FUSA KOMMUNE MØTEPROTOKOLL Arkivsak: 13/41-3 Løpenummer: 13/439 Utval: Formannskapet Møtestad: Kommunetunet Møtedato: 24.01.2013 Tid: 16:00-17.25 Innkalling til møtet vart gjort i samsvar med 32 i kommunelova. Sakslista vart sendt medlemene og varamedlemene i brev av 15.01.2013 Møtet vart kunngjort i ei avis, på heimesida og ved oppslag på kunngjeringsstadar i kommunen. Desse medlemene møtte: Atle Kvåle, Ap. Hans S. Vindenes, Sp Margunn Y. Samnøy, Sp Mikal Leigland, Sp Birgitte H.O. Skibenes, Sv Magne Djuvik, Frp Steinar Skår, H Kristine Hjartnes, H Forfall og møtande varamedlemer: Asbjørn Heidal, Krf, hadde forfall. For han møtte Anne-Grethe Gjerdevik, Ap, som vararepresentant. Andre som var tilstade på møtet: Rådmann Berit Fløisand Kommunalsjef Øyvind Haga Ansvarleg sekretær Gunn Sissel Teigen Merknader til innkalling og sakliste: Det var ingen merknad til innkalling og sakliste. Spørsmål: Margunn Y. Samnøy, Sp, spurte i møtet om status på investeringsprosjektet ved Nore-Fusa oppvekstsenter. Svar: Då spørsmålet vart fremja i møtet, hadde ein ikkje fått tid til å undersøkja status og kunne difor ikkje svara på spørsmålet. Status på investeringsprosjekta også dette prosjektet - vert orientert om i saka prosjektrapportering på komande formannskapsmøte. Ordførar Hans S. Vindenes, Sp, minna om at spørsmål må sendast inn i god tid før politiske møte.
Ordførar Hans S. Vindenes, Sp, leia møtet. Evt. merknader til protokollen må sendast til Fusa kommune innan 14 dagar. Eikelandsosen, 24.01.2013 Hans S. Vindenes Ordførar Gunn Sissel Teigen Ansvarleg sekretær
Saksliste Sak nr. Sakstittel 001/13 GODKJENNING AV MØTEPROTOKOLL FRÅ MØTET 30.11.2012 002/13 VURDERING AV SKULESTRUKTUREN I KRINSANE HOLDHUS, EIKELANDSOSEN, FUSA OG STRANDVIK 003/13 GODTGJERSLE TIL FOLKEVALDE - VAL AV POLITISK ARBEIDSGRUPPE
001/13: GODKJENNING AV MØTEPROTOKOLL FRÅ MØTET 30.11.2012 RÅDMANNEN SITT FRAMLEGG TIL VEDTAK: Møtebok frå møtet 30.11.2012 vert godkjend. 24.01.2013 FORMANNSKAPET Handsaming: Rådmannen sitt framlegg vart samrøystes vedteke. FOR-001/13 VEDTAK: Møtebok frå møtet 30.11.2012 vert godkjend. 002/13: VURDERING AV SKULESTRUKTUREN I KRINSANE HOLDHUS, EIKELANDSOSEN, FUSA OG STRANDVIK RÅDMANNEN SITT FRAMLEGG TIL VEDTAK: Følgjande forskrift vert sendt på høyring saman med høyringsnotat: Med heimel i opplæringslova 8-1 utferdar Fusa kommune slik forskrift: Forskrift om skulekrinsar i Fusa kommune. 1. Noverande Eikelandsosen skulekrins, Fusa skulekrins og Holdhus skulekrins vert slått saman til éin krins med éin barneskule i den nye krinsen lokalisert til Eikelandsosen. Den nye krinsen får namnet Eikelandsosen, Fusa og Holdhus skulekrins. Elevane i den nye Eikelandsosen, Fusa og Holdhus skulekrins får skulestad Eikelandsosen. 2. Skulekrinsane Nore Fusa, Strandvik og Søre Fusa får ingen endringar utover at nye barnehagar i Strandvik og Nore Fusa vert samlokalisert med skulane. Høyringsfrist: 21.02.13 Saksutgreiinga vert høyringsnotat.
24.01.2013 FORMANNSKAPET Handsaming: Rådmannen orienterte om at høyringsnotatet vert sendt til følgjande: Eikelandsosen oppvekstsenter: Holdhus oppvekstsenter: Fusa oppvekstsenter: Strandvik oppvekstsenter: Utdanningsforbundet Fagforbundet Høyringsnotatet vert elles lagt ut på heimesida til kommunen og i Kommunetunet. Rådmannen orienterte om at det vert laga eit høyringsnotat i samsvar med formannskapet sitt vedtak. Magne Djuvik, Frp, fremja følgjande forslag: Fusa formannskap viser til saksframstilling frå rådmannen og legg ut til høyring dei alternativ som er utgreia. Formannskapet vil presisera at ein ønskjer høyring på dei ulike alternativ med ulik skulestad, dvs både Eikelandsosen, Holdhus, Strandvik og Fusa. Høyringsfrist vert sett til 21.02.13.
Mikal Leigland, Sp, fremja følgjande forslag: Viser til sak om skulestruktur i Fusa. Dei økonomiske realitetane viser at det er lite å spara på å gjennomføra strukturelle grep. Slik me ser det er dei samfunnsmessige konsekvensane for Fusa vesentleg høgare enn innsparinga. Saka blir tatt av sakskartet. Framlegget frå Mikal Leigland, Sp, fekk 4 røyster, 1 Frp Kristine Hjartnes, 1 H, 2 Sp Mikal Leigland, Margunn Y. Samnøy. Framlegget frå Magne Djuvik, Frp, vart vedteke med 5 røyster. 2 Ap, 1 Frp Magne Djuvik, 1 Sp Hans S. Vindenes, 1 SV. Framlegget frå rådmannen fekk 0 røyster. FOR-002/13 VEDTAK: Fusa formannskap viser til saksframstilling frå rådmannen og legg ut til høyring dei alternativ som er utgreia. Formannskapet vil presisera at ein ønskjer høyring på dei ulike alternativ med ulik skulestad, dvs både Eikelandsosen, Holdhus, Strandvik og Fusa. Høyringsfrist vert sett til 21.02.13.
003/13: GODTGJERSLE TIL FOLKEVALDE - VAL AV POLITISK ARBEIDSGRUPPE FRAMLEGG TIL VEDTAK: Gruppeleiarane og ordførar vert oppnemnt som politisk arbeidsgruppe slik det framgår av saksframstillinga. 24.01.2013 FORMANNSKAPET Handsaming: Framlegget til vedtak vart samrøystes vedteke. FOR-003/13 VEDTAK: Gruppeleiarane og ordførar vert oppnemnt som politisk arbeidsgruppe slik det framgår av saksframstillinga.