SKODJE KOMMUNE Møteprotokoll Utval: KOMMUNESTYRET Møtestad: Rådhuset Møtedato: 24.06.2014 Tid: 17:00 Møtedeltakere Bjørn Andre Stavset Renate Grande Skodje (t.o.m. sak 34/14) Tone Fylling Erling Johan Ostnes John Ola Røstad Kjell Arve Reiakvam Terje Vadset Leif Glomset Lidvar Giskeødegård Torbjørn Skodjereite Torunn Mølsæter Gunnar Hauge Johan Honningdal Modolf Hareide Kari Grindvik Forfall meldt frå følgjande medlemmer Kjell Haukeberg Terje Sortehaug Reidun Holm Aure Elise Stette Linda Stafset Rolf Stavset Følgjande varamedlemmer møtte Jan Georg Fossheim Frode Reiakvam Ronald Longva Inge Helge Øye Ragnhild Stette Mads Utvik Parti AP AP AP FRP FRP FRP FRP H H H H KRF SP SP V Parti AP FRP KRF SP SP V Parti AP FRP KRF SP SP V 21 voterande. Til stades var òg rådmannen, kommunalsjef helse og omsorg, økonomisjef og politisk sekretær. Sistenmnde førte møteboka.
Ordføraren svarte på grunngjeve spørsmål frå Modolf Hareide om reguleringssak Stavset. Kari Grindvik la fram interpellasjon frå Skodje Venstre: «Håhjem næringsområde kaiområdet og nærområdet rundt». Ordføraren sette fram framlegg om å handsame dette som vedtakssak. Dette vart samrøystes vedteke, og saka vart sett opp som sak 42/14 på saklista. Tone Fylling og Johan Honningdal vart samrøystes valde til å skrive under møteprotokollen. SAKLISTE Sak nr. Arkivsak 31/14 14/1152 GODKJENNING AV INNKALLING OG SAKLISTE 32/14 14/306 KOORDINERANDE EINING MED TILDELINGSANSVAR OG RETNINGSLINJER FOR TILDELING AV TENESTER INNAN HELSE- OG OMSORG 33/14 14/102 UTTALE- ETABLERING AV PRIVAT GRUNNSKULE I SKODJE KOMMUNE 34/14 14/1110 INNFØRING AV EIGEDOMSSKATT I SKODJE KOMMUNE 35/14 14/951 KOMMUNEREFORMA 36/14 14/445 FRAMDRIFT- KOMMUNEPLANARBEID 37/14 14/1129 BUDSJETTREVISJON I/2014 38/14 14/1053 ÅRSMELDING OG ÅRSREKNESKAP 2013 39/14 14/1152 REFERATSAKER 39/14.1 14/1156 INFORMASJON OM ENDRINGAR INNAN TENESTEN VAKSENOPPLÆRING I SKODJE KOMMUNE 40/14 14/1152 GODKJENNING AV PROTOKOLL 41/14 14/444 REGULERINGSPLAN FOR HONNINGDALSVÅGEN - DEL AV GNR.10 BNR.1 OG 28 - GODKJENNING
42/14 HÅHJEM NÆRINGSOMRÅDE 43/14 14/1152 MØTEPLAN FOR 2. HALVÅR 2014
Sak 31/14 GODKJENNING AV INNKALLING OG SAKLISTE Innkalling og sakliste vart samrøystes godkjende. Sak 32/14 KOORDINERANDE EINING MED TILDELINGSANSVAR OG RETNINGSLINJER FOR TILDELING AV TENESTER INNAN HELSE- OG OMSORG Leiar i arbeidsgruppe for koordinerande eining orienterte om arbeidet i gruppa. Kommunalsjef helse og omsorg orienterte. Desse hadde ordet i saka: Torunn Mølsæter, Kari Grindvik, rådmannen, Modolf Hareide, Torbjørn Skodjereite, Ronald Longva, Lidvar Giskeødegård. Torunn Mølsæter sette på vegne av Skodje Høgre fram følgjande framlegg: Saka vert utsett til ein får lagt fram dei reelle økonomiske kostnadane, og kva det konkret vil medføre for einingane at ressursane vert overført til eit administrasjonskontor. Utsetjingsframlegget frå Skodje Høgre fekk 4 røyster og fall. Kari Grindvik sette på vegne av Skodje Venstre fram følgjande framlegg om tillegg til punkt 1 i formannskapets innstilling: Mål for koordinerande eining i Skodje kommune: Å samordne system og tenester for brukarar, slik at den einskilde sjølv kan meistre sitt liv eller gjenopprette funksjonar og eigenmestring i størst mogleg grad Brukarar med behov for koordinerte tenester veit kvar dei skal vende seg for å få hjelp. Brukarar med behov for koordinerte tenester opplever tenestetilbodet som samordna, koordinert og individuelt tilpassa. Brukarar med behov for koordinerte tenester opplever at det vert lagt vekt på brukarmedverknad, og at tiltak og tenester tek utgangspunkt i den einskilde sine ressursar. Det vart halde gruppemøter.
