Rettleiing til RF-1109 Uttak frå norsk område for skattlegging 2018

Rettleiing til RF-1109 Uttak frå norsk område for skattlegging 2018 Fastsett av Skattedirektoratet INNLEIING I skattelova 9-14 er det reglar om skattlegging ved uttak av visse eigedelar og forpliktingar frå norsk skattleggingsområde. Reglane inneber at uttak av eigedelar og forpliktingar frå norsk skattleggingsområde blir rekna for eit innvinningskriterium for gevinst knytt til den aktuelle eigedelen, på linje med realisasjon. Tilsvarande skal uttak frå norsk skattleggingsområde i visse tilfelle inneber at ein reknar eit tap for å ha oppstått. Skattepliktig gevinst eller tap som gjev frådragsrett er differansen mellom ein eigedel sin marknadsverdi og skattemessige verdi på uttakstidspunktet. Skjema RF-1109 Uttak frå norsk område for skattlegging 2018 er delt opp i tre delar. Del I Utrekning av gevinst/tap skal fyllast ut og leverast for uttak som skjer i løpet av inntektsåret 2018. Del II Opplysningar om tidlegare uttekne eigedelar o.a. skal fyllast ut for eigedelar som blei tekne ut av norsk skattleggingsområde i eit tidlegare år med utsett innbetaling av fastsatt skatt. I visse tilfelle kan skattytaren få utsetjing med innbetaling av fastsatt skatt. Det er eit vilkår for vidare utsetjing med innbetaling av skatten at det saman med skattemeldinga for kvart av dei følgjande år etter inntektsåret då uttaket fann stad, vert dokumentert at eigedelen eller forpliktinga er i behald, og kvar skattytaren har den skattemessige bustaden sin. Reglane om skattlegging ved uttak frå norsk skattleggingsområde ble i 2012 endra på fleire punkt. Dei fleste endringane vert gitt med verknad for uttak frå norsk skattleggingsområde frå og med 15. mai 2012. Reglane vert også endra i 2014. Sjå om dette nedanfor under del II.. RF-1110N Objekt som kjem inn under uttaksskatteplikta Følgjande objekta kjem inn under reglane: a) fysiske driftsmiddel som nemnt i skattelov 14-41 første ledd bokstav a og c til j, b) finansielle eigedelar, c) forpliktingar, d) omsetningsgjenstandar, og e) immaterielle eigedelar. For ei nærare skildring av kva for objekt som fell inn under reglane, sjå Skatte- ABC 17/18, emnet Utland uttak av eiendeler fra norsk beskatningsområde. I regelen vil reglane berre gjelde for eigedelar som har tilknyting til verksemder. Unntak gjeld for finansielle eigedelar, der det ikkje er noko krav om tilknyting til verksemd. Kven som kjem inn under uttaksskatteplikta Reglane dekkjer i utgangspunktet alle skattytarar som er skattepliktige for inntekt av verksemd i Noreg, dvs. både personar/selskap o.a. som er busette/heimehøyrande i Noreg og personar/selskap o.a. som er busette/heimehøyrande i utlandet og som er skattepliktige hit etter reglane om avgrensa skatteplikt. Reglane vil òg gjelde for eigedelar o.a. som er tilknytt ei verksemd i utlandet som er skattepliktig til Noreg fordi eigaren er busett/heimehøyrande her. Personar som ved uttaket frå norsk skattleggingsområde blir rekna for å vere busette i Noreg etter skattelova 2-1 første ledd, er ikkje skattepliktige etter skattelova 9-14 ved uttak av finansielle eigedelar, sjå skattelova 9-14 (4). I desse tilfella gjeld reglane i skattelova 10-70 om skatt for personlege aksjonærar ved utflytting. Uttak frå norsk skattleggingsområde Med uttak frå norsk skattleggingsområde meiner ein at ein eigedel eller ei forplikting misser tilknytinga si til norsk skattleggingsområde (utan at eigedelen skiftar eigar), slik at inntekter og kostnader som er knytte til eigedelen ikkje lenger skal takast med ved inntektsskattlegginga i Noreg. Dersom uttaket frå norsk skattleggingsområde samstundes inneber ei form for skattemessig realisasjon, blir eigedelen ikkje rekna for å vere teken ut av norsk skattleggingsområde i denne samanhengen. Det same gjeld der det ligg føre skattepliktig uttak etter skattelova 5-2, ved uttak til eigen bruk eller gåveoverføring. Dersom det er tale om ei forplikting, blir den ikkje rekna for å vere teken ut av norsk skattleggingsområde dersom den blir rekna for å vere realisert ved oppfylling, ettergjeving eller overføring. Døme på uttak frå norsk skattleggingsområde som fell inn under føresegna: 1. Opphøyr av alminneleg skatteplikt som busett/heimehøyrande i Noreg etter skattelova 2-1, 2-2 eller petroleumsskattelova 2, t.d. dersom eit selskap flyttar hovudkontoret sitt til utlandet utan å vidareføre verksemd eller behalde eigedelar her som det gjeld avgrensa