2015 September Oktober November Desember FRIKAR GotoGuta



Like dokumenter
Molde Domkirke Konfirmasjonspreike

Alle svar er anonyme og vil bli tatt vare på ved Norsk Folkemuseum kor vi held til. Ikkje nemn andre personar med namn når du skriv.

Birger og bestefar På bytur til Stavanger

Til deg som bur i fosterheim år

mmm...med SMAK på timeplanen

SØKNAD OM STØTTE TIL MUSIKALEN OLIVER

Minnebok. Minnebok NYNORSK

3 Gjer setningane om til indirekte tale med verba i preteritum. Han fortalde: Ho bur på Cuba. Han fortalde at ho budde på Cuba.

6. trinn. Veke 24 Navn:

INFORMASJONSHEFTE FOR STUDENTAR I LYEFJELL BARNEHAGE

2 Gjenta setningane. Begynn med adverbialet. Leo speler fotball. Kvar onsdag speler Leo fotball.

Set inn passande preposisjonar. Sjå biletet på førre side. Nokre må du kanskje bruke fleire gonger.

Kjære føresette. Nok ein månad er snart over! Tida går veldig fort, spesielt når vi har det kjekt. Og det er akkurat det vi har på SFO:-)

Her starta det. Og her feira dei grunnlova sist helg

JAMNE BØLGJER. også dei grøne greinene i jamn rørsle att og fram er som kjærasten min

Han fortalde dei ei likning om at dei alltid skulle be og ikkje mista motet Lukas 18:1-7

Spørjeskjema for elevar 4. klasse, haust 2014

Jon Fosse. For seint. Libretto

NAMNET. Av Jon Fosse GUTEN JENTA

Joakim Hunnes. Bøen. noveller

Me har sett opp eit tankekart og mål for dei ulike intelligensane, dette heng som vedlegg.

Velkomen. til kulturbygda. Lærdal

Halvårsrapport raud gruppe haust 2015

Månadsplan for Hare November

ÅRSPLAN HORDABØ SKULE 2015/2016

Velkomen til. Dette heftet tilhøyrer:

HORDABLÆSTEN Infosending nr 1


Hei alle sjøstjerneforeldre

Ser du det? Ved Odd Erling Vik Nordbrønd døveprest i Møre Anne Marie Sødal kateket i døvekirken Nordenfjelske distrikt


Undervisningsopplegg for filmen VEGAS

Månedsbrev april 2015

DU SKULLE BERRE VISST KVA BARNA DINE OPPLEVER PÅ SKULEN

Informasjon til elevane

Tenk på det! Informasjon om Humanistisk konfirmasjon NYNORSK

Teknikk og konsentrasjon viktigast

LIKNINGA OM DEN VERDIFULLE PERLA

Kva kompetanse treng bonden i 2014?

Her er Monica, Stian, Kenneth, Tor Andrè og Matias dei vaskar poteter.

august 2013 NESETDAGANE.

Månadsbrev frå oktober, Grøn avd.

BARN SOM PÅRØRANDE NÅR MOR ELLER FAR ER PÅ SJUKEHUS

Unngår kvarandre Irritasjon Det vert stille Alliansar Terror. Brotne relasjonar

1. Fritid og bibliotek Hos legen Høgtider Mattradisjonar Sunnheit og kosthald Arbeidsliv...

Månadsbrev for GRØN mars/april 2014

Gjennomføring av foreldresamtale klasse

Velkomen til minifolkehøgskule i Nordfjord

Tarzan 3 og 4 åringane Fredagane Neste månad nformasjonstavla Nyttar høvet til å minne om :

MEDLEMSINFO. august 2009

MÅNADSPLAN FOR SEPTEMBER, KVITVEISEN.

Hei alle på 4. årstrinn og foreldre/føresette! Veke

Om utviklingsplanar for dei vidaregåande skulane i Eiksundregionen Høyring 1

På tur med barnehagen. Mars 2015-juni 2015 Fokusområde 11

Bokbåten Epos 50 år i Møre og Romsdal

EVANGELIE-BØKENE Av Idun og Ingrid

Ungdom i klubb. Geir Thomas Espe

Månadsbrev for ROSA mars 2015

Innhold. Fakta om bjørn Bilete og video av bjørn Spørjeunders. rjeundersøking

liv Livet er ikkje lett å skjøne. Det er høgst underleg.

Månadsbrev for Rosa september 2014

Eleven i ein lærande organisasjon vurderingsarbeid i skulen. Presentasjon av eit dr.gradsarbeid Astrid Øydvin

INFORMASJONSHEFTE OM Flatdal barnehage

Nasjonale prøver Matematikk 7. trinn

Lyngmo-Glytten 23. årgang - Januar 2014 Medlemsblad GLYTTEN

Det æ 'kji so lett å gjera eit valg når alt æ på salg Dialektundersøking

Pressemelding. Kor mykje tid brukar du på desse media kvar dag? (fritid)

SUNDAG Morgonbøn (Laudes)

Rogaland Mållag. Gode målfolk, Bryne, 5. oktober 2009

BYGGEKLOSSEN OPEN BARNEHAGE, hausten 2015

TENESTEOMTALE FOR STORD KULTURSKULE. Sist redigert

Kvifor likar me å høyre på forskjellig musikk?

Folkemusikkveka i Kvinnherad oktober

OK, seier Hilde og låser.

SJØPOSTEN OKTOBER Hei!

Korleis stimulera til ein god språkutvikling hjå barn?

TEIKNSETJING... 2 Punktum... 2 Spørjeteikn... 2 Utropsteikn... 3 Kolon... 3 Hermeteikn... 3 Komma... 5

Halvårsrapport grøn gruppe- haust 2015

Olaug Nilssen. Få meg på, for faen. Roman

Barnerettane i LOKALSAMFUNNET

Om utviklingsplanar for dei vidaregåande skulane i Eiksundregionen Høyring 2

Oppmannsrapport etter fellessensur i norsk skriftleg i Sogn og Fjordane og Møre og Romsdal

SETNINGSLEDD... 2 Verbal... 2 Subjekt... 2 Objekt... 5 Indirekte objekt... 6 Predikativ... 8 Adverbial... 9

ÅRSMELDING FOR VALLE UNGDOMSKLUBB

Brukarrettleiing E-post lesar

GRAVFERD I BEDEHUSFORSAMLING

Nasjonale prøver. Lesing 5. steget Eksempeloppgåve 2. Nynorsk

Brødsbrytelsen - Nattverden

Til bruk i utviklingssamtale på 8. trinnet. Samtaleguide om lesing

Jon Fosse. Lilla. Skodespel

Skal skal ikkje. Det startar gjerne med ein vag idé eller ein draum om å bruka interessene dine og kompetansen din på nye måtar på garden din.

