Nesset Fjellstyre. Styremøte torsdag 10. november kl. 20 hjå Dag Ringstad

Transkript

1 Nesset Fjellstyre Styremøte torsdag 10. november kl. 20 hjå Dag Ringstad Innkalla: Nikolai Finset, Else Janne Seter, Knut Arne Bugge, Stein Ivar Bjerkeli, Toril Melheim Strand, Dag Ringstad (sekr.) Sakliste: Sak 22/16 Godkjenning av innkalling til møtet Sak 23/16 Godkjenning av sakliste Sak 24/16 Godkjenning av møtebok for styremøte 17/6 Sak 25/16 Reinsjakta 2016, orientering, eventuelle endringar på reinsjakta 2017 Sak 26/16 Camping i Sandgrovbotnen Mardalsbotnen biotopvernområde Sak 27/16 Kultivering av Aursjøen Sak 28/16 Samarbeid om oppsyn, Eikesdal Sameige Ymse: - Orientering frå styremøte i Snøhetta Villreinutval - Samling for fjellstyreleiarar og alle tilsette på Gardermoen 25-27/ Reoppnemning av faglig rådgivande utval for Dovrefjell Nasjonalparkstyre - Neste styremøte Eresfjord, 29/10-16 Nesset Fjellstyre Dag Ringstad Sekr. Nikolai Finset Leiar

2 Nesset Fjellstyre Sak 25/16 Reinsjakta 2016, orientering, eventuelle endringar på reinsjakta i 2017 Kan vi gjere noko med den lave fellinga til jegerane frå Nesset på Snøhetta aust? Er det grunn til å endre på overgangsavtalane? Er det naudsynt å utvide jakta med ei veke, frå 15. september til 22. september? Har nokon synspunkt på ordninga med fri overgang i slutten av jakta? Eventuelt Saka vert lagt fram utan utgreiing. Sekretær ynskjer synspunkt på om styret ynskjer endringar på reinsjakta i 2017, og kva saker vi eventuelt skal arbeide vidare med. Overgangsavtalane må seiast opp før 1. januar. Forslag til Snøhetta Villreinutval må sendast i god tid før årsmøtet. Forslag til vedtak. Saka vert lagt fram utan forslag til vedtak.

3 Oppsynsrapport reinsjakta 2016 Nesset Oppsyn Oppsynstenesta vart utført i Snøhetta i perioden 20. august til 22. september. For å få høgare felling vart reinsjakta også i år forlenga med ei veke frå 16. september både på aust og vest. Alt oppsynet vart utført i Snøhetta vest. Jaktoppsynet i Snøhetta hadde ei samling på Lesja 16. august for å samordne oppsynet under reinsjakta, og for oppdatering av nye reglar. Utgangspunktet for oppsynet var Nesset Fjellstyre si hytte ved Aursjøen. Oppsynsarbeidet har vore utført av Dag Ringstad, Oddvar Mittet og Harry Brude. Dag har i all hovudsak gått oppsyn i Nesset, men har og vore innom deler av Sunndal, Lesja og Rauma. Oddvar har stort sett gått oppsyn i området til Eikesdal sameige medan Harry Brude har vore engasjert til å gå oppsyn i Sandgrovbotnen og Mardalsbotnen. Han sender eigen rapport Oppdragsgivar har vore Nesset Fjellstyre, Eikesdal Sameige, Vike og Hoem Heimraster og Øverås og Nerås Grunneigarlag. Innsatsen vart konsentrert om dei områda som jegerar med kort utstedt i Nesset brukar, og som dei har tilgang til gjennom overgangsavtalar. Nesset Fjellstyre har oppsynsavtale med Rovviltutvalet i Nesset og Statens Naturoppsyn. Rapporten baserer seg på observasjonar gjort under utøving av alle desse oppsynstenestene. Kvoten i Snøhetta vest var i 2016 på 180 dyr. Av kvoten i Snøhetta vest vart tre dyr selde som brøkdyr til inntekt for Snøhetta Villreinutval. Nesset hadde ein kvote på 62 dyr (Nesset Fjellstyre 28 dyr, Eikesdal Sameige 24 dyr, Vike og Hoem Heimraster 7 dyr og Øverås og Nerås Grunneigarlag 3 dyr). Kvoten vart sett med 20 % fritt dyr, 20 % kluftbukk, 30 % simle/ungdyr og 30 % kalv. Det er 10 % høgare felling på bukk enn tidligare år. Kvoten i Snøhetta aust vart sett til 1100 dyr, ein nedgang på 400 dyr frå Av dette hadde Nesset Fjellstyre 7 dyr. Her var det 20 % fritt dyr, 20 % kluftbukk, 30 % simle/ungdyr og 30 % kalv. På aust vart 4 brøkdyr selde til inntekt for Snøhetta Villreinutval. Snøhetta Villreinutval sin informasjonstelefon ( ) har gjeve opplysningar om kvar reinen står. Oppsynet har etter beste evne prøvd å legge inn opplysningar om reinen i vest, men har likevel fått mange telefonar kvar dag med spørsmål om kvar reinen står. Arne Granlund, Dombås har vore oppsynsleiar for heile Snøhetta. Utanom kontroll av jegerar er det notert 73 andre førespurnader frå publikum i løpet av jakta. Dette er ei sterk auke frå Har under reinsjakta fått melding om fleire observasjonar av moskus. Mellom anna er det observert fire moskusar i Stordalen, to moskusar i Kjøtåbotnen og ein ved Aursjøen. Det er og observert moskusar i Mardalsbotnen/Sandgrovbotnen. Det er observert både kyr, kalvar, ungdyr og okse. Har observert ein jerv under reinsjakta i Gravdalsområdet. Har og fått tre meldingar om observasjon av jerv i området Stordalen. Den eine observasjonen gjaldt ein jerv som tok ein reinskalv.

