Utsleppsløyve etter forureiningslova til Bergen kommune for bygging av ny dam ved Svartavatnet Fylkesmannen gjev Bergen kommune utsleppsløyve for bygging av ny dam for vassforsyning ved Svartavatnet ved Gullfjellet med heimel i forureiningslova 11, jf. 16. Løyvet gjeld frå dags dato. Ved endringar som kan ha noko å sei for miljøet, skal Bergen kommune søkje om dette sjølv om utsleppa ligg innanfor dei fastsette grensene. Dersom heile eller vesentlege delar av løyvet ikkje er teke i bruk innan 4 år, skal verksemda sende ei utgreiing om omfanget av verksemda. Fylkesmannen vil då vurdere eventuelle endringar i løyvet. Verksemdsdata Verksemd Bergen kommune Gateadresse Bergen Rådhus, 5016 Bergen Postadresse Postboks 7700, 5020 Bergen E-postadresse postmottak@bergen.kommune.no Org.nummer (verksemd) 964 338 531 NACE-kode og bransje 84.110 Generell offentleg administrasjon NOSE-kode/kodar - Referansane til Fylkesmannen Løyvenummer Anleggsnummer Risikoklasse 1 2012.071.T 1201.0578.01 3 Brevet er godkjent elektronisk og har difor ingen underskrift Løyve gitt: 30.03.2012 Endringsnummer: Sist endra: Kjell Kvingedal e.f. seksjonssjef Sissel Storebø senioringeniør 1 Jf. forureiningsforskrifta. Kapittel 39.Gebyr til statskassen for arbeidet til Klima- og forureiningsdirektoratet med løyve og kontroll etter forureiningslova
1. Produksjonsramme Løyvet gjeld utslepp i anleggsperioden for bygging av ny dam for vassforsyning ved Svartavatnet ved Gullfjellet. Løyvet omfattar utslepp av reinsa vatn frå boring, sprenging og betongarbeid. Løyvet gjeld fram til anleggsperioden er over. 2. Generelle vilkår 2.1 Ansvarsforhold Bergen kommune er ansvarleg for at verksemda vert driven i samsvar med vilkåra i utsleppsløyvet. Løyvet fritar ikkje kommunen frå å innhente løyve for område som ikkje er regulert av forureiningslova. Bergen kommune pliktar også å orientere dei som skal gjennomføre arbeidet. 2.2 Plikt til å overhalde grenseverdiar Bergen kommune skal overhalde grenseverdiar. Det er eit vilkår at 90 prosent av prøvane skal overhalde utsleppskrava. I dei resterande 10 prosent av prøvane kan maksimalt innhald i enkeltprøvar ikkje overskridast med meir enn 100 prosent. Variasjonar i utsleppa skal ikkje føre til auka skade eller ulempe for miljøet. 2.3 Plikt til å redusere forureining All forureining frå verksemda, også utslepp til luft og vatn og dessutan støy og avfall, er isolert sett uønska. Sjølv om kommunen held utsleppa innanfor fastsette utsleppsgrenser, pliktar kommunen å redusere utsleppa sine, også støy, så langt dette er mogleg utan urimelege kostnader. Plikta gjeld også utslepp av komponentar det ikkje uttrykkjeleg er sett grenser for gjennom vilkår i punkt 3.3 i løyvet. 2.4 Plikt til førebyggjande vedlikehald For å halde dei ordinære utsleppa på eit lågast mogleg nivå, og for å unngå utilsikta utslepp, skal kommunen syte for førebyggjande vedlikehald av utstyr som kan ha noko å sei for utslepp. System og rutinar for vedlikehald av slikt utstyr skal vere dokumenterte, jf. internkontrollforskrifta 5-7 2. 2.5 Tiltak ved auka fare for forureining Dersom unormale driftstilhøve eller andre grunnar fører til fare for auka forureining, pliktar kommunen å setje i verk tiltak for å eliminere eller redusere den auka forureiningsfaren, og om nødvendig, redusere eller innstille drifta. Bergen kommune skal så snart som mogleg informere Fylkesmannen om unormale tilhøve som har eller kan føre til forureining. Verksemda skal varsle akutt forureining i samsvar med punkt 9.4. 2 Internkontrollforskrifta. Systematisk helse-, miljø- og tryggleiksarbeid i verksemder 2
