Felles landbruksforvaltning for Lesja og Dovre ønskjer alle ein god sommar!

Transkript

1 Juni 2016 Innhold Prosjekt på mjølk og storfekjøtt status... 1 Nytt etter jordbruksoppgjeret... 2 Nye krav til plantevernjournal... 2 Produksjonstilskott i Jordbruket (PTJ) pr Kontroll... 3 Ny forvaltningsmodell frå IBU-midlar... 4 Rovvilt beredskap... 5 Rundballplast... 5 Oppgåvefordeling felles landbruksforvaltning... 5 Nye fjes på landbrukskontoret... 5 Felles landbruksforvaltning for Lesja og Dovre ønskjer alle ein god sommar! Prosjekt på mjølk og storfekjøtt status Vi har tidlegare informert om at kommunane i Nord-Gudbrandsdalen ville søkje på eit felles prosjekt med hovudmål å oppretthalde og styrke produksjonen av mjølk og storfekjøtt i regionen. Ein av bakgrunnane for prosjektet var utfordringar knytt til lausdriftskravet. Det vart i januar sendt søknad om midlar til prosjektet. Fylkesmannen fekk i år inn fleire store søknadar om midlar frå den same potten, og det vart tidleg klart at det ville bli vanskeleg å få den finansieringa det var søkt om. Samstundes presenterte Tine eit prosjekt dei ønskjer å gjennomføre knytt til dei same utfordringane. Dette opplegget er tenkt å famne alle mjølkeprodusentar (uavhengig av tilknyting til Tine eller ikkje), og alle kommunane i Gudbrandsdalen. På bakgrunn av signala frå Fylkesmannen valde kommunane i Nord-Gudbrandsdalen å trekkje sin søknad, og heller stille seg bak Tine sine planar. Vi håper og trur at prosjektet kan bli svært nyttig for mjølkeprodusentane i Lesja og Dovre! 1

2 Nytt etter jordbruksoppgjeret Nokre endringar knytt til produksjonstilskottet etter årets jordbruksoppgjer: Tilskot til bevaringsverdige husdyrrasar (vart bestemt i fjorårets oppgjer at dette skulle gjerast nasjonalt og bli ein del av produksjonstilskotsordninga) o Tilskot til bevaringsverdige sauerasar kjem no inn på søknaden om produksjonstilskot, og utgår difor frå regionalt miljøtilskot. o Kjem og inn tilskot til bevaringsverdige rasar av geit og hest. Storfe som før på produksjonstilskotssøknaden. o Krav til registrering (Sauekontroll, Ammegeitkontroll, stambokføring og hestepass) Noko auke i tilskot til dyr på utmarksbeite o Departementet har varsla at dei vil kome attende til moglege forenkling i beitetilskota Satsen for kulturlandskapstilskot vert redusert; førebels sats er 172 kr/daa Auka satsar for økologisk husdyrproduksjon og for areal brukt til økologisk produksjon av grønsaker, frukt, bær og poteter. For bevaringsverdige storferasar vert kravet til maksimalt kalvingsintervall auka frå 15 til 18 månadar Reduksjon i satsane for avlsgris og slaktegris Nye krav til plantevernjournal Kravet til miljøplan vart som kjent fjerna for eit par år sidan. Ein del miljøkrav består imidlertid, og for å kunne søkje regionalt miljøtilskot og for å kunne få fullt produksjonstilskot er det eit krav å ha gyldig gjødselplan og plantevernjournal. Ny forskrift om plantevernmidlar trådte i kraft 1. juni 2015, og det er frå 2016 nye krav til plantevernjournal. Denne skal innehalde sprøytejournal, journal om beskyttelse av vassmiljø og journal om integrert plantevern. Sprøytejournal skal ha opplysningar om følgjande: o Namn på plantevernmiddelet, og dosering o Tidspunkt og område for behandling o Kva vekst som er behandla Journal for vassbeskyttelse: o Her skal det beskrivast buffersoner til overflatevatn og avstand til eventuelle drikkevasskjelder i nærleiken. Vidare kva tiltak som eventuelt er gjort for å avgrense skade. Journal for integrert plantevern: o Beskriving av kvifor det aktuelle preparatet er vald framfor andre preparat o Kvifor det ikkje er vald ikkje-kjemiske metodar o Kva overvaking som er gjort av skadegjerar før sprøyting, og eventuelle førebyggjande tiltak som er gjennomført 2

