BILAG 2 GENERELLE KONTRAKTSVILKÅR

BILAG 2 GENERELLE KONTRAKTSVILKÅR Innhald 1 DEFINISJONER... 2 2 KONTRAKTSDOKUMENT... 2 3 OVERFØRING AV KONTRAKTPLIKTER... 3 4 EIGEDOMSRETT OG ANSVARET FOR KONTRAKTSAVFALLET... 3 5 SAMARBEID, PARTANE SINE REPRESENTANTAR, VARSEL... 3 6 KVALITET- OG MILJØSSIKRING... 4 7 PERSONELL OG KOMPETANSE... 4 8 BRUK AV UNDERLEVERANDØR... 4 9 LØNS- OG ARBEIDSVILKÅR... 5 10 UTSTYR OG KJØRETØY... 5 11 ENDRINGER, PRISAR OG PRISREGULERING... 5 12 HINDRINGAR / MANGLANDE HENTING... 6 13 DAGMULKT OG ERSTATNING... 7 14 HEVING AV AVTALEN... 7 15 BETALING OG FAKTURERING... 8 16 SIKRING / GARANTI... 9 17 FORSIKRINGAR... 9 18 TVISTAR... 10 19 KONTROLL... 10 20 KONTRAKTSTID, OPPSEIING... 10 21 VEDLEGG... 11 21.1 VEDLEGG 1 UTKAST TIL AVTALEDOKUMENT... 11 21.2 VEDLEGG 2 STANDARD BANKGARANTI... 13 Albaran AS Side 1 av 13

For gjennomføring av oppdraget gjeld følgjande kontraktsvilkår: 1 DEFINISJONER Avtaledokument: Dokument der partane skriftleg stadfestar at kontrakt er inngått. Oppdragsgjevar: Kontraktspart som skal ha arbeidet utført. Leverandør: Underleverandør: Kontraktssum Kontraktsavfall: Virkedagar: År: Kontraktspart som har teke på seg ansvaret for gjennomføring av dei oppgåvene som vert omfatta av kontrakten. Tredjemann som har inngått avtale med leverandør om delar av delar av kontraktsarbeidet. Opphavleg avtala vederlag for kontraktspliktene til leverandøren, inkludert mva. Restavfall som kontrakten omfattar, det vil seie restavfall frå hushald og næring, jf. Bilag 1, punkt 1.8. Alle dagar med unnatak av laurdagar, heilagdagar og offentlege høgtidsdagar. 12 månader (365 dagar). Årleg kontraktssum: Del av kontraktssummen som forfell kvart år i kontraktsperioden. 2 KONTRAKTSDOKUMENT Følgjande dokument vert gjort gjeldande som ein del av kontrakten: 1. Avtaledokument. 2. Møtereferat frå avklarings-kontraktsmøte. 3. Eventuelle skriftlige meldingar frå oppdragsgjevar om endringar i tilbodsgrunnlaget før tilbodsfrist. 4. Oppdragsgjevaren sitt tilbodsgrunnlag, med følgjande dokument i prioritert rekkjefølgje: 4.1. Bilag 1: Kravspesifikasjon. 4.2. Bilag 3: Prisskjema. 4.3. Bilag 2: Generelle kontraktsvilkår. 4.4. Oppdragsgjevar sitt konkurransegrunnlag. 5. Tilbodet frå leverandøren. Dokumenta er oppført i prioritert rekkjefølgje. Yngre vilkår gjeld framfor eldre, spesielle vilkår framfor generelle og særskilde vilkår for kontrakten framfor standardiserte vilkår. Dersom det i tilbodet er avvik frå vilkåra i oppdragsgjevaren sitt tilbodsgrunnlag, gjeld dei avvikande vilkåra berre i den utstrekning dei er godtekne eller vist til i dei ovanfor nemnde punkt 1 2. Kontrakten skal gjennomførast etter gjeldande norske lover og forskrifter, tekniske vilkår og andre offentlege vedtak som er relevante for oppdraget, og alle naudsynte løyve frå styresmaktene. Albaran AS Side 2 av 13

3 OVERFØRING AV KONTRAKTPLIKTER Oppdragsgjevar kan overdra sine rettar og plikter i kontrakten til tredjemann, dersom han kan godtgjere at vedkomande har den naudsynte økonomiske soliditet til å oppfylle oppdragsgjevaren sine plikter i kontrakten. Oppdragsgjevar kan overdra særskilde rettar (til dømes kontrollar) i kontrakten til tredjemann. Leverandør kan ikkje overdra eller pantsetje heile, deler, eller ei interesse i kontrakten til tredjemann utan oppdragsgjevaren sitt samtykke. 