2.6 Internkontroll Kommunen pliktar å ha internkontroll. Internkontrollen skal sikre og dokumentere at kommunen følgjer opp krava i dette løyvet og i forureiningslova, produktkontrollova og relevante forskrifter til desse lovene. Kommunen pliktar å halde internkontrollen oppdatert. Kommunen pliktar alltid å ha oversikt over alle aktivitetar som kan føre til forureining og kunne gjere greie for risikotilhøva. 3. Utslepp til vatn 3.1 Utsleppsgrensar Utsleppsgrensene i tabell 1 gjeld for mellombels utslepp av reinsa vatn frå boring, sprenging og betongarbeid. Tabell 1: Utsleppsgrensar Utsleppskomponent Konsentrasjonsgrense Resipient Olje 5 mg/l Suspendert stoff (SS) 100 mg/l Ammoniakk (NH 3 ) 0,3 mg/l ph < 8 Elv oppstrøms Korlatjørn 3.2 Reinseinnretningar Vatn frå bore- og sprengingsarbeid skal gå via sedimentasjonsbasseng og oljeutskiljar, eventuelt ph regulering før utslepp til resipient. Om nødvendig må det koplast på ei filtreringsløysing for å overhalde grensa for suspendert stoff og olje. 3.3 Bruk av vatn Vatn frå borerigg skal om mogeleg resirkulerast. Det skal brukast minst mogeleg vatn slik at utsleppet til elv vert redusert. 3.4 Sedimenteringsbassenget Sedimenteringsbassenget skal byggast slik at følgjande vert oppfylt: Sedimenteringsbassenget skal ha tilstrekkeleg fordrøyningsvolum som også tar høgde for innlekkasje og nedbør. Sedimentasjonsbassenget skal dimensjonerast etter utrekna maksimale vassmengder frå anleggsarbeidet. Opphaldstida på avløpsvatnet skal vere minimum to timar. Bassenget skal vere tett, overbygd og sikra mot frost. Det skal vere god tilkomst for drift og kontroll av anlegget. Vatnet inn i bassenget skal fordelast jamt over heile bredda. Bassenget skal ha naudsynte dykkare og skjermar for å halde slam tilbake og for å få oljen til å flyte opp. Slamnivået i bassenget skal kunne målast. Utstyr for å fjerne olje frå bassenget må vere tilgjengeleg. 3
3.5 Drift av reinseanlegg Reinseanlegget skal vere i drift så lenge arbeida på går og skal ha dagleg tilsyn. Det skal utarbeidast driftsinstruks for drift, kontroll og vedlikehald av reinseanlegget. Reinseanlegget skal overvåkast med måling av vassføring og vasskjemi. 3.6 Handtering av betongspylevatn Reingjering av betongbilar skal utførast på følgjande måte; Det skal støypast ei betongplate på 5 x 10 meter med kant. Plata skal støypast med fall mot slukrist. Frå slukrist skal vatnet førast til tett kum. Frå kummen skal alt spylevatnet pumpast tilbake til betongbilen. Spylevatnet skal kjørast tilbake til betongblanderiet. Slam og grusrestar i tett kum skal fjernast med jamne mellomrom og transporterast til godkjent mottak. Det er ikkje tillete å sleppe vaskevatn ut i vassdraget. 3.7 Tiltak for resipienten nedstrøms anleggsområdet 3.7.1 Ved graving i elvebotn nedstrøms dammen skal det setjast i verk tiltak for å hindre tilslamming. 3.7.2 De skal under arbeidet gjennomførast sikringstiltak som skal redusere fare for flukt av oppvirvla botnsediment og finstoff frå sprengingsarbeida ut i vassdraget. Det skal etablerast siltgardin nedstrøms anleggsområdet. Denne skal dekke heile vassøyla frå overflate til botn. Siltgardina skal etablerast i tilstrekkeleg avstand og på tilstrekkeleg vis for å ivareta føremålet, slik at den held tilbake finpartiklar under heile anleggsperioden. 3.7.3 Dersom det vert oppdaga spreiing av partiklar utanfor siltgardina skal arbeidet stansast opp til avbøtande tiltak er gjennomført. Uansett type uønska hending som oppstår skal utfyllingsarbeidet stansast opp til avbøtande tiltak er gjennomført og normaltilstand i elva er gjenoppretta. Dette skal skje innan maksimum 4 timar. Om det oppstår spreiing av partiklar i elva, skal Fylkesmannen varslast straks. 3.7.4 Krava til minstevassføring nedstrøms Osavatnet skal oppretthaldast i anleggsfasen. 3.8 Avløp frå riggområdet Avløpsvatn frå riggområdet ved Brattlandsstølen skal førast til tett tank med nivåmåling. Spylevatn frå verkstadrigg skal førast gjennom oljeutskiljar. 4. Prøvetaking og overvaking 4.1 Plan for prøvetaking og overvaking Det skal utarbeidast eit kontrollprogram for oppfølging av reinseanlegg, utsleppsstad/resipient, olje- og drivstofflager og avfallshandtering. Rutinar og oppfølging skal dokumenterast skriftleg. Programmet skal innehalde oversikt over prøvepunkt, analyseparametrar og prøvetakingsfrekvens. 4
