FYLKESMANNEN I SOGN OG FJORDANE Postboks 73 6851 SOGNDAL Dykkar ref. Vår ref. Leikanger 2002/02922/461.31/GHA A 18.10.2002 GILDE PRODUKSJON AS, AVD. SOGNDAL - NYTT UTSLEPPSLØYVE. Vi viser til brev datert 22.april 2002 med søknad om nytt utsleppsløyve for Gilde Produksjon AS sitt anlegg i Sogndal. Bakgrunn for saka. Gilde Produksjon AS, avd.sogndal har i dag utsleppsløyve frå Statens Forurensningstilsyn datert 25.august 1975 med endringar datert 28.februar 1992. Utsleppsløyvet er opphavleg gitt til Vestlandske Salslag, men endringane frå 1992 omfattar både Vestlandske Salslag og Gilde Norge ANS. Utsleppsløyvet omfattar slakting, nedskjering og spekematproduksjon. Samla utsleppsgrense er i dag 29 tonn BOF 7 /år. Årsaka til at det no vert søkt om endra utsleppsløyve er eigarskifte, og at produksjonen er lagt vesentleg om dei siste åra. Det er i dag ikkje slakting ved anlegget, skjeringa er vesentleg redusert og spekematproduksjonen er auka. Det er i søknadsskjema frå Gilde Produksjon AS oppgitt ei utviding av driftstida ved anlegget til 24 timar/ døgn. Dette er i ettertid endra til 16 timar/ døgn, dvs. ikkje nattdrift. Maksimal utsleppsmengde målt som BOF 7 vert ikkje høgare enn i dag (oppgitt til 28 tonn BOF 7 /år). Fylkesmannen oppfattar den omsøkte endringa i løyvet som ei tilpassing til ny produksjon og eigarstruktur utan at dette har særlege ureiningsmessige konsekvensar. Vi har difor vurdert at det ikkje var trong for å legge saka ut til offentleg ettersyn. Saka har vore sendt til Sogndal kommune for uttale. Kommunen hadde ikkje merknader til ei endring i utsleppsløyvet ut over at transport til og frå anlegget ikkje bør skje i tidsrommet 22.00 06.00. Med heimel i ureiningslova 18, jf. delegasjonsskriv frå Miljøverndepartementet dagsett 05.05.1993, trekkjer fylkesmannen attende utsleppsløyve for Vestlandske Salslag, avd. Sogndal, datert 25.august 1975 med endringar datert 28.februar 1992. Med heimel i 11, jf. 16 i den same lova, gjev fylkesmannen med dette Gilde Produksjon AS, avd. Sogndal nytt utsleppsløyve for drift av foredlingsanlegg for kjøtvarer i Sogndal. Lokalisering av anlegget (UTM-koordinater): 32V 398250 6789500./. Vilkåra for drift av verksemda går fram av vedlegg til dette skrivet. Adresse Telefon Landbruksavdelinga Telefon Tinghuset, Skrivarvegen 3 57 65 50 00 Hafstadvegen 48 57 72 32 00 Postboks 37 Telefaks Postboks 14 Telefaks 6861 LEIKANGER 57 65 50 55 6801 FØRDE 57 82 12 05 Epost: X.400: S=Postmottak;O=fm-sf;P=dep;A=telemax;C=no Internett: Postmottak@fm-sf.stat.no
Fylkesmannen i Sogn og Fjordane Side 2 Produksjonsramme Løyvet er gitt på basis av følgjande produksjonsmengder: Produkt Tidlegare produksjonsgrense (tonn/år) Ny produksjonsgrense (tonn/år) Storfeslakt 700 0 Småfeslakt 780 0 Griseslakt 240 0 Spekemat 2000 4000 Skjering av kjøt 2000 1000 Verksemda kan ha ein mindre auke i produksjonsmengdene ut over oppgitte rammer dersom dette ikkje fører til auka utslepp ut over krav gitt i punkt 1.1. i vilkåra for løyvet. For produksjonsprosessar der utslepp er proporsjonale med produksjonsmengde, skal eventuell reduksjon i produksjonsnivå medføre ein tilsvarande reduksjon i utslepp. Grunngjeving for avgjerda: Fylkesmannen oppfattar den omsøkte endringa i løyvet som ei tilpassing til ny produksjon og eigarstruktur utan at dette har særlege ureiningsmessige konsekvensar. Driftstida ved anlegget vil bli som i dag. Det er ikkje grunn til å tru at endringa i løyve medfører auke i støyplager i høve til i dag. Det vert ikkje gitt løyve til større utslepp til vatn enn tidlegare. Gilde Produksjon AS avd. Sogndal har eige utslepp på 30 meters djup i Sogndalsfjorden. Verksemda kan seinare bli pålagt å knyte seg til kommunalt nett dersom dette vert bygd ut med auka