SUID AFRIKAANSE VARSWATER OEWERHENGEL VERENIGING BYLAE A TOT DIE GRONDWET

-1- SUID AFRIKAANSE VARSWATER OEWERHENGEL VERENIGING BYLAE A TOT DIE GRONDWET HUISHOUDELIKE REËLS MET LAASTE WYSIGINGS JULIE 2014

-2- INHOUDSOPGAWE 1. DOELSTELLINGS MET HUISHOUDELIKE REËLS 2. AFFILIASIE BY EKSTERNE LIGGAME EN ORGANISASIES 3. NAAM- EN ADRESLYS VAN DIE FEDERASIE 4. FINANSIëLE VERPLIGTINGE VAN PROVINSIALE LEDE 5. PROSEDURES EN TYE WAAROP GELDE BETAALBAAR IS 6. REGISTRASIEPROSEDURE VAN INDIVIDUELE LEDE 7. PROSEDURE BY DIE AANSOEK OM HENGELREKORDS 8. VOORSKOTTE EN SUBSIDIES AAN SPANNE 9. OUDIT VAN FINANSIËLE STATE 10. INDELING VAN PROVINSIES VIR KAMPIOENSKAPSDOELEINDES 11. NASIONALE KAMPIOENSKAP HENGELOORDE 12. NASIONALE KAMPIOENSKAP GASHEER ROTASIELYSTE 13. VOORAF OEFENINGE BY NASIONALE OEWERHENGEL KAMPIOENSKAPPE: 14. VOORAF OEFENINGE BY NASIONALE OEWERHENGEL KAMPIOENSKAPPE 15. JAARLIKSE NASIONALE KAMPIOENSKAPPE 16. SAMESTELLING VAN DIE FEDERASIE AFVAARDIGING NA DIE ONDERSKEIE NASIONALE KAMPIOENSKAPPE 17. NASIONALE KAMPIOENSKAPPE GASHEERKOSTE 18. MEDALJETOEKENNING TYDENS DIE NASIONALE KAMPIOEN- SKAPPE 19. REGULASIES VAN TOEPASSING OP NASIONALE KLEURE 20. PLIGTE EN VERANTWOORDELIKHEDE VAN SPANBESTUURSLEDE 21. PROSEDURE BY DIE ONTTREKKING UIT N SPAN 22. INTERNASIONALE TOERNOOIE 23. NASIONALE KLEURE- EN MERIETETOEKENNINGSFUNKSIE 24. FEDERASIE GEDRAGSKODE RAKENDE NASIONALE KLEURE 25. KAMPIOEN VAN KAMPIOENE-KOMPETISIE (CURRIEBEKER)

-3-1. DOELSTELLINGS MET HUISHOUDELIKE REËLS 1.1. Die Huishoudelike Reëls van die Federasie is n aanhangsel tot die Grondwet van die Federasie en is as sulks ondergeskik en onderhewig aan die bepalings en regulasies van die Grondwet. 1.2. Die Huishoudelike Reëls het ten doel om onderhewig aan dié reëls, regulasies en die voorwaardes van die Grondwet, meer duidelikheid en breedvoerige toeligting te verleen aan beleidsaspekte waarvan daar geen of min besonderhede in die Grondwet van die Federasie verskyn. 1.3. Die reëls het verder ten doel om die bestuursvaardighede en effektiwiteit aan die Federasie te verbeter deur onduidelikhede en misverstande uit te skakel en doeltreffende kommunikasie tussen die Federasie en sy provinsiale lede te verseker. 1.4. Die Huishoudelike Reëls het bindende krag in soverre dit direkte verwysings na die Grondwet bevat en op besluite gebaseer is wat op n Algemene Jaarvergadering of Halfjaarvergadering geneem of goedgekeur is. 1.5. Die Huishoudelike Reëls kan sonder vooraf kennisgewing deur 'n tweederde meerderheidstem gewysig word, of deur 'n meerderheidstem indien kennis van n voorgestelde wysiging gegee is. 2. AFFILIASIE BY EKSTERNE LIGGAME EN ORGANISASIES In terme van die doelstellings sal die Federasie hom jaarliks by die volgende hengelliggame affilieer: 2.1. Federation Internationale de la Pêche Sportive en Eau Douche FIPS e.d. is die internasionale beheerliggaam van varswater oewerhengel en die liggaam is verantwoordelik vir die aanbied van n verskeidenheid varswater oewerhengel wêreldkampioenskappe.

-4-2.2. South African Sport Anglers And Casting Confederation South African Sport Anglers And Casting Confederation (SASACC) is die nasionale beheerliggaam van hengel en die liggaam is verantwoordelik vir die hengel as n globale sport in Suid Afrika. 3. NAAM- EN ADRESLYS VAN DIE FEDERASIE 3.1. Die Sekretaris van die Federasie is verantwoordelik vir die byhou van die Federasie se adreslys en die uitstuur van opgedateerde adreslyste op n kwartaallikse basis. Sirkulasie word beperk tot die Uitvoerende Bestuur, Vaste Komitees (Sameroeper en Sekretaris) en provinsiale lede (Sekretaris). Die amptelike adreslyste moet ook aan SRSA en die Konfederasie gestuur word. 3.2. Die volgende ampsdraers van die Federasie se besonderhede sal op die adreslys verskyn: 3.2.1. Ere-President, President en Vise President 3.2.2. Uitvoerende Bestuurslede 3.2.3. Senior Nasionale Keurders 3.2.4. Vaste Komitees (Sameroeper, Sekretaris en Tesourier) 3.2.5. Ledeprovinsies (Voorsitter, Sekretaris en Tesourier) 3.3. Ten einde te verseker dat die Federasie se adreslys altyd volledig op datum is en kontak bewerkstellig kan word, moet die bestuurslede, keurders, vaste komitees en provinsiale lede die Sekretariaat van die Federasie onverwyld van enige adresveranderinge in kennis stel. 3.4. Die volgende adres- en kontakbesonderhede word ten opsigte van ampsdraers op die adreslys benodig: 3.4.1. voorletters en van 3.4.2. ampstitel van die persoon 3.4.3. posadres 3.4.4. werks-, huistelefoon- en selfoonnommer 3.4.5. faksnommer 3.4.6. E-pos adres 3.5. Kommunikasie met provinsiale lede en die uitvoerende bestuurslede sal by wyse van elektroniese pos geskied.

-5-4. FINANSIëLE VERPLIGTINGE VAN PROVINSIALE LEDE 4.1. Finansiële Verpligtinge van Provinsiale Lede: 4.1.1. Die ledegelde en/of fooie wat deur provinsiale lede betaalbaar is, word op die Algemene Jaarvergadering, vooruit vir die volgende finansiële jaar, vasgestel. 4.1.2. Die jaargelde is vooruit betaalbaar. Dieselfde gelde sal betaalbaar wees ongeag die tydperk wat n provinsie of individuele lid gedurende die jaar by die Federasie geaffilieer of geregistreer was. Geen proporsionele ledegelde sal van toepassing wees nie. 4.1.3. Aanbevelings oor die jaargelde wat vir die volgende jaar betaalbaar sal wees, sal deur die Tesourier aan die Vergadering voorgelê word. Aanbevelings word gedoen op basis van behoorlike vooropgestelde begroting(s). 4.1.4. Ledeliggame se finansiële verpligtinge sal bestaan uit die volgende: 13.2.1 affiliasiefooie van provinsiale lede; 13.2.2 registrasiefooie van individuele lede; 13.2.3 vergaderingsfooie van provinsiale lede; 13.2.4 spanregistrasiefooie vir nasionale kampioenskappe; 13.2.5 beampte reiskostetoelaag vir nasionale kampioenskappe. 4.2. Affiliasiefooie van provinsiale lede: Die affiliasiefooie wat provinsiale lede moet betaal, het ten doel om die Federasie by FIPS en die SASACC te affilieer. 4.3. Registrasiefooie van individuele lede: 4.3.1. Individuele lede wat aan die aktiwiteite van die Federasie en/of sy provinsiale lede wil deelneem, moet jaarliks deur die provinsiale ledeliggaam by die Federasie geregistreer word. Individuele lede moet in die kategorieë meesters, senior mans, senior dames, junior mans of junior dames geregistreer word. Vir doeleindes van registrasie sal n junior n manlike of vroulike lid wees wat met die aanvang van die Federasie se finansiële jaar, naamlik 1 Januarie, nog nie agtien jaar oud was nie. Die registrasiegelde van meesters, senior-, dames- en juniorlede word nie in die Federasie verpoel nie,maar as afsonderlike fondse van die afdelings geadministreer. Die jaarlikse