Carl Frode Tiller Innsirkling 3. Roman

SONGAR I MINNETEKST I MINNETALER I DØDSANNONSER

Hei alle på 4. årstrinn og foreldre/føresette! Veke

MÅNADSBREV FOR APRIL GRØN

Olweusarbeid i Luster kommune Felles årshjul

av Mar Berte og Ivtiene Grran deog månen senteret Nynorsk

Den europeiske samfunnsundersøkelsen - hvordan lever vi i Norge og andre land i Europa?

Norsk etnologisk gransking Oslo, februar 2015 Norsk Folkemuseum Postboks 720 Skøyen 0214 Oslo E-post:

Transkript:

2015 September Oktober November Desember FRIKAR GotoGuta

Utstillingar Utstillingsopning 29. august Kristin Irén Dijkman Tore Wilhelmsen Utstillingsopning 26. september Beate Megaard Paulsen Skulptur / Tekstil Arrangør: Ål kunstforening Keramikk Arrangør: Ål kulturhus Utstillingsopning 24. oktober Hilde Thomsen Utstillingsopning 21. november Annine Qvale, Eli Hovdenak, Bjørn Ousland, Hans Jørgen Sandnes, Lisa Aisato, Iben Sandemose og Bendik Kaltenborn Galleri Syningen Teikningar / Karikatur Arrangør: Ål kulturhus Barnebokillustrasjonar Arrangør: Ål kunstforening

NYTT I HAUST: Middagspakke Ingenting er hyggelegare enn å kombinere ei konsert-, show-, eller teateroppleving med ein god middag. Ål kulturhus kan no, i samarbeid med Thon Hotel Hallingdal, by på to-rettars middag i førkant av utvalde arrangement. Serveringa startar 1 1/2 time før forestillingsstart, og du må rekne eit par minuttars spasertur frå restauranten på hotellet til salen på kulturhuset. Sjå nettsida vår (www.aal.kulturhus.no) for prisar og detaljert meny til arrangementa som er merka her i programmet. Kjære publikum No held du det ferske kulturhusprogrammet for hausten 2015 i handa, det fyrste eksemplaret frå ein nesten like så fersk kulturhusleiar på Ål kulturhus. Eg håpar du vil trivast her i haust, og me har laga ein kulturmeny me trur vil falle i smak hjå mange. Her er noko for alle aldrar med smak i mange sjangrar. Musikk, foredrag, teater, dans, stand-up, show og mykje meir. Skal eg trekkje ut ein liten godbit (bokstaveleg talt), må det vere juleølsmakekurs med ost og sjokolade den 17. november. Dit skal definitivt eg! Av anna nytt på huset kan eg trekkje fram at me no, i samarbeid med Thon Hotel Hallingdal, har heilaften-pakker med middag i førkant av utvalde forestillingar. Sjå meir om dette på nettsida vår. De vil også oppdage at me har eit mykje breiare utval i kiosken, noko me trur mange vil synast er stas. Eg håpar å sjå alle hallingar her utover hausten og vinteren, det vere seg ekta vare, hyttehallingar, turistar eller andre besøkjande. Velkomen til Ål kulturhus! Info Framsidefoto: Pål Laukli/Tinagent Me ynskjer velkomen til Ål kulturhus - staden for dei gode opplevingane! Helsing Lars, Torun, Lars, Anita og Wenke Ål kulturhus Myren 40, 3570 Ål Telefon: 32 08 51 00 Telefaks: 32 08 16 44 aal.kulturhus@hallingnett.no www. aal.kulturhus.no

Foredrag Jaktprat på biblioteket Arrangør: Ål bibliotek og Ål Jeger- og Fiskerforening Hausten er jaktsesong, og Hallingdal sin eigen villmarksforfattar Øystein Kjerulf Brenno kjem til Ål bibliotek for å dele kunnskap og erfaring frå eit langt liv som jeger og fiskar. Han vil lese utdrag frå fire av bøkene han har skrive om jakt og friluftsliv: Elg og edelfisk, Blant kronede konger, En hund etter elg og Hallingdal. Her får me smakebitar frå jaktstemning og kjensla av å få storørreten på kroken, men også fagkunnskap om mellom anna elghunden. Det vil bli opna opp for spørsmål rundt dei emna Kjerulf Brenno tek opp i bøkene sine, til dømes aktuelle tema som storviltforvaltning og sikker jakt. Ål bibliotek Onsdag 2. september kl. 1900 Gratis inngang. Enkel servering Øystein Kjerulf Brenno arbeider til dagleg som spesialkonsulent på rådmannskontoret i Gol kommune. Han har gjeve ut i alt elleve bøker om jakt og friluftsliv, og i tillegg skriv han som frilansjournalist for tidsskrifta Villmarksliv og Jakt. Måten me forvaltar villmarka på i Noreg har vore eit gjennomgangstema i Kjerulf Brenno sin forfattarskap. Han er oppteken av natur- og miljøvern, barskogforvaltning, rovdyrforvaltning, storviltforvaltning og sikker jakt, men også av det enkle friluftslivet som kvar og ein har høve til å utøve i nærmiljøet.

Show Mitt Liv Som Elsa Endeleg kjem Elsa Lystad til Hallingdal med den kritikarrosa forestillinga om sitt eige liv. Humordronninga i Noreg byr på høgdepunkt frå sitt lange liv, både i og utanfor rampelyset. Det blir eit varm og nært, men også hylande morosamt møte med artisten og mennesket Elsa Lystad. Elsa Lystad er hylla som seriøs skodespelar - og elska som grenselaus humorist med eit heilt ubegripeleg trøkk og eit talent for improvisasjon som ein kvar jazzmusikar berre kan misunne henne. I denne forestillinga er det den frittgåande Elsa me møter - det humoristiske mennesket med eit reflektert og sylskarpt skråblikk på tilværets forunderlege persongalleri, henta frå eit levd liv i og utanfor rampelyset. Saman med den musikalske vaktmesteren sin, Petter Anthon Næss, byr ho på ei fantastisk feststund. Foto: Marius Pettersen Middagspakke Alle burde unne seg en Elsa! Terningkast 6 - Østlands-Posten Eventyrlige Elsa! Terningkast 5 - VG Ekte gledesspreder! Terningkast 5 - Dagbladet Laurdag 5. september kl. 1800 Billettar kr. 365,- www.aal.kulturhus.no