reinsegrad. AVSLUTTANDE REGLAR OG ORIENTERINGAR Endring eller attendekalling av løyvet Med heimel i 18 i ureiningslova kan fylkesmannen gjere om eller setje nye vilkår i løyvet. Fylkesmannen kan om nødvendig kalle heile løyvet attende. Brot på føresetnadene for eller rammene for løyvet, kan føre til revurdering av vilkåra. Tilsyn og ansvar Fylkesmannen eller den han gir fullmakt, skal til ei kvar tid ha tilgang til alle delar av anlegget, journalar, rekneskap, interne vedtak, m.m. for tilsyn og kontroll, jf. 48 50 i ureiningslova. Drifts- og vedlikehaldsrutinar skal leggjast opp slik at ein til ei kvar tid har oversyn over anlegget og prosessane sine funksjonar og effektar. Ajourført informasjon skal når som helst, og utan ugrunna opphald kunne oppgjevast til kontrollør. Vedkomande som har fått utsleppsløyve er ansvarleg for at anlegget vert halde vedlike og drive slik at det til ei kvar tid svarar til formålet og vilkåra for løyvet. Dette løyvet fritek ikkje søkjaren for å hente inn løyve eller samtykke for andre sider av verksemda, som t.d. arbeidsmiljø, sanitæravløp, helse- og planlovgjevinga.
Fylkesmannen i Sogn og Fjordane Side 3 Alle verksemder som sysselset arbeidstakar, er frå 1.1.1992 pliktige til å ha ein internkontroll som sikrar at lover og reglar innan helse, miljø og tryggleik vert følgd (jf. 52 b i ureiningslova og Internkontrollforskrifta, seinast endra 6.12.1996). I høve miljøvernavdelinga hos fylkesmannen sitt tilsynsområde, vil vi spesielt streke under plikta til å etablere og drive ein internkontroll som vernar om det ytre miljøet (vern mot ureining og ei betre handsaming av avfall). Alle i verksemda eller andre som har tilknyting til aktivitetar i verksemda som kan føre til akutt ureining eller oppdagar akutt ureining, pliktar straks å varsle i samsvar med Forskrift om varsling av akutt forurensning eller fare for akutt forurensning gitt av Miljøverndepartementet 9.7.1992. (Varsle først brannvesenet på tlf. 110.) Varsling kan berre utelatast dersom det er openbert unødvendig. Dersom akutte utslepp oppstår, skal miljøvernavdelinga hos fylkesmannen varslast snarast råd. Sjølv om løyve er gitt, pliktar den som ureinar å svare erstatning som måtte følgje av ureiningslova og vanlege erstatningsreglar, jf. kap. 8 og 10 i ureiningslova. Tvangsmulkt, straff Med heimel i 73 i ureiningslova kan fylkesmannen fastsetje tvangsmulkt til Staten for å sikre at tiltak og vilkår vert gjennomførte i samsvar med løyvet. For ordens skuld gjer vi merksam på at brot på dette løyvet eller pålegg i tilknyting til løyvet, kan straffast etter ureiningslova, jf. kap. 10, dersom tilhøva ikkje vert råka av strengare strafferammer. Om klageretten Partane og andre med klagerett etter forvaltningslova kan klage over avgjerda, eller vilkår i løyvet innan 3 veker etter at avgjerda vart motteke. Eventuell klage bør grunngjevast og rettast til Statens forurensningstilsyn (SFT). Klagen skal sendast om fylkesmannen ved miljøvernavdelinga som kan ta klagen heilt eller delvis til følgje, eller sende den til SFT til endeleg avgjerd. Med helsing Nils Erling Yndesdal fylkesmiljøvernsjef Gøsta Hagenlund seksjonsleiar (tlf.: 57 65 51 44) Sakshandsamar: Grete Haugan (tlf. 57 65 51 57) Vedlegg Kopi m/vedlegg: Statens forurensningstilsyn, Postboks 8100 Dep., 0032 Oslo Sogn og Fjordane fylkeskommune, Regionalstaben, 6861 Leikanger Sogndal kommune, 6851 Sogndal Intern: VASS, GHA (2)
