Årsmelding 2017
Innhald Om Indre Sogn vassområdeutval... 2 Aktivitet... 2 Tiltaksgjennomføring... 2 Overvaking og problemkartlegging... 2 Møteverksemd... 3 Vakanse... 4 Rekneskap 2017... 4 Vedlegg 1... 6 Liste over vassførekomstar som blei undersøkt i 2017.... 6 1
Om Indre Sogn vassområdeutval Vassområdeutvalet er eit samarbeidsorgan for kommunar, statlege styresmakter og fylkeskommunen, for å ivareta oppgåver etter vassforskrifta i vassområdet. Det overordna målet er å sikre tilstrekkeleg høg økologisk og kjemisk tilstand i alle elvar, innsjøar, kystvatn og grunnvatn. Vassområdet bidrar mellom anna til innhaldet i regional vassforvaltningsplan med tiltaksprogram for Sogn og Fjordane. Prosjektplanen for 2016-2021 omtalar bakgrunn, mål, organisering, oppgåver, framdrift og økonomi for vassområdeutvalet. Kommunane er areal- og planstyresmakt og har sektormynde på område som landbruk, miljø, vatn og avløp, ureining etc. Kommunane har eigne verkemidlar og/eller har delegert myndigheit frå staten. Kommunane har difor ei særrolle i vassområdeutvalet, og mykje av arbeidet i vassområdet blir gjort for å bistå kommunane. Av dei seks kommunane som har størsteparten av arealet sitt innanfor Indre Sogn vassområde, har fire slutta seg til prosjektplanen ved politiske vedtak. Desse fire er Leikanger, Luster, Sogndal og Årdal. Drifta av vassområdet er finansiert gjennom eit spleiselag mellom kommunane som har slutta seg til prosjektplanen (50 %) og fylkeskommunen (50 %), som skildra i prosjektplanen. Prosjektleiar for vassområdet er tilsett av Sogn og Fjordane fylkeskommune, og har sin daglege arbeidsplass på Fylkeshuset på Hermansverk i Leikanger kommune. Forutan å drifte vassområdet, jobbar prosjektleiar i hovudsak opp mot dei fire kommunane som har slutta seg til prosjektplanen. Aktivitet Tiltaksgjennomføring Regionalt tiltaksprogram viser kva som må gjerast for å sikre tilstrekkeleg høg økologisk og kjemisk tilstand i vassførekomstar som står i fare for å ikkje nå miljømåla. Dei delar av tiltaksprogrammet som kommunane har ansvar for gjeld i hovudsak ureining av elvar og innsjøar frå landbruk og avløp. For dei fleste av desse vassførekomstane er kunnskapsgrunnlaget for mangelfullt til å velje effektive avbøtande tiltak. I desse tilfella er det problemkartlegging som er tiltaket. Overvaking og problemkartlegging Her er lista opp prøvetaking gjort som ledd i problemkartlegging for vassførekomstar lista opp i regionalt tiltaksprogram. I tillegg kjem prøvetaking utført som ein del av overvakinga i vassførekomstar med liten oversikt over påverknad frå landbruk og avløp. Overvaking og problemkartlegging har i 2017 omfatta: Vassprøver. 197 prøver, fordelt på 40 elvar og innsjøar (32 vassførekomstar) og for det meste fire prøvetakingstidspunkt (juni, august, september og oktober), blei samla inn til analyse av mellom anna næringsstoff, organisk stoff og bakteriar. Sjå fullstendig oversikt over alle vassførekomstar som blei prøvetatt i 2017 i vedlegg 1. 2
Vassprøvetakinga blei organisert av fylkeskommunen, mens sjølve prøvetakinga blei gjort av enten tilsette i kommunane eller av fylkeskommunen. I nokre tilfelle blei prøvetakinga gjort i samarbeid. Vassprøvene. Vassprøvene blei analysert av Vestfold LAB, eit analyselaboratorium som Sogn og Fjordane fylkeskommune og Fylkesmannen i Sogn og Fjordane inngjekk ei rammeavtale med i 2016. Undersøking av begroingsalgar i 2 elvar i Sogndal kommune. Rådgivende biologer AS samla inn prøvene som blei analyserte av Limnoconsult etter ei offentleg anskaffing. Oppstart av felles anbodsprosess for problemkartlegging i Dalselvi i Luster kommune og Kaupangerelvi i Sogndal kommune. Forsøk på å få til eit spleiselag for eit felles tiltaksretta overvakingsprogram for Sognefjorden. Ettersom det ikkje lyktas å få midlar til dette frå Miljødirektoratet er prosjektet mellombels lagt på is. For meir informasjon om prosjektet sjå referat frå møte i prosjektgruppa 16. februar 2017 (tilgjengeleg på vannportalen.no/indre-sogn). Møteverksemd Sogn og Fjordane fylkeskommune arrangerte seminar og fagdagar for kommunane med føremålet å auke kompetansen innanfor tiltak og verkemiddel for å reduserer ureining frå landbruk og avløp. Prosjektleiaren var involvert i planlegging og gjennomføring av desse: Seminar om praktisk oppfølging av vassforskrifta innan områda landbruk og spreidde avløp 28.-29. mars på Skei. Fagdagar i samband med møte i Sogn og Fjordane vassregionutval 3.-4. oktober i Førde. I 2017 arrangerte vassområdet møte som vist nedanfor. Referat og andre saksdokument frå møta er tilgjengelege på vannportalen.no/indre-sogn, under menypunktet «møteverksemd». Vassområdeutvalet 22. november Prosjektgruppa 16. februar og 19. oktober Prosjektleiar har i tillegg deltatt på fleire møte for å drøfte organisering, prosess, arbeidsmåte og konkrete problemstillingar. Sjå liste nedanfor. Mindre, uformelle arbeidsmøte er ikkje med i oversikten. Forsvarsbygg Programnemnd, vassforskriftsseminar Fylkesmannen miljøvernavdelinga Vestlandsforskning (TOKSKLIM) 2 møte 5 møte 2 møte 3