3 Produksjonstilskott i Jordbruket (PTJ) pr Kontroll I samband med søknad om PTJ skal kommunen gjennomføre kontroll av 5 % av alle føretak som søkjer tilskott. Retningsliner for uttrekk til kontroll fortel oss at uttrekket skal vera risikobasert; det vil seie at uttrekket skal rette seg mot tilskottsordningane med størst risiko for feil i søknader, og der slike feil gjev størst økonomisk konsekvens. For kommande søknadsomgang har landbruksforvaltinga i Lesja og Dovre mellom anna vald å setja fokus på tilskott til beite og til utmarksbeite. Dette er tilskottsordningar som det er svært krevjande å kontrollere. Uttrekk av føretak som skal kontrollerast blir gjort etter at vi får oversikt over søkjarane når søknadsfristen har gått ut. Vi minner difor alle som søkjer tilskott på desse ordningane om å gjera gode noteringar på kor mange dyr dei til ei kvar tid har som går på beite/utmarksbeite. Landbruksforvaltinga vil gjennom sommaren gjennomføre generelle synfaringar med tanke på kontrollane som skal gjennomførast til hausten. Meir om kva kriteria som skal oppfyllast for å kunne søkje på beitetilskotta finn du her: Frå rundskriv : I jordbruksavtalen brukes formuleringen hoveddelen av det daglige grovfôrinntaket til dyret skjer ved beiting av utmark eller innmark med tilfredsstillende beitemuligheter. Dette betyr at mer enn halvparten av fôret må komme fra beite. Resten kan være tilkjørt gras eller innhøstet grovfôr. Kommunen bør også vurdere om beitearealene tilfredsstiller jordbruksavtalens krav til tilfredsstillende beitemuligheter for det antall dyr som er oppgitt i søknaden om produksjonstilskudd. Praksisen med at melkekyr går på beite om dagen og holdes inne om natta, er ikke i strid med intensjonen for tilskudd til dyr på beite. Frå rettleiingsheftet for søkjarane: Dyr på beite i minst 12 eller 16 uker (kode 411, 422, 487, 488, 445, 455, 480, 481 og 486) Med beite menes i denne sammenheng både utmarksbeite, innmarksbeite og beite på overflatedyrket eller fulldyrket jord. Før opp dyrene som i løpet av beitesesongen går minst 12 eller 16 uker på beite. Kravet om 16 uker på beite gjelder søkere med driftssenter i sone 1-4, mens kravet om 12 uker på beite gjelder søkere med driftssenter i sone Dyr på utmarksbeite i minst 5 uker (kode 410, 420, 431, 432, 440 og 450) Før opp antall dyr som i løpet av beitesesongen går minst 5 uker på utmarksbeite og som har hoveddelen av det daglige grovfôrinntaket fra beiting av utmark. Melkesau kan føres opp på lik linje med øvrig sau. Merk at det for all sau skilles mellom voksne dyr over ett år (kode 431) og lam (kode 432). Frå forskrift om produksjonstilskott og avløysartilskott: 3.Tilskudd til husdyrhold Det kan gis tilskudd for husdyr eller bikuber som foretaket disponerer på det tidspunkt eller i den perioden som fremgår av jordbruksavtalen. Det kan i tillegg gis driftstilskudd til foretak som driver: c) dyr på beite, dersom hoveddelen av det daglige grovfôrinntaket til dyret skjer ved beiting i minimum 16 uker i sone 1 4, og 12 uker i sone 5 7, d) dyr på utmarksbeite, dersom hoveddelen av det daglige grovfôrinntaket til dyret skjer ved beiting i utmark i minimum 5 uker. 3

4 Ny forvaltningsmodell frå 2017 Det har tidlegare vore varsla at forvaltninga av produksjonstilskotsmidlane vil bli lagt om. Dette vil tre i kraft våren Den nye modellen vil innebere ny søknads/registreringsdato og berre ei utbetaling i året. Ny modell i korte trekk: Søknads-/registreringsfrist dyretal 15. mars med teljedato 1. mars Søknads-/registreringsfrist beite, bevaringsverdige husdyrraser, areal, avløysing 15. oktober, med teljedato 1. oktober. 14 dagars frist (etter søknadsfristen) for eventuell korrigering av søknad (utan trekk på kr 1000 pr dag) Frist 10. januar for korrigering av avløyserutgifter Utbetaling vil truleg bli i februar Nytt elektronisk søknadssystem 2017 vil vere eit overgangsår, og vil avvike noko frå det over: «Ordinær» søknad 20. januar, med teljedato 1. januar, slik som no. Utbetaling i juni Søknads-/registreringsfrist 15. mai, med teljedato 1. mai (dette er den søknadsomgangen som frå 2018 vil vere i mars). Som skissert over frå oktober. Landbruksdirektoratet vil sende ut og legge ut informasjon både om ny forvaltningsmodell og nytt søknadssystem etter kvart. Dei vil og få inn informasjon i diverse landbrukstidsskrift. Søknadsomgangen i august 2016 og søknadsomgangen i januar 2017 vil altså gå som vanleg. IBU-midlar Det er i år innsendt totalt 12 søknadar om IBU-midlar frå Lesja og Dovre. Det har vore søknadar både på utbygging/utviding av mjølkeproduksjon, nybygg, ombygging av sauefjøs og tilleggsnæring. Totalt hadde søknadane ei kostnadsramme på 48 millionar kronar. Så langt har 7 søknadar fått midlar frå Innovasjon Norge. IN sin pott til IBU-tilskot til tradisjonelt landbruk er no heilt tom. Det er att ein liten rest til tilleggsnæring. Om denne ikkje vert brukt, pga mangel på søknadar, kan midlane omdisponerast til tradisjonelt landbruk; men dette skjer fysst i november. I realiteten vil såleis desse eventuelle tilleggsmidlane bli brukt i Nytt i år er at Innovasjon Norge vil opne for innsending av søknadar frå 1. oktober. Det vil og kunne kome ein siste frist for innsending; denne vil i såfall truleg bli om lag 1. februar. Det er viktig å merke seg at søknadane ikkje vil bli behandla hjå IN før dei har fått neste års midlar. Det er uvisst kor tidleg dette vil bli for Maksimalbeløpet for tilskot vart frå og med 2016 sett til kr 1 million, og ordninga med rentestøtte for lån falt bort. Vi veit at ein del går med planar om bygging; og oppmodar alle som ønskjer å søkje IBU-midlar til prosjekta sine om å ta kontakt med felles landbruksforvaltning så tidleg som råd, for å kome i gang med søknadsprosessen i god tid. Moglegheita for å starte med byggeprosjektet før søknad om IBU-midlar er behandla (såkalla igangsettingsløyve) har falt bort; og prosjekt som er påbyrja vil ikkje kunne få tilskot frå IN. 4