4 EIGEDOMSRETT OG ANSVARET FOR KONTRAKTSAVFALLET Leverandøren overtek eigedomsretten og ansvaret for all vidare handtering av kontraktsavfallet ved grensesnitt spesifisert i bilag 1, punkt 1.5. Oppdragsgjevar har ikkje ansvar for eventuelle skadar på leverandøren eller underleverandørane sitt utstyr som skuldast innhaldet i avfallet, inkludert dei feilsorteringar som ein må forvente. Leverandør overtek alt ansvar for produsert sluttprodukt i samsvar med Lov om produktansvar frå 23.12.1988. Dette omfattar også naudsynte kontrollar av avfallsråvare som inngår i produksjonen og/eller sluttproduktet, slik at det ikkje kan vidareførast eit krav til oppdragsgjevar ved avvik i avfallet sin kvalitet. Dersom leverandør ved uhell eller andre årsaker tilgrisar omgjevnaden eller gjer skade på utstyr, skal han straks og for eiga rekning rydde opp etter seg, og skrive avviksmelding eller skademelding. 5 SAMARBEID, PARTANE SINE REPRESENTANTAR, VARSEL Partane pliktar å samarbeide og vise aktsemd ved gjennomføring av kontrakten. Oppdragsgjevar og leverandør skal til ei kvar tid halde kvarandre skriftleg orientert om eigen organisasjon med namn, tittel og ansvarsområde. Begge partar skal opplyse om kven som har fullmakt til å inngå avtalar på oppdragsgjevar og leverandør sine vegne. Skriftleg kommunikasjon skal skje på norsk om anna ikkje er avtalt. Leverandøren skal ha éin person som er hovudansvarleg for å følgje opp. Denne personen skal også vere kontaktperson mot oppdragsgjevar. Leverandør skal ha eit opplegg for kommunikasjon som gjer det mogeleg å oppnå telefonkontakt både i arbeidstida og med ein vakttelefon utanom arbeidstid. Leverandør må alltid ha beredskap slik at feil og manglar ved oppdraget kan rettast opp snarast. Leverandør skal også vere tilgjengeleg på e-post slik at dokument kan sendast elektronisk. Leverandøren sin kontaktperson skal også syte for at alle skriftelige rutinar, beredskapsplaner mv er oppdatert til ein kvar tid. Alle varsel, krav og andre meldingar som vert gjevne etter vilkåra i kontrakten, skal gjevast skriftleg til vedkomande part sin representant. Viktige telefoniske eller munnlege varsel, krav og meldingar skal alltid stadfestast skriftleg. Bruk av e-post (men ikkje sms) vert i denne samanheng også rekna som skriftleg. Albaran AS Side 3 av 13

Leverandør har plikt til å delta på møte som oppdragsgjevar kallar inn til utan ekstra kostnader for oppdragsgjevar. Leverandør kan sjølv be om møte dersom det er grunn til det. Alle møte skal haldast hjå oppdragsgjevar dersom ikkje anna er avtalt. Generelt skal tilhøve som leverandør meiner kvalifiserer til tilleggspris meldast oppdragsgjevar straks og skriftleg med opplysningar om tid, stad og grunngjeving av kravet. Generelt skal tilhøve som leverandør meiner er kvalifisert til fristforlenging, tilleggspris o.l., dokumenterast på ein tilfredsstillande måte. Leverandøren sine tilsette og eventuelle underleverandørar har teieplikt om opplysningar som dei får tilgang til ved gjennomføring av oppdraget. Teieplikta gjeld også mot oppdragsgjevar for tilhøve som ikkje er relevante i høve til kontrakten. 6 KVALITET- OG MILJØSSIKRING For å sikre at leverandør til ei kvar tid skal overhalde krav i lov, forskrift, utsleppsløyve mv. er han forplikta til å utøve internkontroll i samsvar med det til ei kvar tid gjeldande regelverk. Leverandøren er forplikta til å ha eit system for sikring av kvalitet og service ved gjennomføring av arbeida i kontrakten som helst skal oppfylle relevante krav i samsvar med NS-EN ISO 9000-9004. Kvalitetssystemet skal m.a. ha prosedyrar som sikrar at: a) Tidsfristar vert haldne; b) Det finst ein beredskapsplan for tiltak ved manglande transport eller permanent eller mellombels driftsstans på behandlingsanlegget; c) Arbeidet skjer i samsvar med dei vilkåra som er avtalt partane imellom ved hentestaden. d) Leverandøren sine tilsette får fortløpande opplæring i arbeidsmiljø, service og miljøkunnskap; e) Rutinar for rapportering og kontroll vert følgt opp; f) Rutinar for handtering av avvik vert følgt opp. Leverandøren skal legge fram dokumentasjon på eit tilfredsstillande system for kvalitet og internkontroll innan fristen gjeve i avtaledokumentet. 