Årsmelding og rekneskap 2011

Årsmelding og rekneskap 2011 1

Årsmelding og rekneskap 2011 1 2 11 12 14 28 31 Hovudtrekk i rekneskapen Årsmelding 2011 Resultatrekneskap Balanse Notar Kontantstraum Tillitsvalde 2 Framside: Lønahorgi Foto: S. Ulvund Trykk: Sentergrafisk Elveveien 130 3271 Larvik Utgjevar: Voss Sparebank Postboks 50 5701 Voss Opplag: 6200

Hovudtrekk i rekneskapen (morbank) - samfunnsengasjement i 169 år! Året 2011 vart eit nytt godt år for Voss Sparebank. Innteninga på den ordinære bankdrifta er god. Resultatet før skatt vart på 28,3 mill., 2,0 mill. kr betre enn budsjettert. Svært mange nye kundar valde sparebanken som banksamband i 2011 Stor innskotsvekst, 256,3 mill. (11,4 %) til 2,5 mrd. kr Utlån til kundar auka med 105,9 mill. (4,5 %) til 2,5 mrd. kr Forvaltningskapitalen auka med 270,0 mill. (9,7 %) til 3,1 mrd. kr Resultatet før skatt vart på 28,3 mill.kr. Rekneskapstala for dei to siste åra er vanskelege å samanlikna på grunn av mange eingongspostar. Det er avsett 8,9 mill. kr (9,2 mill. konsern) til skatt og 1,5 mill. kr til ålmennyttige gåver. Gjennom 2011 er det avsett og nytta til saman 2,8 mill. kr til gåver, sponsorstønad og støtteannonsering. Eigenkapitalen auka med 18,1 mill. til 517,8 mill. kr, noko som gjer Voss Sparebank til ein av dei mest solide bankane i landet. Konkurransedyktige vilkår - tilbod om gratis rekningsbetaling til alle. Me ynskjer å tilfredsstilla kundane sine krav til oss, yta god service og vera konkurransedyktige. Som lokalbank er me opptekne av langsiktig kundesamarbeid, basert på tillit, lojalitet og profesjonell rådgjeving. Resultat i millionar kr: 2011 2010 2009 2008 2007 Netto renteinntekter 70,9 64,0 66,4 75,7 63,2 Netto andre driftsinntekter 10,0 17,7 15,7 0,8 5,7 Sum driftsinntekter 80,9 81,7 82,1 76,5 69,0 Driftskostnader 47,4 32,5 40,0 37,8 31,3 Driftsresultat før tap og skatt 33,6 49,2 42,1 38,7 37,7 Nedskrivingar og tap på utlån 3,4 1,6 3,6 4,3 2,5 Tap/vinst verdipapir anleggsmidlar 1,9 0,04 0,1 0,0 1,7 Resultat ordinær drift 28,3 47,7 38,5 34,4 35,1 Skatt 8,9 14,6 11,3 10,6 9,9 Overskot 19,4 33,1 27,2 23,9 25,1 Resultat i prosent av gjennomsnittleg forvaltningskapital: 2011 2010 2009 2008 2007 Netto renteinntekter 2,43 2,37 2,58 3,22 2,97 Netto andre driftsinntekter 0,34 0,66 0,61 0,03 0,20 Sum driftsinntekter 2,77 3,03 3,19 3,25 3,17 Driftskostnader 1,62 1,20 1,88 1,61 1,47 Driftsresultat før tap og skatt 1,15 1,83 1,63 1,65 1,77 Nedskrivingar og tap på utlån 0,12 0,06 0,14 0,18 0,12 Tap/vinst verdipapir anleggsmidlar 0,06 0,00 0,00 0,00 0,06 Resultat ordinær drift 0,97 1,77 1,49 1,46 1,64 Skatt 0,31 0,54 0,44 0,45 0,47 Overskot 0,66 1,23 1,05 1,01 1,18 3 Nøkkeltal: 2011 2010 2009 2008 2007 Forvaltningskapital 3.057,9 2.787,1 2.629,8 2.487,8 2.202,1 Brutto utlån til kundar 2.475,3 2.369,4 2.178,6 2.037,1 1.716,7 Innskot frå kundar 2.511,9 2.255,7 2.120,4 2.002,4 1.743,6 Eigenkapital 517,8 499,7 468,8 443,6 421,2 Eigenkapitalprosent 16,9 17,9 17,8 17,8 19,1 Eigenkapitaldekning 28,0 28,2 26,5 28,4 28,2 Årsverk 30,4 30,2 31,7 31,8 31,3 Kostnader i % av inntekter 58,5 39,6 48,7 49,3 45,3

Årsmelding 2011-169. rekneskapsår 4 BANKÅRET 2011 - RAMMEVILKÅR OG DRIFT Voss Sparebank har hatt eit nytt godt år i 2011, med uvanleg stor auke både i nye kundar og i innskot. Resultatet vart dermed tilfredsstillande. Den sterke innskotsveksten medførte at forvaltningskapitalen auka mykje og runda for første gong i historia tre milliardar. Medan den siste milliarden er komen på berre 5 år, vart dei to første milliardane opparbeidde frå 1843 til 2004. Stor tillit hjå kundane gjer at Voss Sparebank finansierer alle utlåna ved hjelp av innskot og eigenkapital. Banken slepp dermed å låna inn pengar frå interbankmarknaden. Resultatet for 2011 er litt betre enn budsjettert, men vesentleg lågare enn for 2010, som var eit uvanleg godt år grunna fleire ekstraordinære forhold. Som for tidlegare år, er det rekneskapstala for morbanken som er kommenterte i årsmeldinga. I tillegg har ein i år teke med enkelte vesentlege tal frå konsernrekneskapen, som omfattar Voss Sparebank (mor) og dotterselskapa Voss Invest A/S (100 %), Taubane Service A/S (95,3 %) og Voss Sparebank Eigedom AS (100 %). Voss Kjøttindustri AS (66,7 %) er ikkje konsolidert inn i rekneskapen sidan verksemda er svært ulik banken si eiga verksemd. Note 4 c. I samsvar med rekneskapslova stadfestar styret at grunnlaget for vidare drift er til stades. Rekneskapen er sett opp under denne føresetnaden. Etter styret si meining gjev årsrekneskapen og årsmeldinga rett oversikt over banken sine eignelutar og gjeld, finansiell stilling og resultat. SAMFUNNSØKONOMISKE FORHOLD Usikker økonomisk utvikling framover i euroområdet? Verdsøkonomien vert framleis prega av stor usikkerheit som fylgje av gjedskrisa i Europa. Framover vert det forventa låg vekst i euroområdet, og risikoen for ein djup resesjon har auka den siste tida. Fleire euroland har svært høg gjeld og må stramma kraftig inn utgiftene i den offentlege sektor, samstundes som landa har høg arbeidsløyse. Resultatet er enno høgare arbeidsløyse og ytterlegare redusert kjøpekraft. Dersom gjeldskrisa eskalerer og fører til ytterlegare nedsmelting i finansmarknadene, med stans i internasjonale penge- og kredittmarknader, vil verdsøkonomien kunna verta ført inn i ein større økonomisk nedgangsperiode. På den andre sida har det kome mange positive økonomiske meldingar frå USA den siste tida, som kan medføra sterkare oppgang der enn forventa. Aktiviteten i norsk økonomi har teke seg vidare opp i 2011 og BNP for fastlands-noreg auka samla sett med om lag 2,5 prosent, driven av låg rente, høg aktivitet i oljenæringa og stor folkeauke. Arbeidsløysa er på berre litt over 3 prosent, som er eit svært lågt nivå både i eit historisk og i eit internasjonalt perspektiv. Det er likevel teikn på at den svake veksten internasjonalt no råkar norsk økonomi. Mellom anna opplever eksportretta industri svak etterspurnad frå utlandet og fallande prisar. På den andre sida er aktiviteten i verksemder, som leverer til oljenæringa og innan bygg og anlegg, framleis høg. Samstundes har det private forbruket utvikla seg svakt den siste tida, til trass for god inntektsvekst for hushaldningane. Medan mange av eurolanda strevar med kraftige etterdønningar etter finanskrisa i 2008, kan hushaldningar og næringsliv i vårt område oppleva økonomisk stabilitet og i mange tilfelle også vekst. Innan mange område har Vestlandet og kanskje spesielt Voss hatt det annleis enn store deler av landet gjennom både 2010 og 2011. Aktiviteten i næringslivet på Voss har vore rimeleg god gjennom året. Gledeleg er det å registrera at reiselivsnæringa, som betyr mykje for sysselsetjinga på Voss, synest å ha hatt eit godt år. Temperaturen i bustadmarknaden vår er framleis høg og har halde fram å auka i 2011. Etterspurnaden er vesentleg høgare enn tilbodet i marknaden. Prisutviklinga vert påverka av låg rente, låg arbeidsløyse på Voss og god kjøpekraft. 