VINJE KOMMUNE MØTEBOK UTVAL STAD DATO KL.:

Transkript

1 VINJE KOMMUNE MØTEBOK UTVAL STAD DATO KL.: KOMMUNESTYRET KOMMUNESTYRESALEN :00 Desse representantane møtte: Namn: Repr Vara for Arne Vinje SV Aslak Ofte SP Børre Rønningen AP Ole Kristian Nyhus H Gunn Aslaug Seltveit Bøe AP Ingerid Hayes SV Margit Auran KRF Halvor Lognvik FRP Ellen Gardsteig AP Christian A Kongshem AP Knut Berdal Ringhus SV Baiba Sheine SV Kari Rustberggård SV Agnar Bratland KRF Hans Nesheim AP Tore Maurits Damberg FRP Tor Strømme AP Anne Lise Verpe Sandok AP Aasmund Nordstoga SP Lena Romtveit SP Bibbi Tveito SP Knut Erik Jordstøyl Ole Tobiassen SV Vera Jørgensen Jon Torvetjønn FRP Britt Særen Nora T. Ravn SV Ali Abdi Mohamed Jon Rikard Kleven SP Tone Edland Saker til handsaming: 08/81-08/84 Merknader: 1/11

2 Andre som møtte: Namn Hans Kristian Lehmann Stilling Rådmann Arne Vinje ordførar Reidun Lofthus administrasjonssekretær 2/11

3 Saksliste Saksnr Tittel Arkivkode PS 08/81 Referat og meldingar PS 08/82 Forslag til ny Verksemdsplan og Tiltaksplan i SLT-samarbeidet PS 08/83 Godtgjersle til ordførar - frigjering av koblinga til rådmannen si lønn 082 PS 08/84 Kommunedelplan for Ev 134 Vågslid Grostøl eigengodkjenning Q12 3/11

4 PS 08/81 RS 08/10 REFERAT OG MELDINGAR Møtebok frå førre møte Handsaming i Kommunestyret : Tor Strømme (Ap) og Børre Rønningen (Ap) meinte at sidan saklista var så kort denne gongen kunne det vore teke opp fleire saker, td. informasjon om ulike tema til kommunestyret. Hans V. Nesheim (Ap) hadde eit spørsmål til ordføraren: ORDFØRAREN, BESØK OG TANKAR I TIDA.. For cirka to veker sidan vart eg oppringd frå kommunen fordi dei ville leggje opp til eit bedriftsbesøk på ysteriet, i forbindelse med eit besøk frå Bayern. Fekk inntrykk av at dette var veldig viktig at Ordføraren og dette besøket skulle koma innom ysteriet. Eg gjekk då med på dette, sjølv om det eigentleg var ein litt problematisk dag å få besøk på. Eg må sjølv medgje at eg syntes det var greit at Ordføraren òg fekk orientering om drifta her. Dagen kom, 7 tyskarar kom, ingen Ordførar. Eg fekk då greie på av tolken i dette laget at han var på eit møte, og skulle treffe tyskarane oppe på Haukeliseter Fjellstue etter besøket på ysteriet. Kva for signal gjev dette? Det er folk på ysteriet som i dag tenkjer sitt rundt dette. Er ikkje denne arbeidsplassen noko verdt? Kan for eksempel grunnen til at denne arbeidsplassen ikkje er noko verdt vera at det er TINE som er eigaren? Eg har ikkje teke dette personleg innover meg, men for arbeidsplassar i eigen kommune meiner eg det er særs viktig at Ordføraren held ei viss balanse utad, når det gjeld jordbrukspolitiske utfordringar. Eg meiner bestemt at ysteriet i Haukeli er ei av fleire viktige bedrifter. Der er veldig store ringverknader rundt denne drifta. Det er ikkje sjølvsagt at TINE vel å satse vidare på dette anlegget. Det hadde dei ikkje gjordt hvis det ikkje var for bl.a. den solide innsatsen som vert lagt ned av dei tilsette. Eg meiner ein skal leite lengje før ein finn ein arbeidsplass med så lojale medarbeidarar. Ein vert freista til å tenkje at Ordføraren ikkje ynskjer å setje seg inn i det kontinuerlige næringsarbeidet. Håpar eg tek feil her. I allefall så var tyskarane veldig imponera og samstundes overraska over det me driv på med. Dei sa at dette besøket var ei av perlene på denne turen. Eg hadde med ein tittel til, og det var tankar i tida. Dette er nok eit sitat som ein har sett mange gonger. Mine tankar i tida er framtida for TINE Meieriet Sør Haukeli. Tenkjer spesielt då på aktivitet på anlegget, moglege ombyggingar og produktutvikling. 4/11

