Veg- og VA-anlegg Torpevegen Generell del Kvam herad 23.02.2015
Generelt om beskrivelsen. Arbeida med VA-, kabel- og veganlegg skal utførast etter at entreprenør nøye har planlagt arbeida og rekkefølgje av disse. Arbeida skal skje langs den kommunale vegen Torpevegen. Vegen er einaste vegtilkomst til Torpe og Hellestveit. Det er om lag 70 husstandar, nokre gardsbruk og møbelbedrifta Rybo som nyttar vegen. Vegen er på fleire strekningar smal og dette vil følgjeleg gi problem med å avvikla trafikk på vegen samstundes som anleggsarbeidet går føre seg. Å gjennomføra arbeidet på sikker måte der ønskje om effektiv anleggsdrift skal kombinerast med behov for regulær bruk av vegen og tilkomst for utrykkingskøyretøy vil vera eit vesentleg element i konkurransen. Arbeida skal prisast med bakgrunn i VA-norma til Kvam herad, teikningar og enkel opplisting i prisskjema av anleggselementa som inngår. Entreprenøren skal prisa inn sine kostnadar med komplett gjennomføring av dei aktuelle arbeida, inkludert eventuell supplerande prosjektering av betongarbeid, tilpassing til anlegg i drift (veg, ulike kabelanlegg, vass- og ulike avløpsleidningar), mellombels vassforsyning i periodar til råka abonnentar, trafikkavvikling, fysisk sikring av anleggsområdet, opparbeiding av ferdig vegdekke, klimatiske forhold, tettheitsprøving, levering av gamle deler (rør, kummer etc.) til godkjent mottak, dokumentasjon av nytt anlegg osv. Arbeida med VA, kablar og veg skal utførast for Kvam herad og arbeid som vert utført for andre vert seinare fakturert vidare til dei aktuelle eigarane (f. eks. Kvam Kraftverk, Telenor, Kvamnet og private grunneigarar). Som underlag for faktura skal entreprenør dokumentera fordeling av kablar og trekkerør i grøfter. Kvam herad si VA-norm Kvam herad si VA-norm er å finna på følgjande adresse: http//www.va-norm.no. Søk deretter på Kvam herad. De ulike krava til kvalitet på leidningsanlegget kan lesast på denne sida. Utsnitt frå framside for VA-norma for Kvam herad henta frå sida vanorm.no. De ulike hovudkapitla er lista til venstre på skjermbiletet, medan 15 stk. lokale vedlegg er lista midt på biletet.
VA-norma er utarbeida saman med dei andre Hardanger-kommunane og vedteke som gjeldande i heradsstyre. Det er entreprenøren sitt ansvar å innarbeida kvalitetane som vert lagt til grunn. Regulering av mengder Alle postane i beskrivelsen skal regulerast etter verkeleg utført mengd. Ein gjer merksam på at det ikkje er gjennomført grunnundersøkingar i området. Dersom det under arbeidet skulle visa seg at for eksempel grøftedjup og fjell avvik frå det som vert vist på lengdeprofila, pliktar entreprenøren skriftlag å varsla tiltakshavar. Dette gjeld både om tilhøva vert meir eller mindre gunstig enn det som er lagt til grunn. Utan at slikt varsel er motteke av tiltakshavar, kan ikkje ansvarleg utførande hevda avviket som grunnlag for krav om regulering av massar og prisar. Dei inngjevne prisane i mengdeoppsettet i anbodet, samt grøftetabellane i vedlegget skal brukast ved reguleringa. Entreprenøren skal prisa grøftetabellane slik at det er samsvar med tilsvarande anbodspostar. Prisane skal vera komplette og innehalda kostnadar for sprenging/graving, inkludert opplasting/opplegging og tilføring av grusmassar til fundament, sidestøtte og omfylling av leidningar, samt tilbakefylling. Varsel om avvik skal gjevast skriftleg. Representant frå tiltakshavar skal vera med under målinga. Eksempel på framgangsmåte ved avvik for grave-/fjellgrøft: 1. Entreprenør varslar tiltakshavar skriftleg og avtalar tidspunkt for måling. 2. Entreprenør reinskar og merker for kvar annan meter på den strekninga han forlangar målt. 3. Entreprenør skal ha utarbeida profil og masseberekna det gjeldande fjellpartiet. 4. Det skal ikkje utføres sprengingsarbeid før tiltakshavar er varsla, og eventuelt ein kontrollør har gjennomført måling. Klimatiske forhold Forhold som dårleg vær, nedbør, snø, vind, kulde, tele med meir er tiltakshavar uvedkommande. Entreprenøren må sjølv kalkulere inn risiko for dette. Eventuelle utgifter i samband med dette skal vera inkludert i prisane for dei ulike arbeida. Verneregler Anleggsarbeida skal utførast etter dei til ein kvar tid gjeldande reglar og krav som kjem fram av Direktoratet for arbeidstilsynet sine vernereglar. Entreprenøren skal ha utarbeida eit internkontroll-/hms system som tilfredsstiller myndighetene sine krav.
