NYE RUTINAR I SAMBAND MED INNTAK TIL VIDAREGÅANDE OPPLÆRING 1.FEBRUAR.

Transkript

1 NYE RUTINAR I SAMBAND MED INNTAK TIL VIDAREGÅANDE OPPLÆRING 1.FEBRUAR. Det er kome ny forskrift til Opplæringslova kap 6. «Inntak til vidaregåande opplæring» som gjeld frå Dette inneber mellom anna ny melding og nye fristar i samband med inntak til vidaregåande skule med frist 1.februar. I samband med ny forskrift er det og kome eit krav om at kvar enkelt fylkeskommune skal ha ei lokal forskrift som regulerer inntaket til vidaregåande opplæring. Sogn og Fjordane fylkeskommune har sett i gong eit arbeid med dette og har laga slik framdriftsplan for arbeidet: Vinter 2014: Arbeid med lokale retningslinjer Vår 2014: Utsending til høyring Sommar/haust 2014: Ferdigstilling av saka, utsending av saka Handsaming i fagopplæringsnemnda Handsaming i hovudutval for opplæring Handsaming i fylkestinget Uavhengig av dette er det viktig å merke seg at lova tok til å gjelde frå Difor har ein alt no gjort nokre endringar i høve innsøkingsrutinane fram mot skuleåret Desse fylgjer nedanfor: SØKNAD OM RETT TIL SPESIALUNDERVISNING Elevar som skal søkje om spesialundervisning innan 1. februar er nemnt i dei ulike søkjargruppene nedananfor. Ein skal søkje på vigo.no. Ein må her hugse å kryssa av for at ein har sendt inn vedleggskjema 1. I tillegg skal alle som søkjer om spesialundervisning etter 5.1 i opplæringslova legge ved vedleggskjema 1. Papirsøknadane skal sendast direkte til opplæringsavdelinga. Opplæringsavdelinga vil distribuere søknadene til rett skule når inntaket er ferdig. Elevane kan elles søkje om spesialundervisning etter skulestart, i samarbeid med skulen. KVEN KAN SØKE OM INNTAK 1.FEBRUAR? Hovudregelen i søknad om inntak til vidaregåande skule er at alle søkjer og konkkurerar seg inn i vidaregåande opplæring på poeng. Dei som søkjer om inntak med rettar til spesialundervisning, 5.1 i opplæringslova, skal som hovudregel søkje ordinært på lik linje med alle andre søkjarar. Men dei skal i tillegg legge ved

2 vedleggskjema 1 og ei sakkunnig uttale frå PPT som gir dei ei tilråding om rett til spesialundervisning. Her søkjer ein altså om to ting, både skuleplass og om retten til spesialundervisning. Når det gjeld skuleplassen vil desse elevane no konkurrere seg inn på lik linje med alle andre søkjarar i ordinærinntaket. Når det gjeld retten til spesialundervisning vil søkjarane få melding om dette medio mai. Ikkje alle har dei same føresetnadene for å bli tekne inn i den vidaregåande skulen med utgangspunkt i karakterpoeng. Nokre søkjarar har fortrinnsrett etter visse vilkår i opplæringslova, og tevlar ikkje om plass ut frå oppnådd poengsum. Det fins og søkjarar som skal takast inn etter individuell behandling. Søknadsfristen for desse søkjargruppene er 1. februar. Vi kan dele desse søkjarane til 1.februar i tre grupper (sjå forskrift til opplæringslova 6-8): 1. Søkjarar med fortrinnsrett 2. Søkjarar til individuell behandling 3. Minoritetsspråklege søkjarar som har enkeltvedtak om særskild språkopplæring og søkjarar som er nyleg komne til Noreg Alle som skal søkje til vidaregåande opplæringa med frist 1. februar skal registrere søknaden sin på vigo.no og i tillegg sende papirskjema til inntakskontoret. Sogn og Fjordane fylkeskommune har laga tre søknadsskjema for dei tre ulike søkjargruppene. Alle søkjarar må føre opp tre utdanningsprogram i søknaden (sjå 6-9 i forskrifta til opplæringslova). Vi gjer merksam på at søkjarar med ungdomsrett har rett til inntak på eitt av tre valde utdanningsprogram, men ikkje til ein bestemt skule. Skuleplassering kan ikkje påklagast (sjå forskrift til opplæringslova 6-10). 1.Søkjarar med fortrinnsrett. I denne gruppa er det fire søknadskategoriar: A. Fortrinnsrett til eit særskilt utdanningsprogram på Vg1 (sjå opplæringslova 3-1 sjette ledd og forskrift til opplæringslova 6-15 Det er to vilkår som må vere oppfylte for å kunne søkje med denne fortrinnsretten: 1. Omfattande behov for spesialundervisning Når ein skal vurdere behovet, skal ein sjå på: innhald, omfang og organisering i spesialundervisninga, og kva type kompetanse som trengs i opplæringa. 2. Særleg behov for inntak til eit særskilt utdanningsprogram Inntak til eit særskilt utdanningsprogram skal kunne betra søkjaren sin sjanse for fullføring med yrkes- eller studiekompetanse. Inntak etter denne fortrinnsretten krev ei sakkunnig vurdering etter 6-16 i forskrifta. Det er Pedagogisk Psykologisk Teneste (PPT) som er sakkunnig instans. Søkjar har rett til inntak til det bestemte utdanningsprogrammet på Vg1 dersom søkjar har valt på grunnlag av, og i samsvar med den sakkunnige vurderinga.

