FUSA KOMMUNE TILLEGGSSAK Arkivsak: 12/158 Løpenummer: 12/6160-3 Utval: Utval for plan og miljø Møtestad: Kommunetunet Møtedato: 20.09.2012 Tid: Kl. 16:00 Dokumenta ligg til offentleg ettersyn på heimasida www.fusa.kommune.no og på biblioteket, Kommunetunet, Eikelandsosen. Sak nr. Sakstittel Saksliste 054/12 PLANPROGRAM - KOMMUNEDELPLAN FOR IDRETT OG FYSISK AKTIVITET 2012-2019 Eikelandsosen, 12.09.2012 Anne Martinsen Leiar Inge Kaldestad Ansvarleg sekretær
Saksnr U t v a l Møtedato Saksbeh. 054/12 Utval for plan og miljø 20.09.2012 ERV Sakshandsamar: Erik Vangsnes Arkivsaknr 12/608 PLANPROGRAM - KOMMUNEDELPLAN FOR IDRETT OG FYSISK AKTIVITET 2012-2019 ENDELEG HANDSAMING RÅDMANNEN SITT FRAMLEGG TIL VEDTAK: Høyringsuttalane vert tekne til orientering og framlegg til planprogram vert godkjent slik det ligg føre i utkast per 23. mai 2012. Tittelen på planen vert endra til Kommunedelplan for idrett, friluftsliv og fysisk aktivitet 2012-2019. Saksframstilling: Vedtaksmynde: Kommunestyret Saksdokument: Vedlegg: Dok.dato Tittel Dok.ID 20.07.2012 UTTALE - PLANPROGRAM KOMMUNALDEL FOR 48646 11:14:49 IDRETT OG FYSISK AKTIVITET 2012-2019 27.08.2012 UTTALE TIL PLANPROGRAM - KOMMUNEDELPLAN 49375 12:11:02 FOR IDRETT OG FYSISK AKTIVITET 2012-2019 10.09.2012 PLANPROGRAM KOMMUNEDELPLAN UTKAST PER 23052012.PDF 45838 Ikkje vedlegg:
Faktiske opplysninger: Det er utarbeida eit planprogram til Kommunedelplan for idrett og fysisk aktivitet 2012-2019. Plan og miljøutvalet har i møte 7. juni gjort slikt vedtak: Framlegg til planprogram for Kommunedelplan for idrett og fysisk aktivitet 2012-2019 vert lagt ut til offentleg ettersyn i samsvar med reglar i Plan- og bygningslov (PBL) 4-1 og 5-2 og det vert samstundes varsla om at planarbeid er starta opp. Planprogrammet har vore lagt ut til offentleg ettersyn i perioden 24. juni til 24. august, altså noko lengre tid enn dei 6 vekene lova krev. Det har kome to høyringsuttalar: Fiskeridirektoratet region vest: Fiskeridirektoratet føreset at etablering av anlegg til idrett og fysisk aktivitet i planperioden følgjer den arealbruken som er fastsett i arealdelen til kommuneplanen. Elles har dei ingen merknader til planprogrammet. Hordaland fylkeskommune: Hordaland fylkeskommune kommenterer i sin uttale at det er eit gjennomarbeida planprogram. Når det gjeld statlege føringar vert det trekt fram to viktige plandokument som ikkje er nemnt i planprogrammet: Stortingsmelding 26 (2011-2012) Den norske idrettsmodellen som kom i juni 2012. Nasjonal transportplan 2010-2019 med eigen sykkelstrategi Når det gjeld måloppnåing i førre plan, nemnd i pkt 3.2.3, kjem fylkeskommunen med ei utfordring til Fusa kommune om å kartleggja bruk av uteskule og gåing og sykling til og frå skule. Kva er status i dag og kva er ambisjonane for ein ny planperiode? Det vert peika på at ein i utgreiingsarbeidet bør henta inn data som syner m.a. deltakinga i lag og organisasjonar over tid. Fylkeskommunen meiner det er positivt at folkehelse og universell utforming er retningsgjevande for arbeidet. Med den nye folkehelselova ser Hordaland fylkeskommune at idrett og fysisk aktivitet bør ha ei sentral rolle i arbeidet med samhandlingsreforma. Fylkeskommunen meiner friluftsliv er særleg viktig i dette perspektivet og at friluftsliv bør inn i tittelen på planen: Det vil tydeleggjera prioriteringa og skapa eit breiast mogeleg eigarskap til planen. Forslag til tittel Kommunedelplan for fysisk aktivitet, idrett og friluftsliv. Hordaland fylkeskommune stiller seg positiv til at det vert vurdert interkommunale løysingar for realisering av einskilde anlegg. Når det gjeld pkt 5.3.3. Tilrettelegging for fysisk aktivitet og rekreasjonsområde i strandsona og utmark vert det frå fylket peika på at det er naturleg å kartleggje om det er nye område som bør sikrast med statlege midlar som friluftsområde eller omgjerast til statleg sikra område. I dette arbeidet bør ein i følgje fylket ta utgangspunkt i Kartlegging og verdsetting av regionale friluftsområde i Hordaland frå 2008 og ha ein tett dialog i planprosessen med Bergen og omland friluftsråd.