Det vart røysta over formannskapets innstilling punktvis. Punkt 1 i formannskapets innstilling: Det vart røysta over Skodje Venstre sitt framlegg til tillegg til punkt 1: Framlegget frå Skodje Venstre til tillegg til punkt 1 vart vedteke med 15 mot 6 røyster. Punkt 2: Punkt 3: Punkt 4: Formannskapets innstilling vart vedteken med 15 mot 6 røyster. Punkt 5: Punkt 6: Formannskapets innstilling vart vedteken med 15 mot 6 røyster. Punkt 7: Punkt 8: 1. KE skal arbeide etter følgjande visjon: «Koordinerande eining skal sikre at innbyggjarane i Skodje kommune får heilskaplege, fleksible og forutsigbare tenester innan helse- og omsorg» Mål for koordinerande eining i Skodje kommune: Å samordne system og tenester for brukarar, slik at den einskilde sjølv kan meistre sitt liv eller gjenopprette funksjonar og eigenmestring i størst mogleg grad Brukarar med behov for koordinerte tenester veit kvar dei skal vende seg for å få hjelp. Brukarar med behov for koordinerte tenester opplever tenestetilbodet som samordna, koordinert og individuelt tilpassa. Brukarar med behov for koordinerte tenester opplever at det vert lagt vekt på brukarmedverknad, og at tiltak og tenester tek utgangspunkt i den einskilde sine ressursar.
2. KE skal ha følgjande hovudoppgåver: a. Enkeltvedtak i høve praktisk og/eller personleg bistand innan tenestane for heimesjukepleie, heimehjelp, psykisk utviklingshemma, funksjonshemma og psykiatri. Enkeltvedtak i høve omsorgsløn, BPA, tryggleiksalarmar, omsorgsbustad med og utan heildøgnsbemanning, aktivitetskontakt, korttidsplass og langtidsplass ved SOMS og avlasting b. Andre oppgåver som skal ligge til KE er matombringing, syn- og høyrselkontakt, rehabilteringskontakt, behovsavklaring/oppsøkande arbeid, delta i inntaksmøte i høve kommunale bustadar, koordinere tenester internt og eksternt, utpeike koordinator for individuell plan og evt. ansvarsgruppe og koordinere mottak av utskrivingsklare pasientar 3. Det vert oppretta ei overordna samhandlingsgruppe som skal bidra til at dei overordna mål i lov om kommunale helse- og omsorgstenester m.m. 7-3 vert oppfylt. Samhandlingsgruppa har mynde som rådgjevande organ 4. I KE skal det som utgangspunkt vere 2,5 stillingar. Krav til stillinga er at ein har eller erverva seg kompetanse innan helsejus. Uttak av stillingsressurs vert gjort frå einingane som overfører oppgåver til koordinerande eining 5. Det skal etablerast faste møtearena og rutiner for å skape god samhandling både internt og eksternt 6. KE vert lokalisert på rådhuset i nærleik til servicekontoret. Det vert etablert kontorlandskap med til saman 4 arbeidsstasjonar og minimum 1 samtalerom. Investeringskostnad vert inntil kr. 200.000,- og skal dekkast innan gjeldande budsjettramme for 2014. Post: Tilrettelegging for kommunale bygg 7. Arbeidsgruppa skal ferdigstille arbeidet vedrørande retningslinjer for tildeling av tenester og saka skal politisk handamast innan 4. kvartal 2014 8. KE har som mål å opne januar 2015
