REFERAT Fylkesgeodatautvalsmøte Hordaland Stad: Fylkeskommunen i Bergen Dato: 29.10.2014 kl 9-13 Referent: Solveig Otterå Til stades: Velkommen v/leiar Kjell Kvingedal ønskjer velkommen. Presentasjonsrunde rundt bordet. Informasjon om endringar ved fylkeskartkontoret i Bergen. Fylkeskartsjef Kjetil Gjesdal går til ny jobb, og ny fylkeskartsjef, Anne Lien, byrjar etter nyttår. Stig Vadseth er stadfortredar, men er i farspermisjon. Britt Bergfjord er fungerande fylkeskartsjef, men er oppteken med matrikkelmøte og kan ikkje stille på FGU-møtet. Det har vore avslutning for Åmund Fykse ved statens hus i Leikanger og med kartverket Bergen på Ulriken med påfølgjande tur over Vidden. Åmund har no gått av med pensjon etter lang og god innsats som representant for kartverket i Sogn og Fjordane, og som stadnamnsansvarleg i Sogn og Fjordane, Hordaland og Rogaland. Erling Trones tek over som stadnamnansvarleg og vil ha kontorplass ved kartverket i Ullensvang. Referat frå førre møte Gjennomgang av referat frå Flåm 20.-21. mai felles møte for begge fylkesgeodatautvala. Ingen kommentar til referat. Godkjent. Samde i fellesmøte også neste år. Myrkdalen ok, mogleg at forslag frå FGU-møtet i Sogn og Fjordane om mars, før påske er for tidleg. Forslag: onsdag til torsdag 15.-16. april på Myrkdalen Hotel. Geodataplan 2015-2018 Gjennomgang av Geodataplanen i fellesskap. 1. versjon vart sendt ut 1. oktober til utvalet berre nokre få innspel har kome til etter dette. Endringar i 1. versjon er markert med blå farge i versjon 2. som vert gjennomgått i fellesskap på skjerm. Strategiske val /sentrale lover i Noreg digitalt samarbeidet Strategiske val same som i fjor. Kommentar/innspel: ingen
Representasjon i Geodatautvalet Endringar: Asle Bernt Rekve (Tysnes kommune) har gått av med pensjon? Bjarne Hetlesæter (vara frå Sveio Kommune) tek over Sunnhordland IKS finn ny vara. Hardanger/Voss-regionen er ikkje representert. Ønske frå utvalet at regionen stiller med representant. Forslag at Kartverket/ny kartverkssjef ser på dette. Arbeidsutval Basis geodata: Har møter når det er trong for det. Arbeidsutvalets plan for laserskanning som vart sett opp for nokre år sidan er no gjennomført, og det vert poengtert frå SVV at laserdata rundt Bergen no byrjar å verte gamalt (noko er frå heilt tilbake til 2008) 2.5.3 Plan-, tema- og beredskapsutval. Plan har falle ut frå avsnitt om arbeidsgrupper. Dette må med. SVV saknar ein plan-person frå etaten som kan gå inn i plandataforum, grunna mykje arbeid med plan. Oppmodning frå Leivestad (Bergen kommune) om at det blir valt ein kommune som har ein del planverksemd for prøveprosjekt. Tendens i Kartverket at mindre sentrale kommunar med lite aktivitet på plan vert valt ut til slike prøveprosjekt. Det vert kommentert i utvalet at ein gjerne bør velje kommunar som er aktive i plan og har utfordringar når det gjeld beredskap (Voss, Odda el. jamfør pågåande flaum). Årlege Noreg Digitalt-møter. Ingen kommentarar til dette. Blir opp til ny fylkeskartssjef og dei involverte å organisere. Tilgang bruk av geodata DOK Publisering av liste over kva datainnhald som skal utgjere det offentlege kartgrunnlaget (DOK) 1. jan. - Kommentar frå FMLAHO: Urealistisk dato. Metadata, UML, er ikkje klart. Så vidt i gang med kursing av partar. Departementet vil behalde datoen, men vil truleg vera klart ila. 2015. NN2000 Status vert gjennomgått Overgang forventa ferdig i Sogn, Midthordland og Nordhordland, og Sunnfjord Nordfjord i løpet av første halvår 2015. Sunnhordland Hardanger Voss måling pågår Kommunane må oppretta NN2000 arkiv i sine basar. Sender inn til kartverket for transformasjon dato for innføring vert avtala kartverket sender tilbake ferdig transformerte data. Vann og avløp transformerer kommunane sjølv.
