MØTEBOK Tidspunkt: Torsdag 1 juni kl 1800 Stad: Akademiet Desse møtte: Jarle Nordjordet, Marit Jortveit, Tor Aage Dale, Marit Kåsa Meldt forfall: Halvor Fehn, vara kunne heller ikkje møte Andre til stades på møtet: Sveinung Olsnes, sekretær Saker til styremøtet: Sak 13/17: Referat og meldingar Sak 14/17: Rjupejakta 2017 Sak 15/17: Orientering om reinskorttildeling og erfaring Inatur Sak 16/17: Høyring «sanksjonar lovbrot statsallmenning» Sak 17/17: Planlegging sommaren, bygging mm Sak 18/17: Skrantesjuke, orientering Sak 19/17: Datalagring, avtale om bruk Sak 20/17: Eventuelt Marit Jortveit/s/ Jarle Nordjordet/s/ Tor Aage Dale/s/ Marit Kåsa/s/ Rauland Fjellstyre Vinjevegen 665 3890 Vinje Telefon: 902 13 655 - E-post: rauland@fjellstyrene.no Bankkonto: 2620 27 01336
Sak 13/17: Referat og meldingar 2016.10.03-001.4.Vinje k-disp frå krav om taktekking 2016.10.13.2.Statskog-oversending av detaljar ifbm naust 2016.10.20.2.Nemd-rapportering felling 2016 2016.11.09.2.RJFF søknad støtte til båt, kostveit 2016.11.09.2.Vinje kommune-godtgjering til fjellstyret 2016.11.29.2.Lovutvalet-Informasjon virksomhet i statsallmenningene_jaktfiske oppsyn 2017.03.20.2.Statskog-søknad grunneigarfondet 2017.05.18.011.8.Statskog-Løyve til plassering av fjellrevautomatar 2017.05.18-366.Statskog-mild løyve til utplass av fjellerevautomatar Saksutgreiing: Forslag til vedak: Sekretær går gjennom postlista. Fjellstyret ynskjer å godkjenne møteboka elektronisk. Rauland Fjellstyre tek orienteringa til vitande. Fjellstyremedlemene godkjenner at møtebøker vert godkjent elektronisk. Samrøystes Sak 14/17: Rjupejakta 2017 Rjupejakta på Rauland SA har vore freda i tre år. Situasjonen på Hardangervidda har ikkje endra seg vesentleg på desse åra. På desse åra har ein hatt ein periode med svært god smågnagarbestand, men har ikkje fått ein forventa bestandsoppgang likevel. Våren 2015 var svært sein og kald og dette førde til nærmare nullproduksjon dette året. Det er stor uro omkring bestandsnivået på rype både nasjonalt og lokalt på Hardangervidda. Store statsallmenningar som Ullensvang, Røldal og Ulvik har freda rjupa for jakt. Vinje kommune, Berunuten Vest, har freda tom 2019. Hausten 2016 var det meldingar om auka observasjonar av rjupe både frå jegerar/turistar og frå oppsynet. Gjennom vinteren 16/17 har oppsynet merka seg ein liten oppgang i observasjonar av fugl. Oppsynet ser likevel svært lite fugl også i område som tradisjonelt har hatt store vinterbestandar av fugl.
Viltlova 1 seier mellom anna at «.viltet skal forvaltast slik at naturens produktivitet og artsrikdom bevarast. Innanfor denne ramma kan viltproduksjonen haustast.». Dette kan ikkje seiast å vere tilfelle når bestanden er så låg som det no ser ut til. Naturmangfaldlova 4 til 9 omhandlar ansvaret for berekraftig bruk og forvaltninga av artar samt føre var prinsippet. Føre var prinsippet tilseier at mangel på kunnskap ikkje skal brukast som grunn til å utsetje eller ikkje treffe forvaltningstiltak. Dette må kunna seiast å gjelde for Rauland SA, då ein her ikkje har gode nok registreringar til å kunne gje ein bastant konklusjon omkring rjupebestanden. Etter fjellova 23 kan fjellstyret avgrense «tida, måten og området for jakt og fangst». Etter sakshandsamars vurdering vil det fortsat vere stor usikkerheit om rjupebestanden er på veg opp eller ned. Alt peikar på at ein fortsatt ikkje har noko stor bestand og at ein bør vere forsiktig med å opne opp for jakt. Sakshandsmar vil derfor tilrå ei fortsatt freding av rjupa på Rauland Statsallmenning for hausten 2017. Rauland Fjellstyre fredar rupejakta på Rauland Statsallmenning i 2017. Vedtaket er gjort med heimel i Fjellova 23. Bakgrunnen for fredinga er viltlova 1, Naturmangfaldlova 4-9. Vedtaket er førehandsvarsla på våre nettsider innan fristen på ei veke. Vedtaket kan påklagast innan 3 veker frå kunngjering. Gjennomgang av saka ved sekretær. Kort diskusjon i saka. Det er brei semje om at ein bør fortsetje freding av rjupa pga den usikre bestandssituasjonen. Rauland Fjellstyre fredar rupejakta på Rauland Statsallmenning i 2017. Vedtaket er gjort med heimel i Fjellova 23. Bakgrunnen for fredinga er viltlova 1, Naturmangfaldlova 4-9. Vedtaket er førehandsvarsla på våre nettsider innan fristen på ei veke. Vedtaket kan påklagast innan 3 veker frå kunngjering. Sak 15/17: Orientering om reinskorttildeling og erfaring Inatur Rauland Fjellstyre har for fyrste gong opna for sal av villreinkort på Inatur.no. Jegerane måtte søkje om kort via Inatur og det er gjort trekking av kort.