4 Reinen sin bruk av området Vinden har under jakta stort sett kome frå sør, sørvest og søraust. Nokre få dagar med nordleg og vestleg vind. Har registrert 11 dagar med regnbyer, men ikkje store nedbørsmengder. Ein del tåke, som ofte letta utover dagen. Stort sett varmt i heile perioden Bukkane har som vanleg halde til i utkantane av området og spesielt i området Mardalsbotnen og områda mot Rauma. I området Høvelbotnane/Grovabotnane var det i periodar og bukk. Siste dagane av jakta vart det observert ein større bukkflokk i området Storflåa Langtjønna. Det vert sett lite bukk i Stordalsområdet, men ein del bukk held til lenger mot nord i området Kjøtåknausane. Fyrste dagane i jakta fikk vi melding om at det var observert ein flokk rein på dyr på Breitelen, derav to dyr med gul klave. Det var og ein del dyr på Odden, men desse trekte raskt nordvestover mot Kjøtåbotnen. Normalt trekker reinen sørover ved sørleg vind, men i år vart dyra værande i området Kjøtåbotnen. Ei årsak til dette kan vere at det var mange jegerar på Odden tidleg i jakta og enkelte av desse prøvde å jakte medvinds. Den sørlege vinden var i år kanskje heller ikkje sterk nok til å trekke dyra sørover. At Aursjøvegen er ei barriere som reinen kvier seg for å krysse i den perioden det er mykje trafikk kan og vere eit moment. Inste delen av Stordalen vert raskt tømt for dyr og her var det lite felling. Lengst nord i Stordalen mot Storbreen og Glupen var det imidlertid dyr. I området Storslågan og Torbusnyta var det nokre dyr tidleg i jakta. Fyrste helga i jakta vart det observert om lag 150 dyr i området ved Miutjønntælen. Desse dyra trekte sørover mot Vangsvatnet. Mindre med dyr enn normalt i Blåbotnen og Vikebotnen, men det vart felt eit dyr like ved Vikeskaret. Overgangsavtalar/fellesjakt Nesset Fjellstyre har gode overgangsavtalar for jegerar med kort i Snøhetta aust, men likevel vart det ikkje felt eit einaste dyr av kvoten på 7 dyr i Snøhetta aust. Kva som er årsaka til den låge fellinga på aust er usikkert. På vest har Nesset Fjellstyre gode overgangsavtalar med Rauma, Lesja og Sunndal og Vike og Hoem Heimraster. Det fungerer godt, men det kan vere at det vert for mange jegerar i Stordalsområdet i periodar. Stordalen har lett for å «blås» rein for dyr ved for mykje aktivitet. Jakta her kjem i tillegg til ein del fiskarar og turgåarar. På Eikesdal sameige er det for ein del jegerar usikkerheit om grensene. Her må ein skilje mellom jegerar som er rettshavarar, eikesdalingar som jaktar, men som ikkje er rettshavarar, og utabygdes jegerar med kort frå Eikesdal. Her bør det utarbeidast kart for kvar enkelt jegergruppe. Alle desse gruppene har ulike overgangsavtaler. Også i år var det mange jegerar med privatkort på Lesja vest som nytta Aursjøen som utgangspunkt for jakta. Har inntrykk av at mange av dei private korta frå Lesja vert solgt til romsdalingar. Jegerar med kort frå Rauma nyttar i liten grad Aursjøen som utgangspunkt for jakta. Jaktutøvinga Fikk melding om ein død bukk i utløpsosen av Langtjønna i Lesja 30. aug. Bukken vart leita opp, men den låg på djupt vatn og den vart ikkje dradd på land. Ut frå horna må bukken truleg ha dauda tidleg i år. Fikk og melding om ein mogleg død rein i Høvelbotnen 19. sept. Denne meldinga har ikkje blitt undersøkt. Var og med på ettersøk av ein påskoten rein under Simmeltind 27. aug. Hunden markerte ikkje noko blod, og det var truleg bomskot. Jegeren har i ettertid opplyst om at siktet var ute av stilling (45 cm). Elles har eg fått melding om at to skadde dyr er felt av jegerar i løpet av jakta. Begge skar korta sine på desse dyra. Usikkert om dette var skotskader.