skatteplikt til Noreg for. 2. Opphøyr av skatteplikt til Noreg etter ein skatteavtale med ein framand stat. Dette kan vere aktuelt dersom eigaren eller den forplikta i samsvar med ein skatteavtale ikkje blir rekna for å vere busett/heimehøyrande i Noreg. Det har òg funne stad uttak frå norsk skattleggingsområde dersom eigedelen eller forpliktinga blir knytt til ein fast driftsstad i eit land som Noreg har ein skatteavtale med, og skatteavtalen spesifiserer fordelingsmetoden (unntaksmetoden). Derimot vil det ikkje ha funne stad uttak frå norsk skattleggingsområde dersom skatteavtalen spesifiserer kreditmetoden, slik at eigedelen/forpliktinga framleis skal takast med ved skattlegginga i Noreg, jf. skattelova 9-14 (2) andre avsnitt. 3. Opphøyr av avgrensa skatteplikt til Noreg etter skattelova 2-3, ev. etter ein skatteavtale med ein framand stat. Dette kan vere aktuelt dersom eigedelen eller forpliktinga blir flytta frå Noreg til eit anna land. Det kan òg vere

aktuelt dersom skatteavtalen med den aktuelle staten blir endra frå kreditmetoden til fordelingsmetoden, eller dersom det blir inngått ein skatteavtale med landet der fordelingsmetoden gjeld. 4. Dersom ein eigedel/ei forplikting tilhøyrar/kviler på eit NOKUS-selskap, dvs. eit utanlandsk selskap eller ei utanlandsk innretning der deltakarane blir løpande skattlagde for selskapet sitt resultat, jf. skattelova 10-60 flg., blir eigedelen/forpliktinga rekna for å vere teken ut av norsk skattleggingsområde når selskapet eller innretninga ikkje lenger er under norsk kontroll, jf. skattelova 9-14 (2) bokstav c). 5. Særleg om selskap med Uttak frå norsk skattleggingsområde kan for det første skje som følgje av ein disposisjon på selskapets hånd. Eit døme på dette er at eigedel o.a. som er eigd gjennom selskap med mister si tilknyting til norsk skattleggingsområde ved at den vert flytt frå eit land der skatteavtala med landet gir pålegg om kreditmetoden for hindring av dobbelt skattlegging, til eit land der skatteavtala med landet gir pålegg om unntaksmetode. Dette følgjer av skattelova 9-14 andre ledd, 4. punkt bokstav b. Også disposisjonar på deltakarens hånd kan føre til uttak frå norsk skattleggingsområde. Dersom ein deltakar som har skatteplikt etter skattelova 2-1 eller 2-2 før over sin del til ein deltakar som ikkje har slik skatteplikt, vil ein forholdsmessig del av eigedelane eller forpliktingane i selskapet bli tatt ut av norsk skattleggingsområde. Eit døme på dette kan være sal av part i selskap med som driv verksemd i utlandet, eller at selskapsdeltakar eller personleg deltakar flytt ut. Reglane om skattlegging ved uttak frå norsk skattleggingsområde skal også brukast når eigendel eller forplikting på anna måte mister sin tilknyting til norsk skattleggingsområde. Til dømes ved at deltakar trer inn eller ut av eit selskapet med. Eit anna døme er sal av part i eit selskap med som igjen fører til at eigendel eller forplikting vert tatt ut av underliggande selskap med (ved eie i fleire ledd). Det same vil gjelde ved opphøyr av avgrensa skatteplikt for utanlandsk deltakar. Ved utfylling av skjema må det takast omsyn til om uttak skyldast disposisjonar på selskapets hand eller disposisjonar på deltakarens hand. Sjå nærare i rettleiinga til dei einskilde postane. Ein kan ikkje anvende regelen i skattelova 10-41 (3) ledd på den latente gevinsten på den delen av eigedelen som er tatt ut av norsk skatteområde etter skattelova 9-14. 6. Skattelova 9-14 vil òg gjelde ved uttak av eigedelar eller forpliktingar frå norsk skattleggingsområde i samband med grenseoverskridande fisjonar eller fusjonar, og ved utflytting av selskap, jf. skattelova 10-71 og 11-11. Unntak frå uttaksskatteplikt for fysiske driftsmiddel med tilknyting til norsk skattleggingsområde i kortare periodar Fysiske driftsmiddel som ikkje har hatt tilknyting til norsk skattleggingsområde i til saman minst 8 månader i løpet av dei siste 3 åra, rekna frå det tidspunktet då driftsmiddelet miste tilknytinga si til norsk skattleggingsområde, kjem ikkje inn under uttaksskatteplikta etter skattelova 9-14 første ledd. Det same gjeld retten til frådrag for tap. Dersom eigedelen blei skaffa tidlegare enn to år før første gongs inntak til norsk skattleggingsområde, vil reglane om uttaksskatteplikt/frådragsrett likevel gjelde. Sjå FSFIN forskrift 9-14-1 (3). Dei følgjande døma illustrerer regelen: Døme 1: Ein skattytar skaffa seg eit driftsmiddel 1. mars 2017, og driftsmidlet