Nr. 2 11. september 2012 Årgang 39 Godt å vere rusten bil... Ved Husfliden på Oppdal 1
HOLMGANG 2012 Redaktør: Jan Finjord Redaksjonsmedlem: Audun Rosland Holmgang kjem ut med 4 nummer i året, i fall det er stoff nok. Bladpengar for direkte tinging av papirkopi av bladet: Kr. 50.- pr. år. Lysingsprisar: 1/4 side: Kr. 275.- 1/2 side: Kr. 450.- 1/1 side: Kr. 800.- Stoff-frist til nr. 3/2012: Sist i september! I dette nummeret: Framsidebilete v/ j. Innbyding til jubileumsfeiring 2 Leiarteigen 3 Frå Nordlek på Steinkjer 4 Leikavslutninga i vår 6 Vi har elles høyrt at... 6 Leikarringprogram hausten 2012 7 Annonse 8 Dette nummeret av Holmgang er sett med 12pt Helvetica i L A T E X for Ubuntu 11.04 Linux. 2
Leiarteigen Ein sommar er over, og no er det haustleg; det har vel vore mykje haustver i sommar med unntak av dei to siste vekene føre skulen starta att 20. august. Då starta og øvingane i Leikaringen, og fysste tysdagen etter ferien var det mange som fann vegen att til SiddisStova. Stemninga var god, og ein har starta oppladinga til stor fest den 22. september og polskurs same helga. Det er berre å spreie det gode budskap om at no vert det skikkeleg dansefest i BUL når Leikarringen rundar 100 år. Det kan sjå ut som om mange har fått mykje inspirasjon etter ein sommar med festivalar. Dei som reiste til Nordlek i Steinkjer fekk mange gode opplevingar med god dansemusikk og flotte konsertar. Neste år vert det nordisk samling på Grønland, då dei inviterar til Grønleik for fysste gong. Meir omtala annan plass i bladet. Eg høyrde og fleire som har fått med seg andre festivalar og kappleikar rundt om i Norge. Ein kan jo seia: Norge ditt næraste ferieland sjølv om værgudane er lunefulle. Sjølv tok eg ein tur i august og fekk med meg sol og sørland på vegen mellom Sandnes og Oslo. Eg reiste innom blant anna Telemarksmuseet i Skien og fekk samstundes med meg ein jazzkonsert. Denne hausten vil BUL starta nybyrjar kurs allereie fysste veka i September, så det er berre å gje eit hint til venner som vil oppdage ei ny verd gjennom folkedansen. Leikarringen har og sett opp eit variert program for øvingane denne hausten med både bygdedans/songdans øvingar og eit minikurs i Tango (se program annan stad i bladet). Elles vert det søndagsdansar med både Vibå og Jæren frilynde. Hugs og fellesøvingane med Klepp og Sandnes! Seinare på hausten, i november, vert det handverksmesse som vanleg. Eg høyrde ryktar om at alle plassana til utstillarana allereie er tinga! Så då vert julegavehandelen ei enkel sak dette året. Til slutt vil eg minna om Grasrotandelen. Dette kan alle som spelar via Norsk Tipping vera med på; Ein øyremerkar fem prosent av innsaten til laget. Anne Marie Frå Telemarksmuseet (foto: Anne Marie) 3
Frå Nordleik på Steinkjer Opninga av Nordleikfestivalen med konsertar og oppvisingar fekk god kritikk: På opninga kom det dansarar ned frå taket i hallen, reine c-moment då det såg ut som dei dansa på ei line i lufta! Dansarar og barn i opninga imponerte med eit livfullt program, og dette kom til å prega heile festivalprogrammet. Mykje nytt skjedde også på Nordleik i Steinkjer i juli. Nye musikk- og dansegrupper blei presenterte på tevlingar og kappleik innanfor den tradisjonsrike ramma for Nordleik. Steinkjer er innafor det sørsamiske området. Samiske draktar var breitt representert på folkedraktutstillinga Ei av dei nye dansegruppene er Nordic Dance, deltakarane er 4 ungdommar frå kvart nordisk land samt nokre musikarar. Dei dansar og spelar i eit stort program basert på lokale og eigne tradisjonar. Gruppa fekk presentera det nye programmet på Dampsaga kulturhus. Det var eit fyrverkeriliknande arrangement med spenstig dans samansett av tradisjonell og nyskapande dansekunst samt flott bruk av nordisk musikk. Viss nokon vil sjå meir av desse ivrige nordiske ungdommane som både dansar og spelar er det råd å finna på Riksscena i Oslo i oktober! Gruppa Baltic Crossing deltok og med eit liknande arrangement i Steinkjer. Alt i alt blei Nordleik i Steinkjer eit nytt høgdepunkt etter vårt arrangement i år 2000. Truleg er det mange som fekk inspirasjon og traff likesinna som elskar tradisjonsmusikk og fekk delta på Nordleikfestival i Steinkjer, med turar og utstillingar samt kulturarrangement av ulike slag. Mange av BUL-folka koste seg på utflukter, kurs og utstillingar. Me fekk treffa Berit Bjerkem på bunadsutstillinga. Ho hadde dessutan gjort det til leveveg, og inviterte Nordleikdeltakarane på tur til Bjerkem gard, nær Steinkjer. Andre deltok på tur i området i Nord-Trøndelag, der ein av turane gjekk til Inderøya. Eit anna element Noregs Ungdomslag har satsa på er spele- og kappleiksinnslag med dans. Faktisk blei framsyningskapplei- 4
