JOSTEDALSBREEN NASJONALPARKSTYRE Etter adresseliste SAKSBEHANDLAR: STEINAR LUND ARKIVKODE: 2012/4175 - DATO: 12.11.2012 JOSTEDALSBREEN NASJONALPARK - REFERAT FRÅ MØTE I FAGLEG RÅDGJEVANDE UTVAL 31. OKTOBER 2012 Møtestad: Norsk Bremuseum, Fjærland Dato: onsdag 31. oktober 2012 Tidspunkt: 10:00-14:30 Referent: Steinar Lund Deltakarar frå fagleg rådgjevande utval: Medlem: Jon Farestveit Atle Nesje Anne Kjos-Wenjum Armas Ingolf Folven Peder Kjærvik Ingeborg Flaten Representerer: Naturvernforbundet Universitetet i Bergen Nasjonalparksentera Sogn og Fjordane Bonde- og småbrukarlag Reiselivslaga Sogn og Fjordane Turlag Merete Støfring frå Sogn og Fjordane Bondelag hadde ikkje høve til å delta på møtet. Deltakarar frå Jostedalsbreen nasjonalparkstyre: Medlem: Representerer: Ivar Kvalen (leiar) Luster kommune POSTADRESSE: NJØSAVEGEN 2 6863 LEIKANGER BESØKSADRESSE: NORSK BREMUSEUM, 6848 FJÆRLAND TELEFON: 57 64 30 00 DIREKTENUMMER: 57643128 E-POST: FMSFPOST@FYLKESMANNEN.NO WEB: WWW.FMSF.NO ORG.NR: 974 763 907
Sven Flo (nestleiar) Turid Vallestad (vara) Gunnvor A. Sunde Oddmund Klakegg Eline Orheim Stryn kommune Førde kommune Gloppen kommune Jølster kommune Sogndal kommune Andre deltakarar: Anne Rudsengen John Brekke Steinar Lund Statens naturoppsyn Norsk Bremuseum Nasjonalparkforvaltar og sekretær for Jostedalsbreen nasjonalparkstyre Program: 1. Presentasjonsrunde 2. Informasjon om forvaltningsordninga ved Anne Rudsengen og Steinar Lund 3. Tankar om forvaltninga / utviklinga til Jostedalsbreen nasjonalpark innanfor rammene som verneforskrifta set kva forventar medlemmene av fagleg rådgjevande utval av det nye nasjonalparkstyret? 4. Informasjon, skjøtsels- og tilretteleggingstiltak kva bør nasjonalparkstyret bruke midlar på? 5. Ymse. Referat: 3. Tankar om forvaltninga / utviklinga til Jostedalsbreen nasjonalpark innanfor rammene som verneforskrifta set kva forventar medlemmene av fagleg rådgjevande utval av det nye nasjonalparkstyret? Peder Kjærvik reiselivslaga - Forventar ingen store endringar i høve til korleis Fylkesmannen har forvalta nasjonalparken - Viser til at haldningar til bruk og vern har endra seg sidan nasjonalparken blei oppretta. Forvaltningsmyndigheita tek i dag ein meir aktiv rolle. Verna område inkludert randsonene skal kunne brukast, og styret må ha både bruk og vern i tankane. - Ynskjer at styret skal halde fram med å vere konsekvente i søknadshandsaminga. - Det har vore eit godt samarbeid mellom forvaltningsmyndigheita og dei som bur nær nasjonalparken, og dette må halde fram. JOSTEDALSBREEN NASJONALPARKSTYRE SIDE 2
- Når store mengder turistar skal oppleve nasjonalparken er det behov for tilrettelegging. Turisttrafikken vil auke dei neste åra, og styret må sjå inn i framtida og vurdere aktuelle tiltak for å unngå konfliktar om 3-5 år. Styret må vere utviklingsorienterte utan å miste blikket på vernereglane. Anne Kjos-Wenjum Armas nasjonalparksentera - Referer frå kva Direktoratet for naturforvaltning har sagt er nasjonalparkstyret si rolle i høve til nasjonalparksentera: o Sentera bør vere møtestad for nasjonalparkstyret o Sentera er ein viktig kanal for nasjonalparkstyret for å nå ut til publikum o Sentera må få meir informasjon om aktiviteten i nasjonalparkstyret o Nasjonalparkstyret og forvaltaren må bruke sentera til å få informasjon om kva som er etterspurd av brukarane av nasjonalparken. - Nasjonalparkstyret må gi ein uttale til Direktoratet for naturforvaltning om re-autorisasjon av dei tre nasjonalparksentera. - Informasjonsfaldarar og liknande må vere oppdaterte, med blant anna nye bilete av