får tilknyting til norsk skattleggingsområde 1. oktober 2017. Driftsmidlet blir teke ut av skattleggingsområdet 1. mai 2018. Driftsmidlet har hatt tilknyting til norsk skattleggingsområde i 7 månader, det vil seie mindre enn 8 månadar, men ettersom det blir teke inn litt over eit år, etter anskaffinga, vil det likevel bli pålagt uttaksskatt. Døme 2: Ein skattytar skaffa seg eit driftsmiddel 1. juni 2016, og driftsmidlet får tilknyting til norsk skattleggingsområde 1. august 2018. Driftsmidlet blir teke ut av skattleggingsområdet 1. desember 2018. Driftsmidlet har hatt tilknyting til norsk skattleggingsområde i 5 månader Side 2 (mindre 8 månadar), og inntaket skjer 2 år og ein månad (meir enn to år) etter anskaffinga. Det vil difor ikkje bli pålagt uttaksskatt. Døme 3: Eit driftsmiddel som blei skaffa i 2011 blir teke inn i og ut av norsk skattleggingsområde i 2016 og 2017. Tilknytingsperioden til Noreg for kvart av dei to åra er tre månader. 8 månaders kravet er ikkje oppfylt ved nokon av uttaka, ettersom den samla tilknytinga til skatteområdet ikkje overstig 8 månader. Men ved eit nytt inntak og uttak i 2018 på to månader vil 8 månaderskravet vere oppfylt, og det skal påleggjast uttaksskatt. Skattepliktig gevinst/ tap som gjev frådragsrett Gevinst og tap blir rekna ut på vanleg måte som differansen mellom utgangsverdien og inngangsverdien. Sjå meir om dette under dei aktuelle postane nedanfor. Reduksjon av gevinst/tap for fysiske driftsmiddel som tidlegare er tekne inn i norsk skattleggingsområde. Reduksjon av gevinst gjeld for driftsmiddel som er teke ut av norsk skattleggingsområde frå og med 15. mai 2012. Reduksjon av tap gjeld for uttak frå skattleggingsområdet frå og med 24. april 2013. Etter FSFIN 9-14-1 (4) ledd skal uttaksgevinsten (eller tapet) for fysiske driftsmiddel som tidlegare er tekne inn i skattleggingsområdet, reduserast forholdsmessig for den delen av skattytaren si eigartid som driftsmiddelet ikkje har hatt tilknyting til norsk skattleggingsområde. Føresegna gjeld berre ved første gongs uttak frå norsk skattleggingsområde. I tilfelle der fleire periodar må teljast med for at 8månaders kravet i FSFIN 9-14- 1 (1) ledd skal vere oppfylt, vil "førstegongsuttak" vere det uttaket der 8-månaders kravet for første gong er oppfylt. Føresegna gjeld ikkje når driftsmiddelet er anskaffa kortare tid enn to år før førstegongsinntaket til Noreg. Ved reduksjonen ser ein på talet på dagar driftsmiddelet har vore innanfor norsk skattleggingsområde samanlikna med det samla talet på dagar som skattytar har eigd driftsmiddelet.

Redusert gevinst/tap ved første gongs uttak vil ein finne ved å gonge talet på dagar driftsmiddelet har vore innanfor norsk skattleggingsområde med den samla gevinsten/tapet ved første uttak. Summen av dette deler ein på den totale eigartida (dagar). Døme: Ein skattytar har anskaffa eit fysisk driftsmiddel 1. mars 2013, som for første gong blir gitt tilknyting til norsk skattleggingsområde 1. oktober 2016. Driftsmiddelet blir teke ut av norsk skattleggingsområde 7. november 2017 med ein gevinst på 100. Driftsmiddelet har hatt tilknyting til norsk skattleggingsområde i 1 år og 1 månad, det vil seie at 8 månadersfristen i FSFIN 9-14-1 (1) ledd er overskriden, og det skal påleggjast uttaksskatt. Samla eigartid for driftsmiddelet fram til første gongs uttak er 1711 dagar. Driftsmiddelet har hatt tilknyting til norsk skattleggingsområde i 585 dagar. Gevinsten som skal takast til inntekt ved første gongs uttak blir difor lik: (585 (dagar)) x (100) 1711 (dagar) Det vil seie at skattepliktig gevinst blir 34. Driftsmiddelet blir teke inn i norsk skattleggingsområde på nytt 1. juni 2018. Inngangsverdien skal no setjast til marknadsverdien på tidspunktet for det nye inntaket. Ved eit eventuelt seinare uttak skal det ikkje utførast reduksjon etter føresegna i FSFIN 9-14-1 (4) ledd. OPPGÅVEPLIKTA Reglane om uttaksskattlegging gjeld berre for gevinstar og tap som overstig eit terskelbeløp. For fysiske driftsmiddel er terskelbeløpet sett til 5 millionar kroner. For andre objekt som kjem inn under reglane (finansielle eigedelar, forpliktingar, omsetningsgjenstandar og immaterielle eigedelar) er terskelbeløpet sett til 1 million kroner. For finansielle eigedelar, forpliktingar, eigedelar er terskelbeløpet knytt opp til samla gevinst og samla tap for alle eigedelane innanfor kvar av desse objektgruppene. Dersom ein både har skattepliktig gevinst og tap som gjev