Eksamensrettleiing om vurdering av eksamenssvar 2015 NOR0214 og NOR0215 norsk hovudmål og norsk sidemål Sentralt gitt skriftleg eksamen etter 10. trinn elevar og vaksne Nynorsk
Eksamensrettleiing for vurdering av sentralt gitt eksamen i norsk, 10. trinn Denne eksamensrettleiinga gir informasjon om sentralt gitt eksamen, og korleis denne skal vurderast. Rettleiinga skal vere kjend for elevar, vaksne deltakarar, vaksne privatistar, lærarar og føresette i god tid før eksamen. Sensorane må bruke rettleiinga som ei felles referanseramme i arbeidet sitt. Under vil «elevar» bli brukt om både elevar, vaksne deltakarar og vaksne privatistar. 1 Organisering av sentralt gitt skriftleg eksamen Førebuingsdel: Eksamen: 1 dag 2 dagar, à 5 timar På førebuingsdagen er alle hjelpemiddel tillatne, inkludert bruk av Internett. Førebuingsdagen er obligatorisk skoledag. I førebuingstida kan elevane samarbeide, hente informasjon og få rettleiing. Så langt det er mogleg, bør sentralt gitt eksamen vere IKT-basert. Oppgåvene blir trykte og sende til skolen i tillegg til at dei også blir tilgjengelege i PAS på eksamensdagen. 1.1 Nærmare beskriving av eksamen i norsk 10. trinn Eksamen i norsk er på to dagar. Førebuingsdagen og førebuingsmateriellet gjeld for begge eksamensdagane. Førebuingsmateriellet til eksamen blir berre publisert på nett. Eleven skriv éin dag på hovudmål, eksamenskode NOR0214, og éin dag på sidemål, eksamenskode NOR0215, og får to karakterar. Elevar som er fritekne for vurdering med karakter i sidemål, eksamenskode NOR1415, skriv på hovudmålet sitt begge dagane og får éin samla karakter. Førebuing: onsdag 20. mai, frå kl. 09.00 Eksamen, 2 dagar: torsdag 21. mai hovudmål fredag 22. mai sidemål (hovudmål for NOR1415-elevar) Førebuing i norsk Førebuingsmateriellet er nettbasert. Elevane får tilgang til materiellet ved hjelp av brukarnamn og passord kl. 09.00 på førebuingsdagen. I førebuingsmateriellet blir tema for eksamen kunngjort. Materiellet er universelt utforma, og tekstane er tilgjengelege med syntetisk tale. For at elevane skal kunne dra nytte av bilete og lyd i førebuingstida, bør skolen leggje til rette for at dei kan arbeide med materiellet digitalt. Det er mogleg å skrive ut filene. Førebuingsmateriellet er knytt opp mot tema for eksamen på ulike måtar. Det er sett saman av ulike typar tekstar som har ulik lengd og vanskegrad. Tekstane er på begge Eksamensrettleiing 2015: norsk hovudmål og norsk sidemål etter 10. trinn Side 2 av 12
målformer, og dei kan vere omsette eller omarbeidde. Samansette tekstar er ein del av tekstmateriellet. Tekstane skal vere til inspirasjon og kunne brukast som kjelder på eksamensdagane. Materiellet har eit avgrensa omfang for å gi elevane tid til å arbeide med det, tid til å knyte temaet til innhaldet i opplæringa og tid til sjølve å kunne finne fram til andre relevante tekstar. Til eksamen er heile læreplanen til og med 10. trinn aktuell. Det inneber at elevane kan prøvast i fleire og relevante delar av læreplanen enn det som kan lesast direkte ut av førebuingsmateriellet. Førebuingsdelen er ein del av eleven sin eksamen og skal bidra til å førebu eleven på eksamen. Eleven har rett på rettleiing, men lærar skal ikkje undervise i førebuingstida. Eksamensoppgåvene i norsk Eksamensoppgåvene er baserte på kompetansemåla i læreplanen for faget. Oppgåvene er knytte til tema for eksamen. Eksamen har to delar, del A og del B. Del A har éin eller to obligatoriske oppgåver som tar utgangspunkt i éin eller fleire vedlagde tekstar av avgrensa omfang. Del B har oppgåver til val, og eleven skal velje éi av oppgåvene. Eitt eller