Velkomen til kulturbygda Lærdal
Ein tur i Hans Gjesme sine motiv Den lokale kunstnaren Hans Gjesme gav ved sin død i 1994 Lærdal kommune ei kunstgåve på vel 1500 kunstverk som omfattar måleri, grafikk, teikningar og skulpturar. Mange av motiva er frå denne vegen opp Tynjaåsen og innover fjellet. I tillegg til mosjonsverdien har denne vegen difor kulturhistoriske kvalitetar det er verdt å ta med seg. I samarbeid med Lærdal Turlag vert det skipa til vandretur I Hans Gjesme sine fotspor. Program Kl. 0945: Buss frå Rådhuset til Voll. Kl. 10.00: Oppmøte på Voll i tunet til Kari Voll. Kari og Ingebjørg Voll tek i mot alle interesserte kunst og turvener, og vil vise fram heimen til kunstnaren Hans Gjesme. Direktør Morten Johan Svendsen vil fortelje om Gjesme sitt særeigne forhold til naturen og heimtraktene på Voll og korleis dette påverka hans mange ulike kunstverk. Kari og Ingebjørg held ope tun fram til kl. 15.00. Kl. 11.00: Oppmøte på Halabrekka og start på turen mot Skigrov.
SOGN KUNSTSENTER, Gjesmesamlinga, Lærdal ønskjer velkomen til opningsutstillinga Norsk kunst 1970-2010 - frå Bleken til Melgaard - frå samlingane til Astrup Fearnley Museum for Moderne Kunst 3. juni 9. oktober 2011 Med Sogn Kunstsenter har den visuelle kunsten fått ei ny storstove, ikkje berre i Lærdal og i Sogn og Fjordane. Det flotte bygget er ei oppleving i seg sjølv og vakkert å kome inn i, men framfor alt gir det ei like verdig råme rundt kunsten i Lærdal, som til dømes i dei beste musea i Oslo. Den storslagne opningsutstillinga vert arrangert i samarbeid med Astrup Fearnley Museum for Moderne Kunst (AFM), som produserer utstillinga spesielt tilpassa nybygget til Sogn Kunstsenter. Museet er eit av våre heilt sentrale museum for moderne kunst og har betydelige samlingar av norsk kunst. Og dét er nettopp tema for opningsutstillinga i Sogn Kunstsenter: Norsk kunst frå perioden 1970 til 2010 frå Bleken til Melgaard. Vi vil få sjå kunstverk som aldri tidlegare har våre vist på våre kantar av landet og det er mange kjente namn på kunstnarlista. I tillegg til dei to som alt er nemnd kan her nemnast kunstnarar som Knut Rose, Ørnulf Opdahl, Marianne Heske, Kjell Torriset, Olav Christoffer Jensen, men lista er lang og det vert synt fram viktige samtidsverk frå omlag 30 av våre mest betydelege kunstnarar frå denne perioden. Det vert ei fargesprakande og flott utstilling som i hovudsak vil omfatte teknikkane måleri, fotografi og skulptur. Dette vert ei utstilling som alle sogningar og tilreisande må sjå og Astrup Fearnley Museum produserer ein illustrert katalog til utstillinga, som alle kan kjøpe. Tida for Gjesmegalleriet, som ble etablert i 1998, er no forbi. Sogn Kunstsenter skal ha som ein fast oppgåve å ta vare på og utvikle Gjesmesamlinga, ei samling på om lag 1500 arbeider etter kunstnaren Hans Gjesme (1904-1994). Gjesme er heimstadmålaren framfor nokon i Lærdal og med si lokalhistoriske forankring har samlinga stor verdi for å utvikle lokal identitet og lokal kunnskap i framtida. Gjesmesamlinga vert sterkare profilert etter kvart, både som utgangspunkt for kunstpedagogisk verksemd, men også i samspel med skiftande utstillingar av nasjonal og internasjonal kvalitet og interesse. Morten Johan Svendsen Avdelingsdirektør Musea i Sogn og Fjordane
Opninga av Sogn Kunstsenter Kulturfest 3 heile dagar til ende! Fredag 3. juni: Opning av Sogn Kunstsenter, Gjesmesamlinga Kl. 16.30 : Førefest utanfor kulturhuset. Musikk ved Lærdal Musikklag Kl. 17.00 : Offisiell opningsseremoni. Musikk ved Karl Seglem Tale ved ordførar Arne Sanden Offisiell opning ved kommunalminister Liv Signe Navarsete Laurdag 4. juni: Kulturfest på Øyri Sogn Kunstsenter vert ope frå kl. 10.00 og fram til kl. 20.00. Gratis inngang til utstillingane. Kulturmarknad på Øyri, med langopne butikkar og sal av kunsthandverk frå boder. Utstillingar i Telegrafen Kunstverkstad for born og unge. Utstillingar av lokale kunstnarar ei rekkje stader på Øyri Musikk og underhaldning frå scene utanfor rådhuset i tida 12.00 15.00 Søndag 5.juni : Med Lærdal Turlag i kunstnaren Hans Gjesme sine fotspor. Denne dagen er tileigna den lokale kunstnaren Hans Gjesme, som var fødd og oppvaksen på Voll i Lærdal. I samarbeid med Lærdal Turlag vert det skipa til vandretur til Skigrov og steinhytta til Gjesme, som han nytta til overnatting på sine mange turar til området over Tynjaåsen. Me oppmodar flest mogeleg om å nytte sykkelen som framkomstmiddel på vegen mot Voll denne dagen.
Program: Kl. 0945: Buss frå Rådhuset til Voll. Kl. 10.00: Oppmøte på Voll i tunet til Kari Voll. Kari og Ingebjørg Voll tek i mot alle interesserte kunst og turvener, og vil vise fram heimen til kunstnaren Hans Gjesme. Direktør Morten Johan Svendsen vil fortelje om Gjesme sitt særeigne forhold til naturen og heimtraktene på Voll og korleis dette påverka hans mange ulike kunstverk. Kari og Ingebjørg held ope tun fram til kl. 15.00. Kl. 11.00: Oppmøte på Halabrekka og start på turen mot Skigrov. I tida 13.30 14.30 vert det enkel servering og kulturinnslag ved hytta til Gjesme. Buss frå Voll til Øyri går i retur kl. 17.00 eller etter nærare avtale.