KVAM HERAD VEDLEGG 1 KRAVSSPESIFIKASJON BEDRIFTSHELSETENESTE
INNHALDSLISTE 1.1 GENERELT... 3 1.2 NÆRMARE OM DEI FAGLEGE KVALIFIKASJONANE... 4 1.2.1 Godkjenning... 4 1.2.2 Krav til kontorstad... 4 1.2.3 Oppgåver kommunen forventar at bedriftshelsetenesta som vert valt kan levere ved behov... 4 Kartlegging... 4 Risikovurdering... 5 Organisatorisk arbeidsmiljø... 5 Ergonomi... 5 Støy og lys... 5 Kjemiske stoff og støv... 5 Inneklima... 5 Målretta helseundersøkingar... 5 Forebyggande arbeid mot ulukker... 6 Forebyggande arbeid og oppfølging av sjukefråvær... 6 Opplæring... 6 Andre oppgåver... 6 1.3 DOKUMENTASJON... 6 2
1.1 Generelt Kommunen er ei type verksemd der dei fleste tilsette arbeider innanfor område med næringskodar som kjem inn under «Forskrift om organisering, ledelse og medvirkning, 2011-12-06- nr. 1355» som tredde i kraft 01.01.2013. Kommunane ser det likevel praktisk tenleg å få tilbod på bedriftshelseteneste til alle tilsette. Den bedriftshelsetenesta som vert valt må levere tenestene sine etter dei krava som er fastsett i forskrift 2011-12-06 nr. 1360 om «forskrift om administrative ordninger», som også tredde i kraft 01.01.13. Eit grunnleggande prinsipp for samarbeid er at leverandøren veit kva som vert kravd av verksemder i høve til målsetjingane om eit inkluderande arbeidsliv (IA). Kommunane ønskjer ei bedriftshelseteneste med brei helsefagleg kompetanse og med høge krav til kvalitet og etikk. Det er ein føresetnad at bedriftshelsetenesta til ei kva tid oppfyller dei kvalifikasjonskrava som myndigheitene set og dei krava til teneste som til ei kvar tid går fram av lover og forskrifter. Bedriftshelsetenesta skal støtta leiarane i deira oppfølging av eigne medarbeidarar i høve til sjukefråvær, psykososialt arbeidsmiljø og tilrettelegging, samt i omstillingsog endringsarbeid. Det er ikkje mogleg å spesifisere klart alle oppgåvene kommunane kan nytta bedriftshelsetenesta til, utover at det vert utarbeidd ein årleg aktivitetsplan i samarbeid med kommunen. Kvam herad ser det som viktig at det vert nytta mest ressursar på nærværsarbeid og det førebyggjande arbeidet for å hindra sjukefråvær og arbeidsrelaterte helseplager. Bedriftshelsetenesta skal vera i kontakt med og besøkja arbeidsplassar etter nærare bestilling frå kommunen. Gjennomgangen skal retta fokus på dei behova arbeidsplassen har eller som vert avdekka under besøket. Eventuelle tiltak vert utarbeidd lokalt og i samarbeid med bedriftshelsetenesta. Plan og tiltak skal visa att i dei lokale HMS-planane. I desse møta skal leiar med HMS-ansvar og verneombodet delta saman med bedriftshelsetenesta. Bedriftshelsetenesta skal skriva ein kort rapport frå besøket, uavhengig av kva lokal tiltaksplan som vert utarbeidd. Leverandøren skal møte i to halvårlege rapporterings-og samarbeidsmøte med kommunen. Leverandøren skal levere halvårlege rapportar om gjennomførte aktivitetar og forslag til handlingsplan for komande år inkludert timeforbruk. Denne rapporteringa skal vera inkludert i timeprisen. I tillegg skal bedriftshelsetenesta bistå ved akutt behov eller bestilling av ulike tenester innanfor sitt fagfelt. Utover dette er det enkelte faste oppgåver som deltaking i Arbeidsmiljøutvalet sine møte og deltaking i AKAN-saker. 3
1.2 Nærmare om dei faglege kvalifikasjonane 1.2.1 Godkjenning Ein gjer særskilt merksam på forskrift om «organisering, ledelse og medvirkning» og «administrative ordninger» som tredde i kraft 01.01.2013. Det er ein føresetnad at leverandøren søkjer og vert godkjend av Arbeidstilsynet etter desse forskrifta. Ved inngåing av kontrakten vil det verta teke atterhald om godkjenning frå Arbeidstilsynet. Leverandøren må kunne tilby legekompetanse og kompetanse innan arbeidslivspsykologi/psykososialt arbeidsmiljø. 1.2.2 Krav til kontorstad Tilbydar må vera tilgjengeleg for kommunen sine tilsette (t.d. individuelle konsultasjonar, arbeidshelseundersøkingar, vaksinasjonar, administrative møte, m.m.) frå eit kontor i Øystese eller Norheimsund. Komunen kan vera behjelpeleg med å skaffa lokale til dette føremålet. 