fleire vedlegg med ukjende tekstar i A-delen knyt eleven sin lesekompetanse tettare til skrivekompetansen og gjer det mogleg å prøve fagkompetanse innanfor fleire hovudområde i læreplanen. Oppgåvene i del B kan ha ein introduksjon som viser til førebuingsmateriellet for å hjelpe eleven til å vise kompetansen sin i faget. Sidan igangsetjaren ikkje er ein del av oppgåvebestillinga, er han ikkje styrande for vurderinga. Det er ikkje eit overordna krav til kortare eller lengre svar i del A eller i del B. Det er oppgåvene som er styrande for vurderinga av eksamenssvaret, og eleven må disponere tida slik at ho/han svarer både del A og del B innanfor ramma på 5 timar. Praktisk informasjon om formatet på eksamenssvara Topptekst: fagkode, elevnummer og namn på skole Botntekst: sidetal og totalt tal på sider Font og skriftstorleik: Arial, Times New Roman eller Calibri i brødtekstar og str. 12 Linjeavstand: 1,5 Oppgåvenummer: skrivast inn i eksamenssvaret, f.eks. A1 og B3 2 Hjelpemiddel til sentralt gitt eksamen På eksamen er alle hjelpemiddel tillatne, bortsett frå Internett og andre verktøy som kan brukast til kommunikasjon. For norsk er heller ikkje omsetjingsprogram tillatne. Eksamensrettleiing 2015: norsk hovudmål og norsk sidemål etter 10. trinn Side 3 av 12
Gjennom opplæringa skal elevane ha fått rettleiing i å vurdere kva for hjelpemiddel dei kan ha nytte av i arbeidet med å løyse ulike typar oppgåver. Det er eleven sjølv, gjerne i samråd med læraren, som finn fram til kva for hjelpemiddel som er formålstenlege. Skolane kan velje å la elevane nytte nettbaserte førebuingsdelar, læringsressursar, oppslagsverk eller ordbøker òg under eksamen. Dette gjeld berre dersom skolane er i stand til å isolere dei aktuelle IP-adressene. Ei viktig presisering er at det framleis er skolen sitt ansvar å sikre at reglane for hjelpemiddelbruk til eksamen blir følgde. Les meir om reglane for hjelpemiddelbruk og skolen sitt ansvar på www.udir.no. 3 Bruk av kjelder Dersom det er aktuelt for eleven å bruke kjelder i eksamenssvaret, må desse førast opp på ein etterretteleg måte. Eleven skal føre opp forfattar og fullstendig tittel på alle kjelder som er brukte. Dersom eleven bruker utskrift eller sitat frå nettsider, skal ho/han føre opp nøyaktig nettadresse og nedlastingsdato. Det finst ulike måtar å føre opp kjelder på. Kjelder som blir brukte til eksamen, skal førast opp på ein slik måte at lesaren kan finne fram til dei. Dersom sensor mistenkjer at eit eksamenssvar inneheld kopiert materiell utan kjeldetilvising, kan svaret sendast til plagiatkontroll. 3.1 Kjelder i norsk Arbeidet med kjelder er forankra i læreplanane. Ei kjelde er i denne samanhengen publiserte tekstar. I norsk skal eleven kunne: bruke bibliotek og Internett til å finne stoff til egen skriving (etter 4. årstrinn) velge ut og vurdere informasjon fra bibliotek og digitale infomasjonskanaler (etter 7. årstrinn) integrere, referere og sitere relevante kilder på en etterprøvbar måte der det er hensiktsmessig (etter 10. årstrinn) Det er ikkje krav til bruk av kjelder dersom ikkje oppgåva ber om det. I mange samanhengar er det likevel både nødvendig, oppklarande og relevant å vise til kva andre har skrive, og å bruke dette i eigen tekst. Når eleven vel å bruke kjelder, må innhaldet vere relevant og brukast slik at eleven viser kompetanse i å bruke kjelder i eksamenssvaret. Dersom eleven siterer frå, viser til eller bruker konkret informasjon frå førebuingsmateriellet, lærebøker eller andre tekstar, skal ho/han føre opp desse kjeldene. Eleven kan føre opp kjelder på ulike måtar, undervegs i teksten og/eller etter sin eigen tekst. Det overordna kravet er at lesaren skal kunne finne fram til kjelda, sjå pkt. 3 Bruk av kjelder over. Kjelder ein kort viser til undervegs i teksten, må ein derfor føre opp med fullstendig kjeldetilvising i ei kjeldeliste. Eksamensrettleiing 2015: norsk hovudmål og norsk sidemål etter 10. trinn Side 4 av 12