7 PERSONELL OG KOMPETANSE Leverandøren skal til ei kvar tid syte for å ha kvalifisert personell til å utføre arbeidet. Leverandøren skal gje naudsynt opplæring av personell som skal utføre arbeidet, og det skal vere kvalifisert reservepersonell til å setje inn ved sjukdom, feriar mv. 8 BRUK AV UNDERLEVERANDØR Leverandør har rett til å la delar av pliktene sine i kontrakten bli utført av underleverandør. Leverandør sitt ansvar etter kontrakten ovanfor oppdragsgjevar vert ikkje endra ved bruk av underleverandør. Før det vert inngått kontrakt med underleverandør, skal leverandør melde i frå til oppdragsgjevar om kva delar av kontrakten underleverandør skal nyttast til. Oppdragsgjevar kan krevje at avtale mellom leverandør og underleverandør skal leggjast fram for han. Albaran AS Side 4 av 13

Oppdragsgjevar kan utan omsyn til vilkåra over nekte å godta leverandør sitt framlegg til underleverandør, dersom han har sakleg grunn for dette og straks gjev melding om dette til leverandøren. 9 LØNS- OG ARBEIDSVILKÅR Leverandøren skal syte for løns- og arbeidsvilkåra til sine tilsette er i samsvar med gjeldande landsomfattande tariffavtale for den aktuelle bransjen, og at vilkår knytt til helse-, miljø og tryggleik er oppfylt. Det vert m.a. vist til forskrift om allmenngjøring av tariffavtaler for godstransport på veg, som vart gjort gjeldande frå 1.7.2015. Leverandøren har ansvaret for at også eigne underleverandørar oppfyller dette kravet. Dersom oppdragsgjevar krev dette, skal leverandøren dokumentere at løns- og arbeidsvilkåra til tilsette og underleverandørar nytta i kontrakten tilfredsstiller vilkåra i avsnittet over. Oppdragsgjevar har rett til å overlate denne kontrollen til tredjepart. På førespurnad skal leverandøren dokumentere at utført arbeid siste periode er i samsvar med desse vilkåra, og kva kontrolltiltak som er sett i verk. Dersom det viser seg at lønns- og arbeidsvilkåra ikkje oppfyller vilkåra i kontrakten, kan oppdragsgjevar halde tilbake eit beløp tilsvarande dagmulkta definert i frist d) i punkt 13 fram til tilhøva er i orden. Dersom dette ikkje kjem i orden etter dette, vert kontraktsbrotet rekna som vesentleg misleghald, jf. punkt 14. Leverandøren skal elles halde oppdragsgjevaren skadelaus for eit kvart krav knytt til brot på ålmennregelverket om løns- og arbeidsvilkår. 10 UTSTYR OG KJØRETØY Leverandør skal halde naudsynt køyretøy og utstyr for gjennomføring av oppdraget. Dette skal vere tilpassa dei avfallsfraksjonane som skal transporterast og behandlast. Materiell som vert nytta må vere i god teknisk stand, det må der dette er relevant tilfredsstille krav frå veg-/trafikkstyresmaktene, og vere tilpassa vegnettet sin lokale standard. Leverandør skal ha reservemateriell, slik at arbeidet til ei kvar tid kan utførast i samsvar med kontrakt. Leverandør er ansvarleg for skadar på eige utstyr med mindre særskilde tilhøve tilseier noko anna. Skadar på utstyr eller konstruksjonar eigd av oppdragsgjevar eller tredjemann som skuldast uvøren handtering frå leverandøren si side, skal dekkast av leverandør. 11 ENDRINGER, PRISAR OG PRISREGULERING Oppdragsgjevar har rett til å krevje endringar i utføringa. Endringane må stå i samanheng med det arbeidet som vert omfatta av kontrakten, og ikkje vere av vesentleg anna type arbeid. Leverandør pliktar å utføre endringane sjølv om partane er usamde om vederlaget for endringane. Er einingsprisane i kontrakten relevante skal desse nyttast ved justering av vederlaget ved endringa. Dette gjeld også einingsprisar gjeve for alternativ og opsjonar i kontrakten. Einingsprisane skal også leggjast til grunn for oppgjeret dersom grunnlaget for vederlagsjusteringa gjeld ytingar som i hovudsak liknar ytingane som det er fastsett einingsprisar for. Partane kan då krevje at einingsprisane vert justerte for avviket. Justeringa skal reflektere prisnivået på dei opphavlege einingsprisane. Om ikkje anna er spesifisert, gjev endring i årleg tonnasje kontraktsavfall ikkje rett til endring av Albaran AS Side 5 av 13