2011 vart eit dårleg år for Oslo Børs, som har vore prega av dei svakare vekstutsiktene og nervøse investorar. Hovudindeksen gjekk ned med 12,5 prosent. Eurokrise og låg rente framover Noregs Bank har eit mål om ein årleg vekst i konsumprisane over tid på nær 2,5 prosent. Konsumprisveksten fall markert i 2010 og heldt seg på eit lågt nivå gjennom fjoråret. Låg prisvekst internasjonalt bidrog, saman med sterk krone, til fallande importprisar, samstundes som det var svært låg prisvekst på innanlandske produserte varer og tenester. Den underliggjande prisveksten, målt ved KPIXE (korrigert for avgiftsendringar og utan mellombelse endringar i energiprisar), har variert mellom 0,8 og 1,6 prosent det siste året og var i november på 1,0 prosent. I takt med oppgangen i økonomien, vart styringsrenta (foliorenta) i Noregs Bank heva med til saman 1 prosentpoeng frå slutten av 2009 og fram til mai 2011. Som fylgje av finansuro, auka risikopåslag og svakare utsikter for internasjonal økonomi, kutta Noregs Bank styringsrenta i desember med 0,5 prosentpoeng til 1,75 prosent. Kronekursen svekka seg under finanskrisa, men har i ettertid styrkt seg på nytt og er no på eit høgt nivå. Ein høg kronekurs reduserer norsk konkurransekraft og gjer det vanskelegare for norske verksemder å selja varer til utlandet. Ein særnorsk renteoppgang kan gje sterkare krone. Renteendringar i Noreg er difor i stor grad avhengig av rentenivået hjå handelspartnarane våre. Renteendringane til Noregs Bank påverkar indirekte og vanlegvis marknadsrentene både for innskot og utlån. I 2011 auka Noregs Bank styringssrenta med 0,25 prosentpoeng i mai månad og reduserte renta med 0,5 prosentpoeng i desember. Voss Sparebank skal ha konkurransedyktige renter og auka difor rentene for både lån og innskot ein gong i rekneskapsåret. For å gje eit enno betre tilbod til ungdom med bustadsparing, vart BSU-renta auka ytterlegare mot slutten av året.

STRUKTURELLE ENDRINGAR I SPAREBANKMARKNADEN Med verknad frå 01.11.2011 gjekk Rygge-Våler Sparebank og Halden Sparebank saman. Frå same dato fusjonerte Sparebanken Hardanger med Sparebanken Vest. Det er no att 112 sjølvstendige sparebankar i Noreg. På slutten av 60-talet var det meir enn 600 sparebankar i landet. NYE RETNINGSLINJER FRÅ FINANSTILSYNET OM LÅN TIL BUSTAD Finanstilsynet sende 1. desember ut skriv med nye retningslinjer for forsvarleg praksis ved lån til bustad. Dei nye retningslinjene er vesentleg strengare enn dei gamle på fleire punkt. Bustadlån skal no ikkje overstiga 85 prosent av verdien utan tilleggstrygd. Tidlegare var grensa på 90 prosent. I tillegg skal alle låntakarane makta ein renteoppgang på 5 prosent. Dette vil truleg vera ei innstramming som kjem til å visa att på bustad-omsetnaden. Me trur bankane sjølve er dei beste til å kredittvurdera kundane sine. Betalingsevna er i så måte viktig, medan trygda er andrelinjeforsvaret. Sjølv under bankkrisa og bustadprisfallet tidleg på 90-talet, var bustadtapa i bankane små, og så godt som fråverande i Voss Sparebank. STILLINGA TIL VOSS SPAREBANK I 2011 Voss Sparebank har lang tradisjon for samarbeid, gjerne på tvers av storleik og etablerte alliansar. Nettopp dette trur me er av stor verdi og svært avgjerande for å kunna tilby kundane gode og framtidsretta produkt, veksa og utvikla oss som ein sjølvstendig og god lokalbank. Så langt ein kan sjå inn i framtida, har Voss Sparebank alle ressursane som trengst for å fylla denne rolla. Totalrenovert eigedom i Vangsgata 18 satsing på Vossestrand fleire tilbod til kundane Etter fleire år med planlegging og byggearbeid, vart ei etterlengta renovering og utviding av bygget i Vangsgata 18 ferdigstilt våren 2011. Sundag 22. mai var det ope hus for dei som ville sjå seg om i lokala. Svært mange nytta seg av tilbodet og 3-400 var innom banken denne ettermiddagen. Måndag 23. mai opna banken dørene for ordinær drift. Det 79 år gamle bankbygget har gjennomgått ei stor forvandling. Gjennom føringar i arkitektkonkurransen, har banken teke godt vare på det historiske bygget i Vangsgata, samstundes som me har fått funksjonelle og framtidsretta lokale både for kundar og tilsette. Fasaden på gamlebygget er i stor grad som før, men innvendig er alt nytt med unnatak av den gamle forstandarskapsalen som er teken vare på. Miljø og energi-økonomisering er lagt vekt på ved ombygginga. I det nye inngangspartiet har me auka tilboda til kundane. Her kan ein, ved bruk av automatar, setja inn og ta ut både setlar og mynt. Tenestene er tilgjengelege langt ut over opningstida til banken og heile døgeret for næringskundar. Etter ein del tekniske utfordringar i starten, fungerer maskinparken no som tenkt og tilbakemeldingane frå kundane er positive. Me har dermed nådd målsetjinga om å ta vare på sjela i gamlebanken, samstundes som me skulle få eit moderne bankbygg, med dei tilboda kundane forventar i ein bank i dag. Gledeleg er det å konstatera at dei budsjetterte kostnadene ser ut til å halda. Me er no i sluttfasen, men manglar nokre få tilleggsrekningar. Eigar av bygget er Voss Sparebank Eigedom AS. I 2011 er det brukt mykje tid og kostnader på oppgradering av datasystemet og tilpassing til plattforma som De Samarbeidende Sparebanker (DSS) nyttar. DSS vart etablert som eit samarbeidsprosjekt av i alt 9 sparebankar frå Tingvoll og Luster i nord, via Haugesund, Etne, Sauda og Skudenes & Aakra i vest til Flekkefjord, Søgne & Greipstad og Lillesand i sør. I 2009 valde 2 av bankane (Sauda og Tingvoll) å fusjonera med større bankar. Voss Sparebank tok formelt del i samarbeidet frå 1. januar 2011. Dette vart gjort for å sikra forhandlingskraft og akseptable prisar frå underleverandørar, spesielt frå leverandørar av IT. 5 På vårparten vart logoen og den visuelle profilen til Voss Sparebank fornya. Den nye profilen er bygt på omgrepa enkel, fleksibel, tradisjonell/moderne og lokal. Desse omgrepa skal gjenspegla banken og oppgåvene til banken, like eins som bruken av logoen og tilhøyrande visuell profil. Ser ein på omgrepet tradisjon/moderne, vil dette sei at det er viktig at banken si 169 år lange historie vert gjenspegla i eit moderne utrykk. I omgrepet lokal skal profilen gjenspegla banken si rolle i bygda som finansinstitusjon og som samfunnsengasjert støttespelar. Me er viss på at den nye profilen høver inn i banken si satsing på framtida, der kundane står i fokus og banken tilbyr gode tenester og god service. Arbeidet med logo og profil er utført av Per Finne. Banken er godt nøgd med samarbeidet og er spesielt glad for at denne kompetansen og kreativiteten er å finna på Voss.