frådragsrett innanfor same inntektsåret, vil nettogevinsten eller nettotapet vere avgjerande. Sjå meir om dette nedanfor under post 140 flg. Terskelbeløpet er ikkje eit botnfrådrag. Som en følgje av det vil nettogevinstar og -tap som overstig terskelbeløpet vere skattepliktige eller gje frådragsrett for heile beløpet. Merk deg at det ligg ei oppgåveplikt på skattytaren sjølv om gevinsten ikkje overstig terskelbeløpet. Ved uttak av mindre eigedelar eller forpliktingar der det er klart at terskelbeløpet ikkje er overskride, vil vi godta at det blir utarbeidd eit eige vedlegg med ei forenkla oversikt over dei eigedelane og forpliktingane som er tekne ut. Oversikta må då spesifisere kva for objekt som er tekne ut (identifisering av eigedelen) og vise utrekninga av den latente gevinsten/det latente tapet. Ved uttak av større eigedelar eller forpliktingar må skjema RF-1109 fyllast ut for kvar einskild eigedel/forplikting som er teken ut av norsk skattleggingsområde. Ved uttak av fleire eigedelar må fleire skjema fyllast ut, og nettogevinst/-tap (for finansielle eigedelar, forpliktingar, eigedelar) blir rekna ut i det siste skjemaet. Der sett inn eit felt for nummerering av skjemaa øvst til høgre i skjemaet. Merk deg at vidare utsetjing med innbetaling av skatten avheng av at det kvart av dei følgjande åra etter skattefastsettingsåret vert opplyst kvar skattytaren har den skattemessige bustaden sin, og at den nemnde eigedelen eller forpliktinga er i behald. Sjå del II i skjemaet, Opplysningar om tidlegare uttekne eigedelar o.a.. For skattytarar som ikkje skal levere skattemelding, er fristen for innlevering av skjema 31. mai. Særleg om selskap med Det er i utgangspunktet selskapet som har plikt til å føre skattepliktig gevinst/frådragsberettiget tap frå RF- 1109 over til i Næringsoppgåva eller RF-1233 "Selskapet si melding over deltakaren si inntekt og formue i selskap med deltakarfastetjing 2018". Er det ikkje gjort av selskapet har deltakaren ein plikt til å fylle ut denne oppgåva. Dei einskilde postane i RF-1109 Uttak frå norsk område for skattlegging 2018 Merk at det skal setjast kryss om uttaket frå norsk skatteområde skyldast at selskapet ikkje lenger skal skattleggjast etter NOKUS-reglane. Ein skal også sette kryss viss same eigedel/forplikting har vore tatt ut av norsk skatteområde tidligare. Del I Utrekning av gevinst/tap Post 101 Her kryssar ein av for kva for kategori eigedelen som er teken ut av norsk skattleggingsområde fell inn under, jf. lista ovanfor. Post 102 Gje ei nærare skildring av eigedelen. T.d. ved uttak av fysiske driftsmiddel, vogntog, buss, maskiner etc. Ved uttak av finansielle eigedelar, t.d. selskapspartar, opsjonar, terminkontraktar etc. Post 103 Eigedelen må identifiserast med namn, registreringsnummer e.l. Ved finansielle eigedelar må ein opplyse type verdipapir, verdipapirklasse/isin-nr. etc. Post 104 Kryss av for saldogruppe ved uttak av fysiske driftsmiddel eller immaterielle eigedelar i form av erverva forretningsverdi. Post 106 Reglane om uttak frå norsk skattleggingsområde gjeld for alle typar finansaktiva, inkludert alle typar finansielle instrument. Ved uttak av slike eigedelar må ein opplyse det utskrivande selskapet sitt organisasjonsnummer under bokstav a). Under b) og c) gjev ein opp høvesvis namnet til det utskrivande selskapet og kvar selskapet høyrer heime. Post 114 Her gjev ein opp tidspunktet då eigedelen blei skaffa. Post 115 Her gjev ein opp korleis ein skaffa seg eigedelen. Post 116 Dersom eigedelen tidlegare har blitt teken inn i norsk skattleggingsområde, må ein gje opp tidspunktet for dette. Side 3

Post 117 Her gjev ein opp tidspunktet for uttaket. Post 118 Her gjev ein opp mottakarstaden for den uttekne eigedelen, dvs. den staten eigedelen får tilknyting til. Post 120 Marknadsverdien på uttakstidspunktet vil vere den verdien objektet har ved omsetning i den aktuelle marknaden. For omsetningsgjenstandar må ein ta omsyn til kva ledd i omsetningskjeda som er relevant. Dersom det ikkje finst nokon kjend marknadsverdi på objektet, må den fastsetjast ved skjønn. Post 121 Kryss av for korleis marknadsverdien er vurdert. Post 122 Ved uttak av fysiske driftsmiddel frå norsk skattleggingsområde skal ev. meiravskrivingar som blei føretekne medan driftsmiddelet var i norsk skattleggingsområde i visse tilfelle tilbakeførast, jf. skattelova 14-64. Ved gevinst- eller tapsutrekninga skal marknadsverdien reduserast med eit ev. tilbakeføringsbeløp