VILKÅR FOR 4 1. UTSLEPP TIL VATN 1.1 Prosessvatn Med prosessvatn meiner ein her blodvatn, transportvatn, vatn som har vore i kontakt med råstoff, produkt eller avfall, eller som er ureina på andre måtar. Prosessvatn skal haldast skilt frå eventuelt kjølevatn, og skal leiast ut i separate leidningar. Kjølevatn skal ikkje leiast inn på feittutskiljar, slamutskiljar eller andre reinseinnretningar. Kjølevatn skal heller ikkje leiast til spillvass-leidning som er lagt etter separatsystemet. Utsleppsmengda skal samla ikkje overstige 28 tonn BOF 7 /år. Maksimalt utslepp pr. døgn må ikkje overstige 120 kg BOF 7. Det skal utførast kontinuerleg mengdemåling av alt prosessvatn før det går til utslepp, og det skal leggjast til rette for uttak av vassprøver for analyse, jf. punkt 1.5. Utsleppet skal førast i tett leidning til min. 30 meters djup (under lågaste vasstand) i Sogndalsfjorden. Avløpsleidningen skal ligge frostfritt, og må vere forankra slik at den ikkje flyt opp eller endrar leie. Feittutskiljing Alt feitthaldig avløpsvatn skal passere feittutskiljar, dimensjonert for ei effektiv opphaldstid på minst 15 minutt, rekna ut frå gjennomsnittleg avrenning på ein dag med maksimal produksjon. Alternativt kan det installerast annan innretning med dokumentert like god utskiljingseffekt. Feittmengda i avløpsvatnet må ikkje overstige 150 mg/l. Partikkelfjerning Alt prosessvatn skal anten passere ein sjølvreinsande sil med tilstrekkeleg kapasitet og maksimal lysopning på 1,0 mm, eller ein 2-kamra slamutskiljar dimensjonert for ei effektiv opphaldstid i kvart kammer på minst 30 minutt (rekna ut frå gjennomsnittleg avrenning på ein dag med maksimal produksjon). Slamutskiljar må tømmast tilstrekkeleg ofte og på ein slik måte at den til ei kvar tid verkar som føresett. Vassparing Forbruket av vatn skal i størst mogleg grad reduserast. Alle slangar skal vere utstyrte med sjølvlukkande kranar. Ved reingjering av maskinar, golv m.v., skal ein fjerne mest mogleg av fast materiale ved feiing, skraping o.l. 1.2 Oljehaldig avløpsvatn Evt. oljehaldig avløpsvatn frå verkstad m.v. skal før det blir ført til avløp passere ein oljeutskillar. Utforming, drift og tilsyn av oljeutskiljaren skal tilfredsstille krava som er sette til slike anlegg, jf. "Forskrift om utslipp av oljeholdig avløpsvann og om bruk og merking av vaske- og avfettingsmidler". (T-573).
VILKÅR FOR 5 2. UTSLEPP TIL LUFT 2.1. Luktulempe All lagring og transport av råstoff, produkt og avfall, spyling, reingjering, og anna aktivitet knytt til verksemda skal gå føre seg slik at det ikkje fører til nemnande luktulempe for nabolag og miljøet rundt anlegget. 2.2. Kjøle- og fryseanlegg Kjøle- og frysemedia skal ikkje føre til fare for utslepp. Verksemda må ha rutinar som sikrar at lekkasje ikkje oppstår. Brukt kjølemedia må leverast attende til leverandør eller destruerast i samsvar med krav i forskriftene om spesialavfall. 3. STØY 3.1 Støyavgrensing Anlegget skal utformast og drivast slik at det ikkje oppstår urimelege støyplager. Aktivitetar på anlegget som kan medføre støy ved naboar (immisjonsstøy) er avgrensa på følgjande måte: Immisjonsstad Bustad og område som vert nytta som undervisningsstad Område som vert nytta som hytteområde og rekreasjons - stad, sjukehus/sjukeheim Transport ved nærliggjande bustader Dag 06 00-18 00 (15 00 ) Kveld 18 00-22 00 (15 00-18 00 ) Natt (18 00 ) 22 00-06 00 Søn- og helgedagar 50 db (A) 45 db (A) 40 db (A) 40 db (A) 35 db(a) 35 db(a) 55 db (A) 1 55 db (A) Skal normalt ikkje skje Aktivitetar som medfører fare for spesiell støy, bør i størst mogleg grad gjennomførast innafor vanleg arbeidstid dvs. kl. 7 00-16 00 måndag til fredag. Dersom støyen omfattar tydelege enkelttonar og/eller impulslyd skal grenseverdien for ekvivalentnivået reduserast med 5 db. Høgaste lydnivå skal ikkje overskride grenseverdien for ekvivalentnivået med meir enn 10 db. Dokumentasjon på lydnivå skal følgje tilvising i "Støyhåndboka" TA-1827/2001 eller seinare utgåve. 1 Sett i samsvar med "Veiledende grenser for trafikkstøy" - utgitt av Miljøverndepartementet i rundskriv 29.8.1979.