6 Samstundes som me opna nyebanken i Vangsgata, vart filialen i Uttrågata lagt ned. Nokre kundar saknar nærbanken sin, men alt no har dei aller fleste funne seg godt til rette med, og i stor grad teke i bruk automatiserte tenester i nyebanken. På Vossestrand satsar banken vidare og aukar tilbodet på rådgjeving og sal av sparing og forsikring. Me håpar grendafolket vil nytta seg av tenestene og syna at dei har bruk for bankkontoret. Medan kundane sjølve utfører meir av kontanthandteringa enn før, via nettbank, mobilbank, innskotsmaskiner og kortbruk, har banken satsa meir og meir på rådgjeving og kundekontakt. Siste åra har difor mange tilsette auka kompetansen på ulike område, og 13 tilsette er autoriserte som finansielle rådgjevarar. Det er viktig at kundane møter kompetente rådgjevarar, og ikkje minst serviceinnstilte personar når ein er innom, eller kontaktar banken på annan måte. Frende Forsikring AS - Frende Holding AS Frende Forsikring har no lagt 3 heile driftsår bak seg. Voss Sparebank har ein eigardel på 0,8 % i holdingselskapet som står bak Frende Livsforsikring AS og Frende Skadeforsikring AS. Frende er eigd av 14 sparebankar og har hovudkontor i Bergen. Bankane bak Frende Forsikring er Sparebanken Vest, Fana Sparebank, Sparebanken Øst, Helgeland Sparebank, Sparebanken Sør, Spareskillingsbanken i Kristiansand og alle DSS-bankane. Etter kvart har Frende etablert seg godt og er det selskapet som prosentvis veks mest innanfor den norske forsikringsmarknaden. Sjølv om veksten i forsikringssalet vårt var litt svakare i byggeperioden, har oppslutnaden om Frende sine produkt vore over all forventning både hjå kundane våre og bygdefolket elles. Det tolkar me som signal på at etableringa av eige forsikringsselskap på Vestlandet var rett. Me vurderer det som føremålstenleg å selja produkta til eit selskap me er medeigar i og har styringsrett med gjennom eigarskap. På den måten kan me påverka og sikra kundane våre gode og konkurransedyktige produkt. Eit moment i denne samanhengen er at selskapet er heimehøyrande på Vestlandet og ikkje i Oslo, samstundes som verdiane ein byggjer opp i selskapet vert liggjande att hjå eigarbankane. Norne Securities AS Eigarbankane i Frende Holding AS eig selskapet Norne Eierselskap AS, som saman med Fondsfinans AS eig Norne Securities AS, som er einaste fullskala verdipapirføretak med hovudkontor i Bergen. Etter aksjeemisjon i 2012, eig Voss Sparebank 2,1 % av Norne Eierselskap AS. Selskapet starta kjøp og sal av verdipapir over internett i februar 2009, og har meklarbord som tek seg av dei som ynskjer direkte samtalar. Gjennom nettbanken får kundane lettfatteleg og god informasjon, samstundes som det er enkelt å gjennomføra både kjøp og sal av verdipapir. På denne måten er Voss Sparebank med å tilføra meirverdiar til dei som ynskjer å satsa på andre område enn bankinnskot. Uroa i finansmarknadene i 2011 og aukande aksjehandel av datamaskiner, har medført utfordringar for mange verdipapirføretak. Norne er ikkje noko unnatak og må gjennom strukturelle grep tilpassa kostnadsbasen til dei nye marknadsutsiktene. Eiendomskreditt AS og Kredittforeningen for Sparebanker AS Voss Sparebank eig 6,9 % av Eiendomskreditt AS, som held til i Bergen. Selskapet tilbyr bustad- og næringslån, både fast og flytande rente. Kredittforeningen for Sparebanker (KFS) er ein finansinstitusjon som vart etablert i 2004 av Eiendomskreditt AS og 49 sparebanker. Voss Sparebank eig 3,7 % av KFS, som har som føremål å yta mellomlange og langsiktige lån til sparebankar. Gjennom verksemda skal kredittforeininga redusera likviditets- og refinansieringsrisikoen til bankane og samstundes skaffa dei rimelegare innlån. KfS hadde ved siste årsskifte 76 bankar som låntakarar. Brage Finans AS Siste selskapet ut i Frende-familien er Brage Finans. Selskapet vart etablert og sett i drift frå 1. oktober 2010. Voss Sparebank eig 2,0 % av selskapet saman med 9 andre bankar. Hovudproduktet til Brage Finans er leasing for næringskundar. Som ein del av finansieringsløysingane, er også forsikring eit tilbod til kundane. Produktet leasing har vore etterlengta i produktspekteret til banken, og gjer at Voss Sparebank kan tilby produkt på linje med langt større bankar. Voss Kjøttindustri AS Som lokalbank for Voss, er utvikling av næringsliv og arbeidsplassar viktig for Voss Sparebank. Det var håpet om å redda arbeidsplassane som var avgjerande for banken tidleg i 2010 overtok som hovudaksjonær i Voss Kjøttindustri AS. Saman med nytt styre, vonar ein på positivt resultat i løpet av 2-3 år. Strategien er å redda selskapet og arbeidsplassane, deretter syta for god stabil drift over tid. Når det er på plass, startar vurderingane om sal av aksjane. Banken eig 66,7 % av selskapet, deriblant alle A-aksjane med stemmerett. EDB Ergo Group AS EDB Ergo Group er i kroner den største samarbeidspartnaren til banken. Selskapet er leverandør av IKT-systema våre. Som Nordens største leverandør av IKT innanfor bank og forsikring, er banken sikra topp moderne dataløysingar innan alle felt. Kundane til banken får gjennom denne avtalen samla bank, spareprodukt og forsikring i ein nettbankavtale. IKT er ein stor kostnadspost, men gode og framtidsretta IT-løysingar er avgjerande for effektiv drift. MARKNADS- OG VOLUMUTVIKLING I 2011 Som lokalbank er utviklinga til Voss Sparebank nær knytt til både dei økonomiske tilhøva i kommunen og den generelle økonomiske utviklinga i landet. Dei realøkonomiske verknadene av eurokrisa har me merka lite til på Voss, som er primærmarknaden til Voss Sparebank. I 2011 har folketalet i Voss kommune auka med 21 personar til 13.978. Styret i Voss Sparebank er godt nøgd med marknadsutviklinga i 2011. I ein stadig meir konkurranseprega bankmarknad er det spesielt gledeleg at me opplever stor kundetilstrøyming og svært god innskotsvekst. Forvaltningskapitalen var ved utgangen av året på 3.057,9 mill. kr, etter ein auke på 270 mill. (9,7 %). Innskot frå kundane auka med 256,3 mill. (11,4 %) til 2.511,9 mill. kr. Innskotsveksten frå personkundane var på 138 mill. kr (8,2 %) og næring på 121 mill. kr (20,9 %). Innskota frå offentleg sektor fekk ein mindre auke. Innskotsveksten frå næringslivet har vore stor, men veksten vert

