rundskriv nr. 13/19 Frå: Utdanningsavdelinga Til: Dei vidaregåande skolane i Møre og Romsdal Dato: Ref: 04.07.2019 78166/2019/062 - Hovedinntaket 2019/2020 Hovedinntaket til vidaregåande opplæring er no klart. Det er berre søkarar med ungdomsrett som har fått tilbod i 1. inntaket. Alle søkarar med fullføringsrett, vaksenrett eller ikkje-rett står på venteliste. Inntaks- og ventelistene er tilgjengelege for skolane på Vigo Skole: https://www.vigo.no/vigor/servlet/main?cmd=login. Listene må skrivast ut i Excelformat frå denne sida. Ta lista ut frå menupunkt Inntaksliste. Da får de med all informasjon. Søkarane får i kveld eller i morgon 5.juli svar på kva tilbod dei har fått på vigo.no, og dei skal svare JA/-eller NEI på tilbodet på same staden. Alle søkarane som har lagt inn mobiltelefonnummer og e-post på søknaden sin får i dag ein SMS og ein e-post med opplysning om at inntaket er kjørt. Dei får melding om at dei kan logge seg på vigo.no for å få inntaksstatusen sin eller dei kan ringe oss på 71280150 for å få tilbod og registrere svar. Søkarar med norsk fødsels- og personnummer må bruke ID-porten (MinID, BankID) for å kome seg inn på vigo.no for å svare på tilbod. Svarfrist er 12.juli. Det blir ikkje sendt ut svartkort, men det blir sendt ut purremelding på SMS og e-post 11.juli til alle søkarar. Dei som ikkje svarer innan fristen mister plassen sin. Vidaresøking Også i år har vi kjørt vidaresøking av ungdomsrettselevar som søker til Vg2 og Vg3, som ikkje har fått tilbod på noko av det dei har sett opp på søknaden sin. Vidaresøkinga er til andre skolar med ledige plassar som har det/dei tilboda dei har sett opp på søknaden sin. Dette har vi gjort for at flest mogeleg skal få eit tilbod om skoleplass ved første gongs inntak. Koder på inntaks- og ventelistene Skole og tilbodsinformasjon Dei øvste linjene viser skolenummer, utdanningsprogram/programområde og nummer/kode og kva type rett dei har: U=ungdomsrett, I=ikkje rett, F=fullføringsrett, V=vaksenrett. Rettpb, forklarer om søkar har rett til påbygging etter yrkeskompetanse eller ikkje med verdi J (ja) og N (nei). Refnr, viser til det referansenummeret som søkaren har på inntaksprogrammet VIGO. Postadresse: Postboks 2500, 6404 Molde Besøksadresse: Julsundvegen 9 Telefon: 71 28 03 67 Telefaks: e-post: post@mrfylke.no www.mrfylke.no
Fødselsnr. viser fødselsdato og personnummer (11 siffer). Vidare kjem namn, adresse og telefonnummer. Frå skole og frå pr.område Viser avgjevarskolen og avgjevarkurset søkaren går ut i frå skoleåret 2018/2019. 1. Til dømes er ein elev som dette skoleåret går ut frå restaurant og matfag Vg1 ved Kristiansund videregående skole, merka med skolenamn Kristiansund vgs og RMRMF1---- er utdanningsprogramkoden til Restaurant og matfag vg1 2. Avgangselevar frå grunnskolen har til dømes skolenamn Åndalsnes ungdomsskole og GSGSK0---- er koden for grunnskolen. Morsmål Dette er ein kode som viser kva morsmål dei minoritetsspråklege søkarane har. Vedtakskode Dette er vedtakskode for søkarar med behov for særskilt tilrettelegging FS= Fortrinn særskilt utdanningsprogram jf. forskrift 6-15 FF= Fortrinn sterkt nedsett funksjonsevne jf. forskrift 6-17 (Vg1) og 6-30 (Vg2 og Vg3) FT= Fortrinn opplæring i teiknspråk jf. forskrift 6-18 FU= Fortrinn utvida tid, har vedtak om utdanningsprogram over to år jf. forskrift 6-19 (Vg1) eller 6-32 (Vg2 eller Vg3). SM= Spesialundervisning, manglar vurdering med karakter jf. forskrift 6-22 (Vg1) SG= Spesialundervisning, manglar vurdering med karakter jf. forskrift 6-36 (Vg2 eller Vg3) Fr.språk i grsk Framandspråk eller språkleg fordjupning i grunnskolen. For dei fleste elevane i fylket er det enten TY for tysk eller FR for fransk eller SP for spansk eller FE for fordjupning i engelsk. Fr.språk Ønska framandspråk på Vg1 studieførebuande tilbod. 