Underentreprenører/sideentreprenører Entreprenøren kan nytta underentreprenørar til arbeida, men disse skal godkjennast av Kvam herad. Varsling, vakthold, sikring, meldingar Entreprenøren er ansvarleg for vakthald, sikring og kontroll av alt materiell i lagringstida. All kontakt med grunneigarar, vegbrukarar, kabeleigarar, leidningseigarar, media og andre som skal ha melding er entreprenørens ansvar. Entreprenøren er også ansvarleg for sikring av anleggsområdet, byggegroper og opne grøfter. Når det ikkje er drift på anlegget, skal sikring nyttast for å hindra motortrafikk inn på areal som ikkje vert nytta til veg. Kostnader for dette skal inkluderast i tilbodet. Riggplass Entreprenøren må sjølv sørgja for all rigging på anlegget for seg sjølv og sine underentreprenørar. Til tilrigging vert det også rekna transport av maskiner og verktøy, samt eventuell montasje av stasjonært maskinelt utstyr. Orden og sikring. Generelt. Byggherren vil leggja vekt på at arbeidsplassen til ein kvar tid er oversiktleg og ryddig. Generelt gjeld at anleggsområdet skal sperrast av og sikrast på den mest betryggande måte mot uhell og ulykker. Entreprenøren pliktar til ei kvar tid under anleggsperioden å retta seg etter alminnelege og særskilde påbod om sikring gjeve av byggherren, arbeidstilsyn, politi, vegvesen eller andre offentlige etatar eller myndigheiter som arbeidet angår. Utføringa av slike eventuelle påbod heimlar ikkje noko økonomisk vederlag frå den som gjev påbodet eller byggherren, om anna ikkje er særskild avtalt. Entreprenør er ansvarleg for alt vakthald, sikring og kontroll av alt materiell i lagringstida. Entreprenør er ansvarleg for å gje naudsynte meldingar og opplysningar om anleggsarbeida til alle offentlege og private instansar som skal, eller bør ha melding. Entreprenør skal innhenta naudsynte løyve. Kostnadar for dette skal vera inkludert i anbodet. Opprydding. Det skal ryddast etter eigne arbeid i anleggsperioden etter kvart som arbeida skrir fram. Etter at arbeidet er ferdig / før sluttsynfaring, vil byggjeleiar kontrollere at entreprenøren har gjennomført tilfredsstillande opprydding etter sine anleggsarbeid. Vær. Det vert presisert at alle utgifter i samband med snø, frost, is, vind, nedbør, sjø, vassulemper og andre værrelaterte tilhøve skal vera inkludert i prisen. Særskilde restriksjonar på anleggsdrifta. Arbeida skal tilpassast krava til knytt til stenging av vegen for køyretøy og mjuke trafikkantar, trygg passering for mjuke trafikkantar og responstid for å sleppa forbi køyretøy under utrykking
og koordinerast med disse. Arbeidstid Arbeidstida ved anlegget skal generelt tilpassast gjeldande lover og reglar. Støy frå anleggsdrifta Generelt skal støynivået ikkje overskrida 65 db(a) målt ved nærmaste bustadhus. Eventuelle unntak frå dette skal på førehand vera godkjent av byggherren. Trafikkavvikling Entreprenøren er ansvarleg for all mellombels trafikkomlegging i heile anleggsperioden. Alle gang- og køyreareal som blir omfatta av entreprenøren sitt virke i anleggsperioden (gjeld både private og offentlege areal), skal sikrast mot anleggsarbeidet. Tilkomst til eksisterande hus og bygningar i området skal haldast opne i heile anleggsperioden med mindre det vert gjort avtale om anna direkte mellom grunneigar og entreprenør. Arbeida skal gjerast i forståing med relevante myndigheiter og enheitsprisane skal inkludera alle kostnadar med for eksempel varsling, skilting, omlegging av veg/gangveg, trafikkdirigering, tung sikring, etablering av snuplass, vedlikehald av mellombelse tiltak inntil