også påverka av dei mange kundane som har flytta til banken i løpet av året. Det er heller ikkje unaturleg å tru at fleire hushaldingar vel å redusera forbruket og spara litt pengar i ei tid med usikker økonomisk situasjon i Europa. Ungdom og andre, som flyttar frå Voss, vel som oftast å oppretthalda kundeforholdet til lokalbanken sin. Brutto utlån auka med 105,9 mill. (4,5 %) til 2.475,3 mill. kr. Utlånsveksten til personkundar var på 115,6 mill. kr (6,7 %), medan utlån til næringslivet fekk ein mindre reduksjon. Av utlånsvolumet utgjer lån til personkundar 74,5 % og lån til næring og det offentlege 25,5 %. Utlån til dotterselskapa vert utlikna i konsernrekneskapen. Sjå elles note 2 og 4c. Styret er svært glad for den gode oppslutnaden om banken frå innskytarane, noko som gjer at ein framleis finansierer alle utlåna ved hjelp av innskot og opparbeidd eigenkapital. Forvaltningskapital 3100 2800 2500 2200 1900 1600 1300 1000 2007 2008 2009 2010 2011 DRIFTSRESULTAT 2900 Innteninga på den ordinære bankdrifta har vore god også i 2011. Resultatet før skatt vart på 28,3 mill., som er 2,0 mill. kr betre enn budsjettert. Resultatet utgjer 0,97 % av gjennomsnittleg forvaltningskapital. Resultatet er likevel vesentleg lågare enn for året før. Medan tala for 2010 vart påverka positivt av fleire eingongspostar, mellom anna tilbakeføring av tidlegare avsetjingar til AFP på 6,6 mill. og salet av bankbygget til nytt eigedomsselskap på 6,7 mill. kroner, har ein i 2011 hatt store kostnader som fylgje av rehabiliteringa av Vangsgata 18 og leige av lokale, leige av ekstra datalinjer, nytt inventar og nye maskiner, skifte av logo/profil og oppgradering av datautstyr og program. Etter avsetjing av skatt på 8,9 mill., vart overskotet på 19,4 mill. kr og svarar til 0,66 % av gjennomsnittleg forvaltningskapital. Det er 1,6 mill. kr betre enn budsjettert. Innskot 2400 1900 1400 900 400 2007 2008 2009 2010 2011 Netto rente- og provisjonsinntekter (nettorenta) auka med 6,9 mill. til 70,9 mill. kr, som er 3,9 mill. kr over budsjettet. Målt i prosent av gjennomsnittleg forvaltningskapital gjekk nettorenta opp frå 2,37 til 2,43 %. I 2011 var bankane fritekne for avgiftsinnbetaling til Bankenes sikringsfond. Netto andre driftsinntekter kom på 10,0 mill., som er 1,8 mill. kr over budsjettet. Reduksjonen frå året før kjem av sal av eigedom og vinst på verdipapir i 2010 på til saman 9,3 mill. kr. Medan andre driftskostnader i 2010 viste ein stor nedgang på grunn av tilbakeføring av tidlegare AFP-kostnader, auka kostnadene i 2011 mykje og kom på 47,4 mill., som er 3,1 mill. kr over budsjettet. Kostnadsoverskridinga, i høve til budsjettet, kjem hovudsakleg av 1,3 mill. kr i større husleigeutgifter og 2,3 mill. kr i større avskrivingar. Dette som fylgje av oppgradering av dataprogram og utstyr og større investeringar i maskiner og inventar. Utlån 2.500,0 2.000,0 1.500,0 1.000,0 500,0-29 28 2007 2008 2009 2010 2011 7 Banken betalar no husleige til dotterselskapet Voss Sparebank Eigedom AS. Vurdert ved årsskiftet, reknar styret med at kostnadene til neste år vil gå noko ned, og på litt lengre sikt reknar ein med lågare avskrivingar på aktiverte IT-kostnader, maskiner og inventar. Sum driftskostnader for 2011 vart såleis på 1,62 % av gjennomsnittleg forvaltningskapital, mot 1,20 % i fjor. I prosent av samla inntekter utgjorde kostnadene 58,5 %. Voss Sparebank har gjennom mange år hatt låge kostnader samanlikna med andre bankar. Kapitaldekning 27 26 25 24 23 22 21 20 Målet er å få kostnadene på nytt under 50 % av inntektene. I løpet av året er det konstatert tap på tidlegare nedskrive næringslån på til saman 1,4 mill. kr, og det er inntektsført 0,3 mill. kr på tidlegare 2007 2009 2011

8 konstaterte tap. Banken har ikkje konstaterte tap på personlån i rekneskapsåret. I rekneskapen for 2011 er det netto avsett 3,4 mill. kr til å møta tap på utlån. Note 2 h. Styret er nøgd med resultatet og balanseutviklinga i 2011. Det er kjekt å registrera god oppslutnad om banken frå lokalsamfunnet. Den vanlege bankdrifta går tilfredsstillande, og banken maktar å tilby kundane gode og konkurransedyktige vilkår. Voss Sparebank finansierer alle utlån med innskot frå kundar og eigenkapital, og har difor ikkje merka utfordringana enkelte bankar har hatt ved opptak av nye, eller refinansiering av lån, i pengemarknaden. Styret rår til at overskotet for 2011 vert nytta slik: Overført til gåver kr 1.300.000,- Overført til gåvefondet kr 200.000,- Overført til fond for vurderingsskilnader kr 797.951,- Overført til sparebankfondet kr 17.052.004,- Disponert til saman kr 19.349.955,- SOLIDITET - EIGENKAPITAL OG KAPITALDEKNING Eigenkapitalen og gåvefondet til banken er i år tilført 18,1 mill. og utgjer til saman 517,8 mill. kr. Gåvefondet er på 7,0 mill. kr. Eigenkapitalen utgjer 16,9 % av totalkapitalen (forvaltningskapitalen), mot 17.9 % i fjor. Den risikovekta eigenkapitalen (kapitaldekninga) er på 28,0 % mot 28,2 % året før. Denne utrekninga er gjort i samsvar med Finanstilsynet sine reglar for risikovekting av balansepostane og teljande ansvarleg kapital. All ansvarleg kapital i Voss Sparebank er kjernekapital. Styresmaktene sitt minstekrav til risikovekta kapitaldekning for finansinstitusjonar er 8,0 %. Etter siste risikovurdering (ICAAP) av styret, med oppdaterte tal frå årsskiftet, treng Voss Sparebank 192,6 mill. kr i kapitaldekning, eller 11,2 %. Soliditeten til Voss Sparebank er særs god og gjer at banken ikkje har problem med å oppfylla krava i kapitalforskrifta. Note 6. Eigenkapital og