5 Jaktutøvinga er god, små flokkar, rolege dyr, få jegerar. Dette fører til gode jaktsituasjonar. Ingen jegerar har blitt rapportert, eller melde. Ein stor del av jegerane nyttar lyddempar. Dette fører til at ein ikkje høyrer når dyr vert skotne. Normalt skjerpar ein jeger seg når han høyrer eit skot. Den stille jakta fører til at enkelte jegerar observerer mindre med dyr enn før. Samband Radiosambandet fungerer som vanleg dårleg i vestområdet, og det er difor vanskelig å ha kontakt med andre oppsyn gjennom denne. Dei fleste jegerane nyttar jaktradio, og lokalt kan ein fylgje med det som skjer mellom jegerane. Rundt Aursjøen og i Torbudalen er det god mobildekning. Det er og dekning enkelte områder i Vikebotnen og på Odden. Kommunikasjon med andre oppsyn og oppsynsleiar foregår difor med mobiltelefon. Nesset Fjellstyre har satellitt-telefon, det aukar tryggleiken. Både for oppsynet, og eventuelt andre som oppsynet har kontakt med. Felling Eresfjord og Vistdal Statsallmenning, vest: Felt 16 av 28 dyr 57,1 % Eikesdal Sameige: Felt 15 av 24 dyr 62,5 % Vike og Hoem Heimraster: Felt 5 av 7 dyr 71,4 % Øverås og Nerås Grunneigarlag: Felt 2 av 3 dyr 66,7 % Eresfjord og Vistdal Statsallmenning, aust: Felt 0 av 7 dyr 0,0 % Nesset Villreinfelt, vest: Felt 38 av 62 dyr 61,3 % Fyrste helga vart det felt 13 dyr, og i løpet av dei to fyrste vekene vart 55 % av dyra felte (21 dyr). Tredje veka vart det ikkje felt dyr. I september vart det felt 17 dyr, av dette 5 dyr siste veka. 22 av dyra vart felt i løpet av fre laur- og søndag. Ut frå den lave fellinga midt i jakta bør ein vurdere om utvidinga av jakta med ei veke er naudsynt. Jegerane kan kanskje ta innspurten på jakta ei veke før. Truleg er det og meir humant overfor reinen. Ein kan og stille spørsmål om ei forlenging av jakta kan ha verknad på tidspunkt for paring og kalvefødsel. Jaktlag Det vart danna tre jaktlag i Eresfjord og Vistdal Statsallmenning. To på vest og eit på aust. Jaktlaga på vest fikk ei felling på 100 %, medan jaktlaget på aust ikkje hadde felling. Camping i Grønbotnen. Tidleg i jakta vart det registrert til dels mykje camping langs vegen på strekninga frå Fossafjelltjønna til Mardalsbotnen. Den 24. aug vart det registrert 5 campingvogner, to lavoar og 10 bilar spreidd jamt utover. Enkelte av campingvognene vart ståande i lengre tid. Det er ei kjent sak at denne strekninga er svært viktig for reinstrekka frå m.a. områda ved Mardalsbotnen, Midthøin og Grønbotnen. Det vert med dette danna ei sperre som stenger dei naturlege trekkrutene til reinen. Det bør vurderast om det kan innførast eit forbod mot camping på denne strekninga under reinsjakta. Eit alternativ kan vere å etablere ein fast campingplass. Organisering av oppsynet

