Bakgrunn for og forklaring til løyve til Slakteriet AS og gebyr for sakshandsaming

Transkript

1 Sakshandsamar: Grete Hamre Vår dato Vår referanse Telefon: / E-post: Dykkar dato Dykkar referanse Slakteriet AS Boks FLORØ Bakgrunn for og forklaring til løyve til Slakteriet AS og gebyr for sakshandsaming Fylkesmannen i Sogn og Fjordane har vedteke å gi Slakteriet AS løyve til utvida produksjon etter ureiningslova på visse vilkår. Verksemda får no eit løyve som er tilpassa EU-direktivet for integrert førebygging og avgrensing av ureining (IPPCdirektivet). Løyvet med tilhøyrande vilkår følgjer vedlagt. Gebyr for sakshandsaminga er varsla til kr Vi viser til søknad frå Slakteriet AS dagsett om utvida løyve etter ureiningslova til slakting av laks og aure. Fylkesmannen i Sogn og Fjordane gir med dette Slakteriet AS endra utsleppsløyve etter ureiningslova på visse vilkår. Utsleppsløyvet med tilhøyrande vilkår følgjer vedlagt. Løyvedokumentet er eit juridisk bindande dokument for verksemda. Generelt gjeld då at brot på vilkår i dokumentet kan straffast. Verksemda må leggje dokumentet til grunn for dagleg drift og som viktig føring for utarbeiding og oppfølging av internkontroll. Merk også at vedlegga til løyvet er ein del av dei juridiske krava til verksemda. Vi vil streke under at all ureining frå verksemda isolert sett er uønskt. I løyvet er det difor sett krav om at alle utslepp må reduserast så langt dette er mogleg utan urimelege kostnader. Dette gjeld også for utslepp det ikkje uttrykkeleg er sett grenser for. Verksemda må difor arbeide for utsleppsreduksjon jamvel om utsleppa vert haldne innafor fastsette utsleppsgrenser. Dei utsleppskomponentane frå verksemda som vi meiner har mest å seie for miljøet, er uttrykkeleg regulert gjennom spesifikke vilkår i løyvet. Utslepp som ikkje er regulert på denne måten, er omfatta av løyvet i den grad opplysningar om slike utslepp vart lagt fram i samband med sakshandsaminga eller må sjåast på å ha vore kjent på annen måte då vedtaket vart gjort. Dette gjeld likevel ikkje utslepp av prioriterte stoff som er omtalt i vilkår 2.1. og vedlegg 1 i løyvedokumentet. Saksframstilling Slakteriet AS er lokalisert i Florø hamn i Flora kommune. Verksemda har utsleppsløyve frå for slakting av inntil tonn laks og aure per år. Det er søkt om utviding av rammevilkåra til ein årleg produksjon på tonn laks og aure. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: Postboks 14, 6801 Førde Internett: Telefaks: Telefon: Org.nr Telefaks:

2 2/7 Søknaden om endring av utsleppsløyvet har vore utlagt til offentleg gjennomsyn ved kommuneadministrasjonen i Flora i tida Det har ikkje kome merknader til søknaden. Miljøpåverknad frå aktivitetane Verksemda påverkar miljøet ved utslepp av ureina prosessavløpsvatn til sjø og eventuelt støy- og luktulemper til omgjevnaden. Avfall som vert generert av aktivitetane kan verke skjemmande og det kan vere fare for akutte utslepp. Slakting av laksefisk er prosessbasert og tek utgangspunkt i levande fisk som vert levert med brønnbåt til slaktemerd der fisken vert oppbevart fram til slakting. Fisken vert pumpa frå slaktemerd til levandekjøletank før han vert bløgga, utblødd, sløyd, vaska og eventuelt hovudkappa. I alle desse prosesstrinna vert det danna prosessavløpsvatn (i hovudsak blodvatn) som inneheld organisk materiale og næringssalt. Prosessavløpsvatnet vert filtrert gjennom eit filter med porestorleik 300 µm. Vatnet vert desinfisert med kloroksidantar produsert lokalt ved elektrolyse av sjøvatn i oksidantgenerator, før det vert sleppt ut i sjøen på ca. 33 