Sak 33/14 UTTALE- ETABLERING AV PRIVAT GRUNNSKULE I SKODJE KOMMUNE Desse hadde ordet i saka: Kari Grindvik, Gunnar Hauge, Modolf Hareide, Tone Fylling, Torbjørn Skodjereite. Framlegg frå Skodje Venstre og Skodje Høgre: UTTALE: Skodje kommunestyre er positive til at det kan bli gjeve godkjenning til etablering av ein privat grunnskule i Skodje kommune. Visjon om større mangfald og valfridom for å gi elevar og foreldre høve til eit best mogleg undervisningstilbod utifrå deira ønskjer og behov ligg i botnen. Den samla vurderinga er knytt til desse momenta: SAMFUNN Skodje kommune skal vere ei kommune med mangfald, utfordringar og trivsel. Etablering av ein privatskule kan vere eit positivt bidrag til mangfaldet. Skodje kommune har som skuleeigar arbeidd aktivt med utviklingsarbeid for å skape ein felles kultur for læring og utvikling i og mellom skulane våre. Det er utvikla eit felles kvalitetssystem for skule, forankra i kommunestyret, som skal sikre eit likeverdig tilbod til elevane i Skodje. Systemet inneheld felles planverk, satsingsområde, plan for kompetanseheving, samt årshjul for styringsdialog. Ein viktig del av denne satsinga er gode overgangar mellom barnehage og skule og barneskule til ungdomskule. Vi ønskjer at ein privatskule som etablerar seg i vår kommune, vil delta i dette arbeidet. TENESTEMOTTAKAR Innbyggjarane i Skodje får eit alternativ til den offentlege skulen. Dette vil opplevast som positivt for mange. På den andre sida kan ein reduksjon i elevtalet ved andre skular true eksisterande skulestruktur. Dette kan opplevast som negativt for tenestemottakarane ved våre etablerte skular. ØKONOMI Det er sterk politisk vilje i Skodje til å halde på ein desentralisert skulestruktur. Vi har tre barneskular med hhv 236, 88 og 46 elevar, og ein ungdomsskule med 191 elevar. Likevel driv Skodje kommune sine skular med eit utgiftsnivå som er vesentleg lågare enn normativt utgiftsnivå for samanliknbare kommunar. Overføringa frå staten til privatskulen, vil redusere ramma til Skodje kommune, med eit beløp pr. elev som truleg er høgare enn vår kostnad pr. elev. Dette vil kunne ha konsekvensar på det samla tenestetilbodet som kommune yter. Ei etablering av privatskule kan føre til sviktande elevgrunnlag for våre skular. Folketalet er i vekst og det er forventa ein sterk auke i elevtalet i grunnskulen i åra framover. Ei etablering av privatskule i sentrumskrinsen vil kunne vere med å redusere behovet for vidare utbygging av skulane i sentrum, noko som òg kan vere positivt for kommuneøkonomien.