permanent reetablering er utført, etc. Entreprenøren skal prisa og planleggja utføringa av sine anleggsarbeid på ein slik måte at dei som bur i området i minst mogeleg grad vert råka av anleggsarbeidet. Entreprenøren sin arbeidsleiing og kontroll. Entreprenøren er forplikta til å ha eigen arbeidsleiar, godkjent av tiltakshavar for anlegget. Vedkommande skal ha naudsynte kunnskapar og kvalifikasjonar for å utføra arbeidet fagmessig korrekt og i samsvar med teikningar og beskriving. Vidare vert det kravd at vedkommande skal ha dei naudsynte fullmaktene for å bestemma på vegne av entreprenøren. Entreprenøren sine leiarar skal også ha det som si oppgåve å sjå til at arbeidet skjer i samsvar med godkjent framdriftsplan. Det ligg til entreprenøren sitt ansvar å hjelpe byggherre og byggjeleiar ved utføring av kontrollen i heile byggetida. Ved viktige konstruksjonar skal byggjeleiar varslast for inspeksjon. Entreprenøren skal nøye gjennomgå alle teikningar og beskrivingar. Eventuelle manglar eller manglande samsvar på teikningar eller i beskriving skal leggjast fram for byggjeleiar/kvam herad/kabeletat/rådgjevar og avventa svar før arbeida vert sett i gang. Krav om melding Ved eventuelle manglande samsvar mellom beskriving/teikningar og faktiske tilhøve skal entreprenør gje melding til Kvam herad før arbeida vert sett i gang dersom dei påtrufne tilhøva kan ha ein konsekvens for kvaliteten, framdrifta eller prisen på anlegget.
Krav til anleggsarbeida Grøftearbeida: Det vert vist til kommunen si VA-norm og kapittel 4 «Grøfter og ledn. utførelse». Her vert det også vist til VA-miljøblad nr. 5 "Grøfteutførelse fleksible rør" og nr. 6 "Grøfteutførelse for stive rør". Alle eksisterande leidningar som er vist på vedlagte teikningar skal sjåast på som retningsgjevande. Entreprenøren skal sjølv gjennom byggherren og dei respektive etatane sørgja for naudsynt påvising av eksisterande leidningar og kablar før gravearbeida tek til. Krav til rørmateriell Det vert vist til kommunen si VA-norm og kapitla 5 (Transportsystem vannforsyning), 6 (Transportsystem spillvann) og 7 (Transportsystem overvann). Tiltakshavar tek atterhald om retten til å avvisa materiale som halde av entreprenør, dersom disse ikkje vert vurdert til å ha riktig kvalitet eller ikkje er i tråd med krav i teikningar/beskriving. Kommunale hovudleidningar - private stikkleidningar Nye kommunale hovudleidningar for vatn, spillvatn og overvatn er vist på planteikningane H001, H002 og H003. Private stikkleidningar må handterast i samråd med grunneigarar og Kvam herad, slik at løysingar som blir valt er i tråd med framtidsretta løysningar. For dei kommunale hovudleidningane er det utarbeida postar for etablering av disse. Det er også utarbeida generelle postar for etablering av del av private stikkleidningar nærast dei offentlege hovudleidningane. Disse regulerbare postane skal nyttast om det er behov for å få lagt dei private leidningane til utanfor vegarealet. Dei fleste bustadane i området er i dag abonnentar på det kommunale vassleidningsnettet. Ny hovudleidning for vatn vil medføra omkoplingar for disse. For fleire vil nytt punkt for tilkopling til kommunalt hovudnett bli flytta til nye vasskummar og samlestokk i disse. Abonnentane får då sin eigen merka stengekran i denne kummen og den enkelte stikkleidningen ført i hovudgrøft til der stikkleidningar går inn til bustadane. Som del av arbeidet skal entreprenøren planleggja for og prisa inn at det vil være naudsynt med mellombelse løysingar for mange abonnentar for å sikra vassforsyninga til dei. For