Ål kyrkjeakademi presenterer: Foredrag Rettferd - fred - forsoning Foredrag ved Petter Skauen Petter Skauen har arbeidd for Kirkens Nødhjelp i 38 år. «Han er ein levande helt og er truleg den nordmannen som har redda flest menneskeliv.» Slik omtalte filmskaparen og forfattaren Erling Borgen diakonen og fredsarbeidaren i Dagsavisen i fjor. Petter Skauen har brukt det meste av livet sitt til å arbeida for dei fattige og forfølgde i Guatemala. Med eit utruleg kontaktnett og evne til å snakka med både dei forfølgde og blodige generalar, spelte han ei sentral rolle då Noreg engasjerte seg for å få ein slutt på borgarkrigen i landet. Fredsavtalen som avslutta 36 år blodig borgarkrig vart etter 10 års arbeid underteikna i Oslo i 1996. Etter dette vart Skauen engasjert av Utenriksdepartementet som spesialrådgjevar i arbeidet med fred og forsoning både i Haiti, Colombia, Filippinene og Øst-Timor. Nesch-museet I Petter Skauen sitt arbeid og liv har ord og løfte vore sanne. Fattige og forslåtte har alltid visst at dei kunne stola på han. Torsdag 10. september kl. 1915 Billettar kr. 150,-/120,-

Frelsesarmeen jublar og jubilerer Det vert ei reise gjennom tiåra frå 1940 til i dag, med strengemusikk, opera og motbakkerock, motevisning og historiske glimt, hornmusikk og mannskor, trekkspel, hardingfele og gitar, møbeldans og hallingspringar ein festkonsert av dei sjeldne i høve Frelsesarmeen Hallingdal sitt 75-årsjubileum. Skodespelaren Helge Jordal saman med Motbakkeorkesteret frå Frelsesarmeens rusomsorg i Bergen, artistane Tove Bøygard og Borgar Storebråten med røter i Hallingdal, operasongaren Gunda Marie Bruce med røter i Frelsesarmeen, Haugeplass med røter i bluegrassmusikken, Staben & Yngstebrørne med røter i folkeleg religiøs musikktradisjon og country, er mellom aktørane som saman med Oslo 3. korps hornorkester og mannskor stiller opp for alle som vil oppleve ein stor festkveld med Frelsesarmeen i Ål kulturhus. Fretex har funne fram flotte antrekk til ei historisk motevisning med musikk og klede frå dei siste 75 åra. Dansarar frå Nes og Flå kulturskole deltek, likeså Mini-/Maxigospel frå Gol, lokale folkedansarar og spelemann Frank Syversrud. Før framsyninga (frå kl. 1630), og i pausen, er det open kafeteria ved Fretex. Frelsesarmeen sin jubileumskonsert vert fyrst ut i eit kulturog helsesamarbeid der konsertar og framsyningar i Ål kulturhus blir overført til Ål bu- og behandlingssenter. Slik kan folk som ikkje har så lett for å kome seg ut, ta del i ulike kulturarrangement. Regi: Kari Flock ved Buskerud Teater avd. Hallingdal Produsent: Marta Maria Espeseth, Frelsesarmeen Hallingdal Foto: Kai-Otto Melau Middagspakke Laurdag 12. september kl. 1800 Billettar kr. 300,- Jubileum

Tøff bluesrock på sitt beste Konsert Foto: Øyvind Mo Larsen Amund Maarud m/band Gitarist, vokalist og låtskrivar Amund Maarud gav tidlegare i år ut plata Volt. Dette avslutta dermed trilogien som byrja med Spellemannsprisvinnande Electric i 2011 og held fram med nominerte Dirt i 2012. Dette er plata der eg oppsummerer rockerøtene mine i ei låtbasert plate, seier Amund, og tek større musikalske sprang enn nokon gong. Han er ein artist som har visjonar på tvers av sjangrar og båsar, og han sluttar aldri å overraske. Maarud er definitivt ein av landets beste gitaristar, og han er kjent som ein energisk liveartist. Han er tidlegare frontmann i rockebandet The Grand og sist høyrt på plate på norsk med sjølvaste Toralf Maurstad. I tillegg er Amund Prøysen-tolkar med KORK og Blå Prøysen, og han spelte på Øyafestivalen 2014 med duoen Morudes ilag med broren Henrik. Saman med det fabelaktige bandet sitt diskar Amund Maarud opp med ei musikalsk energibombe som består av ei forfriskande blanding høgoktan blues og kruttsterk rock and roll. Her får me altså tøff bluesrock på sitt aller beste. Med seg på scena har han Torsdag 24. september kl. 1900 Egil Stemkens, Simen Aanerud, Bendik Brænne, Henrik Maarud. Lyd: Frode Røe. Billettar kr. 265,-

Eldredagen 2015 Eldredag Den internasjonale eldredagen er kvart år den 1. oktober. Eldrerådet og eldrelaget i Ål inviterer alle eldre til program i Ål kulturhus denne dagen. I år blir det kåseri ved folkehelsekoordinator Hilde Nysæther Frantzen og etterpå blir det musikk, sang og allsang. Ingebjør Sørbøen - hardingfele Torleif Stave - torader Margrete Berg - song, gitar Sigbjørn Solbakken - song Guri Ekse - song Sigrun Kaslegard - piano Foto: Terje Bjørnsen Trening og bra kosthold - viktig for god aldring Mange eldre mistar appetitt med alderen og et mindre. Andre blir sitjande i godstolen og greier ikkje å vere så fysiske aktive som dei eigentleg hadde ynskt. Behovet for energi og næringsstoff blir ikkje endra vesentleg med åra, men for enkelte næringsstoff er behovet høgare enn hjå yngre vaksne. Eit godt samansett kosthald er difor minst like viktig etter fylte 60, som før. Det same gjeld fysisk aktivitet. Med åra blir muskelmassen redusert, og det blir lettare å pådra seg skader gjennom fall og slitasje. Forsking syner at eldre har god nytte av styrketrening. Folkehelsekoordinator Hilde Nysæther Frantzen vil svalle om korleis regelmessig fysisk aktivitet og gode matvaner kan bidra til å forebyggje og redusere mange aldersrelaterte endringar. Ho gjev konkrete råd og tips for kva ein bør ete og korleis ein kan trene. Arrangør: Ål eldrelag og Ål eldreråd Torsdag 1. oktober kl. 1100 Billettar kr. 100,- inkl. servering www.aal.kulturhus.no Billettelefon: 32 08 51 00