einingsprisane. Einingsprisane for henting og transport vert indeksregulert ein gong for året pr 01.01, på grunnlag av indeksen i desember året før, med første regulering pr 1.1.2015. Einingsprisane skal regulerast ut frå Statistisk Sentralbyrå sin totalkostnadsindeks for lastebiltransport, langtransport 3-aksla bil m/henger". Dei indeksregulerte einingsprisane skal gjelde uendra i eitt år. Grunnindeksen for all indeksregulering vil vere siste offentleg kjende månadsindeks ved tilbodsfristen, dvs. indeks pr. november 2015. Alle utgifter til bompengar, ferjer m.a. vert rekna som inkludert i einingsprisane i kontrakten og vert såleis ikkje gjenstand for spesiell regulering utover den før nemnde indeksreguleringa. Einingsprisen for behandling skal haldast faste utan regulering. Unnataket er ved følgjande vilkår: Endringa skuldast endring i lov / forskrift i landet der aktiviteten skjer, og leverandøren kan dokumentere at det ikkje finst rimelegare behandlingsanlegg i eit anna land. Det kan dokumenterast at endringa influerer på gjeldande årleg kontraktsum med meir enn +/- 15 %. Den aktuelle part varslar skriftleg om tilhøvet der også endringa vert dokumentert m.a. i høve til vilkår og einingsprisar i denne kontrakten. Som referanse ved dokumentasjon av endring med meir enn +/- 15 %, skal det nyttast indeksregulert kontraktsum ved tidspunktet for signering av kontrakt. Dersom partane ikkje vert samde om endringar på grunnlag av dei tre vilkåra som her er nemnde, har oppdragsgjevar rett til å seie opp kontrakten i samsvar med punkt 20. Endringar i valutakursar, marknadsmessige endringar i energiprisar, mellombels eller permanent omlegging av vegnett, endringar i omfanget av bompengar, variasjonar i mengde, kvalitet, brennverdi el.l. i avfallet gjev ikkje grunnlag for å krevje justeringar av prisane. Det vert likevel gjort unntak for valutaendring frå tilbodsfrist til tidspunktet for signering av kontrakt. 12 HINDRINGAR / MANGLANDE HENTING Oppdragstakar har ansvaret for at avfallet vert henta på avtalt lokalitet og i samsvar med gjennomføringsplan og prosedyrar som er godkjende av oppdragsgjevar. Avfallet skal hentast etter plan godkjent av oppdragsgjevar. Dersom avfallet ikkje vert henta til avtalt tidspunkt, uansett årsak, pliktar oppdragstakar straks å setje i verk alternativ løysing slik at avfallet vert henta snarast råd. Deretter skal oppdragsgjevar varslast med melding om årsak til avvik, og tiltak som er sett i verk. Dersom leverandør på grunn av streik/lockout eller force majeure ikkje får utført kontraktarbeidet, har oppdragsgjevar høve til å utføre kontraktarbeidet i eigen regi eller ved hjelp av andre. Det same gjeld dersom mengda på lager hjå oppdragsgjevar overstig maksimalgrensa, og leverandøren ikkje kan vise til tilfredsstillande planar for å rydde opp i dette. Albaran AS Side 6 av 13