brear som viser dagens situasjon. - Representantar frå alle dei tre nasjonalparksentera bør få møte i fagleg rådgjevande utval. Ingolf Folven Bonde- og småbrukarlaget - Det var kontinuitet i forvaltninga av nasjonalparken når Fylkesmannen ved Tom Dybwad var forvaltningsmyndigheit, og dette må vidareførast i den nye forvaltningsmodellen. - Ynskjer meir aktiv og heilskapleg forvaltning av nasjonalparken, med meir samarbeid på tvers av bygdene. Det må bli kjent at det er moglegheiter innanfor nasjonalparken, ikkje berre restriksjonar. Nokre stader er moglegheitene innanfor nasjonalparken godt kjend, medan andre stader er det lite aktivitet, med attgroing som eit resultat. Eit fora for grunneigarar/rettshavarar kan sikre dette. - Verneforskrifta må ikkje vere avgrensande for den aktiviteten ein ynskjer i seterdalane. Nasjonalparkstyret må gjere ei vurdering av korleis seterdalane skal forvaltast. - Nasjonalparksentera bør brukast meir, òg når det gjeld skjøtsel. - Fellesprosjekt er bra. Viser til prosjektet knytt til Kamperhamrane, som omfattar ferdselsvegen frå Sunndalen til Skjåk, som eit godt døme på eit prosjekt som kan utløyse mykje positivt. Ikkje noko er betre enn tiltak som genererer aktivitet så lenge det er innanfor vernet sine rammer. Atle Nesje Universitetet i Bergen - Det er viktig at nasjonalparkstyret bidreg til å ta vare på og vedlikehalde kulturminne, og rydde, merke og skilte stiar på ein fornuftig og skikkeleg måte. - Det er viktig å formidle historia knytt til dei gamle ferdselsvegane. - Det er viktig å formidle kunnskap. Dette fører til interesse for å ta vare på verneverdiane. Laurdagsturane i regi av Jostedalsbreen nasjonalparksenter er eit godt døme på dette. - Tiltak i nasjonalparken må ikkje gå ut over naturen eller kulturminne. Kunnskap om naturverdiane må liggje i botn for forvaltninga. JOSTEDALSBREEN NASJONALPARKSTYRE SIDE 3
- Tekstar på skilt og anna informasjonsmateriale må vere fagleg korrekt, med oppdatert informasjon og bilete. Det bør lagast ein biletdatabase, som blant anna dokumenterer endringar i nasjonalparken. - Forventar at nasjonalparkstyret brukar det fagleg rådgjevande utvalet aktivt, særskilt i arbeidet med forvaltningsplanen. - Forventar at nasjonalparkstyret er konsekvent i behandlinga av søknadar. Det bør lagast langsiktige skjøtselsplanar som sikrar heilskapleg forvaltning. Ingeborg Flaten Sogn og Fjordane Turlag - Sogn og Fjordane Turlag er generelt glad for verna område, og er ein flittig brukar av Jostedalsbreen nasjonalpark. - Det er viktig å ta vare på kulturlandskapet i nasjonalparken. - Ynskjer tilrettelegging i innfallsportane til nasjonalparken gode parkeringsplassar med gode informasjonsskilt om ferdsel, historie og anna. - Ikkje nødvendig med for mykje merking innanfor nasjonalparken, men stiar bør ryddast og blaute parti bør utbetrast. Trekk fram at stien til Austerdalsbreen tek fleire løp på blaute parti og ved kryssing av bekkar/elver. Jon Farestveit Naturvernforbundet - I utgangspunktet ikkje positive til å flytte forvaltningsmyndigheita frå Fylkesmannen til nasjonalparkstyret. Naturvernforbundet meiner at Fylkesmannen har forvalta verneområdet bra, og ynskjer ikkje dei store endringane etter overgangen til nasjonalparkstyret. - Naturvernforbundet har som utgangspunkt å vere konservative. Nasjonalparkstyret bør ha vern som eit «mantra», og bruken bør tilpassast vernet. Minner om at nasjonalparken ikkje er til for at vi skal tene pengar på han. Hovudføremålet med vernet er å verne naturen, og ein må difor vere restriktiv til «moderne» bruk av naturen. Eit