Modolf Hareide sette på vegne av Skodje Senterparti fram følgjande framlegg (rådmannens innstilling): Skodje kommunestyre er bekymra over at det kan bli gjeve godkjenning til etablering av ein privat grunnskule i Skodje kommune. Bakgrunnen for bekymringa er knytt til desse momenta: Skodje kommune driv sine skular med eit utgiftsnivå som er vesentleg lågare enn normativt utgiftsnivå for samanliknbare kommunar. Det er sterk politisk vilje til å halde på ein desentralisert skulestruktur. Dette inneber at vi har tre barneskular med eit elevtal på 236, 191, 88, og 46 per skule. Driftskostnadane per elev i dei to små skulane er vesentleg høgare enn ved den store. Til tross for dette har Skodje ein kostnad per elev som ligg vesentleg under eit normativt utgiftsnivå for ei kommune. Den økonomiske situasjonen til kommunen inneber at utgiftsnivået må ytterlegare ned. Ei etablering av ein privatskule vil føre til eit sviktande elevgrunnlag, og så ved dei to minste skulane, og vil forsterke utfordringa kommunen har med å bevare ein politisk ønska skulestruktur. Skodje kommune har som skuleeigar arbeidd aktivt med utviklingsarbeid for å skape ein felles kultur for læring og utvikling i og mellom skulane våre. Det er utvikla eit felles kvalitetssystem for skule, forankra i kommunestyret, som skal sikre eit likeverdig tilbod til elevane i Skodje. Systemet inneheld felles planverk, satsingsområde, plan for kompetanseheving, samt årshjul for styringsdialog. Ein viktig del av denne satsinga er gode overgangar mellom barnehage og skule og barneskule til ungdomskule. Dersom ein privatskule vert etablert i Skodje kommune vil nokre få elevar verte forfordelt midlar til skulegang framfor andre elevar i kommunen. Dette ser vi som ei forfordeling av den grunn at tilskotet til privatskulen vert direkte overført til skulen med bakgrunn i nasjonale satsar for dette. Satsen vert trekt i rammeoverføringa til Skodje kommune utan at kommunen som skuleeigar har vert med i vurderinga av om dette er ei rett prioritering av vårt samla rammetilskot. Skodje kommune ønskjer sjølv å styre utviklinga i kommunen gjennom lokalpolitiske bestillingar. Denne styringsretten vert svekka ved etablering av ein privatskule i kommunen. Kostnadar knytt til skuleskyss vert auka for Skodje kommune då ei etablering av enn privatskule vil innebere eit utvida opptaksområde. Skodje kommune har ein høg andel elevar med rett til spesialpedagogisk undervisning. Dersom elevar med rett til spesialpedagogisk undervisning vert rekruttert til privatskulen vil dette medføre ei manglande styring av vedtak, samordning og likeverdig tilpassing av tilbodet til elevar i Skodjeskulen. Møre barne- og ungdomskule har planar om å samarbeide med venneforeining om å etablere eit skulefritidstilbod. Dette vil medføre ein nedgang i antall elevar ved SFO. Kostnadsbildet ved skulefritidsordningane syner at små SFO- ordningar har høge kostnadar per elev. Dette bildet kan forsterke seg dersom privatskulen rekrutterer elevar frå Valle og Stette skulekrins Framlegget frå Skodje Senterparti vart sett opp mot framlegget frå Skodje Venstre og Skodje Høgre: Framlegget frå Skodje Senterparti fekk 10 røyster. Framlegget frå Skodje Venstre og Skodje Høgre fekk 11 røyster og vart vedteke.