13 DAGMULKT OG ERSTATNING Oppdragsgjevar kan krevje dagmulkt dersom: a) Oppstart av oppdraget ikkje skjer i samsvar med kontraktfesta dato for oppstart, jf. punkt 20. b) Henting er vesentleg forseinka, og der leverandør ikkje har rett til fristforlenging, eller dersom mengda på lager hjå oppdragsgjevar overstig grensa definert for kvar kontrakt i bilag 1, punkt 1.8. c) Kvalitetsplan eller anna dokumentasjon ikkje er lagt fram til tidspunkt avtalt i kontrakt. d) Brot på vilkåra om løns- og arbeidsvilkår, jf. punkt 9. e) Overskriding av avtalte tidsfristar for lukking av kontraktsavvik med økonomisk konsekvens for oppdragsgjevar, eller som har vesentleg innverknad på tenestenivået i kontrakten. Dette kan t.d. gjelde innblanding av anna materiale i kontraktsavfallet, eller manglande oppfylling av avtalt miljøkvalitet. Dagmulkta utgjer følgjande for dei nemnde tilhøva: a): 2,0 promille pr. kalenderdag av årleg kontraktsum, inklusive mva. Minimum kr. 15000 pr. dag. b): NOK 15.000 pr. dag c) og e): NOK 3.000 pr. dag. d): 1,0 promille pr. kalenderdag av årleg kontraktsum, inklusive mva. Minimum kr. 6000 pr. dag Samla årleg dagmulkt skal ikkje utgjere meir enn 10 % av årleg kontraktsum. Ved brot på vilkåret om maksimal mengde på lager, trer dagmulkta i kraft automatisk. Ved dei andre vilkåra skal oppdragsgjevar straks varsle leverandøren dersom han vil krevje dagmulkt. Mulkta gjeld frå det tidspunktet som oppdragsgjevaren krev, men tidlegast frå det tidspunkt leverandøren får varselet. Dersom leverandøren ikkje har retta opp tilhøva som er grunnlag for dagmulktkravet innan 14 kalenderdagar etter varselet vart sendt, kan oppdragsgjevar heve kontrakten. 14 HEVING AV AVTALEN Den eine parten har rett til å heve kontrakten dersom den andre parten i vesentleg grad mislegheld pliktene og ikkje rettar opp tilhøvet innan den frist som vert fastsett etter skriftleg varsel. Som vesentleg misleghald reknar ein t.d. at den eine parten ved fleire tilfelle ikkje har betalt uomtvista krav til rett tid. Som vesentleg misleghald frå leverandør reknar ein t.d.: a. Forseinka oppstart med meir enn 3 dagar samanlikna med oppstartdato i kontrakt; b. Overskriding av tidsfristar, etter at leverandøren er blitt varsla skriftleg om dette, jf. punkt 12 og punkt 13, inkludert stadige tilfelle av at mengda på lager hjå oppdragsgjevar overstig avtalt maksimal mengde; c. Manglande eller svært mangelfull rapportering; Albaran AS Side 7 av 13

d. Manglande garantiar og forsikringar; e. Stadige eller vesentlege brot på rutinar i eige internkontrollsystem eller kvalitetssystem; f. Brot på lover og forskrifter g. Endring av henting-/transport-/behandlingsløysing som ikkje tilfredsstiller avtalte miljøkrav; h. Feil og manglar ved oppdragsgjennomføringa som gjev grunnlag for dagmulkt som i sum kjem over 10 % av årleg kontraktsum. Går leverandør konkurs, eller vert prova eller erkjent insolvent, kan oppdragsgjevar heve kontrakten, med mindre det med ein gong vert godtgjort at arbeidet kan fullførast i samsvar med kontrakt. Heving skjer ved at oppdragsgjevar gjev leverandøren skriftlig melding om dette. Ved heving av kontrakten skal: a) oppdragsgjevar betale for arbeid utført i samsvar med avtalen. Oppdragsgjevar kan halde tilbake eit tilstrekkeleg beløp for å få dekka tap dersom misleghaldet skuldast forsettleg eller grovt uaktsame tilhøve hjå leverandøren eller representanten hans; b) leverandør straks og utan vederlag levere tilbake alt eksisterande materiale levert av oppdragsgjevar. 15 BETALING OG FAKTURERING Leverandør sender faktura til oppdragsgjevar første gong etter første månadsskifte etter oppstart, jf. punkt 20, deretter etterskotsvis kvar månad (12 gonger årleg) for mottekne mengder i samsvar med kontrakt. Om ikkje anna er avtalt skal fakturaen byggje på registreringane i oppdragsgjevar sitt vektsystem. Fakturagrunnlaget er utvegd tonnasje og einingsprisane i kontrakten. Leverandør skal følgje oppdragsgjevar sine ønskje når det gjeld utforming av fakturaen, som m.a. skal ha følgjande vedlegg: Spesifikasjon av eventuelt tilleggsarbeid, jf. punkt 5. Oppdragsgjevar