Ål kyrkjeakademi presenterer: Foredrag Verdien av usemje Foredrag ved Knut Olav Åmås Blir verda ein betre plass dersom alle menneske er einige om alt? Kva betydning har det at folk har ulike meiningar? Er det noko positivt knytta til at vi menneske er ueinige? Nesch-museet Fredag 9. oktober kl. 1830 Merk tida! Billettar kr. 150,-/120,- Knut Olav Åmås er eit kjent namn i i norsk samfunnsliv. Han har hovudfag i filosofi og doktorgrad i medievitskap, og har vore kommentator og kultur-, debatt og forskningsredaktør i Aftenposten i ei årrekkje. Åmås har skrive fleire bøker, og mange kjenner han nok som forfattaren av den store Olav H. Hauge-biografien Mitt liv var draum. I 2007 gav han ut boka Verdien av uenighet. Han har og vore statssekretær i kulturdepartementet, og har sidan september 2014 vore direktør i stiftinga Fritt Ord. Billettelefon: 32 08 51 00 www.aal.kulturhus.no

Stand-up Cecilie Steinmann Neess eller Cess er utruleg morsom og sprudlande på scena med eit kroppspråk ein heil revy ålene verdig, og ho leikar seg med alt mellom himmel og jord. Ho har vore aktuell i humorprogrammet Kollektivet der ho imponerte med kreative og morosame karakterar, nok til at ho vart nominert til Årets gjennombrudd på Komiprisen 2012. Cess brilijerte også som fast paneldeltakar med sjarm, mimikk og kjappe kommentarar i NRK1 sin populære serie Løvebakken. Sidan debuten i 2000 har Jonna Støme gjort suksess som komikar landet rundt. Han trivst framfor publikum, noko som gjer at han er sjølvsikker, energisk og svært morosam. Jonna har ei unik evne til å finne dei bittesmå tinga i kvardagen som me alle kjenner oss att i og blåse dei opp til uante proporsjonar. I 2010 vart Jonna nominert til Komiprisen for forestillinga Fargerikt Faenskap i kategorien Beste Stand-Up artist. Unge herr Støme har i tillegg lang fartstid som TV-fjes, programleiar, produsent og tekstforfattar. Ørjan Burøe har mange år bak seg på scena, og han veit alltid å setje ting på spissen med brodd og humoristiske vinklingar. Han presisjonsbombar publikum med poeng og gode historier - dei fleste som kryssar komikarens veg får passet sitt påskrive når Ørjan står på scena. Det vere seg sambuarar, svigermødre, dørvakter, flyplasstilsette eller golddiggar-jenter på Cosmo. Her blir ingen spart! Middagspakke Fredag 9. oktober kl. 1930 Billettar kr. 315,- Billettelefon: 32 08 51 00

Den store showstjerna vår, Wenche Myhre, tek med seg kjæresten for å gje publikum ein nær og personleg konsertkveld. Konsert Wenche Myhre er ein av dei mest folkekjære norske artistane, og ho har nådd ut til eit stort internasjonalt publikum. Denne kvelden møter me henne saman med «kjærs ten min», som ho sjølv seier, Anders Eljas. Og han er ingen kven som helst. Eljas er rekna som ein av Europas fremste dirigentar og arrangørar, og står blant anna bak ABBA-karane sin Chess-musikal i London. Han var også den faste pianisten til supergruppa under verdsturneen i 1977-80. Publikum kan vente seg ein stor musikalsk kveld der dei kjem tett og personleg på eit spennande par. Det blir gjenhøyr med kjende og kjære songar, og mange historier frå innhaldsrike og lange karrierer. Middagspakke Torsdag 15. oktober kl. 1930 Billettar kr. 390,- Billettelefon: 32 08 51 00 www.aal.kulturhus.no

FRIKAR GotoGuta Dans Foto: Pål Laukli/Tinagent Spenn fast setebelta! FRIKAR er attende med ei ny, modig framsyning, og det blir både mjukt, spenstig og akrobatisk. Hallgrim Hansegård, Ådne Kolbjørnshus, Vetle Springgard og Andris Hemsing (fele) tek deg med til ei tenkt stølsgoto, der dei sler i hel tida med kreative og lett surrealistiske påfunn. Kva gjorde me eigentleg på stølen før i tida? Kva fordreiv me tida med før mobilen, Skype og You Tube? Kva gjorde me eigentleg før? Alt? GotoGuta, eit valdresuttrykk for Backstreet Boys, er eit studie i gruppedynamikk og fysisk kontakt mellom gutar. Danseglede, hardingfele og noko du aldri tidlegare har sett! www.aal.kulturhus.no Fredag 16. oktober kl. 1930 Billettar kr. 350,- Fellesbillett fredag/sundag kr. 400,- Billettelefon: 32 08 51 00

Frå bygdamønstring til Landskappleik! Meister og elev Kom og høyr og sjå resultat etter ei storhelg i Hallingdal der både elevar og etablerte meisterspelemenn og dansarar deltek! Denne oktoberhelga startar opp med kurs i hallingspringar, hardingfele, langeleik, munnharpe, kveding med meir. Så vil publikum få oppleve meister og elev i samspel og som solistar på den avsluttande konserten. På programmet står kjende namn som Ådne Kolbjørnshus, Vetle Springgard, Helga Myhr, Sina Myhr, Silje Risdal Liahagen, Sjur Borge, Tom Willy Rustad, Erlend Apneseth, Margit Myhr og mange fleire. Programleiar er Martin Myhr. Konsert Sundag 18. oktober kl 1500 Billettar kr. 150,- Fellesbillett fredag/sundag kr. 400,- Arrangementet er eit samarbeid mellom Hallingdal Juniorspelemannslag, Hugnad UL, Ål spel og dansarlag, Buskerud Folkemusikklag, Folkemusikkveka og Ål kulturhus. Med stønad frå Ål kommune, Komp, RFF, Sparebank 1 Hallingdal Valdres og Geilo Spelemannslag.

Den stundesløse Av Ludvig Holberg Teater Ein sprudlande, klassisk komedie om innbilt stress og kjærleik! Herr Vielgeschrei er heilt overbevist om at han har så forferdeleg mykje viktig å gjere. Han stressar omkring og klagar over at han har dårleg tid, men eigentleg får han ikkje gjort noko som helst. Ulukkelegvis har han i farten kome til å love bort den vakre dotter si, Leonora, til son til bokhaldar Madsen. Vielgeschrei bryr seg ikkje om at Leonora eigentleg elskar Leander. Men stuepika Pernille finn seg ikkje i at kjærleiken blir ofra på eit så skammelig vis. Ho utnyttar dei svake sidene til Vielgeschrei og tek den vidare gangen i saka i sine eigne hender. Med kvinnelist, narrestrekar og forvekslingar sørgjer ho for at både fornuften og kjærleiken sigrar til slutt. Scenespråket til Teater Manu er norsk teiknspråk, men stykket blir iscenesett med norsk tale ved stemmeskodespelar. Stykket høver difor for både døve og høyrande. Måndag 19. oktober kl. 1900 Billettar kr. 340,-/315,-/265,- Med: Lars Otterstedt, Ronny Patrick Jacobsen, Ipek D. Mehlum, Mira Zuckermann, Daniel Durant, Sandra Mae Frank, Paal Richard Peterson. Stemmeskodespelarar: Kjersti Fjeldstad Marit Synnøve Berg Regissør: Bentein Baardson Scenograf: Gjermund Andresen Dramaturg: Bodil Kvamme Kostymedesign: Anette Werenskjold Parykk- og maskeansvarleg: Helena Andersson Lysdesign: Reidar Richardsen Språkkonsulent: Sølvi Zuckermann

