Eksamensrettleiing - om vurdering av eksamenssvar

Transkript

1 Eksamensrettleiing - om vurdering av eksamenssvar 2017 ENG0012 Engelsk Sentralt gitt skriftleg eksamen Nynorsk

2 Eksamensrettleiing for engelsk etter 10. trinn Eksamensrettleiing til sentralt gitt skriftleg eksamen 2017 i ENG0012 for elevar på 10. trinn og deltakarar og privatistar i vaksenopplæringa Denne eksamensrettleiinga gir informasjon om sentralt gitt eksamen og korleis denne eksamenen skal vurderast. Rettleiinga skal vere kjend for elevar, vaksne deltakarar, privatistar, lærarar og føresette i god tid før eksamen. Sensorane må bruke rettleiinga som ei felles referanseramme i arbeidet sitt. Under vil «elevar» bli brukt om både elevar, vaksne deltakarar og privatistar. 1 Organisering av sentralt gitt skriftleg eksamen i engelsk etter 10. trinn Førebuingsdel: Eksamen: 1 dag: torsdag 18. mai 2017, éin dag, frå kl timar: fredag 19. mai 2017, éin dag, frå kl På førebuingsdagen er alle hjelpemiddel tillatne inkludert bruk av Internett. Førebuingsdagen er obligatorisk skoledag. I førebuingstida kan eleven samarbeide, hente informasjon og få rettleiing. Førebuingsmateriellet til eksamen blir berre publisert på nett. For å kunne dra nytte av bilete og lyd bør skolane leggje til rette for at elevane kan arbeide med materiellet digitalt. Førebuingsmateriellet kan òg skrivast ut. Sentralt gitt skriftleg eksamen varer i 5 timar. Oppgåvene blir trykte og sende til skolen i tillegg til at dei blir tilgjengelege i PAS på eksamensdagen. 1.1 Nærmare beskriving av eksamen Praktisk informasjon Topptekst: Botntekst: Font og skriftstorleik: fagkode og kandidatnummer sidetal og totalt sidetal Lesbar font og storleik. Til orientering har Arial, Times New Roman eller Calibri i brødtekster, str. 12 god lesbarheit. Linjeavstand: 1,5 Oppgåvenummer: skal skrivast inn i svaret, f.eks. 2b Førebuing Til eksamen er heile læreplanen til og med 10. trinn aktuell. Det inneber at elevane til eksamen kan prøvast i fleire og relevante delar av læreplanen enn det som kan lesast Eksamensrettleiing ENG0012 til sentralt gitt skriftleg eksamen for elevar og vaksne 2017 Side 2 av 12

3 direkte ut av førebuingsmateriellet. Førebuinga skal bidra til å førebu elevane til eksamen, men ikkje vere så konkret at ho avslører eksamensoppgåvene. Læraren skal rettleie, men ikkje undervise i førebuingstida. Elevane får tilgang til førebuingsmateriellet kl på førebuingsdagen. I førebuingsmateriellet blir tema for årets eksamen kunngjort. I 2017 vil førebuingsmateriellet vere om lag 10 digitale sider, for å gi elevane tid til å arbeide grundig med materiellet og tid til å knyte temaet for eksamen til innhaldet i opplæringa. Førebuingsmateriellet er knytt opp mot tema på ulike måtar og består av ulike typar tekstar med ulik lengd og vanskegrad. Materiellet har universell utforming, og tekstane er òg tilgjengelege med syntetisk tale. Tekstane skal vere til inspirasjon og til bruk som kjelder på eksamensdagen. Eksamensoppgåvene Eksamensoppgåvene er baserte på kompetansemåla i læreplanen for faget. Dei prøver den samla kompetansen til elevane ut frå hovudområda Språklæring, Skriftlig kommunikasjon og Kultur, samfunn og litteratur. Eksamen har to delar. I den første delen blir eleven beden om å skrive to korte tekstar. I den andre delen blir eleven beden om å skrive og utforme ein lengre tekst. Svara skal vere på engelsk. Eleven må disponere tida slik at det blir svart på alle oppgåvene innanfor ramma på 5 timar. Eitt av kortsvara i del 1 (part 1, short answers) har ei oppgåve med utgangspunkt i tekstvedlegg som ikkje er i førebuingsmateriellet. Den vedlagde teksten er innanfor temaet for eksamen. I del 2 (part 2, long answer) skal elevane svare på éi av fire langsvarsoppgåver. Dei er knytte opp mot tekstane i førebuingsmateriellet og opnar i tillegg for å bruke anna relevant materiell som elevane har arbeidd med i opplæringa, slik at elevane får moglegheit til å vise kompetanse. Eleven bestemmer sjølv tittel på teksten i del 2. Kvar oppgåve har ein tekst med spesifikk oppgåveinstruksjon. Oppgåveinstruksjonen skal hjelpe eleven til å velje type tekst og utforme innhaldet i oppgåvesvaret. Oppgåveinstruksjonen er også styrande for korleis sensor skal vurdere svaret. Derfor er det viktig at eleven svarer på alle delane av oppgåveinstruksjonane. Sensor skal vurdere alle delane, men oppgåvene skal ikkje vektast. Når karakteren blir sett, skal sensor vurdere den kompetansen som er vist. Ulike typar tekst og utforming av tekstar I den reviderte læreplanen i engelsk finn ein ikkje lenger omrepet sjanger. I staden bruker ein det vidare omgrepet «type tekst». Hovudområdet Skriftlig kommunikasjon dreier seg om å «skrive engelske tekster i ulike kommunikasjonssituasjoner for å stimulere til skriveglede og opplevelse, og for å forstå og tilegne seg kunnskap. Dette dreier seg også om tilpasning av språket til formål og mottaker, blant annet gjennom å skille mellom formelt og uformelt skriftlig språk». Eksamensrettleiing ENG0012 til sentralt gitt skriftleg eksamen for elevar og vaksne 2017 Side 3 av 12