Plan for overvaking av miljøkvaliteten og kontroll av siltgardina skal inngå i internkontrollen. I tillegg skal internkontrollen innehalde ein tiltaks- og beredskapsplan som skal setjast i verk ved spreiing av partiklar. Den skal skildre krav til tilsyn og tilrådde tiltak, kontroll og beredskap. Planen skal angi metode, frekvens, aksjonsgrenser, kommunikasjonsliner og ansvar, varsling og handlingar som skal setjast i verk. 4.2 Prøvetaking og overvaking Reinseanlegget skal ha målepunkt på utløpet og det skal takast prøvar før utslepp til resipient. Det skal takast vekeblandeprøve kvar 4. veke under heile anleggsperioden. Prøvene skal sendast akkreditert laboratorium for analyser av suspendert stoff, olje, ammoniakk og total nitrogen. ph, temperatur, leidningsevne og turbiditet skal målast dagleg nedstrøms utsleppspunktet. Dersom utsleppsverdiane er høgare enn grenseverdiane i punkt 3.1 skal arbeidet stansast og avbøtande tiltak skal gjennomførast. Vassmengde frå arbeidet skal målast minimum 1 gong per veke. 4.3 Overvaking av siltgardina Funksjon av siltgardina skal overvakast med dagleg visuell kontroll av gardina så lenge arbeidet held på. 4.4 Kontroll med reinseinnretningar Det må førast jamleg kontroll med nivå i sedimentasjonsbassenget og oljeutskiljar. Desse må tømmast og reingjerast ved behov. Olje frå oljeutskiljaren skal leverast til godkjent mottak. 4.5 Journalføring Det skal førast dagleg loggbok/journal frå anleggsarbeidet. Loggboka skal innehalde informasjon om blant anna mengde utsprengt stein, resultat av målingar og overvaking av resipient, kontroll av siltgardina og kontroll og tømming av sedimentasjonsbasseng og oljeutskiljar. 5. Grunnforureining Verksemda skal vere innretta slik at det ikkje skjer utslepp til grunnen som kan føre til nemnande skadar eller ulemper for miljøet. Verksemda pliktar heile tida å ha oversikt over mogleg forureina grunn som finst på anleggsområdet. Det same gjeld faren for spreiing, og om det er trong for undersøkingar og tiltak. Dersom det er nødvendig å setje i verk granskingar eller andre tiltak, skal forureiningsstyresmakta varslast om dette. 5
6. Testing og substitusjon av kjemikaliar Med kjemikaliar meiner ein her kjemiske stoff og stoffblandingar som vert brukte i prosjektet, både som råstoff i prosess og som hjelpekjemikaliar som til dømes vaskemiddel, hydraulikkvæsker og brannsløkkingsmiddel. Kjemikaliar som vert nytta på ein slik måte at det kan medføre fare for forureining, skal vere testa for kor lett dei lét seg bryte ned, toksisitet og kor lett dei vert akkumulerte i naturen. Berre laboratorium som er godkjende i samsvar med Good Laboratory Practice (GLP) og/eller akkreditert etter NS-EN/IEC 17025:1999, kan gjere testane. Kommunen pliktar å etablere eit system for substitusjon av kjemikaliar. Kommunen skal heile tida vurdere faren for skadelege effektar på helse og miljø av dei kjemikaliane som vert nytta, og om det finst alternativ. Både skadelege effektar knytt til produksjon, bruk og endeleg disponering av produktet, skal vurderast. Der det finst betre alternativ, pliktar kommunen å nytte desse så langt ein kan utan urimeleg kostnad eller ulempe. 3 7. Støy og støv For støy gjeld kapittel 4 Støy fra bygg- og anleggsvirksomhet i Retningslinje for behandling av støy i arealplanlegging (T-1442) utgitt av Miljøverndepartementet så langt det er relevant for dette anlegget. Kommunen må leggje opp aktiviteten på ein slik måte at sjenerande støv ikkje blir spreidd i omgjevnadane. Borestøv skal handterast forsvarleg. Det skal nyttast riggar med støvoppsamling. 8. Avfall 8.1 Generelle krav Verksemda skal danne så lite avfall som mogeleg. Særleg skal verksemda avgrense innhaldet av skadelege stoff i avfallet mest mogleg. Verksemda pliktar å syte for at alt avfall, også farleg avfall, blir handtert i samsvar med gjeldande reglar for dette fastsette i eller med heimel i forureiningslova og avfallsforskrifta 3. Rivemassar frå eksisterande dam skal leverast til godkjent mottak. 8.2 Handtering av farleg avfall Verksemda skal handtere farleg avfall i samsvar med gjeldande reglar for farleg avfall. Farleg avfall som blir lagra i påvente av levering/henting skal verksemda sikre, slik at lageret ikkje fører til avrenning til grunn, overflatevatn eller avløpsnett. Lageret skal òg sikrast mot avdamping av forureining til luft. Lageret skal dessutan sikrast mot uvedkommande. 3 Avfallsforskrifta. Gjenvinning og handtering av avfall 6
