for gruppa er å styrke, synleggjere og vere ein aktiv pådrivar for folkehelsearbeid i kommunen. Ordninga skal evaluerast saman med eventuell inngåing av ny partnarskapsavtale. Skodje kommunestyre oppnemner slike medlemmer i Styringsgruppa for folkehelse: Johan Honningdal, politikar Lidvar Giskeødegård, politikar (Modolf Hareide vara for begge dei politisk oppnemde) Ragnhild Kaldhussæter, helseavdelinga Magne Fylling, kulturavdelinga Kristian Skålhavn, kommunalsjef Dagleg leiar ved Frisklivssentralen 5
Ein frå skule Ein frå barnehagesektoren To frå frivillege lag Rådmannen får mynde til å oppnemne representantar frå skule, barnehage og frivillege lag. Kommunestyret føreset at sektorane og laga det gjeld får medverke i val på representantar. Oppnemninga skal vere gjort innan utgangen av 2013. Leiar for gruppa: Lidvar Giskeødegård Nestleiar: Johan Honningdal Folkehelsekoordinator er sekretær for gruppa. Sak 39/13 ÅRIM - FORSKRIFT OM HUSHALDSAVFALL OG SLAM I ÅLESUNDSREGIONEN Formannskapets innstilling vart samrøystes vedteke. Kommunestyret i Skodje vedtek forskrift om hushaldsavfall og slam for Ålesundregionen til å gjelde for Skodje kommune frå og med 1. juli 2013. Sak 40/13 GNR. 24 BNR. BNR. 117 - FRAMTIDIG BRUK AV SKODJE PRESTEGARD Desse hadde ordet i saka: Terje Vadset, Modolf Hareide, Kari Grindvik og teknisk sjef. Terje Vadset viste til brev frå fylkeskonservatoren datert 24.09.2013, og sette fram framlegg om å utsetje saka. Framlegget vart samrøystes vedteke. Saka vert utsett. Sak 41/13 INTERNASJONALT ARBEID I SKODJE KOMMUNE Desse hadde ordet i saka: Modolf Hareide og Kari Grindvik. Formannskapets innstilling vart samrøystes vedteke. 6
Kommunestyret vedtek å søkje om tre nye år med deltaking i MIC-prosjektet finansiert av NORAD. For å sikre politisk involvering vert formannskapet oppnemnt som styringsgruppe for det internasjonale arbeidet. Rådmannen skal utarbeide sak om nyetablering av nord-sør gruppe med nytt mandat. Den internasjonale satsinga kan vidareutviklast i samarbeid med andre støtteorganisasjonar dersom dette vil bidra til auka involvering av sivilsamfunnet generelt og skulane spesielt. M Ø T E T S L U T T Terje Vadset ordførar Kjell Haukeberg Reidun Holm Aure Knut Berg politisk sekretær 7