4 Til eksamen er det å velje type tekst ein del av kompetansen elevane viser. Elevane skal ved hjelp av kunnskap om språk og tekst sjølve kunne velje kva type tekst som er best eigna, bearbeide han og tilpasse han til formålet med teksten. Sensor skal derfor vere open for elevens val av type tekst ut frå oppgåveinstruksjonen. Hovudområdet Skriftlig kommunikasjon «omfatter også å skape struktur og sammenheng i tekster». Til eksamen er det å utforme tekstar ein del av kompetansen elevane viser i tråd med kompetansemålet «bruke digitale verktøy og formkrav for informasjonsbehandling, tekstproduksjon og kommunikasjon». Digitale formkrav er definerte i læreplanen i teksten om «Digitale ferdigheter». Det inneber «at effekter, bilder, tabeller, overskrifter og punkter er satt sammen for å understreke og formidle et budskap.» Å utforme tekstar i i tråd med digitale formkrav er også ein del av den kompetansen elevane viser til eksamen. Derfor blir verbet «create» brukt i oppgåveinstruksjonen i del 2 (part 2, long answer). 2 Hjelpemiddel På eksamen i engelsk er alle hjelpemiddel tillatne, bortsett frå Internett og andre verktøy som kan brukast til kommunikasjon. For engelsk, som for andre språkfag, er heller ikkje omsetjingsprogram tillatne. Ved bruk av nettbaserte hjelpemiddel til eksamen, er det viktig å kontrollere at elevane ikkje kan kommunisere med andre (dvs. samskriving, chat, alle moglegheiter for å utveksle informasjon med andre) under eksamen. Gjennom opplæringa i det enkelte faget skal elevane ha blitt rettleidde i å vurdere kva for hjelpemiddel dei vil ha nytte av i arbeidet med å løyse ulike typar oppgåver. Det er eleven sjølv, gjerne i samråd med læraren, som finn fram til kva for hjelpemiddel som er formålstenlege. 3 Bruk av kjelder Dersom det er aktuelt for eleven å bruke kjelder i svaret, må desse førast opp på ein påliteleg måte. Eleven skal føre opp forfattar og fullstendig tittel på alle kjelder som er brukte. Dersom eleven bruker utskrift eller sitat frå nettsider, skal han/ho føre opp nøyaktig nettadresse og nedlastingsdato. Det finst ulike måtar å føre opp kjelder på. Kjelder som blir brukte til eksamen, skal førast opp på ein slik måte at lesaren kan finne fram til dei. Les meir om usjølvstendig bruk av kjelder her: Eksamensrettleiing ENG0012 til sentralt gitt skriftleg eksamen for elevar og vaksne 2017 Side 4 av 12

