HORDALAND FYLKESKOMMUNE Regionalavdelinga Planseksjonen Arkivsak 201201793-63 Arkivnr. 712 Saksh. Nordmark, Per Saksgang Møtedato Fylkesutvalet 20.02.2013-21.02.2013 REGIONAL PLAN FOR ATTRAKTIVE SENTER I HORDALAND - SENTERSTRUKTUR, TENESTER OG HANDEL. VEDTAK AV PLANPROGRAM SAMANDRAG Fylkesutvalet vedtok 25.10.2012 forslag til planprogram og sendte det på høyring med frist 21.12.2012. Det er motteke 33 fråsegner frå: 5 statsetatar, 15 kommunar, 2 regionråd, 9 næringsaktørar og 3 andre. Sentrale moment i fråsegnene er: Planen er vurdert som viktig for utviklinga av Hordaland. Regionale planar må sjåast i samanheng og ha korresponderande mål og strategiar. Vel fungerande senter er viktige i heile fylket. Det er stor interesse for og vilje til å delta i planarbeidet. Det er viktig med brei deltaking og god forankring. Innspela er vurdert og det er gjort framlegg om nokre justeringar i planprogrammet. Framdriftsplanen er uendra med planvedtak oktober 2014. Fylkesutvalet skal no vedta planprogrammet i tråd med delegasjonsregelmentet. Fylkesutvalet skal no oppnemne representantar frå fylkestinget til styringsgruppa.
FORSLAG TIL VEDTAK 1. Fylkesutvalet vedtek med heimel i plan- og bygningslova 8-3 planprogram for regional plan for attraktive senter i Hordaland - senterstruktur, tenester og handel med fylgjande endringar: a. 2.1 og 4.1 Føremål, kulepunkt 1, 2. setning: «Planen skal avklare funksjonar og forventingar til fylkessenter, regionsenter og kommunesenter og beskrive korleis dei ulike sentra skal fungere i forhold til kvarandre.» b. 4.2 Kva skal gjerast i planarbeidet: - - - «Planarbeidet skal gje rammer for avgrensing av regionsenter og kommunesenter.» c. 4.2 Behov for utgreiingar: «Spørjeundersøking retta mot heile befolkninga om kva som er eit attraktivt sentrum. Undersøkinga skal gje informasjon om kva ungdom meiner.» d. 6.3 Konsultasjonsmøte: «Konsultasjonsmøte med regionsenterkommunane og tematiske konsultasjonar med relevante aktørar og interessentar.» 2. Fylkesutvalet oppnemner og inviterer til styringsgruppa a. Fylkestinget oppnemner 3 medlemmer frå fylkestinget; ein av desse som leiar: Leiar:. Medlem:.. Medlem:. b. Fylkesutvalet inviterer Bergen kommune som medlem i styringsgruppa, og ber om at regionråda oppnemner ein representant for sin region: Hardanger, Sunnhordland, Nordhordland, og at Regionrådet Vest koordinerer med kommunane utan regionråd i Midthordland og oppnemner ein representant. 3. Fylkesrådmannen får fullmakt til å oppnemna kommunar og øvrige medlemmer i den administrative arbeidsgruppa i samsvar med planprogrammet. Rune Haugsdal fylkesrådmann Bård Sandal regionaldirektør Vedlegg: Planprogram. Regional plan for attraktive senter i Hordaland senterstruktur, tenester og handel. Høyringsutkast. Høyringsrapport Planprogram 2
FYLKESRÅDMANNEN, 28.01.2013: 1.0 Bakgrunn Fylkestinget vedtok å revidere fylkesdelplanen i samband med «Regional planstrategi for Hordaland 2010-2012». Fylkesutvalet gav 22. mars 2012 fylkesrådmannen i oppdrag å utarbeida forslag til planprogram for «Regional plan for attraktive senter i Hordaland senterstruktur, tenester og handel». Målet med planen er å etablere ein robust og føreseieleg struktur for å sikre attraktive senter og balansert utvikling i Hordaland fylke. Planen skal ha ein tidshorisont på 12 år. Det vart etablert ein programkomité for planarbeidet og det er gjennomført tre møte i komiteen ved utarbeidinga av forslag til planprogram. Det vart arrangert eit arbeidsseminar 5. september