risikoeksponering (ICAAP- BASEL II) Etter kapitalforskrifta skal alle bankar, uansett storleik, gjennomføra ei intern vurdering, med styrehandsaming av risikoprofil og kapitalbehov, minimum ein gong i året. Kravet til eigenkapital går i korte trekk ut på at banken skal ha ein forsvarleg eigenkapital sett i høve til den risikoen banken er utsett for. Ved sist vurdering, med oppdaterte tal per 31.12.11, kom styret fram til fylgjande behov for eigenkapital: Lovpålagt kapitalbehov på 8 % ( Basel II, Pilar 1) : Sjølvpålagt kapitalbehov (ICAAP-tillegg, Pilar 2) : Sum nødvendig kapital kr 146,3 mill kr 46,3 mill kr 192,6 mill Banken sin teljande ansvarlege kapital var på 513,1mill. kr. Voss Sparebank har såleis heile 320,5 mill. kr meir eigenkapital enn nødvendig kapital etter regelverket til styresmaktene. Utrekningane er gjort etter kapitalforskrifta. Standardmetoden er nytta for kredittrisiko og basismetoden for operasjonell risiko. Kapitalen er opparbeidd gjennom mange års nøktern og god drift, og gjer Voss Sparebank til ein av dei mest solide bankane i landet. Ved sist årsskifte vart Voss Sparebank kredittvurdert av DnB Markets til landets beste bank (A+). I høve til verksemda, omfanget og kompleksiteten til banken, er det styret si oppfatning at Voss Sparebank har tilfredsstillande risikostyring og føremålstenleg organisering. Risikoprofil Sjølv om verksemda til banken fører med seg ei rekkje risiki, vurderer styret den samla risikoeksponeringa til banken som låg. Styret har vedteke prinsipp for banken si risikostyring gjennom ulike styringsdokument. Risikotilhøva vert overvaka ved analysar av aktuelle risiki, med kvartalsvis rapportering til styret. ICAAP-analysane vert oppdaterte minst ein gong årleg, dekkjer alle vesentlege aktivitetsområde og er ein integrert del av banken sitt kvalitetssikringssystem. Dei typar risiki som vert vurderte som mest kritiske er kredittrisiko, marknadsrisiko, likviditetsrisiko og operasjonell risiko. Kredittrisiko Kredittrisiko er i hovudsak knytt til banken sin utlåns- og garantiportefølje og til verdipapirbehaldninga. Ein stor del av utlåna (74,5%) er gjevne til hushaldingar (lønstakarar), det meste mot pant i bustad. All historikk i banken viser svært lite tap på personlån. Lån til næringslivet medfører større kredittrisiko. Det er difor nedfelt i kredittpolicyen til banken at lån til næring skal ytast berre til verksemder i Voss kommune (primærmarknaden) og til verksemder lokaliserte i kommunar som soknar til primærmarknaden. Kredittrisiko knyter seg til betalingsevna til kundane og endringar i panteverdiar, og vil spesielt vera påverka av rentenivået, eigedomsprisar og konjunkturutvikling. Styring av kredittrisiko skjer ved hjelp av kredittpolicy, fullmaktsystem, risikoklassifisering og andre fastsette retningslinjer frå styret. I 2011 auka utlåna moderat, 105,9 mill. kr (4,5 %), samstundes som garantivolumet auka med 5,9 mill. til 47,0 mill. kr. Utlånsveksten til lønstakarane var på 115,6 mill. kr (6,7 %), medan lån til næringsliv fekk ein mindre reduksjon. Ved årsskiftet var 98 % av alle engasjementa risikoklassifiserte. 92,5 % av engasjementa er klassifiserte med låg eller moderat risiko for tap (ingen tapsrisiko), 6,4 % med ein viss fare for tap og 1,1% med stor tapsrisiko. Tilsvarande tal for året før var: 90,9 % med ingen tapsrisiko og 9,1 % med ein viss risiko for tap. Ingen av engasjementa var det året klassifiserte med stor tapsrisiko. Ved årsskiftet hadde banken to engasjement, i tillegg til vårt eige eigedomsselskap og Noregs Bank som vert rekna som store engasjement etter gjeldande regelverk. Eit engasjement er stort når det tilsvarer 10 % eller meir av eigenkapitalen til banken. Gjennom året er 1,4 mill. kr konstatert som tap på eitt næringsengasjement, samstundes som banken har fått inn 0,3 mill. kr på tidlegare konstaterte tap. Samla individuelle nedskrivingar av utlån er auka med 4,6 mill. til 12,9 mill. kr, samstundes som gruppe-nedskrivingane er reduserte med 3,2 mill. til 28,2 mill. kr. Netto nedskrivingar for tap på kreditt

er resultatført med 3,4 mill. kr. Samla utgjer nedskrivingane 1,7 % av brutto utlån og er uendra frå året før. Misleghaldne nærings- og personlån var på eit svært lågt nivå i 2011, 1,5 mill. og 3,8 mill. kr. Ved årsskiftet utgjorde tapsutsette, ikkje misleghaldne engasjement, 1,9 % av brutto utlån, og misleghaldne engasjement 0,2 %. Med utgangspunkt i risikoklassifiseringa og føretekne nedskrivingar av utlånsmassen, vurderer styret risikoen i personmarknaden som låg og i næringsmarknaden som moderat. Styret legg til grunn at fylgjene av eurokrisa kan medføra utfordringar for nokre få næringskundar med påfylgjande tapsrisiko for banken. Styret vurderer likevel nedskrivingane som tilstrekkelege til å dekka risikoen i porteføljen. Pårekneleg tapsprosent dei næraste åra vil vera mellom 0,1 % og 0,3 % av brutto utlån. Note 2. Overskotslikviditeten til banken vert plassert i Noregs Bank, obligasjonar, pengemarknadsfond og i korte utlån til bankar som er underlikvide. Uroa i finansmarknaden har gjort at banken dei siste åra har hatt mykje likvide midlar plasserte i Noregs Bank til svært låg rente. Ved årsskiftet var innskota i Noregs Bank på 219,5 mill. kr. Kortsiktige utlån til andre bankar er reduserte frå 49,8 mill. til 43,0 mill. kr. Obligasjonsporteføljen var ved utgangen av året på 274,8 mill. kr, som er ein auke på 60,3 mill. kr frå sist årsskifte. Av dette er 58,8 mill. kr obligasjonar med fortrinnsrett (OMF) til null i risikovekt og 74,9 mill. kr med 20 % som risikovekt. Note 3. Marknadsrisiko Marknadsrisiko kan beskrivast som risiki relaterte til rente-, valutaog kursrisiko. Det samla marknadsrisikonivået er vurdert som tapspotensialet for aksjar, renter og valuta. Renterisiko Renterisiko er eit resultat av at rentebindingstida for banken si aktiva- og passivaside (i og utanfor balansen) ikkje