-6- registrasiegelde is dieselfde vir meesters-, senior-, dames- en juniorlede. 4.3.2. Die registrasiegelde vorm die hoofbron van die Federasie se inkomste en het ten doel om die Federasie en sy vaste komitees se bedryfskoste te betaal en waar nodig reserwes te skep. n Gedeelte van die registrasiefooie sal, volgens behoefte en in ooreenstelling met n besluit van die Algemene Vergadering, na die Beamptekomitee toegedeel word. Ten einde die persentasietoedeling te bepaal, moet die Beamptekomitee- jaarliks, minstens 60 dae voor die Algemene Jaarvergadering, n bedryfsbegroting van hulle aktiwiteite vir die volgende jaar, aan die Tesourier van die Federasie voorlê. 4.3.3. Die Beamptekomitee se bedryfskoste en reiskoste moet afsonderlik begroot word, aangesien die reiskoste by wyse van n vaste bedrag in die spanfooie van provinsiale lede wat aan die Nasionale Kampioenskappe deelneem, verhaal word. 4.4. Vergaderingfooie betaalbaar deur provinsiale lede: Die vergaderingfooie het ten doel om die Federasie se Algemene Jaarvergadering- en Halfjaarvergaderingkoste en die reiskoste van afgevaardigdes, te betaal. Reiskoste word op n kilometerbasis vergoed aan alle afgevaardigdes wat op n retoerritbasis verder as 400 km moes reis om die vergaderings by te woon. Reiskoste aldus bereken asook die reiskoste van afgevaardigdes wat per vliegtuig reis, word beperk tot n maksimum van R 2000.00 per afgevaardigde. Slegs een afgevaardigde per provinsiale lid sal op reiskostevergoeding geregtig wees. Waar n afgevaardigde se werklike reiskoste die neergelegde bedrag oorskry, sal die restant reiskoste die provinsiale lid se verantwoordelikheid wees. 4.5. Registrasiefooie vir Nasionale Kampioenskappe Die registrasiefooie vir nasionale kampioenskappe, behels die bedrag wat n ledeliggaam moet betaal om aan n Nasionale Kampioenskap deel te neem. Die Registrasiegelde het ten doel om die Federasie se direkte koste verbonde aan die nasionale kampioenskap te verhaal. Die koste sluit in die reiskoste van die Federasie se afgevaardigde(s) na die kampioenskappe, die koste van die kampioenskapsmedaljes, trofeë en/of aandenkings.

-7-4.6. Beamptekomitee Reiskostetoelaag : 4.6.1. Die Beamptekomitee Reiskostetoelaag het ten doel om die beamptes wat Nasionale Kampioenskappe beheer, se reiskoste te betaal. Die Beamptekomitee reiskoste word as n direkte toernooikoste gesien en is saam met die koste van die nasionale kampioenskappe se gasheerprovinsie se koste vanaf spanlede wat aan die kampioenskappe deelneem, verhaalbaar. 4.6.2. Die gasheerprovinsie moet die beampte reiskostetoelaag deur middel van die spanfooie van deelnemende provinsies verhaal. Die Beamptekomitee reiskostetoelaag moet na afloop van die kampioenskappe aan die Tesourier van die Federasie oorbetaal word vir die krediet van die Beamptekomitee. Die Beamptekomitee sal op sy beurt die diensdoende beamptes se reiskoste op n kosteper-kilometerbasis vergoed. 4.7. Samevattende finansiële verpligtinge van prov. Lede 2014: BESONDERHEDE GOEDGEKEUR Affiliasie per provinsie R 1000.00 Vergaderingfooie R 1250.00 Registrasie Ind. Lede Seniors R 85.00 Dames R 85.00 Juniors R 85.00 SA Kamp. Registrasie R 400.00 Beampte Reiskostefooi per SA Kampioenskappe R 5 000.00 Beampte Rekenaarfooi per SA Kampioenskappe R250.00

-8-5. PROSEDURES EN TYE WAAROP GELDE BETAALBAAR IS 5.1. Die Tesourier moet n kennisgewing van jaargelde betaalbaar voor 1 Januarie van elke jaar aan alle provinsiale lede stuur tesame met betalingsadviesvorms wat alle oorbetalings aan die Federasie moet vergesel. 5.2. Provinsiale lede moet fondse regstreeks in die Federasie se bankrekening deponeer. n Afskrif van die depositostrokie of elektroniese fondsoorplasingsbevestiging moet saam met die betalingsadviesvorm aan die Tesourier gestuur word. 5.3. Die jaargelde wat deur ledeliggame betaalbaar is, moet voor of op die 1ste Maart van elke jaar in die Federasie se bankrekening inbetaal word. Bedrae betaalbaar ten opsigte van nuwe registrasies moet binne 60 dae na registrasie aangesuiwer word. 5.4. Indien n provinsiale lid nalaat om sy finansiële en administratiewe verpligtinge betyds en volgens die voorgeskrewe bepalings na te kom, sal hy outomaties verdere deelname aan die aktiwiteite van die Federasie ontsê word. Die Dagbestuur kan na ondersoek van die aangeleentheid die ledeliggaam ook n boete van R500 oplê. 5.5. Indien n provinsiale lid se finansiële verpligtinge en boetes opgelê nie voor die aanvang van die Algemene Jaarvergadering betaal is nie, sal die betrokke provinsiale lid ook nie oor stemreg tydens die Algemene Jaarvergadering beskik nie. 6. REGISTRASIEPROSEDURE VAN INDIVIDUELE LEDE 6.1. Die Federasie se Registerbeampte is verantwoordelik vir die registrasie van individuele lede en die byhou van n Register van Individuele Lede en n Naam- en Adreslys van Hengelklubs. Die register en die naam- en adreslys van hengelklubs moet die inligting van individuele lede en klubs bevat soos van toepassing tydens die jaarlikse registrasie. Dit word nie van provinsiale lede vereis om die Federasie se Registerbeampte van tussentydse adres- en telefoonveranderings van individuele lede en hengelklubs in kennis te stel nie. 6.2. Ten einde aan die vereistes van SRSA en SASCOC te voldoen en die Federasie se individuele ledelys n bemarkbare instrument te maak, moet die Register van Individuele Lede aan die volgende minimum inligtingsvereistes voldoen: 6.2.1. Lederegisternommer.