etter denne føresegna. Post 123 Utgangsverdien vil vere marknadsverdien etter frådrag for avskriving i samsvar med skattelova 14-64. Dersom skattelova 14-64 ikkje skal brukast, vil post 123 vere same beløpet som i post 120. Post 124 Inngangsverdien blir fastsett etter vanlege reglar og utgjer i utgangspunktet anskaffingsprisen ved anskaffinga, med frådrag for ev. avskrivingar og tillegg for ev. påkostnader. Dersom det gjeld eit driftsmiddel som tidlegare er teke inn i norsk skattleggingsområde, kan det vere fastsett inntaksverdi etter reglane i skattelova 14-61. Denne verdien vil då kome i staden for anskaffingsverdien ved tileigninga. For fysiske driftsmiddel, finansielle eigedelar og forpliktingar som tidlegare er tekne ut av norsk skattleggingsområde og som blir teke inn att i norsk skattleggingsområde, blir inngangsverdien sett til marknadsverdien på tilknytingstidspunktet, jf. sktl 9-14 ellevte ledd. Når det gjeld fastsetjing av inngangsverdi for aksjar, viser vi til Skatte-ABC 18/19, emnet Aksjer realisasjon av aksjer. Dersom tapsavgrensingsregelen i skattelova 19-2 skal brukast, ber vi om at dette blir rekna ut på eit eige ark. Se skjema RF- 1359 Aksjar og fondspartar m.m. 2018, for utrekning. Post 125 Gevinst/tap blir rekna ut som differansen mellom utgangsverdien (post 123) og inngangsverdien (post 124). For fysiske driftsmiddel som ikkje fell inn under regelen om kortvarig tilknyting til norsk skattleggingsområde (sjå nedanfor under post 128), skal beløpet overførast til post 130 når beløpet er over terskelbeløpet på 5 millionar. Dersom gevinsten/tapet går ut over terskelbeløpet på 5 millionar og ein fell innanfor regelen om reduksjon av gevinst/tap for fysiske driftsmiddel som tidlegare er tekne inn i norsk skattleggingsområde, skal gevinsten/tapet overførast til post 127 for utrekning av redusert gevinst/tap. Du finn meir informasjon om desse reglane ovanfor, under overskrifta "Skattepliktig gevinst/tap som gir frådragsrett", Reduksjon av gevinst/tap for fysiske driftsmiddel som tidlegare er tekne inn i norsk skattleggingsområde. For finansielle gjenstandar, forpliktingar, eigedelar skal beløpet overførast til post 140 flg. Merk deg at det skal fyllast ut eit skjema for kvar einskild eigedel som blir teken ut av norsk skattleggingsområde. Terskelbeløpet på 1 million kroner er for desse eigedelane knytt opp mot netto gevinst/tap for alle eigedelane innanfor kvar objektgruppe. Ved uttak av fleire eigedelar må det fyllast ut fleire skjema, og gevinst/tap må overførast til post 140 flg. i det siste skjemaet. Det er sett inn eit felt for nummerering av skjemaa øvst i høgre hjørnet på første side. Post 127 Reduksjon av gevinst for fysiske driftsmiddel som tidlegare er teke inn i skattleggingsområdet. I felt a) fører ein talet på dagar det fysiske driftsmiddelet har hatt tilknyting til norsk skattleggingsområde Til felt b) overfører ein gevinst/tap frå post 125 Side 4 I felt c) fører ein samla eigartid (dagar) fram til første gongs eigartid Summen skal overførast til post 130. Terskelbeløpet på 5 millionar gjeld før reduksjonen etter denne føresegna. Beløpet skal såleis overførast til post 130 sjølv om det etter reduksjonen er lågare enn terskelbeløpet. Post 128 Fysiske driftsmiddel med tilknyting til norsk skattleggingsområde i ein kortare periode er i visse tilfelle unnatekne frå reglane om uttaksskatteplikt i skattelova 9-14 første ledd, sjå ovanfor under overskrifta "Unntak frå uttaksskatteplikt for fysiske driftsmiddel med tilknyting til norsk skattleggingsområde i kortare periodar". I desse tilfella skal gevinst/tap ikkje overførast til post 130 flg. Gje i så fall ei kort forklaring i merknadsfeltet her på kvifor driftsmiddelet er unnateke frå uttaksskatteplikta. Fysiske driftsmiddel Post 130 Skattlegging av gevinst og frådrag for tap vil berre vere aktuelt dersom samla gevinst/tap overstig 5 millionar kroner. Dersom ein fell innanfor reglane om reduksjon av gevinst for fysiske driftsmiddel som tidlegare er tekne inn i skattleggingsområdet, vil det vere gevinst/tap før reduksjon som vil vere avgjerande. Dersom summen overstig terskelbeløpet, vil heile gevinsten vere skattepliktig eller heile tapet gje frådragsrett. Dersom gevinsten er over 5 millionar skal den overførast til post 0675 i Næringsoppgåve 2 (RF-1167), post 7160 i Næringsoppgåve 3 (RF-1170), post 6160 i Næringsoppgåve 4 (RF-1173) eller post 3900 i Næringsoppgåve 1 (RF-1175). Er tapet over 5 millionar skal det overførast til post 0875 i næringsoppgåve 2 (RF-1167), post 7410 i næringsoppgåve 3 (RF-1170), post 6410 i næringsoppgåve 4 (RF- 1173) eller post 7700 i næringsoppgåve 1 (RF-1175) Særleg om selskap med Terskelbeløpet skal målast mot total gevinst/tap på heile driftsmidlet. Dette gjeld sjølv om berre ein forholdsmessig del av driftsmidlet er teke ut og ikkje alle