5 Dersom sensor mistenkjer at eit svar inneheld kopiert materiell utan kjeldetilvising, kan svaret sendast til plagiatkontroll. 3.1 Bruk av kjelder i engelsk Den reviderte læreplanen i engelsk seier at eleven skal kunne «bruke forskjellige kilder som grunnlag for skriving» og «velge ulike digitale resurser og andre hjelpemidler, og bruke dem på en selvstendig måte». Sensor skal både vurdere måten kjeldene er brukte på og om kjeldene er påliteleg førte opp i elevsvaret. Kjeldeopplysningane i førebuingsmateriellet viser korleis elevane kan gi opp kjelder. Svar som heilt viser seg å vere kopi av tidlegare publisert materiell, vil bli vurdert til lågaste karakter. 4 Vurdering av eksamenssvar i engelsk etter 10. trinn Læreplanane og forskrift til opplæringslova er grunndokument for vurderingsarbeidet. Til eksamen er heile læreplanen for faget aktuell. Forskrift til opplæringslova 3-25 og 4-18 slår fast følgjande: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Kompetanse er i denne samanhengen definert som evna til å møte ei kompleks utfordring eller utføre ein kompleks aktivitet eller oppgåve 1. Eksamensoppgåvene blir utforma slik at dei prøver denne kompetansen. Grunnlaget for å vurdere den kompetansen eleven viser i eksamenssvaret, er kompetansemåla i læreplanen for fag 2. Dei grunnleggjande ferdigheitene er integrerte i kompetansemåla i læreplanane for fag. Grunnleggjande ferdigheiter vil derfor prøvast indirekte til sentralt gitt eksamen. Sensor skal vurdere kompetansen slik han kjem fram på eksamen, jf. forskrift til opplæringslova 3-25 og 4-18 Eksamenssvaret blir vurdert av to eksterne sensorar. Dersom desse to er ueinige, avgjer ein oppmann karakteren, jf og 4.21 i forskrift til opplæringslova. 4.1 Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: 1 St.meld. nr. 30 ( ) Kultur for læring 2 Forskrift til opplæringslova 3-3 og 4-3 Eksamensrettleiing ENG0012 til sentralt gitt skriftleg eksamen for elevar og vaksne 2017 Side 5 av 12

6 a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. Kjenneteikn på måloppnåing i eksamensrettleiinga beskriv elevens kompetanse på tre nivå. Beskrivingane skal bidra til ei felles forståing av krava til vurdering og til ei rettferdig vurdering. 4.2 Fagspesifikke underpunkt Vurdering av kompetanse Det er instruksen i oppgåvene som er styrande for korleis sensor skal vurdere innhald, struktur og språk i elevsvaret. Derfor er det viktig at eleven svarer på alle oppgåvene og alle delane av oppgåveinstruksjonane. Dersom eleven berre har svart på delar av oppgåveinstruksjonane, må sensor vurdere den kompetansen som blir vist i det som er levert. Eleven blir beden om å skrive to korte tekster til eksamen, oppgåve 1a og 1b, og ein lengre tekst, der dei vel mellom 2a-d til eksamen. Kvar oppgåve prøver ulike kompetansemål i læreplanen. For å få eit førsteinntrykk av svaret bør sensor først lese gjennom den samla tekstproduksjonen til eleven, før kvar del blir vurdert med tanke på innhald, struktur og språk. Til slutt blir det sett ein karakter som viser kompetansen som kjem fram i eksamenssvaret. Sensor skal ikkje vekte oppgåvesvara, men vurdere kompetansen slik han kjem fram på eksamen når karakteren blir sett, jf. forskrift til opplæringslova 3-25 og Kompetansen blir vurdert med utgangspunkt i læreplanen, eksamensrettleiinga og vurderingsmatrisa. Innhald, struktur og språk Tekstforståing kan komme til uttrykk både som direkte svar på oppgåver knytte til førebuingsmateriellet, og/eller gjennom at eleven bruker denne forståinga i utforminga av eigne tekstar. I eit godt svar kommuniserer tekstane. Det vil seie at tekstane er tilpassa kommunikasjonssituasjonen dei skal fungere i, i tillegg til å ha eit relevant innhald, klar struktur og eit funksjonelt språk. Eksamensrettleiing ENG0012 til sentralt gitt skriftleg eksamen for elevar og vaksne 2017 Side 6 av 12