5 Rovvilt beredskap Vi minner om at ved observasjonar eller funn av sporteikn av ulv eller bjørn, ved funn av kadaver/skadde dyr er det viktig at både SNO/lokal rovviltkontakt og kommunen vert varsla. Rovviltkontaktane er: Kari Svendsgard Mobiltlf: Atle Erik Berget Jon Nørstebø Asgeir Myhrmoen Beiteslepp i utmark Landbrukskontoret har fått spørsmål om fastsetjing av sleppedato for dyr i utmark. Dei siste åra har Lesja kommune sett ein rettleiande dato for slepp på utmarksbeite utanom allmenningane. I Dovre kommune har ikkje kommunen vore involvert i slik tilråding. I år vart utmarksbeitet svært tidleg klart til å ta imot beitedyra, med det tidlegaste beiteslepptidspunktet på svært mange år. Det er som regel stor geografisk variasjon i kva som er lagleg sleppdato rundt om i kommunane våre. Beste praksis for fastsetjing av beitesleppdato er truleg samråd i beitelaga. I statsallmenningane blir sleppetidspunktet for både sau og storfe bestemt av styret i dei einskilde laga i samråd med fjellstyret. Det er viktig at grinder blir stengde og at gjerde mot utmark, jernbane og veg blir sett i stand før dyr blir sleppte på beite. Rundballplast Som tidlegare år har felles landbruksforvaltning også i år gjennomført såkalla «Plast-befaring» i Dovre og Lesja. Desse synfaringane tek for seg heile bygda, ikkje enkeltplassar. I etterkant av synfaringane har det blitt sendt ut brev til nokre grunneigarar der ein har sett at det har vore ein del plast på avvege osv. Vi ser at det fortsatt er ein del utfordringar med rundballplast på avvege, men meiner og å sjå ei betring. Vi vil nok ein gong oppmode alle som nyttar rundballplast til å lagre denne forsvarleg, og levere på miljøstasjon for korrekt handtering. Elles minner vi om at gamle rundballar som ikkje skal nyttast til dyrefôr, må få fjerna plast og nett, slik at dei kan komposterast. Oppgåvefordeling felles landbruksforvaltning Vi nytter høvet til å minne om at vi på landbrukskontoret har fordelt arbeidsoppgåvene mellom oss utifrå dei ulike fagområda. Korleis oppgåvene er fordelt vil sjølvsagt forandre seg over tid, men det er greitt å vite at oppgåvene er fordelt på tema og ikkje geografi (dvs: alle har ansvar og oppgåver innanfor sitt fagfelt i begge kommunane). Nye fjes på landbrukskontoret Valeria Khvalynskaya er tilsett som vikar for Kari Anette Austvik som er ute i permisjon. Valeria tok til i jobben 18. april. Ho vil mellom anna jobbe med BU-saker, SMIL-tilskot, produksjonstilskot og dreneringssaker. Ellen Sørumgård Syse sluttar 1. september. Stillinga er utlyst, med søknadsfrist 13. juli. Vi håper at ny medarbeidar er på plass til september. Takk for godt samarbeid gjennom fleire år både på Dovre og på Lesja! Eg har stor trua på framtida for landbruket i bygdene våre! Oss tålåst! Ellen (døkk finn me i saufjoset!) 5

6 6