6 Kontakt med oppsynsleiar har vore på SMS og mobiltelefon. Oppsynsleiar har lagt inn på informasjonstelefonen dei opplysningane som har kome frå vestområdet. Det har og vore kontakt med oppsynet både i Rauma, Sunndal og Lesja. Eresfjord, Dag Ringstad Oddvar Mittet Vedlegg: Dagbok for reinsjaktoppsyn 2016 Fellingsrapport for Nesset Rapporten vert sendt til: Oppsynsleiar Arne Granlund, 2660 Dombås Eikesdal Sameige v/formann Olav Finset, 6472 Eikesdal Vike og Hoem Heimraster v/formann Erik Bredesen, Furuveita 42, 6611 Furugrenda Øverås og Nerås Grunneigarlag, v/henning Øverås, 6470 Eresfjord Nesset Fjellstyre v/leiar Nikolai Finset, 6472 Eikesdal Snøhetta Villreinutval, boks 57, 6601 Sunndalsøra Statens Naturoppsyn, v/bolme, boks 134, 6659 Rindal

7 Nesset Fjellstyre Sak 26/16 Camping i Sandgrovbotnen Mardalsbotnen biotopvernområde Det har i starten av reinsjakta gjennom fleire år blitt registrert camping langs vegen frå Fossafjelltjønna til Mardalsbotnen. Mellom anna vart det onsdag 24. august observert fem campingvogner, to lavoar og 10 bilar på denne strekninga. Dette ligg i Sandgrovbotnen Mardalsbotnen biotopvernområde, Eresfjord og Vistdal Statsallmenning. I forskrift for verneplan for biotopvernområdet står det i 1: «Formålet er å sikre viktige trekkområder og binde saman beite- og kalvingsområdene for villreinen i Snøhettastammen.» Det er kjent sak at på denne strekninga er det viktige trekkruter for rein. M.a. kryssar reinen her frå/til områda ved Mardalsbotnen, Midthøi, Grønbotnen og Litlfjellet, Børå, Børtela. Det er stort sett bukk som nyttar dette området og det er spesielt viktig om hausten at bukkane ikkje vert hindra i å få kontakt med fostringsflokkane som held til lenger sør. Alternativt må reinen trekke på vestsida av Fossafjellet med kryssing ved Kaldhøa Raudmyrhøa. I 3 pkt. 1.1 i forskrift for verneplan for Sandgrovbotnen Mardalsbotnen BVO står det vidare: «Det må ikke iverksettes tiltak som vesentlig kan forringe villreinen sitt livsmiljø eller hindre villreinen sin bruk av området. Med de unntak som følger av forskriften pkt. 1.2 og 1.3 er det forbod mot --- plassering av campingvogner og bobiler, ---. Det står vidare : «Opplistinga er ikkje uttømmende.» Når det gjeld telting er den generelle regelen (allemannsretten) at eit telt kan stå i maksimalt to døgn, dersom ein ikkje har grunneigars løyve. Dette gjeld derimot ikkje på høgfjellet forutsatt at opphaldet ikkje fører til nevneverdig skade eller ulempe. Skilting mot telting må ha hjemmel i lov eller forskrift, og kan ikkje gjennomførast av grunneigar åleine. I 3 pkt. 1.2 står det: «Reglene i pkt 1.1 er ikke til hinder for: h) Hensetting/parkering av campingvogner og bobiler på areal som er spesielt avsatt til formålet gjennom forvaltningsplan.» Det er gjennom forvaltningsplanen ikkje avsett areal til hensetting av campingvogner og bobilar i dette området. Ved rullering av forvaltningsplanen er det noko ein bør sjå nærare på. Det er både ved utløpet av vasstunnellen frå Bruabotnen og ved nedste Mardalsvatnet område som kan vere eigna til camping. Forslag til vedtak Nesset Fjellstyre vil i samarbeid med vernemyndigheiter arbeide for å få skilt med forbod mot camping på strekninga frå Fossafjelltjønna til Mardalsbotnen. Ved rullering av forvaltningsplanen vil Nesset Fjellstyre arbeide for å få avsett eit område i Sandgrovbotnen Mardalsbotnen BVO til camping.