avløp er det nokre offentlege leidningar i området og eksisterande leidningar vil vera både offentlege og private. Det skal etablerast heilt ny kommunal hovudleidning for spillvatn som skal avskjera ein del lokale utslipp. Alle bustadane i anleggsområdet har i dag private stikkleidningar for avløp. Det kan være ulikt frå abonnent til abonnent korleis tilstanden på den enkelte sitt leidningsnett er. Nye offentlege avløpsleidningar vert lagt etter separatsystemet, det vil si ein leidning for spillvatn og ein for overvatn. Ein vil kunne oppleva at abonnenten sjølv ønskjer å oppgradera sine leidningar, at kommunen pålegg abonnenten å oppgradera anlegget sitt eller at det private anlegget er i god stand. I det siste tilfellet vert det då berre kopling mellom nytt og eksisterande anlegg og då må Kvam herad bera kostnaden sidan det private anlegget er i tråd med kvalitetskrava. Om abonnentane sjølv ønskjer å oppgradera anlegget, eller Kvam herad pålegg abonnenten oppgradering som følgje av dårleg kvalitet eller at avløpsleidning er bygd etter fellessystemet, så er det abonnenten sitt ansvar å kosta dette. Det er tatt med poster for bygging av stikkleidningar slik at anlegget kan leggjast ut av vegarealet. Kvam herad fakturerar då abonnenten
tilbake for arbeidet knytt til stikkleidningen. Arbeidet med stikkleidningar inne på den enkelte abonnenten sin eigedom står abonnenten sjølv fritt til å bestilla. Spillvassleidningar frå abonnentar skal ikkje i noko tilfelle føra drens- eller overvatn. Dersom det vert funne slike leidningar skal dette omgåande takast opp med byggherre. Grunneigar vil då få pålegg om separering av sitt avløpssystem. Overvassleidningar frå abonnentar skal ikkje i noko tilfelle føra spillvatn. Dersom det vert funne slike leidningar skal dette omgåande takast opp med byggherre. Grunneigar vil då få pålegg om separering av sitt avløpssystem. Som utgangspunkt skal følgjande leidningar og dimensjonar nyttast til stikkleidningar: Vatn - 32 mm PE80 Spillvatn - 110 mm PVC kl. SN8 Overvatn - 150 mm (innvendig diameter) dobbeltvegga rør i PP Fjellsprenging - pigging av fjell Det er ikkje utført grunnboringar, eller anna form for grunnundersøkingar i området. Korleis fjellets ligg i grunnen er usikkert, men det vert forventa at det må sprengast/piggast for det alt vesentlege av grøftene. For vegutviding på innsida av vegen er fjellet synleg i dagen. Fjellmengdene skal regulerast og gjerast opp etter faktiske målte mengder, blottlagt og nivellert av entreprenøren. I fjellgrøft må entreprenør avgjera om arbeidet skal skje ved sprenging eller pigging, eller kombinasjon av dette. Sprenging vil skje i område med mye person- og biltrafikk, samt at det er mange bygg og konstruksjonar i nærleiken. All sprenging må utførast i tråd med lover og reglar og på ein slik måte at ein unngår skader. For dei bygningane/konstruksjonane som ligg nærast må entreprenøren leggja til grunn at det må dokumenterast at sprenging ikkje har forårsaka skade. Utstikking - kontroll - innmåling All utsetting av fastmerker og utstikking av høgder og retningar for leidningar, kummer, avkøyringar, murar, vegkantar etc. skal utførast av ansvarleg utførande. Salingar og retningar skal vera sett ut i terrenget slik at dei lett lar seg kontrollera. Tiltakshavar sin kontrollør kan føra kontroll med høgder, retningar, materialar, arbeidsutføring etc., men slik kontroll fritar ikkje ansvarleg utførande for ansvaret overfor tiltakshavar med omsyn til at anlegget skal utførast og ferdigstillaste i tråd med tilbodet. Dersom det under