Erfaringar så langt viser nokre utfordringar: Jegerar slit med å legge inn to kortpakker og prioriere Problem med manglande «kvittering» for søknad Unødvendig med val på innanbygds/utanbygds-skaper forvirring Vanskeleg for nokon at ein må ha forskjellig epostadresse Trøbbel med betaling av jegeravgift-sein oppdatering Elles verkar systemet bra reint teknisk. Men det må bli betre neste år for at det skal vere verd det det kostar. Det er allereie avtala eit møte med Inatur for å evaluere og lage endringar for neste år. Orientering ved sekretær. Fjellstyremedlemene har ikkje motteke informasjon frå jegerar som har store motførestillingar mot den nye ordninga. Fjellstyret er nøgde med mindrearbeidet dette fører med seg for å selje korta. Styret tek orienteringa til vitande. Sekretær jobbar vidare med Inatur for å få til ei endå betre løysing i 2018. Sak 16/17: Høyring «sanksjonar lovbrot statsallmenning» FH hadde denne saka oppe til handsaming på møte den 23 mars. Ein viser til saksutgreiing og vedtak under. Rauland Fjellstyre må kome med innspel til denne saka for ny handsaming i FHas i juni. -------------------------------------------------------------------------------------------- Sak 09/17: Felles sanksjonar ved lovbrot Saksutgreiing: Fjellova 25, tredje ledd gjev fjellstyret rett til å nekte å skrive ut jaktkort til personar som dei tre siste åra er straffedømte eller som har vedteke førelegg for brot «mot nokor førsegn om jakt». Det betyr at alle reglar som vert vedteke av fjellstyret i medhald av 23, tredje ledd vil ligge til grunn for moglege sanksjonar i tillegg til andre føresegner om jakt, jfr 25, tredje ledd.
Det ligg og i dette regelverket at ein jeger kan utestengast frå den datoen ein rettskraftig dom ligg føre eller frå den datoen jegeren har vedteke førelegg. Utestenginga kan vere opp til 3 år. Fjellstyret må i si handsaming av desse sakene vurdere kor alvorleg brotet har vore og kor lenge ein jeger skal utestengast frå jakt på Statsallmenning. Det vil vere avgjerande for folks oppfatning av lik handsaming at desse sakene vert handsama likt frå fjellstyre til fjellstyre. For å sikre dette vil felles retningslinjer for handsaming av desse sakene vere avgjerande. Sakshandsamar føreslår fylgjande retningslinjer for sanksjonar ved overtreding av føresegner om jakt på Statsallmenning på Hardangervidda: Utestenging i 3 år: Alle brot på 19 om inhuman jakt, herunder også uforsvarleg omgang med våpen og skyting mot manglande bakgrunn. Brot på viltlova 24, bruk av fangstredskap som ikkje er lovlege. Brot på viltlova 25, bruk av gift Jakting utanom jakttid og på andre freda artar, herunder i fredningssoner fastsett av fjellstyret Felling av rein utan gyldig fellingsløyve i det heile (dvs manglar fellingsløyve totalt for heile vidda) Andre tilhøve der jeger vert idømt fengselsstraff for brot på jaktføresegner. Utestenging i 2 år: Alle brot på viltlova 21, bruk av motorkjøretøy under jakt Brot på viltlova 22, jakt på symjande dyr. Felling av rein utan fellingsløyve på det dyret som er felt og/eller jaktar på Statsallmenning utan løyve med kort frå andre vald. Jaktar utan gyldig skyteprøve Jaktar utan jegeravgift Utestenging i 1 år: Brot på viltlova 23, drevjakt med hund Mindre brot på ulike føresegner om jakt Orientering ved sekretær. Kort ordskifte i saka. Det vert ytra ynskje om at saka vert sendt på høyring i fjellstyra rundt vidda. Saka vert sendt på høyring til alle fjellstyra som er medlem i FH. Fjellstyra får frist til å kome med innspel til FH innan 20 mai. Saka takast opp til ny handsaming på møte i FH i juni med sikte på at ein då vedtek felles retningsliner for sanksjonar. ----------------------------------------------------------------------------------------------------