Ønske frå Vegvesen er at innføringa av nytt høgdegrunnlag skjer så samla som mogleg for heile landet. Pågåande prosjekt Status for pågåande geovekstprosjekt vert gjennomgått, det vert vist til oversikt som ligg ute på www.statkart.no/om-kartverket/bergen/datatabeller/nykartlegging Kommentarar ortofoto: Her trengst det snar leveranse så ikkje data vert gamle før dei vert teke i bruk. Midthordland ortfoto 2013-prosjektet har generelt noko mørke bilete. Dette var det siste geovekstprosjektet ein rakk å sette ut i fjor. Fotografering seint på sesongen gir ikkje optimalt resultat. Diskusjon rundt erfaringar med årets prosjekt: Blom har blitt tildelt alle prosjekta i HO og SF, også Bergen kommune sine prosjekt. Prismessig så låge at dei vann alle oppdrag. - Kartverket og Bergen kommune nyttar same vektingsskjema for tildeling av tilbod Blom bør avgrense oppdragsmengde om dei ikkje har kapasitet til å levere. Reglar for offentleg anskaffing styrer tildeling - avgrensa manøvreringsrom ved tildeling. Ein har heller ikkje oversikt over dei enkelte firma sine oppdragsmengder ved tildeling. Kartverket sentralt bør ta opp denne problematikken med firma Pris vs gjennomføringsevne. Det er og naturleg at partane evt. tar dette opp via sine representantar i geovekstforum. Kommentar etter møtet: Kartverket Bergen har gitt klar melding til aktuelt firma om naudsynt porsjonering av oppdragsmengde oppimot gjennomføringsevne. Dette vil verte tatt omsyn til ved neste års tildeling når det gjeld tidlegare erfaring med firma. Dette er og eit spørsmål om firma si prioritering av prosjekt. Vestlandet treng prioritering når det er bra vær. Bergen kommune sine erfaringar frå datafangstsesongen: - Har fått levert FKB data - Ortofoto kansellering. Fotografert dårleg resultat GSD10 kansellert SVV stiller spørsmål om dei geografiske områda i prosjekta er for store. Større sjans for gjennomføring med mindre prosjekt? Denne problemstillinga var oppe ved møtet i Flåm i vår, sjå ref. Justering i vektingsskjema for tildeling av geovekstprosjekt neste år. Prisdifferansar mellom ulike tilbod får noko mindre utslag. Ein bør og bruke skalaen godt i vektlegging av kvalitet og når det gjeld tidlegare erfaring med firma. Datadekning i fylka Oversikt frå metadatakatalogen vert vist Laser data pr okt 2014 - Nokså bra dekning i Hordaland, ein del manglar framleis i Sogn og Fjordane. FKB - God levering av FDV data frå partane naudsynt. Det kan gå mange år mellom kvar geovekstkartlegging i ei kommune. FDV data frå partane gir oppdaterte kart.
Ortofoto det vert som standard laga ortofoto av flybilete tatt i høve FKBkartlegging. Metadatakatalogen treng oppdatering på ein del FKB-D områder som er kvite på kartet, og B-orto oversikter ser ut til å mangle på ortofotooversikta. Status for Grunnkart Bergen er feil (har ortofoto 10 og 5 cm). Omløpsfoto - tilgjengelig i 25 cm oppløysing HO 2013, SF planlagt i 2016. Moglegheit for matching, AR5, FKB-C AR5 Kostnadar til periodisk ajourføring av AR5 samt kostnad til kvalitetsheving av omløpsfoto til 25 cm vert tatt med i geovekstavtalar i dei kommunar ein startar opp geovekst kartleggingsprosjekt. Slik får ein avtalar for dette i ein god del kommunar. Likevel er det mange kommunar ein ikkje har avtale om AR5/omløpsfotokostnadar enno. Dette må løysast gjennom eigne avtalar. Nasjonal høgdemodell Det er avsett midlar til pilot i statsbudsjett. 