-9-6.2.2. Volle naam soos vervat op die identiteitsdokument. 6.2.3. Identiteitsnommer. 6.2.4. PDI ( previously disadvantaged individual ) indikator 6.2.5. Tipe lid (meester, senior man, dame, junior manlik, junior vroulik). 6.2.6. Volledige posadres en woonadres. 6.2.7. Telefoon kontaknommers en e-posadres. 6.3. Die prosedure by die registrasie van individuele lede is volg: 6.3.1. Die Hengelklub Lederegistrasievorm moet jaarliks deur elke klub voltooi en voor die 31ste Januarie aan die betrokke provinsie se registerbeampte voorsien word tesame met n afskrif van elke lid se identiteitsdokument. By gebrek aan nuwe lederegistrasie-inligting, kan die lede-inligting soos op 31 Desember van die voorafgaande jaar deur die hengelklub gebruik word. 6.3.2. Die provinsiale registerbeampte moet toesien dat die klubs se lederegistrasievorm volledig en die identiteitsbesonderhede van die individuele lede korrek voltooi is. Enige foutiewe of ontbrekende inligting op die vorm moet deur die provinsiale registerbeampte by die klubs verkry word. Die afskrif van die identiteitsdokument moet deur die provinsiale registerbeampte in bewaring gehou word ingeval van enige navrae. 6.3.3. Die voorgeskrewe Provinsiale Lederegistrasievorm (sigblad of harde kopie) moet vervolgens vanaf die klubregistrasievorms saamgestel word. Die provinsiale lederegistrasievorm moet tesame met n opsommende provinsiale lederegisterverslag, voor of op die 15de Februarie van elke jaar, aan die Federasie se Registerbeampte gestuur word. 6.3.4. Die provinsiale registerbeampte moet die Federasie se Registerbeampte ook voor of op 15 Februarie van 'n Amptelike Naam- en Adreslys van Hengelklubs voorsien. 6.4. Hengelklubs moet n aanvullende Hengelklub Lederegistrasievorm, wat die werklike ledebesonderhede soos op 15 Junie bevat, voor of op die 30ste Junie van elke jaar, aan sy provinsiale registerbeampte voorsien. Die Provinsiale Registerbeampte moet na kontrolering en bevestiging van die inligting die volgende dokumente voor of op die 15de Julie van elke jaar aan die Federasie se Registerbeampte voorsien: 6.4.1. die Aanvullende Provinsiale Lederegistrasievorm 6.4.2. die Opsommende Provinsiale Lederegisterverslag

-10-6.4.3. Naam- en adreslys van hengelklubs 6.5. Die provinsiale registerbeampte moet ook afskrifte van die opsommende provinsiale lederegisterverslae wat aan die Registerbeampte gestuur is, aan die Federasie se Tesourier deurstuur vir kontrolering of die registrasiegelde met die ledetalle van die provinsie ooreenstem. 6.6. Die Federasie se Registerbeampte moet na aanleiding van die Provinsiale Lederegistrasievorms n Register van Individuele Lede saamstel. Verder moet n Naam- en Adreslys van Klubs vanaf die provinsiale hengelklublyste saamgestel word. 6.7. Na die toewysing van lederegisternommers aan alle individue lede, moet die Registerbeampte n provinsiale registrasielys aan elke provinsiale lid stuur. 6.8. n Afskrif van die Register van Individuele Lede moet aan die Beamptekomitee voorsien word. n Afskrif van die Federasie se opsommende lederegisterverslag moet ook aan die Sekretaris van die Konfederasie gestuur word vir inkorporering van die inligting in die konfederasie se besigheidsplan. 6.9. Vir die affiliasie van individuele lede gedurende die jaar, moet dieselfde prosedure gevolg word as by die massa registrasieprosedure van lede. Provinsiale lede moet alle verdere fooie ten opsigte van nuwe registrasies binne 60 dae by die Tesourier aansuiwer. 7. PROSEDURE BY DIE AANSOEK OM HENGELREKORDS 7.1. Daar bestaan drie gereiklasse ten opsigte waarvan daar vir rekordvangste aansoek gedoen kan word, naamlik: 7.1.1. Ligtegereiklas: Van toepassing op vangste met n lyn waarvan die deursnit 0.22mm en dunner is. 7.1.2. Meduimgereiklas: Van toepassing op vangste met n lyn waarvan die deursnit 0.30mm en dunner is. 7.1.3. Swaargereiklas: Van toepassing op vangste met n lyn waarvan die deursnit bokant 0.30mm is of vangste met enige sintetiese lyn of lyn van sintetiese aard ongeag die deursnit bv. Fireline, Super Braid of Whiplash Braid. 7.2. Behalwe vir die lyn gereiklasse is daar twee rekordkategorieë waarin individue hengelaars aansoek kan doen naamlik Beheerde Kompetisierekords en Ope Kompetisierekords.

-11-7.3. Ten einde vir Beheerde Kompetisierekord (gereiklas hengelrekord) aansoek te doen, moet die volgende prosedures nagekom word : 7.3.1. Slegs vangste wat binne die grense van die Republiek van Suid-Afrika plaasgevind het, sal in aanmerking geneem word vir n Federasie rekord. 7.3.2. Slegs vangste wat gemaak word met organies verteerbare aas sal in aanmerking geneem word vir n Federasie rekord. 7.3.3. Daar moet binne 90 dae na die vis gevang is, vir n rekord aansoek gedoen word. 7.3.4. Die hengelaar wat die vis gevang het vir n rekord aansoek doen, moet n geaffilieerde lid van die Federasie wees en die vis moes in n Federasie beheerde kompetisie gevang gewees het. 7.3.5. Die vis moet geweeg word alvorens die hengelgerei waarmee die vis gevang is, weer gebruik word. 7.3.6. Die voorslag en lyndikte moet deur die sonebeampte of die beheerbeampte met n mikrometer, op drie plekke twee meter uitmekaar, gemeet word alvorens die hengelaar weer mag werp. 7.3.7. Die betrokke beampte moet sertifiseer dat die voorslag en lyn aan die vereiste lyndikte voldoen. Dit is nie nodig dat die voorslag en lyn waarmee die rekord gevang is, die rekordaansoek vergesel nie. 7.3.8. Die sonebeampte of beheerbeampte moet die vangs sertifiseer deur die Sertifikaat van vangste gemaak tydens n beheerde wedstryd-vorm te voltooi. Die vorm moet in duplikaat voltooi en aan die hengelaar oorhandig word. Die hengelaar se affiliasiebesonderhede moet op die sertifikaat aangebring word ten einde die rekordklas en affiliasie te bevestig. 7.3.9. Indien die hengelaar die vangs in sy hounet plaas en eers aan die einde van die dag weeg, sal die vangs, ongeag die toerusting waarmee die vis gevang is, slegs vir n swaargereiklasrekord in aanmerking geneem word. 7.3.10. n Junior-rekord kan geëis word indien die hengelaar jonger as 18 jaar was ten tye van die vangs. 7.3.11. Die hengelaar moet deur middel van sy hengelklub by die provinsiale rekordbeampte aansoek doen om die vangs as n Federasie rekord te laat registreer. 7.3.12. Die provinsie rekordbeampte moet op sy beurt by die Federasie se rekordbeampte aansoek doen vir die erkenning van die rekord. Die Sertifikaat van vangste