8 Nesset Fjellstyre Sak 27/16 Kultivering av Aursjøen Nesset Fjellstyre har i haust fått kopier av div. e-postar angåande kultivering av Aursjøen, Osvatnet, Reinsvatnet og vatna i Sandgrovbotnen. Erling Rød, medlem av Sunndal Fjellstyre og hytteeigar ved Aursjøen, meinar at Statkraft driv med ulovlig kultivering ved å ta stamfisk frå Lesjaskogsvatnet. Han meinar at Lesjaskogvatnet er grunt og ligg i eit jord- og skogbruksområde, medan Aursjøen, Osvatnet, Reinsvatnet og vatna i Sandgrovbotnen er sterkt regulerte og heilt ulike Lesjaskogvatnet. Saka har vore sendt m.a. til fylkesmannen i Møre og Romsdal, Statkraft og sekretær for nasjonalparkstyret. Nesset Fjellstyre har ikkje engasjert seg i saka. Korrespondansen vert lagt fram for styret. Ber om at styret diskuterer saka. Er det grunnlag for å koma med ein uttale? Forslag til vedtak. Nesset Fjellstyre tar seniorrådgivar Leif Magne Settem hjå Fylkesmannen i Møre og Romsdal sitt svar til Erling Rød til etterretning.

9 Nesset Fjellstyre Sak 28/16 Samarbeid om oppsyn, Eikesdal sameige Nesset Fjellstyre har i dag eit samarbeid om oppsyn med dei tre andre rettshavarane i Nesset der kvar enkelt rettshavar betalar sin del av netto oppsynsutgifter etter areal. Eikesdal Sameige 37,7 %, Vike og Hoem Heimraster 11 % og Nerås og Øverås grunneigarlag 4 %. Dette vert rekna som sal av tenester og meirverdiavgift kjem i tillegg. Nesset Fjellstyre får refundert om lag % av oppsynsutgiftene gjennom refusjonsordninga. Vi har ikkje fått signal om at nokon av rettshavarane ynskjer endringar i dette samarbeidet, men Eikesdal Sameige har frå 2016 engasjert Oddvar Mittet som ekstra oppsyn på sine områder. I alt har han gått oppsyn i 74 timar, fordelt på 9 dagar, stort sett kvar laurdag og søndag i reinsjakta. Vi har hatt eit godt samarbeid, og Oddvar Mittet har nytta Nesset Fjellstyre sine hytter ved behov. Lønn og alle utgifter vert dekt av Eikesdal Sameige. Eikesdal Sameige har kome med spørsmål om Oddvar Mittet kan lønnast av Nesset Fjellstyre, og at dei betalar dei utgiftene Nesset Fjellstyre har med dette. I praksis vil det seie at Oddvar Mittet vert ansatt av Nesset Fjellstyre og at vi får dekt om lag halvparten av utgiftene gjennom refusjonsordninga. Overfor Eikesdal Sameige sel Nesset Fjellstyre då ei teneste, og meirverdiavgift kjem i tillegg. Utgifter som vert dekt gjennom refusjonsordninga er: - Lønn - Diett - Køyreutgifter - Yrkesskadeforsikring - Feriepengar - Arbeidsgivaravgift - Arbeidsklede, utstyr Utgifter som ikkje er med i refusjonsordninga: - Rekneskap, lønnsarbeid, revisjon, kontor, pc, telefon - Vedlikehald hytter - Medlemskontingent NFS, 4 % av inntektene Vi har dei siste åra brukt om lag timar på oppsyn kvart år. I dette timetalet er oppsyn for SNO, Rovviltutval, Snøhetta Villreinutval og andre rettshavarar medrekna. For 2017 har Nesset Fjellstyre sendt inn til Statskog SF eit oppsynsbudsjett på 580 timar (må sendast inn før 1. november). Ut frå tala frå reinsjakta 2016 så hadde Nesset Fjellstyre ei utgift på om lag kr. 121 kr. pr. time for oppsyn, inkl. feriepengar og arbeidsgivaravgift. Då er halvparten refundert. I tillegg kjem diett pr. dag med kr. 175 (50 %) og køyring kr. 2,05 pr. km (50 %). Dersom det vert aktuelt må Nesset Fjellstyre ha minimum kr. 130 pr. time for å dekke sine utgifter. I tillegg kr. 185 pr. dag i diett og kr. 2,15 pr. km køyring. Meirverdiavgift kjem i tillegg. Lønnssatsar for 2017 kan bli endra. Arbeid for SNO fakturerte vi i 2016 med kr. 575 pr. time + meirverdiavgift. Denne satsen er bestemt sentralt. Arbeid for Snøhetta Villreinutval vart fakturert med kr. 375 pr. time + meirverdiavgift. Forslag til vedtak Saka vert lagt fram utan forslag til vedtak.

10