7 Det vil alltid vere diskusjon om kva som er eit funksjonelt språk i engelsk. Språket er i endring og har mange variantar. Sensor må vurdere i kva grad språket er med på å formidle innhaldet, eller om det kjem i vegen for det eleven ønskjer å gi uttrykk for. Ordbøker Mange skolar nyttar nettbaserte ordbøker i opplæringa. Skolane kan sjølve velje å la elevane nytte nettbaserte førebuingsdelar, læringsressursar, oppslagsverk og/eller ordbøker også under eksamen. Dette gjeld berre dersom skolane er i stand til å isolere dei aktuelle IP-adressene. Dette er nærmare omtalt på Utdanningsdirektoratets nettsider. Ei viktig presisering er at skolen framleis har ansvar for å sikre at regelverket for hjelpemiddelbruk til eksamen blir følgt, og at kandiatane ikkje har tilgang til Internett, omsetjingsprogram eller kommunikasjon med andre på sjølve eksamen! Bruk av tidlegare gitte eksamensoppgåver og eksamenssvar med grunngiving for karakteren Utdanningsdirektoratet har publisert materiell til bruk i førebuing til eksamen og som grunnlag for diskusjonar om vurdering av eksamenssvar. Dette finn du på under: Vurdering Eksamen grunnskole Før eksamen. Her finn du eksamensoppgåver frå tre år tilbake. På same stad finn du autentiske elevsvar med grunngiving for karakterar frå eksamen 2014: Eksamenssvar med grunngiving for karakteren. 4.3 Førehandssensur Formålet med ein førehandssensur er å støtte opp om den sentrale sensuren og sikre ein rettferdig sensur. Førehandssensuren i engelsk blir gjord av oppmenn som er erfarne sensorar frå heile landet. Dersom det viser seg at enkelte oppgåver blir oppfatta som vanskelege å vurdere, vil førehandssensuren gi informasjon om dette. Førehandssensuren skal vere 30. og 31. mai, og dersom det er kommentarar frå førehandssensuren, blir desse publiserte 31. mai kl på Utdanningsdirektoratets nettsider: Føringane i førehandssensuren er retningsgivande for sensor. 5 Kjenneteikn på måloppnåing Kjenneteikn på måloppnåing kan utformast som ei meir utfyllande beskriving eller samlast i ei kortfatta matrise. Vurderingsmatrisa har beskrivingar av kjenneteikn på måloppnåing til sentralt gitt skriftleg eksamen i engelsk etter 10. trinn. Vurderingsmatrisa beskriv kjenneteikn på måloppnåing innanfor tre nivå med utgangspunkt i kompetansemåla. Kjenneteikna beskriv nærmare kva for eksempel «nokså god til god kompetanse» i faget vil seie for eit eksamenssvar på dette nivået. Eksamensrettleiing ENG0012 til sentralt gitt skriftleg eksamen for elevar og vaksne 2017 Side 7 av 12

8 Oversikta over kjenneteikn i vurderingsmatrisa må ikkje oppfattast som uttømmande, og sensor må bruke rettleiingsmateriellet og profesjonelt skjønn for å vurdere elevens kompetanse slik han kjem fram i kvart enkelt svar. Beskrivingane skal bidra til ei felles forståing av krava til eksamen og til ei meir rettferdig vurdering. Sensor skal bruke vurderingsmatrisa med kjenneteikn på måloppnåing i si vurdering av elevsvara til eksamen. Alt eleven leverer, skal vurderast som ein del av elevens kompetanse. Kjenneteikna er til hjelp for sensor i å definere kvaliteten på elevsvaret. Ved å bruke kjenneteikn på måloppnåing kan sensor danne seg eit bilete av den samla kompetansen til eleven, slik han kjem fram i eksamenssvaret. Karakteren 1 skal brukast i dei tilfella der oppgåvesvaret som heilskap viser svært låg kompetanse i faget. Svara på dette nivået er oftast svært korte og held seg ikkje eller i svært avgrensa grad til oppgåveinstruksjonane. Svara viser ofte at eleven manglar språk for å svare på oppgåvene. Svar som heilt viser seg å vere kopi av tidlegare publisert materiell, vil bli vurderte til karakter 1. Eksamensrettleiing ENG0012 til sentralt gitt skriftleg eksamen for elevar og vaksne 2017 Side 8 av 12