-12- gemaak tydens n beheerde wedstryd-vorm, in duplikaat voltooi, moet die aansoek vergesel. 7.4. n Geregistreerde individuele lid wat n rekordvangs tydens n beheerde kompetisie, klubkompetisie of gedurende n sosiale hengeluitstappie maak, kan vir n Ope rekord aansoek doen. Die prosedure by die aansoek vir n ope rekord is as volg: 7.4.1. Slegs vangste wat binne die Republiek van Suid-Afrika se grense gemaak is, sal in aanmerking geneem word. 7.4.2. Slegs vangste gemaak vanaf n oewer met oewerhengelgerei sal in aanmerking geneem word vir n Federasie rekord. 7.4.3. Slegs vangste wat gemaak word met organies verteerbare aas sal in aanmerking geneem word vir n Federasie rekord. 7.4.4. Daar moet binne 90 dae nadat die vis gevang is, vir n rekord aansoek gedoen word. 7.4.5. Die vangs moet op n regeringsgelyke skaal, met ander woorde n gesertifiseerde skaal, geweeg word. Die massa van die vis moet gesertifiseer word asook besonderhede van waar die skaal gehou word. 7.4.6. Twee foto s moet van die vis geneem word ooreenkomstig die prosedure in die Federasie se amptelike rekordboekie. Een foto moet van die vis en n erkenbare item geneem word en die ander foto van die hengelaar en sy vangs. Indien n hengelaar tydens n beheerde kompetisie n vis vang wat die ope rekord oorskry, kan die hengelaar vir n ope rekord aansoek doen. Die foto's word in sodanige geval vervang met die beampte se sertifisering van die vis. 7.4.7. Indien getuies by was tydens die vangs van die vis, moet beëdigde verklarings van die getuies geneem en saamgestuur word. 7.4.8. n Junior rekord kan geëis word indien die hengelaar jonger as 18 jaar was ten tye van die vangs. 7.4.9. Die hengelaar moet deur middel van sy hengelklub, deur die provinsiale rekordbeampte, by die Federasie se rekordbeampte aansoek doen vir die erkenning van die rekord. n Registrasie van n Ope rekord-vorm, in duplikaat voltooi, tesame met die nodige dokumente soos omskryf, moet die aansoek vergesel.

-13-8. VOORSKOTTE EN SUBSIDIES AAN SPANNE 8.1. Die Tesourier sal alleenlik fondse namens spanne wat internasionaal, buite die grense van Suid-Afrika, gaan deelneem, aan die organiseerders oorbetaal mits die fondse wat vir die doel benodig word reeds deur die betrokke spanbestuur in die Federasie se bankrekening inbetaal is. Geen Federasiefondse sal met ander woorde vir die doel aan spanne voorgeskiet word nie. 8.2. Vanweë beperkte fondse sal die Federasie geensins in staat wees om enige bydrae te maak tot die koste van spanne wat plaaslik of internasionaal deelneem nie. Fondse wat egter vir internasionale deelname deur Sport en Rekreasie Suid-Afrika of borgskappe bekom word, sal deur die Federasie aan spanne beskikbaar gestel word. 8.3. Lede afkomstig uit voorheen benadeelde gemeenskappe kan egter finansieel ondersteun word uit fondse wat in hierdie verband vanaf Lotto of Sport en Rekreasie SA ontvang word. 8.4. Met die oog op fonds aanvraging by Sport & Rekreasie Suid-Afrika, sal die Federasie se Tesourier, in samewerking met die Sameroeper van die Ontwikkelingsbeampte en die Internasionale Koördineerder, verantwoordelik wees vir die indiening van ontwikkelingsprojekte en internasionale deelnameprojekte by die SASACC voor of op die 28ste Februarie van elke jaar. 9. OUDIT VAN FINANSIËLE STATE n Afskrif van die geouditeerde state moet aan die Tesourier van die SASACC verskaf word op n jaarlikse basis. 10. MERIETETOEKENNINGS VIR PRESTASIES 10.1. Die Federasie verleen jaarlikse erkenning aan administrateurs en hengelaars wat waardevolle en jarelange diens aan die georganiseerde hengelsport gelewer en wat buitengewone prestasies behaal het. Persone wat aan die prestasienorme voldoen soos in die merietetoekenningstabel uiteengesit, kan deur die dagbestuur, vaste komitees en provinsiale ledeliggame vir die toekennings genomineer word. 10.2. Kandidate kan in vyf kategorieë genomineer word naamlik: 10.2.1. diening op die Federasie en/of Vaste Komitee besture 10.2.2. diening op Provinsiale Besture van Ledeliggame

-14-10.2.3. verkiesing tot Nasionale Protea- en Springbokspanne 10.2.4. deelname aan Nasionale Kampioenskappe 10.2.5. Nasionale Individuele Kampioenskapswenners 10.3. Meriete oorhandigings sal, afhangend van die toekenning, op die Federasie se Nasionale Kleureaand, Nasionale Kampioenskappe of die Algemene Jaarvergadering oorhandig word. 10.4. Alle lewende persone wat kwalifiseer kan genomineer word ongeag of die persoon nog aktief by hengel betrokke is. 10.5. Nominasies vir die Federasie se Merietetoekennings moet op die Amptelike Nominasievorm gedoen word. Nominasievorms moet die Sekretariaat minstens 60 dae voor die toekenningsgeleentheid bereik. Ten einde te verseker dat die nominasies nie verlore gaan en die Federasie sodoende in die verleentheid gestel word nie, moet nominasies per geregistreerde pos of epos aangestuur word. Die sperdatum vir die indiening van nominasies kan nie oorskry word nie aangesien sertifikate en/of toekennings in gereedheid gekry moet word. 10.6. Onvolledige nominasievorms of nominasievorms wat laat ontvang word, sal deur die Federasie geïgnoreer en na die provinsiale lid of vaste komitee terug verwys word. Die toekenning sal dan eers op n later stadium gedoen word. 10.7. Die Federasie is nie in staat om inligting op die nominasievorms te kontroleer of aan te vul nie. Provinsiale lede en Vaste Komitees moet volle verantwoordelikheid aanvaar vir die korrektheid van nominasievorms. Slegs die inligting op die nominasievorm sal oorweeg word. Losstaande CV s en ander inligting is nie aanvaarbaar nie. 10.8. Afsonderlike nominasievorms moet ten opsigte van elke genomineerde voltooi word. Dieselfde persoon kan egter vir meer as een kategorie op dieselfde nominasievorm genomineer word. Genomineerdes sal slegs een toekenning per kategorie ontvang en wel vir die hoogste toekenning waarvoor die persoon kwalifiseer. Byvoorbeeld: n Persoon wat reeds 18 jaar op die Uitvoerende Bestuur van die SAVOF dien, sal slegs n 15 jaar toekenning ontvang en nie n 10 jaar en n 15 jaar toekenning nie. 10.9. Genomineerdes en hulle gades se funksiegelde sal deur die Federasie betaal word. Die reis- en verblyfkoste van genomineerdes sal egter nie betaal word nie.