Odd Nordstoga m/band Konsert David Wallumrød - tangentar Torstein Lofthus - trommer Tor Egil Kreken - bass Øyvind Blomstrøm - gitar Middagspakke Laurdag 24. oktober kl 1900 Billettar kr. 365,- Odd Nordstoga slo stort gjennom då han i 2004 gav ut plata Luring med låten Kveldsong for deg og meg som sørga for 160.000 selde eksemplar. Før Luring kom ut hadde Odd allereie fleire album bak seg, og hadde jobba med musikk sidan 1997. No har Odd samarbeidd med brørne Ivar og David Vogt frå Real Ones, og laga ei ny plate som kjem ut i oktober. Og når ein gjev ut nye plater, dreg ein på turné, og det er akkurat det som skjer no i haust. Med på turen er David Wallumrød på tangentar, Torstein Lofthus på trommer, ålingen Tor Egil Kreken på bass og Øyvind Blomstrøm på gitar. Om plata seier Odd sjølv: «Eg har aldri vore så nøgd med ei innspeling før, og eg brenn etter å få det ut. Brenn etter å spela det for folk. Så dette, dette kan aldri gå bra. Det må vera noko eg ikkje har tenkt på». Fyrste låt ut er singelen Kunsten å gå, og den har snurra heftig på landets radiokanalar. Plata kjem ut 9. oktober, og nokre veker etterpå spelar dei altså på Ål kulturhus. Dette blir stas. Det er med andre ord berre å gle seg til konsert.

Jubileumskonsert for heile familien Maj Britt Andersen m/band Konsert Med Skarvebarna og Hemsedal barnekor Etter fjorårets suksess med utgjeving av Prøysen-samling, medverknad i ei rekkje TV-program og forestillingar landet rundt for å feire 100 års-jubileet til Alf Prøysen, er det i år Maj Britt sin tur til å feire sitt eige jubileum. Det er 40 år sidan Maj Britt gav ut den fyrste soloplata si, Et lite under, og det er 30 år sidan ho starta samarbeidet med tekstforfattar Trond Brænne og komponist Geir Holmsen. Dei tre hadde kjempesuksess på midten av 80-talet med m.a. Folk er rare, barne-tv program i NRK, og forestillingar som var basert på barneplate-utgjevingane deira. Trioen gav ut 12 CD ar saman og alle vart Spellemannsnominerte. Maj Britt og Geir Holmsen har i tillegg samarbeidd med m.a. Ove Røsbak (Vinterkropp), Bente Roestad (Blekkulf), Riksteatret og Ingunn Aamodt (Pulverheksa) og hjelpeorganisasjonen FORUT (Indranis sang og Landsbybarna i Bawatele). I 2014 reiste Maj Britt saman med Viggo Sandvik og Inger Lise Rypdal på turne med suksessforestillinga Hematt med Prøysen. I haust skal Maj Britt gje ut ei jubileumsplate, ein CD-trilogi. Ho har plukka ut 60 favorittar frå dei 20 CD ane sine, som er gjeve ut frå 1975-2015. Plata kjem ut i midten av oktober. Me er glade for at Maj Britt og bandet hennar tek turen til Hallingdal, og gler oss til ein fantastisk konsert med ein av landets fremste formidlarar av musikk for barn. Dei lokale kora Skarvebarna og Hemsedal barnekor syng med på konserten. Middagspakke Onsdag 28. oktober kl. 1800 Billettar kr. 300,-/250,- Billettelefon: 32 08 51 00 www.aal.kulturhus.no

Foredrag Menneskets nye destinasjon i verdsrommet: MARS Foredrag ved Ivar Johansen Ål bibliotek Torsdag 29. oktober kl. 1900 Billettar kr. 100,- Gratis for alle under 18 år Planeten Mars ligg om lag 225 millionar kilometer unna jorda. Den amerikanske romfartsadministrasjonen NASA trur dei vil kunne sende menneske til Mars ein gong i 2030-åra. NASAs toppsjef, Charles Bolden, seier: Planane for ei bemanna ferd til Mars er klare, dei er innanfor fornuftige kostnadsrammer og dei er gjennomførbare. Samstundes har også andre romfartsorganisasjonar planar. Det privatfinansierte Mars One-prosjektet ynskjer å opprette permanent busetting på Mars alt i 2020-åra. Tusenvis av menneske frå heile verda har meldt si interesse for å delta, sjølv om dette er utan returbillett til jorda. Å sende menneske til Mars - er det berre ein draum, eller er det gjennomførbart? Foredraget tek oss med tilbake i romfartshistoria før me rettar blikket mot planeten Mars og dei forskjellige planane NASA og andre aktørar har i dag. Ivar Johansen er skribent og foredragshaldar med nær kjennskap til NASA sitt arbeid. Han har hatt ei lidenskapleg interesse for romfart i snart femti år.