3/4 testområder vert kjørt. Flate fjellområde kan matchast frå omløpsfoto. Polygon for potensielle områder for matching er lagt inn i geodataplanen. Bra å ha dette i bakhovudet når ein planlegg laseravgrensingar i geovekstprosjekt eller treng høgdedata i desse områda. Matching er billigare enn laser, særskilt ved matching av større områder. - Test Frøya på 25 cm bilete frå omløpsfoto (same som no dekker heile Hordaland og ytre delar av SF): Standardavvik <15 cm, maks avvik >8 m. - Omløpsfotografering Trøndelag bestiller no matching som standard i heile fylket Kystkontur Kartverkets sjødivisjon arbeider med 5 sjøkart på kysten av SF og eitt i HO dei neste åra. Kystkontur er av varierande kvalitet i desse områda. Viktig å ta omsyn til dette i arbeidet i nye geovekstprosjekt og inkludere kyst og skjær så langt dette trengst og ein har høve til det. Ny kystkontur vil då som felles kystkontur gå inn i alle kartverkets produkt inkludert nye sjøkart. Det er sett i gong to prosjekt for konstruksjon av kystkontur med kostnadar dekt av sjødivisjonen åleine. Det eine i Sunnhordland der Sjødivisjonen no arbeider med sjøkart 19. Geovekst 2015-2018 Kartleggingsplanen samt grove områdeavgrensingar og innleiande kalkyletal vert presentert for geovekst i HO 2015-2018. Meint til å gi ei grov oversikt som utgangspunkt for utvalet til prioriteringar og justering av kartleggingsplan. Dei innleiande kalkyletala vert lagt inn i handlingsplanen. Diskusjon rundt bestilling av FKB-B og laser samstundes. Ein del laserdata byrjar å verte gamle. SVV ynskjer at ein i kommunar med ein del aktivitet i utgangspunktet bør kjøre laser samstundes med FKB-B og ortofoto. Ein har no i Hordaland gjennomført førstegangs laserskanning i dei viktigaste områda. Ein må vidare vurdere i det enkelte prosjekt kva områder som treng nye laserdata Nordhordland i kartleggingsplanen omfang av kartlegging i Nordhordland i 2018 må justerast avhengig av kva som vert dekt i 2015.
FKB-B nykonstruksjon vs ajourføring: Erfaring frå kartverket og Bergen kommune er at nykonstruksjon fort kan være billegare og enklare. Bergen kommune nykonstruerer alt i FKB-B som standard. Når det gjeld laserskanning erfarer Bergen kommune at det vert billigare å skanne på nytt enn å finne og måle inn høgdeendringar fotogrammetrisk. Matrikkel Vegadresser einsarta adressesystem i heile landet. Status i vegadresseprosjektet pr 1. okt vert gjennomgått for fylka på landsbasis og i kommunane våre. Generelt bra dekning i Hordaland. Etne, Jondal, Austevoll og Osterøy manglar adresser (her kan det være utført arbeid utan at det kjem fram i statistikkar). Kartverket vil halde fram med dette arbeidet som eit kommunikasjonsprosjekt. - Innspel frå Kvingedal FM: Kommunar kan søke om støtte til adressering via regionråd og få dekt inntil 50 % av kostnadane. Plan og temadata Plan status i arbeidet vert vist på seplan.no. Innspel frå Bergen kommune: vanskeleg å få store sosi-filer feilfri slik at desse blir registrert/godkjent i systemet. Usikker kor godt tabellane i geodataplanen synleggjer status, da mykje plandata er klart, men blir ikkje godkjent av Kartverket grunna småfeil (formatfeil). - Arne Klingsheim: grunna nye fysakversjonar finn kartverket stadig småfeil i datasetta som kommunane sender inn til kartverket sjølv om data er sjekka i kommunen sin versjon av Fysak. Desse data vert da ikkje godtkjent og kommunen misser økonomisk støtte. Kommentar etter møtet: Vi i Kartverket ønskjer sjølvsagt at alle skal få godkjent planleveranse så fort som mogleg, men må forhalde oss til kontrollrutinene på Kartverket sin QMS. Det er ikkje mogleg å laste opp plandata for synleggjering på SePlan (eller nedlasting for ND-partar) utan at dei går gjennom QMS-kontrollen som krev feilfrie SOSI-filer. Denne veka har Kartverket godkjent plandata på leveransenivå R2 for Askøy og leveransenivå R3 for Bergen. Lokale representantar i arbeidet med temadata - Geonorge: Bjørn Inge Fossen (Luster kommune) er med i testgruppe for ny portal. - Temadataforum: Trond Rolland (Fylkesmannen) er med, i tillegg til Kjersti Flatråker (Radøy kommune) og Aase Midtgaard Skrede (FKK Bergen) Omsynssoner i kommuneplan, moment som kjem opp: - Kommentar frå Bergen kommune utfordrande å bruke temadata som omsynsgrunnlag. Heller retningsliner om at temadata skal nyttast som grunnlag for utgreiing. Problematisk at alle omsynssoner skal vera med i kommuneplanar. - Reglar om at utbygging ikkje skal skje innanfor desse sonene med mindre kommunen er tom for areal elles. - Temadata er dynamiske data forsiktig med å sementere i kommuneplanar.
