Sakshandsamar, innvalstelefon Sissel Storebø, 55572317 Vår dato 05.06.2012 Dykkar dato Vår referanse 2011/7836 Dykkar referanse Statens vegvesen Region Vest Askedalen 6863 LEIKANGER Rapport frå inspeksjon 23. mai 2012 Rapportnummer: 2012.017.FMHO Til stades ved inspeksjonen: Frå Statens vegvesen Region Vest: Lars Magnar Røneid, Helge Tjelmeland Reidar Steinestø, Arne Kruhaug Eirik Røthe, Ina Vang Frå NCC Construction AS: Joel Barkhage Torkjell Eskeland Frå Fylkesmannen i Hordaland: Kjell Kvingedal Sissel Storebø Gry Walle Frå Voss kommune: Kjersti Finne Resultat frå inspeksjonen Rapporten omhandlar avvik og merknader frå inspeksjonen. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fant 2 avvik og har gitt 1 merknad innan følgjande tema under inspeksjonen: internkontroll med vekt på miljørisikovurderingar og avvikshandtering for ytre miljø utsleppskontroll dokumentasjon og journalføring handtering av avfall og farleg avfall, handtering av kjemikal krav i utsleppsløyvet Avvika og merknadene er nærare omtala frå side 3 og utover i rapporten. Statens vegvesen Region Vest må sende ei skriftleg stadfesting innan 1. juli 2012 på at avvika er retta. Oppfølginga etter inspeksjonen er nærare omtala på side 2. Kjell Kvingedal e.f. seksjonssjef Sissel Storebø Senioringeniør Rapporten er godkjent elektronisk og har derfor inga underskrift. Statens hus Kaigaten 9, 5020 Bergen Telefon: 55 57 20 00 Telefaks: 55 57 20 09 Miljøvern- og klimaavdelinga Postboks 7310, 5020 Bergen Telefaks: 55 57 22 01 Org.nr: 974760665 E-post: fmhopostmottak@fylkesmannen.no Internett: www.fylkesmannen.no/hordaland
Kopi til: Voss kommune NCC Construction AS 1. Informasjon om verksemda Namn: Statens vegvesen Region Vest Anleggsnr: 1235.0073.01.01 Besøksadresse: E16 Vangstunnelen Postadresse: 6863 Leikanger E-post: lars.roneid@vegvesen.no Telefon: 57 655788/ 905 33 318 Kommune: Voss Organisasjonsnr.: 974740621 Bransjenr. (NACE-kode): 84.130 Offentlig administrasjon tilknyttet næringsvirksomhet og arbeidsmarked Eigar (org.nr): 971032081 Løyve sist oppdatert: 02.05.2012 Risikoklasse: 3 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i medhald av forureiningslova med forskrifter og utsleppsløyve etter forureiningslova sist endra 2. mai 2012 blir overhalde. Inspeksjonen vart også gjennomført på bakgrunn av både skriftlege og muntlege meldingar om forureining av Vangsvatnet. Fylgjande hovudtema vart kontrollert: internkontroll med vekt på miljørisikovurderingar, avvikshandtering og det ytre miljø utsleppskontroll dokumentasjon og journalføring handtering av avfall og farleg avfall handtering av kjemikal krav i utsleppsløyvet av 2. mai 2012 3. Oppfølging etter kontrollen Verksemda plikter snarast å rette opp avvika som er omtala i denne rapporten. For at Fylkesmannen skal kunne avslutte saka, må de innan 1. juli 2012 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan 1. juli 2012, vil Fylkesmannen fatte vedtak om tvangsmulkt, jf. forureiningslova 73. Vedtaket vil gå ut på at tvangsmulkt må betalast dersom Fylkesmannen ikkje har fått skriftleg stadfesting på at avvika er retta innan fristen. Ei eventuell tvangsmulkt vil vere på 50 000 kroner. 2
De kan kommentere dette varslet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 4. Kontrollgebyr Verksemda skal betale gebyr for kontrollen, jf. forureiningsforskrifta 39-6. Verksemda er i løyvet plassert i risikoklasse 3. Dette betyr at de skal betale 11 600 kroner for den gjennomførte inspeksjonen. Faktura blir ettersendt frå Klima- og forureiningsdirektoratet. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland jf. offentleglova. 6. Dokumentunderlag forureiningslova produktkontrollova forureiningsforskrifta avfallsforskrifta kapittel 11. farlig avfall internkontrollforskrifta utsleppsløyvet datert 2. mai 2012 verksemda sine dokument som vart framlagt ved inspeksjonen Informasjon om regelverket finn du på www.klif.no og www.regelhjelp.no. Definisjonar Avvik: brot på krav fastsett i eller i medhald av helse-, miljø- og sikkerheitslovgjevinga (for eksempel brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernmyndigheitene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. 3