1 2 3 4 5 6 7 8 9 10 Dette er internkodefelt som vi på Utdanningsavdelinga har definert sjølv. Nokre er til interne oversikter for oss, og dei som er nemnt her er viktig informasjon til skolane.: U i første posisjon tyder at søkaren har vedlagt skjema for minoritetsspråklege søkarar T i fjerde posisjon er ein søkar som melder om vanske som skolen bør vite om skoleåret 2019/2020. Søkaren har sendt B-skjema med hake i pkt. A R i sjuande posisjon er reservert plass, pga oppfølging av barnevern, i behandlingsopplegg eller mindreårig asylsøkar Q i sjette posisjon er ein søkar som har meldt behov for spesialundervisning, men som skal konkurrere på karakterpoeng. Desse har sendt inn B-skjema med hake for pkt. B, eller kan vere overført frå A-skjema.
Ønskenr Kva ønskenummer dette utdanningsprogrammet/programområdet er på søknaden. OBS! Søkarar som har ønske nr. 90 er vidaresøkt i inntaket. Vedtakskode(ønske) O: Ordinær søkar T: Søkar som er tatt inn i fortrinnsinntaket i mars/april Totalpoeng Søkarar frå Møre og Romsdal får 300 fylkespoeng i utgangspunktet. Karakterpoeng kjem i tillegg. Det blir ikkje gitt tilleggspoeng for yrkespraksis, skole eller alder. Søkarar som er sikra skoleplass av utdanningsavdelinga har 900 poeng i tillegg til karakterpoeng. Dette kan for eksempel vere søkarar som har fått vedtak om permisjon eller som har hatt opplæring i utlandet som dei har fått godkjent (utvekslingselevar). Dei som frå før har yrkes- eller studiekompetanse blir trekt 200 fylkespoeng. Dette blir gjort for at vi skal få rett rekkefølgje på søkarane jf. 6-45 i forskrift til opplæringslova. Søkarar som har sendt inn søknad etter søknadsfristen er trekt 100 poeng. Tilbodsdato Datoen for når søkaren fekk tilbod i inntaket. Venteliste m/inntaksinfo I høgre rubrikk på ventelistene står skole- og utdanningsprogram/programområdekode søkarar på venteliste ligg inne med tilbod på. Dersom det står blankt i denne rubrikken har ikkje søkaren fått noko tilbod enno. Ver merksam på at vi på nokre utdanningsprogram har solgt plassar til andre fylker. De vil ikkje finne desse søkarane på inntakslista. Merknader til ventelistene Søkarane er i inntaket prioritert på denne måten: 1. Søkarar med Ungdomsrett (U) 2. Søkarar med Fullføringsrett eller Vaksenrett er likestilt i inntaket det er poengsummen som avgjer (V og F) 3. Søkarar med Ikkje-rett (I) Ventelistene er sortert slik at det er reelle ventelistenummer. Ventelistene for alle rettstypane vert difor å sjå på som ei samla venteliste. Vi har nesten berre sett av plassar til søkarar med ungdomsrett ved 1. gongs inntak, då det i første omgang er dei som har ein juridisk rett til ein plass. Vi må sikre oss at alle søkarar med ungdomsrett har fått plass før vi kan frigje plassar til andre. Sjølv om det ser ut som det ikkje er fleire søkarar med ungdomsrett som står på venteliste ved dykkar skole, kan det vere at det står søkarar med ungdomsrett på vent på andre skular, som vi må plassere før vi kan ta inn søkarar med Fullføringsrett/Vaksenrett/Ikkje rett. Alle plassane på PBPBY4YK- - Vg4 påbygging til generell studiekompetanse etter yrkeskompetanse er reservert for Ikkje-rettssøkarar, då alle dei som søker dette tilbodet ikkje skal ha rett til vidaregåande opplæring. Det er eit krav at dei har bestått tre-årig