3 Saksgang i innsøkinga: Skulen skal melde søkjarane til opplæringsavdelinga innan 6. desember 2013 for skuleåret 2014/2015. Frist for dei kommande åra blir 1. oktober. Opplæringsavdelinga skal vurdere om søkjaren oppfyller vilkåra etter 6-15 i forskrift. Dersom søkjaren oppfyller vilkåra, skal opplæringsavdelinga sende søknaden vidare til PPT for sakkunnig vurdering. Dersom søkjaren ikkje oppfyller vilkåra, skal opplæringsavdelinga sende skriftleg melding til skulen, og overføre søknaden til rett type inntak (t.d. etter 6-22, 6-25 i forskrifta, eller til ordinært inntak). PPT skriv sakkunnig vurdering etter 6-16 for dei som oppfyller vilkåra Søkjaren må søkje på vigo.no og i tillegg sende vedleggskjema 1 innan 1. februar. Vedlegg til vedleggskjema 1: - Sakkunnig vurdering frå PPT etter 6-16 i forskrifta - Enkeltvedtak om spesialundervisning etter opplæringslova Sakkunnig vurdering frå PPT om rett til spesialundervisning etter opplæringslova 5-1, ikkje eldre enn 3 år - Siste IOP - Karakterutskrift Søkjarar i denne gruppa får vedtak om inntak før det ordinære inntaket, i siste halvdel av mai. Alle i denne gruppa må også søkje om spesialundervisning på vedleggskjema 1 innan 1.februar. B. Sterkt nedsett funksjonsevne etter forskrift til opplæringslova 6-17 (Vg1) eller 6-30 (Vg2/Vg3) Denne fortrinnsretten gir søkjarar som treng omfattande tilrettelegging på vidaregåande skule høve til å søkje på ein skule som er særskilt tilrettelagt. For denne gruppa er organisering av opplæringa viktigare enn val av utdanningsprogram. Merk at søkjaren ikkje har rett til inntak på ein bestemt skule. Det er fire vilkår som må vere oppfylt for å kunne søkje med denne fortrinnsretten: 1. Vedtak om spesialundervisning 2. Sterkt nedsett funksjonsevne 3. Må på grunn av den sterkt nedsette funksjonsevna ha eit særleg behov for å gå på ein skule som er særskilt tilrettelagt 4. Må ha dokumentasjon av dei særlege behova til søkjaren. Det er ikkje behov for ny, eiga sakkunnig vurdering om inntaket til vidaregåande skule for denne gruppa søkjarar. Innsøking for søkjarar til Vg1: Skulen skal melde søkjarane til Opplæringsavdelinga innan 6.desember 2013 for skuleåret 2014/2015. Frist for dei kommande åra blir 1. oktober (etter 6-17 til VG1). Søkjaren må registrere søknaden på vigo.no og sende papirskjema innan 1. februar. Vedlegg til vedleggskjema 1: - Enkeltvedtak om spesialundervisning etter opplæringslova Sakkunnig vurdering frå PPT om rett til spesialundervisning etter opplæringslova 5-1, ikkje eldre enn 3 år - Siste IOP - Karakterutskrift