5 Me er sjølvsagt takksame over den velviljen som har vore ytt frå kommunen til Ysteriet tidlegare, og det gode samarbeidet som har vore. Men kva veit me om det no i dag? Det er heilt avgjerande at me har ein god og trygg dialog med kommunen. Dette er synspunkt som eg meiner er på tide at eg får lufta ut. Eg understrekar òg at eg har min rett til å meine dette ut i frå næringsvinkling. Eg kunne tenkt meg at eg fekk eit svar på dette av Ordføraren på kommunestyremøtet 2. oktober. Ordførar Arne Vinje svara: Vitjinga på Meieriet Sør Haukeli Spørsmålet som blir stilt i brev frå Hans Nesheim dagsett 29. september, er kvifor ordføraren ikkje var med ein tysk delegasjon på vitjing til ysteriet den 19. september, og korleis dette kan tolkast. Hans Nesheim avsluttar brevet slik: «Eg kunne tenkt meg at eg fekk eit svar på dette av ordføraren på kommunestyret 2. oktober.» Som nemnt er det å reise spørsmål ein rett som dei møtande representantane i kommunestyret har. Brevet til meg er skrivi og underteikna av meierisjef Hans Nesheim, medan det er politikaren Hans Nesheim som legg spørsmålet fram her i dag. Eg har teki utgangspunkt i at dei to er ein og same person, og reknar med at innhaldet i brevet òg må forståast ut frå det faktum. Dermed blir det heller ikkje i framtida mogleg for andre enn møtande medlemer og varamedlemer å koma med førespurnader i kommunestyremøta. Det fylgjande er stort sett samanfallande med det skriftlege svaret som Hans Nesheim kravde i oversendingsbrevet sitt. Bakgrunnen for spørsmålet frå Nesheim er at Vinje kommune i dagane 16. til 20. september var vertskap for ei gruppe frå Bayern. Tyskarane var særleg interesserte i tema som forvalting av verneområde, natur- og kulturbasert reiselivsutvikling og satsing på småskala næringsliv. Fordi vitjinga kom til gjennom ein kontakt eg sjølv fekk med borgarmeisteren i kommunen Bayerische Eisenstein, var eg med både på å utarbeide programmet og på å gjennomføre det. Ved slike høve ønskjer me sjølvsagt å syne fram det me er mest stolte av i kommunen. Ysteriet i Haukeli er ei verksemd som eg sjølv ved mange høve har lyft fram, kytt av og vist til, ikkje minst som eit døme på kva det er mogleg å få til når det gjeld foredling av landbruksråvarer. I tillegg er ysteriet ein føresetnad for at dei duglege geitemjølkprodusentane i distriktet skal få avsetnad for mjølka si. Dagen før hadde gruppa møtt ein av dei. Derfor sette eg stor pris på at ysteriet fann høve til å taka i mot dei tyske gjestene våre om føremiddagen fredag 19. september, for å orientere om produksjonen og produkta. Eg kan stadfeste at gruppa fann vitjinga svært interessant. 5/11

6 Men Hans Nesheim er altså sterkt kritisk til at ordføraren ikkje var med då gruppa kom til ysteriet. Dette brukar han så som utgangspunkt for spekulasjonar om ordførarens manglande interesse for ysteriet spesielt og næringspolitikken generelt. Lat meg fyrst seia litt om kva som hindra meg i å koma: Etter at Vinje kommune fleire gonger har konstatert at fylkeslandbruksstyret har komi til eit anna resultat i bupliktsaker enn våre eigne politikarar, bad me om å få høve til å taka opp dette problemet med fylkespolitikarane. Dette resulterte i at fylkeslandbruksstyret la sitt ordinære møte til Åmot denne fredagen, og inviterte leiinga i kommunen til møtet for å drøfte praktiseringa av reglane. Eg reknar denne delen av landbrukspolitikken for å vera ei sentral sak for oss, og dialogen med fylkespolitikarane, landbruksdirektøren og fylkesmannens landbruksavdeling er så viktig at eg såg det som naudsynt å vera med på dette møtet. Styrken i kritikken og heile tonen i brevet ditt fortel meg at eg nok burde ha sytt for at meierisjefen blei orientert om grunnen til at eg ikkje kunne følgje gruppa på denne vitjinga. Men så vil eg òg leggje til og streka under at det var ikkje fyrst og fremst ordføraren som reiste på besøk til ulike stader i kommunen desse dagane det var dei tyske gjestene våre. I denne samanhengen var rolla mi berre å vera vert og tilretteleggjar. Det var altså tilfeldig at det blei nettopp denne delen av programmet som kolliderte med eit møte eg ikkje kunne koma frå. Derfor er heller ikkje dette eit signal om nokon ting, og slett ikkje om at ordføraren tykkjer at denne arbeidsplassen ikkje er noko verdt. Det er som sagt å snu saka på hovudet. Men så spør Hans Nesheim vidare: «Kan for eksempel grunnen til at denne arbeidsplassen ikkje er noko verdt vera at det er TINE som er eigaren?» Dette spørsmålet skjønar eg ikkje, og eg bed med dette om at Hans Nesheim i tilsvaret grunngjev insinuasjonen. Lat meg berre seia at TINE er ein del av det norske landbrukssamvirket som eg har vori knytt til i heile mitt yrkesliv som gardbrukar; og som eg aktivt har støtta politisk som tillitsvald i Norsk Bonde- og Småbrukarlag på ulike nivå. Eg ser det som ein klår føremon at verksemda på Haukeli er ein del av TINE-konsernet. Eg vil likevel avslutte med å oppfatte spørsmålet som eit positivt ønske om nærare kontakt mellom TINE Meieriet Sør Haukeli og Vinje kommune. Det skal eg i så fall med glede følgje opp, og eg vil gjerne koma for å drøfte dei utfordringane Nesheim nemner på ein langt grundigare måte enn det som er mogleg når det er ei gruppe frå eit anna land som er på besøk. Framlagde referat og meldingar blei teke til etterretning. 6/11