deltakarane skal skattleggast for uttaket. Merk at uttak frå eit selskap med som skyldast disposisjon gjort av deltakar og kan utløyse uttak frå selskap med ved at ein forholdsmessig del av fysiske driftsmiddel eigd av underliggande selskap med også er teke ut. Sjå nærmare om dette i Skatte ABC 2018/19 "Utland uttak fra norsk beskatningsområde". I slike tilfelle kan gevinst/tap for den enkelte deltakar ligge under 5 millionar kroner. I post 152 skal det skje ei fordeling av gevinst/tap på dei enkelte deltakarane. Merk: Er uttaket skjedd som følgje av ein disposisjon hos ein eller fleire av deltakarane skal resultatet av fordelinga førast direkte i RF-1233 post 1113 og ikkje i næringsoppgåva. disposisjon hos selskapet skal resultatet førast i næringsoppgåva. Sjå nærare om dette i post 152 I visse tilfelle kan skattytar krevje utsetjing med skatteinnbetalinga av den forfalne skatten. Har uttaket funnet sted frå og med 19. juni 2014 skal ein likevel betale inn ein sjuande del av skattebeløpet for kvart inntektsår frå og med uttaksåret. For uttak som har funnet sted før dette tidspunktet, sjå nedanfor under overskrifta; Del II Opplysningar om tidlegare uttekne eigedelar o.a., Uttak frå og med 15. mai 2012 Skattyter som krevjar utsetting av skattebetalinga må betale renter av det fastsette skattebeløp, jf. skattebetalingslova 11-6. Post 135 Ønskjer ein å krevje utsetjing med skatteinnbetalinga skal ein krysse av i dette feltet. Selskap med må gje utfyllande informasjon i post 153. Finansielle eigedelar, forpliktingar, omsetningsgjenstandar og immaterielle eigedelar samla gevinst/tap Post 140 I denne posten fører ein sum gevinst for finansielle eigedelar, forpliktingar, eigedelar som er tekne ut av norsk skattleggingsområde i løpet av inntektsåret. Sjå meir ovanfor under avsnittet Oppgåveplikta. Post 141 Her fører ein sum tap for eigedelar som nemnt ovanfor som er tekne ut av norsk skattleggingsområde i løpet av inntektsåret. Post 142 Skattlegging av gevinst og frådrag for tap vil berre vere aktuelt dersom samla gevinst/tap for eigedelane innanfor kvar av objektgruppene overstig 1 million kroner i løpet av inntektsåret. Dersom summen overstig terskelbeløpet, vil heile gevinsten vere skattepliktig eller heile tapet gje frådragsrett. Dersom gevinsten er over 1 millionar skal gevinsten overførast til post 0675 i Næringsoppgåve 2 (RF-1167), post 7160 i Næringsoppgåve 3 (RF-1170), post 6160 i Næringsoppgåve 4 (RF- 1173) eller post 3900 i Næringsoppgåve 1 (RF-1175). Er det tap og dette er over terskelbeløpet på 1 millionar kroner skal tapet overførast post 0875 i Næringsoppgåve 2 (RF-1167), post 7410 i Næringsoppgåve 3 (RF-1170), post 6410 i Næringsoppgåve 4 (RF- 1173), ev. post 7700 i Næringsoppgåve 1 (RF-1175). Særleg om selskap med Terskelbeløpet skal målast mot total netto gevinst/tap innafor kvar objektsgruppe i selskap med. Dette gjeld også om ikkje alle deltakarane skal skattleggast for uttaket. Ved avhending av part i selskap med som igjen eig underliggande selskap med, vil det også kunne være uttak i det underliggande selskap med. I dei tilfella netto gevinst/tap (100 %) er over terskelbeløpet, vil ein forholdsmessige del av uttaksgevinsten være skattepliktig/frådragsberettiget på den enkelte for deltakaren. Sjå meir om emnet i Skatte- ABC 17/18 "Utland uttak fra norsk beskatningsområde". Gevinst/tap skal fordelast i post 152. Side 5 disposisjon hos ein eller fleire av deltakarane skal resultatet av fordelinga førast direkte i RF-1233 post 1113 og ikkje i næringsoppgåva. I slike tilfelle kan gevinst/tap for den enkelte deltakar ligge under 1 millionar kroner. disposisjon hos selskapet skal resultatet førast i næringsoppgåva som forklart ovanfor. I visse tilfelle kan skattytar krevje utsetjing med skatteinnbetalinga av den forfalne skatten. Skatten skal likevel innbetalast med ein sjuandedel av skattebeløpet for kvart inntektsår frå og med uttaksåret. For eigedelar gjeld dette for uttak frå norsk skatteområde i løpet av 2014.For finansielle eigedelar og forpliktingar gjelde det for uttak som har