4 Søkjarane har rett til inntak til eit av tre utdanningsprogram. Vedtak om inntak kjem i siste halvdel av mai. Alle søkjarar i denne gruppa må også søkje om spesialundervisning på vedleggskjema 1 innan 1.februar. C. Fortrinnsrett for søkjarar med rett til opplæring i eller på teiknspråk etter opplæringslova 3-9, og forskrift til opplæringslova 6-40 (sjå forskrift 6-18 og 6-31) Ungdom med teiknspråk som førstespråk og med rett til opplæring i eller på teiknspråk etter opplæringslova 3-9 kan søkje om inntak til eit teiknspråkleg miljø. Ein kan søkje på ein knutepunktskule (sjå 6-40 til 6-43 i forskrifta), eller om opplæring med tolk på ein ordinær vidaregåande skule (sjå forskrift 6-18). Søkjar har rett til eit av tre valde utdanningsprogram. I Sogn og Fjordane er retten til opplæring i og på teiknspråk gjeldande i alle skular, men og til dei utdanningsprogramma som knutepunktskulen Nordahl Grieg vidaregåande skule gir. Denne skulen ligg i Bergen, Hordaland. Søknaden krev sakkunnig vurdering etter 6-41 i forskrifta. Det er PPT som er sakkunnig instans. Skulen gir melding om søkjarar etter 3-9 til opplæringsavdelinga innan 1.februar 2014, og PPT skal ha utarbeidd ei sakkunnig vurdering dersom vilkåra for inntak til knutepunktskule er oppfylte (sjå forskrift 6-40 og 6-18). Søkjar må føre opp i søknaden om han eller ho ønskjer vidaregåande opplæring på ein knutepunktskule, eller på ein ordinær vidaregåande skule med tolk. Søkjaren må ha valt i samsvar med den sakkunnige vurderinga. Saksgang i innsøkinga: Skulen skal melde søkjarane til opplæringsavdelinga innan 1.februar for skuleåret 2014/2015. Frist for dei kommande åra blir 1. oktober. Vedlegg til meldinga: - sakkunnig vurdering etter 2-6 i opplæringslova - karakterutskrift Opplæringsavdelinga sender tilmelding til PPT for sakkunnig vurdering etter forskrift 6-41 Søkjaren må registrere søknaden på vigo.no og sende vedleggskjema 1 med vedlegg innan 1. februar Vedlegg til vedleggskjema 1 : - sakkunnig vurdering i samsvar med forskrift karakterutskrift - evt. enkeltvedtak om spesialundervisning etter 5-1 og IOP Butilbod med sosial-pedagogisk oppfølging. Elevar som søkjer inntak etter 3-9 og som må flytte heimanfrå for å kunne gå på knutepunktskulen, Nordahl Grieg vidaregåande skule i Bergen, kan søkje om tilrettelagt butilbod (sjå forskrift 19-5). Det må då gjerast greie for på vedleggskjema 1 under punktet andre opplysningar.