Samfunnets støtter Av Henrik Ibsen Høgt spel om makt og kjærleik med mellom andre Anne Ryg, Kim Haugen og Iren Reppen Teater Middagspakke Samfunnets støtter er Ibsen på sitt mest underhaldande. Det handlar om kjærleikssvik, løgn og hemmelegheiter og ikkje minst om ære, karriere og slue forretningar. Spennande som ei kriminalhistorie, heftig som ein kjærleiksroman, like dagsaktuell som kveldens tv-nyheiter. Alle beundrar den eksemplariske familiefaren Konsul Bernick, som skapar arbeidsplassar og tek ansvar for vekst i byen. Lite veit dei at den visjonære samfunnstoppen har bygd karrieren sin og ekteskapet sitt på ei løgn. Når sanninga om fortida trugar seg fram må han finne ein måte å redde omdømet på. Men er han ein angrande syndar, eller er det nok ein gong spel for galleriet? Samfunnsstøtte har vorte eit begrep, særleg i diskusjonar om kven som er dei eigentlege grunnpilarane i samfunnet. Den danske regissøren Peter Langdal er kjent for engasjerande oppsetjingar av klassikarane. Saman med eit lag på elleve skodespelarar som mange kjenner frå teater, film og TV, vil han gje Riksteatret sitt publikum ein Ibsen-klassikar med ei klar adresse til vår tid. Dette er Ibsen for alle, seier Riksteatret sin nye teatersjef Tom Remlov. Og med ei oppsetjing signert ein av dei største teaterkunstnarane i Skandinavia, vil Samfunnets støtter vise kva eg meiner Riksteatret skal vere; det beste for dei fleste. Med Kim Haugen, Iren Reppen, Anne Ryg, Per Christian Ellefsen, John S. Kristensen, Julie Støp Husby, Nils Golberg Mulvik, Ida C. Klem, Victor Berg, Daniel Karlsson og Martin Lotherington. Av Henrik Ibsen Foto: Fredrik Arff Bearbeidd av Peter Langdal Regissør: Peter Langdal Scenograf: Nicolaj Spangaa Kostymedesign: Karin Betz Co-design kostyme: Henrik Børgesen Lysdesign: Marianne Thallaug Wedset Lyddesign: Nils Wingerei Dramaturg: Tine Thomassen Regiassistent: Pernille Skaansar Produsent: Rebecca Mathisen Ein Riksteatret-produksjon i samarbeid med Nationaltheatret. Fredag 6. november kl. 1900 Billettar kr. 400,-/330,- www.aal.kulturhus.no Billettelefon: 32 08 51 00

Dyra i Hakkebakkeskogen Teater Thorbjørn Egner sin klassikar i ny drakt. Ein stor teaterkveld for dei minste! Forestillinga varar i omlag 1t og 45 minutt inkl. pause Torsdag 12. november kl. 1830 Billettar kr. 265,- No kjem Klatremus og alle venene hans til Ål kulturhus. Vel, alle er kanskje ikkje vener slik med ein gong. Mikkel Rev er nok mest svolten han, men det vil Morten Skogmus gjere noko med. Bestemor skogmus flyg mellom trea, og Bakarguten bakar pepparkaker så pepperskya står. Bjørnar og stabbursmus, piggsvin og Harepus, rev og Klatremus er kanskje ikkje einige om alt mogleg, men alle er med når dei må redde Brumlemann frå å bli selt til sirkus. Bli med du også, og så kan me kanskje feire Bamsens fødselsdag saman til slutt? Victoria Productions er stolte og glade over å kunne presentere Thorbjørn Egner sitt tradisjonsrike meisterverk i full produksjon. Billettelefon: 32 08 51 00

Smak Juleøl-, ost- og sjokoladesmakekurs Øl og mat er ein fantastisk kombinasjon. No får du høve til å utfordre ganen med dei perfekte smakssamansetjingar av juleøl, sjokolade og ost. Øl til ost er som fløyte til jordbær! Ost og vin har lenge vore ein klassikar, men no utfordrar ølet vinen. Her får du smake på utvalde ostar i kombinasjon med ulike øltyper. Øl og sjokolade? Ja visst går det an. Her kan du lære å kombinere øl og sjokolade på nye måtar. Dette er kurset for deg som ynskjer å lære meir om øl gjennom humor, historie, smak og nyttige tips. Velkomen til førjulshygge med himmelske smaksopplevingar! Laurdag 6. november Trugeholu Tysdag 17. november kl. 1800 Billettar kr. 450,- inkl. øl, ost og sjokolade www.aal.kulturhus.no Billettelefon: 32 08 51 00

Ål kyrkjeakademi presenterer: Samtale Foto: Signe Fuglesteg Luksengard Ein kveld med Ingunn Nesch-museet Fredag 20. november kl. 1915 Billettar kr. 150,-/120,- Billettelefon: 32 08 51 00 Ingunn Stræte Lie er ein kjent person innanfor folkemusikk- og kulturmiljøet. Ho har hausta prisar både innanfor dans og musikk på eigne vegne, og har vore sentral på arrangørsida i både Folkemusikkveka, Fryd Scene og Geilo kulturkyrkje. Ingunn har siste året vore framme i riksmedia og på større nasjonale kyrkjearrangement der ho har fortalt om si trushistorie. Denne kvelden får me ein del av Ingunn sine tankar og erfaringar knytt til dette. Ho fortel om dei ekte møta - møta med trua, med menneske og med musikk. Og kva er eigentleg ekte musikk for henne? www.aal.kulturhus.no

Bokmessa i Hallingdal 20 år I 1995 starta samarbeidet om ei årleg bokmesse i regi av Hallingdalsbiblioteka og bokhandelen på Ål. Me feirar 20-årsjubileet med eit rikhaldig program og ei rekkje lokale aktørar. Musikkjournalist Cecilie Asker og fotograf Trygve Indrelid har fylgt 25-årsjubilanten Hellbillies på turné for å knekke koden: korleis har Ål-bandet blitt eit av dei største og mest folkekjære banda me har? På bokmessa presenterer dei den ferske biografien Hellbillies 25. Gunnlaug Lien Myhr fann lite lokal songtradisjon då ho starta som utøvande folkemusikar i 1977. No har ho samla og skrive ned over 600 lokale folkeviser. Ho kjem til bokmessa for å syngje og fortelje om arbeidet med boka Folkesong i Hallingdal. Aagot Noss var folkedraktforskaren frå Ål som folk land og strand rundt opna kistene sine for, og som kongehuset opna dørene for. NRK-journalist Anne Lognvik og biletredaktør Tone Oppsato presenterer Tradisjonen tru, ein biografi om Aagot Noss (1924-2015). Gled dykk til desse og mange fleire innslag. I tillegg kjem Hallingdal historielag for å lansere årets Dølaminne. På boktorget kan du handle harde julegåver, slå av ein prat med forfattarane og få signerte bøker. Heidi Medgard Oskam, forfattaren av kokeboka For godt til å være sunt, vil by på ekte smaksprøver frå oppskriftene sine. Barneprogram: Teater Joker spelar dokketeateret Tutomaten, basert på boka av Bjørn F. Rørvik. Dette er ei herleg forteljing om vennskap og ukueleg optimisme. Frå 3-9 år. Barnebokillustratøren Hans Jørgen Sandnes vil teikne og fortelje for ungane og vise teiknefilmar. Arrangør: Biblioteka i Hallingdal i samarbeid med Norli Ål Ål kulturhus Laurdag 21. november kl. 1200 Billettar kr. 150,- (gratis for barn) Litteratur www.aal.kulturhus.no Billettelefon: 32 08 51 00