med regional og kommunal politisk og administrativ deltaking i tillegg til andre relevante aktørar. Fylkesutvalet gjorde 25.10.2012 slikt vedtak: Fylkesutvalet vedtek å senda forslag til planprogram for regional plan for attraktive senter i Hordaland senterstruktur, tenester og handel ut på høyring med høyringsfrist 21.12.2012. Vedtaket er heimla i plan- og bygningslova (pbl) 4-1 (planprogram) og 8-3 (utarbeiding av regional plan). Planarbeidet skal gjennomførast slik at endeleg planvedtak kan gjerast av fylkestinget oktober 2014/alternativt desember 2014. Det vert vist til saksutgreiinga i denne saka som beskriv føremål, bakgrunn, plantema og planprosess. 2.0 Høyringsprosessen Høyringsprosessen vart gjennomført ved kunngjering på Hordaland fylkeskommune si nettside, ved annonse i Bergens Tidende og Haugesunds avis og ved utsending som brev til aktuelle høyringspartar, om lag 130. I tillegg vart forslag til planprogram sendt til alle hovudbibliotek og kundesenter i kommunane, og til ulike avdelingar internt i fylkeskommunen. Det var lagt til rette for at ein kunne gjeva innspel direkte på fylkeskommunen si nettside, som e-post og som ordinære brev. Alle innspel er lagt ut på fylkeskommunen si nettside. 2.1 Høyringsrapport og tilrådde endringar Det er motteke 33 innspel til planprogrammet. Av desse er 5 statsetatar, 15 kommunar, 2 regionråd, 9 næringsaktørar og 3 andre. Innspela byggjer på gode vurderingar og til dels omfattande prosessar. Uttalar frå 11 kommunar er politisk handsama. Sentrale moment i innspela er: Planen er vurdert som viktig for utviklinga av Hordaland. Regionale planar må sjåast i samanheng og ha korresponderande mål og strategiar. Velfungerande senter er viktige i heile fylket. Det er stor interesse for og vilje til å delta i planarbeidet. Det er viktig med brei deltaking og god forankring. I fråsegnene har desse kommunane uttrykt at dei ønskjer å delta i styringsgruppa og/eller arbeidsgruppa: Region Vest, Austevoll, Bergen, Fjell, Kvam, Kvinnherad, Lindås, Meland, Odda, Sveio og Samarbeidsrådet for Sunnhordland. I det fylgjande er innspela vurdert i høve til kvart kapittel i planprogrammet. 2.1.1 Føremål og rammer Planen har som føremål å etablera ein robust og føreseieleg struktur for å sikre attraktive senter og balansert utvikling i Hordaland fylke. Planen skal omhandla fylkessenter, regionsenter og kommunesenter. Det er ved endring i planprogrammet gjort tydelegare at planen ikkje berre skal omhandla regionsenter. Planprogrammet gjev rom for å vedta regionale føresegner som vil vera juridisk bindande. Det er kome innspel på at det ikkje bør vedtakast føresegner i planen. Det er ikkje tilrådd endring i 3
planprogrammet for å imøtekoma dette. Føresegner til planen er viktig for å avløysa «Rikspolitiske bestemmelser om kjøpesentre» og få ein regional politikk på området. Formuleringa: «Planarbeidet skal avgrense sentrum i regionsenter og kommunesenter» er etter innspel (Meland kommune) endra til: «Planarbeidet skal gi rammer for avgrensing av sentrum.» Forholdet mellom regional plan og kommuneplan må vera tydeleg. 2.1.2 Føringar for planarbeidet Det er i stor grad peika på at det er viktig at regionale planar samsvarar med kvarandre, og at det er ei viktig problemstilling å avklara samspel og grensesnitt mellom regionale planar og kommuneplan. Koordinering av ulike planar skal gjerast så langt det er råd og tenleg gjennom styring og vedtak. 