5 Vedlegg til papirskjema ved søknad om butilbod: - sakkunnig vurdering om behov for butilbod - eigenuttale om behov for butilbod Hørslehemma søkjarar til Vg1 utan rett etter 3-9. Hørslehemma elevar som ikkje har teiknspråk som førstespråk, men som på grunn av hørslehemminga likevel har behov for opplæring på ein knutepunktskule, Nordahl Grieg vidaregåande skule, kan søkje inntak etter individuell vurdering (sjå 6-25). Vedlegg til papirskjema: - fråsegn frå søkjaren om bakgrunn for søknaden og vidare skulegang - audiogram - evt. anna relevant dokumentasjon D. Fortrinnsrett for søkjarar med vedtak om utvida tid etter opplæringslova 3-1, 5. ledd (sjå 6-19 eller 6-32 i forskrifta) Elevar som har rett til spesialundervisning etter opplæringslova 5-1, har rett til vidaregåande opplæring i inntil to år ekstra dersom eleven treng det for å nå opplæringsmåla. I rundskriv frå U-dir står det at det er to vilkår for rett til utvida tid: 1. At eleven har rett til spesialundervisning, og at det ligg føre ei sakkunnig vurdering av eleven sine særlege behov for opplæring utover tre år (sjå opplæringslova kap. 5). 2. Eleven må ha behov for meir tid i vidaregåande opplæring for å nå opplæringsmåla som er fastsett i IOP. Kravet er at eleven må ha utbytte av meir vidaregåande opplæring. Den sakkunnige vurderinga skal ta stilling til om eleven vil ha utbytte av utvida tid for å nå opplæringsmåla. Retten gjeld også elevar som har rett til opplæring i og på teiknspråk etter opplæringslova 3-9, eller rett til opplæring i punktskrift etter opplæringslova For desse elevgruppene gjeld ikkje kravet om å oppfylle vilkåra for spesialundervisning. 2. Søknad om individuell behandling. Forskrift til opplæringslova kapittel 6 identifiserer nokre søkjarar som ikkje kan konkurrere med karakterar i inntaket. Ein skal ikkje rekne ut poeng, men inntaket skal skje ut i frå ei individuell behandling (sjå forskrift til opplæringslova 6-22 til 6-26). I denne gruppa er det tre søknadskategoriar: A. Søkjarar til Vg1 som har rett til spesialundervisning og manglar vurdering med karakter i meir enn halvparten av faga (sjå forskrift til opplæringslova 6-22) Vilkår for denne søknadskategorien er vedtak om spesialundervisning etter 5-1 i opplæringslova. Vedlegg til vedleggskjema 1: - Siste sakkunnig vurdering frå PPT, ikkje eldre enn 3 år - Siste enkeltvedtak om spesialundervisning

6 - Siste IOP - Fråsegn frå avgjevarskule om bakgrunn for søknaden og vidare skulegang - Karakterutskrift Alle søkjarar i denne gruppa må også søkje om spesialundervisning på vedleggskjema 1 innan 1.februar. B. Søkjarar som av andre særlege grunnar må behandlast individuelt (sjå forskrift til opplæringslova 6-25 for Vg1 eller 6-38 for Vg2/Vg3) Dette gjeld søkjarar som av andre særlege og tungtvegande grunnar må behandlast individuelt, og at søkjar har eit særleg behov for å bli behandla individuelt. Dette kan gjelde elevar som har ein kronisk sjukdom, eller av andre særlege grunnar ikkje har fått karakterar det siste året. Hørslehemma elevar som ikkje søkjer inntak etter 3-9 i opplæringslova, men som har behov for teknisk tilrettelegging og nytte av tolk i knutepunktskule eller ein samarbeidsskule kan søkje i denne kategorien. Dersom ein søkjer til Vg2/vg3 må ein fortsetje på utdanningsprogrammet som bygger på fullført Vg1/Vg2. Desse søkjarane skal og nytte vedleggskjema 1 og søknadsfrist er 1 februar. Vedlegg til vedleggskjema 1 og eller vedleggskjema 3: - Fråsegn frå avgjevarskule - Evt. anna relevant dokumentasjon Melding om inntak kjem i samband med det ordinære inntaket i byrjinga av juli. C. Søkjarar til Vg2/Vg3 med enkeltvedtak om spesialundervisning eller planlagd grunnkompetanse (sjå forskrift 6-35) Denne gruppa gjeld elevar som får spesialundervisning og ikkje vurdering med karakter i eitt eller fleire fag, eller som har planlagt eit grunnkompetanseløp. Dei kan takast inn til neste nivå på same utdanningsprogrammet på grunnlag av individuell vurdering og etter ei sakkunnig vurdering. Fylkeskommunen gjer ei heilskapleg vurdering om det er forsvarleg ut i frå faglege føresetnader. Alle skal søkje elektronisk på vigo.no. Grunnkompetanseelevar som skal halde fram på same utdanningsprogram og same skule, må gje beskjed om dette til skulen. Ein treng ikkje sende papirskjema i tillegg til den elektroniske søknaden. Elevane i denne gruppa treng ikkje sende ny søknad om spesialundervisning. Dei som skal bytte skule og ungdommar som ikkje er i vidaregåande skule inneverande år, må i tillegg til elektronisk søknad sende inn vedleggskjema 1. Melding om inntak kjem i samband med det ordinære inntaket i byrjinga av juli. Søkjarar med mål om grunnkompetanse i ordinær klasse/gruppe. Innhaldet i undervisninga vil variere i høve til eleven sine behov og interessefelt. Den vidaregåande opplæringa skal føre fram til studiekompetanse, yrkeskompetanse eller grunnkompetanse (sjå opplæringslova 3-3). Ein del ungdomar vil, av ulike årsaker, vanskeleg kunne nå målet om full studie- eller yrkeskompetanse. Mål om grunnkompetanse betyr at eleven, etter enkeltvedtak om spesialundervisning, får opplæring i einskilde delar av fag/einskilte fag etter gjeldande læreplan. For