Eksempel på kjeldetilvising undervegs i teksten: «jekke seg ned» (Vanneboe 2006, s. 105) Vanneboe sier i sin bok at (Vanneboe 2006) Eksempel på bokkjelde i kjeldeliste: Vanneboe, Kjell Ivar (2006): Katta i sekken og andre uttrykk, Oslo: Cappelen Eksempel på Internett-kjelde i kjeldeliste: http://www.udir.no/lareplaner/grep/modul/?gmid=0&gmi=167313, lasta ned 26.06.2012 Sensor i norsk skal vurdere både korleis eventuelle kjelder er brukte og korleis dei er førte opp. Sensor har tilgang til plagiatkontroll. Eksamenssvar som i sin heilskap viser seg å vere kopi av tidlegare publisert materiell, vil bli vurdert til lågaste karakter. 4 Vurdering av eksamenssvar Læreplanane og forskrift til opplæringslova er grunnlagsdokument for vurderingsarbeidet. Til eksamen er heile læreplanen for faget aktuell. Forskrift til opplæringslova 3-25 og 4-18 slår fast følgjande: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Kompetanse er i denne samanhengen definert som evna til å møte ei kompleks utfordring eller utføre ein kompleks aktivitet eller ei kompleks oppgåve. 1 Eksamensoppgåvene blir utforma slik at dei prøver denne kompetansen. Grunnlaget for å vurdere kompetansen eleven viser i eksamenssvaret, er kompetansemåla i læreplanen for fag 2, men ikkje alle kompetansemåla blir prøvde i eitt og same eksamenssett. Dei grunnleggjande ferdigheitene er integrerte i kompetansemåla i læreplanane for fag. Grunnleggjande ferdigheiter vil derfor prøvast indirekte til sentralt gitt eksamen. Sensor skal vurdere samla kompetanse slik han kjem fram på eksamen, jf. forskrift til opplæringslova 3-25 og 4-18. blir vurdert av to eksterne sensorar. Dersom desse to er ueinige, avgjer ein oppmann karakteren, jf. 3-28 og 4.21 i forskrift til opplæringslova. 4.1 Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. 1 St.meld. nr. 30 (2003 2004) Kultur for læring. 2 Forskrift til opplæringslova 3-3 og 4-3. Eksamensrettleiing 2015: norsk hovudmål og norsk sidemål etter 10. trinn Side 5 av 12
c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. Kjenneteikn på måloppnåing i eksamensrettleiinga beskriv eleven sin kompetanse på tre nivå. Beskrivingane skal bidra både til ei felles forståing av krava til vurdering og til ei rettferdig vurdering. 4.2 Vurdering av eksamenssvar i norsk Til eksamen er heile læreplanen til og med 10. trinn aktuell. Faget har tre hovudområde: Muntlig kommunikasjon, Skriftleg kommunikasjon og Språk, litteratur og kultur. Desse tre hovudområda er utgangspunkt for val av tema og oppgåver til eksamen. Hovudområdet Språk, litteratur og kultur er felles for dei to andre hovudområda som inkluderer både reseptive og produktive ferdigheiter: å lytte og tale samt å lese og skrive. Sjanger som verktøy for kategorisering av tekst er tona ned i den reviderte læreplanen. Ein annan måte å klassifisere ulike typar tekstar på, er basert på funksjonen teksten har. Tekstar kan mellom anna vere forteljande, beskrivande, kreative, reflekterande, argumenterande, informative eller ei blanding av ulike funksjonar. Det er desse beskrivingane vi finn i læreplanen. Oppgåveformuleringar til eksamen Til eksamen får elevane ulike oppgåver som ber om skriving av ulike typar tekstar. Oppgåvene gir elevane høve til å vise lesekompetanse, fagkompetanse og