Sogndal kommune Utval: MØTEPROTOKOLL SOGNDAL UNGDOMSRÅD Møtestad: Formannskapssalen Møtedato: 14.03.2007 Tid: 1200-1400 Pkt. 1 OPNING A. Konstituering av møtet Møtet lovleg sett med følgjande tilstades: Kaia Sæterlid, Rigmor Haugen, Ole Andre Hjelmeseter, Eirik Rømo, Hanna Mo, Karen Marita Dalaker, Jofrid Austheim, Johanna Sverrisdottir, Albert Andersen Øydvin, Henrik Førde og Andrea-Marie Henden. Godkjenning av innkalling og sakliste. Sekretær vil rette innkallinga frå Rådmannen si innstilling til Sogndal ungdomsråd si innstilling. Møteleiar: Andrea-Marie Henden. Ope møte. B. Godkjenning av møteprotokoll frå møte 23. januar 2007. Sekretær har søkt om midlar til transport gjennom Fylkeskommunen. Brev om farleg veg er gått ut til politi, kommune, Statens vegvesen og med kopi til skulane. Pkt. 2 ORIENTERINGAR OG DRØFTINGAR A. Orientering frå ordførar Det blir i dag gitt 20 nye arbeidsplassar til NAV i Sogndal. Utestadane har innført felles reglar om utestenging frå uteplassar. Når Kommuneplanen vert lagt ut på høyring ønskjer ordførar seg aktive ungdommar og innspel frå ungdommane. B. Orientering frå utval Skitrøkk gjekk bra, ca. 80 ungdommar til stades i Hodlekve. C. Orientering frå administrasjonen Plan for psykisk helse v/clara Øberg. Unge og psykisk helse skal satsast på. I lag med ungdomsavdelinga skal ein inngå partnerskapsavtalar innan psykisk helse. Det er ønskjeleg med hybelhus til dei yngste som flytter på hybel og ikkje greier så godt. Øberg er bekymra over utviklinga innan ungdom, rus og psykisk helse. Ungdomsbasen v/ungdomsarbeidar Ken Eivind Thompson. Det er mange ulike aktivitetar heile våren, sjå www.sogndal.kommune.no /ungdom. Oppfordre ungdom til å melda seg på, da det er få plassar på nokre av aktivitetane.
Ungdommens turlag v/ungdomsarbeidar Ken Eivind Thompson. I vår blir det 5 ulike turar som isklatring, snødag, rafting sjå www.sogndal.kommune.no /ungdom. Ungdommar til Fornying- og administrasjonsdepartementet. 20. mars skal 5 ungdommar representere Sogndal på ein konferanse i Oslo. Dei skal delta i debatt og komme med sine synspunkt om utviklinga i Noreg., Dei vil på neste møtet, den 3. mai, halde eit foredrag om turen. Open hall natt til 1. mai. Ei eiga ungdomsgruppe skal arrangere Open hall med fokus på rusfritt arrangement. Programmet til arr. blir offentleg rett etter påske. Ungdomsrådet meiner at 8. klassingar ikkje får ut natt til 1. mai til vanleg og bør heller ikkje få lov til det denne kvelden. Ungdomsrådet meiner at 9. klasse bør få bli med på arrangementet. Friluftsområde på Ylvisåker. Det er kommunen som eige grunnen på friluftsområdet, men det er Norane il. som eige og driftar volleyballbana, tennisbana og fotballbana. Sekretær tek kontakt med idrettslaget for å høyre om dei har planar om å setje opp lys i området for at plassen kan brukast meir på kveldar om hausten. SAKSLISTE Saksnr. Arkivsaksnr. Tittel 7/07 06/695 FELLES MARKNADSFØRINGDSPORTAL FOR UNGDOMSRÅDA I REGIONEN. 8/07 07/164 Partnerskapsavtalar 2007 9/07 07/504 Ungdommens kulturmønstring - UKM 2007 Evaluering 10/07 07/625 Møtegodtgjersle Sogndal ungdomsråd 2007
sak 7/07 FELLES MARKNADSFØRINGDSPORTAL FOR UNGDOMSRÅDA I REGIONEN. I mai 2006 fekk Sogndal ungdomsråd ei førespurnad frå Ungdommens kommunestyre i Luster om Sogndal var interessert i å bli med på ei felles marknadsføring på nettet av alle ungdomsråda i fylket. Sogndal ungdomsråd skrev i brev til Luster at det er ønskjeleg med samarbeid om dette, men at saka må belysast skikkeleg før ein tek til med mellom anna pris, innhald og oppdatering av sida. I møte 5. mars i arbeidsutvalet vart det bestemt at denne saka må opp i ungdomsrådet før ein evnt. sender eit nytt brev til Luster om kor saka står i dag. For å få fart på saka bør Sogndal ungdomsråd sende eit nytt brev til Ungdommens kommunestyre i Luster for å høyre kor saka står. sak 8/07 Partnerskapsavtalar 2007 Sogndal kommune/ungdomsavdelinga skal i 2007 inngå partnerskapsavtalar med lag og organisasjonar for å få til aktivitetar for ungdom. Saka er behandla i ungdomsrådet 23. januar 2007. I møte 5. mars i arbeidsutvalet var det semje om at avtalene skal diskuterast nærmare etter at medlemmane har teke dette opp i elevråd og i klassane. Tilråding/
Sogndal ungdomsråd har ingen fleire innspel enn dei som kom fram på sist møte. Fleire har teke opp dett ei sin klasse og tykkjer at det er mange gode forlag allereie. sak 9/07 Ungdommens kulturmønstring - UKM 2007 Evaluering I møte 5. mars i arbeidsutvalet vart det bestemt at UKM som vart gjennomført 10. februar skal evaluerast i ungdomsrådet Sogndal ungdomsråd evaluerer lokalmønstringa i UKM slik: Det var travelt å vere konferansier. Det var nok folk som jobba før, under og etter UKM. sak 10/07 Møtegodtgjersle Sogndal ungdomsråd 2007 I skuleåret 2005/2006 vart det teken opp i Sogndal ungdomsråd at dei vil ha møtegodtgjersle lik med alle andre utval i kommunen. I budsjettet for 2007 er det sett av 10 000,- til godtgjersle for ungdomsrådet, på ansvar 110. Møtegodtgjersle for Sogndal ungdomsråd: Til alle som stiller på møter i arbeidsutvalet får 100,- pr. møte i 2007. Til alle som stiller på møte i Sogndal ungdomsråd får 100,- pr. møte i 2007. Alle må levere skattekort og kontonummer til sekretær Elin Reinås før utbetaling skjer.
Takk for at du er engasjert på vegne av ungdommane! Neste møte er 3. mai. Sogndal, 19. mars 2007 Andrea-Marie Henden Leiar Elin Reinås Sekretær i Ungdomsrådet Ungdomsleiar