Hordaland fylkeskommune peikar elles på at det er ei utfordring for mange kommunale delplanar å få til ein god samanheng med andre kommunale plan og økonomiplan knytt til drift av eksisterande og planlagde anlegg. Vurdering: Fiskeridirektoratet region vest: Når det gjeld Fiskeridirektoratet sin premiss om at etablering av anlegg til idrett og fysisk aktivitet i planperioden følgjer den arealbruken som er fastsett i arealdelen til kommuneplanen så blir svaret eit delvis ja. Det skal sjølvsagt vera samanheng mellom denne planen og ein overordna plan som kommuneplanen. Samstundes er arbeidet med ny arealdel starta opp og dei to planprosessane vil venteleg gå parallelt og påverka kvarandre. Kommunedelplan for fysisk aktivitet, idrett og friluftsliv vil vera med som ein premissleverandør inn i arbeidet med den nye arealdelen og kan ikkje utelukkande byggja på den gamle og vedtekne planen. Hordaland fylkeskommune: Hordaland fylkeskommune kjem med fleire nyttige innspel til planarbeidet både når det gjeld overordna statlege plandokument og regionale kartleggingar. I planprogrammet er det lagt til grunn at ein må framskaffa naudsynte data, statistikk og kunnskap om ulike tema, sjå pkt 5.4. Fylkeskommunen kjem med ei utfordring til Fusa kommune om å kartleggja bruk av uteskule og gåing og sykling til og frå skule. Kva er status i dag og kva er ambisjonane for ein ny planperiode? Det same gjeld spørsmålet om utviklinga i medlemstal og aktivitetstal i lag og organisasjonar. Dette vil ein følgja opp i planarbeidet. I planprogrammet har ein argumentert for at idrett og fysisk aktivitet femnar også om friluftslivet, sjå pkt 5.1. Det er sjølvsagt ingenting i vegen for at ein tek med friluftsliv i plantittelen, slik fylket ønskjer. Friluftsliv har fått eit auka fokus, ikkje minst med samhandlingsreforma og folkehelsesatsinga. Det er viktig at det går klart fram at planen også femnar om friluftslivet. Det einaste ankepunktet må vera at plantittelen blir lang. Ein rår til at plantittelen vert endra til: Kommunedelplan for idrett, friluftsliv og fysisk aktivitet. Spørsmålet om kartlegging av behovet for nye friluftsområde er eit døme på den tette samanhengen mellom denne kommunedelplanen og arealdelen til kommuneplanen. Det er naturleg å sjå på tidlegare kartleggingsarbeid, slik fylket peikar på, men ein må også ta ein ny og oppdatert kartlegging i tett dialog med Bergen og omland friluftstråd. Slik Hordaland fylkeskommune seier i sin uttale er det ei utfordring å få til ein god samanheng med andre kommunale planar og ikkje minst økonomiplanen knytt til drift av eksisterande og planlagde anlegg. Ein må ta inn over seg dei økonomiske realitetane og unngå at Kommunedelplan for idrett, friluftsliv og fysisk aktivitet vert ei uforpliktande ønskeliste. Det er ofte lettare sagt enn gjort i slike planprosessar, men intensjonen må vera klar. Rådmannen rår til at Fusa kommune tek innspela frå fiskeridirektoratet og fylkeskommunen til orientering og vedtek planprogrammet slik det låg føre den 23. mai, men med ny plantittel: Kommunedelplan for idrett, friluftsliv og fysisk aktivitet 2012-2019
Side 1 av5