UTTALE: Skodje kommunestyre er positive til at det kan bli gjeve godkjenning til etablering av ein privat grunnskule i Skodje kommune. Visjon om større mangfald og valfridom for å gi elevar og foreldre høve til eit best mogleg undervisningstilbod utifrå deira ønskjer og behov ligg i botnen. Den samla vurderinga er knytt til desse momenta: SAMFUNN Skodje kommune skal vere ei kommune med mangfald, utfordringar og trivsel. Etablering av ein privatskule kan vere eit positivt bidrag til mangfaldet. Skodje kommune har som skuleeigar arbeidd aktivt med utviklingsarbeid for å skape ein felles kultur for læring og utvikling i og mellom skulane våre. Det er utvikla eit felles kvalitetssystem for skule, forankra i kommunestyret, som skal sikre eit likeverdig tilbod til elevane i Skodje. Systemet inneheld felles planverk, satsingsområde, plan for kompetanseheving, samt årshjul for styringsdialog. Ein viktig del av denne satsinga er gode overgangar mellom barnehage og skule og barneskule til ungdomskule. Vi ønskjer at ein privatskule som etablerar seg i vår kommune, vil delta i dette arbeidet. TENESTEMOTTAKAR Innbyggjarane i Skodje får eit alternativ til den offentlege skulen. Dette vil opplevast som positivt for mange. På den andre sida kan ein reduksjon i elevtalet ved andre skular true eksisterande skulestruktur. Dette kan opplevast som negativt for tenestemottakarane ved våre etablerte skular. ØKONOMI Det er sterk politisk vilje i Skodje til å halde på ein desentralisert skulestruktur. Vi har tre barneskular med hhv 236, 88 og 46 elevar, og ein ungdomsskule med 191 elevar. Likevel driv Skodje kommune sine skular med eit utgiftsnivå som er vesentleg lågare enn normativt utgiftsnivå for samanliknbare kommunar. Overføringa frå staten til privatskulen, vil redusere ramma til Skodje kommune, med eit beløp pr. elev som truleg er høgare enn vår kostnad pr. elev. Dette vil kunne ha konsekvensar på det samla tenestetilbodet som kommune yter. Ei etablering av privatskule kan føre til sviktande elevgrunnlag for våre skular. Folketalet er i vekst og det er forventa ein sterk auke i elevtalet i grunnskulen i åra framover. Ei etablering av privatskule i sentrumskrinsen vil kunne vere med å redusere behovet for vidare utbygging av skulane i sentrum, noko som òg kan vere positivt for kommuneøkonomien.
Sak 34/14 INNFØRING AV EIGEDOMSSKATT I SKODJE KOMMUNE Desse hadde ordet i saka: Kari Grindvik, Lidvar Giskeødegård, Bjørn André Stavset, Modolf Hareide, Inge Øye, Terje Vadset, Torbjørn Skodjereite, Gunnar Hauge, Tone Fylling Lidvar Giskeødegård sette på vegne av Skodje Høgre fram følgjande framlegg til vedtak: Skodje kommune vil ikkje føre inn eigedomsskatt. Denne innføringa er meint til å styrke fond etter tidlegare vedtak, og ikkje er lagt inn i drifta. Innføring og drifting av eigedomsskatt er også ein stor kostnad som kommunestyret vil unngå at innbyggjarane i Skodje får. Utgreiinga er slik den ligg føre altfor einsidig, og har med lite om dei negative følgjene av eigedomsskatten. Terje Vadset sette fram følgjande framlegg til nytt punkt 8: Kommunestyret forventar at rådmannen held fram med omstillingsarbeidet som kommunestyret har vedteke, med samme kraft. Framlegget frå Skodje Høgre vart sett opp mot formannskapets innstilling. Framlegget frå Skodje Høgre fekk 10 røyster. Formannskapets innstilling fekk 11 røyster og vart vedteken. Det vart røysta over framlegget frå Terje Vadset til nytt punkt 8: Framlegget til nytt punkt 8 vart samrøystes vedteke. 1. Skodje kommunestyre vedtek å skrive ut eigedomsskatt på eigedomar i heile kommunen frå og med 2015. Skatteetatens sitt formuesgrunnlag for bustadeigedom skal nyttast som utgangspunkt for utskriving av eigedomsskatt på denne eigedomstypen. 2. Heimel: Heimel for utskriving av eigedomsskatt er Lov om eigedomsskatt til kommunane, 2 og 3. 3. Skattesats og terminar: Eigedomsskatten vert for 2015 utskriven med skattesats 2 promille av fastsett takst. Eigedomsskatten forfell til betaling i 2 terminar, og vert å krevje inn saman med kommunale eigedomsavgifter. 4. Skattetakstnemnd og overskattetakstnemnd Skodje kommunestyre vedtek å opprette skattetakstnemnd og overskattetakstnemnd. Valstyret får i oppdrag å fremje forslag til medlemmer i nemndene. Kvar nemnd med 3 medlemmar og 3 varamedlemmar.
