Styremøte og opplegg for styret i Regionalt Forskingsfond Vestlandet Sogndal 19-20. juni 2014 Fosshaugane Campus Bilde frå Kvålslid september 2012. Eplesorten Discovery er klar til hausting. Styremøtet vart halde på Fosshaugane Campus, som ein ser i bakgrunnen. KORT RAPPORT I ORD OG BILDER Regionalt forskingsfond Vestlandet juni 2014
TORSDAG 19. JUNI 09.50 Ankomst Sogndal lufthamn taxi til Sogndal. 10:30 Campus Fosshaugane - Frukt/snacks i møterom + mineralvann Velkomen til Sogn og Fjordane, fylkesordførar Åshild Kjelsnes Fylkesordførar og styreleiar Åshild Kjelsnes ynskte velkomen til Sogndal og Sogn og Fjordane med gode ord og ein presentasjon om fylket sine ressursar og sterke sider. Flostova, Fosshaugane Campus. Takk til Kunnskapsparken som hadde ordna med rom og servering. Høgskulen Sogn og Fjordane, viserektor for FoU, Erik Kyrkjebø Erik Kyrkjebø, viserektor FoU, Høgskulen i Sogn og Fjordane, fortel om Høgskulen og Fosshaugane Campus. Erik kunne fortelja om ein høgskule som var både populær og leiande på fleire fagfelt, mellom anna idrett. 2
Figuren er frå presentasjonen til Erik Kyrkjebø. Den gir ei oversikt over høgskulen i dag. Stiftinga Vestlandsforsking, direktør Merete Lunde Merete Lunde, direktør på Vestlandsforsking. Merete fortalte styret om forskingsinstitusjonen, og om kor viktig Regionalt forskingsfond var for dei. Merete hadde også nokre tilbakemeldingar til styret om kva ho meinte var viktig for fondsstyret å fylgje opp. 3
Merete Lunde fortalte om Vestlandsforsking, og om kor viktig det var med kunnskapsbasert utvikling. Ho hadde med ein figur for å skildra dette prinsippet. For å sikra kunnskapsbasert utvikling er det viktig å ha med begge side av den gule pila i figuren, sa Merete. 4
Hydro i Årdal og teknologiutvikling/f&u i Årdal, administrativ leder, Tone Mæle Tone Mæle, administrativ leiar frå Hydro i Årdal, fortalte om forsking og utvikling i Årdal og Hydro. Fylkesordførar Åshild Kjelsnes var oppteken av at styringsgruppa i fondet fekk vita mein om dei FoU-aktivitetane som skjer i dette miljøet, som er lukka for dei fleste, og derfor lite kjent. Hydro har drive 108 år med innovasjon og industriutvikling, og er i dag eit resurssterkt, globalt selskap. Hydro produserar aluminium. 5
12:00 Lunsj på Campus Det vart servert ovnsbakt laks i kantina i Høgskulebygget. 12.45 Omvisning Campus Erik Kyrkjebø viser stolt fram hjarta i bygget, den nye biblioteket. Her skulle det ikkje alltid vera stille, sa han. Biblioteket kunne mellom anna brukast til å presentera FoU-resultat til studentar og tilsette. 6
Kjetil Kvåle, leiar Kunnskapsparken Sogn og Fjordane, guida styret gjennom Fosshaugane Campus. Kjetil fekk fram kor viktig det hadde vore å få til samarbeidet mellom offentleg-, privat-, frivillig- og akademisk sektor. Fosshaugane Campus er ein ekte «Quad», som er skildra som «global best practice» av Ernest J. Williams, USA. Fosshaugane Campus er eit døme på at teoriane til Ernest J. Williams i artikkelen «How to make a region innovative» stemmer i praksis. Fosshaugane Campus er i dag kjent som eit svært innovativt miljø, og trekker til seg personar frå heila landet for å starta firma i dette miljøet. 7