7 ein elev som skal ha tilbod om grunnkompetanse skal det utarbeidast individuell opplæringsplan. På den måten skal eleven sikrast eit kvalitativt dokumentert tilrettelagt opplæringstilbod. I kompetansebeviset vil ein sjå kva mål i læreplanen som er gjennomført og bestått. Grunnkompetanse skal kunne leggjast til rette for i alle utdanningsprogram og ved alle skular. 3. Minoritetsspråklege søkjarar med enkeltvedtak om særskild språkopplæring og søkjarar som nyleg er komne til Noreg i oppl.lova. Hovudregelen er at alle søkjarar konkurrerer seg inn på poeng. Minoritetsspråklege søkjarar til Vg1 som har enkeltvedtak om særskild språkopplæring i ungdomsskule eller vidaregåande skule skal søkje 1. februar. Dei av søkarane som i tillegg manglar vurdering med karakter i meir enn halvparten av faga, vil bli tatt inn på individuelt grunnlag (sjå forskrift 6-23). Dette gjeld også dei som ikkje har samanliknbart karaktergrunnlag (sjå forskrift 6-24). Dei med enkeltvedtak om særskild språkopplæring og som har karakterar frå grunnskulen blir tatt inn etter poeng. Vilkår for inntak: -Fullført norsk grunnskuleopplæring eller tilsvarande frå heimlandet (sjå 6-13 i forskrifta). Kan ein ikkje dokumentere grunnskuleopplæring, skal kommunen avklare om søkjaren har realkompetanse som kvalifiserer til inntak til vidaregåande opplæring. Dersom ein ikkje har slik kompetanse er det kommunen som må gje grunnskuleopplæring før eleven kan bli tatt inn til vidaregåande opplæring. -Lovleg opphald i Norge eller søknad om det. Søkjar som oppheld seg i landet i påvente av opphaldsløyve kan takast inn til vidaregåande opplæring, men har ikkje rett til å fullføre skuleåret dersom ein får avslag på søknad om opphaldsløyve. Innsøking til Vg1: -Alle søkjarane med norsk fødsels- og personnummer (11 siffer) skal registrere søknaden sin på vigo.no. Søkjar som ikkje har norsk fødsels- og personnummer registrerer søknaden sin på papirskjema - Alle skal også sende papirskjema innan 1.februar (Vedleggsskjema for minoritetsspråklege.) Vedlegg til søknaden: - Dokumentasjon på opphaldsløyve eller - Kopi av søknad om opphaldsløyve - Dokumentasjon på grunnskuleopplæring omsett til norsk eller engelsk. For søkjarar som går på 10.trinnet noverande år, skal det sendast ei stadfesting frå kommunen om at søkjaren vil fullføre grunnskulen våren Nyleg komne til Noreg: Gjeld dei som er komne til Noreg i løpet av inneverande skuleår. Innsøking til Vg2/Vg3: Det er same krav til inntak som for andre elevar. Søkjarane vil få svar på søknaden sin i samband med det ordinære inntaket i byrjinga av juli.

8 Har de spørsmål kan de kontakte opplæringsavdelinga på tlf / eller via e-post