2.1.3 Plantema og utgreiingar Det er ikkje foreslått nye plantema. Det er motteke mange innspel om utgreiingar. Stikkord er senterstruktur, attraktive sentrum, kommunikasjon/transport, handel, arbeidsplassar og offentlege tilbod. Momenta vert vurdert ved fastsetjing av utgreiingsprogram. Olav Thon Gruppen foreslår utgreiing av korleis kjøpesenter bidreg til bilbruk der ein samanliknar alternative handelsløysingar og inkluderer all transport. Det er foreslått utgreiing ved transportøkonomisk institutt (TØI). Problemstillinga er interessant og generell. Utgreiinga vert prøvd innarbeidd i reisevaneundersøking i samband med «regional areal- og transportplan for Bergensområdet». Ut over dette må slike utgreiingar utførast på nasjonalt nivå. Målgruppa for spørjeundersøking om attraktive sentrum er utvida etter innspel. Målgruppa er no heile befolkninga, men der det skal synleggjerast kva ungdom meiner. Det er i innspel argumentert både for og imot bruk av handelsanalyse som grunnlag for etablering. Planprogrammet tek ikkje stilling til dette, men opprettheld at handelsanalyse er eit plantema ved utarbeidinga av planen. Det er foreslått at planen vurderer kommunesamanslåing og nedlegging av fylkeskommunen. Desse problemstillingane vert ikkje tatt inn i planprogrammet. Det er kome innspel om å utgreia Granvin si rolle som knutepunkt mellom R 13 og Fv 7. Det er og sett fram ønskje om at fylkeskommunen deltek i eit utgreiingsarbeid om utvikling av Bu som eit knutepunkt mellom fleire kommunar når Hardangerbrua opnar. Desse problemstillingane vert handsama under planarbeidet knytt til senterstruktur. 2.1.4 Konsekvensutgreiing Det er foreslått å inkludera utgreiing av tenester og arbeidsplassar i tillegg til handel under alternativ 1. Det er berre handel som gjev grunnlag for vedtak av føresegner i planen. Det vert difor ikkje tilrådd å endra alternativ 1. 2.1.5 Planprosessen Interessa for å delta i planarbeidet er stor. Av dei som har gjeve innspel seier 19 at dei ønskjer å delta i styringsgruppe/arbeidsgruppe/temagruppe. Det vert tilrådd å oppretthalda den samansetjing av gruppene som er foreslått i planprogrammet. Alle som ønskjer å delta i temagrupper/temamøte vert invitert. Dei som er foreslått til arbeidsgruppa har sagt seg positive til å delta. Det er kome innspel på at alle regionsentra er representert i arbeidsgruppa (Kvam kommune). Dette vert ikkje tilrådd, men i staden vert det tilrådd ei samling for alle kommunane som i dag har regionsenter (innspel frå Odda, Ullensvang og Granvin kommunar). 4
Det vert vist til høyringsrapport for meir detaljert informasjon, og vidare til link til fullstendige høyringsinnspel (sjå under vedlegg). Tilrådde endringar er tatt inn i forslag til vedtak. 3.0 Organisering og deltakarar Det er foreslått slik organisasjonstruktur: Styringsgruppe (politisk) Arbeidsgruppe (administrativ) Temagruppe Temagruppe Temagruppe 3.1 Styringsgruppe (politisk) Samansetjing er definert slik i planprogrammet: Fylkeskommunen tre representantar frå Fylkestinget, posisjon/opposisjon. Ein av representantane leiar arbeidet. Kommunane ein representant frå Hardanger, Sunnhordland, Nordhordland, Midthordland og Bergen kommune. Planprogrammet gir dette mandatet for styringsgruppa: Oppgåvene til styringsgruppa er knytt til praktisk gjennomføring av planarbeidet i tråd med planprogrammet, drøfting av vegval og alternativ, og førebuing av innspel til politisk handsaming. Styringsgruppa inviterer til og deltek i medverknadsarrangement og eksterne politiske arrangement. Gruppa gir råd om endring av framdrift til politiske