funnet sted frå og med 19. juni 2014. For uttak av finansielle eigedelar og forpliktingar som har funnet sted før dette tidspunktet, sjå nedanfor under overskrifta; Del II Opplysningar om tidlegare uttekne eigedelar o.a., Uttak frå og med 15. mai 2012 Skattyter som krevjar utsetting av skattebetalinga må betale renter av det fastsette skattebeløp, jf. skattebetalingslova 11-6. Post 145 Ønskjer ein å krevje utsetjing med skatteinnbetalinga skal ein krysse av dette feltet. Selskap med må gje utfyllande informasjon i post 153. Selskap med Post 150 disposisjon hos selskapet skal det kryssast av i dette feltet. Verdiane frå post 130 og post 142 førast over til næringsoppgåva slik rettleiinga til post 130 og 142 viser. Post 151 Her skal ein opplyse om kva hending som har ført til uttak frå norsk skattleggingsområde. Dette kan til dømes skyldast sal av part eller uttak på anna måte. Se døme under "Innleiing", punkt 5. Post 152 Her skal ein fordele gevinst/tap mellom

deltakarane ut frå kva for ein part den enkelte deltakar har. Dette gjeld uavhengig av kva som er årsak til uttaket. Merk at i dei til fellene det er ein disposisjon hos ein av deltakarene som er årsak til uttak skal resultatet av fordelinga førast over til RF 1233 "Selskapet si melding over deltakaren si inntekt og formue i selskap med deltakarfastetjing 2016" post 1113. Se rettleiinga til post 130 og post 142. Post 153 Er det noen av deltakarene som ønskjer utsatt innbetaling av skatt, må ein opplyse om dette her. Dei enkelte deltakarane må da identifiserast med navn. Del II Opplysningar om tidlegare uttekne eigedelar o.a. Dersom det i 2012, 2013, 2014, 2015 2016, 2017 eller 2018 er teke ut eigedelar o.a. frå norsk skattleggingsområde med utsett innbetaling av skatten/frådragsføring av gevinst/tap, må ein fylle ut Del II Opplysningar om tidlegare uttekne eigedelar o.a.. Det er eit vilkår for vidare utsetjing med innbetaling av skatten at det i kvart av dei følgjande inntektsåra etter uttaket blir opplyst kvar skattytaren har den skattemessige bustaden sin, og om eigedelen eller forpliktinga er i behald. Reglane om utsetjing med innbetaling av skatt på eigedelar som er teke ut av norsk skatteområde har blitt endra dei siste åra. Det betyr at reglane er ulike for dei ulike åra uttaket har funnet sted. Uttak frå og med 15. mai 2012 For eigedelar og skyldnader som er teke ut av norsk skattleggingsområde frå og med 15. mai 2012 er skatten som er rekna ut på tidspunktet for uttaket endelig. Ved uttak av fysiske driftsmiddel, finansielle eigedelar og forpliktingar kan skattytar som er busett/heimehøyrande i Norge eller anna EØS-land krevje utsetjing med skattebetalinga av den forfalne skatten. Skattyter som krevjar utsetting av skattebetalinga må betale renter av det fastsette skattebeløp, jf. skattebetalingslova 11-6. Er det ein risiko for at skattekravet med renter ikkje vil bli betalt er det eit vilkår for slik utsetjing er at det stilles sikkerheit for skattebeløpet. Uttak i 2014 Frå 2014 kan ein også krevje utsetting med innbetaling av skatten på gevinstar på omsetningsgjenstandar og immaterielle eigedelar. Ved utsetjing skal skatten likevel innbetalast med ein sjuandedel av det fastsette skattebeløpet for kvart inntektsår frå og med uttaksåret. Dette gjeld både fysiske driftsmiddel. finansielle eigedelar, skyldnader, omsetningsgjenstandar og immaterielle eigedelar. Det må betalast renter av det fastsette skattebeløpet. For finansielle eigedelar og forpliktingar gjeld plikten til innbetaling over syv år for uttak som har funnet sted frå og med 19. juni 2014. Retten til å krevje utsetjing med betalinga gjeld skattytar som er skattepliktig etter skattelova 2-1 eller 2-2 eller heimehøyrande i anna EØSland. Om bortfall av rett til betalingsutsetjing, sjå skattelova 9-14 (10). Del III KREDITFRÅDRAG Frådrag i norsk skatt for gevinstskatt betalt i utlandet Uttak frå norsk skattleggingsområde før 15. mai 2012 Dersom ein gevinst ved realisasjon etter uttaket er skattepliktig til eit anna land, skal det bli gjeve frådrag i endeleg fastsatt norsk uttaksskatt for den skatten som er betalt i utlandet for denne delen av gevinsten, jf. tidligare besemmelse i skattelova 9-14 (11) bokstav c. Det er eit vilkår for kreditfrådrag at den andre staten ikkje gjev kredit for skatt som blir betalt i Noreg. Kreditfrådraget blir rekna ut etter reglane i skattelova 16-20 flg. så langt dei passar. Det er ikkje noko vilkår for kreditfrådrag