Kan du halde på ei hemmelegheit? Nasjonalt tryggingsorgan Sikre samfunnsverdiar
Dersom vi ser på Noreg som ein eigedom, passar NSM på gjerdene. E-tenesta følgjer med på dei som er utanfor gjerdet, og PST held orden inne på eigedommen. Nasjonalt tryggingsorgan (NSM) bidreg med å verne Noreg mot spionasje-, sabotasje- og terrorhandlingar. NSM er eit sivilt direktorat som rapporterer til Forsvarsdepartementet og Justisdepartementet. Vi driv førebyggjande tryggleiksarbeid, og målet vårt er å vere ein respektert og synleg pådrivar for betre tryggleik i samfunnet.
Kva gjer vi? Nasjonalt tryggingsorgan (NSM) ser til at statshemmelegheitene og den kritiske infrastrukturen i Noreg blir godt nok sikra. Vi fører tilsyn med og gir råd og rettleiing til verksemder som er særleg viktige for landet. Systemtryggleik: Vi utviklar regelverk og testar og godkjenner informasjonssystem som behandlar gradert informasjon. Vi er offentleg sertifiseringsmyndigheit for IT-tryggleik. Kommunikasjonstryggleik: NSM er ein leiande leverandør av kryptotenester til NATO. Vi distribuerer kryptomateriell til mellom andre utanrikstenesta og Forsvaret. NSM sikrar at ingen avlyttar viktige informasjonssystem. Tryggleikskultur: Vi hentar inn personopplysningar om alle som skal tryggleiksklarerast. Vi gir råd om korleis verksemdene bør leie og organisere tryggingsarbeidet. Internettryggleik: NSM varslar om trugsmål og misbruksfare og bidreg til effektiv handtering av koordinerte dataåtak på samfunnskritiske funksjonar i Noreg. Visste du at på ein minnepinne på 4 GB er det plass til over fem trillebårlass med graderte dokument?
Kva må vernast? Noreg har behov for å verne både informasjon og objekt. Gradert informasjon er all informasjon som kan truge den nasjonale tryggleiken og sjølvstendet dersom informasjonen skulle komme i feil hender. Tryggleikslova deler gradert informasjon inn i fire ulike nivå: BEGRENSET KONFIDENSIELT HEMMELIG STRENGT HEMMELIG Skjermingsverdige objekt er alle objekt som kan truge den nasjonale tryggleiken og sjølvstendet dersom dei blir misbrukte eller sette ut av spel. Objekta blir klassifiserte som: VIKTIG KRITISK MEGET KRITISK Eigaren av informasjonen eller objektet må gjere ei verdivurdering og fastsetje riktig graderingsnivå. Visste du at... signala frå trådlause tastatur kan fangast opp på over 100 meters avstand?
Faksimilar er attgjevne etter løyve frå utgivar.
Vi har lykkast når du... berre behandlar graderte dokument på tryggleiksgodkjende IT-system.... ikkje legg ut sensitiv informasjon på Internett.... tenkjer deg om før du tek med graderte dokument heim.... ikkje røper sensitiv informasjon på usikre stader, for eksempel under offentleg transport eller i usikra møterom.... ikkje bruker trådlause tastatur til å skrive sensitiv informasjon.... ikkje lèt uvedkomande få tilgang til mobilen din.... ikkje gir andre tilgang til passordet ditt. xxxx_ Vi har lukkast når du er bevisst på tryggleik i kvardagen din.
Fem i NSM Eg arbeider med testing av inntrenging i IKT-system. Eg tykkjer det er morosamt å plukke system frå kvarandre, sjå korleis dei fungerer og få dei til å gjere ting dei slett ikkje er konstruerte for. Beat the system! Ø øystein, 28 år Eg arbeider med trykkleiksgodkjenning av graderte informasjons system. Eg opplever faget som spennande fordi eg får kunnskap innafor alle fagområda som gjeld tryggleik: personell tryggleik, fysisk tryggleik, kryptotryggleik, system- og informasjonstryggleik. Gro, 29 år Eg held på og byggjer eit bur for å teste ulike skjermingsmateriale. Det gjer vi for at vi skal kunne tilrå alternative skjermingstiltak. Børge, 57 år Eg arbeider med personkontroll, og kort fortalt tyder det å hente inn og formidle informasjon som blir lagd til grunn i ei klarerings sak. Kvart år kontrollerer vi fleire titusen personar, og det er stor pågang. Vinjar, 32 år Eg valde NSM fordi eg hadde lang erfaring frå regelverk om informasjons tryggleik. Eg tykte det var spennande å kunne arbeide vidare i eit fagfelt der jussen er rammevilkår, og der utviklinga går fortare enn vi greier å henge med på! Det er utfordrande. Britt, 41 år Visste du at... under 30 prosent av nye datavirus blir oppdaga av antivirusprogram?
Nasjonalt tryggingsorgan (NSM) Telefon: 67 86 40 00 post@nsm.stat.no, www.nsm.stat.no Postadresse: Postboks 14, 1306 Bærum Postterminal Besøksadresse: Kolsås Leir, Rødskiferveien 20, 1352 Kolsås