-15-10.10. Die prestasies ten opsigte waarvoor meriete nominasies gedoen kan word, word in die volgende tabel weergegee: OMSKRYWING 1 DIENING OP SAVOF BESTUUR (SAVHV Bestuur, Vaste & Keurkomitees) TOEKEN. FORUM TOE- KENNING Minstens 7 jaar diens Kleureaand Sertifikaat Minstens 10 jaar diens Kleureaand Sertifikaat en Oorkonde Minstens 20 jaar diens Kleureaand Sertifikaat en Oorkonde Minstens 25 jaar diens Kleureaand Sertifikaat en Oorkonde 2 DIENING OP PROV. KOMITEES Minstens 10 jaar diens AJV Sertifikaat Minstens 20 jaar diens AJV Sertifikaat en Oorkonde Minstens 25 jaar diens AJV Sertifikaat en Oorkonde 3 PROTEA-SPRINGBOKKLEURE Kleure in minstens 5 afsonderlike jare Kleureaand Sertifikaat Kleure in minstens 7 afsonderlike jare Kleureaand Sertifikaat en Oorkonde Kleure in minstens 10 afsonderlike jare Kleureaand Sertifikaat en Oorkonde 4 NASIONALE KAMPIOENSKAPPE Bywoning in minstens 10 afsonderlike jare SA Kamp Sertifikaat Bywoning in minstens 20 afsonderlike jare SA Kamp Sertifikaat en Oorkonde Bywoning in minstens 25 afsonderlike jare SA Kamp Sertifikaat en Oorkonde 5 NAS. KAMPIOEN INDIVIDUEEL Nasionale Kampioen 2 keer SA. Kamp. Sertifikaat Nasionale Kampioen 3 keer SA Kamp. Sertifikaat en Oorkonde Nasionale Kampioen 4 keer SA Kamp. Sertifikaat en Oorkonde Nasionale Kampioen 5 keer of meer SA Kamp. Sertifikaat en Oorkonde

-16-11. INDELING VAN PROVINSIES VIR KAMPIOENSKAP DOELEINDES 11.1. Provinsiale lede word vir doeleindes van die Nasionale Kampioenskappe in twee groepe ingedeel, naamlik n Premiergroep en n Presidentsgroep. 11.2. Beide afdelings moet sover moontlik uit n gelyke aantal provinsies bestaan. Indien daar egter n ongelyke aantal provinsiale lede is, sal die Premiergroep uit een provinsie meer bestaan. n Voorbeeld hiervan is die senior afdeling waar die Premiergroep uit sewe provinsiale lede en die Presidentsgroep uit ses provinsiale lede sal bestaan. 11.3. Provinsiale lede word in die groepe ingedeel op basis van die nasionale kampioenskapspunte van al die spanne van n provinsie en wel op n 3-jaar skuiwende gemiddelde basis. Die jongste drie nasionale kampioenskappe se uitslae word dus telkens in ag geneem. 11.4. Vir doeleindes van die indeling van provinsies word die senior-, dames- en juniorafdelings afsonderlik beoordeel en geplaas. 11.5. In beide die Premier- en Presidentsgroepe word vir n A-afdeling, B- afdeling en n C-afdeling Nasionale Kampioenskappe voorsiening gemaak waaraan die provinsies se A-, B-span en C-spanne onderskeidelik sal deelneem. Alhoewel daar huidig nie behoefte vir n C-afdeling in die Presidentsgroep vir seniors bestaan nie, sal die afdelings outomaties geaktiveer word sodra daar minstens vier provinsies is wat C-spanne kan inskryf. 11.6. Die Federasie sal deurgaans poog om deur middel van nuwe toetreders die Premier- en Presidentsgroep ewe groot te hou. 11.7. Elke Nasionale Kampioenskapsafdeling kan, indien die behoefte daarvoor bestaan, tot n maksimum van agt provinsies/provinsiale spanne vergroot word. Nasionale Afdelingskampioenskappe kan verder alleenlik plaasvind indien daar minstens vier (4) verskillende provinsies aan die betrokke kampioenskap sou deelneem. Die deelname van meer as een span van dieselfde provinsie in dieselfde afdeling word verbied. 11.8. Die provinsie-indeling sal jaarliks na afloop van die Senior-, Damesen Juniorkampioenskappe in terme van die 3-jaar skuiwende gemiddelde kampioenskapspunte deur die onderskeie afdelings hersien word. Die nuutste kampioenskappe se punte sal jaarliks

-17- bygevoeg word terwyl die punte van die oudste of laaste jaar in die 3-jaar siklus wegval. Promosie-relegasie van provinsies in terme van die laaste drie jaar se uitslae is dus moontlik. 11.9. Die Dames- en Juniorkomitee moet die Sekretaris jaarliks na afloop van die onderskeie nasionale kampioenskappe van die hersiene indeling van provinsiale lede voorsien. 12. NASIONALE KAMPIOENSKAP HENGELOORDE 12.1. Gasheerprovinsies kan in beginsel self besluit by watter hengeloord die kampioenskappe aangebied gaan word. Die kampioenskappe mag egter nie aangebied word by n hengeloord wat deur die Algemene Jaarvergadering as ongeskik verklaar is vir die aanbied van nasionale kampioenskappe nie. 12.2. Alhoewel die gasheerprovinsie oor die kampioenskapsoord kan besluit, berus die finale besluit oor die aanvaarbaarheid van die oord by die Dagbestuur. Gasheerprovinsies moet dus formeel aansoek doen vir die goedkeuring van die hengeloord op die amptelike Aansoek vir Goedkeuring van Hengeloorde. 12.3. Aansoeke om die goedkeuring van n kampioenskapsoord moet minstens 6 maande voor die aanvang van die Nasionale Kampioenskappe by die Federasie se Bewaringsbeampte & Tegniese Adviseur ingedien word. Die Tegniese Adviseur sal na ondersoeke met betrekking tot die hengelbaarheid, die produksiepotensiaal en die beskikbaarheid van die benodigde infrastruktuur, n aanbeveling aan die Dagbestuur maak, waarna n finale besluit oor die oord geneem sal word. Die gasheerprovinsie sal binne 30 dae na ontvangs van die aansoekvorm van die Dagbestuur se besluit verwittig word. 12.4. Ten einde as n nasionale kampioenskapsoord verklaar te word, moet die produktiwiteit of vangste by die oord sodanig wees dat die rangorde van prestasie behoorlik meetbaar is. Periode ad hoc of enkelvangste maak dit nie moontlik om prestasie behoorlik te meet nie. Verder moet omstandighede sodanig wees dat die lyne wat hengelaars werp, vir die grootste aantal keer wat dit gewerp is, weer uitgehaal kan word sonder om te breek. 12.5. Slegs vangste in die Federasie of sy geaffilieerde ledeliggame se beheerde kompetisies mag gebruik word as norm om te bepaal of n oord geskik is om as nasionale kampioenskapsoord gebruik te word. Die produksievermoë van damme word gemeet na aanleiding van die Nasionale- en Provinsiale beamptes se inweegstate wat

-18- maandeliks deur ledeprovinsies en die beamptekomitee aan die Bewarings- en Tegniese Adviseur van die Federasie gestuur word. n Produksieverslag moet jaarliks deur die Bewaringsbeampte & Tegniese Adviseur aan die jaarvergadering voorgelê word. 12.6. Aansoeke om n oord as ongeskik verklaar te kry as n nasionale kampioenskapsoord, moet op die Algemene Jaarvergadering of Halfjaarvergadering van die Federasie geneem word. Die situasie rondom oorde wat as ongeskik verklaar is, sal jaarliks hersien word en sodanige oorde kan na aanleiding van n besluit geneem op die Algemene Jaarvergadering, as n gerehabiliteerde oord van die lys van ongeskikte oorde verwyder word. 12.7. Die volgende hengeloorde is tot verdere kennisgewing verklaar as oorde wat nie geskik is vir die aanbied van Nasionale Kampioenskappe nie: 12.7.1. Roodekopjies 12.7.2. Hartbeespoortdam (alle oorde) 12.7.3. Bronkhorstspruitdam 13. NASIONALE KAMPIOENSKAP GASHEER ROTASIELYSTE 13.1. Die langtermyn gasheer rotasielys sal jaarliks as deel van die vergaderingdokumente van die Algemene Jaarvergadering aan provinsiale lede beskikbaar gestel word. Die dameskomitee en juniorkomitee se nasionale kampioenskappe gasheer rotasielyste moet minstens 40 dae voor die Algemene Jaarvergadering aan die Sekretaris van die Federasie beskikbaar gestel word. 13.2. Gasheer Rotasielyste 13.2.1. Die gasheer rotasielyste vir die ondergenoemde afdelings sal deur die betrokke Vaste Komitee op n jaarlikse basis versprei word: 13.2.1 Gasheer Rotasielys Seniors: Premiergroep 13.2.2 Gasheer Rotasielys Seniors: Presidentsgroep 13.2.3 Gasheer Rotasielys: Meesters 12 en 8 man spanne 13.2.2. Die gasheerskap van die volgende afdelings word self deur die Vaste Komitees hanteer: 13.2.1 Dames: Premiergroep 13.2.2 Dames: Presidentsgroep 13.2.3 Juniors: Premiergroep 13.2.4 Juniors: Presidentsgroep 13.2.5 Match Afdelings 13.2.6 Feeder Afdeling