skrivekompetanse. Eksamensoppgåvene ber ikkje om andre typar tekstar enn dei som er nemnde i læreplanen. Oppgåvebestillingane vil konkretisere kva som blir kravd i oppgåvesvaret. Dette kan vere at eleven skal bruke ulike skrivehandlingar som for eksempel å fortelje om noko, beskrive noko, informere om noko, gi eksempel på noko, overbevise om noko, eller at teksten skal vere kreativ. Ein kreativ tekst er ikkje ein teksttype, men ein skrivemåte. Kreative tekstar kan vere både skjønnlitterære og sakprega, og eleven kan vise kreativitet på fleire og ulike måtar. Andre måtar å gi bestillingar i oppgåvene på kan vere ved å bruke verb frå læreplanen eller ved å setje krav til innhald, oppbygging og/eller språk. Oppgåvene kan òg definere mottakar, formål og/eller medium. Å velje oppgåve Ifølgje læreplanen skal eleven ha lese og analysert eit breitt spekter av tekstar i ulike sjangrar og medium, på bokmål og nynorsk. Til eksamen er det å velje teksttype ein del av kompetansen eleven viser. Eleven skal, ved hjelp av kunnskap om språk og tekst, kunne velje kva for type tekst, eller sjanger, som er best eigna for oppgåvene. Eleven skal Eksamensrettleiing 2015: norsk hovudmål og norsk sidemål etter 10. trinn Side 6 av 12
kunne planleggje, utforme og omarbeide eigne tekstar og tilpasse dei til mottakar, formål og medium, jf. kompetansemål etter 10. trinn. Vurdering av samla kompetanse Det er bestillingane i oppgåvene som er styrande for korleis sensor skal vurdere eleven sitt eksamenssvar. Det er viktig at eleven svarer på både del A og del B, og på alle delar av oppgåvene. Sensor skal ikkje vekte oppgåver eller delferdigheiter og skal vere open for at eleven viser kompetanse på andre område enn forventa. Sensor skal vurdere samla kompetanse slik han kjem fram i eksamenssvaret, jf. forskrift til opplæringslova 3-25 og 4-18. Hovudmål/sidemål, bokmål/nynorsk Kompetansemåla i læreplanen er felles for hovudmål og sidemål i sluttvurderinga etter 10. trinn. Det er derfor ingen fagleg nivåforskjell mellom eksamen i hovudmål og sidemål, eller i vurderinga av desse. For eksamen 2015 gjeld rettskrivingsnormalen for nynorsk av 2012. Når ein elev har skrive eksamen i sidemål på hovudmålet sitt, skal eksamenssvaret vurderast til lågaste karakter. Bruk av tidlegare gitte eksamensoppgåver og eksamenssvar Utdanningsdirektoratet har publisert materiell til bruk i førebuinga til eksamen og som grunnlag for diskusjonar om vurdering av eksamensvar. Dette finn du på www.udir.no under: Vurdering Eksamen grunnskole Før eksamen. Her finn du eksempeloppgåvene frå hausten 2013 og eksamensoppgåver frå tre år tilbake. På same staden finn du autentiske elevsvar med grunngjeving for karakterar frå eksamen 2014: Eksamensbesvarelser med begrunnelse for karakteren. 4.3 Førehandssensur Formålet med ein førehandssensur er å støtte opp om den sentrale sensuren og sikre ein rettferdig sensur. Førehandssensuren i norsk blir utført av oppmenn; erfarne sensorar frå heile landet. Dersom det viser seg at enkelte oppgåver har vore vanskelege å vurdere, vil førehandssensuren gi informasjon om dette. Førehandssensuren i norsk finn stad torsdag 28. og fredag 29. mai 2015. Resultatet av førehandssensuren blir publisert 29. mai kl. 14.00 på Utdanningsdirektoratets nettsider: www.udir.no. Føringane i førehandssensuren er retningsgivande for sensor. 5 Kjenneteikn på måloppnåing Kjenneteikn på måloppnåing skal vere til hjelp for sensor i å definere kvaliteten på eit eksamenssvar. Ved å nytte kjenneteikn på måloppnåing kan sensor danne seg eit bilete av den kompetansen som blir vist til eksamen. Oppgåvene skal ikkje vektast. Karakteren skal setjast ut frå samla kompetanse, slik han kjem fram i eksamenssvaret. Eksamensrettleiing 2015: norsk hovudmål og norsk sidemål etter 10. trinn Side 7 av 12