m djupne. Det er ikkje opplyst om utsleppskjelder ut over prosessavløp. Eventuelt oljehaldig avløpsvatn frå verkstader eller liknande må reinsast tilfredsstillande i oljeavskiljar eller tilsvarande reinseeining slik innhald av olje i avløp ikkje overstig 50 mg/l, som er generell grense for dette. I følgje verksemda er det lite støy til omgjevnadene ved normal produksjon. Maskiner som kan rekna som støyande, er innebygde for å førebyggje dette. Verksemda vil kunne ha diffuse utslepp til luft frå produksjonsprosessar, reinseanlegg og uteareal. Auka produksjonsrammer vil ikkje føre til nemneverdige endringar i utslepp til luft. Det vil bli danna avfall, inkludert farleg avfall som følgje av aktivitetane ved verksemda. Fiskeavfall (slo, avskjer og kassert fisk) vert ensilert med maursyre og levert til ekstern mottakar. Avfall som vert generert og mellomlagra kan verke skjemmande, og det kan vere fare for akutte utslepp frå t.d. tankar. Rammene for produksjonen er gitt i vilkår 1 i løyvet. Med «vesentlege endringar» er meint endringar over om lag 10 % av produksjonsrammene, men også vedvarande produksjonsmengd over rammene kan utløyse behov for endring av løyvet. Fylkesmannen sine vurderingar og grunngjevingar for dei fastsette vilkåra Fylkesmannen har ved avgjerda om at det skal gjevast utvida løyve og ved fastsetjinga av vilkåra, lagt vekt på dei ureiningsmessige ulempene ved tiltaket samanhalde med dei fordelane og ulempene som tiltaket elles vil føre med seg. Ved fastsetjinga av vilkåra har Fylkesmannen vidare lagt til grunn kva resultat ein kan nå med beste tilgjengelege teknologi (BAT). Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 i naturmangfaldlova lagt til grunn for vår vurdering (kunnskapsgrunnlag, føre-var-prinsippet, den samla belastninga på økosystemet, kostnader ved forringing av miljøet og miljøforsvarlege teknikkar og driftsmetodar). Fylkesmannen har i tillegg vurdert om utsleppet det er søkt om løyve til kan kome til å verte i strid med vassforskrifta sine reglar i høve reduksjon av tilstandsklasse i vassførekomsten til lågare enn god. Paragrafane 4 6 i vassforskrifta seier i utgangspunktet at reduksjon av tilstandsklasse ikkje skal tillatast. Paragraf 12 opnar likevel for at reduksjon frå høg til god

3 3/7 tilstand kan tillatast. Reduksjon til lågare enn god tilstand kan berre aksepterast dersom unntaksreglane i 12 vert tilfredsstilt. Verknad av utsleppa på resipienten og menneske si helse Utsleppa av prosessavløpsvatn går ut på 33 meters djupne i Florø hamn. Utsleppsstaden ligg i vassførekomsten Florevika Gaddevågen (Vann-Nett-ID C), som er ein beskytta kyst/fjordvassførekomst. Vurdert ut frå kjende påverknader i området har vassførekomsten ein antatt dårleg miljøtilstand i dag, på grunn av ureina sediment i verftsområdet, og avløpspåverknad i austre delen. Vassførekomsten er difor samla sett vurdert å ha risiko for å ikkje oppnå god tilstand dei næraste åra. Verksemda vil ha ein viss påverknad på miljøet ved utslepp av ureina vatn, men det er likevel ikkje grunn til å tru at reinsa utslepp frå verksemda vil påverke dei dårlege delane av vassførekomsten ytterlegare, eller hindre at tilstanden på sikt kan bli «god» i desse områda. Det er førebels ikkje sett krav om jamleg overvaking av miljøtilstanden i utsleppsområdet. Tilhøva vert følgd nærare opp med krav om dokumentasjon og årleg rapportering av utslepp frå drifta av anlegget (vilkåra 11-13). Slakteriet AS har hatt drift på staden i mange år. Fylkesmannen er ikkje kjent med at støy eller lukt er ei stor belastning på busetnad og