- Problematisk å presentere temadatasett som fullverdig dersom det ikkje er gjort ei grundig oppdatert kartlegging. Nulldata er viktig informasjon. Kommentar etter møtet: vi vil arbeide for å få til eit tettare samarbeid mellom nasjonale etatar som er ansvarlege for ulike temadata og kommunar som skal bruke desse m.a. som underlag for å utforme omsynssoner i kommuneplanar. FDV Nye FDV avtalar er no sendt ut for underskriving (unntatt Bergen kommune). Kartverket følgjer opp dette. Tiltredelsesavtale for nye partar (for Fylkeskommunen, Fylkesmannen vert ordna sentralt) kjem etter at sentrale forhandlingar er gjennomført i løpet av hausten. Plan kjem inn i FDV- avtalane. Innkjøpstal for plandata vert: - 10% partar (SVV, FM, FK) - HO 108.642,- SF 43.019,- - 5% partar (Telenor og E-verk) betalar halvparten Dette er basert på dagens kostnadsdeling/finansieringsplan, og at Bergen kommune er medrekna. Desse tala vert tatt med inn i handlingsplan. Ny FDV økonomi i 2015. Meir vekt på faktisk gjennomført vedlikehald og oppdateringsansvar. Tilhøvet mellom førte bygg i matrikkel og byggpunkt i FKB styrer reduksjonsfaktor. Målet er betre føring av matrikkel og FKB-bygg i kommunane. Viktig å kommunisere endringar ut til kommunane på Noreg digitaltmøte mm. FKB Leidning. Det trengs betre ajourføring av FKB Leidning. Det er laga ny standar der eigarar av ledingsnett har ansvar for ajourføring. Geometriforbetringsprosjekt som samarbeid mellom Kartverket og leidningseigarar er aktuelt. Forslag til tekst om dette vert lagt fram, og det er semje om at denne teksten vert teke med i geodataplanen. Det er naturleg å starte dette arbeidet i samarbeid mellom kartverket og BKK. BKK har tatt initiativ til møte med kartverket. Kartverket og BKK finn tid til dette møtet. Mange leidningseigarar, mykje oppgradering av data til ny standard, kven tek kostnad? Telenor poengtere at nøyaktigheitskrav ikkje har blitt spesifisert. Eit slikt krav bør utarbeidast sentralt. Handlingsplan Innleiande retningsvisande kalkyletal - hjelpemiddel for budsjettering for partane. Oversikt fire år framover. NN2000 kostnadar kjem ikkje med i 2015 ettersom alle NN2000 prosjekta no er starta opp og handlingsplanen kun inneheld planlagde prosjekt. NVE opp til 17% av kostnader i geovekstprosjekt med laser (må vurderast frå prosjekt til prosjekt). Utvalet godkjenner Geodataplanen medrekna dei aktuelle justeringane som er gjennomgått på møtet - med atterhald om at representantane kan komme med innspel dei neste dagane etter møtet.
Geovekstprosjekt 2015 På slutten av møtet såg utvalet nærmare på plan for geovekst i fylket i 2015: SVV treng laserdata i fleire kommunar i midthordland. Eksisterande laserdata her byrjar å verte gamle. Askøy, Os og Meland er viktig for VV, Sund og Fjell er og aktuelt for laser til SVV dersom kommunane er med på dette. Øygarden eventuelt laser til og med Tjeldstø. Sett i lys av trongen for data i desse kommunane vel utvalet å sette dette høgst på prioriteringslista neste år. Deretter Nordhordland der det trengst å avklare kartleggingsbehov og eventuelt minske omfang av kartlegging i høve innleiande områdeavgrensingar. Kommentar etter møtet: Kartverket har mottatt melding om at kommunane i Nordhordland forventar at utsett plan for 2014 vert gjennomført i 2015. Prioritet for 2015: 1. Midthordland a. Askøy b. Os c. Meland d. Fjell? e. Sund? (Vegvesen - Eldre laser i kommunar med jamn aktivitet bør laser takast på nytt saman med FKB.) 2. Nordhordland a. Vaksdal b. Meland c. Lindås 3. Sunnhordland a. Stord b. Fitjar c. Bømlo Spørsmål om nedbetaling over fleire år enn to i geovekstprosjekt for kommunar som har trong for dette. Dette er aktuelt, vurdering frå prosjekt til prosjekt. Prosjektoppstartsmøte - Nordhordland: Meland kommune - Midthordland: Kartkontoret Bergen - Sunnhordland: Stord Neste FGU-møte Fellesmøte Sogn og Fjordane og Hordaland. Forslag etter FGU-møte i SF: Myrkdalen - mogleg i mars? Datoforslag etter FGU-møte i Hordaland: onsdag til torsdag 15.-16. april, Myrkdalen Hotel. Møteplanen var ferdig gjennomgått og møtet vart avslutta klokka 13.