5. Vedtekter: Skattetakstnemnda får - etter konstituering - til oppgåve å legge fram for formannskapet og kommunestyret forslag til vedtekter for skattetakstnemnda og verskattetakstnemnda. 6. Prinsipp og retningsliner for taksering: Skattetakstnemnda utarbeider og legg fram for formannskapet og kommunestyret forslag til bygningar som skal fritakast for eigedomsskatt, samt prinsipp og retningsliner for takseringa av eigedomane. 7. Investerings- og driftsopplegg for eigedomsskatteordninga. Rådmannen får fullmakt til å etablere system for forvaltning av eigedomsskatteordninga innafor ei kostnadsramme på 1.2 mill. 8. Kommunestyret forventar at rådmannen held fram med omstillingsarbeidet som kommunestyret har vedteke, med same kraft. Renate Grande Skodje bad om fritak for resten av møtet. Fritak vart innvilga, og ho gjekk frå. 20 voterande. Sak 35/14 KOMMUNEREFORMA Desse hadde ordet i saka: Modolf Hareide, Leif Glomset, Gunnar Hauge, Kari Grindvik, Lidvar Giskeødegård. Det vart sett fram slikt framlegg til vedtak: Skodje kommunestyre ønskjer å delta aktivt i den regionale debatten kring kommunereforma. Det bør skapast møteplassar som dannar ei felles kunnskapsplattform for eit samla kommunestyre. Økonomiske eller samfunnsmessige analysar utarbeidd sentralt eller lokalt skal framleggjast kommunestyret så snart dei er tilgjengeleg Skodje kommune ønskjer å inkludere alle interesserte kommunar i dialogen om framtidig struktur Skodje kommune ønsker ein debatten om framtidig styringsstykturar i dei nye kommunane som sikrer mangfald og dyrking av fortrinn ved dei ulike geografiske områda i regionen Skodje kommunestyre tek mål av seg om å fatte vedtak om samanslåing hausten 2015 Det vart sett fram framlegg om slikt nytt punkt: Forankring hjå innbyggjarane skal gjerast ved hjelp av informasjon og prosessar. Framlegget, med tilleggsframlegg, vart samrøystes vedteke.
Skodje kommunestyre ønskjer å delta aktivt i den regionale dabatten kring kommunereforma. Det bør skapast møteplassar som dannar ei felles kunnskapsplattform for eit samla kommunestyre. Økonomiske eller samfunnsmessige analysar utarbeidd sentralt eller lokalt skal framleggjast kommunestyret så snart dei er tilgjengeleg Skodje kommune ønskjer å inkludere alle interesserte kommunar i dialogen om framtidig struktur Skodje kommune ønsker ein debatten om framtidig styringsstykturar i dei nye kommunane som sikrer mangfald og dyrking av fortrinn ved dei ulike geografiske områda i regionen Skodje kommunestyre tek mål av seg om å fatte vedtak om samanslåing hausten 2015. Forankring hjå innbyggjarane skal gjerast ved hjelp av informasjon og prosessar. Sak 36/14 FRAMDRIFT- KOMMUNEPLANARBEID Ordføraren orienterte om saka. Skodje kommunestyret tek saka til orientering. Sak 37/14 BUDSJETTREVISJON I/2014 Som grunngitt over så innstiller rådmannen med dette på at gjeldande driftsbudsjett for 2014 vert oppretthalde. Det gjeldande budsjett vert vurdert som realistisk samla sett ut frå den kunnskap ein har om kommunen sin økonomiske situasjon per april.
Sak 38/14 ÅRSMELDING OG ÅRSREKNESKAP 2013 Skodje kommunestyre tek årsmelding 2013 for Skodje kommune til vitande. Skodje kommunestyre godkjenner årsrekneskap for Skodje kommune 2013. Sak 39/14 REFERATSAKER Referatsaka vart teken til vitande. Sak 39/14.1 INFORMASJON OM ENDRINGAR INNAN TENESTEN VAKSENOPPLÆRING I SKODJE KOMMUNE Saka vart teken til vitande.