godt nasjonalparkstyre held vakt over verneverdiane, og tillèt ikkje radikale inngrep. - Det bør ikkje gjerast like store tiltak på stien til Steinmannen som det er gjort på stien til Skålatårnet. John Brekke Norsk Bremuseum - Reiser spørsmålet om Tom Dybwad hos Fylkesmannen skal ha ei rolle i forvaltninga av Jostedalsbreen nasjonalpark framover, sidan han har vore sentral i forvaltninga og ser ut til å ha gjort ein god jobb. - Det er viktig at brukarar av nasjonalparken opplever nasjonalparkstyret og nasjonalparkforvaltaren som ein positiv bidragsytar. Nasjonalparkforvaltaren må ikkje bli nedlessa i arbeid, slik at han ikkje får tid til å reise rundt og møte folk rundt nasjonalparken. - Nasjonalparkstyret må dra nytte av erfaringar frå andre nasjonalparkstyre. - Nasjonalparkstyret bør vurdere ein studietur for å lære om korleis verneområde blir forvalta andre stader. JOSTEDALSBREEN NASJONALPARKSTYRE SIDE 4
4. Informasjon, skjøtsels- og tilretteleggingstiltak kva bør nasjonalparkstyret bruke midlar på? Ingolf Folven Bonde- og småbrukarlaget - Det bør brukast midlar på gode forprosjekt, for å sikre at tiltak blir utført etter gode planar. - Nasjonalparkstyret bør informere bygdelag og andre brukarar av nasjonalparken om ordninga med midlar (gjennom bestillingsdialogen med SNO). Det bør sendast ut informasjon kvart år med ein frist for innspel til bestillingsdialogen. Anne Kjos-Wenjum Armas Nasjonalparksentera - Vil ha prioritert ferdselsvegen frå Oppstryn til Loen via Fosdalen; restaurering av stien, sikring og skilting. Nasjonalparksentera - Det er eit problem at skulane ikkje har råd til transport til nasjonalparksentera. Midlar til å dekke transport kan gje skuleklassar moglegheita til å besøke nasjonalparksentera. 5. Ymse Informasjon om den nye forvaltningsordninga til brukarar av nasjonalparken Det vart nemnt fleire gonger frå både medlemmer av fagleg rådgjevande utval og nasjonalparkstyret at det er viktig å informere godt om den nye forvaltningsordninga. Rutinar for møte i fagleg rådgjevande utval - Det var semje om at det er passeleg med eit årleg dialogmøte mellom fagleg rådgjevande utval og nasjonalparkstyret. - Når styret held på med særskilde oppgåver, som revidering av forvaltningsplanen, kan det vere aktuelt å ha eigne møte i fagleg rådgjevande utval om dette. - Det kan gjerne vere faglege innlegg på møtet. - Nasjonalparkstyret kan sende prinsipielle saker på høyring i fagleg rådgjevande utval. JOSTEDALSBREEN NASJONALPARKSTYRE SIDE 5
Adresseliste (e-post): Fagleg rådgjevande utval: Jon Farestveit Atle Nesje Anne Kjos-Wenjum Armas Ingolf Folven Peder Kjærvik Ingeborg Flaten Merete Støfring Naturvernforbundet Universitetet i Bergen Nasjonalparksentera Sogn og Fjordane Bonde- og småbrukarlag Reiselivslaga Sogn og Fjordane Turlag Sogn og Fjordane Bondelag Jostedalsbreen nasjonalparkstyre: Ivar Kvalen (leiar) Sven Flo (nestleiar) Olve Grotle Gunnvor A. Sunde Oddmund Klakegg Eline Orheim Karen Marie Hjelmeseter Luster kommune Stryn kommune Førde kommune Gloppen kommune Jølster kommune Sogndal kommune Sogn og Fjordane fylkeskommune Vara til Jostedalsbreen nasjonalparkstyre: Marit Aakre Tennø Marie Johanne Folven Turid Vallestad Ola Tarjei Kroken Ragnhild Sæle Jarle Aarvoll Luster kommune Stryn kommune Førde kommune Gloppen kommune Jølster kommune Sogndal kommune JOSTEDALSBREEN NASJONALPARKSTYRE SIDE 6
Nils P. Støyva Sogn og Fjordane fylkeskommune Kopi på e-post til: Direktoratet for naturforvaltning Fylkesmannen i Sogn og Fjordane Anne Rudsengen, SNO Jostedalsbreen JOSTEDALSBREEN NASJONALPARKSTYRE SIDE 7