gjennomføring av vert avtalt endringa i forhold til utgangspunktet, pliktar ansvarlig utførande å sjå til at dette snarast mogeleg vert stadfesta av tiltakshavar. Endringane skal førast i referatet frå byggjemøte. Innmåling av leidningar skal i utgangspunktet gjerast i grøfta av Kvam herad. Entreprenøren skal varsla i forkant når det er forventa at leidningar, kummar og sandfang kan målast inn. Entreprenøren har ansvar for å halda tett kontakt med innmålar. Det er vesentlig at ikkje berre hovudleidningar, men også alle stikkleidningar, retningsendringar, installasjonar, kryssingar etc. vert målt inn. Dersom Kvam herad vel å ikkje gjera innmålingane sjølv, må entreprenøren utføra dette i tråd med krav i VA-norma. Det er derfor sett opp post for innmåling som opsjon i anbodet.
Klargjøring av traséen og istandsetting Entreprenør skal berre nytta den bredde og djupne til graving som er absolutt nødvendig. Etter ferdigstilt arbeid skal heile anleggsområdet settast i minst like bra stand som før arbeida vart påbyrja. Det vil si at jord og massar vert fylt tilbake, eventuelle skadar på vegar, veggrøfter, murar, gjerde, leidningar og liknande skal utbetrast. Overflate skal ha fall slik at lokale lågbrekk vert unngått. All berøring av tilgrensande område (til anlegget) er entreprenøren sitt ansvar og eventuell naudsynt istandsetting av disse områda må inkluderast i prisane i tilbodet. Forureining Forureining skal ikkje finna stad. Vedrørande varslingsplikt vert det vist til "Forskrift om varsling av akutt forureining eller fare for akutt forureining" fastsatt av Miljødep. dat. 9. juli 1992. I følgje denne forskrifta er det brannvesen som skal varslast. Alt oppryddingsarbeid i samband med ei forureining er å rekna som entreprenøren sitt ansvar og kostnad. Eksisterande VA-materiell (kummar, rør, armatur etc.) som vert grave opp som del av disse arbeida skal leverast som avfall til godkjent mottak. Ein skal i utgangspunktet forventa at det eksisterande anlegget har kvalitet som gjer at det ikkje er aktuelt å kunne nytta disse andre stader. Overskotsmassar - tilførte massar Det vert lagt til grunn at alle overskotsmassane frå anlegget vert transportert vekk. Mellomlagring av massar. Det er ikkje lagt til grunn mellomlagring av massar i anleggsområdet. Dersom entreprenør sjølv finn dette føremålstenleg, er kostnadar knytt til dette byggherren uvedkomande. Tilført steinmassar Alle steinmassar for fundament, sidefylling og omfylling av leidningar og kummar skal tilførast anlegget frå pukkverk. Det same gjeld for steinmassar i vegen og til murar. Materiell som skal haldast av ansvarleg utførande Ansvarleg utførande står for kjøp av alt materiell, massar og hald av maskiner og utstyr med meir som er spesifisert i dette dokumentet. Unnateke er lokk og rammer til kummar som Kvam herad vil levera til anlegget. Tiltakshavar skal ha retten til å godkjenna alle materiell/massar. Materiell som ikkje vert godkjent skal straks fjernast frå anleggsplassen. Kabelgrøfter Arbeid og leveransar skal tilfredsstilla krav i REN publikasjon for kabelforlegging. Teikningane 21-22 viser plassering av kabelgrøfter i plan. Kabelanlegga må sjåast i samanheng med planar for veg og VA og samordnast med disse. Grøftedjup 80 cm er rekna frå ferdig veg og til botn grøft. Det er lagt til grunn at entreprenør skal opparbeida kabelgrøftene og at kabeletatane skal leggja sine kablar og trekkerør på ferdig opparbeida fundament. Etter at kablar og trekkerør er lagt skal entreprenør sørgja for beskyttelseslag og vidare gjenfylling av grøfta.