1.2.3 Oppgåver kommunen forventar at bedriftshelsetenesta som vert valt kan levere ved behov Når det gjelder det faglege innhaldet me kan nytta den valde bedriftshelsetenesta til, er det omtala i avsnitta under. Me skal fritt kunne ta ut timane innanfor desse fagområdene. Denne omtalen er ikkje bindande eller uttømmande. BHT skal bistå verksemda i arbeidet med å skape sunne og trygge arbeidsforhold slik det går fram av forskrifta. Dei konkrete oppgåvene vil kunne variere, avhengig av kommunen sine behov og myndigheitene sine krav. Aktuelle område å nytte BHT på: Bistå med å planlegge og gjennomføre endringar i arbeid og arbeidsmiljø Bistå med å kartleggje arbeidsmiljøet og bistå/foreta risikovurderingar Foreslå og arbeide for tiltak som kan førebyggje helseskadar Overvake og kontrollere arbeidstakarane si helse i forhold til arbeidssituasjonen Bistå med å tilpasse arbeidet for den enkelte Bistå med å gje informasjon og opplæring innanfor helse, miljø og sikkerheit (HMS) Bistå med bedriftsinternt attføringsarbeid ved behov Døme på oppgåver som kan utførast av BHT: Kartlegging Bistå ved kartlegging av arbeidsmiljøet, både dei fysiske og dei organisatoriske/psykososiale faktorane. Vurdere moglege årsaker til samanheng mellom helseplager/sjukdom og arbeidsmiljø, og kome med forslag til tiltak/forbetringar. 4
Risikovurdering Bistå arbeidsgjevar ved risikovurdering der det er forskriftskrav om dette. Organisatorisk arbeidsmiljø Bistå arbeidsgjevar ved planlegging, tilrettelegging og organisering av arbeidet, samt andre forhold som har verknad for helse og trivsel på arbeidsplassen, til dømes gje bistand ved psykososiale arbeidsmiljøproblem, i konfliktløysing og problematikk rundt arbeidstidsordningar, omstillingar, m.m. Ergonomi Gje råd ved planlegging av nye arbeidsplassar, ved forbetring og endring av dei eksisterande og ved innkjøp av nytt utstyr. Opplæring og veiledning av personell i forflytningsteknikk Vurdere moglege forbetringar ved uheldige arbeidsstillingar, ved tungt arbeid og einsformig arbeid. Gje opplæring og veileiing i rett arbeidsteknikk, t.d. forflytningsveileiing. Støy og lys Bistå med målingar, vurdere disse/eventuelt målingar utført av andre, og gje forslag til forbetringar. Kjemiske stoff og støv Bistå med målingar og vurdere disse/eventuelt målingar utført av andre, og gje forslag til forbetringar. Bistå kommunen med å innhente helseinformasjon om ulike stoff (Sikkerheitsdatablad). Informere om risikofaktorar og skadeverknader som kjemiske stoff kan gje. Orientere om eventuelle moglegheiter for utskifting til mindre helseskadelege stoff (substitusjon). Inneklima Bistå med kartlegging av inneklimaet og kome med forslag til forbetringar. Gje råd om ventilasjon, punktavsug, reinhald og andre tiltak for betring av inneklimaet. Målretta helseundersøkingar Det kan vera nødvendig å foreta helseundersøkingar for å førebyggje og hindre utvikling av arbeidsrelaterte helseskader hos visse yrkesgrupper. Arbeidsgjevar har plikt til å sørgje for dette ved enkelte typar arbeid med særleg helserisiko. Det vert i den samanheng forventa at BHT er aktivt med på slikt arbeid slik at oppdragsgjevar 5
til ein kvar tid oppfyller krava som stilles i dei ulike forskriftene som omfattar slikt arbeid. Forebyggande arbeid mot ulukker Bistå kommunen med å identifisere risikoforhold og foreslå tiltak. Gje råd om verneinnretningar og verneutstyr. Forebyggande arbeid og oppfølging av sjukefråvær Bistå kommunen med forebygging og oppfølging av sjukefråvær Bistå med funksjonsvurdering av den enkelte arbeidstakar i forhold til restarbeidsevne Delta i dialogmøte ved behov Delta i AKAN-arbeid Opplæring Tilby opplæring i HMS for verneombod, AMU-medlemmer ihht. Arbeidsmiljølova 3-5, Tilby HMS-opplæring for leiarar etter gjeldande reglar Evt. inngå i opplæringstiltak som kommunen initierer på desse felta Tilby andre kurs som t.d. førstehjelp, Andre oppgåver Delta i arbeidsmiljøutval (AMU). Gje informasjon/opplæring om dei ulike arbeidsmiljøforholda i kommunen på førespurnad 1.3 Dokumentasjon Valt BHT skal utarbeide: Framlegg til årlege handlingsplanar for BHT sitt arbeid i kommunen i samarbeid med oppdragsgjevar. Rapportar etter oppdrag på arbeidsplassane Årsrapport for kommunen med oversikt over aktivitetar, resultat og forslag til førebyggjande tiltak. Aktivitetslogg kvar månad som viser type aktivitet, dato og forbruk av tid osv. som følgjer som vedlegg til faktura Andre rapportar på førespurnad, arbeidsplasskartlegging, måleresultat o.l. som skildrar arbeidsmiljøforhold 6