organ og oppretting av undergrupper. Styringsgruppa vert oppløyst ved innstilling til planforslag. Parallelt med denne planen vert det arbeidd med «regional areal- og transportplan for Bergensområdet», og «regional plan for areal og transport på Haugalandet». Planane har ein del felles tema. Det bør difor leggjast vekt på å få ei god total fordeling mellom kommunar når det gjeld representasjon. Med unntak av Bergen kommune er det ikkje tilrådd at same kommune er representert i både styringsgruppa og arbeidsgruppa. Ved val av representantar til styringsgruppa bør det leggjast vekt på brei politisk plattform med fagleg breidde. Fylkesutvalet oppnemner og invitere til styringsgruppa. Frå fylkestinget skal det oppnemnast tre medlemmer der ein av desse skal vera leiar av styringsgruppa. Desse tre vil kunne dekkje funksjonane til ein saksordførar. Bergen kommune skal delta i styringsgruppa. Vidare skal det vera ein representant for kvar av regionane: Hardanger, Sunnhordland, Nordhordland og Midthordland. Midthordland har ikkje ei felles regionorganisering. Kystkommunane er organisert i Regionrådet Vest medan ein del kommunar ikkje er representert av eit regionråd. Regionrådet vest vert difor utfordra til å koordinera med kommunane utan regionråd i Midthordland slik at det vert oppnemnt ein representant. 3.2 Arbeidsgruppe (administrativ) Samansetjing er definert slik i planprogrammet: Fylkeskommunen ein representant frå planseksjonen og kultur- og idrettsavdelinga 5
Ungdommens fylkesting ein representant Fylkesmannen ein representant frå Kommunal- og samfunnsplanavdelinga Kommunane ein representant frå ein distriktskommune, ein kommune med eit regionsenter og ein frå Bergen kommune Næringsalliansen i Hordaland ein representant Det vert foreslått å endra representant for planseksjonen til: Regionalavdelinga. Planprogrammet gir dette mandatet for arbeidsgruppa: Arbeidsgruppa fylgjer det praktiske planarbeidet tett, fordeler oppgåver og deltek i arbeidet med kompetanse og ressursar etter avtale. Arbeidsgruppa utformar utkast til plan og gir innspel til tolking av planprogrammet til styringsgruppa. Arbeidsgruppa vert oppløyst etter drøfting av høyringsresultat. Arbeidsgruppa har konsultasjonsmøte med relevante organisasjonar og opprettar temagrupper etter behov og gjennomfører seminar for relevante tema. Det vert foreslått at Fylkesrådmannen får fullmakt til å oppnemna kommunar og øvrige medlemmer i den administrative arbeidsgruppa i samsvar med planprogrammet. Representant for Hordaland fylkeskommune ved regionalavdelinga vert leiar av arbeidsgruppa. Planseksjonen vert sekretariat for planarbeidet. 4.0 Økonomi Det er utarbeidd rammebudsjett for planen. På bakgrunn av endeleg planprogram vert det laga detaljbudsjett for gjennomføring av planarbeidet. Kostnaden til planarbeidet vert dekka innanfor regionale planstrategimidlar og prosjektmidlar i planseksjonen. Det vert ikkje fordelt ekstraløyving til dette planarbeidet. 5.0 Samla vurdering og vidare arbeid. Planen er av høyringspartane vurdert som viktig for utviklinga av Hordaland. Tematisk grensar planen mot fleire regionale planar og det må vera samsvar mellom mål og strategiar i ulike regionale planar. Denne samanhengen er synleggjort i planprogrammet og vert ivaretatt i planarbeidet. Forslag til planprogram med dei føreslåtte endringane vil vera godt tenleg for planarbeidet. Planarbeidet startar straks planprogrammet er vedtatt. Endeleg planvedtak i fylkestinget er planlagt til oktober 2014. 6