er samanfallande. Banken er berre i liten grad eksponert for renterisiko. Renterisikoen på obligasjonsporteføljen utgjorde ved utgangen av året omlag 0,2 %. Ei renteendring på eitt prosentpoeng vil endra kursen/verdien med 0,7 mill. kr. Note 3. Aksjerisiko Aksjerisiko er marknadsrisiko knytt til posisjonar i eigenkapitalinstrument, inkludert derivat. Plasseringar i aksjefond og kombinasjonsfond er ein del av aksjerisikoen, som er låg vurdert ut frå eksponert sum. Banken har ikkje drive handel med opsjonar og derivat. Banken har ikkje handelsportefølje av aksjar, eigenkapitalbevis eller aksjefond. Bokførd verdi av børsnoterte aksjar og eigenkapitalbevis (omløpsaksjar) var på 7,4 mill. kr, som er litt over 0,2 % av forvaltningskapitalen. Urealiserte kursvinstar i børsnoterte aksjar og eigenkapitalbevis var ved årsskiftet 21,8 mill. kr. Note 4 b. Valutarisiko Valutarisiko er risikoen for tap når valutakursane endrar seg. Voss Sparebank har ikkje lån i valuta eller andre nemneverdige valutaposisjonar. All valutaomsetnad vert gjort som kommisjonær for valutabank. Likviditetsrisiko Likviditetsrisiko er risiko for manglande likviditet til å kunna innfri gjeld ved forfall. Voss Sparebank vurderer denne som låg/moderat, då utlånsporteføljen til banken har forholdsvis lang nedbetalingstid, og størstedelen av innskota frå kundar kan takast ut utan oppseiing. Voss Sparebank har god likviditet og låner ikkje, som dei fleste bankar, inn pengar i penge- eller obligasjonsmarknaden. I tider med fungerande pengemarknad, derimot vert storparten av overskotslikviditeten vår lånt ut til andre finansinstitusjonar. Slike lån vert for det meste gjevne for 1-3 månader om gongen. Ved årsskiftet 9

10 Ålmennyttige gåver I 2011 vart det nytta 2,8 mill. kr til gåver, sponsorstønad og støtteannonsering. I tillegg er det avsett 1,5 mill kr av årsresultatet for seinare utdeling. Dei største gåvene gjekk til: FIS Freestyle WC 2011 kr 200.000,- Destinasjon Voss kr 200.000,- Voss Ski- og Tursenter kr 100.000,- IL Eldar kr 50.000,- Ekstremsportveko kr 40.000,- Voss Røde Kors kr 30.000,- Vossestrand Røde Kors kr 30.000,- Vossa Jazz kr 25.000,- Årmotslia Skisenter kr 25.000,- Bulken IL kr 25.000,- Voss Freestyleklubb kr 25.000,- IL Ørnar kr 25.000,- Stalheim Landskapspark kr 20.000,- Voss Skulemusikk kr 20.000,- UNGjaJAZZ kr 20.000,- Festival Voss kr 15.000,- Voss Mylna kr 15.000,- Røde Kors Hordaland kr 12.500,- Ungdoms-/Grendalag: Bjørgum kr 25.000,- Hauge kr 25.000,- Bordalen kr 25.000,- Oppheim kr 25.000,- Ungbjørk kr 25.000,- Kløve kr 25.000,- Jordalen kr 25.000,- Evanger kr 25.000,- Sponsoravtalar Sparebanken har sponsoravtalar med mange lag i bygda og gjev i tillegg eingongsstønad til ein del andre lag. Samla tilførte banken desse aktørane 0,7 mill. kr i 2011. Mellom desse er: Voss Ski- og Tursenter Vossa Jazz Voss Golfbaner AS IL Eldar Voss Skulemusikk Voss Idrottslag IL Vargar Vossevangen Cykleklubb VossaLangrenn Voss Freestyleklubb Bulken IL IL Ørnar Osafestivalen hadde banken 43,0 mill. kr i utlån til andre finansinstitusjonar. Store deler av verdipapirporteføljen vert vurdert som lett omsetteleg, medan obligasjonslåna til bankar på 74,9 mill. kr kan ha noko svakare likviditet i enkelte situasjonar. I spesielle høve kan dei ansvarlege låna på 10,8 mill. kr til andre bankar vera lite likvide. Note 3. Risikoen for bråe svingingar i likviditeten er i tillegg sikra gjennom trekkrettar i Noregs Bank og DnB NOR. Ved årsskiftet utgjorde innskot frå kundar 101,5 % av brutto utlån, mot 95,2 % året før. Operasjonell risiko Operasjonell risiko er risikoen for tap som fylgje av utilstrekkelege eller sviktande interne prosessar eller system, menneskelege feil, eller eksterne hendingar. Av risiki, som vert vurderte nærare etter den nye kapitalkravforskrifta, kan nemnast konsentrasjonsrisiko, geografisk risiko, omdømerisiko og strategisk risiko. Styret er oppteken av at strategisk / forretningsmessig risiko og omdømerisiko vert teke hand om på ein god måte. Styret arbeider difor systematisk med strategiske vurderingar og legg stor vekt på etiske haldningar. Banken skal ikkje gjennomføra investeringar som utgjer ein uakseptabel risiko for at me medverkar til uetiske handlingar, som t.d. grove eller systematiske krenkingar av menneskerettane og / eller alvorlege miljøskadar. Banken har gjort seg svært avhengig av moderne teknologi, særleg IKT-løysingar. Våre IKT-løysingar vert leverte av EDB Ergo Group. Deira retningsliner for utvikling, leveranse og datatryggleik gjeld for desse tenestene. Voss Sparebank har eigne retningsliner for å sikra at drifta er i samsvar med IKT-forskriftene. Etter styret si vurdering, er Voss Sparebank sin bruk av IKT i samsvar med dei lover og reglar som gjeld. STYRING AV VERKSEMDA, SAMFUNNSENGASJEMENT, ARBEIDSMILJØ OG LIKESTILLING Voss Sparebank vart skipa 12. april 1843 og starta bankverksemda i november same året. Voss Sparebank har dermed skapt verdiar for kundar og lokalsamfunnet i om lag 169 år! Sparebanken har kontor i Vangsgata og på Vossestrand. Styring av verksemda Voss Sparebank driv målretta arbeid for å styrkja konkurranseevna på kort og lang sikt. I det ligg mellom anna utvikling av medarbeidarane, produkt og styringssystem. Voss Sparebank har valt å vera sjølvstendig i ein samfunnssektor som er prega av auka sentralisering og større avstand til kundane som fylgje av ressurskrevjande samanslåingar, alliansar og oppkjøp. Sjølvstende gjer Voss Sparebank handlekraftig. Banken legg vekt på nærleik til kundane og god service, samstundes som banken skal vera ein konkurransedyktig bank, bygd på tillit og skal driva etter strenge etiske og sunne økonomiske prinsipp til beste for kundane og lokalsamfunnet. Styringsstrukturen til sparebankane fylgjer sparebanklova og samsvarar ikkje med aksjeselskap, som har til hovudoppgåve å maksimera overskotet til beste for aksjonærane.