pliktar å betale uomtvista krav innan 30 dagar etter at han har motteke faktura. Men det er ein føresetnad for betaling at fakturaer er utforma i samsvar med kontrakt. Dersom leverandøren er skuldig dagmulkt, eller dersom oppdragsgjevar har andre krav som følgje av opplagde avvik, kan oppdragsgjevar halde tilbake så mykje av betalinga at han har tilstrekkeleg sikring for å dekkje eit spesifisert krav. Utanom dette pliktar oppdragsgjevar å betale uomtvista krav innan fastsette betalingsfristar. Ved for sein betaling skal den skuldige parten betale morarente i samsvar med lov av 17. desember 1976 nr. 100 om renter ved for sein betaling. Leverandør skal sende sluttoppgjer for arbeidet seinast 28 dagar etter utløpet av kontrakten. Fakturaen med sluttoppgjeret skal innehalde alle krav frå leverandør. Krav som tidlegare er varsla, men som ikkje er avgjort eller betalt, skal takast opp att i samband med sluttoppgjeret dersom krava framleis står ved lag. Dersom ikkje, kan oppdragsgjevar sjå bort frå desse. Krav som ikkje er med i sluttoppgjeret kan ikkje fremjast seinare. Albaran AS Side 8 av 13

Oppdragsgjevar skal betale sluttfaktura seinast 30 dagar etter at denne er motteken. Har oppdragsgjevar merknader til sluttfakturaen, skal desse varslast innan 30 dagar. 16 SIKRING / GARANTI Leverandør skal for eiga rekning stille sikring for sine plikter i kontrakten, her under morarenter og kostnad ved inndriving. Sikringa skal vere formulert i samsvar med punkt 21.2. Sikringa skal stillast som påkravsgaranti frå bank, forsikringsselskap eller anna kredittinstitusjon. Påkravsgarantien frå garantisten skal rettast direkte til oppdragsgjevar. Når garantiansvaret blir gjort gjeldande, pliktar garantisten å betale med ein gong ( on demand ), utan at det kan gjerast gjeldane innvendingar av noko slag frå forholdet mellom leverandør og oppdragsgjevar, eller innvendingar elles knytt til andre forhold. Garantien kan ikkje kallast tilbake. Dokumentasjonen for sikringa skal leggjast fram for oppdragsgjevar seinast innan tidspunkt spesifisert i avtaledokumentet. Garantiansvaret kan ikkje gjerast gjeldande utan at leverandør har fått rimeleg frist til å rette opp tilhøva som er påklaga. Garantien skal gjelde i heile kontraktperioden inkludert eventuelle opsjonsår. Krav under garantien kan bli fremja inntil maksimalbeløpet nedanfor er nådd. Krav under garantien skal leggjast fram skriftleg og skal innehalde ei erklæring om at leverandør har misleghalde sine plikter. Alle dagmulkter lista opp i punkt 13 skal kunne trekkjast frå garantien. Dersom leverandør ikkje hentar avfallet innan avtalt frist etter varsel frå oppdragsgjevar, og oppdragsgjevar må få andre til å hente avfallet på leverandøren si rekning, skal også desse kostnadane kunne trekkjast frå garantien. Det same gjeld liknande type kostnader der oppdragsgjevar må betale andre for å utføre plikter som etter avtalen skal utførast av leverandøren. Garantisten pliktar å betale straks, utan innvendingar eller merknader om tilhøvet mellom leverandør og oppdragsgjevar. Storleiken på sikringa skal vera på 10 % av årleg kontraktsum. Oppdragsgjevar stiller inga sikring. 17 FORSIKRINGAR Om ikkje anna er avtalt skal leverandøren ha ei ansvarsforsikring med vanlege vilkår. Forsikringa skal dekkje erstatningsansvar for skade han og underleverandørane hans kan påføre oppdragsgjevar eller tredjemann sin person eller eigedom i samband med utføringa av arbeidet. Forsikringssummen for kvart skadetilfelle skal ikkje vere mindre enn 150 G, men leverandøren sitt ansvar er ikkje avgrensa til denne summen. Dersom leverandør får utlevert nøklar til låste dører og porter på hentestaden, skal forsikringa også omfatte dekning av tjuveri og skade som skuldast tap av nøklar. Albaran AS Side 9 av 13