Kjenneteikn på måloppnåing, s. 9 10 i denne eksamensrettleiinga, gjeld for sentralt gitt skriftleg eksamen i norsk hovudmål og i norsk sidemål etter 10. trinn. Matrisa omtalar ikkje kompetanse for kvar enkelt oppgåve eller oppgåvesvar, men beskriv samla kompetanse for eksamenssvaret. Beskrivingane skal bidra til ei felles forståing av krava til vurdering av eksamen og til ei rettferdig vurdering. Kjenneteikn på måloppnåing til eksamen er beskrivne innanfor tre nivå i forhold til kompetansemåla. Karakteren 1 éin -- er ikkje omtala. Lengd er ikkje definert som ein isolert kompetanse. Oversikta over kjenneteikn i vurderingsmatrisa må ikkje oppfattast som uttømmande, og sensor må nytte rettleiingsmateriell og profesjonelt skjønn for å vurdere kompetansen slik han kjem fram i kvart enkelt eksamenssvar. Sensor skal nytte den vedlagde matrisa med kjenneteikn på måloppnåing i vurderinga av eksamen i norsk etter 10. trinn. Sensor skal ha ei positiv vurderarhaldning og sjå etter kva for kompetanse eleven viser, jf. beskrivingar av kompetanse i matrisa. Eleven skal til eksamen vise kompetanse etter 10. trinn, og alt eleven leverer som ein del av eksamenssvaret sitt, skal vurderast som ein del av sluttkompetansen. Karakteren 1 skal brukast i dei tilfella der eksamenssvaret som heilskap viser svært låg kompetanse i faget, eller der eksamenssvaret som heilskap fell heilt utanfor oppgåvene som er gitte. Vurderingsskjema Vurderingsskjemaet er til bruk for sensor i vurderingsarbeidet. Skjemaet er publisert som ei word-fil på same nettadresse som eksamensrettleiinga slik at sensorar som ønskjer det, kan bruke skjemaet digitalt. Eksamensrettleiing 2015: norsk hovudmål og norsk sidemål etter 10. trinn Side 8 av 12
Kjenneteikn på måloppnåing for sentralt gitt skriftleg eksamen 2015, norsk hovudmål og norsk sidemål etter 10. trinn Hovudområde Beskrivingar i forskrifta av karakterane Karakteren 2 uttrykkjer at eleven har låg kompetanse i faget. Karakteren 3 uttrykkjer at eleven har nokså god kompetanse i faget. Karakteren 4 uttrykkjer at eleven har god kompetanse i faget. Karakteren 5 uttrykkjer at eleven har mykje god kompetanse i faget. Karakteren 6 uttrykkjer at eleven har framifrå kompetanse i faget. Førsteinntrykk kommuniserer til ein viss grad som svar på oppgåvene kommuniserer som svar på oppgåvene kommuniserer tydeleg og presist som svar på oppgåvene Skriftleg kommunikasjon og Språk, litteratur og kultur Innhald og ev. bruk av kjelder Oppbygging har innhald som til ein viss grad er svar på oppgåvene viser noko tekstforståing viser noko fagleg kunnskap har innhald med ei viss utvikling viser bruk av kjelder når oppgåvene ber om det har ein viss tematisk samanheng og formål har ein enkel struktur inneheld skrivehandlingar som fortel, informerer, beskriv, reflekterer, argumenterer og/eller grunngir til ein viss grad tilpassa teksttype og formålet med tekstane har innhald som er svar på oppgåvene viser tekstforståing viser fagleg kunnskap har eit utvikla innhald viser bruk av relevante kjelder har tematisk samanheng og etter måten eit klart formål har klar form og struktur inneheld skrivehandlingar som fortel, informerer, beskriv, reflekterer, argumenterer og/eller grunngir stort sett tilpassa teksttype og formålet med tekstane har innhald som er relevante svar på oppgåvene viser relevant tekstforståing viser god fagleg kunnskap har eit innhald med perspektiv og tydeleg utvikling viser sjølvstendig bruk av relevante kjelder har tydeleg tematisk samanheng og eit klart formål har klar og formålstenleg ytre form og indre struktur inneheld skrivehandlingar som fortel, informerer, beskriv, reflekterer, argumenterer og/eller grunngir godt tilpassa teksttype og formålet med tekstane Eksamensrettleiiing 2015: norsk hovudmål og norsk sidemål etter 10. trinn Side 9 av 12