-19-13.2.7 Karp Afdeling 14. VOORAF OEFENINGE BY NASIONALE OEWERHENGEL KAMPIOENSKAPPE 14.1. Behalwe vir die drie amptelike oefendae wat die Nasionale Kampioenskappe voorafgaan, het die Federasie geen formele beheer oor vooraf oefeninge wat by n nasionale kampioenskapsoord mag plaasvind nie. Die rede hiervoor is dat die Federasie nie die kampioenskapsoorde beheer nie ook nie die eienaars van n oord kan verplig om net n bepaalde oefenperiode toe te laat nie. Lede van provinsiale spanne kan dus so dikwels as wat omstandighede dit toelaat, vooraf by kampioenskapsoorde oefen. 14.2. Die Beamptekomitee sal die oewer reeds voor die aanvang van die amptelike oefendae gelyktydig vir beide die amptelike oefeninge en die nasionale kampioenskappe uitpen. Die amptelike oefeninge sal dus op dieselfde terrein en op dieselfde penne plaasvind waar die Nasionale Kampioenskappe gehou sal word. 14.3. Die Beamptekomitee sal jaarliks by wyse van n vooraf loting bepaal waar elke provinsie gedurende die amptelike oefendae mag oefen. Besonderhede van die plekloting moet deur die gasheerprovinsie by die beamptekomitee verkry en as deel van die kampioenskapsreëlings, in die amptelike uitnodiging aan deelnemende provinsies, bekend gemaak word. 14.4. Provinsiale spanne sal op dag een van die amptelike oefeninge, by die pennommer wat ten behoewe van die span geloot is, in elk van die ses sones oefen. Op dag 2 en dag 3 sal spanne, soos gedurende die nasionale kampioenskappe, met twee penne aanskuif ten einde te verseker dat elke span die geleentheid kry om oor die drie amptelike oefendae oor die hele oewer te oefen. 14.5. Die dag direk voor die nasionale kampioenskappe is n rusdag en geen amptelike oefeninge word vir die dag deur die Federasie geskeduleer nie. Spanne sal egter na eie keuse geregtig wees om op die dag op n ongeskeduleerd basis op die kampioenkapsterrein te oefen. 14.6. Spanlede wat gedurende die amptelike oefendae en/of die rusdag enige van die penne verwyder of verskuif, sal summier uit die kampioenskappe geskors word.

-20-15. JAARLIKSE NASIONALE KAMPIOENSKAPPE 15.1. Nasionale Kampioenskappe vir Seniors, Dames en Juniors: In die Premier- sowel as die Presidentsgroep word vir n A-span, B- span en C-span nasionale kampioenskappe voorsiening gemaak mits die aantal deelnemende provinsies dit regverdig. n Minimum van 4 spanne word vereis om n afdelingskampioenskap funksioneel en aktief te maak. 15.2. Nasionale Meesterskampioenskappe: 15.2.1. Provinsiale Meesterspanne word saamgestel uit n spanbestuurder, spankaptein, n reserwe en ses hengelende lede. Ten einde meer provinsies in staat te stel om meesterspanne in te skryf, word die minimum spangrootte op ses hengelende spanlede vasgestel. Dit is dus nie verpligtend dat n meesterspan oor n spanbestuurder, n kaptein en n reserwe moet beskik nie. 15.2.2. n Provinsie sal toegelaat word om n maksimum van twee spanne vir die nasionale meesterskampioenskappe in te skryf, naamlik 'n A- en n B-span. Tot tyd en wyl omstandighede dit vereis om die Meesterskampioenskappe ook op n afdelingskampioenskapsbasis te laat plaasvind, sal die A- spanne en B-spanne aan een gesamentlike kampioenskap deelneem. 15.2.3. Provinsiale A- en B-spanne sal vir doeleindes van die Nasionale Kampioenskappe in alle opsigte gelykwaardig wees. n Provinsie se A-of B-span kan as nasionale spankampioenskapswenners aangewys word terwyl spanlede van die onderskeie spanne vir alle kampioenskapstrofee of medaljes in aanmerking kom. Spanlede van beide A- en B-spanne kan ook in die Federasie se Nasionale Ontwikkelingspan ingesluit word. 15.2.4. Spanlede moet ten tye van die aanvang van die kampioenskappe 50 jaar of ouer wees. Die ouderdomsbeperking geld vir die spanbestuur, die reserwe asook die hengelende lede van die span. 15.2.5. Beide mans en dames kwalifiseer vir insluiting in provinsiale en die Federasie se Nasionale span. 15.2.6. Indien n provinsie twee meesterspanne inskryf maar net een span oor een Bestuurder en/of -kaptein en/of reserwe beskik, mag sodanige bestuurder, kaptein en reserwe aan beide dié provinsie se spanne hulp verleen.

-21-15.2.7. Alhoewel die hengelreëls bepaal dat hengelbenodigdhede en aas net tussen spanlede uitgeruil mag word, word die reël in die geval van die meesterskampioenskappe geïnterpreteer as synde dat die bestuurder, kaptein en reserwe van die een provinsiale meesterspan by wyse van n voorafreëling ook aangestel word as die bestuurder, kaptein en reserwe van die betrokke provinsie se ander meesterspan. 15.2.8. Slegs die punte van die provinsiale A-span word in ag geneem in die bepaling van die Kampioen van Kampioene-wenner en ook vir die 3-jaar skuiwende gemiddeld om te bepaal of die provinsie in die Premier of Presidentsafdeling meeding. 16. SAMESTELLING VAN DIE FEDERASIE AFVAARDIGING NA DIE ONDERSKEIE NASIONALE KAMPIOENSKAPPE 16.1. Die Sameroeper van die Keurkomitee is verantwoordelik vir die aanwys van die Federasie se amptelike afgevaardigde(s) na die Nasionale Kampioenskappe minstens 45 dae voor die aanvang daarvan. 16.2. Die Federasie se afgevaardigde na n nasionale kampioenskap bestaan uit een van die lede van die Keurkomitee. In die geval van die Dameskomitee sal drie keurders elk die nasionale kampioenskappe bywoon. n Keurder moet so spoedig moontlik na sy aanwysiging die betrokke gasheerprovinsie van sy koms verwittig, verblyfreëlings finaliseer en administratiewe en funksiereëlings uitklaar. 16.3. Die verblyfkoste, etes en funksiebywoningskoste van die Federasie se afgevaardigde(s), moet deur die gasheerprovinsie deur middel van die spanfooie verhaal word. Reiskoste van die afgevaardigde(s) sal egter regstreeks vanaf die Tesourier van die Federasie verhaal word. 16.4. Die funksies van die Federasie se afgevaardigde(s) na die kampioenskappe is die volgende: 16.4.1. die bywoning van die kapteins-inligtingsvergadering. 16.4.2. die opening van die kampioenskappe. 16.4.3. die behartiging van die prysuitdelingsfunksie. 16.4.4. oorhandiging van die Federasie se merietetoekennings. 16.4.5. aankondiging van proewe nominante. 16.4.6. verduideliking van die keurdersevalueringsproses.