Ål kulturskule presenterer: Dans Storslått danseframsyning med Ål kulturskule «Eg har ein idé om ei framsyning, vil du høyre?» - Tale Buttingsrud, 13 år Den grensesprengjande og nyskapande danseframsyninga NO TIME stiller spørsmål ved tida vår. Kva er notid, kva var fortid og kva er framtid? Kulturskulen har gjeve ein elev fritt spelerom til å leve ut draumen om å lage ei eiga danseframsyning. Tale Buttingsrud levandegjer ideane sine med kostymer, lys, musikk og over hundre dansarar på scena! Velkomen til framsyning og til ei hylling av ungdommen sitt kreative univers, endelause energi og skaparglede! Om du kan drøyme det, kan du gjere det» - Walt Disney Idé: Tale Buttingsrud Koreografi: Tale Buttingsrud, Mira Hopland, Magnhild Krog, Magnus N. Malmquist og Iris Almås Tangeraas Sundag 29. november kl. 1400 og 1730 Billettar kr. 160,-/80,- Illustrasjon: Signe Fuglesteg Luksengard Billettelefon: 32 08 51 00 www.aal.kulturhus.no

Pinocchio Guten med verdas mest kjende nase. Riksteatret gjev deg Carlo Collodi sitt klassiske barneeventyr, kjent frå Walt Disney sin filmversjon, gjenfortalt som ei humoristisk, vakker, tankevekkjande, spennande og litt skummel blanding av godt gamaldags barneteater med mykje musikk og moro for heile familien. Det var ein gong ein gamal snikkar som heitte Gepetto. Han var ganske fattig, og ganske einsam. No tenkjer kanskje de stakkars Gepetto! Men han var ikkje ulukkeleg. Han skulle berre ynskje at han hadde nokon å snakke med. Så han laga ei dokke av tre og kalla den Pinocchio. Brått ei natt vakna dokka til live. Viss du lurer på om det er nødvendig å gå på skulen, om det er greit å ete godteri heile dagen og vere oppe så lenge ein vil, om pengar gror viss ein grev dei ned og nyttige ting i den duren, er dette forestillinga for deg. Eller viss du berre trur på feer, likar å prate med grashopper og av og til kjenner deg som ein treskalle. Kanskje foreldra dine treng å lære seg litt oppdraging? Då er det berre å lure dei inn på teatret. Ser du stjerna i det blå? Speletid: 2 timar (inkludert pause) Onsdag 9. desember kl. 1800 Billettar kr. 220,-/190,- Teater Med: Hanne Gjerstad Henrichsen, Ingolf Karinen, Elisabeth Moberg, Håkon Moe, Ivar Nergaard, Gard Pedersen, Frank Ole Sætrang og Kristian Winther Av Carlo Collodi Dramatisert av Teodor Janson Regissør: Teodor Janson Scenograf og kostymedesign: Foto: Fredrik Arff Kathrine Tolo Lysdesign: Øyvind Wangensteen Lyddesign og musikalsk ansvarleg: Johannes Winther Farstad Dramaturg: Tine Thomassen Produsent: Wenche Viktorsdatter Paulsen Produsert av Riksteatret www.aal.kulturhus.no Billettelefon: 32 08 51 00

Julero Konsert med vokalgruppa PUST Anne Hilde Grøv (sopran) Camilla Susann Haug (sopran) Elisabeth Anvik (alt) Jostein Hasselgård (tenor) Håvard Gravdal (baryton) Mads Iversen (bass) Konsert Middagspakke PUST er ein vokalsekstett som presenterer allsidigheit, nytenking og stemmeleik, kombinert med eit høgt musikalsk nivå. Sekstetten har sunge saman i 12 år, og har no eit solid fotfeste som profesjonelt vokalensemble med eit høgt aktivitetsnivå. I 2013 ga dei ut det 4. albumet sitt, Fryktløs, og jula 2013 var dei hovedgjester i NRK sin Beat for Beat julespesial. Dei to siste åra har PUST hatt årleg rundt 50 konsertar og opptrednar. Dei har besøkt konsertscener i Taiwan, Frankrike, Tyskland og Russland i tillegg til omfattande aktivitet her heime. Med denne julekonserten let dei seks songarane publikum synke inn i ei fredfull og harmonisk verd av idyll og ettertanke, med eit svakt anstrøk av ei leiken uro som kriblar under dei lekre arrangementa og i enkelte av tekstane. Alle arrangementa er skrivne av medlemane i gruppa. Dei står også sjølve bak fleire av dei nye songane som utfyller det elles svært kjende julerepertoaret med både alvor og glimt i augekroken. Julero vart gjeve ut på CD i 2011, og var då ensemblet sitt tredje album. Plata fekk fantastisk mottaking i norsk presse. Laurdag 12. desember kl. 1800 Billettar kr. 265,- Meditativt, steningsfullt og evig beroligende - VG Dette er en juleplate for evigheten - Aftenposten En utgivelse som skiller seg ut i mengden. Skal du kjøpe én juleplate i år, er Julero et godt valg - Fredrikstad Blad Billettelefon: 32 08 51 00 www.aal.kulturhus.no

Ynskjereprise! Foto Forteljing Miljø og moro på Sundre i 1950-åra Fotoforteljing med Hallgrim Berg og Ole Johs Brye Eit fint og tett lokalsamfunn med liv og røre, handel og vandel, originalar og gode replikkar det er dette mange hugsar frå miljøet på Sundre i 1950-åra. Etter storbrannen i 1931 kom det mange nybygg rundt Torget, nye butikkar og serviceverksemder, noko som førte til allmenn laurdagsfri i bygda lenge før ordninga kom på landsplan. Folk kom inn frå grendene i heile Ål for å handle, setja seg på kaffistugu, eller ta seg ein tur på Nr. 15 eller bakom hestestallen. Alle skulle til Sundre på laurdagen. Etter krigen var det mange ungar i kvart einaste hus, med mykje moro, leik, slagsmål og spetakkel. Dei fekk oppleva ompliaden på Gardejorde, dyrsku n, pantergjengen og som motvekt misjonærar med lysbilete på Evjens Minne. Hallgrim Berg fortel med skjemt og alvor frå det heilt særeigne miljøet som utfalda seg rundt Sundre i 1950-åra. Med seg har han Ole Johs. Brye, som har plukka fram flotte foto frå faren sitt rike arkiv, og Ola Perstølen, som har skrivi treffsikre vers om sentrale personar i gatebiletet. Måndag 28. desember kl. 1700 Billettar kr. 150,- I løpet av kvelden blir det trekt ut 5 heldige vinnarar i salen som får kvart sitt innramma bilete med motiv henta frå forestillinga. www.aal.kulturhus.no Billettelefon: 32 08 51 00