Kjenneteikn på måloppnåing for sentralt gitt skriftleg eksamen 2015, norsk hovudmål og norsk sidemål etter 10. trinn Skriftleg kommunikasjon og Språk og stil har forståeleg språkføring stort sett tilpassa innhald, formål, mottakar og medium har innslag av fagspråk og språklege verkemiddel har eit enkelt eller lite variert ordforråd har forståeleg setningsbygning og enkel tekstbinding har språkføring som stort sett er tilpassa innhald, formål, mottakar og medium viser bruk av fagspråk og ulike språklege verkemiddel har stort sett eit klart og variert ordforråd har variert og stort sett korrekt setningsbygning og tekstbinding har gjennomført og god språkføring tilpassa innhald, formål, mottakar og medium viser relevant bruk av fagspråk og språklege verkemiddel har eit presist og variert ordforråd viser at eleven meistrar variert setningsbygning og ulike former for tekstbinding Språk, litteratur og kultur Formelle ferdigheiter har korrekt ortografi i høgfrekvente ord og teiknsetjing som er nødvendig for kommunikasjonen viser at eleven meistrar dei mest sentrale reglane i formverket viser til einskilde kjelder som er brukte, anten integrert i svaret eller i ei kjeldeliste har stort sett korrekt ortografi og teiknsetjing viser at eleven stort sett meistrar reglane i formverket viser at eleven stort sett kan integrere, referere, sitere og oppgi kjelder som er brukte, på ein etterprøvbar måte har korrekt ortografi og variert og funksjonell teiknsetjing viser at eleven i hovudtrekk meistrar reglane i formverket viser at eleven kan integrere, referere og sitere kjelder som er brukte, på ein etterprøvbar måte Karakteren 1 uttrykkjer at eksamenssvaret viser svært låg måloppnåing, ei lågare måloppnåing enn det som er beskrive ovanfor. Samla vurdering Karakteren 2 uttrykkjer at eleven har låg kompetanse i faget. Karakteren 3 uttrykkjer at eleven har nokså god kompetanse i faget. Karakteren 5 uttrykkjer at eleven har mykje god kompetanse i faget. Karakteren 4 uttrykkjer at eleven har god kompetanse i faget. Karakteren 6 uttrykkjer at eleven har framifrå kompetanse i faget. Eksamensrettleiiing 2015: norsk hovudmål og norsk sidemål etter 10. trinn Side 10 av 12
Vurderingsskjema til sentralt gitt skriftleg eksamen 2015, norsk etter 10. trinn Kandidatnummer Oppgåvenummer og overskrift, del A og del B Kriteria Førsteinntrykk kommunikasjon med mottakar ut frå oppgåvene Beskrivingar av eleven sin kompetanse (sjå matrisa) Innhald og ev. bruk av kjelder svar på oppgåvene tekstforståing fagleg kunnskap innhald ev. kjeldebruk Oppbygging tematisk samanheng struktur relevante skrivemåtar for teksttypen klart formål Språk og stil språkføring i samsvar med innhald, formål, mottakar og medium fagspråk verkemiddel ordforråd setningsbygning tekstbinding Formelle ferdigheiter ortografi teiknsetjing formverk oppgir kjelder dersom kjelder er brukte Oppsummering med forslag til karakter «Svært låg» kompetanse (1) «Låg» kompetanse (2) «Nokså god» (3) «god» kompetanse (4) «Mykje god» (5) «framifrå» kompetanse (6) Eksamensrettleiing 2015: norsk hovudmål og norsk sidemål etter 10. trinn Side 11 av 12
Schweigaards gate 15 Postboks 9359 Grønland 0135 OSLO Telefon 23 30 12 00 www.utdanningsdirektoratet.no