-22-16.5. Die Beamptekomitee afvaardiging na die Nasionale Kampioenskappe bestaan uit sodanige getal soos wat die onderskeie vaste komitees nodig ag. Die beamptes se verblyfkoste, etes en funksiebywoningskoste moet deur die gasheerprovinsie deur middel van die spanfooie verhaal word. Reiskoste van die afgevaardigde(s) sal regstreeks vanaf die Tesourier van die Federasie verhaal word. Gasheerprovinsies moet by die Beamptekomitee vasstel vir hoeveel nagte verblyf benodig word. Vanweë die vooraf uitpen van die water mag die verblyfreëlings vir n langer periode wees as in die geval van die Federasie se ander afgevaardigdes. 16.6. Die funksies van die Beamptekomitee tydens die Nasionale Kampioenskappe is as volg: 16.6.1. Die uitpen van die water vir die amptelike oefeninge en die nasionale kampioenskappe in samewerking met die gasheerprovinsie 16.6.2. Die hantering van die kapteins-inligtingsvergadering 16.6.3. Die aanbied van en bevelneming oor die kampioenskappe 16.6.4. Die verwerking van punte en die deurgee van die benodigde inligting aan die Federasie Afgevaardigde. 17. NASIONALE KAMPIOENSKAPPE GASHEERKOSTE 17.1. Ten einde te verseker dat n redelike standaard met betrekking tot nasionale kampioenskappe gehandhaaf word sonder om die hengelaar oormatig met koste te belas, word koste norms met betrekking tot nasionale kampioenskappe deur die Federasie neergelê. Die aantal persone wie amptelik die kampioenskappe en verwante aktiwiteite mag bywoon en wat se koste in die spanfooie opgeneem moet word, word ook deur die Federasie voorgeskryf. 17.2. Besonderhede van die koste norms en die aantal persone (gasheer helpers, beamptes, afgevaardigdes en eregaste) wat in die kostestruktuur ingesluit mag word, is by die Tesourier beskikbaar. 17.3. Die gasheerprovinsie se kostebegroting moet op die amptelike kostebeoordelingsvorm, wat by die Tesourier beskikbaar is, ingevul en minstens 90 dae voor die aanvang van die kampioenskappe aan die Tesourier voorgelê word vir goedkeuring. 17.4. Die Tesourier moet die kostebegroting binne 30 dae na ontvangs nagaan, afwykings opklaar, die begroting goedkeur en die gasheerprovinsie dienooreenkomstig verwittig.

-23-17.5. Na goedkeuring van die kampioenskap kostebegroting moet die gasheerprovinsie, minstens 60 dae maande voor die kampioenskappe, n amptelike uitnodiging aan al die provinsies stuur wat aan die kampioenskappe gaan deelneem. Afskrifte van die uitnodiging moet ook aan die volgende Federasie ampsdraers gestuur word vir hulle inligting en/of verdere aandag: 13.2.1 President van die Federasie 13.2.2 Sameroeper Vaste Komitees, waar van toepassing. 13.2.3 Sekretaris 13.2.4 Tesourier 13.2.5 Die Federasie se amptelike afgevaardigde 13.2.6 Sameroeper van die Beamptekomitee 13.2.7 Bemarkingsbestuurder 17.6. Binne 30 dae na afloop van die kampioenskappe moet die gasheer die werklike onkoste op die kostebeoordelingsvorm, wat deur die Tesourier aan die gasheerprovinsie voorsien sal word, ingevul en saam met die nodige bewysstukke en n tjek vir die beamptereiskostetoelaag direk aan die Tesourier gestuur word. 18. MEDALJETOEKENNING TYDENS DIE NASIONALE KAMPIOENSKAPPE 18.1. Die Federasie het weggedoen met die beleid om wisseltrofeë op Nasionale Kampioenskappe te oorhandig. Toestemming is egter aan die Juniorkomitee verleen om die Juniorkomitee se trofeë te gebruik op voorwaarde dat die Juniorkomitee self hulle trofeë bewaar, skoonmaak en die vervoer van die trofeë sal administreer. 18.2. As alternatief vir wisseltrofeë sal daar tydens nasionale kampioenskappe medaljes vir sekere geïdentifiseerde spanprestasies toegeken word. Wat die individuele wenners betref sal n klein hout trofee aan die individuele kampioen en die twee opvolgers oorhandig word. Ander individuele wenners wat voorheen wisseltrofeë ontvang het, sal medaljes ontvang. 18.3. Die Kleurebeampte is verantwoordelik vir die tydige bestelling van die medaljes en die merietetoekennings wat die Federasie tydens die nasionale kampioenskappe mag benodig. Die Kleurebeampte moet toesien dat die medaljes en trofeë minstens 14 dae voor die aanvang van die kampioenskappe aan die Federasie se afgevaardigde besorg word.

-24-18.4. Die koste verbonde aan die medaljes en ander toekennings word nie deur middel van spanfooie verhaal nie, maar word deur die Federasie uit die spanregistrasiefooie betaal. 18.5. Tabel van Nasionale Kampioenskap toekennings: GROEP OMSKRYWING TOE- KENNING AANTAL 1. Beamptekomitee Hoofbeampte Medalje Goud 1 Ander Beamptes Medalje Silwer Soos benodig 2. Swaarste Spesie Karp Medalje Brons 1 Geelvis Medalje Brons 1 Moddervis Medalje Brons 1 Barber Medalje Brons 1 Kurper,ens Medalje Brons 1 3. Individueel Swaarste sak oor 3 dae Medalje Silwer 1 Meeste vis oor 3 dae Medalje Silwer 1 Ind. Kampioen :3de Plek Klein trofee Brons 1 Ind. Kampioen: 2de Plek Klein trofee Silwer 1 Ind. Kampioen: 1ste Plek Klein trofee Goud 1 4. Span toekennings Spanplasing: Derde Plek Medalje Brons Soos benodig Spanplasing: Tweede Plek Medalje Silwer Soos benodig Spanplasing: Eerste Plek Medalje Goud Soos benodig 5. Gasheer Helpers Aandenking 4