13:30 Styremøte på Campus Fylkesordførar i Sogn og Fjordane leia møtet. Styret hadde fleire saker oppe. I saka om støtte til hovudprosjektsøknader gjorde styret eit vedtak som på nettsidene til fondet vart omtalt slik: «Styret i Regionalt forskingsfond Vestlandet vedtok 19. juni å løyve 12,8 millionar kroner til fem forskingsprosjekt innanfor dei tre tematiske hovudsatsingsområda berekraftig matproduksjon i grøn og blå sektor (3), energi (1) og offentlege utviklingsoppgåver på Vestlandet (1). Prosjekta som fekk støtte: 1. 230969 Ewos AS Dietary AGD Modulation. Inntil 1 895 000 kroner i støtte 2. 239056 Halstensen Granit AS Fiskeprotein i restråstoff et helseprodukt for mennesker. Inntil 3 millionar kroner i støtte 3. 239010 Hardanger Siderprodusentlag «Nye siderprodukt frå Hardanger» - Inntil 2,8 millionar kroner i støtte. 4. 239016 StormGeo AS Integrasjon av vind- og tordenprognoser i Promaps. Inntil 2 175 000 kroner i støtte 5. 239039 Stavanger kommune Robuste og bærekraftige lokalsamfunn Lokal overvannsdisponering og blågrønne tiltak er en del av løsningen. Inntil 2 970 000 kroner i støtte I tillegg fekk Tool Tech As kr 200.000 til å vidareutvikle sitt prosjekt "Choke Turbine for producing hydroelectricity". 8
16:45 Forsking i reiselivsnæringa utfordringar og gode løysingar - Kort om bakgrunn for tema Jone Engelsvold, sekretariatsleiar - Frå brukarane og oppdragsgjevarane sin ståstad. Jan Heggheim. Fylkesdirektør, Næringsavdelinga, SF fylkeskommune - Frå FoU-miljøet sin ståstad. Ivar Petter Grøtte. FoU-gruppa NCE-Tourism og Vestlandsforsking. - Oppsummerande drøfting/avslutning Bakgrunnen for dette temaet var at styret hadde stilt spørsmål om FoU i reiselivet. I høve forventningane hadde det kome inn relativt få søknader, og mange av søknadane hadde ikkje fått støtte på grunn av manglande kvalitet. Kva var årsaka, og kva kunne gjerast? Sekretariatsleiar Jone Engelsvold var mellom anna oppteken av at søkjarane i større grad måtte forstå kva som var målet med FoU-prosjekt. Gjennom forskings skal ein få fram ny kunnskap som skal brukast til å utvikla konkret som skal brukast i praksis. Forskinga skal føre fram til innovasjonar. Innovasjonar skal vera noko som er nytt, nyttig og nyttiggjort, eller noko nytt som vert teke i bruk. 9
Fylkesdirektør Jon Heggheim var mellom anna oppteken av FoU-prosjekta vart forankra i brukarar med ambisjonar, og at FoU-prosjekta kom fram i møtet mellom brukarane og forskarane. Det er ikkje uvanleg at brukarane kjem seint inn i bildet, og vert med på prosjekt som ikkje er godt nok «knadde» hjå brukaren, sa han. Jan Heggheim er også leiar av styringsgruppa for reiselivsplanen i Sogn og Fjordane. Ved oppstart av Reiselivsplanen for Sogn og Fjordane 2010 2025er det sett i gang mange FoU-prosjekt og analysar, for å sikra at ein ikkje gjer feil når ein går til etablering av større tiltak seinare. Reiselivsplanen har spelt ei viktig rolle for FoU i reiselivet i Sogn og Fjordane, seier fylkesdirektøren. 10
18:15 Retur Quality Sogndal Hotel taxi. 19:30 Middag med inviterte gjester frå fylket, Quality Sogndal Hotel. Rasmus Mo frå Sogndal Fotball er omdømesjef. Her fortel han om kva som skal til, og ikkje til, får å få eit godt omdøme, å sjå lyst på livet, med positive energiar. Det er viktig å setje seg sjølv i sentrum, å ha trua på seg sjølv. Du er verdsmeistar i å vera deg sjølv. Ha trua på deg sjølv, og bruk dine ressursar, sa han. Dei tilreisande fekk i Rasmus også høra rask sognadialekt på sitt besta. FREDAG 20. JUNI 08:30 Avreise til Lerum Fabrikker på Kaupanger med Taxi 08:45 Lerum fabrikker As på Kaupanger. - Presentasjon om Lerum og omvisning på fabrikken. Direktør Trine Lerum - Sogn og Fjordane Noregs fruktfat. Stein Harald Hjeltnes, prosjektleiar - Lêrròte prosjektet. Eit ferdig hovudprosjekt. Forskar Arne Stensvand, Bioforsk, Ås (Noko frå desse presentasjonane vil me prøva å få med i ein oppdatert rapport) 11
10.45 Avreise til flyplass frå Lerum Fabrikker med taxi Deltakarane utanfor Lerum Fabrikker på Kaupanger takkar for seg og ynskjer kvarandre vel heim. 12