Forsikringspolisen skal ikkje innehalde vilkår som reduserer oppdragsgjevar sin rett til å krevje erstatning direkte frå forsikringsselskapet, eller som kan redusere kravet hans på grunn av den forsikra sine tilhøve etter tidspunktet for forsikringstilfellet. Polisane skal leggjast fram for oppdragsgjevar for kontroll dersom han ber om dette. 18 TVISTAR Partane sine rettar og plikter ved inngåing av denne kontrakten er underlagt norsk rett, og skal tolkast i samsvar med dette. Dersom det oppstår tvist mellom partane om tolking eller rettsverknad av kontrakten, skal tvisten først søkjast løyst ved forhandling. Dersom desse ikkje fører fram innan to månader, kan kvar av partane forlange tvisten avgjort med endeleg verknad ved norske domstolar. Partane vel tingretten for oppdragsgjevaren sin kontorstad som verneting ved slik tvist. 19 KONTROLL Oppdragsgjevar har rett til å føre kontroll med gjennomføringa av arbeidet, inkludert m.a. løns- og arbeidsvilkår, kvalitetssystem, internkontrollsystem, behandlingsløysinga for avfallet og leverandøren sitt utstyr og eventuelle kjøretøy nytta i kontrakten. Vert oppdragsgjevar merksam på tilhøve som han meiner er i strid med kontrakten, skal han straks sende skriftlig melding til leverandør som snarast mogeleg skal rette opp dei aktuelle tilhøva. Leverandør skal straks og utan kompensasjon skaffe opplysningar som oppdragsgjevar ber om i samband med kontroll av arbeidet. 20 KONTRAKTSTID, OPPSEIING Kontrakten gjeld frå det tidspunktet den vert inngått, og oppdraget skal fysisk startast opp og vere operativt frå og med tidspunktet gjeve i avtaledokumentet. Dersom kontrakten ikkje vert oppsagd eller forlenga av årsaker som går fram av dette dokumentet, gjeld den fram til tidspunktet for avslutting gjeve i avtaledokumentet. Dersom dette går fram av avtaledokumentet, er det opsjon om forlenging 1 + 1 + 1 år på same vilkår og prisar som for denne kontrakten, der kvart opsjonsår automatisk trer inn dersom ikkje den eine parten seinast 6 månader før avsluttingstidspunktet til kontrakten varslar om at opsjonsåret ikkje vert nytta. Oppdragsgjevar har under kontraktperioden rett til utan nærare grunngjeving å seie opp kontrakten, og denne oppseiinga skal gjerast skriftleg i så god tid som mogeleg. Minimum varslingstid er 6 månader. Ved ei slik oppseiing skal oppdragsgjevar betale til leverandøren det som han har til gode for utført arbeid. Det vert ikkje gjeve kompensasjon utover dette. Leverandøren kan berre stogge arbeidet ved vesentleg misleghald, jf. punkt 14. Utanom dette kan leverandør ikkje seie opp kontrakten. Ved avslutting av kontrakt og dersom arbeidet skal overlatast til andre, pliktar leverandør å yte den hjelp som er naudsynt for å gjere overgangen til ein ny leverandør så smidig som mogeleg. Leverandør skal då m.a. levere frå seg alt materiale som han tidlegare har fått av oppdragsgjevar. Albaran AS Side 10 av 13

21 VEDLEGG 21.1 Vedlegg 1 Utkast til avtaledokument (Skal ikkje fyllast ved levering av tilbodet) Nedanfor er eit døme på korleis avtaledokumentet er tenkt utforma for oppdraget. Avtaledokumentet vert justert i samband med inngåing av kontrakt ---------------------------- AVTALEDOKUMENT Mellom:.., som oppdragsgjevar. foretaksnr.... adresse... og., som leverandør foretaksnr. adresse er det inngått følgende avtale: 1 Kontraktsobjekt Leverandør tek på seg følgjande oppdrag: Henting og behandling av restavfall frå xxx-kommunane og i samsvar med følgjande kontraktsdokument som samla vert definert som kontrakten: 1. Avtaledokument. 2. Eventuelle møtereferat. 