Sak 40/14 GODKJENNING AV PROTOKOLL Protokoll frå møtet vart samrøystes godkjent. Sak 41/14 REGULERINGSPLAN FOR HONNINGDALSVÅGEN - DEL AV GNR.10 BNR.1 OG 28 - GODKJENNING Det faste planutvalet si innstilling vart samrøystes vedteken, med følgjande korrigering: "... reguleringsplan for Honningdalsvågen..." vert endra til "...reguleringsplan for del av Honningdalsvågen". Kommunestyret vedtek forslag til reguleringsplan for del av Honningdalsvågen del av gnr.10 bnr.1 og 28, slik den ligg føre med plankart, omtale og reguleringsføresegner, datert 05.06.14. Vedtaket er gjort med følgjande endring: Reguleringsføresegnene pkt. 8.1.1, skal ha slik ordlyd: «Utforminga av vegkrysset ved fylkesveg 656 skal vere i samsvar med krav nedfelt i vegnormalen. Statens vegvesen si handbok 017 med rettleiing i handbok 263, før bruksløyve for byggeområdet kan givast» Dette vedtaket kan påklagast til fylkesmannen i Møre og Romsdal innan 3 veker frå meldinga om vedtaket er motteke i samsvar med Forvaltningslova 28. Eventuell klage bør grunngjevast, og skal sendast Skodje kommune, 6260 Skodje, til førebuande handsaming.
Sak 42/14 HÅHJEM NÆRINGSOMRÅDE Desse hadde ordet i saka: Kari Grindvik, Modolf Hareide, Torbjørn Skodjereite, Kari Grindvik sette på vegne av Skodje Venstre fram følgjande framlegg: 1. Skodje kommunestyre ber rådmannen snarast råd sette i gong ein gjennomgang og juridisk vurdering av om det kan gjennomførast tiltak og reguleringar av aktivitet innanfor dagens reguleringsføresegner og gjeldande lover, som gjev føreseielege tilhøve for næringsaktiviteten og fastbuande i området. Under dette også reguleringar av kva tid kaianlegget skal vere ope for aktivitet. 2. Dersom dagens reguleringsplan ikkje gjer dette mogleg, må det snarast igangsettast arbeid for å få endra/rullert reguleringsplanen med tanke på å oppnå akseptable og føreseielege tilhøve. Torbjørn Skodjereite la fram følgjande oversendingsframlegg: 1. Skodje kommunestyre ber rådmannen snarast råd sette i gong ein gjennomgang og juridisk vurdering av om det kan gjennomførast tiltak og reguleringar av aktivitet innanfor dagens reguleringsføresegner og gjeldande lover, som gjev føreseielege tilhøve for næringsaktiviteten og fastbuande i området. Under dette også reguleringar av kva tid kaianlegget skal vere ope for aktivitet. 2. Dersom dagens reguleringsplan ikkje gjer dette mogleg, må det snarast igangsettast arbeid for å få endra/rullert reguleringsplanen med tanke på å oppnå akseptable og føreseielege tilhøve. Oversendingsframlegget frå Torbjørn Skodjereite fekk 7 røyster. Framlegget frå Skodje Venstre fekk 13 røyster og vart vedteke. 1. Skodje kommunestyre ber rådmannen snarast råd sette i gong ein gjennomgang og juridisk vurdering av om det kan gjennomførast tiltak og reguleringar av aktivitet innanfor dagens reguleringsføresegner og gjeldande lover, som gjev føreseielege tilhøve for næringsaktiviteten og fastbuande i området. Under dette også reguleringar av kva tid kaianlegget skal vere ope for aktivitet. 2. Dersom dagens reguleringsplan ikkje gjer dette mogleg, må det snarast igangsettast arbeid for å få endra/rullert reguleringsplanen med tanke på å oppnå akseptable og føreseielege tilhøve.
Sak 43/14 MØTEPLAN FOR 2. HALVÅR 2014 Møteplan for 2. halvår 2014 vart samrøystes vedteken slik den ligg føre. M Ø T E T S L U T T Terje Vadset ordførar Tone Fylling Johan Honnindal Knut Berg politisk sekretær