-25-19. REGULASIES VAN TOEPASSING OP NASIONALE KLEURE 19.1. Die Koningsprotea (Protea Gynaroides) is die nasionale sport embleem van alle spanne wat Suid-Afrika in internasionale kompetisies verteenwoordig. Beide embleme is geregistreer by die Departement van Heraldiek en die ontwerpe word met kopiereg beskerm. 19.2. Die SASCOC beheer en reguleer alle nasionale kleure. Die hooffunksies van die SASCOC is om te kontroleer dat die geregistreerde nasionale protea-embleem slegs deur bona fide SASCOC sportledeliggame gebruik word, om die embleem teen misbruik te beskerm, om aansoeke vir internasionale deelname en aansoeke vir nasionale kleure goed te keur. 19.3. In terme van n ooreenkoms met die SASCOC hanteer die SASCOC alle aspekte rakende die lisensiëring en handeldryf met die protea-embleem op handelsware wat deur Nasionale Federasies bemark word. Geen persoon of organisasie, insluitend Federasies, is geregtig om die nasionale embleem, in watter vorm ook al, te gebruik sonder die skriftelike toestemming van die SASCOC nie. 19.4. Nasionale Sportbeheerliggame is geregtig om hulle eie kleure en embleme toe te ken en te gebruik soos dit die beheerliggaam behaag. Federasies mag egter nie die geregistreerde protea of enige variasie daarvan of groen en goud kleure as Federasiekleure gebruik nie. 19.5. Die protea mag wel met die vooraf goedkeuring van die SASCOC in kombinasie met die Federasie-embleem gebruik word as n administratiewe logo op sy briefhoofde. 19.6. Afsonderlike Nasionale Proteakleure word toegeken aan seniors en juniors. Senior kleure bestaan uit die proteawapen geborduur in groen en goud met n kleurkombinasie van groen en goud. Die proteawapen bestaan uit die logo met die woorde South Africa en die naam van die sportkode. Die enigste ander woorde wat op die wapen toegelaat word is Manager en/of Coach. 19.7. Nasionale Proteakleure word beperk tot die baadjiewapen, offisiële das, serp, en die sweetpak wat deur die SASCOC voorgeskryf word.

-26-19.8. Die toekenning van Nasionale Proteakleure word beperk tot federasies wat lid is van die SASCOC en wat nie in dispuut met die organisasie is nie. 19.9. Nasionale kleure mag alleen toegeken word indien aan die volgende vereistes voldoen word: 19.9.1. Indien aan goedgekeurde internasionale kompetisies deelgeneem word 19.9.2. indien nasionale proewe gehou was 19.9.3. die spanne volgens die vasgestelde seleksieprosedure van die Federasie, wat deur die SASCOC goedgekeur is, verkies is. 19.9.4. indien daar tydens die proewe gelyke geleenthede vir alle persone bestaan het wat aan die proewe deelgeneem het. 19.9.5. Die SASCOC moet jaarliks van die Federasie se opgedateerde Federasie en Nasionale Kleurebeleid voorsien word. 19.9.6. n Afskrif van die Federasie se nuutste Kleure Gedragskode moet ook aan die SASCOC oorhandig word. 19.10. Kleure kan slegs toegeken word aan hengelaars wat werklik aan die goedgekeurde kompetisie deelgeneem het as n lid van die verteenwoordigende span. Kleure kan ook aan die offisiële reserwe toegeken word mits dit so in die tegniese reëls en regulasies van die Federasie en sy Internasionale Federasie bepaal word. 19.11. Indien nasionale kleure voor die plaasvind van die kompetisie toegeken is en die persoon vanweë omstandighede nie kan deelneem nie, moet sodanige kleure onttrek word. 19.12. Nasionale Kleure sal slegs oorweeg word aan persone wat bewys kan lewer dat hulle Suid-Afrikaanse burgers is en indien hulle in besit van n geldige Suid-Afrikaanse paspoort is. Persone wat slegs oor n verblyfpermit beskik, sal nie vir nasionale kleure kwalifiseer nie. Hierdie reël is egter nie op bestuurders en afrigters van toepassing nie. 19.13. In die gevalle van n Nasionale Proteaspan moet die span na goedkeuring deur die Federasie se President ook vir goedkeuring aan die SASCOC voorgelê word.

-27-20. PROSEDURE BY DIE ONTTREKKING UIT N SPAN 20.1. Indien n spanlid uit n Nasionale Proteaspan of n Federasiespan sou onttrek, moet die spanlid die Sameroeper van die Keurkomitee skriftelik per geregistreerde pos van sy/haar onttrekking in kennis stel. Die redes vir die onttrekking moet duidelik in die brief vermeld word. Dokumente ter stawing van die redes vir die onttrekking moet die brief vergesel. n Afskrif van die skrywe asook van die stawende dokumente moet ook aan die spanbestuurder gestuur word. 20.2. alle toekennings soos kleure, wapens, dasse en/of sertifikate moet aan die Sameroeper van die Keurkomitee terugbesorg word. 20.3. die terugbetaling van die spandeposito en spanfooie wat reeds betaal is, sal op meriete deur die Keurkomitee oorweeg word. 20.4. indien die meriete van n onttrekking deur die Keurkomitee aanvaar word, sal die spandeposito en die spanfooie wat reeds betaal is aan die hengelaar terugbetaal word. Die betrokke hengelaar sal nogtans vir n tydperk van minstens een jaar nie vir enige span oorweeg word nie. Indien geen meriete gevind word nie, sal die spanlid nooit weer vir 'n Nasionale Proteaspan of n Federasiespan oorweeg word nie en sal die hengelaar sy spandeposito terugbetaal. Ongespandeerde spanfooie sal sover moontlik aan die hengelaar terugbetaal word. 21. INTERNASIONALE TOERNOOIE 21.1. Toernooie tussen Suid-Afrika, Namibië en Zimbabwe 21.1.1. Suid-Afrika, Namibië en Zimbabwe kom jaarliks teen mekaar te staan in n internasionale toernooi. Suid-Afrika en Namibië is om die beurt gasheer vir die toernooi. 21.1.2. Die toernooi word beslis volgens internasionale hengelreëls waarop die deelnemende lande ooreengekom het. Die reëls kan slegs gewysig word deur n gesamentlike besluit van die Dagbesture van die deelnemende lande. Die internasionale hengelreëls sal deur die Federasie se Beamptekomitee in stand gehou word. 21.1.3. Die amptelike internasionale hengelreëls vorm nie deel van die Federasie se huishoudelike reëls nie. n Afskrif

-28- van die reëls sal deur die Sameroeper van die Keurkomitee aan die spanbestuurder oorhandig word. 21.1.4. FIPSed Wêreldkampioenskap Toernooie 13.2.1 Suid-Afrika neem jaarliks deel aan die volgende toernooie van FIPS ed., die internasionale beheerliggaam van varswater oewerhengel: 22.1.4.1 Senior Wêreld Match Klub Hengelkampioenskappe 22.1.4.2 Wêreld Match Senior Hengelkampioenskappe 22.1.4.3 Wêreld Match Dames Hengelkampioenskappe 22.1.4.4 Wêreld Match Junior Hengelkampioenskappe (14-19 jaar) 22.1.4.5 Senior Wêreld Karp Hengelkampioenskappe 22.1.4.6 Wêreld Feeder Hengelkampioenskappe 21.1.5. Spanlede van die Nasionale Proteaspanne wat aan die FIPSed Wêreldkampioenskappe deelneem, sal vir hulle eie onkoste verantwoordelik wees. 21.1.6. Die amptelike Internasionale Hengelreëls van FIPSed vorm nie deel van die huishoudelike reëls van die Federasie nie, maar n afskrif daarvan kan deur die betrokke spanbestuur by die Sameroeper van die Keurkomitee verkry word. 21.1.7. Die Rotasielys van die Wêreldkampioenskappe kan deur die spanbestuur by die Internasionale Koördineerder verkry word. 22. NASIONALE KLEURE- EN MERIETETOEKENNINGSFUNKSIE 22.1. Die Federasie sal jaarliks n Nasionale Kleure- en Merietetoekenningsfunksie hou met die doel om: 22.1.1. aan die ontvangers van Nasionale Protea- en Federasiekleure amptelik hulle kleure te oorhandig. 22.1.2. merietetoekennings vir sekere geïdentifiseerde prestasies aan individue te maak wat waardevolle en jarelange diens aan die georganiseerde hengelsport gelewer het asook aan hengelaars wat buitengewone prestasies behaal het.