Kabeletatane Telenor, Kvam kraftverk og Kvamnet vil sjølv sørgja for levering av kablar, trekkerør, trekkekummer for kablar/trekkerør, fundament for veglys, kabeldekkeplater, varselnett og liknande. Endeleg omfang av grøfter og breidder på disse vert regulerert etter avtale med byggeleiar og kabeletatane. Ved endring av grøftebreidder skal det nyttast tilsvarande postar i anbodet eller grøfteskjema i vedlegg. Prisar i postar og grøfteskjema skal samsvara for like breidder. Kabeletatane tek atterhald om å kunne trekkja ut arbeid/postar for kabelarbeid frå anbodet eller redusera omfanget. Det skal haldast tett kontakt med kabeletatane i anleggsperioden for god planlegging og gjennomføring av kabelarbeida. Ferdigstilling av VA- og kabelgrøfter i eksisterande veg som ikkje blir fornya Arbeid med grøfter for VA- og kabelanlegg som skjer der heile vegdekket ikkje skal fornyast, skal avsluttast med vegoverbygning av kvalitet som for veganlegget. Dette inkluderar tilføring av stein- og pukkmassar i ulike sjikt, utlegging og komprimering av disse og fast dekke og tilpassing mellom eksisterande vegdekke og nytt vegdekke. Det vert også vist til «Retningslinjer for graving i offentlig veg- og gategrunn» som ligg på Kvam herad si heimeside. Dokumentasjon Alle teikningar som skal nyttast skal kunne finnast og tas ut frå webhotellet (kvamheradprosjekt.com). Det same gjeld også for byggjemøtereferat. Dokumentasjon skal leverast som komplette ringpermar A4 sjølv om deler av dokumentasjonen vert overlevert fortløpande i byggjefasen. Sluttdokumentasjonen skal godkjennast før overtaking. Sluttnota vil ikkje verta utbetalt før sluttdokumentasjon ligg føre. Det vert vist til blant anna punkt 3.9 i VA-norm. Papirutgåve skal overleverast til byggherre, samt elektronisk versjon i PDF-format. For dette anlegget skal anleggsrapport utarbeidast. Utarbeiding av anleggsrapport er entreprenør sitt ansvar og skal minst innehalda: Innmåling av leidningar (opsjon), dokumentasjon på sveisearbeid, videorapport av VAleidningar, desinfeksjonsrapport, trykkprøveskjema for VA-leidningar og kummar, biletdokumentasjon og kumkort. Helse, miljø og sikkerheit Det er ei klar målsetning at anleggsarbeida skal gjennomførast utan alvorlege ulykker. Det er også eit mål at materiell eller miljø ikkje skal påførast skader. Arbeidet skal tilretteleggjast og følgjast opp slik at arbeidstakarane får ei positiv oppleving av arbeidssituasjonen. Alt arbeid knytt til VA- og kabelanlegg skal ha same krav til HMS som andre anleggsarbeid og følgja dei same krav, lover og reglar. Norheimsund 23.02.2015 Hogne Høysæter