Statens vegvesen Høgskulen på Vestlandet Politisk leiing av vassregionutvalet Arbeidsutvalet Sogn og fjordane vassregionutval Prosjektleiar har deltatt på følgjande samlingar/konferansar/seminar: Nasjonal vassområdesamling, Tromsø Restaurering av vassdrag og våtmarker, Bergen Manmade environmental impacts in the Ikjefjord, Sogndal 29.-31. august 27.-28. september 11. desember Deltaking på kurs: Kurs i ESA sak og arkiv Sogn og Fjordane fylkeskommune 7. februar Vakanse Prosjektleiar var i foreldrepermisjon i perioden 17. mars - 14. november. I løpet av det tidsrommet var stillinga som prosjektleiar udekt i tida fram til 29. august, då Susan Solbrå tok til som vikar. I tida utan prosjektleiar tok Merete Farstad frå Sogn og Fjordane fylkeskommune seg av vassfaglege spørsmål for vassområdet, mens Elisabeth Aune, også ho frå fylkeskommunen, stod for organiseringa av vassprøvetakinga i vassområdet. Rekneskap 2017 Vassområdet sine driftsutgifter (inklusive kostnadar til overvaking, problemkartlegging og utgreiing av tilstand og naudsynte tiltak i vassførekomstane opp til 300 000) dekkast av eigenandeler frå deltakande kommunar, og med faste midlar frå fylkeskommunen. Rekneskapen syner eit overskot i 2017 på 384 146kr. Overskotet er overført til fond, og øyremerka til vassforvaltning i Indre Sogn vassområde. Saldoen på dette fondet var pr. 31. desember 2017 kr 954 356. 4
Midlane frå fylkeskommunen og kommunane samsvarer med budsjettet i prosjektplanen for 2016-2021. Inntekter utover budsjettet er: Statlege midlar overvaking. Tilskot frå Fylkesmannen på kr 78 500 til generell overvaking, oppfølging av tiltaksprogrammet. Beløpet kom i desember 2017 og er overført til 2018. Utgifter 2017: Utgiftspostane Prosjektleiing, Møter, reiser, kurs, og Vassanalyser, overvaking er alle godt innanfor det det er budsjettert med i prosjektplanen. Lågt utgiftsnivå pga. vakanse, og reduserte lønsutgifter og få aktivitetar satt i gang som konsekvens av dette. Rekneskap 2017 for Indre Sogn vassområde UTGIFTER Prosjektleiing 282 638 Møter, reiser, kurs 14 529 Vassanalyser, overvaking 73 611 Totalt 370 778 INNTEKTER Midlar frå kommunar -338 212 Midla frå fylkeskommunen -338 212 Statlege midlar til overvaking -78 500 Totalt -754 924 RESULTAT Avsetning(-)/bruk(+) fond -384 146 Saldo pr 01.01. -570 210 Saldo pr 31.12. -954 356 5
Vedlegg 1 Liste over vassførekomstar som blei undersøkt i 2017. Vassførekomst ID Namn vassførekomst* Kommune Type undersøking** 077-20-R Grindselvi Leikanger V 077-85-R Henjaelvi Leikanger V 077-23-R Elv frå Volavatnet Leikanger V *** Elv Nybøstrondi Leikanger V 076-99-R Myklemyrkanalen Luster V *** Vetlagrovi (Solvorn) Luster V *** Solvornselvi Luster V 077-106-R Modvagrovi Luster V 076-3-R Dalselvi Luster V 077-106-R Skjervelvi Luster V 077-107-R Heggestadelva Luster V 076-95-R Ligrovi Luster V 076-95-R Lundsgrovi Luster V 076-11-R Vigdøla Luster V 076-11-R Krundøla Luster V 076-99-R Mytakanalen Luster V 075-98-R Dalsdalselvi Luster V 076-96-R Kvernelvi Luster V 075-104-R Yttrisgrovi Luster V 075-5-R Mørkridselvi Luster V 075-66233-L Eidsvatnet Luster V 076-95-R Tverrelvi Luster V *** Sidebekk Dalselvi (Bruflat) Luster V 078-56-R Tverrgrovi (Fjærland) Sogndal V, A 078-95-R Mundalselvi Sogndal V 077-87-R Sogndalselvi Sogndal V 077-45-R Selsengelvi Sogndal V 078-5-R Storelvi (Fjærland) Sogndal V 077-88-R Reipa Sogndal V 077-88-R Hundøla Sogndal V 078-3-R Supphelleelvi Sogndal V 077-77-R Vestrheimselvi Sogndal V 077-63-R Amlaelvi Sogndal V 077-37-R Fardalselvi Sogndal V, A 077-37-R Sidebekk Fardalselvi (Øvretun) Sogndal V 074-188-R, 074-25-R Tya Årdal V 074-171-R Fardalselvi Årdal V 074-146-R Nysetelvi Årdal V 074-142-R Seimsdalselvi Årdal V * = vanlege stadnamn, ikkje namn registrert i Vann-nett ** = V: vasskjemi, A: begroingsalgar *** = ikkje registrert som vassførekomst i Vann-nett 6