7. Avvik Vi fann følgjande avvik under inspeksjonen: Avvik 1: Internkontrollen har mangler Avvik frå: Internkontrollforskrifta 4 og 5 a) Verksemda har ikkje fastsett konkrete mål for prosjektet for ytre miljø. b) Dokumentet Miljøtiltak kontrolloversikt frå mai 2012 er ikkje oppdatert med endra utsleppsgrenser. c) Verksemda har mangelfulle skriftlege rutinar. Kommentarar: a) I Plan for sikkerhet, helse og arbeidsmiljø for E16 Vangstunnelen er det satt prosjektmål. Prosjektmålet er at forureining av ytre miljø ikkje skal skje. Måla er ein viktig føresetnad for planer og aktivitetar og skal vere så konkrete som mogeleg, slik at verksemda veit om måla er nådde eller ikkje. Verksemda må setje miljømål som sikrar at drifta ikkje medfører unødig forureining av det ytre miljø. Mål skal dokumenterast skriftleg. Verksemda skal ha vurdert kva som er akseptabel forureining og påverknad av resipienten ved drift av anlegget. På bakgrunn av vurderinga må verksemda utarbeide mål for mellom anna utslepp til vatn. b) I brev av 2. mai 2012 sette Fylkesmannen nye grenseverdiar for partikkelinnhald utanfor siltgardinene for tunnelvatn og for ph-verdi. c) Dette gjelder skriftlege rutinar for handtering av farlig avfall, kontroll av siltgardinene og turbiditetskontroll. Arbeidsrutinar må dokumenterast og systematiserast slik at de kan inngå i internkontrollen. Rutinen for farleg avfall bør innehalde identifisering av farlig avfall, mellomlagring, vidarelevering og deklarering av farlig avfall. Gjenpart av deklarsjonsskjema for farlig avfall var ikkje tilgjengeleg ved inspeksjonen. 4
Avvik 2 Verksemda stettar ikkje vilkår i utsleppsløyvet Avvik frå: Endring av løyve til utfylling av Vangsvatnet og utslepp av tunnelvatn i anleggs- og driftsfasen for E16 Vangstunnelen datert 2. mai 2012 Kommentarar: I utsleppsløyvet er det sett konsentrasjonsgrense for tunnelvatn i anleggsfasen for ammoniakk (NH 3 ) til 0,3 mg/l, jf. punkt 5.1.1. Grensene har blitt overskrede både i februar og mars. Overskridingane er ikkje avvikshandtert. Organisasjonen har ikkje eit bevisst forhold til analyseverdiane, da ein ikkje var kjent med om verdiane for ammoniakk/ammonium kan samanliknast direkte. Opphaldstida på avløpsvatnet i sedimenteringsbassenga skal vere minimum 2 timar, jf. punkt 5.1.2 i løyvet. Dette kunne ikkje dokumenterast ved inspeksjonen. 8. Merknader Merknad: Visuell kontroll av siltgardinene kan bli betre. Kommentarar: Funksjon av siltgardina skal overvakast med dagleg kontroll av siltgardinene så lenge arbeidet med utfyllinga held fram. Dette blir gjennomført og det blir ført logg for tilstanden. Kontroll av gardina under vassøyla ned til botn er krevjande. Dette kan gjerast med regelmessige dykkargranskingar. Så langt har dette ikkje vore gjort. Under tilsynet var ein samd om at dette skulle inn i rutinane. En del av siltgardina vart øydelagt ved eit grunnbrot i starten av utfyllinga ved Svartanakken. Det er vanskelege geologiske forhold i området og omfanget at utfyllinga her er difor redusert. Kvaliteteten på materialet i siltgardina er god. Etter grunnbrotet ligg ikkje siltgardina dobbel heilt til botn. Den ekstra siltgardina ligg i beredskap bak den som står frå overflata til botn. Erfaringane frå sedimentering av tunnelvatnet viser at sprengsteinpartiklane sedimenterer raskt og at tiltak som vasking av massane og sedimentering ser ut til å ha god effekt. 9. Andre forhold Turbiditet Alarmgrensa for turbiditet er sett til 4 FTU + bakgrunnsverdi i løyve. Turbiditeten blir målt kontinuerleg. Det vart opplyst ved inspeksjonen at turbiditeten varierer mykje på grunn av lokale forhold som vind, lokale utslepp frå elva, smeltevatn og skred. Det er ein utfordring korleis ein skal løyse problemet med dette. Det vart opplyst at turbiditeten ikkje er styrande parameter for utfyllingsarbeida. Om Statens vegvesen ønskjer endring på dette, jf. punkt 4.4, 4.6 og 4.7 i løyvet må det søkjast om endring av løyvet. 5
Måleprogram Måleprogrammet for prøvetaking, analyseparametrar og prøvetakingsfrekvens kunne ikkje leggast fram ved inspeksjonen. Denne skulle ettersendast. Rapportering Etter avslutta utfylling skal resultat frå gjennomføring og overvaking av anleggsarbeidet samanstillast og erfaringa av arbeidet skal oppsummerast i ein rapport. Rapporten skal sendast Fylkesmannen og Voss kommune innan 6 veker etter at tiltaket er avslutta. Fylkesmannen og kommunen ønskjer å følgje prosjektet tettare opp. Vi vart einige om at Statens vegvesen skal rapportere via e-post ein gong i månaden om; mengde utfylling av steinmassar, analyseresultat og eventuelle avvik frå løyve eller interne rutinar. 10. Bilde Utfylling i Vangsvatnet Siltgardinene 6