omgivnaden elles i dag. Endringane som er søkt om, er ikkje venta å gje nemnande endring i støy- og luktbelastninga for nærområdet. Vilkår 5 set krav om at diffuse utslepp frå produksjonsprosessar, reinseanlegg og uteareal ikkje skal gi nemneverdig luktsjenanse utanfor verksemda sitt område. Grensa på månadsbasis er sett i samsvar med Klima- og forureiningdirektoratet (Klif) sin rettleiar for regulering av lukt i utsleppsløyve. Vilkår 6 set støygrenser i samsvar med gjeldande tilråding frå Klif for industristøy. Fylkesmannen finn ikkje grunn til å skjerpe vilkåra for lukt og støy utover dei generelle føringane frå Klif. Fylkesmannen vurderer at dei samla miljø- og helsemesige konsekvensane av utsleppa med dei vilkåra som er sette, vil vere akseptable. Vurdering av teknikkar/ teknologiske forhold Ved sida av resipientvurderingar, er det eit viktig prinsipp i Fylkesmannen si sakshandsaming at beste tilgjengelege teknologi skal takast i bruk for å førebygge ureining. Det er stilt ei rekkje krav (vilkår i løyvet) som gjeld drifta ved verksemda. Vilkåra set nokre gonger konkrete utsleppskrav, og andre gonger føringar for arbeidet med viktige ureiningseller avfallsreduserande tiltak. Merk at krava i liten grad gir føring om å nytte ei spesifikk teknisk løysing. Dette vert i hovudsak opp til verksemda å avgjere. Merk også at verksemda kontinuerleg må arbeide med redusere utslepp, jamvel om ein tilfredsstiller gjeldande utsleppsgrenser i løyvet. Internasjonale krav Mange av dei spesifikke vilkåra i løyvet er sett på bakgrunn av felles europeisk regelverk. IPPC-direktivet (EU -direktiv for integrert førebygging og avgrensing av ureining) og vassforvaltningsforskrifta (etter Vassrammedirektivet) er særleg viktige grunnlag for kravsetjing. IPPC-direktivet gir spesielt føringar for å stadig forbetre teknikkar og teknologi for å minske og førebyggje utslepp. I den samanheng brukar vi den norske nemninga «beste tilgjengelege teknologi» for omgrepet Best Available Techniques, forkorta BAT.

4 4/7 Verksemda har produksjonskapasitet som er større enn 75 tonn per døgn. I følgje ureiningsforkrifta 36, vedlegg 1, pkt. 6.4.b fører dette til at produksjonen vert omfatta av EU-direktiv 2008/1/EU: «Integrated Pollution Prevention and Control» (IPPC-direktivet) med tilhøyrande referansedokument for beste tilgjengelege teknologi (BREF-dokument «Best Available Techniques in the Food, Milk and Drink Industries 1»). EU har vedteke eit nytt industriutsleppsdirektiv 2010/75/EU, også kalt IED-direktivet, som slår saman IPPC-direktivet og seks andre direktiv som regulerer utslepp frå industriverksemder. IED-direktivet erstattar såleis IPPC-direktivet. IED er venta å bli implementert i Noreg i løpet av BREF-dokumenta vert etter dette meir forpliktande (tidlegare berre rettleiande). Energi Verksemda nyttar elektrisk kraft som energikjelde til alle prosessar og aktivitetar som krev straum. I samsvar med prinsippa i IPPC-direktivet og krav om bruk av BAT set vilkår 8 i løyvet krav om styringssystem for effektiv bruk av energi og rapportering av energiforbruket. Det er sett krav til at verksemda skal ha eit system for kontinuerleg vurdering av tiltak som kan setjast i verk for å oppnå mest mogeleg energieffektiv produksjon ved bruk av BAT. Systemet skal vere utarbeidd på grunnlag av ein grundig gjennomgang av heile verksemda og må m.a. omfatte mål for energieffektivitet (totalt energiforbruk og spesifikt energiforbruk) og ein skriftleg plan for korleis energiforbruket kan reduserast eller haldast lågast mogleg. Fylkesmannen finn ikkje grunn til å