8.3 Slam Slam frå sedimenteringsbasseng, reinseinnretningar og sandfang skal analyserast og leverast godkjent mottak. Slam frå reinseinnretningar skal handterast som farleg avfall dersom ikkje anna kan dokumenterast. 8.4 Mellomlager for sprengstein Mellomlager for sprengstein skal sikrast slik at det ikkje oppstår utvasking eller avrenning. Tiltak for å unngå dette skal gå fram i internkontrollen og driftsinstruksar. Mellomlagringsplassane skal etablerast slik at resipienten vert skjerma mot forureina avrenning. Dei skal sikast mot utrasing av massar, og det skal om nødvendig etablerast grøfter eller andre tiltak for avskjering av sigevatn. 9. Førebyggjande tiltak og beredskapstiltak mot akutt forureining 9.1 Miljørisikoanalyse Kommunen skal gjennomføre ei miljørisikoanalyse av verksemda si, og vurdere resultata med tanke på akseptabel miljørisiko. Kommunen skal kartleggje moglege kjelder til akutt forureining av vatn, grunn og luft. Kommunen skal dokumentere miljørisikoanalysen og han skal omfatte alle tilhøve ved verksemda som kan medføre akutt forureining med fare for helse- og/eller miljøskadar inne på eller utanfor området til verksemda. Om produksjonstilhøva blir modifiserte og endra, skal verksemda oppdatere miljørisikoanalysen. Kommunen skal ha oversikt over dei miljøressursane som ei akutt forureining, med dei helse- og miljøkonsekvensane ho fører med seg, kan få følgjer for. 9.2 Førebyggjande tiltak På grunnlag av miljørisikoanalysen skal kommunen setje i verk risikoreduserande tiltak. Verksemda skal vurdere tiltak med tanke på å redusere sannsyn og konsekvensar. Verksemda skal ha eit oppdatert oversyn over dei førebyggjande tiltaka. 9.3 Etablering av beredskap Verksemda skal, på bakgrunn av miljørisikoanalysen og dei risikoreduserande tiltaka som er sette i verk, etablere og vedlikehalde ein beredskap mot akutt forureining om det trengst. Beredskapen skal heile tida vere tilpassa den miljørisikoen som verksemda representerer. 9.4 Varsling om akutt forureining Verksemda skal varsle akutt forureining eller fare for akutt forureining til lokalt brannvesen i samsvar med gjeldande forskrift 4. Verksemda skal også, så snart som mogleg, varsle Fylkesmannen i slike tilfelle. 4 Forskrift om varsling av akutt forureining eller fare for akutt forureining 7
9.5 Inspeksjon Det skal etablerast rutinar for visuell inspeksjon ved utsleppsstadene, der observasjonar av oljefilm, blakka vatn eller anna forureining skal registrerast. Ved vesentleg forureining skal dette rapporterast, jf. punkt 9.4. 10. Rapportering til Fylkesmannen Etter avslutta arbeid skal resultat frå gjennomføring og overvaking av anleggsarbeidet samanstillast og erfaringa av arbeidet skal oppsummerast i ein rapport. Eventuelle uønska hendingar skal også skildrast i rapporten. Send rapporten til Fylkesmannen i Hordaland, Miljøvern- og klimaavdelinga innan 6 veker etter at tiltaket er avslutta. Rapporter i tillegg alle uønska hendingar undervegs til Fylkesmannen. Rapporten skal innehalde følgjande informasjon: a) Tidsrom for gjennomføring b) Stad for anleggsarbeidet, inkludert kart og koordinatar c) Totalt volum utsprengt stein, oppgitt i m 3 d) Resultat av målingar og overvaking e) Skildring av utstyret og teknologien som ble brukt f) Eventuelle avvik frå løyve eller interne rutinar g) Evaluering av arbeidet 11. Tilsyn Verksemda pliktar å la representantar for forureiningsstyresmakta føre tilsyn med anlegget når som helst. 8