yrkeskompetanse eller fagbrev for å kunne søke, eller at dei skal ta fagprøve i løpet av sommaren/hausten. Utdanningsavdelinga gjer ingen endringar på søknaden etter at 1. inntak er kjørt Vi kjem ikkje til å gjere endringar på søknader mellom 1. og 2. gongs inntak, utan at det er noko som må rettast opp som følgje av saksbehandlingsfeil frå vår side. Vi veit av erfaring at det også kan dukke opp ting som krev endring på søknadane, som følgje av til dømes sakkyndig uttale frå barnevernstenesta eller klage på karakterar. Alle søkarar som tek kontakt for å endre søknadane sine, blir bedt om å ta kontakt med den skolen dei vil gå på, for å bli sett opp på skolen si eiga venteliste. Eigne ventelister ved skolane Skolen skal setje opp eigne ventelister for søkarar som vender seg til skolen etter 1. inntaket. Men skolen skal først og fremst halde seg til ventelistene som kjem frå utdanningsavdelinga. Sjølv om det ikkje står fleire på ventelistene som kjem frå utdanningsavdelinga, så kan ikkje skolane ta inn frå eigne ventelister før vi har gitt klarsignal etter 2. gongs inntak. Når det blir opna for at skolen kan ta inn frå eigne ventelister, så må de ta inn dei med ungdomsrett først. Dei med ungdomsrett på eigne ventelister kan gå framfor dei som har vaksenrett eller ikkje-rett, men ikkje framfor dei med fullføringsrett. Skolen må sjølv forsikre seg om at søkarar som står på eigne ventelister er kvalifisert til inntak. Ver merksam på at det er ekstra inntakskrav for minoritetsspråklege søkarar, og ta gjerne kontakt med utdanningsavdelinga dersom de er i tvil om at søkaren er kvalifisert (f.ek. manglar karakterar frå sitt heimland, manglar opphaldsløyve). Det kan i år som tidlegare år bli behov for justeringar av kapasiteten før 2. inntaket. Det er trongt om plassen på Vg1 ved dei fleste skolane. Det er også trongt om plassen på ein del vg2 innan yrkesfaga. Melding om 2. gongs inntak vil kome til søkjarane ca. 2. august, med svarfrist 5. august. Søkarar med B-skjema: Når det gjeld dei søkarane som ikkje fyller krava til å bli tatt inn med fortrinnsrett, men som har meldt at dei har spesialundervisning inneverande år, så skal desse ha sendt inn eit B- skjema. Desse søkarane er rangert saman med dei andre søkarar. Desse vil de finne på inntaks- og ventelistene merka med internkode Q i sjette posisjon. Skolen som søkaren har som 1. ønske skal ha fått B-skjema. Det er viktig at skolen følgjer rutinane for å ta imot desse elevane og få kartlagt behov for tilrettelegging eller spesialundervisning. Dei søkarane som ikkje har hatt spesialundervisning og som berre har ein vanske dei vil melde om til skolen, har også sendt inn eit B-skjema. Desse er i inntakslistene merka med internkode T i fjerde posisjon. Etter at vi har kjørt 2. inntak, så vil vi gå gjennom listene og ettersende B-skjema dersom det er søkarar som er tatt inn på anna skolen enn den dei har som 1. ønske.
Med helsing Geir Løkhaug seksjonsleiar Cecilie Buaas rådgivar Dokumentet er elektronisk godkjent og krever derfor ikke signatur Gjenpart: Fylkesrådmannen Fylkesordføraren Lærarorganisasjonane Utdanningsutvalet Yrkesopplæringsnemnda