sette ei maksimumsgrense for totalt energiforbruk. Konklusjon Med bakgrunn i opplysningane i søknaden og etter ei heilskapleg vurdering av miljømessige, tekniske og økonomiske tilhøve har Fylkesmannen kome fram til at produksjonsauken med tilsvarande auka utslepp er forsvarleg. Det blir difor gitt endra utsleppsløyve på nærare spesifiserte vilkår. Løyvedokumentet (utsleppskonsesjon) vert sendt saman med dette skrivet. Dei juridiske krava som elles ikkje går fram av lov- og forskriftsverket, eller er presisert eller innskjerpa i høve til det generelle regelverket er samla i løyvedokumentet. Fristar Tabellen nedanfor gir oversikt over nokre viktige fristar: Tiltak Frist / frekvens Tilvising til vilkår i løyvet/ regelverk Ev. merknader til gebyrvarsel Tre veker frå Forvaltningslova 16 mottatt Ev. klage på vedtak om løyve eller vilkår til løyvet Tre veker frå Forvaltningslova kap. VI mottatt løyvet Oppdatert kunnskap om BAT-dokumentasjon Kontinuerleg 2.3 Internkontroll for ytre miljø d.d. 2.4, og Internkontrollforskrifta Reinsing av prosessavløpsvatn Kontinuerleg 3.1 og 3.2 Substitusjon av kjemikal Jamleg 7, og Produktkontrollova 3a 1

5 5/7 Ha etablert energistyringssystem Miljørisikoanalyse, Kontinuerleg 10.1 Ha etablert beredskap mot akutt ureining d.d Øving av beredskap Minst årleg 10.3 Måleprogram og utsleppskontroll Kontinuerleg 11 Rapportering til ureiningsstyresmakta Årleg, 13 innan 1.mars Oversikt over miljøpåverknad frå drifta Årleg til ålmenta Miljøinformasjonslova Risikoklasse Miljømyndigheitene si risikoklassifisering av verksemder er eit uttrykk for ureiningspotensialet som føreligg, og er gradert frå 1 til 4, der 1 er høgaste risiko. Etter ei samla vurdering av risikopotensialet ved denne typen verksemder, og opplysningane som ligg føre om utsleppa, utsleppsstaden og miljøtilstanden i resipienten, finn Fylkesmannen det rett å klassifisere verksemda Slakteriet AS i risikoklasse 3. Plasseringa i risikoklasse vil gje føringar for den rutinemessige formelle kontakten mellom Fylkesmannen og verksemda framover. Klassifiseringa har m.a. innverknad på kor ofte Fylkesmannen er venta å gjennomføre tilsyn med verksemda, samt gebyrsatsen for tilsyn, jf i ureiningsforskrifta. Varsel om gebyr for sakshandsaminga Ureiningsforskrifta kapittel 39 inneheld gjeldande regelverk i høve til innkrevjing av gebyr for Fylkesmannen sitt arbeid med løyve etter ureiningslova og oppfølging av dette (tilsyn). Søknaden om endring av utsleppsløyve er løyvearbeid etter ureiningslova som det skal betalast gebyr for. På grunnlag av arbeidsmengda som søknad om endra løyve medfører for Fylkesmannen, varslar vi at gebyret vil bli fastsett til sats 2, jf. ureiningsforskrifta 39-3, jf Det vil seie at det skal betalast eit gebyr på kr (satsen ved søknadstidspunktet). De har høve til å komme med merknader til gebyrvarselet innan tre veker frå varselet vart motteke. Vedtaket om gebyrsats vil så bli sendt verksemda i eige brev, og faktura vert sendt ut av Klif. Generelle føresetnader for løyvet og informasjon om regelverket Internkontroll Forskrift om systematisk helse-, miljø- og sikkerheitsarbeid (internkontrollforskrifta) er eit felles regelverk for tilsynsetatane kjende som HMS-etatane (helse miljø sikkerheit). Regelverket og korleis ein generelt må arbeide for å stette krava, er nærare omtalt på Krava om tiltak for ytre miljø (tiltak for vern mot ureining og ei betre handtering av avfall) gjeld alle verksemder som har minst ein tilsett. Plikta til internkontroll som gjeld det ytre miljøet er difor presisert i vilkåra. Forskrifta omtalar kva for oppfølging av krav som må dokumenterast skriftleg, og korleis ein bør organisere arbeidet. Skriftleg dokumentasjon som må vere tilpassa type og omfang av aktivitetar: Eigne etablerte, konkretiserte og vedlikehaldne mål for det ytre miljøet Plan for opplæring og kompetanseutvikling for ytre miljø