Fryd Scene gjev publikum store musikalske opplevingar i eit intimt lokale. Konsertstaden er Aal Pensjonat, der Fryd har etablert seg som ei kvalitetsbevisst, sjangerfri, uhøgtidleg og fordomsfri scene midt på torget på Ål. Også denne hausten har Fryd eit variert program. Og det er alltid høve til å kjøpe kaffi og heimelaga kake. Billettar kan kjøpast på førehand på Ål kulturhus eller direkte i døra 30 minutt før konsertstart. Torsdag 27. august kl. 19.30 Rydvall / Mjelva Hardingfele og nykkelharpe er ikkje ein vanleg samspelskombinasjon, men når Olav Luksengård Mjelva (hardingfele) og Erik Rydvall (nykkelharpe) speler opp, smeltar instrumenta saman til eitt til eit samspel som slår gneistar og musikk som gjer inntrykk. Torsdag 3. september kl. 19.30 Bokslepp og konsert med Gunnlaug Lien Myhr Gunnlaug Lien Myhr har samla over 600 songar frå Hallingdal. Denne kvelden skal 20 års arbeid leggast på bordet, boka og notane, eit verk på over 600 sider er ferdig. Velkomen til ein historisk kveld, boklansering og Gunnlaug som deler sin song. Tysdag 15. september kl 19.30 Ola Kvernberg Trio Ola Kvernberg er ein av dei fremste jazzmusikarane i landet på fele og leverer noko du ikkje har høyrt før. Han har i ti år gjort stor suksess med trioen sin der Steinar Rakenes spelar bass og Erik Nylander slagverk.

Fredag 23. oktober kl 20.00 A playdate with Elvis Jazzvokalist Lisa Dillan gir Elvis Presley sine songskattar eit nytt uttrykk. På mirakuløst vis, har ho fått med seg Elvis sin bassist gjennom 7 år, Norbert Putnam. Han krydrar konserten med førstehandshistorier om rockekongen. Saman med Asbjørn Lerheim (gitarar) tek dei publikum på ei rundreise i Elvis sitt repertoar. Nærare Elvis skal det godt gjerast å kome! Måndag 2. november kl 19.30 Me svallast: Musnikksnakk - Arild Jensen og Thomas Kjekstad Klassisk gitar på høgt nivå er ei sjeldan og intim musikkoppleving. Thomas Kjekstad vil denne kvelden spele nyskrive musikk for gitar av Arild Jensen. Dei to vil også snakke om det å skape musikk som komponist og som utøvar. Fredag 13. november kl 20.00 Glittertind Bandet Glittertind er eit av Noregs mest spennande og up-and-coming folkrockband. I fjor gjesta dei Lindmo, i år Sommeråpent. Dei har toppa itunes og dei er A-lista på NRK P1 igjen og igjen. På Fryd får dei prøvd seg på det vesle formatet. Tysdag 24. november kl 19.30 Duplex og Jo Asgeir Lie Harald Lassen (saksofon) og Christian Meaas Svendsen (kontrabass) i duoen Duplex er vorte velkjende på Ål etter folkemusikkgudstenester og konsertar der. Det ukonvensjonelle formatet deira og særeigne uttrykket appellerer, og i den improviserte musikken fann dei Jo Asgeir Lie (trekkspel) si verd. Dette blir nyskaping! Laurdag 19. desember kl 15.00 - Julekonsert Tradisjon tru er det julekonsert på Fryd laurdagen før jul. Me lovar julestemning, god musikk og ein mogelegheit til å senke skuldrene ein time midt i julestria!

Ål kulturhus våren 2016: KALVØ - Ein time av livet ditt du aldri får tilbake Vår 2016 Med Are Kalvø, Ole Marius Melhuus (bass) og Ståle Sletner (piano) Foto: Erik Avatsmark NB! Billettsalet har starta! Av Are Kalvø Regissør Erik Ulfsby Musikkansvarleg: Ståle Sletner Scenograf og kostymedesignar: Mia Runningen Projeksjonar: Raymond Stubberud og Nikolai Bergstrøm Lysdesignar: Ole Randers Dramaturg: Ola E. Bø Manusinnspel frå Jens M. Johansson, Agnes Ravatn, Dagfinn Lyngbø og Erik Ulfsby. Tysdag 15. mars kl. 1900 Billettar kr. 400,-/330,- Humorshow av og med Are Kalvø så langt sett av 20 000 på Det Norske Teatret. Visste du at me nyttar om lag tre og eit halvt år av liva våre til å pusse tennene og stelle oss? At me søv i gjennomsnittleg 27 år? Ser på TV og er på nett i 10 år? Ikkje det? Are Kalvø har saumfare tala i Statistisk Sentralbyrå si Tidsbrukundersøking frå 2012, og funne fram til dei raraste ting me brukar utruleg mykje tid på. Er me som lever her og no i det heile i stand til å gjere noko stort? Eller har me for mykje anna å gjere? Kalvø leitar etter svar og nyttar skamlaust døme frå sitt eige liv og oppvekst, frå vener, kvardagsmenneske, politikarar, idrettsstjerner og andre kjendisar. Til å hjelpe seg på scenen har han eit lite husband, i tillegg til ein ny gjest kvar kveld. Finn han svaret? Ikkje godt å seie, men han har tenkt å ha det morosamt medan han leitar. Og han har tenkt å bryte ut i song og digresjonar om alt frå plukkfisk til pubquiz, og kanskje viss alt anna slår feil i dans. Nyttar vi tida vår på dei rette eller dei gale tinga? Kanskje ligg svaret på eit av livets store gåter skjult i tala om tidsbruk. Kanskje sjølve meininga med livet. Billettelefon: 32 08 51 00 www.aal.kulturhus.no

Hallingrosa Kunst Sjefens frue (1954) Nesch-museet er verdas største permanente samling av arbeida til den internasjonalt kjende, tysk-fødde kunstnaren Rolf Nesch (1893-1975). Samlinga omfattar både grafikk, skulpturar, måleri og materialbilete. Museet opna i 1993 og er besøkt av kunstinteresserte frå store delar av Europa. Skåpdør måla av Andres Dekko Opplev rosemålarkunst i verdsklasse, med særleg vekt på hallingrosa. Utstillinga tek utgangspunkt i den kunsthistoriske utviklinga frå slutten av 1700-talet og fram til nyare rosemåling. Du finn utstillinga Hallingrosa i nedre foaje på kulturhuset. Nesch museet

Den store kinodagen Laurdag 7. november Ein heil dag med filmar til halv pris, i tillegg til konkurransar, oppvisningar og mykje moro. Hugs at film er best på kino! Laurdag 7. november