9 Kjenneteikn på måloppnåing ENG0012 ved sentralt gitt skriftleg eksamen Generelle karakterbeskrivingar Karakteren 2 uttrykjer at eleven har låg kompetanse Karakter 3 uttrykkjer at eleven har nokså god kompetanse Karakter 4 uttrykkjer at eleven har god kompetanse Karakter 5 uttrykkjer at eleven har mykje god kompetanse Karakter 6 uttrykkjer at eleven har framifrå kompetanse Hovudområde/ Kompetanse Eksamenssvaret Eksamenssvaret Eksamenssvaret Språklæring Skriftleg kommunikasjon har enkelt tekstinnhald og er til ein viss grad i samsvar med krav i oppgåva viser noko fagleg kunnskap har stor sett relevant tekstinnhald og er i samsvar med krav i oppgåva viser fagleg kunnskap har relevant tekstinnhald og sjølvstendige refleksjonar som viser god forståing for krav og omfang i oppgåva viser god fagleg kunnskap Kultur, samfunn og litteratur inneheld noko informasjon frå kjende tekstar og emne beskriv noko av hovudinnhaldet eller enkelte detaljar inneheld informasjon frå ulike typar tekstar og emne beskriv stort sett hovudinnhald og detaljar inneheld relevant informasjon frå ulike typar tekstar og emne beskriv hovudinnhald og detaljar vurderer noko av innhaldet og gir enkelte eksempel vurderer innhald og underbyggjer i nokon grad argument og eksempel vurderer innhald og grunngir svar med argument og eksempel har kjeldetilvisingar for enkelte av kjeldene som er brukte har kjeldetilvisingar for kjelder som er brukte har etterprøvbar kjeldetilvising for kjeldene som er brukte Eksamensrettleiing ENG0012 til sentralt gitt skriftleg eksamen for elevar og vaksne 2017 Side 9 av 12

10 Tekststruktur er til ein viss grad tilpassa til formål, mottakar og digitale formkrav ut frå oppgåveinstruksjonen er stort sett tilpassa til formål, mottakar, og digitale formkrav ut frå oppgåveinstruksjonen er tilpassa til formål, mottakar og digitale formkrav ut frå oppgåveinstruksjonen inneheld enkle mønster for tekstbygging og er utforma med forståeleg struktur og samanheng har enkel tekstbinding på setningsog/eller tekstnivå inneheld grunnleggjande mønster for tekstbygging og er utforma med struktur og samanheng har ulike former for tekstbinding som stort sett framhevar innhald og lesbarheit på setnings- og tekstnivå inneheld sentrale situasjonstilpassa mønster for tekstbygging og er utforma med god struktur og samanheng har formålstenlege former for tekstbinding som framhevar innhald og aukar lesbarheita på setnings- og tekstnivå Språk viser eit enkelt ordforråd og enkelte faglege omgrep om enkelte emne viser eit dekkjande ordforråd om ulike emne og nokre faglege omgrep viser eit generelt ordforråd og faglege omgrep i forskjellige emne viser ein viss grad av korrekt rettskriving og teiknsetjing som gjer teksten forståeleg viser stort sett sentrale mønster for rettskriving og teiknsetjing viser sentrale mønster for rettskriving og teiknsetjing viser enkle mønster for ordbøying og setningsbygning viser stort sett sentrale mønster for ordbøying og setningsbygning viser sentrale mønster for ordbøying og setningsbygning Karakteren 1 uttrykkjer at svaret viser lågare måloppnåing enn det som står over her Eksamensrettleiing ENG0012 til sentralt gitt skriftleg eksamen for elevar og vaksne 2017 Side 10 av 12

11 Vurderingsskjema VURDERINGSSKJEMA I ENG0012 FOR TASK 1a, 1b og 2. Kompetanse Grunngiving Skriftleg kommunikasjon Språk Tekststruktur Språklæring Skriftleg kommunikasjon Kultur, samfunn og litteratur Innhald Kompetanse og ytterlegare kommentarar Eksamensrettleiing ENG0012 til sentralt gitt skriftleg eksamen for elevar og vaksne 2017 Side 11 av 12

12 Schweigaards gate 15 Postboks 9359 Grønland 0135 OSLO Telefon