6 6/7 Medverknad frå tilsette Skriftleg og oppdatert risikovurdering i høve til ytre miljø (vilkår 10.1) Skriftlege rutinar for: o Dei ulike produksjonsprosessane og utsleppskontrollen i verksemda o Førebyggande vedlikehald av alt utsleppsrelevant utstyr Driftsjournalar og instruksar for alle aktivitetar som kan påverke det ytre miljøet Merk at det framleis er ei vanleg mistyding å berre omtale krav etter internkontrollforskrifta som gjeld indre miljø (dvs. arbeidsmiljøet) som HMS-krav, medan tilsvarande HMS-krav etter internkontrollforskrifta som gjeld ytre miljø (ureining og avfallshandtering) vert omtala på annan måte. Vi vil såleis generelt presisere at HMS-krav etter internkontrollforskrifta gjeld fullt ut for det ytre miljøet. Andre viktige miljølovkrav I tillegg til dei krava som følgjer av løyvet, pliktar verksemda å følgje krava i ureiningslova og produktkontrollova, og forskriftene som er heimla i desse lovene. Nokre av desse lovkrava er nærare omtalt eller presisert i løyvet. Viktig regelverk som gjeld generelt for dykkar bransje, vil de finne på og Graving eller mudring Graving, mudring eller andre tiltak som kan påverke ev. ureina grunn eller ureina sediment i nærområdet, treng eige løyve etter ureiningslova, ev. godkjenning frå kommunen 2. Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast. Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Tvangsmulkt, straff Brot på løyvet er straffbart etter ureiningslova 78 og 79. Også brot på krav som følgjer direkte av ureiningslova og produktkontrollova samt forskrifter fastsett i medhald av disse lovene, er straffbart. Ved avvik frå løyvet eller ureiningslova kan Fylkesmannen gje pålegg om igangsetjing av tiltak for å rette opp avvik, jf. ureiningslova 7, siste ledd. Dersom pålegget ikkje vert følgt opp kan Fylkesmannen fatte vedtak om tvangsmulkt til staten, eller vi kan for dykkar rekning setje i gang tiltak (ureiningslova 73 og 74). Erstatningsansvar At ureininga er tillaten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), samt grannelova 6, 7 og 8. Dette løyvet fritek heller ikkje søkjaren for ansvar i høve til anna lovverk som gjeld for denne verksemda, t.d. arbeidsmiljø-, helse- og brannvernreglar. 2 Jf. ureiningsforskrifta kapittel 2 om opprydding i ureina grunn ved bygge- og gravearbeider og ureiningsforskrifta kapittel 21.

7 7/7 Klagerett Vedtaket - også plasseringa i risikoklasse - kan klagast på til Klima- og forureiningsdirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgi nærare kva det vert klaga på, og den eller dei endringane som ein ønskjer. Klagen bør grunngjevast, og andre opplysningar som har noko å seie for saka, bør nemnast. Klagen skal sendes til Fylkesmannen. Ei eventuell klage fører ikkje automatisk til at gjennomføringa av vedtaket vert utsett. Fylkesmannen eller Klima- og forureiningsdirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå sakens dokumenter. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket vert kunngjort offentleg for dykkar rekning, jf i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Løyvet vert også lagt ut på Med helsing Gøsta Hagenlund assisterande fylkesmiljøvernsjef Grete Hamre overingeniør Vedlegg 1 Slakteriet AS - Løyvedokument Kopi via EDU til Flora kommune Markegata Florø