7 PS 08/82 FORSLAG TIL NY VERKSEMDSPLAN OG TILTAKSPLAN I SLT-SAMARBEIDET RÅDMANNENS FRAMLEGG TIL VEDTAK: Planane vert vedtekne slik dei ligg føre. Rådmannen, Hans Kristian Lehmann, rådmann /s/ Handsaming i Oppvekst- og velferdsutvalet : Framlegget frå rådmannen blei samrøystes vedteke. Planane vert vedtekne slik dei ligg føre. Saksordførar: Hans V. Nesheim Handsaming i Kommunestyret : Framlegget frå oppvekst- og velferdsutvalet vart samrøystes vedteke. Planane vert vedtekne slik dei ligg føre. PS 08/83 GODTGJERSLE TIL ORDFØRAR - FRIGJERING AV KOBLINGA TIL RÅDMANNEN SI LØNN RÅDMANNENS FRAMLEGG TIL VEDTAK: Godtgjersla til ordførar vert sett til 90% av stortingsrepresentantane si godtgjersle. Ordninga vert gjort gjeldande frå Godtgjersla vert regulert årleg 1. mai. Ein legg då til grunn stortingsrepresentantane sin godtgjersle som var fastsett 1. oktober føregåande år. Rådmannen, Hans Kristian Lehmann, rådmann /s/ 7/11

8 Handsaming i Formannskapet : Framlegg frå Ap. v Børre Rønningen: Saka vert utsett. Framlegget frå Rønningen vart vedteke med 4 mot 3 røyster. Saka vert utsett. Handsaming i Formannskapet : Arne Vinje gjekk frå som ugild jfr. FVL 6, 2. ledd. Knut Ringhus kom inn som vara. Framlegget frå rådmannen vart samrøystes vedteke. Godtgjersla til ordførar vert sett til 90% av stortingsrepresentantane si godtgjersle. Ordninga vert gjort gjeldande frå Godtgjersla vert regulert årleg 1. mai. Ein legg då til grunn stortingsrepresentantane sin godtgjersle som var fastsett 1. oktober føregåande år. Saksordførar: Ole Kristian Nyhus Handsaming i Kommunestyret : Arne Vinje gjekk frå som ugild jfr. FVL 6, 2. ledd. Framlegget frå formannskapet vart samrøystes vedteke. Godtgjersla til ordførar vert sett til 90% av stortingsrepresentantane si godtgjersle. Ordninga vert gjort gjeldande frå Godtgjersla vert regulert årleg 1. mai. Ein legg då til grunn stortingsrepresentantane sin godtgjersle som var fastsett 1. oktober føregåande år. 8/11