etter tidligare bestemmelse i skattelova 9-14 (11) bokstav c at kreditfrådraget gjeld skatt av inntekt med kjelde i utlandet, sml. skattelova 16-20 (1) bokstav a. Frådraget er heller ikkje avgrensa av eittårsfristen i skattelova 16-22 (2) første punktum. Kreditfrådraget er avgrensa til skatt av den delen av gevinsten som òg er skattepliktig til Noreg. Frådragsbeløpet kan ikkje overstige den uttaksskatten som er ilagt i Noreg (maksimalt Side 6 kreditfrådrag) for denne delen av gevinsten, jf. skattelova 16-21 (1). Det blir ikkje gjeve kreditfrådrag for skatten i utlandet i skatt til Noreg på anna inntekt enn endeleg utlikna uttaksskatt, jf. sktl. 16-21 (1). Skattytaren må dokumentere at vilkåra for kreditfrådrag er oppfylte. Uttak frå norsk skattleggingsområde frå og med 15. mai 2012 Regelen i skattelova 9-14 (11) bokstav c om frådrag i norsk skatt for skatt betalt til utlandet for gevinst ved faktisk realisasjon, er oppheva for uttak frå norsk skattleggingsområde etter 15. mai 2012. Den norske skatten skal i utgangspunktet ikkje reduserast, sjølv om gevinsten ved realisasjon er skattepliktig til ein annan stat. Skattyter kan etter den nye regelen krevje frådrag i norsk uttaksskatt for gevinstskatt som skattytaren kan påvise at ein faktisk realisasjon ville gitt opphav til i den andre EØS-staten. Skatteverdien av tap må reduserast på same vis som det blir gitt frådrag i skatt på gevinst. Dette følgjer av skattelova 9-14 (7) ledd. Nærmare føresegner om utrekning av den tenkte skatten som skal gi rett til frådrag er gitt i FSFIN 9-14-4. Frådrag i norsk skatt betalt i utlandet av gevinst ved inntak i norsk skattleggingsområde Ved skattlegging av eigedel eller forplikting frå norsk skattleggingsområde blir det gjeve frådrag for utanlandsk skatt på latent gevinst ved eit ev. inntak av den same eigedelen eller forpliktinga til norsk skattleggingsområde etter reglane i skattelova 9-14 (12) som er skildra nedanfor. Frådragsretten gjeld ved uttak av alle typar objekt som kjem inn under reglane om skattlegging ved uttak frå norsk skattleggingsområde, jf. skattelova 9-14 (3). Dette gjeld fysiske driftsmiddel, immaterielle eigedelar, omsetningsgjenstandar, finansielle eigedelar og forpliktingar. Det er eit vilkår for frådrag for utanlandsk skatt at eigedelen eller forpliktinga får tilknyting til ei reelt etablert verksemd eller ein reell økonomisk aktivitet i ein annan EØSstat, jf. skattelova 9-14 (12) tredje punktum. Det blir stilt same krav til reell etablering og reell økonomisk aktivitet i

EØS-staten som ved bruken av fritaksmetoden i skattelova 2-38 (3) bokstav a og i NOKUS-tilfella. Skattytaren må dokumentere at etableringa og den økonomiske aktiviteten i den andre EØS-staten er reell. Det er eit vilkår for kreditfrådrag at den andre staten ikkje gjev kredit for skatt som blir betalt i Noreg. Fysiske eigedelar, finansielle eigedelar og forpliktingar Ved uttak av fysiske eigedelar, finansielle eigedelar og forpliktingar er det eit vilkår for frådrag for utanlandsk skatt at skattytaren på det tidspunktet då retten til utsetjing med skattlegginga fell bort, jf. skattelova 9-14 (10), blir rekna for å vere skattepliktig til Noreg som busett etter skattelova 2-1 eller heimehøyrande etter skattelova 2-2, eller på dette tidspunktet blir rekna for å vere skattemessig heimehøyrande i ein annan EØS-stat. Omsetningsgjenstandar og immaterielle eigedelar Ved uttak av omsetningsgjenstandar og immaterielle eigedelar er det eit vilkår for frådrag for utanlandsk skatt at skattytaren siste dagen før uttaket frå norsk skattleggingsområde er skattepliktig som busett etter skattelova 2-1 eller som heimehøyrande etter skattelova 2-2, eller på dette tidspunktet blir rekna for å vere skattemessig heimehøyrande i ein annan EØS-stat. Utrekning av kreditfrådraget Det blir gjeve frådrag etter reglane i skattelova 16-20 til 16-29 så langt dei passar. Dette tyder at frådragsbeløpet ikkje kan overstige den skatten som blir lagt på gevinsten i Noreg (maksimalt kreditfrådrag), jf. skattelova 16-21. Kreditfrådraget er avgrensa til skatt av den delen av gevinsten som òg er skattepliktig til Noreg. Frådragsbeløpet kan ikkje overstige den uttaksskatten som er ilagt i Noreg (maksimalt kreditfrådrag) for den delen av gevinsten som er skattepliktig til Noreg. Post 220 Skattytarar som krev kredit etter reglane ovanfor, må krysse av i post 220 og gjere nærare greie for dette i eit eige vedlegg til dette skjemaet. Side 7