Ingen Kort orientering ved sekretær. Rauland Fjellstyre har ikkje merknader til framlagde forslag til sanksjonar og ynskjer at det vert arbeidd vidare med dette. Samrøystes Sak 17/17: Planlegging sommaren, bygging mm Ingen Gjennomgang av arbeid og oppgåver som skal utførast i sommar. Kort ordskifte om oppgåver og plan for bygging. Det er ikkje bestilt dør: Jarle/Tor Age ordnar med dette og prøvar å få det inn med helikopter ifbm bygginga. DAB: det er DAB dekning på hyttene. Sekretær kjøper inn nye radioar for montering på hyttene. Må gå på 12V. Naust Kostveit: dette må endeleg plasserast i terrenget no i sommar. Sekretær har teke ut to forskjellige GPS punkt vinterstid med tanke på sno. Desse punkta må sjekkast ut sommarsdagen. Sekretær ser på dette ifbm anna arbeid i området. Styret tek orienteringa til vitande og ynksjer ovanfor nemnde tiltak gjort ila sommaren. Styret gjev dei ansvarlege økonomisk fullmakt til å gjennomføre tiltaka. Samrøystes
Sak 18/17: Skrantesjuke, orientering Ingen. Seiste nytt vert lagt fram på møtet. Orientering ved sekretær. Styret tek orienteringa til vitande. Sak 19/17: Datalagring, avtale om bruk Rauland Fjellstyre gjorde i sak 09/17 slikt vedtak: «Rauland Fjellstyre er positive til å gå vidare med eit system for digital lagring av dokument. Fjellstyret tek endeleg stilling til saka når den har vore oppe til handsaming i FH as.» FH as hadde dette oppe som sak på seiste styremøte. Det var brei tilslutning blant fjellstyreleiarane om at ei slik ordning må på plass. Administrasjonen fekk fullmakt til å jobbe vidare med saka. Dette er gjort og nokre medarbeidarar har allereie starta på utprøving av ekstern lagring. For RaulandFjellstyre vil ein lisens kunne delast mellom Rauland, Røldal og FH. Dette av di det er same sekretær. Totalprisen er pr i dag 630 kr pr månad. Dersom ein ser for seg ei tredeling av dette så vert prisen 210 kr pr månad for Rauland Fjellstyre. Rauland Fjellstyre godkjenner oppstart av ekstern digital lagring av dokument. Sekretær får fullmakt til å opprette dette og lage utkast til avtale mellom Rauland FS, Røldal FS og FH as. Avtala skal ikkje avvike frå ovanfor nemnde summar i vesentleg grad. Orientering ved sekretær
Rauland Fjellstyre godkjenner oppstart av ekstern digital lagring av dokument. Sekretær får fullmakt til å opprette dette og lage utkast til avtale mellom Rauland FS, Røldal FS og FH as. Avtala skal ikkje avvike frå ovanfor nemnde summar i vesentleg grad. Sak 20/17: Eventuelt Det kom opp fylgjande punkt under evetntuelt: 1. Vippskonto for Fjellstyret 2. Oversikt over regelverk til utdeling saman med villreinkort 3. Skjema for innslepp av jegerar 1. det kom opp forslag om å lage Vippskonto for Fjellstyret til betaling av overføring av reinskort mm. Denne bør administrerast av ein i fjellstyret som er tilgjengeleg under jakta. 2. Fjellstyret ynskjer ein oversikt over ymse regelverk ifbm reinsjakt som kan delast ut saman med jaktkorta. 3. Det kom opp forslag om å lage eit skjema som stadfester at jegeren som har dette med seg kan jakte på framandkort på Rauland SA. Då treng ein ikkje å skrive på korta. 1. Marit Jortveit orndar med Vippskonto for fjellstyret 2. Sekretær utarbeider ein oversikt over regelverk ifbm jakt 3. Sekretær lagar skjema for innslepp av framandkort. Samrøystes