3. Eventuelle skriftlige meldingar frå oppdragsgjevar om endringar i tilbodsgrunnlaget før tilbodsfrist. 4. Oppdragsgjevaren sitt tilbodsgrunnlag, med følgjande dokument i prioritert rekkjefølgje: 4.1 Bilag 1: Kravspesifikasjon. 4.2 Bilag 3: Prisskjema. 4.3 Bilag 2: Generelle kontraktsvilkår. 4.4 Oppdragsgjevar sitt konkurransegrunnlag. 5. Tilbodet frå leverandøren. Dokumenta er oppført i prioritert rekkjefølgje. Det vert elles vist tolkingsreglar mv. i kontraktsdokument 4.3, pkt. 2. 2 Kontraktssummen Oppdraget skal gjennomførast for: kr xxx Generelt Prisane er i norske kroner og utan meirverdiavgift. Meirverdiavgift skal reknast ut etter gjeldande vilkår. Kontraktssummen vert regulert etter kontraktsdokument 4.3, pkt. xx. Fakturering skjer i samsvar med kontraktsdokument 4.3, pkt. xx. 3 Kontraktstid Oppdraget vert sett i operativ drift frå og med 01.01.2013. Kontrakten gjeld frå kontraktsinngåing og utan oppseiing vert den avslutta 30.06.2015. Albaran AS Side 11 av 13

Det vert elles vist til kontraktsdokument 4.3, pkt. xx. 4 Tidsfristar/dagmulkt Leverandøren er kjent med tidsfristane som gjeld for oppdraget. Ved overskriding av desse, skal leverandøren betala dagmulkt i samsvar med kontraktsdokument 4.3, pkt. xx. 5 Sikring, garanti Leverandøren skal stille sikring for sine plikter i kontrakten med bankgaranti tilsvarande kr xxxxxxx,- (10 % av årleg kontraktssum), jf. kontraktsdokument 4.3, pkt. xx. Garantidokumentet skal leggjast fram til oppdragsgjevar for kontroll seinast. 6 Forsikring Leverandøren skal leggje fram forsikringspolise for kontroll til oppdragsgjevar seinast... 7 Misleghald Kontrakten kan hevast ved vesentleg misleghald, jf. kontraktsdokument 4.3, pkt. xx. 8 Underskrift Dette avtaledokument med alle kontraktsdokumenta (jf. punkt 1), er laga i 2 - to - likelydande eksemplar, der kvar av partane tek vare på kvart sitt. Med dette stadfestar leverandørr at han har gjort seg kjent med, og har akseptert innhaldet i alle kontraktsdokumenta, inkludert alle vedlegg i tillegg til gjeldande lover og forskrifter. Underteikna for og på vegne av partane. For oppdragsgjevar For leverandør... den............ den.......... Signatur Signatur...... Namn Namn...... Stilling Stilling Albaran AS Side 12 av 13

21.2 Vedlegg 2 Standard bankgaranti (Skal ikkje fyllast ved levering av tilbodet) GARANTIERKLÆRING Garanti nr. Vi er kjent med at. (leverandøren) har inngått en kontrakt (kontrakten) av (dato) med.. (oppdragsgiver) vedrørende (kontraktens navn). Vi (garantisten),. (navn).. (adresse).. (foretaksnummer) stiller herved en betingelsesløs on demand /påkravsgaranti overfor oppdragsgiver på de vilkår som følger av denne garantierklæring (garantien) for leverandøren med et beløp på inntil NOK som utgjør 10 % av årlig kontraktssum som sikkerhet for riktig oppfyllelse av alle leverandørens forpliktelser under kontrakten. Garantien gjelder i hele kontraktens løpetid. Krav under garantien kan fremmes inntil maksimalbeløpet ovenfor er nådd. Krav under garantien skal fremsettes skriftlig og skal inneholde en erklæring om at leverandøren har misligholdt en eller flere av sine forpliktelser som følger av kontrakten. Garantisten plikter i så tilfelle å betale straks ( on demand ), uten at det kan gjøres gjeldende innsigelser av noe slag fra forholdet mellom leverandør og oppdragsgiver eller innsigelser for øvrig som knytter seg til andre forhold. Garantien kan ikke tilbakekalles. Garantien skal tilbakeleveres garantisten når den ikke lenger gjelder. Denne garantien skal være undergitt og fortolkes i samsvar med norsk rett. Med mindre partene avtaler noe annet, skal søksmål i tilfelle reises ved tingretten for oppdragsgivers hovedkontor. Sted/dato Garantistens underskrift Albaran AS Side 13 av 13