9 PS 08/84 KOMMUNEDELPLAN FOR EV 134 VÅGSLID GROSTØL EIGENGODKJENNING RÅDMANNENS FRAMLEGG TIL VEDTAK: 1. Med heimel i Plan- og bygningslova 20-5, 2. ledd vert framlegg til kommunedelplan for Ev 134 Vågsli Grostøl datert eigengodkjent. 2. Planen vert vedteken med følgjande endringar: a) Formuleringa Alle forslag til planar innanfor området skal sendast fylkeskommunen til uttale, jfr. Kulturminnelova 9 vert teken inn i plandokumentet. 3. Nye tunnelar Røldal/Haukelifjell må realiserast i komande NTP-periode. Vinje kommune vil understreke den store og strategiske tydinga dette prosjektet har for transport aust-vest, for næringsliv og regionutvikling i store delar av Rogaland, Hordaland og Telemark, og ber Samferdsledepartementet og Stortinget sørgje for å få prosjektet med i komande NTP. 4. Vinje kommune går inn for at ein kan nytte brukarfinansiering til delfinansiering av nye tunnelar ved Røldal/Haukelifjell, og ber om at Statens vegvesen set i verk arbeid med sikte på å leggje fram forslag til bompengeordning så snart som mogleg. Rådmannen, Hans Kristian Lehmann, rådmann /s/ Handsaming i Plan- og miljøutvalet : Framlegg frå Frp v. Halvor Lognvik: Vinje plan- og miljøutval kan ikkje godkjenne denne planen. Her er det lange tunnelar i eit vêrhardt område. Plan- og miljøutvalet er svært opptekne av sikkerhet for trafikantane og kan difor ikkje godta tunnelar med møtande trafikk. Me må også ha ein annan bruk av massa enn det som er tenkt i framlegget. Plan- og miljøutvalet ynskjer møte med planleggar for å avklare sikkerhets- og kostnadsmessige spørsmål før utarbeiding av ny plan. Framlegget frå Lognvik fall med 6 mot 1 røyst. 9/11

10 Framlegget frå rådmannen vart vedteke. 1. Med heimel i Plan- og bygningslova 20-5, 2. ledd vert framlegg til kommunedelplan for Ev 134 Vågsli Grostøl datert eigengodkjent. 2. Planen vert vedteken med følgjande endringar: a) Formuleringa Alle forslag til planar innanfor området skal sendast fylkeskommunen til uttale, jfr. Kulturminnelova 9 vert teken inn i plandokumentet. 3. Nye tunnelar Røldal/Haukelifjell må realiserast i komande NTP-periode. Vinje kommune vil understreke den store og strategiske tydinga dette prosjektet har for transport aust-vest, for næringsliv og regionutvikling i store delar av Rogaland, Hordaland og Telemark, og ber Samferdsledepartementet og Stortinget sørgje for å få prosjektet med i komande NTP. 4. Vinje kommune går inn for at ein kan nytte brukarfinansiering til delfinansiering av nye tunnelar ved Røldal/Haukelifjell, og ber om at Statens vegvesen set i verk arbeid med sikte på å leggje fram forslag til bompengeordning så snart som mogleg. Saksordførar: Ingerid Hayes Handsaming i Kommunestyret : Framlegg frå Frp v. Halvor Lognvik: Vinje kommunestyre kan ikkje godkjenne denne planen. Her er det lange tunnelar i eit vêrhardt område. Kommunestyret er svært opptekne av sikkerhet for trafikantane og kan difor ikkje godta tunnelar med møtande trafikk. Me må også ha ein annan bruk av massa enn det som er tenkt i framlegget. Kommunestyret ynskjer møte med planleggar for å avklare sikkerhets- og kostnadsmessige spørsmål før utarbeiding av ny plan. Framlegg frå Ap v. Tor Strømme: Endring pkt. 3: 2. setning skal lyde: Vinje kommune vil understreke den store og strategiske tydinga dette prosjektet har for ein meir miljøvenleg transport aust-vest, for næringsliv og regionutvikling i store delar av Rogaland, Hordaland og Telemark, og ber Samferdselsdepartementet og Stortinget sørgje for å få prosjektet med i komande NTP. Ein sette fyrst framlegget frå plan- og miljøutvalet opp mot framlegget til Lognvik. Framlegget til Lognvik fall med 22 mot 3 røyster. Framlegget til Strømme vart samrøystes vedteke. 10/11

11 Framlegget frå plan- og miljøutvalet med endring frå Strømme vart vedteke. 1. Med heimel i Plan- og bygningslova 20-5, 2. ledd vert framlegg til kommunedelplan for Ev 134 Vågsli Grostøl datert eigengodkjent. 2. Planen vert vedteken med følgjande endringar: a) Formuleringa Alle forslag til planar innanfor området skal sendast fylkeskommunen til uttale, jfr. Kulturminnelova 9 vert teken inn i plandokumentet. 3. Nye tunnelar Røldal/Haukelifjell må realiserast i komande NTP-periode. Vinje kommune vil understreke den store og strategiske tydinga dette prosjektet har for ein meir miljøvenleg transport aust-vest, for næringsliv og regionutvikling i store delar av Rogaland, Hordaland og Telemark, og ber Samferdselsdepartementet og Stortinget sørgje for å få prosjektet med i komande NTP. 4. Vinje kommune går inn for at ein kan nytte brukarfinansiering til delfinansiering av nye tunnelar ved Røldal/Haukelifjell, og ber om at Statens vegvesen set i verk arbeid med sikte på å leggje fram forslag til bompengeordning så snart som mogleg. 11/11