Eigarstyringa i sparebanken er tillagt forstandarskapet som er samansett av 24 medlemar, fordelt med 12 innskytarvalde, 6 kommunevalde og 6 frå dei tilsette. Kontrollnemnda har tre medlemar. Ein av medlemane har juridisk bakgrunn i samsvar med gjeldande krav i Sparebanklova 13. Ei viktig oppgåve for nemnda er å sjå til at styret er klar over ansvaret sitt og utfører oppgåvene sine deretter. Styret er samansett av seks medlemar. Styremedlemene har yrkesbakgrunn frå næringar som er typiske for området til banken. Styret er oppteken av å ha best mogeleg kunnskap om lokalmarknaden og dei kundar som opererer innanfor dette området. Det er ein av føremonene til ein lokalbank.. I 2011 har styret hatt 12 styremøte og handsama 107 saker. Styret har utarbeida årsplan for arbeidet sitt og legg vekt på å sikra tilstrekkeleg kunnskap og kompetanse hjå medlemane. Oppfølging av drifta, strategi, risikoog kapitalstyring, og overvaking av marknader og rammevilkår, er viktige fokusområde for styret. Eigenevaluering av arbeidsform, kompetanse, prioriteringar og samarbeid mellom styre og leiing vert gjennomført årleg.styret fungerer som revisjonsutval i samsvar med Sparebanklova 17 c-e. Revisjonsutvalet har fire møte i året - eitt i kvartalet, der hovudoppgåvene er gjennomgang og drøfting av kvartalsrekneskap og risikorapportering innanfor kredittområdet Revisjonen i banken vert utførd i samsvar med gjeldande regelverk. Ekstern revisor deltek i styremøte, i møte med revisjonsutvalet og i møte med kontrollnemnda etter behov. Ekstern revisor gjev kvart år uttale til styret om kvaliteten av internkontrollsystemet til banken og om gjennomføringa av kontrollane. Voss Sparebank har ikkje krav om internrevisjon. Banken legg stor vekt på å etablera ein veldefinert organisasjon med klare ansvarsområde og fullmakter. Det er laga stillingsinstruksar for alle leiarstillingar og utarbeidd eit omfattande system av rutinar og prosedyrar. Meir informasjon om eigarstyring og leiing av banken er å finna etter notane. Samfunnsengasjement - Sparebanken, ein god medspelar og samarbeidspartnar Ei viktig oppgåve for sparebanken er å skapa verdiar for kundane og lokalsamfunnet. Sparebanken ynskjer å vera samarbeidspartnar i utvikling av lokalsamfunn og næringsliv og stør difor opp om lokalsamfunnet på ulike måtar, både innan næring, kultur og idrett. Med heimel i Sparebanklova, set Voss Sparebank av deler av overskotet etter skatt til ålmennyttige føremål. Litt av mangfaldet i aktiviteten vår: I 2011 vart det nytta til saman 2,8 mill. kr i gåver, sponsorstønad og støtteannonsering til det yrande lags- og organisasjonslivet i bygda vår. Me veit at støtta kjem godt med og skapar grobotn for auka aktivitet og engasjement i bygda innan både idrett og kultur. Lag og organisasjonar i heile kommunen får stønad. Voss Sparebank stifta Eldsjelprisen i 2008. Fyrste utdeling fann stad i 2009. Med denne prisen ynskjer sparebanken å stø enno betre opp om og markera kor viktig all dugnadsinnsats er for fellesskapen (ueigennyttig innsats). Prisen er på kr 50.000 og skal delast mellom personen og laget / saka. I 2010 fekk Magne Sørestrand, Vossestrand, prisen for hans lange og store innsats for hopp- og kombinertsporten. Banken arrangerer ved høve eigne informasjonsmøte for både person- og næringskundar, og stør dagleg store og små hendingar på ulik måte. Sparebanken ynskjer å medverka til nytenking og entreprenørskap. Difor vert det satsa, saman med omlag 60 andre sparebankar i landet, på entreprenørskap i skulen. Ei av dei viktigaste oppgåvene til sparebanken er å vera medspelar og samarbeidspartnar for næringslivet og på den måten vera med å skapa vekst og utvikling i lokalsamfunnet. Eit godt eksempel på dette er skidestinasjonen Voss, som no er på veg attende til europeiske høgder. Medan andre bankar takka nei til utbyggjarane i Myrkdalen, Voss Fjellandsby AS, satsa Voss Sparebank. Det same vart gjort i Bavallen. No kan alle gleda seg over den flotte utviklinga me opplever, med smitteeffekt til både entreprenør- og handelsnæringar. Vindtunnelen på Tvildemoen skal etter planen opna til Ekstremsportveko 2012. Bygget er i ferd med å ta ein fyrtårn posisjon godt synleg i landskapet. Voss Ski- og tursenter er utvikla til eit nasjonalt senter for langrenn takka vera NM-arrangementet i 2012 og ein dugnadsinnsats det står stor respekt av. Sparebanken har jamnleg ytt stønad til anlegget. Største gåva var gjeven i 2008 til delfinansiering av trakkemaskin. Skytebana på Skjerve er i ferd med å ta form, mellom anna med stønad frå Voss Sparebank. Til landsskyttarstemnet i august 2012 betyr det topp skytebane på Voss, også til framtidige arrangement. Voss Sparebank er ein av dei største skattytarane i kommunen, og har for rekneskapsåret 2011 sett av 9,2 mill. kr til betalbar skatt. All aktivitet, også aktiviteten til det offentlege med Hardangerbrua og Vossapakko, gjev ringverknader til fleire andre næringar i kommunen. Framsynte næringsdrivande har, saman med god hjelp frå politikarar og kommunalt tilsette, ført Voss inn i ei flott utvikling som vonaleg vil halda fram. Ein føresetnad for å fylla denne samfunnsrolla, er å driva ein god og kontrollert bank, med vekt på etikk, inntening og soliditet. Sparebanken ynskjer å visa samfunnsansvar i all si verksemd! Personale, likestilling, arbeidsmiljø og etikk Ved årsskiftet hadde banken 30,0 (32,0) tilsette og 29,8 (31,8) årsverk. Gjennomsnittleg er det nytta 30,4 årsverk. Hovudavtalen mellom Finansnæringens Arbeidsgiverforening og Finansforbundet har eit eige kapittel om likestilling/diskriminering som banken rettar seg etter. Av banken sine fast tilsette er 17 kvinner og 13 menn. Alle tilsette har dei same moglegheitene for personleg og fagleg utvikling. Ein av dei fire avdelingsleiarane er kvinne. To av dei seks faste styremedlemane er kvinner. Ein av tre personar i kontrollnemnda er kvinne. Av medlemane i forstandarskapet er 16 kvinner og 8 menn. 11