VILKÅR FOR 6 4. AVFALL 4.1 Generelt Verksemda skal gjennom tiltak i produksjonen arbeide for å redusere avfallsmengda. Alt avfall skal kildesorterast og leverast til godkjent mottakar. Verksemda skal sjølv eller i samarbeid med andre verksemder ha nok utstyr til å handtere den daglege mengda avfall. Lagring, transport og anna handtering av avfall skal skje slik at det ikkje verkar skjemmande, oppstår luktplager eller fare for smittespreiing. Verksemda må kunne dokumentere avfallsmengda, samla og for ulike typar, i samband med årsrapportering til fylkesmannen. 4.2 Spesialavfall Spesialavfall/ farleg avfall skal lagrast på ein forsvarleg måte, og skal leverast attende til leverandøren, eller til andre godkjende mottakarar. (Jf. "Forskrift om spesialavfall" frå 19. mai 1994, T-1037). 5. DRIFTSKONTROLL 5.1 Driftskontroll og målingar Det skal leggjast til rette for å utføre pålagde målingar. Fire gonger kvart år skal det takast ut ei blandprøve (ei blandprøve skal innehalde min. blandprøve over 3 døgn). Prøvene skal takast under normale driftstilhøve, og gje eit representativt bilete av utsleppa frå verksemda. Prøvene skal analyserast med omsyn på følgjande parameter: KOF, ph, S-TS (suspendert org. stoff), feittinnhald, N-TOT og P-TOT. Analysane skal utførast av laboratorium som er akkreditert for slike analysar av Norsk Akkreditering eller tilsvarande, og som kan dokumentere "egnethet" etter NS-EN 45001 eller tilsvarande standard. Prøvetaking skal følgje rettleiing frå akkreditert laboratorium. 5.2 Rapportering Innan 1. mars kvart år skal det sendast inn ein årsrapport/eigenrapport til fylkesmannen, med oversyn over produksjon og utslepp m.v. (Verksemda vil få tilsendt eige skjema for denne rapporteringa). 6. GRANSKING AV UREININGSTILHØVA Miljøvernavdelinga hos fylkesmannen kan stille krav om nærare gransking av støy, vassureining og luftutslepp (jf. ureiningslova 51). Verksemda skal betale for slike granskingar. Den ansvarlege for verksemda kan òg påleggjast å betale ein høveleg del av kostnaden ved eit kontrollprogram for området der utsleppa er plasserte.
VILKÅR FOR 7 7. ANDRE VILKÅR 7.1 Eigarskifte, namneendring eller nedlegging Ved eigarskifte, namneendring eller nedlegging av verksemda skal det straks gjevast melding til miljøvernavdelinga. Før eventuell ny oppstart pliktar ein å gi melding til miljøvernavdelinga. Fylkesmannen vil avgjere om det skal gjennomførast tiltak før oppstart eller setjast andre vilkår for drifta. Dersom nedlegging/driftsstans har vart i meir enn 2 år, vil fylkesmannen før drifta kan starte opp, avgjere om det må søkjast om nytt utsleppsløyve, jf. vidare 20 i ureiningslova. 7.2 Opprydding Verksemda plikter å halde området reint og ryddig. Ved nedlegging eller driftsstans, pliktar verksemda å rydde opp på det området som verksemda har nytta.