Fingervantar og broderi på bunadsutstyr var blant utstillingsobjekta. Rogaland var representert med vantar frå Suldal, nede til høgre ken ein suksess for første gong nettopp i Steinkjer i 1987, den gongen deltok også BUL Stavanger med dansarar frå leikarringen. Denne gongen vann Klintetten frå Linköping ei av tevlingane med både dansarar og spelefolk. Dansetevlingar og tevling innan tradisjons- og folkemusikk er likevel relativt nytt i Nordleiksamanheng. God breidde i programma samt god aldersspreiing er typisk for Nordleik. Dei aller yngste kan bli med, og oppad for veteranar er det inga aldersgrense. Me møtte mellom anna Gunnar Rødal i Steinkjer, ein levande legende innan instruksjon og danseleiing. Han hadde kurs i munnharpe på ungdomssamlinga i forkant av Nordleik. Gunnar er framleis aktiv i miljøet mange år etter han blei pensjonist etter ein mannsalder som aktiv og fast tilsett i Noregs Ungdomslag med heile landet som arbeidsfelt. Hilmarfestivalen var samarbeidspart med Nordleikarrangementet i Steikjer, ein fast festival i Nord-Trøndelag oppkalla etter den kjente trønderspelemannen, Hilmar Alexandersen. BUL-Steinkjer er ein av dei deltakande organisasjonane i denne festivalen. Ein dansar frå Færøyane og tre av deltakarane frå Grønland på Isleik i 2010. Grønland deltok i år som eigen nasjon og inviterer til Grønland neste år Truleg er det på tide å fornye Nordleik slik at ein familefestival kan markedsføre seg på line med andre festivalar med vekt på musikk og dans; Nordleik er likevel mykje meir: Tradisjonar med draktbruk og handverk samt turar og sosiale arrangent med stor vekt på dans og tradisjonsmusikk. Som nemnt blei arrangementet markandsført breitt både i nye og tradisjonelle media. Nordleik har teke i bruk sosiale media, Facebook og Twitter, for å informera og å senda meldingar. PR og omtale i media var tydeleg i Trønderavisene på førehand. Fototevlinga med presentasjon på nettet gjer at høgdepunkt på festivalen kan delast med mange! Tekst og foto: Audun Velsmakande festivalmat (foto: j.) 5
Frå vårens leikavslutning Båtføreren Arvid klar til avgang fra Sandnes Varm grillmat gjorde godt i det kalde veret Ankomst Lindøy Vi varma oss med litt bryggedans før returen Som bilettekstane fortel: Leikarringens avslutningstur gjekk i år til Lindøy. Dagen var 12. juni, og vi reiste med Arvid Hagas båt. Anne Marie Vi har elles høyrt at... Farkostene ved gjestebrygga på Lindøy SalsaNor arrangerer Cuban Weekender i Siddis-Stova 26.-28. oktober. 6
Leikarringen i BUL program hausten 2012 Månad Dato Type aktivitet Instruktør Styreansv. Kaffiansv. August 21 Øving Anne Lise Magne Styret 28 Øving Anne Marie Berit September 4 Øving Anne Lise Lise m/ Jæren frilynde 9 Søndagsdans arr. Leikarringen. Musikk: Jæren frilynde 11 Øving bygdedans og Dag Jostein John Olaf songdans 18 Fellesøving i BUL Anne Marie Marit Musikk v/ Vibå (Laurdag) 22 Leikarringen 100 år! Fest om kvelden. Fredag og laurdag polskurs med Torill Jørgensen og Rolf Feragen. 25 Øving Anne Lise Magne Oktober 2 Øving m/ Vibå Anne Marie Lise 7 Vibesøndagsdans 9 Øving Anne Lise Berit m/ Jæren frilynde 16 Fellesøving Sandnes kl. 19:30 23 Øving Anne Marie John Olaf 30 Øving bygdedans og Dag Jostein Marit songdans November 6 Øving m/ Vibå Anne Marie Lise 11 Søndagsdans arr. Leikarringen. Musikk: Jæren frilynde 13 Øving Anne Lise Magne 17 Stildansball Klepp Bore samfunnshus kl. 18:00 17-18 Handverksmessa 20 Tangokurs med Odd Sivertsen kl. 20-22 (Torsdag) 22 Fellesøving på Klepp kl. 19:30 27 Kl. 18-20: Tangokurs Odd Vetlesalen Sivertsen Kl. 20: Øving Arvid Berit Desember 2 Vibesøndagsdans 4 Øving Anne Marie Marit 11 Nissefest med Vibå John Olaf Styret 27 Romjulsdans Arr. Vibå Vi øver kvar tysdag i storsalen frå kl. 20:00 til kl. 22:00. Instruktørar: Anne Marie Nerby, Anne Lise Tveitane, Dag Jostein Nordaker, Arvid Haga. Spelemenn: Gaute Hadland og Stig Helgeland Kaffivaktenes oppgave: Lage te og kaffi til pausen. (Er det noe å bite i, er det sjølvsagt kjekt.) Rydde etter pausen, også på kjøkkenet. Moppe golvet i storsalen etter dansen. 7
8