12 Kompetanse, ny lovgjeving, skjerpa konkurranse, nye produkt og auka marknadsorientering stiller kontinuerlege krav til omstilling og fornying. Det har difor vorte arbeidd målretta med å heva kompetansen og tilpassa organisasjonen til å møta desse utfordringane. Gjennom året har både dei tilsette sjølve og banken satsa mykje for å oppnå autorisasjon innan finansiell rådgjeving (AFR). Målet, om å få alle kunderådgjevarane autoriserte som finansielle rådgjevarar, er nådd. Ved årsskiftet var 13 tilsette autoriserte. Det er 43 % av alle tilsette i banken. Autorisasjonsordninga for finansielle rådgjevarar er ei nasjonal autorisasjonsordning for finansbransjen som skal auka og sikra nødvendig kunnskap, haldningar og ferdigheiter hjå finansielle rådgjevarar. Målet med ordninga er å styrkja kvaliteten på finansiell rådgjeving overfor kundane. 14 av dei tilsette er også autoriserte forsikringsrådgjevarar. Sparebanken tilrettelegg og fylgjer årleg opp at medarbeidarane har god kjennskap til dei etiske retningslinjene til banken. Arbeidsmiljøet i banken vert vurdert som godt. Dei nye lokala i Vangsgata fungerer som planlagt og er på fleire måtar tilrettelagde for å tilfredsstilla ulike behov hjå dei tilsette. Av helsefremjande tiltak kan nemnast at alle arbeidsborda er utrusta med elektrisk hev-/senkefunksjon, slik at medarbeidarane etter ynskje kan arbeida i ståande stilling. Det vert årleg nytta ressursar på tiltak av både helsefremjande og sosial karakter for å styrkja samhaldet og arbeidsmiljøet. Bedriftslækjarordninga, med årleg kontroll, fungerer tilfredsstillande. Det har ikkje vore registrert skadar på personar. Sjukefråværet er lågt og var på2,2 % for 2011. Banken har kollektiv pensjonsforsikring, gruppeliv, yrkesskade og reiseforsikring. Frå 1. februar vart den kollektive ytelsepensjonen lukka og banken gjekk frå same dato over til innskotspensjon for nytilsette. Banken har eit aktivt bedriftsidrettslag som er flinke til å dra i gang populære aktivitetar. Sparebanken ynskjer å vera ein attraktiv og god arbeidsplass, med medarbeidarar som er kundeorienterte, byggjer relasjonar og har god fagkompetanse. Forureining og det ytre miljø Forureininga til banken vil hovudsakleg vera av indirekte karakter ved kjøp og bruk av reiser, energi, papir og andre forbruksgjenstandar, og dessutan avfall og avfallshandtering. Banken er svært oppteken av det ytre miljøet, og er no i gang med arbeidet for å verta sertifisert som Miljøfyrtårn. UTSIKTENE FRAMOVER Det er forventa låg rente framover som fylgje av innstrammingar og vanskeleg gjeldssituasjon i fleire europeiske land. I eiga bygd forventar me framleis god aktivitet, men vonar investeringslysta i næringslivet vil auka. Byggjeaktiviteten held seg oppe både i Myrkdalen og i Bavallen med bygging av nytt hotell og nye fritidshusvære. For å utvikla Voss som regionsenter og få auka folketalet, er det svært viktig å tilby bustadtomter nær sentrum og leggja godt til rette for pendlarar som har arbeidet sitt utanfor kommunen. Styret reknar med at utviklinga til Voss Sparebank vil halda fram på nivå med 2011, omsynteke resultatmessige eingongsforhold. Ein ventar at presset på rentenettoen held fram som fylgje av høg konkurranse. På litt sikt vil renta auka og forbetra avkastninga på eigenkapitalen til banken. Innkjøpssamarbeidet med sju andre sparebankar (DSS) fungerer som tiltenkt og gjev banken kostnadsreduksjonar ein elles ikkje ville fått. Voss Sparebank har stor marknadsandel både innan person- og bedriftsmarknaden. Banken tek mål av seg å ta vare på denne gjennom aktiv kundeoppfølging og langsiktigheit. Medarbeidarar med god serviceinnstilling og god kompetanse er, saman med banken sin solide eigenkapital og god likviditet, vesentlege faktorar som vil sikra banken sin plass som ein sjølvstendig, framtidsretta og god sparebank på Voss. Styret kjenner ikkje til noko som, etter utgangen av rekneskapsåret, er viktig for vurdering av stillinga til banken. TAKK TIL KUNDAR, TILLITSVALDE OG TILSETTE Både 2010 og 2011 har vore hektisk og utfordrande år, ikkje minst i samband med utviding og rehabilitering av hovudkontoret i Vangsgata 18. Ein samla organisasjon har vist stor arbeidskapasitet, gjennomføringskraft og leveringsevne. Takk til alle tillitsvalde og tilsette for god innsats, og ikkje minst ein stor takk til kundar og bygdefolk for svært god oppslutnad om den lokale sparebanken. Voss, 9. februar 2012 I styret for Voss Sparebank leiar nestleiar Tor Ivar Johnsson

Resultatrekneskap Morbank Konsern 2011 2010 2011 2010 Renteinntekter og liknande inntekter 3.824 2.589 Renter av utlån til og krav på kredittinstitusjonar 3.824 2.589 105.880 93.495 Renter og liknande inntekter av utlån til kundar 103.577 93.348 8.822 8.117 Renter av sertifikat og obligasjonar 8.822 8.117 118.526 104.201 Andre renteinntekter - 116.223-104.054 Rentekostnader og liknande kostnader Renter på innskot frå kredittinstitusjonar 47.639 38.513 Renter på innskot frå kundar 47.678 38.505 0 47.639 1.694 40.207 Andre rentekostnader og liknande kostnader 0 47.678 1.694 40.199 70.887 63.994 Netto rente- og kredittprovisjonsinntekter 68.545 63.855 Utbyte og andre inntekter av verdipapir med variabel avkastning 2.752 3.566 Inntekter av aksjar og andre verdipapir m/ variabel avkastning 2.752 3.566 798 3.550 193 3.759 Inntekter av eigarinteresse i konsernselskap 0 2.752 0 3.566 Prov. innt./andre innt. frå banktenester 597 600 Garantiprovisjon 597 600 8.528 9.125 6.995 7.595 Andre gebyr og provisjonsinntekter 9d 8.528 9.125 6.995 7.595 Prov.kostn./andre kostn. ved banktenester 3.074 3.160 Andre gebyr og prov. kostnader 3.074 3.160 Netto kursvinst/tap av valuta og verdipapir -42 1.375 Nto verdiendr/vinst/tap sertifikat og obligasjonar -42 1.375 25 1.122 Nto verdiendr/vinst/tap aksjar og grunnfondsbevis 25 1.122 344 327 339 2.836 Netto kursvinst valuta 344 327 339 2.836 Andre driftsinntekter 77 60 Driftsinntekter faste eigedomar 1.282 1.274 20 97 6.798 6.858 Andre driftsinntekter 20 1.302 36 1.310 10.025 17.888 Netto andre driftsinntekter 10.432 12.147 80.912 81.882 Sum driftsinntekter 78.977 76.002 Løn og generelle administrasjonskostnader 8 15.293 15.003 Løn m.v. 15.293 15.003 3.361-1.657 Pensjonskostnader 3.361-1.657 3.567 3.091 Sosiale kostnader 3.567 3.091 12.758 34.979 10.095 26.532 Administrasjonskostnader 12.758 34.979 10.095 26.532 Avskrivingar m.m. av varige driftsmidlar 5 3.104 890 Ordinære avskrivingar 4.615 1.263 Andre driftskostnader 1.150 676 Driftskostnader faste eigedomar 1.657 1.093 8.126 9.276 4.363 5.039 Andre driftskostnader 3.851 5.508 4.363 5.456 47.359 32.461 Sum driftskostnader 45.102 33.251 33.553 49.421 Resultat før tap og skatt 33.875 42.751 Tap på utlån og garantiar 2 2.466 1.641 Tap på utlån 2.466 1.641 915 3.381 0 1.641 Tap på garantiar 915 3.381 0 1.641 Nedskr./vinst/tap på verdip. for lang sikt 1.900 4.000 Nedskriving 1.900 4.000 8-1.892 3.958-42 Vinst/tap 8-1.892 3.958-42 28.280 47.738 Resultat før skatt 28.602 41.068 8.930 14.607 Skatt på ordinært resultat 9a 9.244 14.682 19.350 33.131 Res. av ord.dr. etter skatt for rekneskapsåret 19.358 26.386 Overføringar og disponeringar Minoritetsinteresser -8-6 Overført frå andre fond/vurderingsskilnader 19.350 33.131 Til disposisjon 6 19.350 26.380 798 193 Overført til vurderingsskilnader 1.300 2.200 Overført til gåver 1.300 2.200 200 500 Overført til gåvefondet 200 500-700 Overført frå gåvefondet 700 17.052 30.938 Overført til Sparebanken sitt fond 17.052 24.187 Overført andre fond 798 193 19.350 33.131 Sum disponert 19.350 26.380 13